LA Restaurant & Dessert Bar
營業時間
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
服務選項
外帶
內用
無障礙程度
不支持無障礙停車場
產品/服務
小菜
咖啡
酒精飲料
啤酒
葡萄酒
用餐選擇
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合闔家光臨
規劃
接受訂位
付款方式
只收現金
信用卡
非常好的食物，價格合理！
肯定會捲土重來
在這裏吃生日飯，炸魚薯條好味，其他一般，環境尚可
午市套餐，南瓜🎃湯好味，魚柳煎得香口乾身，配菜也多，很好吃，卡邦尼長通粉軟身少少會更好，味道可以，餐飲很大杯，下次會來試晚餐和甜品 😋😋😋 …
晚餐時間，經過女人街發現一間新開張但人很少的西式餐廳。經店員一番積極的介紹後，決定進去試試吧。首先環境的確挺舒適，但播放的音樂有點太熱情，如果是節奏慢點的純音樂會更好。頭盤用這種麵包很有誠意，與濃郁的龍蝦湯配合得很好。主菜有店員推薦的扒類，材料非常豐富，厚切蔬菜爽脆多汁，豬扒厚實配上黑醋蘋果醬香甜又不肥膩，加上沙律菜跟甜甜的紫薯，會有意想不到的美味。蕃茄大蝦意粉，味道沒有很鹹，應該是沒有放重味精，亦有5隻鮮嫩多肉的大蝦，誠意滿分。頭盤+主菜+飲品+(新張期內限定甜品)，價錢竟然不過一百，實在非常親民，性價比高，希望餐廳的食物質素可以一直保持高水準。絕對會推薦給更多的朋友。
價格實惠。舒適。好食物。友善的員工。好地方！
抵食夾大件
午餐還好
LA餐廳及甜點吧位於通菜街，由前飯店廚師經營。我和我的朋友下午5點左右參觀了。我們很幸運，因為當時餐廳比較空，我們能夠找到一張桌子。聽說他們當天已經訂滿了，只能在晚上8點之後接受walk in。所以如果你想嘗試一下，最好提前預約，以節省座位！
我們來這裡是為了晚餐時間供應的軟殼蟹燴飯。但由於下午 5 點仍有午餐，所以我們決定先吃一份午餐套餐，然後在下午 6 點後再吃一份晚餐套餐。
這道烤海鮮配上奶油醬、馬蘇里拉起司和義大利麵真是太美味了！上桌後，我們已經聞到了美味的烤起司的味道！我迫不及待地想挖進去。它的味道和它看起來和聞起來一樣好！這道菜烤得恰到好處，沒有一根義大利麵過於乾燥或鬆脆。海鮮非常新鮮。你可以品嚐到它們獨特的味道而不是霜。馬蘇里拉起司絕對是一大亮點。我以前從未在烤義大利麵中吃過它，它為我打開了一個全新的世界！真是俗氣又美味！
這是我們來這裡的軟殼蟹燴飯。它沒有讓人失望！軟殼蟹是現煎炸的，一點也不油膩！太好吃了！義大利調味飯非常好吃！我簡直無法停止挖掘，蘑菇、醬汁、米飯，它們的份量都恰到好處，可以做成一道美味的菜餚。
套餐裡有一份湯和一杯飲料。我忘了拍鬆露奶油湯的照片，因為它太好吃了，我一上桌就直接喝了:P
我買了這頭黑牛當飲料。唯一的抱怨是咖啡冰淇淋的湯匙有點小……味道太好了，我想要更多！
當我們詢問帳單時，我們驚訝地發現每人花費不到港幣90元！因此，我們支付 100 港元作為小費，以獲得令人驚嘆的優質服務！很少有禮貌、樂於助人、細心的服務生！
好吃
服務有熱情及積極，食物中上，價錢可接受。
很棒的西方風格。令人驚訝的是味道好，價格合理。一定會回來。一句話：羊羔肉上的脂肪太多了…
好味小店
第一次光顧,當然試特色午餐~黑椒汁牛舌薯菜加大大杯凍檸檬茶👍。餐廳播英文歌,可慢慢享用美好的午餐時光,我見隔離枱3位女士都點咗西冷牛扒配燒汁,估唔系第一次來鋸扒。 …
味道不錯而且也不貴。受到推崇的。
食物味道唔錯，個湯好好飲
入去既環境都幾舒服，唔知點解成間店都係一班班既女性群組，令一個人霸住中間大檯既小弟都有3分尷尬，即刻叫左最貴既野來發洩一下。
個白湯飲落帶有粒粒既口感，飲落幾重料濃味，係幾出色既。叫左龍蝦汁意粉加埋前菜野飲，意粉既質地唔會太淋太硬口感唔錯，個龍蝦汁味道出奇地濃郁，口感幾重，如果一次食曬都會有啲滯，慢慢食既話係唔錯既，好唔好食都有啲睇個人喜好。隻龍蝦應該係先同少少上湯煮過再過機焗出來，食落幾脆帶有一陣焗出來既香味，味道就相對地淡。
冇記錯個餐138，加25蚊有野飲同個湯。
不錯
而家既女人街闊左好多～但夜晚會開既餐廳唔多…
有日比我發現到呢間美式餐廳，見到個環境幾唔錯，就約朋友一齊去試下啦
門面感覺型格 枱與枱之間好闊，超舒服的，淺色石磚牆上放掛飾
店員推薦串燒甘就試下啦 果然無令人失望，睇得之餘又好食
牛柳超推薦，一啲都唔韌，無根超Juicy 煙肉蘆筍卷好好食 杏鮑菇原條燒，啖啖肉都幾正
墨魚汁意大利飯好味道，奶香味 成碟比我食哂
跟餐既餐包同餐湯 蒜蓉包新鮮烤起，入口脆卜卜。點埋番茄醬非常之夾
呢個必叫 大啡菇釀咗黑松露蟹肉餡，最面係兩種芝士。個餡嘅黑松露同埋蟹肉嘅比例非常之平衡，上面嘅芝士唔算多
蟹肉黑松露餡份量非常足料
LA MOJITO 味道清新
今餐非常滿足，兩個人都係食咗四百幾蚊，咁嘅質素來講，性價比非常高
下次會再推薦其他朋友一齊過嚟
喺SOLO整睫毛，經睫毛師介紹下試左呢間cafe~
女人街原來而家好早收哂，所以間餐廳都好易搵到
Tiffany light
由奇異果、薄荷葉、鮮奶打成，呢個配搭估唔到好fresh 好夾喎！ 薄荷味好清香～
Cookie black
黑白配，大大個雲呢拿綿滑雪糕球，仲有好多Oero碎粒。Espresso遇上鮮奶，伴隨中間咖啡沙冰，吸一口冰爽暢快又醒神！
Parma ham pizza
餅底邊皮夠乾身薄脆，拎起一角熱騰騰小批，香濃芝士氣味加埋香草味道，聞到都肚餓。風乾火腿既油香走進芝士，肉香偏重但不太咸，芝士好軟滑，焗至面層金黄，
餐湯係周打魚湯，入口充滿奶油香滑。
蒜香多士配上蕃茄碎粒，辣辣地幾開胃
之後再附上鵝肝多士真係唔講得笑，鵝肝厚身又大件。
串燒系列有肉類、海鮮，揀左慢煮牛舌。
五小件用鐵籤串起，色澤紅潤唔太乾，內層組織有彈性，一口咬感覺Juicy。
串燒有兩種調味汁，青綠色醬汁帶酸辣感惹味，配另一款燒汁口感更加濃香。
香辣蕃茄大蝦天使麵
天使麵超幼細，麵條掛上濃稠蕃茄辣汁，越食越辣味道超濃，加埋大大隻鮮爽蝦肉，辣味突出。
Creme brûlée with ice cream
上層焦糖薄脆，柔嫩蛋香，味道細緻濃厚，雲呢拿雪糕配上麥芽糖件，味蕾大滿足😋
🌠蒜蓉包 + 三文魚忌廉湯 set+$30🌠
蒜蓉包極之脆，蒜蓉都夠香 小驚喜係忌廉湯好好味，有三文魚肉更加香甜👍🏻
🌌香煎鵝肝伴多士 set+$30🌌
鵝肝極度香，入口即溶，多士夠脆，抵食！
🎆串燒越南大虎蝦 $58 + 鹽烤杏鮑菇 $28🎆
大虎蝦燒得幾香，肉幾鮮甜彈牙，而且真係相當大隻 杏鮑菇調味剛剛好，配少少鹽及胡椒極之出色
🌅北京烤鴨薄餅 $98🌅 以北京烤鴨做薄餅非常少見，餅底似餅乾非常脆口，醬汁為千島芝士醬，唔錯👍🏻
🎆德國鹹豬手配孫椰菜 $168🎆
豬手份量相當大隻，外皮燒到脆卜卜，肉嫩味道又唔會過份重，剛剛好😋😋
🌄Tiffany Light $48 + LA Mojito $48🌄
Mojito飲落好Fresh，清新解油膩簡直一流，薄荷葉好香😋😋
我的外甥女約食飯，佢介紹LA Restaurant & Dessert Bar🥃，位於旺角女人街（即通菜街）第三條街。LA 裝修優雅，跟街外感覺完全不同⋯⋯真是估不到！
是日餐湯，素翅忌廉湯，夠濃夠滑，素翅也不少⋯⋯厚切蒜蓉包，焗得夠香脆蒜蓉牛油夠香！
Cookie sweetie, 必打咭呃like , Oreo cookie加雪糕，朱古力味夠濃😗
Fruit punch , 味道濃而不會太甜👍🏻
烤焗芝士蟹肉牛油果🥑，上枱已經聞到陣陣蟹肉味，而且份量不少，牛油果夠creamy 配一齊食👍🏻
烤焗芝士虎蝦墨汁意大利飯，醬汁濃而不膩，蝦肉質焗得剛剛好，口肉質爽甜惹味🤗意大利飯口感軟綿！
最後點少得甜品，LA 伯爵茶奶凍配雪糕，伯爵茶茶味夠香濃，但不會太甜，奶凍質感夠qq 😋😋
通菜街日頭行過淨係見到一排排既排檔，2邊有咩舖頭都好難留意到，原來而家開左間西餐廳，仲有威靈頓牛柳食，而且價錢仲好親民～但係夜晚搵會容易d搵到😂
餐湯：忌廉蘑菇湯＆蒜蓉包配莎莎醬（$30）
忌廉味濃，蘑菇份量都唔少，味道唔似罐頭湯咁俗，蒜蓉包焗得好脆，蒜蓉味都好香，就咁食都好夠味，加埋莎莎醬一齊食可以清除油膩感
香煎鵝肝拌多士（跟餐加$30 for 1）
近排都食得幾多，呢度既鵝肝質素絕對唔差，相比之下呢什至比某d食鐵板燒既餐廳更高質。
北京烤鴨薄餅（$98）
餅底好薄，焗到脆卜卜，搽左薄薄既烤鴨醬再加上大量芝士之外再舖上鴨肉,烤鴨醬甜甜地，加上芝士既咸味感覺幾特別，除左鴨肉有少少韌之外，整睇黎講都幾好食
威靈頓牛柳（$198）
用酥皮直接包住牛柳焗，酥皮焗得夠香脆，牛柳大概五成熟，肉汁豐富。醬汁黑椒味都好香，帶少少辣味，伴碟既蔬菜同沙律亦都好好食，一d都冇馬虎
焦糖燉蛋伴雪糕（$68）
燉蛋入口幼滑，好香既忌廉同雲尼娜味，本身唔太甜，加埋面頭既焦糖就岩岩好。焦糖脆肥咬落有d似威化餅，加埋雪糕一齊食幾得意
LA Mojito（跟餐加$15）
冇酒精既Mojito,本身好鍾意飲d薄荷同檸檬味既飲品，呢度一杯有齊哂，而且唔係太甜，感覺清新，大熱天時飲岩哂
Yellow Circle（跟餐加$15）
即係芒果沙冰，芒果味好香，仲有粒粒果肉，味道唔太甜而且大大杯，淨係飲佢都飽哂～
話說前兩日去咗半島staycation，咁喺咁貴既地段就當然吾會食埋晚餐🙈🙊喺尖沙咀去旺角都好快，旺角通菜街向來多野食，雖然系橫街窄巷，但完全無礙大家對小店嘅熱情，成日都keep到好多人。喺戈一帶發掘到一間良心小店，一於去試吓先。
呢度嘅dinner set好抵食！$278就包埋湯、主菜同埋意粉，真心幾經濟實惠。
另外都有好多款肉類嘅dinner set供客人選擇，全部都系百幾蚊，好抵呀😆
逢幫襯dinner set就可以加$30享用三款美食，老公揀咗鵝肝多士，只系加$30就食到鵝肝真系算系咁😍好新鮮同埋煎得好香，連埋多士食正。
Dinner set可以揀凱撒沙律或者伯爵茶奶凍伴雪糕，健康啲揀咗凱撒沙律，份量系超級多😁應該落咗好多醋，整體黎講偏酸🙊可以落少啲。
餐湯系南瓜忌廉湯，南瓜同埋牛奶、忌廉味香濃，口感細滑。
老公向來好中意食雞翼，喺度都不忘叫一份水牛城雞翼。水牛城雞翼本身由蜜糖、茄汁、辣醬等材料製成，先覺得酸甜味相對明顯，應該落咗好多茄汁，濃郁嘅醬汁使得雞翼非常入味😋
跟住揀咗份穀飼西冷牛扒，揀咗7成熟，本身都比較驚叫得好熟會偏硬，老公幫我叫7成熟，口感都冇話好硬。肉汁幾豐富，最驚食牛扒會乾爭爭，好彩冇呢個問題。
老公就叫咗個松露野菌意大利飯，呢個真系超級好食！一黎到已經聞到勁香嘅黑松露味🖤裡面有勁多菇同埋黑松露😍黑松露味系非常香，黑松露控表示滿意。成個飯都好creamy，最緊要吾會好漏。
同朋友慶祝生日，想找家美美的西餐廳食頓好的～旺角最近都開了不少新餐廳，這家主打LA菜，那就一試吧～
點了一份Diamond Couple Set $488，包餐湯、Appetizer、1份主菜、1款意粉。價錢都算合理。
首先是餐湯，是濃郁的黑松露忌廉湯，都很香滑，不錯。
之後是Appetizer，點了Caesar Salad，因為待會吃肉，先吃點清爽的前菜，哈哈～份量都比想像中大呢，有驚喜！
主菜點了澳洲肉眼，7成熟。小編覺得煎得剛好，不會過熟，肉質嫩滑。雖然肉有點薄，但都好大塊，都抵食呀～
整體都不過不失～
香煎鵝肝伴多士 啱啱煎好嘅鵝肝入口即溶😍多士無因為吸收咗鵝肝油脂而變軟，仲係好香脆！鵝肝有成塊多士咁大，加$30就食到，好正呀～ …
西洋菜街兩邊不嬲都多餐廳， 而且價錢都好大眾化，呢間西餐廳二人套餐都只係$278， 加埋一都只不過三百幾蚊
跟餐有湯有餐包，是日餐湯是忌廉黑松露湯忌廉湯比較傑身，不過好夠熱唔會凍冰冰，餐包是香脆蒜蓉包配蕃茄沙沙醬，都ok唔錯
餐可選擇凱撒沙律或雪糕， 我哋揀咗沙律， 好大碟，一啲都唔似跟餐沙律
主菜三選一，點了紐西蘭西冷牛扒， 五成熟燒得剛好，唔會好韌， 還有一些燒蔬菜和薯蓉作配菜
意粉三選一，點了香草橄欖油蜆肉意粉， 意粉略嫌有點唔夠熱，味道正正常常
女人街內有家別緻的西餐廳，就來跟男友來個浪漫之約吧！場內裝飾就如讓大家暫時置身於歐洲小屋般。餐點除了主菜，他們的小食也有好多選擇，讓我倆有點選擇困難呢！
餐湯像忌廉湯，雪白的顏色底下原來是周打魚湯，質感濃稠有海鮮的鮮甜味道，還有粒粒魚肉吃。配的蒜蓉色熱烘烘的夠香脆，還有莎莎醬，是不錯的前菜。
烤焗芝士蟹肉牛油果是原個牛油果切開，再將果肉、蟹肉和調味料混合，加上芝士焗製而成。一口咬下去就感受到超多蟹肉，啖啖都有蟹肉絲，鮮味十足又creamy，十分足料。牛油果蓉軟身清新，芝士焗皮很香，三者混一起好夾好吃，正。
餐牌上特地有兩頁燒烤類，就點兩串試試了。以鹽作基本帶出食材的味道，佐以黑椒燒烤汁、泰式香茅檸檬汁，均十分適合又惹味。牛魔王必叫串燒安格斯牛柳粒，每粒都大大粒，牛味濃郁多汁，肉質實在。鹽烤杏鮑菇原條上，是超大的一隻，口感夠爽，咬下去超多鮮味菇菇汁。
主菜是西班牙黑毛豬鞍，有手掌般大的巨無霸。它是厚切的，但肉質卻煮得相當軟身，易切又好咬，完全不粗糙”鞋”口，還有淡淡鹹香味，配微酸的西梅蓉味道好夾。烤蔬菜很有誠意，有雞脾菇、翠玉瓜、茄子，沙律還淋上柚子汁好fresh，為濃厚的味道平衡一下。
忍不住追加了甜品，因為焦糖燉蛋是我喜愛的甜點。薄薄的糖層結成晶，香脆甜蜜；底部柔滑細膩的燉蛋充滿蛋香，還有雲呢嗱雪糕甚至honeycomb，完美的飯後甜點就是如此。
飲品方面，Fruit punch酸酸甜甜，果肉都打成蓉，夠清新。Cookie sweetie則巧妙把oreo和朱古力混合，質感濃稠味道十足，還有雪糕夠邪惡！這夜除了我和男友，還有其他情侶甚至一班朋友來用餐，很旺場。氣氛挺適合情侶慶祝，想吃好一點的時候，我會再來這裡~
–
🔸炸魚薯條 $56
🔸煙三文魚薄餅 $88
🔸紐西蘭西冷牛扒 $128
–
好耐冇喺女人街覓食，同朋友揀咗依間地方闊落嘅西餐廳食嘢，吹水都坐得舒服啲。
小食叫咗炸魚薯條，份量比想像中大份，炸魚熱辣辣亦外脆內軟，加埋粗薯條仲有沙律醬，性價比好高啊！西冷牛扒叫咗五成熟，食落肉質剛好，亦都一樣係大大塊好抵食。再配新鮮瓜菜作伴碟，健康有營養。最後叫多咗份pizza，薄脆餅底配大量咸香嘅拉絲芝士，同煙三文魚係絕配呢！
呢日去旺角行街，中午先去女人街搵食
見呢間西餐廳岩岩開，門口見都多野食簡，就入左去
.
lunch menu 都幾多選擇
而且坐低都有口罩套提供，都幾nice
餐湯係白湯，好milky
男朋友簡左豬手薯條$78
薯條都幾crispy, 豬手啖啖肉
係好軟果d texture, 充滿骨膠原
我order 左個硬切豬扒飯$68
呢個煎得又香又入味，唔錯
餐飲加$15有特飲
地道小店，價錢非常便宜，食物非常有驚喜，正宗意大利口味
酥皮周打魚湯 ， 跟餐 +$20
熱辣辣，直頭燙口的， 非常多蜆肉，大概有十幾20粒.. 好足料 ， 忌廉湯非常幼滑 creamy
煙三文魚pizza
Pizza餅底係博新嘅，非常趣口，而且冇菠蘿正宗意大利口味
三文魚厚切而且都好鮮味， 唔知時候都可以拉絲的
芝士大蝦寬條麵
勁重芝士
大蝦 啖啖肉，肉質鮮甜爽口
紐西蘭西蘭牛扒
肉嫩 牛味重
呢個價錢 抵食過自己喺屋企煎
旺角女人街西餐小店✨
女人街開左好多唔同餐廳，基本上想食咩菜都有得食，今次就揀左間西餐小店試下，店員態度友善，食物選擇都幾多👍🏻
**********
$238
$108
肉眼扒份量好大塊，五成熟切落帶點粉紅色，兩個人share食啱啱好，配上香濃黑椒汁🐮而pizza係薄批底，配上燒過嘅大蝦菠蘿，醬汁係最愛嘅千島醬😍
**********
$68
焦糖燉蛋整得唔錯，唔會太甜又有蛋香，焦糖面脆卜卜，用匙羹一叩即裂開，另外仲配上一球雲尼拿雪糕🍨
**********
$48
$48
Peach Flower係Elderberry & Peach Soda，好明顯飲到接骨木莓嘅味道，底下有好蘆薈粒粒🍹Cookie Sweetie就係Chocolate Cookie Smoothie，大杯到飲極都仲有咁，裏面仲有啲曲奇碎可以咬下🤣
鬧市內隱世的臥虎藏龍
——————-
突然落大雨……..
無庶點算好………..
梗係走去D有簷逢地方避雨🌧️
咁大雨，不如搵地方食嘢😂
就係我附近避雨地方見到呢間餐廳，門囗幾靚吓…..落雨🌧️唔再周圍行⋯⋯就入去呢到食，入到去嘅環境都好靚吓🌹，座位亦都幾舒適👍
————————————
🍑飲品：
Peach Flower🍑🌼：
本身我都幾鍾意飲有桃🍑味道嘅飲品，所以我就叫咗呢杯飲品。飲落好香桃味，加了梳打好清新，入面仲有D蒟蒻，食落好爽又清甜，一杯好清爽嘅飲品🍹
————————
🍾飲品：
Big Boss🍹：
入面有Apple Cider，Lime Juice，Ice：
冰凍清新解喝，涼透心的飲品🍹
————————-
🥎餐湯：
忌廉湯🥣：
配有紅蘿蔔🥕粒和洋蔥🧅粒的忌廉湯，清爽又清甜，我喜歡將餐包點在湯上一齊食比較滋味😋
———————-
🏀配番茄🍅蒜蓉包：
配有番茄🍅粒粒，加在蒜蓉包的面頭上，然後點着湯一齊吃，麵包🥯有著忌廉湯的清甜又帶有香脆蒜蓉的滋味😋
————————
🏉小食：
雙重芝士松露蟹肉大啡菇🍄：
濃郁厚厚的芝士、松露的香、蟹肉的鮮甜味道、大啡菇又爽又甜、吃落好有驚喜的感覺⋯⋯😋
———————
🎾小食：
烤焗芝士蟹肉牛油果🥑：
健康的牛油果上面。鋪滿着濃厚的芝士和蟹肉的鮮甜，又是令人吃出驚喜的味道😋
————————
🎱主菜：
德國鹹豬手配酸椰菜：
配上蔬菜🍆🍄🥒🍅黑醋汁：
鹹豬手的外皮帶有煙煙靭靭的口感、充滿着骨膠原的外皮，將鹹豬手肉點在醋上吃，令味道吃上更加匹配，配上的蔬菜有蕃茄🍅、茄子🍆、翠玉瓜🥒、鮑魚菇，蔬菜爽甜、新鮮又健康…….
—————————
🏓甜品🍮：
LA伯爵茶奶凍焦糖脆脆伴雪糕🍦：
呢度除咗西餐類別的食物，甜品亦都係呢度嘅特色，而且幾乎每次吃西餐都會吃飯後甜品🍮⋯⋯
平日我喺屋企都會沖伯爵茶飲，所以就叫咗呢個伯爵茶嘅奶凍。甜品伯爵茶味道又香又特別，而且非常好味，仲有有焦糖脆脆，食落卜卜脆的口感，再配埋雪糕食，口味非常匹配😋
————————-
食..拍…寫已經成為我生活中的一部份
鍾意食…鍾意…鍾意寫..留下美食回憶
————————————
一間幾有格調既西餐廳，餐牌design都幾靚，前菜有蒜蓉多士配洋蔥，多士烘得乾脆，一咬落去爽爽聲，之後既鵝肝多士好好味，從來未試過食咁大件原粒鵝肝，以前食既鵝肝都有少少苦，但呢個完全無，反而有甘甜味，多士有牛油作底，第二樣我地揀左烤焗芝士蟹肉牛油果，焗過既芝士有焦香，蟹肉醬好creamy，兩大件都只係88蚊，加埋牛油果清清既牛油味，3種食材配搭完美，加埋主菜西班牙黑毛豬鞍配蘋果泥，蘋果泥甜甜地，黑毛豬鞍超級好食！！肉質濕潤鮮嫩，本身都有燒汁做底，中意鹹可以沾燒汁，中意甜可以沾蘋果泥，好大塊而且夠稔好易切，一點也不痴牙，飲品就推介fruit punch，男朋友揀cookie black smoothie都話好好飲👍👍 …
北京烤鴨pizza好有驚喜，雖然薄咗啲，但味道好特別。氣氛，食物都好好！
L.A. Restaurant & Dessert Bar【旺角優質西餐廳】
行經通菜街見到呢間西餐廳——L.A. Restaurant & Dessert Bar，望落去都好似幾吸引，所以同朋友仔入去食晚餐😚
香草汁橄油大蜆意粉 ($78)
– 橄欖油香味突出，大蜆新鮮肉嫩，好足料，食落啖啖肉，而且意粉都煮得好有水準，軟硬適中，同香草汁橄欖油非常配合😍
炸魚薯條 ($54)
– 炸魚薯條份量超足，炸魚大條厚身，外脆內軟，薯條粗切大條，香氣四溢，配搭埋美味嘅cream cheese，每啖都好邪惡、好滿足😚
Melon Smoothie (+$15)
– 呢個沙冰真係好有驚喜，以蜜瓜為主調，清甜爽利，解膩一流，而且仲有滿滿嘅蜜瓜粒，啖啖爽甜嘅沙冰真係好正😋
Fruit Punch ($32)
– 雜果賓治都好好飲，酸酸甜甜，入口順滑，仲可以食到啲生果粒，係西餐嘅飲品之選🤩
LA伯爵奶凍伴雪糕 ($68)
– 呢個甜品都非常之出色，奶凍綿密，伯爵味超級濃郁，非常好食，啱晒我呢個茶迷😍
餐廳嘅妝還充滿西式風格，擺設都非常有特色，非常IGable😎，而且職員都好有禮貌，好friendly，食得好開心💛
位置非常方便，午餐價格合理。食物質量很棒，服務很好。推薦再來！
好地方
區內抵食二人餐
LA Restaurant & Dessert Bar
地址: 旺角通菜街25號地舖
電話: 26380198
二人餐必點，$300都唔洗，包括了豐富的食物，超值又好食
$279 set 要左燒春雞伴薯菜，燒雞通常都是岩要大啖肉又唔想食高脂肪架人，白雞就算食多都唔會長胖。而燒春雞皮烤成黃金色，沒有不好吃的理由。
香草欖油蜆肉意粉仲加了洋蔥同菇，橄欖油加香草沾在意粉上，唔會有油膩感，反而令意粉多了粉爽滑彈性，啜入口仲嚐到香草 味
天氣太熱，甜品同沙律中要了Caesar salad ，唔食加熱的有助降溫。
Drink , soup 及飲品都包在套餐中，兩個人食到飽飽
在pizza 及curry 薄餅都有，留下一次黎再食。呢間抵食cafe 風，是個不要錯過的地方。
芝士蟹肉牛油果🥑
Peach Flower $48
酸酸甜甜既飲品～ 超級濃郁！
Cookie Sweetie $48
呢杯偏甜一啲🤔 好大一杯 最後飲唔曬😢
餐湯包 $30
湯係紅湯 係我鍾意既味道🥰😍 平時飲紅湯我都會加辣椒仔落啲湯 佢就係已經幫我加左😜 所以飲落酸辣 同埋又飲副番茄既小小甜味😚 包都好脆不過偏硬左小小🤔
烤焗芝士虎蝦墨汁意大利飯 $108
墨汁超香😌 虎蝦好重蝦既鮮味😚不過煮得耐左小小🤣 意大利飯都ok~
烤焗芝士蟹肉牛油果 $88
上面個層芝士蟹肉幾好食😋配埋牛油果都夾既👌🏻
好的
平時都好少去通菜街食飯，因為成日覺得嗰度啲餐廳質素一般，朋友就介紹我去呢間LA restaurant，話價錢合理而且啲嘢食高質素。本身我都唔信，但係見到價錢咁合理就陪佢食一次。
第一頁已經見到有二人套餐，即刻有啱食嘅嘢，就費事煩直接揀個二人餐。
首先有法包，法包仲去搭蕃茄醬，一粒粒蕃茄酸酸甜甜，法包口感又夠晒香脆，好match。另外仲有個甘筍忌廉湯，味道濃郁，太好飲所以都要慢慢飲，開心啲XD
套餐方面可以按照個人喜好選擇凱撒沙律或精選甜品，我哋就揀咗沙律，有大量的沙律菜，仲有芝士粉，鹹肉及粒粒脆包，口感一流，最適宜作為開胃菜。
烤三文魚配檸檬牛油汁
勁驚喜嘅菜式！表面嘅外皮仲係keep住乾爽香脆，而且裏面嘅三文魚仲唔係100%熟晒，質感軟林林，充滿水份，而且唔會過鹹，趁住仲係熱辣辣夠Juicy好快就俾我哋清晒。
松露野菌意大利飯
意大利飯份量都好大，松露味道清香，粒粒飯都沾滿松露及野菌粒，啖啖香味，飯粒不會太硬，剛剛好。
熱檸檬菜蜜作為是日完美的句號。
週末同朋友一齊喺旺角覓食，我哋特登行咗嚟通菜街，因為呢度近年開咗好多小餐廳，我哋呢間睇吓嗰間望吓，見到呢間食西餐嘅，似乎幾啱我哋呢日嘅胃口，咁就決定入去試吓😆
叫咗兩個 Lunch Set, $88嘅「紐西蘭西冷扒🥩配燒汁」同埋 $78嘅「慢煮黑椒豬手」，午餐包餐湯同熱飲，朋友要咗杯「熱咖啡☕️」，我就加 $15 要咗杯 Mocktail La Mojito 😆
午餐餐湯係「椰菜花🥦煙肉🥓忌廉湯」，非常濃厚，有濃郁椰菜花同忌廉香味，出奇地好飲😋。「紐西蘭西冷扒🥩配燒汁」要咗七成熟，西冷扒🥩有少少咬頭，有牛味😋。「慢煮黑椒豬手🐷」肉質非常軟熟，連豬皮都煮得好腍，配埋濃郁嘅黑椒汁，幾好食😋。熱咖啡☕️幾好飲；La Mojito 幾 refreshing 😋
朋友帶我嚟呢度食～排咗一陣隊🤔
.
裏面裝修簡潔，坐位都闊落既～～ 餐湯同蒜蓉包 蒜蓉包幾香脆，加上新鮮蕃茄，酸酸甜甜開胃😌
加咗錢要兩個鵝肝多士～好肥美同油脂感既滑身☺️
.
西班牙風乾火腿薄餅
一定要趁熱食!
咬落香脆，而且芝士味好濃而且可以拉絲😍
.
燒春雞配薯菜🐣
你個燒春雞真係有驚喜！🤩
一上檯已經好香，而且好多出邊嘅燒春雞都冇咩味，但係佢係入味既😍
外皮燒得金黃香口(而家諗返都好想食😋)
肉質滑嫩仲有熱辣辣既肉汁🤩
唯一缺點就係比較難切開🤣
附近啲蔬菜都燒得香，係惹味嘅菜🤣
.
伯爵茶奶涷伴雪糕🥰
首先望落去已經好qq，伯爵味好濃，配埋我鍾意食嘅雪糕同焦糖，會encore 既甜品～
整體來講，性價比高，不過應該要等一等位😝
新留言黎～
Hey～你地既改變我食得到架！
我有一段時間無黎喇～
見到你地精簡左菜式，師父可以專心處理好主要食材，配料同質素。餐牌都有策略性既調整，鋪頭裝飾上有少少變化👍🏽最大變化係水吧😂以前我唔評論你地既飲品🤣依加可以評論喇～！！！
炸魚👍🏽炸衣好脆唔油又香！好好食！
但條魚好油😂啲油去曬條魚到呀🤣
個他他醬食一啖就覺膩～
可以加啲酸瓜或酸豆令個味有啲變化配炸野又無咁易覺得膩～加油～💪🏽
薯條！簡單，好食！👍🏽
生菜沙律～新鮮！至緊要係個醋汁！好好味！如果可以～唧多幾滴可以嗎👍🏽
紐西蘭西冷扒👍🏽
有牛肉味同牛扒煎過既香氣！
要5成熟～就5成熟👍🏽有水準～
但塊扒有少少酸～但未變壞～
食到你地加重調味想蓋過佢🤣
係救唔返架😂塊扒擺入口咬，陣酸味由頭帶到尾～好彩塊扒未壞😏
下次唔好博🤫好危險～
水吧多左選項～👍🏽我無飲特飲，但睇到出品感覺都可以試～下次我會試～
奶茶，檸茶以前真係好得人驚～
依加正常返👍🏽💪🏽
整體黎講～
呢個價錢，呢個質素，絕對對得住黎幫襯你既客人～👍🏽
係我麻L煩🙇🏼♂️要求多～sor9～
但食材要處理得再好少少💪🏽
撐～呢間我有食開～
需然食物質素有啲浮動😂🤭
但係有心既小店黎！
食材，烹飪方法，環境同服務都唔錯～
價錢好合理～
如果食物既質素可以保持得好啲就更好😂👍🏽
我都唔想一次係好食，一次係普普通通🤭
知你地廚房辛苦🤦🏼♂️加油～💪🏿
我想食你地用心同賣命整既好西～🤭
味道有驚喜🤩女人街西餐
🌝正餐加配餐湯及包 $30
作為前菜、餐湯同餐包相當有心思！餐包嘅蒜蓉多士香脆之餘，配上粒粒蕃茄同埋粒粒洋蔥，食落酸酸甜甜，更有微辣感咁相當開胃😋
湯係白湯，本身我諗住係好普通嘅忌廉湯，點知都相當有驚喜😮原來佢係薯仔煙肉湯，口感帶粉，食得出有煙肉嘅鹹香，而湯底亦都好creamy , 比好多西餐廳嘅餐湯做得出色🤤
🌝阿根廷紅蝦伴龍蝦汁闊蛋麵$118
一共有兩隻大蝦，特別既地方係蝦先炸過，保持到外層脆脆地，而裏面肉質鮮嫩，入口啖啖肉。闊蛋麵相當掛汁，配上香濃龍蝦汁，味道相當唔錯，呢個價錢來講幾抵食。
🌝西班牙風乾火腿薄餅 $98
薄餅底為薄脆脆餅底，芝士同埋帕馬火腿既比例好平衡。因為唔咪坊間pizza既厚餅底，所以就算二人食都唔會擔心食完就滯哂😋好香口，忍唔住就食晒
🌝鵝肝多士 跟餐$30/件
鵝肝入口隨即散發出嘅油脂香味，配埋脆口嘅多士作平衡，口感一流！😳 30蚊食到呢個質素既鵝肝，真係好超值！🤩
🌝串燒半熟帶子 $48
帶子彈牙新鮮，唔需要點任何點醬汁都食到原本既鮮甜味🥰
🌝串燒炸雞 $38
一共有兩款醬汁供選擇：沙律醬及泰式辣醬
兩款醬料都覺各具風味，沙律醬就帶甜，已泰式辣將係食泰國野點生蝦個款，刺激又惹味。至於炸雞串唔係韓式炸雞嗰隻，而係有少少似日式炸雞，入口Juicy
🌝Melon Green 跟餐$15
哈密瓜沙冰，屬赤肉哈密瓜，飲落有好香嘅哈密瓜味，更有哈密瓜肉係上面😮 所以成杯既味道唔會太假，加上甜度適中😍大大杯幾抵飲
🌝Peach Flower 跟餐$15
坊間好少餐廳有接骨木花味嘅飲品，呢一杯係接骨木花加桃味嘅特飲。值得一讚嘅地方係接骨木花味本身係屬於較暗嘅味道，佢竟然冇俾桃味搶咗😮。飲得出好明顯嘅接骨木花味之餘，仲飲得出有淡淡桃味，成件事好fresh, 亦都唔會過甜。另外加分係入面加入咗新鮮嘅蘆薈粒，配合埋成個梳打出到嚟好消暑解渴，個人來講幾鍾意呢杯飲品❤️
總結：呢間餐廳位於女人街，食物相當高質素，每一樣食物都各具特色，以呢一個價錢嚟講食到呢個級數嘅食物，性價比好高，值得推介！如果去旺角諗唔到食乜嘢不妨去呢一度試下啦
旺角都有不少的餐廳，但這間是同事推介不錯又近，就和朋友來試一試，來到八點都不少人，餐牌選擇都不少有前菜主菜飲品都十分吸引，最後我們叫了2杯飲品，一個前菜和主菜加餐湯。
首先來飲品Bloody Orange，味道好清新甜度剛好，底部仲有些椰果增加口感。朋友飲的是Cookie Black，咖啡味不太濃適合晚上飲，沙冰感覺好清涼而頂部有個十分好味的雪糕好滑身，十分特別而且價錢十分抵飲。
餐湯包，多士好脆口，配上蕃茄碎幾特別，湯濃郁十分足料入面有不少粟米和蘑菇不錯。烤焗芝士蟹肉牛油果，牛油果熟的程度剛好，蟹肉十足，芝士味好香，底部仲有新鮮菜作沙律。
主菜烤焗芝士虎蝦墨汁意大利飯，是少數讚好的意大利飯，墨汁味濃郁掛在飯上，有口感帶點彈牙不會太淋身不錯，虎蝦大隻又新鮮。
今日朋友搵左間位於旺角既
西餐廳同我食dinner
呢間餐廳都唔少野食揀
我地叫左個dinner set $478
唔洗左諗右諗
。
餐湯 加包
餐湯係基本白湯既味道
法包塗上咗蒜蓉醬烤得非常香脆
旁邊配咗一個用蕃茄粒粒做嘅sauce
我個人喜好就甘蒜蓉味好味d
。
烤焗芝士蟹肉牛油果
個牛油果幾creamy 5會過熟
非常油潤既口感 蟹肉味唔算太突出
牛油果都幾有飽足感
。
煙腩蘆筍卷＆ 串燒雞軟骨 ＆ 鹽烤秋葵
3串串燒都係水準之上
唔會好乾入面非常濕潤 有微微焦香
如果雞軟骨再燒得更加乾身會更好
佢配左個汁 我覺得比較濃味
點少少就岩岩好
。
威靈頓牛柳 5成熟
佢唔似傳統威靈頓牛柳
佢係將酥皮鋪喺面頭
冇將成個牛柳包住
亦都冇黑松露味同埋parma ham
個牛柳medium熟都幾好食
每一下切落去都有肉汁
如果rest下應該更好
配埋個濃味既黑椒汁都唔錯
。
軟殼蟹意大利飯
本身想叫烤焗半熟帶子忌廉墨汁粉
因為冇墨汁粉嘅關係轉咗試軟殼蟹意大利飯
個意大利飯充滿海鮮味 仲有dd甜味
個意大利飯分量都唔細
個軟殼蟹粉漿比較厚
如果嗰粉漿薄身啲
我相信會好食好多
。
檸檬茶＆檸檬菜蜜
正常水準既檸茶檸蜜
。
我叫佢呢個dinner set
我覺得可以三人食
兩個人食真係有啲飽🤣
。
食物：7/10
價錢：7/10
環境：7/10
。
LA Restaurant & Dessert Bar
旺角通菜街25號地舖
。
#foodiesofinstagram #eats #instacool #foodstagram #instafood #foodpic #foodgasm #delicious #foodoftheday #foodpics
成日鍾意係旺角捐窿捐罅去搵一啲唔同嘅嘢食
今次黎到女人街，兩邊食肆林立，要揀一間真係唔容易
由街頭行到街尾
突然見到一個吸引眼球嘅招牌
於是就決定試下啦
呢間餐廳嘅裝修幾舒服
加上燈光柔和，感覺舒適
細心嘅侍應簡單講解晚餐同推介飲品
我就慢慢睇下食咩
晚餐配埋餐包同餐湯
忌廉粟米湯同多士呢個配搭一絕
忌廉入口濃郁
加上粒粒粟米，有口感！
多士脆口，另外仲有蕃茄洋蔥粒
好惹味！
🟠鵝肝多士$30
鵝肝完全無腥味，大塊又厚身，而且入口即融
🟠夏威夷薄餅$88
餅底超薄入口香脆
成個薄餅鋪滿芝士、火腿、菠蘿
芝士同火腿喊香
而菠蘿微酸清甜
令人食完一塊再一塊
🟠阿根廷紅蝦配龍蝦汁闊蛋麵$118
2隻去殼阿根廷紅蝦，大隻肉厚
入口啖啖肉，龍蝦汁香濃
蛋麵煙韌有口感
🟠焦糖燉蛋伴雪糕$68
傳統法式焦糖燉蛋，賣相精緻
燉蛋上面鋪左一層脆糖
將脆糖敲碎同燉蛋一齊食
甜而不膩
🟠Cookie sweetie$48
將朱古力同冰混合打碎做沙冰底
再加一球雪糕，滿足！
🟠Fruit punch$48
清新嘅雜果味加上2粒藍莓點綴
好有夏日感覺
女人街兩邊好多餐廳地舖，要去揾食相當就腳。LA Restaurant主打西餐，精緻菜式選擇也多。
跟餐周打魚湯和餐包，魚湯超鮮甜，味道不錯。
鵝肝多士細細一塊，鵝肝香滑肥美，作為前菜確係 𝗀𝗈𝗈𝖽 𝗍𝗋𝖾𝖺𝗍😋
北京烤鴨薄餅
餅底脆薄香口，烤鴨肉味香濃，配上青瓜絲同醬料，有點在吃傳統卷皮感覺，入口香脆也好夾呢。
美國安格斯牛小排配燒肉汁
外層煎香，肉心鮮嫩，牛味濃郁。肉質好鬆軟，沒有筋，醬汁惹味。
飲品試了𝖯𝖾𝖺𝖼𝗁 𝖥𝗅𝗈𝗐𝖾𝗋和𝖡𝗅𝗈𝗈𝖽𝗒 𝖮𝗋𝖺𝗇𝗀𝖾。微甜，帶點果味，為美好的晚餐作結。
在旺角找東西吃都會去旺角女人街，沿路有各適其適的餐廳，如印度菜，拉麵，泰國菜等等。今天經過這家餐廳，剛好想食西餐，就入去試吓。
餐牌可以單點或者叫dinner set。而這次我們試了一個dinner set。
先來一個蘑菇忌廉湯，忌廉湯非常creamy，口感滑捋捋。另外有蒜蓉餐包和蕃茄蒜蓉碎，餐包焗得特別香脆，再加上蒜蓉醬，滋味十足。
另外餐廳有很多款特飲，我們點了一個曲奇朱古力Smoothie特飲，賣相吸引。香濃的朱古力奶昔加一個雲呢拿雪糕，雪糕球上面還有Oreo朱古力餅和薄荷葉，味道非常配。
主菜我們叫了燒春雞。燒春雞雞肉特別嫩滑，焗的時候火候剛剛好，能夠保留肉汁，而外層雞皮脆脆的。旁邊的配菜燒茄子和燒肉瓜也非常新鮮。
另外煮食我們叫了松露惹菌意大利飯，這個意大利飯非常cheesy and creamy，意大利飯加嘢味的松露醬和蘑菇，口感煙韌，令人食過返尋味。
最後甜品有這個雲呢拿雪糕配伯爵茶布丁。伯爵茶布丁做得特別出色,淡淡的茶香配微甜的布丁，小口小口的吃，加旁邊的生果，Oreo餅乾碎，香滑的雲呢拿雪糕和蜜糖脆脆，層次感豐富。