點心到 Mix.大排檔(Dim Sum Here)
營業時間
| 星期二 | 07:00–22:00 |
| 星期三 | 07:00–22:00 |
| 星期四 | 07:00–22:00 |
| 星期五 | 07:00–22:00 |
| 星期六 | 07:00–22:00 |
| 星期日 | 07:00–22:00 |
| 星期一 | 07:00–22:00 |
服務選項
外送
外帶
內用
無障礙程度
不支持無障礙停車場
產品/服務
小菜
酒精飲料
啤酒
用餐選擇
早餐
早午餐
午餐
晚餐
餐飲服務
甜點
設施
洗手間
適合兒童
規劃
接受訂位
付款方式
信用卡
簽帳金融卡
NFC 行動支付
信用卡
雖然google評分無4分，但見呢間小店Openrice一面倒讚好，就比個機會佢，原來係個錯誤嘅決定。再一次認證Openrice真係好多打手。
第一碟上枱—–椒鹽鮮魷 $86
呢個價錢嚟講，份量幾多，本身仲諗住好抵食，點知原來份量多先難頂…首先呢碟野溫度只係暖，唔係即炸出嚟；第二根本就唔係鮮魷，口感同味道都似水魷，得個爽字，完全無魷魚味!!! 第三好厚粉；第四炸蒜係淋喺面，無一齊炒過，所以無椒鹽、無蒜香、一定要點個淮鹽，因為成舊野都無味!! 呢個係我食過最難食嘅椒鹽鮮魷!!
第二碟——黃金桂花蝦球 $108
呢碟係人氣推介，在場有唔少人食緊，所以溫度係辣口嘅程度!!
份量好多，有十幾粒大大嘅蝦球，而且賣相幾靚，又有少少桂花瓣，感覺有番D希望。@@
食完之後，真係要讚下呢度嘅廚師XD點解十幾粒咁大嘅蝦仁，可以拿到得個爽字，完全無蝦味?? 就連鹽嘅調味都無，果下先犀利XD 完完全全係食緊一舊鹹蛋黃味嘅爽口炸物，油膩感極高，油到反胃。
第三碟—–英式芥末牛柳粒 $118
呢個又係人氣推介，經歷左前兩度菜，已經無任何期望XD
牛柳當然已經拿到完全無牛味，同埋好淋嘅口感啦，細嘗之下仲會食到少少鬆肉粉嘅味道添，建議大家點多D芥末醬嚟食，咁就可以蓋過怪味，同時亦要飲番多D水，因為真係好多味精。
第四碟——深海墨汁海鮮麵 $98
又係一度賣相吸引嘅食物，配料有海鮮味嘅帶子3粒、好難食嘅爽大蝦仁4隻、得個爽字嘅無味魷魚；麵係偏硬嘅扁意粉；墨汁唔腥，有落鹽調味，所以個麵食落比蝦同魷魚好。
冰鎮咕嚕肉 $88
又又又係人氣推介，呢個餸係全晚最正常，份量亦係最少，肉得十幾粒，唔明點解巴西豬肉可以賣咁貴。
當晚全場爆滿，更有外藉人士進膳，門外不時有客人等位；食物賣相吸引、選擇多；上菜快，職員又勤力；餐廳環境光猛、企理；一切硬件都唔差，可惜，食物真係強差人意，真係好難食，我地幾個番到屋企都不停飲水、話口渴。六個字評價呢間小店，「不可一，不可再」。
晚市收茶$5/位，無加一，接受電子付款。
服務
內用
餐點類型
晚餐
平均每人消費金額
HK$100-150
餐點：1
服務：3
氣氛：3
今日放假朋友相約出旺角shopping,咁啱經過「點心到」MIX 大排檔,就係度食晚飯.
在門外等咗一陣就有位,午市做點心,有多款即叫即蒸嘅點心。
晚市就變成有鑊氣嘅大排檔小菜,各有特色。
今次就先試下小菜,下次再過嚟試埋點心。
🌟秋葵野菌扒豆腐🌟
這裡豆腐分兩層的,白色和綠色,外脆內軟,應該是炸過的.還有野菌和秋葵,加埋濃郁嘅醬汁,送飯一流。
🌟深海蜜汁海鮮麵🌟
帶子鮮甜、蝦球爽口彈牙,墨魚汁好香,又勁大碟。
🌟xo醬炒蘿蔔糕🌟
蘿蔔糕煎得香脆,同XO醬一齊翻炒,吸收曬XO醬嘅精華,十分惹味。
整體來說:
地方寬敞,乾淨衛生。
服務
內用
餐點類型
晚餐
平均每人消費金額
HK$50-100
餐點：4
服務：4
氣氛：4
點心好食，抵食，冇收加一服務費，堂食或外賣
新造型師點心！一切都很好！
服務
內用
餐點類型
其他
平均每人消費金額
HK$100-150
餐點：4
服務：3
氣氛：4
📍大肚婆炒飯
食得多瑤柱蛋白炒飯，比呢個名吸引左，一黎到已經聞到好香👍🏼有蝦、帶子、叉燒等等，幾好食～
📍XO醬爆豬頸肉
豬頸肉入味，但食到蔥爆炒味多過XO醬，不過好好食，如果係配白飯就真係一啖接一啖咁食，我地配炒飯食就分開兩啖個味唔會撈埋一齊😆😆
📍黃金桂花蝦球
外層滿滿嘅鹹蛋黃味，咬落去真係食得桂花味好特別🤩 桂花茶就飲過，桂花糕都食過，都試過桂花加入餸度食🤩
📍無論係我地食前定後，門口都keep住有人排隊，真係好好生意！！
🔹🔹🔹🔹🔹🔹🔹🔹🔹🔹
#點心到 MIX·大排檔 (旺角)
旺角洗衣街39-55號金雞廣場地下1A,1B,1C號舖
🔸🔸🔸🔸🔸🔸🔸🔸🔸🔸
#旺角好食 #旺角食好西
餐點：4
服務：4
氣氛：4
點了冰鎮生炒骨, 雞煲, 及蠔餅, 都只是普通快餐店水平 ？？ 有点失望, 還在門外等位子等了十多分鐘。
服務
內用
餐點類型
晚餐
平均每人消費金額
HK$150-200
餐點：3
服務：3
氣氛：3
🔸三色蒸水蛋 $68
老公至愛嘅三色蒸水蛋，每次去食飯都一定要叫🤣火候啱啱好，水蛋唔會老，超級滑，最鍾意撈飯一齊食
🔸蜜汁牛柳粒$108
出色嘅蜜汁牛柳粒，黑椒味比較重，唔牛柳嘅數量都唔係好多，仲有薯仔做配菜，真係好完美嘅配搭，仲要係啖啖肉㗎
🔸金沙海鮮蛋白炒飯 $86
黎到上枱已經好香噴噴，吵得超有鑊氣豆，炒飯見到粒粒分明加嫁，同埋超級足料呀，一食就已經有淡淡嘅鹹蛋黃香，會入邊仲有蝦仁，瑤柱，蛋白，翠玉瓜，雞蛋，食到我好滿足🥰
最後提提大家，呢度係有茶位收嫁，但係就冇加一服務費☺️
服務
內用
餐點類型
晚餐
平均每人消費金額
HK$200-250
糟糕的客戶服務，可能是我在香港遇到的最糟糕的。
我們試著點更多的食物，但服務生因為我們不會說粵語而責罵我們。
我們要求解釋菜單，但她大喊只看菜單上的內容，讓我們感到尷尬。
由於絕對糟糕的客戶服務，我們仍然需要支付我們無法喝完的啤酒的費用。
永遠不會去這個地方。
服務
內用
餐點類型
晚餐
雖然呢間叫自己做大排檔，但係佢餐廳嘅格局好光猛乾淨，坐得幾舒服
花膠海鮮小米粥 ($99 / $139)
有兩個size細鍋3-4人，大鍋6-8人。米粥用珍珠米同南瓜煲成，粥唔會稀仲粒粒分明。細鍋配料都好豐富，幾片花膠、3粒大帶子，蝦，仲有杞子，好鮮甜👍🏻，兩個人每人都食到3碗
黃金桂花蝦球 ($108)
用鹹蛋製皮炸蝦球，外皮好薄好鬆脆，鹹香味同蝦好夾，唔會太油膩
榴槤雪媚娘 ($16)
原來係圓形嘅班戟，咬落去已經散發出好大陣嘅榴槤香味，加左忌廉，做最後甜品一流😋😋
餐點：5
服務：5
氣氛：5
合理的價格。
餐點：5
服務：5
氣氛：5
💙 金雞商場隔離！有時都會經過，上次夜晚就同媽咪就去咗食~ 兩個人去食都唔使同人搭枱👍🏼 因為都好多四人枱~
裝修幾靚，樓底高，空間感足夠😌
💙 朝頭早係食點心，夜晚就主要係嗌小菜或者海鮮~
💙 紅燒乳鴿 $55/隻
好耐冇食乳鴿! 乳鴿燒得香脆😍 可以問佢攞手套食，唔使整污糟手😆
💙 冰鎮咕嚕肉 $88
好鍾意食呢個冰鎮咕嚕肉！本身都鍾意食咕嚕肉，今次冰鎮咕嚕肉，又冰又熱嘅溫感，令到食落更加有趣🤣 味道亦酸甜適中👍🏼
💙 黑椒牛柳絲炒意粉 $88
炒意粉好大碟！意粉係扁身意粉🍝 鑊氣十足，加上黑椒辣辣地，幾惹味~
💙 榴槤雪媚娘 $16
如果鍾意食榴槤嘅，超推薦呢個甜品！雪媚娘其實即係大福~ 糯米皮包場幼滑忌廉和榴槤肉，好好食😋
💙 另外我鍾意呢度上菜夠快！唔使好似酒樓咁有時要等好耐🤣 每位茶芥 $5 ，無加一😉
服務
內用
餐點類型
晚餐
平均每人消費金額
HK$100-150
下午茶🫖🧆
杏汁燉白肺下晝四點已經售罄😲 秋風好搶手。但有川芎白芷魚頭湯都唔錯，屋企好難自己煲，但對鼻敏感的我其實好適合！🈴
黑松露菜苗餃
真系有好香嘅松露味道～ 餃皮都算好薄
鮮蝦腐皮卷
腐皮炸得脆卜卜，加上喼汁好好食
燒汁釀虎皮椒
燒汁都幾夾，微甜加BB微辣, 入口過癮🎃
濃湯鮮竹卷
好鐘意食呢個，濃湯三日鮮竹卷，味道口感Juicy 🙂 鮮竹外皮都幾薄～裡面夾住菜蔬都好林身
鮮竹牛肉球
正常發揮～ 腐皮同牛肉球冇分開斷裂、入口口感ok . 加喼汁好鮮味。
黑金流沙包
之前喺油麻地分店都食過，細細個，加埋奶黃都幾好食。
炭燒山楂鴨絲包
味道其實有少少似叉燒包，但又有自己特色。有少少山楂的酸味甜，開胃啲。
餐點：5
服務：4
氣氛：4
#Elsie帶你食｜🇭🇰｜點心到 MIX·大排檔
📍旺角洗衣街39-55號金雞廣場地下1A,1B,1C號舖
——————————————-
潛左水好耐嘅我終於回歸啦😂 急不及待再同大家分享美食～～ 今次去左旺角搵食 一睇呢間舖頭名 當初以為佢係食點心 點知夜晚堂食原來係食小菜 等我下次日頭試下佢嘅點心先🤭
🔖乾炒牛肉腸粉 HKD78
一上菜就聞到好香炒牛河味，同乾炒牛河冇咩不同，特別之處係用豬腸粉嚟炒，每條腸粉都炒到有d燶邊，食落少少脆及有焦香，而且夠鑊氣，色香味俱全。🥰
🔖冰鎮咕嚕肉 HKD88
咕嚕肉炸得好香脆，份量好多，但每粒size唔算大，醬汁又甜甜酸酸，味道濃郁，好容易一粒接一粒咁食 食唔停。我仲要係配菜控 佢有勁多菠蘿 同 青椒 好加分😂👍
🔖椒鹽九肚魚 HKD98
啲魚都好大舊，可以一舊慢慢食，炸得幾香，炸出黎嘅色澤唔錯，雖然有好多炸蒜粒粒，不過都係差左少少椒鹽味，食落味道則偏淡。
———————————————
📝 整體而言，都中規中矩，亦有些驚喜，聞到煲類好香，可能試下煲仔類都唔錯
服務
內用
餐點類型
晚餐
餐點：5
服務：4
氣氛：4
同朋友去左食晚餐～
小菜好多選擇～
我哋點左三個菜。
其中麻婆豆腐最好味！口腐質地軟滑，入口即化，醬汁豐富有一種麻辣的刺激感😋
同埋龍門鴛鴦炒米粉，配有一辣椒醬。米粉搭配猪肉絲、鲜蝦和蔬菜，口感豐富，乾身，有咸鲜味道😍
麻辣雞煲就不過不失，辣味唔大～
餐點：4
服務：4
氣氛：5
日頭佢係點心鋪,夜晚佢係大排檔小炒
旺角美食攻略2023
坐無虛席的小店,聽講呢間小店小炒出色,等位20分鐘即可入座,卡位,唔錯
服務態度一流價錢亦唔算好貴!
炒左一個菜,一個牛河,一個XO醬爆西芹
埋單200幾包茶費,平過食茶記
先評牛河,炒得爽身無油膩感,條條粉明上到豉油色,加上厚嫩大片既牛肉,一絕,係一道出色的炒河,有功夫
蒜蓉炒菜心,份量大碟,夠清甜有蒜香
XO醬爆豬頸肉西芹墊底,夠獲氣之餘香口惹味,難怪坐滿客人
食物水準同價位來說大勝
評分8/10
消費$250
點心到 MIX·大排檔
#點心到 MIX·大排檔 #點心到MIX大排檔
旺角洗衣街39-55號金雞廣場地下1A,1B,1C號舖
Shop 1A,1B,1C, G/F, Golden Era Plaza, 39-55 Sai Yee Street, Mong Kok
#夜繽紛 #香港夜繽紛 #開心香港 #HAPPYHK
#HELLOHONGKONG #你好香港
#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG
#hkfoodblogger #HKIG #HKIGFOOD #HKIGFOODBLOG #hkigblogger
#foodie #foodiehk #hkfoodie #香港美食 #香港自由行 #香港旅行 #香港探店
餐點：5
服務：5
氣氛：5
晚市主打大排檔小菜，紅燒乳鴿、煲仔菜值得一試！😎👍🏻
「點心到」喺油尖旺區算係相當有名氣！
不論午市晚市，經常都大排長龍～
而旺角「點心到 MIX·大排檔」晚市主打小菜，供應各式各樣大排檔小食、煲仔菜、炒粉麵、海鮮等。
🔸紅燒乳鴿（$55/隻）‼️推薦‼
見到唔少食客都叫紅燒乳鴿，梗係要叫返隻試吓啦～
乳鴿都幾大件，外脆內嫩，肥美多汁～☺️
🔹啫啫豬潤雞煲（$96）
原個煲仔上陣，炸炸聲，襯熱食最正！😏
雞件夠滑，豬潤爽脆，下飯一流！
🔸蒜香骨（$82）‼️推薦‼
炸得金黃香脆，皮脆肉嫩，仲好入味。👍🏻
🔹乾炒牛河（$78）‼️推薦‼
炒得好有鑊氣！
牛肉嫩滑，河粉層次分明，不帶多餘的油份，
一定要配辣椒醬食，夠晒惹味！😋
食大排檔點少得啤酒🍻，竟然仲有Guinness 黑啤酒！😎
服務
內用
餐點類型
晚餐
平均每人消費金額
HK$200-250
餐點：4
服務：4
氣氛：4
🍽 點心到 MIX·大排檔
📍 旺角洗衣街39-55號金雞廣場地下1A, 1B,1C號舖
✨收工唔想煮飯系列，仲要今日落雨，都係食完再返屋企😂 想食大排檔，所以收工係附近揀咗裝修好靚嘅大排檔😋 座位比一般茶餐廳大，所以坐得好舒服，2人都有張圓枱，都仲有好多鬆動嘅位👍
🍽️ 鑊氣豉椒炒蜆 $89
實如其名，有鑊氣！同傳統大排檔一樣咁熱辣辣，算係大大隻，份量都多，同埋都唔算好貴，性價比都好高。餐廳處理得好乾淨，一粒沙都食唔到，做得好。
🍽️香煎蠔餅 $88
上菜嘅時候已經聞到好香嘅蠔餅味，中間有芫荽點綴，賣相好靚😍夾開啲芫荽，原來中間仲要係流心嘅，未食已經流晒口水！🤤🤤🤤食落去邊邊位好香脆，中間留心嘅部份仲好有蛋香味。蠔仔都好大大粒，所以好味好岀👍👍👍
🍽️楊枝甘露 $25
既然都出嚟食，不妨對自己好少少，揀咗個甜品share食。呢碗楊枝甘露同甜品店嘅有得揮🤣 芒果好甜，柚子果肉都好多，而且都好甜。
🍽️配上兩碗白飯$25，茶位兩位$10，今晚呢一餐就解決啦☺️
———————————————
評分: (5⭐️最高)
味道:⭐️⭐️⭐️⭐️⭐️
環境:⭐️⭐️⭐️⭐️⭐️
打卡:⭐️⭐️⭐️⭐️⭐️
再訪:⭐️⭐️⭐️⭐️⭐️
#chillyummi_旺角 #foodiehk #Eeeeeats #FoodPhotography #Delish #foodiegram #foodielife #igfoodie #hkfoodies
服務
內用
餐點類型
晚餐
平均每人消費金額
HK$150-200
紅燒乳鴿肉質鮮嫩多汁，入口即化。它的皮薄脆，非常香口。
接著是椒鹽九肚魚，炸得十分酥脆，外層裹上椒鹽調味，吃起來既香脆又帶有微辣的風味。
蝦醬通菜炒鮮魷鑊氣十足。鮮魷的口感彈牙，蝦醬的咸香與通菜的清爽融合在一起，非常惹味。
單尾是乾炒牛河，炒得香氣四溢，個人喜愛伴辣椒醬同食，風味更佳。
服務
內用
餐點類型
晚餐
平均每人消費金額
HK$250-300
餐點：4
服務：4
氣氛：4
想食大排檔，但又想環境舒服乾淨，呢間會好岩。今次已經係我地第二次黎食，餐廳既乳鴿係必食，我地兩個人叫左三隻，每隻只係$55，好抵，上次只叫左一隻唔夠侯，所以今次要叫番夠本。乳鴿燒得熱辣辣，皮脆肉香，推薦。
跟住我地仲叫左魚香茄子煲配一碗白飯，茄子燉煮得剛剛好，口感軟糯，入口即化，茄子仲吸晒啲汁，再搭配著香辣的咸魚香肉碎，唔會好咸岩岩好，整道菜勁香，完全係米飯小偷。
我地食左$265，食完係勁飽，真係性價比好高，唔怪得今日係平日都不斷有人排隊等位。
服務
內用
餐點類型
晚餐
平均每人消費金額
HK$200-250
餐點：4
服務：4
氣氛：4
建議的餐點
魚香茄子煲
即制点心，不错。可以一試，但畧貴。
餐點：4
服務：4
氣氛：4
《集合點心大排檔特色港式風味😝》
1. 乾炒牛河 $78
炒得好夠乾身，河粉炒到條條分明，唔會炒到太淋，食落好有鑊氣，加埋辣椒醬更加惹味，牛肉好鬆軟，而且都幾多牛肉。
🌟 評分: 8.5/10
2. 黑松露炒帶子 (XO醬 油泡) $118
上菜嘅時候已經聞到好香黑松露味，帶子份量有好多，每一粒都好大粒，食落有鑊氣同埋好香黑松露味，口感爽口，帶子仲有少少水份完全唔乾，好鮮甜。
🌟 評分: 8/10
3. 黑金流沙包
蒸包質地鬆軟，入面好多奶黃餡，有少少流心，唔會太甜味道
啱啱好。
🌟 評分: 8/10
🎖️整體評分🎖️
❤️ 味道: 8/10
🧡 環境: 8/10
💛 服務: 7/10
💙 性價比: 8/10
📍 點心到 MIX·大排檔 (旺角)
旺角洗衣街39-55號金雞廣場地下1A,1B,1C號舖
#hkoverfood_旺角
服務
內用
餐點類型
晚餐
平均每人消費金額
HK$100-150
餐點：5
服務：4
氣氛：4
位於旺角洗衣街金雞廣場旁邊的《點心到MIX 大排檔》，上下午食點心，晚上食小菜，提供多元化的菜式。
餐廳坐位頗多，光猛整潔，坐得舒適，服務員有禮，Order 了食物很快就送到，效率高。
「紅燒乳鴿」
乳鴿燒得皮脆肉嫩，而且不油膩，鴿肉味道恰到好處，也可因應自己的喜好蘸上豉油汁或椒鹽。
「中式牛柳」
大大片軟腍的牛柳配搭抗氧成分豐富的洋蔥，酸酸甜甜好下飯。
「星洲炒米」
咖喱粉和黃薑粉的香氣撲鼻，米粉爽口，配搭叉燒，再混合蝦仁、滑蛋、洋蔥、韭黃……美味的星洲炒米就呈現在眼前。
服務
內用
餐點類型
晚餐
平均每人消費金額
HK$100-150
餐點：4
服務：4
氣氛：4
🌟平時好鍾意食點心同大排檔的鑊氣小炒，俾我發現左呢間餐廳兩樣都有齊，從餐廳名”點心到mix 大排檔” 就知道餐廳主打有咩食😊
🌟今日晚餐時段去，所以主打食鑊氣小炒，煲仔菜，中式海鮮等。
🐟游水龍躉仔$138
餐廳有個魚缸，真係即叫即蒸，好新鮮，每條約一斤重，好肥美，真係拍得住大酒樓的蒸魚！
🐥保仔左宗堂雞煲$88
個名好特別，之前未聽過呢種煮法。上枱熱辣辣，加入好多三色椒，洋蔥，菇，蒜，醬油一齊煮，味道辣辣地，好惹味。
🥢黑金流心包$10
🥢卡通芋蓉包$10
好鍾意可以淨係叫一隻包！吾會食到好漏，又可以試多幾個口味😍黑金流心包果然係招牌菜，蛋黃味好香濃，仲超級流心😂芋蓉包都不錯，淡淡的芋泥味，好綿滑😋
服務
內用
餐點類型
晚餐
平均每人消費金額
HK$100-150
餐點：5
服務：4
氣氛：4
點心加小菜，配搭特別。價格合理，可惜太多人。
服務
內用
餐點類型
晚餐
平均每人消費金額
HK$150-200
建議的餐點
飛天通菜煲 啫啫雞煲
非常適合體驗當地傳統粵菜。燒鵝和咕嚕肉煲絕對不會出錯。
服務
內用
餐點類型
晚餐
平均每人消費金額
HK$150-200
餐點：5
服務：4
氣氛：5
建議的餐點
冰鎮咕嚕肉
👽 食神大媽《油麻地｜好味點心撈過界》
.
🥟 𝔽𝕣𝕠𝕞 𝔻𝕚𝕞 𝕊𝕦𝕞 𝕥𝕠 ℂ𝕒𝕟𝕥𝕠𝕟𝕖𝕤𝕖 𝔻𝕖𝕝𝕚𝕘𝕙𝕥𝕤 @ 🌟 點心到 MIX·大排檔《👽食神大媽食中菜》
.
👽 大媽超鍾意去油麻地分店食點心，但係就從來未試過呢間喺旺角嘅分店。依家仲要除咗點心之外會有小菜供應，今日難得經過，仲要未爆棚，一定要試吓呢！
.
🦐 首先就係叫咗經典「豉油皇海蝦」，好大隻呀，仲要好彈牙，好多隻，調味一流，性價比超高呀！
.
🐷 另外就叫左「冰鎮咕嚕肉」，超經典菜式但就黎個冰鎮處理。肉肉肥瘦適中，咕嚕醬汁超級好味，仲要超多菠蘿！冰鎮完之後，更加外脆內嫩！見好多檯客人都叫呢一款呢！
.
🍝 平時炒米粉食得多，鴛鴦米就好少試，所以叫左「龍門鴛鴦炒米」。配上鮮蝦、肉絲。微辣，粉絲拼米粉一齊炒，好彈牙，口感幾豐富。
.
🥧 晚市雖然有好多款點心都冇供應，但係呢一款超經典嘅香「黑金流沙包」同「卡通芋蓉包」都有繼續供應，剛好可以當甜品！黑金色同卡通公仔樣嘅外皮好吸睛，一擰開就流出濃郁嘅流沙同芋蓉餡料，甜而不膩，好味！
.
🤩 呢間分店地點方便、企理整潔、餐牌多選擇、有卡位坐得幾舒服。最正就係又有得食點心，又有得食小菜，想一次過滿足兩個慾望嘅朋友仔可以試下。
.
服務
內用
餐點類型
晚餐
平均每人消費金額
HK$150-200
原來晚市主打大排檔小菜，點心相對較少選擇，下次會再試一試佢啲點心😎呢幾款小菜都唔錯👍
紅燒乳鴿
呢款紅燒乳鴿都幾出色，燒到外層脆卜卜，熱辣辣咬開仲保持到佢本來的肉汁，配埋淮鹽、醋食，更yummy，雖然細細隻但都幾有肉地，肉質亦幾嫩滑。
大肚婆炒飯
呢款炒飯個名幾得意，主要由薑、蛋、海鮮炒埋一齊，原來因為薑對大肚婆有益，所以叫呢個名，炒飯粒粒分明，雖然有放薑粒，但整體都唔會好辣～
黑金流沙包
Size 細細個咁，但一met 開，入面既料即刻爆哂出嚟，好邪惡！
卡通芋蓉包
估唔到呢款芋蓉包都帶少少流心，芋蓉甜度剛剛好，同樣地皮簿，料多，滿足！
服務
內用
餐點類型
晚餐
餐點：4
服務：4
氣氛：4
日日見到勁多人排隊入去飲茶。
十一點幾，見唔洗排隊即刻去試。
價錢唔貴，品質幾好👍🏻 最緊要係夠熱🔥
小籠包比起出面連鎖優勝。
籠仔飯好出色👍🏻👍🏻 自己叫左蒜香蝦 ， 隔離檯既鳳爪排骨既香氣直頭攻到過黎👍🏻
牛栢葉👍🏻
馬拉糕夠實在👍🏻
無加一收費 ， 仲可以嗌茶餐廳飲品 ， 品質好食過出面好多間。
服務
內用
餐點類型
早午餐
平均每人消費金額
HK$100-150
餐點：4
服務：4
氣氛：4
非常好食 服務亦不錯 氣氛和環境都比真正的大排擋舒適 食物十分新鮮和有鑊氣 唯獨洗手間若增多一間就更好😋👍
服務
內用
餐點類型
晚餐
平均每人消費金額
HK$250-300
餐點：5
服務：5
氣氛：5
建議的餐點
飛天通菜煲 豉椒蒸白鳝
燒賣好食，蝦餃皮太薄好易爛。
服務
內用
餐點類型
午餐
平均每人消費金額
HK$50-100
餐點：4
服務：5
氣氛：4
😎🤘🏻 材料新鮮，沒有味精，還會再來。
餐點：5
服務：5
氣氛：5
不錯的點心食肆
服務
內用
餐點類型
午餐
平均每人消費金額
HK$50-100
餐點：4
服務：3
氣氛：3
港式炒菜
推薦菜色：
蛋黃蒸包 ($10@)
包子是香港傳統美食，造型別緻哈哈
更何況裡面還有美味的蛋黃熔岩🥹
一如既往地喜歡這道菜
蛋黃炸蝦 ($108)
嗯，又是蛋黃……但烹調方法完全不同
蛋黃使外皮酥脆，與裡面的大蝦完美搭配:)
這道菜小時候很流行……但現在很難找到了
沙嗲牛肉鍋 ($88)
招牌港式沙嗲牛肉搭配金針菇和粉絲
醬汁沾滿了每一寸，配上米飯真是太好了！
肉碎炸豆角（$75）
蔬菜和肉類的均衡飲食🤭
豆子不會煮過頭，而豬肉則為菜餚增添了風味
有時間的話值得一試；）
隔左好耐冇黎食，今日係旺電買完野，咁岩係附近，就黎過左黎食！
之前食過佢既冰鎮咕嚕肉後覺得好好食同好脆口，所以今次又再叫多一次！
味道依然係好好～ 份量唔少，而且外層都係好脆口🥰
仲有依舊每次黎食都會必叫既係 榴連雪媚娘， 鐘意食榴連既我覺得好正～ 啖啖都充滿榴連味，仲有椰絲cream, 外皮好煙韌😋
今次仲叫左芋泥卡通包，外表好得意😍
入面既芋泥都好香好幼滑，值得一試！
呢度平日都坐滿人，要等位～ 足見食物質素唔差～ 🥰 下次都會想再過黎食
服務
內用
餐點類型
晚餐
平均每人消費金額
HK$50-100
餐點：4
服務：4
氣氛：4
建議的餐點
榴槤雪眉娘
保仔左宗棠雞煲， 🦐👍88蚊好抵食呀💯大大煲，有冬菇仲有好多雞㗎 d🐥好嫩滑酸酸甜甜咁幾開胃喎👍👍
清蒸沙巴龍躉仔，138蚊價錢合理呀！ 條魚好新鮮好多肉㗎👍 蒸到啱啱好， 滑捋捋魚汁用嚟送飯簡直一流添呀💯成碗飯可以清曬喎😁😁
點心到 MIX 大排檔
旺角洗衣街39-55號金雞廣場地下1A, 1B, 1C號舖
服務
內用
餐點類型
晚餐
平均每人消費金額
HK$150-200
餐點：5
服務：5
氣氛：5
就還行
服務
內用
餐點類型
午餐
平均每人消費金額
HK$150-200
餐點：3
服務：2
氣氛：2
垃L
服務
內用
餐點類型
晚餐
餐點：1
服務：3
氣氛：3
今晚，我來到一家供應點心和小菜的餐廳。午餐時間他們以點心為主，晚上則可以點小菜。平日晚上很受歡迎，餐廳幾乎總是客滿，但座位區相當寬敞，所以不會感到擁擠。
咕嚕肉 – $88
這道脆皮五花肉真的很有創意。他們把豬肉放在冰上，吃起來有一種冷熱結合的獨特感覺。麵糊不會太濃稠，肉質也很嫩。味道酸甜可口，很適合搭配米飯。
蛋黃炸蝦 – $108
蝦球個頭大，肉質飽滿，麵糊裡裹著鹹蛋黃，更增添了罪惡感。
串流蛋黃流氓麵包 – 每個 10 美元
他們的招牌黑金熔岩麵包具有黑色和金色的外觀。咬一口，鹹蛋黃和蛋奶凍的混合物就會流出來。它有濃鬱的味道。
服務
內用
餐點類型
晚餐
平均每人消費金額
HK$100-150
餐點：4
服務：4
氣氛：4
建議的餐點
好👍
服務
內用
餐點類型
午餐
平均每人消費金額
HK$50-100
餐點：4
服務：3
氣氛：2
建議的餐點
鑊氣小炒王 啫啫雞煲
點心到 MIX·大排檔
之前在佐敦食過點心到，屬於比較價錢親民的點心店，質量也不錯。今天在旺角逛街時見到原來點心到還有大排檔版本，每個小菜大概都是一百元內，便決定入去試一試。
🔥沙嗲粉絲金菇牛肉煲 $88⭐️7.5/10⭐️
滿滿的牛肉，加上紅椒青椒和菠蘿粒，份量十足，足足有超過十塊牛肉！沙嗲粉絲牛肉煲，絕對是送飯必選。由於小編是重口味，略嫌沙嗲味不夠香濃！
🔥啫啫時蔬煲 $78⭐️8/10⭐️
小編晚上食中菜一定要吃一碟菜，所以選擇了啫啫通菜煲，最惹味便是這個通菜煲！鹹香肉碎配搭新鮮通菜，推介！
🔥冰鎮咕嚕肉 $88⭐️7.5/10⭐️
冰鎮上的咕嚕肉外凍內熱，外層少脆，味道不錯！
🔥白飯 $12
🔥茶芥 $10/位
⭐️總結：在旺角旺區來說，這間大排檔價錢相當親民，而且地方乾淨，衛生會比大排檔好！又可以嘆住冷氣。食物不錯！
📍 點心到 MIX·大排檔 @dim_sum_here
旺角洗衣街39-55號金雞廣場地下1A, 1B, 1C號舖
😋味道 7.5/10
😙環境 8/10
🤑價錢 8.5/10
😎服務 8/10
Ig: chillheafoodie
餐點：4
服務：4
氣氛：4
位於旺角金雞地舖人氣點心舖《 點心到 MIX·大排檔 》，餐廳座位都比較多，而且裝修都算新淨
🥢杏汁燉白肺
白肺片切得均勻，而且湯裏面非常足料，餐廳嘅杏汁燉白肺湯唔會過份用調味料，份量掌握得好好，杏汁味唔會過重，保持咗所有材料原汁原味
🥢晶瑩鮮蝦餃
佢地係用高質素嘅手工麵粉，保持咗餃子皮嘅薄滑程度，至於鮮蝦內餡，鮮味十足，每一隻蝦餃都包含大舊鮮蝦，質感鮮嫩
🥢鮮蝦腐皮卷
佢地嘅鮮蝦選料新鮮，每一隻都肥美嫩滑，炸至金黃酥脆，佢地嘅調味料亦都恰到好處，唔會過於咸或過於油膩
🥢燒汁釀茄子
一入口即爆出茄子哪甜味，而上面哪魚肉餡更係鮮嫩可口，不得不大讚個魚肉，味道調教得好好，而且釀魚肉size好大嚿，口感更係煙韌😋唔係又淋又散個種
🥢豉汁蒸鳳爪
鳳爪哪豉汁醬汁製作得好好，香濃而不膩，甜味唔會蓋過豉汁哪味道，而且鳳爪口感蒸得Q彈
🥢金沙脆皮銀蘿腸
金沙脆皮銀蘿腸口感多層次，幼滑腸粉包住金沙脆皮內脆外嫩，而金沙脆皮包住白蘿蔔粗絲，蘿蔔鮮甜多汁，呢款絕對係手工點心
餐點：5
服務：5
氣氛：5