令和居酒屋

今次order刺身,牛扒,燒物,等
食材新鮮,特別係油甘魚剌身厚切,三片$27厚切的油香濃又鮮甜必食
味噌蠔鍋亦建議Order,蠔味夠鮮隻數足,感覺返本
其他的料理如燒物亦交足貨,助酒一流
旺角區值得推介的居洒屋

窩夫與蝦子餅最近在旺角試了開業幾個月的令和居酒屋，平日晚市座無虛席，建議大家光顧前先訂位。

踏入居酒屋，店員打鼓歡迎，很有氣氛。一坐下來，另一店員便送來前菜，效率。前菜是可以生吃的日本椰菜，蘸少許沙律汁來吃，特別滋味。

去居酒屋但窩夫與蝦子餅不喝酒，分別點了蜜桃乳酸梳打($28)和巨峰提子乳酸梳打($28)，少冰少甜正合窩夫與好友的口味。

味醂日本雞泡魚乾($88) 不會燒得太乾，比平日吃的雞泡魚乾濃味，可能因為加了味醂。

麥粒味噌青瓜($38)並不是常見的小食，窩夫很有興趣一試。青瓜新鮮爽脆，麥粒味噌稍嫌不夠，味道可以再濃一點。

光顧當晚很多食客都點令和玉子燒($28)，玉子燒的甜度適中，質地濕潤，難怪那麼受歡迎。

最期待的石板上燒來了，石板燒可選美國安格斯扒、澳洲M6和牛、日本M5和牛或海鮮盛盤。窩夫與蝦子餅點的是日本M5和牛，200克售238元。

不用自己動手燒，店員會效勞，如有需要，還會提供圍裙，不怕弄污衣服。

和牛的油脂偏多，燒過後充滿油香，肉質軟滑。

石板燒可加20元追加蟹膏飯、野菜沙律和味噌湯一份。

味噌湯不會太鹹。

白飯上放了蟹膏和飯素，味道很豐富，單是這碗蟹膏飯也不只20元吧。

後加了一輪燒物，什菌牛油錫紙燒($48)份量足，調味做得不錯。

燒和牛舌($38)十分厚身，鹽燒雞軟骨($22)不會燒得過乾。

今日同老公黎左一間超黃既居酒屋，亦都係朋友推介我地黎。一入餐廳，侍應會擊一下鼓，好有日本feel

餐廳種類多元化，一品、壽喜燒、炸物、前菜小食、沙律、燒物、刺物、丼、石板燒，石板燒分唔同gram 數，最平$108蚊100g就可以食到M6和牛啦，好抵食。

四色刺身拼盤（$126）
有三文魚、油甘魚、石蝦、吞拿魚各3片，刺身非常新鮮，而且仲要係厚切，由其油甘魚，魚肉細緻甘甜，另外石蝦亦係我至愛，蝦肉鮮甜爽口

石板燒-日本A5和牛100g（$128）
侍應幫我地燒至5成熟，日本A5和牛油花細緻均勻，入口軟嫩。

日式炸雞（$48）
每次去餐廳都會必點，炸得不會太乾，而且雞肉嫩滑

燒冰火菠蘿（$28）
好正既一款甜品，菠蘿一早已經冰好，再係菠蘿上加上糖水，要用火槍燒蕉糖水，最正就係出面個層糖，菠蘿鮮甜多汁，又凍又熱，冰火交融的口感

蜜桃乳酸梳打（$28）

乳酸燒酎梳打（$48）
乳酸味濃，好易入口，好岩女士飲，唔經唔覺飲晒成杯

餐廳位於旺角洗衣街，這裡有新裝修，門外日式紙燈籠好靚誘人。門口放了一個鼓，每當有客人進來時，店員就會把鼓敲響，氣氛很好。

我哋四個人食，食套餐最抵，便叫了一個【特選四人前石燒、火鍋套餐】，個餐好豐富的，有沙律、前菜、天婦羅、燒物、石燒肉、火鍋，同埋茶漬飯。

前菜可以選兩款，我哋選了和牛他他其及枝豆。

枝豆類似荷蘭豆，用鹽焗熟，味道鹹鹹地，食落都OK。

和牛他他其係和牛片包住啲蔬菜，食落都覺得幾特別。

今晚的沙律提供了蟹籽豆腐沙律，這種沙律對大家來講唔陌生。芝麻醬和嫩滑豆腐好夾，好好食。

什錦天婦羅有大蝦、茄子、秋葵和南瓜，即造即炸，熱辣辣，好好食。

再來的是主角之一的安格斯肉眼石燒。店員set up 咗兩個熱石爐，慢慢將切開咗的肉眼扒分別放在兩個熱石爐之上。肉眼扒的油脂頗為豐富，所以燒的時候，佢本身的油脂溶了出來，所以我哋無須加油便可以燒熟佢來食。

好快好快，每邊燒一燒，就食得。雖然牛扒好厚身，但肉質係好嫩的，點咗啲秘製燒汁一齊食，無得彈。

之後，上來的是燒廣島蠔，有芝士一齊燒，食落得別香，而且好juicy。

大阪燒軟軟腍腍的，又幾香口。

另一個主角又出場，係安格斯牛火鍋。我哋選咗豬骨湯底。個鍋好大，好多材料，碟牛肉份量亦唔嘢少。起初有點擔心會食唔晒，但係食下傾下又俾我哋食晒，原因極可能係呢度的環境氣氛都很好。

最後是食茶漬飯。店員會倒啲湯 (似是鰹魚湯) 入去碗飯，等三數分鐘，讓啲飯變腍，然後加些wasabi，咁樣食，似食湯飯，都幾好味。

餐廳氣氛很好，食物份量足夠大，食物味道很好，服務也很好。強烈推薦！

店雖小，但氣氛很可愛，人們很喜歡。鐵板牛肉很好吃！清酒很划算。

地道懷石料理😋
今日同朋友講起日本懷石料理，朋友就諗起這間小店，我地就相約試一試港版嘅味道🤓

一黎到這間店就有一種去左日本居酒屋嘅感覺，小店以日式節慶燈籠作為裝飾。好靚🥰全店都以木材作為餐椅嘅主調。每次有客人光臨，店員都會敲響大鼓，氣氛好好😌

餐牌方面，以燒物為主，都有刺身丼飯😋我地當然選左最似懷石料理嘅松套餐😍

是日沙津係日本椰菜加上小店嘅秘制汁😊味道好fresh 幾開胃。仲有車里茄加豆腐，豆腐好滑，凍凍地幾開胃😆

前菜我地揀左日式炸雞🍗，同和牛他他☺️
日式炸雞🍗炸得岩岩好，keep 到肉汁。
和牛他他，係薄燒和牛，配上黑松露醬，加埋醃洋蔥一齊食好夾。

天婦羅🍤有炸蝦，秋葵同茄子，炸到脆卜卜，唔會好厚粉🙊幾好味😋

主角A5和牛終於出場❤️和牛油脂分布好均勻，顏色仲好靚，店員仲親自為我們燒，我地要左6成熟，店家係用熱石去燒，都好特別。食落香香，和牛肉質嫩嫩👍🏻😋

蟹羔蓋飯，我地將蟹羔拌勻之後，食落啖啖都有蟹羔鮮味。

海鮮鍋物，有海蝦，4隻大蜆同2隻大蠔。我地揀錯左壽喜燒湯底所以做唔到什炊，店員貼心換左上面嘅蟹蓋飯比我地☺️壽喜燒湯底好香，甜甜地，海蝦好彈牙，仲開左邊，好容易食👍🏻😌大蜆同大蠔都好鮮味😋

飲品方面，我地要左一杯巨蜂提子🍇乳酸同荔枝乳酸，2杯野飲都好重水果味🥰

大家如果想試港式懷石料理，可以試一試這店🥳店員服務仲好好，餐碟同碗都好精緻👍🏻

有氣氛嘅居酒屋

今日同老婆嚟到呢度拍拖，一入門口個侍應就吼鼓聲一下，感覺自己真係去咗日本嘅居酒屋，裝修亦好日式style，餐牌選擇亦多款式，花多眼亂，最後揀咗個 ‘梅’套餐。

頭盤芝麻醬豆腐沙律，水準唔錯。

前菜有兩款可以揀，我哋揀和牛他他其同日式炸雞。和牛他他其牛肉質素幾好，2成熟左右，有口感。

日式炸雞外脆內軟，炸到啲雞皮都唔會覺得太肥膩。

串燒點了有白蔥豚肉串同鹽燒雞翼，都係居酒屋嘅大路選擇，餸酒一流。

四色刺身拼盤每糭刺身有三件，油甘魚同甜蝦都好高質素，甜蝦好大隻又鮮甜。

石燒澳洲和牛牛肩脊係自己煎自己控制生熟程度，牛肉炆理清晰，唔會太多脂肪太肥膩，煎起上嚟牛味好香，有啲我今天五成有啲七成熟，我發現七成熟口感更好更淋。

雜錦天婦羅炸得最好都係大蝦。

蟹膏飯份量都幾多，我就差啲食唔晒啲飯啦。

幻彩藍蝶花檸檬梳打未加檸檬水之前係深藍色，我加檸檬水後馬上變咗粉藍色，都幾夢幻。

早兩日聽同事講最近旺角有間居酒屋唔錯🤔, 不過經常爆滿所以小妹就book左枱今晚試試佢😋🙊, 果然去到果陣已經勁多人等緊, 好彩book左枱🤘🏻😂 餐廳嘅裝潢仿效左日式居酒屋咁, 天花仲掛左d特色燈籠🏮, 令成個氣氛都更加濃厚😊
📍前菜🥗
一坐底店員會先比一碟椰菜同醬汁比你邊食邊睇餐牌, 小妹極度中意食日式嘅椰菜沙律, 每次都食唔停口😂 幾中意E到一嚟到就比一碟你過下口癮先😋， 椰菜爽脆, 水份飽滿, 加埋咸咸地嘅醬汁, 非常開胃!
📍梅酒🥃
嚟居酒屋又點少得飲番杯呢😂😌 我地叫左個梅酒放題🥃, 梅酒酸中帶甜, 冰量唔會太多岩岩好!
📍清酒廣島生蠔🍶
一上枱就聞到陣陣濃郁嘅廣島生蠔香味, E個係一款cocktail蠔嚟, 食法係將生蠔放入清酒入面等一分鐘, 之後就可以食, 最後干埋杯蠔酒🍻! 廣島蠔十分肥美, 而且浸左清酒之後不但無蓋過左佢本來嘅鮮味, 仲令鮮味更突出, 清酒少少嘅苦澀味令整個味道層次提升, 好好味, 極度推介!👍🏻👍🏻😋🤤
📍燒雞皮（上）
燒雞皮燒得幾脆幾香口, 咬落去有微微嘅油份溢出, 味道唔錯!😊
📍燒雞軟骨（下）
燒雞軟骨味道正常, 不過不失!
📍牛肉可樂餅🐂
新鮮炸起嘅可樂餅, 色澤金黃, 十分香脆, 入面熱辣辣🥵, 牛肉味香濃, 味道唔錯而且都幾大件!😋
📍燒豬仔骨🐖
豬仔骨燒得好香, 肉質唔乾, 骨肉容易分離, 除左外層, 連內層嘅肉都十分入味!
📍免治和牛秋葵天婦羅🍤
E個天婦羅嘅配搭幾特別, 小妹都係第一次試, 秋葵入面壤左免治和牛, 本身秋葵嘅口感都已經幾特別, 加埋少少juicy嘅免治和牛🐂, 令整體口感幾豐富, 味道意外地夾!😊
📍石燒美國安格斯牛扒🐂
店員上枱果陣會為你開爐同擺上去燒, 而且會因應你想要幾多成熟而話比你知大約每面燒幾耐⏳! 牛扒肉味香濃, 油脂豐腴, 肉質軟腍, 好好味🤤🤤
📍自家味噌湯🥣+野菜沙律🥗+蟹膏飯🦀🍚
蟹膏飯🦀🍚
石燒牛扒加20蚊就可以跟餐有埋味噌湯🥣, 沙律🥗同蟹!膏!飯! 極度推介🤘🏻, 必點之選👍🏻!! 熱辣辣嘅米飯撈埋d蟹膏醬😋🤤, 食落口嘅每一啖飯都怖滿左濃濃嘅蟹味同一點咸香, 非常非常之幸福!! 總結:食物質素非常高質😋, 環境氣氛十分好, 店員嘅服務態度良好, 價格唔貴而且好多野食都有驚喜, cp值極高! 走嘅時候已經有一大條龍等緊, 建議預約左先!

呢間位於旺角嘅居酒屋最近幾有人氣，有好多捧場客呀，果晚去到都座無虛席，出面有人等緊位～
好在上菜速度快呀👏🏻
.

清酒廣島生蠔 $56/2隻
估唔到咁大隻呀！😳有驚喜😍重點係夠新鮮👍🏻店員有同我哋講解特別食法，就係放生蠔落杯清酒浸大概一分鐘，之後食得！生蠔多咗份清酒味，好特別呀！鍾意飲清酒嘅朋友可以飲埋杯清酒呀～生蠔好厚肉，好正！🤤下次會再嚟食👍🏻
.
和牛鍋燒烏冬 $98
牛肉好厚，牛味幾濃，有溫泉蛋！烏冬好味😋
清酒煮蜆 $68
蜆肉大大隻又新鮮！冇沙👌🏻不過清酒味唔夠濃郁🙈勝在價錢合理，算抵食呀～
燒和牛他他 $78
幾特別嘅菜式，幾好食，有好多黑松露！
五色刺身 $188
呢五款刺身都係我一向鍾意食的😋刺身夠新鮮，幾厚切👏🏻最正係牡丹蝦！好肥美🤤
令和魚生丼 $188
師傅話冇晒海膽，轉多一粒帶子🙈呢個丼有好多唔同嘅刺身，好足料，夠晒飽肚🤣
.
巨峰提子乳酸梳打 $28
熱情果乳酸梳打 $28
兩杯都好飲！我覺得熱情果味果杯更好飲🧡

可能係香港最好既居酒屋

我最喜歡就是居酒屋的環境
一班人聚在一起傾下計食下好東西

呢間有任飲清酒梅酒 更係要暢飲一番

刺身
刺身呢度有幾款, 都係定食來的, 只是件數的分別
不過不失, 我最喜愛的就是新鮮的牡丹蝦
超鮮嫩多汁

燒鳥拼盤
黎居酒屋就是要吃串燒, 諗唔到食咩最好就係食呢個拼盤
咩都有可以咩都試到!!

基本上包括的都是熱門款
我最喜歡的就是這個雞軟骨, 燒到卜卜脆

日本A5和牛
呢個真係超超超超超超推薦!!!
真正的A5和牛
看這個紋路就知是多麼的好吃!!!!

還有店員在我們面前燒來吃
那種油香!!! 到而家我都未能忘記!!

我選了5成熟

超超超好味!! 入口即溶的口感就是爽!!

玉米
成條過的玉米 特別有風味, 邊吃玉米邊飲酒可以話係超爽的一件事

近幾個月來都甚少在旺角飲食
友人便大膽來旺角的居酒屋GATHERING

回帶發現，此居酒屋是今年日本更改年號後不久新開張的
大概是這個契機才會命名為令和居酒屋，相當特別

店內充滿日式感覺， 七彩繽紛的達摩燈籠高高懸掛，十分可愛

Asahi啤酒 $48/300ML(晚上九時後+$48任飲)
來到居酒屋怎可以不飲酒？
晚上9時後加$48任飲是十分化算，尤其適合本人這種酒鬼

日本枝豆 $28
下酒不可缺少的小食之一，而且高纖健康
很適合作為餐前小食

味醂日本雞泡魚乾 $88
另一款下酒名物， 魚乾口感偏柔軟，味道帶點甜
若在居酒屋不點，簡直是枉費居酒屋之行

大阪燒 $78
這是新item，看見寫在黑板上，點來試試
面上佈滿大量木魚絲、大阪燒醬和沙律醬，如果有海苔粉就更好了
貼心地以切成4等份， 內裡有不少彈牙的墨魚粒
不是只有麵粉質感，是高質的大阪燒

野菜天婦羅 $58
款式有秋葵、番薯、蔥白、茄子和南瓜
炸衣很薄， 口感香脆
值得一贊是蔥白炸得熟透，沒有辣味只有蔥的香甜，不錯

鹽燒雞軟骨 $22、燒和牛舌 $38、鹽燒雞皮 $22
雞軟骨比一般的大件，口感清脆
友人稱牛舌厚肉彈牙，至於雞皮則香而沒有油膩感
三款串燒質素也很好

總括而言，「令和」有美麗和諧一意
以這詞形容這裡的食物質素也不為過份
店員態度殷勤，繁忙時漏單也是能夠理解的
溫馨提示，晚飯時段人數較多，可以訂位的話預早卜較好喔

總結咗先，超值得推介！完全超出預期！

食之前喺Google Maps睇過，喺旺角區居然有4點幾分評價接近滿分嘅餐廳，原本覺得伏伏地，點知原來食物質素真係咁好。價錢唔係平，不過食物質素真係對得住呢個價錢。

日本A5和牛鐵板燒：超好味，肉質勁鬆化，好有油脂香味，完全超出預期，估唔到係現場上枱即燒，超正

吞拿魚刺身：好鬆化，真係好似新鮮嘅肉質，會溶化嘅

串燒鰻魚：又係好好味

天婦羅：油左啲，外面脆皮比較實淨嘅做法，我鍾意乾身啲同鬆化啲；不過蝦天婦羅好有蝦味

我們選了一個二人餐，
這個二人餐$488，有齊了刺身，前菜，串燒，燒牛肉，天婦羅，
把所有日本好美食都包了。

而且像我有選擇困難的人，最好就是點套餐，每樣都可以吃。
前菜串燒都可以自選兩樣，
前菜選了面鼓青瓜，及日式炸雞，前菜的份量比想像中多，
日式炸雞沒有厚厚的炸粉，只有薄薄一層包住，
更加吃得出雞肉的鮮嫩，而不會吃到一口都是粉。
青瓜作為前菜十分開胃，為之後的美食作好準確。

串燒選了煙肉金菇串，鹽燒雞翼。
全部都是新鮮燒起，少量的鹽已經將雞翼燒得好好吃。煙肉包著金菇再加上外面一層燒汁，
實在是好香，而且一咬一下，十分爽口。

天婦羅拼盤有炸蝦、南瓜、茄子等等。
炸的時間掌握得好好，表面脆，裡面熱熱，而且不會炸到乾，配上天婦羅汁，就是好吃。蝦裡面的肉質還是很軟。

刺身拼盤(三文魚、油甘魚、吞拿魚、甜蝦)
份量可不少，不是只有一片兩片。
而且是厚切，每片都相當新鮮，而且色澤鮮明。
新鮮的刺身就是好吃，一入口都是鮮味。

鐵板鹽燒美國安格斯肉眼
餐廳是會拿出來在你眼前燒的喔!!!!!
一塊鮮紅，肥瘦分明的肉眼，在師傅協助下放上石板燒熟，

而且店員很好，這個可以有油煙，都會提供圍裙，看見我這邊手忙腳亂，都會自動幫手燒。自己可以決定要幾成熟。建議每邊燒20秒，然後加上醬汁，就馬上可以吃。

配上蟹膏飯，這個蟹膏飯配牛肉，牛肉一咬開，肉汁湧出，而且不會硬，牛肉味濃。喜歡它的厚切，又大片，又厚，一咬開的香味很強。

最後叫了2杯非酒飲品，芒果乿酸蔬打，還有藍碟花檸檸特飲。超好的一餐，烤雞，刺身、燒牛，一個餐就食到。

好有驚喜既居酒屋

今日行足一日街，整個旺角都幾乎行晒，於是我們打算早點食晚餐，再回家休息。在旺角東火車站附近，我們經過見到有間日式居酒屋，門口掛着大量日式燈籠，吸引著我們兩個。行近一點，居酒屋的名字叫「令和居酒屋」。相信大家都知道，「令和」是日本今上天皇德仁的年號，亦是日本現行使用的紀年稱號，選自日本古籍《萬葉集》當中的詩句「初春令月，氣淑風和」。「令和」年號於2019年5月1日正式啟用，所以我們猜想這間居酒屋應該是去年開張的。

「令和」內裡亦保持日本居酒屋的特色，門口放置一個日本鼓，有食客進內時就會擊鼓歡迎，而且牆上亦裝上很多有日系元素的貼紙，令人能感受到在日本的感覺。

居酒屋，當然是要食多一些不同的日式食品。所以我們都是主要點多款式，貴精不貴多，務求能點到包羅萬有。

⍉ 1. 梅干威士忌梳打（Highball）
係居酒屋，飲品方面一定要飲「Highball」，其實就是威士忌梳打。以梳打混上威士忌，真是日本人才想到。令和有不少味道的Highball，我就點了一個比較重日本風味的梅干威士忌梳打。以日本梅干作為威士忌梳打的基調，第一口能飲出梅干的鹹梅味，再而有些少酸感，這種味道與whiskey 的酒味寧捨匹配，相對地將烈酒的嗆味帶至有梅干的鹹味，而又不失威士忌的風味。

⍉ 2. 熱情果乳酸梳打
朋友不太飲得，所以就點左杯熱情果味乳酸梳打。她覺得乳酸味還好，熱情果亦不會過酸，酒精類飲品以外可以一試。

⍉ 3. 令和玉子燒
首先食些前菜開開胃，實在太耐沒有食過玉子燒，所以第一時間先點一份。熱辣辣的玉子燒配上日式醬油，蛋香味再略帶點甜味，非常開胃。

⍉ 4. 串燒
居酒屋必點的當然少不免日式串燒。我們本身見到有串燒拼盤，但還是散叫更適合我們口味。令和的必食串燒，我會推介「日本黑毛和牛串」、「燒和牛舌」。這裡的和牛味道吃得出不是便宜質素，而且兩串的和牛串都燒得恰到好處，店員一放桌時記得要趁熱食，特別是和牛，一咬落去入口即溶，和牛的肉汁彈撥出來，令人回味無窮。另外我們亦點了「雞軟骨串」和「鹽燒雞翼」。價錢方面還算可以，是和牛外的肉類選擇。

⍉ 5. 三色刺身盤
刺身類則點了份三色刺身，包括有三文魚、油甘魚及吞拿魚各三件。這三款當中，我和朋友一致認為油甘魚是最出色的，味道上較鮮甜肥美。想平平地食件刺身，我就推薦單點油甘魚刺身。

⍉ 6. 石燒A5日本黑毛和牛（100G）（套餐加蟹膏飯、野菜沙律及自家味噌湯）
最期待的就是石燒A5日本黑毛和牛，由於我們之前已經食了和牛串燒的關係，所以我就點了一份100G 的份量來嘗嘗。店員將整塊石板燒放低後，原來他亦會幫我們燒埋，這樣更好，可以避免我們將和牛燒得過熟。店員熟練的手勢，將和牛一片片地在石板上烘燒，加上兩塊小蔥，大概見到牛肉沒有太多的血紅色後就可以起碟。餐廳還提供了海鹽以作調味，A5和牛果然質素超佳，和牛在店員的烹燒下火爐控制得沒問題，入口即溶，和牛的味道好食得令人無法拒絕。

另外，石燒牛還可以加$25添上蟹膏飯、野菜沙律及自家味噌湯。不用多說，這個價錢不加配的話會有點不合理。蟹膏飯做得一流，可以見得出是真材實料，飯上不是一丁點的蟹膏，誠意十足。

到7點多時，「令和居酒屋」都幾乎已經滿座，大受歡迎。如果是繁忙時段食的話，真的先是訂座呀！

食黃店已經成了習慣：)

味噌廣島蠔鍋❣️好有驚喜
有8隻蠔，隻隻脹卜卜，好味～
鍋中的烏冬係另加的，好滑呢～（食左少少先記得影相😅抱歉，搞到賣相唔好）

放工近近地在旺角一聚，試下新餐廳令和。因為放工有點晏，所以正好趕上這裏9點後$48任飲梅酒。

先來了一客令和魚生丼和蟹膏飯，份量不算很大，可是魚生就每樣都有一啲，蟹膏飯就加$20跟石板燒和牛套餐送的，有淡淡芝麻香。

牛脷係我最愛，鰻魚醬汁好惹味，芝士豚肉串入面係流心芝士，好邪惡！羊排大大份，雖然略乾，但羊羶味不重，啖啖肉。油甘魚鮫好大份！燒得焦香，。

當然唔少得石板燒A5和牛！厚切的和牛大大塊，好靚。放係燒得滾燙的石板上，牛肉的油脂，滋滋作響，帶着牛香的白煙徐徐飄出，令人垂涎三尺！

這個牛肉燒得兩面焦黃，入面應保持嫩紅，配白飯食是最佳配搭。

最後黎多個和牛壽喜燒，一大盤蔬菜，有生菜、蘿蔔、冬菇、金針菇等，配上一大碟紅卜卜的牛肉。天氣轉涼，食完成個身暖晒。

性價比略高於平均水平

週末就想去日式居酒屋放鬆一下，今次就來到位於旺角的令和居酒屋。

店內面積雖不大，但裝潢走居酒屋格局，帶點日式復古懷舊的氛圍。

餐牌選擇極多，看得人眼花撩亂。

點菜後就有意外驚喜，侍應突然送上一小碟費用全免的日本椰菜。

令和玉子燒 $38

玉子燒將蛋漿層層捲起，每一口裹滿濃郁蛋香，厚切堆疊的蛋皮帶來綿密彈性。

玉子燒吃下有厚實的質感，享受香甜蛋香的滋味。

燒鮮鰻魚串 $48

鰻魚淋上鹹香帶甜的醬汁，被炙烤得油香四溢。

味醂日本雞泡魚乾 $88

雞泡魚乾燒得微焦，鮮甜可口，一點也不腥。

質地煙煙韌韌甚具咬口，吃時蘸些蛋黃醬，風味十足。

什錦天婦羅 $68

什錦天婦羅一次過嚐盡多個款式：蝦、秋葵、BB粟米、茄子及南瓜。

外層麵衣酥酥脆脆，內裡包裹著新鮮爽彈的蝦肉。

石板燒澳洲M6和牛 $108

有100g、150g及200g份量可選，因為已經吃了這麼多小食，所以就點了最小份量一人前的100g 淺嚐。

澳洲M6和牛色澤嫩紅，兼具了紅肉鮮味和柔軟度，脂肪不多，所以入口不會太肥膩。

燒肉時有侍應代勞，服務夠貼心，當牛肉接觸到灼熱石板的一剎那，滋滋咋咋，煙霧瀰漫，熱氣逼人，燒得香氣撲鼻。

M6和牛牛肉油花分佈平均，肉質夠腍沒渣，肉與油香相互平衡，牛味香濃。

加 $25就可追加蟹膏飯、野菜沙律及味噌湯一份，份量很足。

石板燒和牛火候控制得宜，中心仍保持微紅色，不會過韌，肉汁豐腴，用來拌飯吃極之開胃。

鍋燒烏冬 $68

湯頭清澈鮮甜，配料豐富，包括半熟蛋、蝦天婦羅、豚肉叉燒、蟹柳及海苔等。

烏冬口感順滑，輕輕一吸就從舌尖滑到喉嚨裡。

飲品則點了蜜桃乳酸梳打 $28及巨峰提子乳酸梳打 $28，酸酸甜甜，冰爽透心涼。

朋友話想食呢間 咁就緊係一早訂定穩陣d 去到唔洗等 見好多人都想walk in ～要等一等！所以都係建議訂定位
叫左個二人前石燒海鮮火鍋餐 同埋叫左三色刺身
個餐勁多野包 好豐富
佢地好細心 準備左個圍裙驚彈到
前菜沙律有麻醬豆腐 上面有d三文魚籽同埋海葡萄🍇 係沖繩特產呀 咸咸地好正 好少係香港食到海葡萄
小食簡左炸雞同牛肉他他
炸雞好香脆！ 牛肉他他係生牛肉再配酸蘿蔔 好開胃
天婦羅有茄子秋葵天婦羅蝦 每樣都有兩件 炸粉唔會太舊同離肉 勁中意秋葵
石燒安格斯牛肉 好驚喜 勁熱既石
店員會幫你燒 脂肪分布好平均 好肥好油 超邪惡
主食另一個就係個海鮮鍋 先食左鍋入面既雜菜 同埋海鮮先 海鮮都幾新鮮
有帶子 蝦 🦐蜆同埋勁大隻蠔
食到最後可以加飯加蛋變海鮮蛋粥 勁鮮甜既海鮮味 正 好滿足！
另外仲叫左兩杯梳打飲品
芒果同荔枝乳酸梳打 飲品做得唔錯
甜度岩岩好 都好好飲
店員服務都好好 好貼心

有日上網見到呢間位於旺角既令和居酒屋裝潢充滿住日本風味，而身為崇日的我，立即相約朋友去試下。

首先吃前菜及串燒拼盤，前菜有和牛他他其及日式炸雞。和牛他他其是一片生牛肉配上酸蘿蔔，少少酸味，令人開胃。
串燒拼盤是白葱豚肉串和鹽燒雞翼，，一串兩隻，雞翼燒到剛剛好，外脆內嫩。

四式刺身拼盤，包括了三文魚，吞拿魚，油甘魚，甜蝦。刺身拼盤相當新鮮，三文魚腩油脂比例很好。甜蝦十分大隻，啖啖是肉，爽口彈牙！

什錦天婦羅，入口脆卜卜，又不會炸的太乾。

套餐的重點就是石板燒，燒150g美國安格斯肉眼片。牛肉質素相當不錯，濃濃的牛肉香味。而且會有員工幫你燒烤，你只要享受美食便好了🤗

最後是燒飯團茶漬飯，有淡淡的茶香味。加上有少量的蟹膏在飯上，配飯一流。

飲品方面order 了藍蝶花檸檬梳打及熱情果乳酸梳打，顏色鮮豔，兩杯飲品都酸酸甜甜，令人開胃。

總括來說套餐經濟實惠，又有多款不同的食物，份量亦足夠。

中等價位，但係專人人手燒牛。魚生飯一啲都唔差，氣氛舒適，很不錯！

買酒先至可以寫字貼牆。
Order淨帆立貝， 佢監人要曬成個海鮮拼盤。
偽黃店。偽黃店。偽黃店。
因為呢度啲人盲目追捧黃店，害死好多人，搞到中伏！