賞櫻

隱藏鬧市驚世 高檔日式廚師發板

喺旺角呢一個商場真係估唔到有一間咁高級嘅日式料理， 但係價錢又非常貼地。

刺身盤， 賣相已經相當吸引
宮城縣氣先沼生蠔 非常鮮甜 juicy 完全沒有腥味沒有泥味 ， 極高質。
真鯛 入面包左 wasabi 桱 ， 口感更加豐富但係又唔會搶咗真鯛嘅鮮甜
池魚皇
赤身， 刺身裏面我最唔鍾意食赤身， 但係呢度嘅赤身都非常高質，冇血腥味之餘入口即溶。

壽司
左口魚上面加上火灸過的左口魚邊
石鯛 + 木之芽醬

文甲魷魚

銀雪魚糯米紙金栗子🌰
燒銀雪魚非常甜美
米紙金栗子 第一次食好有創意 清甜又唔會好膩

100 分的甜品 ， 綠茶布甸比豆腐仲要滑

其實仲有
前菜三點
竹燕窩
柚子無花果
馬面魚魚乾
松茸清湯
豚角煮 等等

Omakase 迷一定要試

雖然唔係賞櫻嘅季節，但當你面前係滿載嘅日本美食，Omakase 賞心悅目嘅程度唔會比於喺日本睇櫻花差。位於旺角 MPM 嘅「賞櫻」，食材嘅新鮮，環境嘅清幽，幽默嘅師傅，整體會令你感覺值回票價，一次非常唔錯的體驗。
.
*前菜、刺身及湯品:
➽ 竹燕窩 / 無花果 / 剝皮魚魚肝 (小碟) – 竹燕窩生長喺竹林深處，屬於真菌類，晶瑩剔透而清爽嫰滑，入口清甜；而半隻無花果上面放上柚子果凍，酸酸甜甜作為前菜相當清新開胃；由淺到濃，最後食埋剝皮魚魚肝，鮮味得嚟幾 creamy。
➽ 厚岸蠔 – 嚟自宮城縣嘅厚岸蠔，師傅加上桔子啫喱，令到蠔肉加多一份額外既甜，肥美得嚟幾爽口，完全唔“漏”。
➽ 刺身 – 空運到港嘅新鮮白子、真鯛、吞拿魚背，有一定水準😉
➽ 松茸清湯 – 食完一系列鮮味系列，最好有個松茸湯清一清口腔，面豉湯底配上柚子丸子，咬落去有爆醬感覺。
.
*手握壽司系列:
➽ 馬面魚 – 佐以一丁點柚子胡椒，味既不太濃烈又可以帶出魚鮮味以及另類香味。
➽ 羽太 – 頂上係黃柚子醬，甜酸醬加上偏淡而紮實羽太魚肉，有刺激味蕾感。
➽ 火炙金木鯛 – 經火炙過油香突出，配以蟹膏醬，加多片少少苦而甘香嘅食用繡球花。
➽ 碧鯛 – 金菇加醬油，為鮮嫰及油香鯛魚肉質更增加一個層次感。
➽ 深海池魚 – 脂肪比例適中，簡單加上薑蓉、蔥花，清新 feel。
➽ 魷魚 – 配板海膽，彈牙之後更添海水鮮味，味濃之選。
➽ 中拖羅 – 加上黑松露醬襯托，厚厚口感又不失特色。
➽ 牡丹蝦 – 白蝦切粒，加上蝦膏炒香嘅膏醬，濃香味道真係好吸引。
.
*和食 (一品料理) 及 甜品:
➽ 朴葉燒牛舌 – 極彈牙又充滿牛香，店員提及先試朴葉香原味，再加以青檸汁體驗清新，各有風味👍
➽ 朴葉油甘魚鮫 – 輕灑上鹽，肉質偏實在，襯熱食零腥味，加不加酸汁都可以。
➽ 紅豆抺茶布丁 – 有甜品先叫完滿一個晚餐，粉感紅豆加上滑到不得了抺茶布丁，唔會太甜。

🇯🇵🇯🇵🇯🇵
桜 Omakase $800/位
喺晚市時段，呢間日本餐廳提供4個價位既Omakase，今次就揀左最優惠既桜Omakase，估唔到好有驚喜！呢個餐包括前菜、刺身三點、七件壽司、湯、兩款一品料理同埋甜品，好豐富啊！

前菜方面，有石榴、海帶同埋蛋，幾refreshing。刺身三點有深海池魚、鯛魚同埋三文魚，非常新鮮！壽司方面，可以睇住師傅好專心咁處理壽司，最鍾意就係帶子同埋拖羅壽司，拖羅好肥美，入口即溶。

一品料理有燒牛舌同埋魚頭，勁惹味。最後，飲埋碗湯同埋食埋甜品就perfect！

呢間omakase有4個set,今晚同朋友試試最平果款—-櫻（$800/person)

前菜有柚子無花果同櫻蝦玉子，好鐘意個無花果，好甜無根，玉子都燒得好滑同食落香甜

跟住就食刺食三點，有真鯛、池王、吞拿魚，跟住師傅講既順序去食會最好，三款刺身都夠晒鮮甜，同埋魚香味濃

間場有個黑蜆麵豉湯，黑蜆比一般蜆細好多

跟住就到我好期待嘅壽司環節，有成7款—-目魚壽司、蜜柑鯛 （配蜜柑柚子醬）、金目鯛、金墨魚、甜蝦加蟹膏醬、北海道帆立貝加海帶醬同火炙大拖羅加黑松露，覺得佢啲壽司既取材好有心思，每款都有配醬，令味道特別之餘又保留到刺身既鮮甜😋😋

呢個set仲包兩款小食，有紫金栗子燒牛舌同燒池魚王魚頭，兩款都好惹味，我特別鐘意個牛舌🥰🥰令人舔舔脷～