點心到 Mix.大排檔(Dim Sum Here)

之前就食過油麻地嘅點心到食點心
今次嚟到旺角嘅點心到MIX•大排檔
呢間分店晚上最主要食嘅係小菜 都有少量嘅點心可以選擇📝
我哋七點左右去到 已經見到餐廳坐滿食客😎
佢哋嘅小菜賣相精緻 味道都唔錯

秋葵野菌扒豆腐
小妹推介✨✨ 呢個菜式充滿驚喜✨
原來係店舖嘅招牌菜📝 呢款菜式好考心機
豆腐係分咗兩層 分別係白色同綠色
外層經輕輕炸過 內裏好嫩滑 夾起上嚟又唔散開
豆腐嘅上面鋪滿野菌同秋菌 加上濃郁嘅醬汁😌

黃金桂花蝦球
每一件蝦球都充滿濃濃嘅咸蛋黃醬汁😎
一上到枱超香 蝦球炸到金黃色 肉質爽嫩彈牙
雖然充滿好濃嘅鹹蛋黃 但食落一啲都油膩
可次撈幾碗飯食😌

冰鎮咕嚕肉
見到好多枱都有嗌嘅咕嚕肉😍
佢同普通酒樓整嘅咕嚕肉有啲分別
呢度嘅咕嚕肉係經炸完及烹調後
再直接放上冰到 令咕嚕肉嘅醬汁凝固 做到有拉絲嘅效果
醬汁酸酸甜甜好開胃☺️
食落外層冰凍 仲好香脆😌
但裏面仍然保持溫度 肉質唔會韌 簡直係外脆內熱
仲有新鮮嘅菠蘿同埋三色椒 食落更加清新🍃

點心到，無點心食，上菜慢，限時間。經理黑口黑面。
服務
內用
餐點類型
晚餐
平均每人消費金額
HK$250-300
餐點：2
服務：1
氣氛：4

難得放假瞓到過哂lunch hour，去左呢間點心到同朋友飲個下午茶，環境比較乾淨啲亦都冇一般酒樓咁嘈吵，當日都見到唔少年輕一輩既座上客。另外食物份量又相對上細份啲，岩哂一兩個朋友一齊飲茶又可以試多啲唔同點心，而且餐廳多數都係細枱，兩條友去飲茶就唔怕要同陌生人搭枱咁尷尬啦。🤭
餐點類型
午餐
平均每人消費金額
HK$100-150
餐點：4
服務：4
氣氛：4

放工啦，今日屋企冇飯食，唯有係岀面食埋先，食個家常便飯，咁啱見到呢間點心到，仲有人排隊喎，又排下囉。

好，坐低睇下有咩好食先。

入到黎本來諗住食點心，見到隔離枱個兩個小菜又炒得幾好喎，於是我又試下。

麻辣雞煲，上枱個煲仲係支支聲架，用匙羹撈下先。

雞件厚肉大大舊，仲有好多件。

啲菇菇索左啲汁好惹味，個雞煲入味得黎唔算太辣。

洋蔥介乎于腍同爽之間，呢個狀態最好味味。
餐點：5
服務：4
氣氛：5

和朋友點了2道菜。他們把支票帶到我們的餐桌上，上面有兩道菜。我們只點了一道菜，吃了然後等待。要求另一道菜。女服務員說他們沒有/我們不能點。不明白為什麼她沒有在我們訂購時或之後的任何時間告訴我們這一點。
服務
內用
餐點類型
晚餐
餐點：5
服務：2
氣氛：4

前幾日自己一個黎到食點心～
餐廳主打點心，晚市仲會提供大排檔小炒！好多選擇🤩

今次試左晶瑩鮮蝦餃、豉汁蒸鳳爪、懷舊鵪鶉蛋燒賣同沙律明蝦角，全部都好味👍🏻

相約朋友去旺角購物後，想找個地方飲茶，眼前就見到旺角金雞廣場的…點心到…..進入.見到人客也很多，我們終於找到位置坐下，這裡的點心是即叫即蒸,價錢實惠, 而且免收加一, 茶錢每位只收五元, , 適合知己或一家大小共享飲茶之樂.
晶瑩鮮蝦餃… 17元..真正皮薄餡靚,新鮮蝦爽脆彈牙,味道不會太鹹,而且大大粒非常之抵吃. 好回味。👍👍
韭黃鮮蝦腸粉….29元…..蝦肉新鮮有鮮味,腸粉皮薄爽口,即叫即做,與別不同,好味👍👍😋😋
籠仔鳳爪排骨籠仔飯.40元….鳳爪和排骨醃製入味,排骨新鮮入口嫩滑,蒸飯好吃飯是一粒一粒的,好有質感,有水準😀👍🍚🍚
蜜汁叉燒包…19元…蜜味叉燒新鮮香噴噴，飽皮軟滑微彈牙，熱騰騰的非常好味！😋真係想食多一籠添😀😀😋
原隻蝦燒賣…..17元
大大隻蝦爽甜新鮮，燒賣皮薄餡靚，豬肉新鮮好味道，燒賣彈牙爽脆，質素非常高😋😋，好味道！👍
服務
內用
餐點：4
服務：4
氣氛：4

旺角金雞廣場地下，原來開咗呢間點心到Mix大排檔😳平日放工夜晚都要排一陣隊🩷

我哋叫咗冰鎮咕嚕肉、魚香茄子煲、紅燒乳鴿、黑蒜螺片燉肉排湯🩷

冰鎮咕嚕肉好特別啊😳見到台台都有嗌，所以我哋都嗌咗🤣咕嚕肉肉質爽脆 醬汁開胃👏🏻

燒乳鴿都幾大隻，而且厚肉❤️🥰點埋鹽食好好味

魚香茄子煲一上枱熱辣辣🥳個煲「咋咋聲」😍😍😍店員仲好體貼咁樣幫我哋用匙羹剷下個底 等啲茄子唔好黐底🥹🥹

黑蒜螺片肉排湯味道濃郁好飲💕💕💕

我哋叫咗一個白飯share 因為食魚香茄子煲一定要有飯🤣🤣🤣店員都好好比咗好大碗我哋 成座山咁🤣🤣🤣
服務
內用
餐點類型
晚餐
平均每人消費金額
HK$100-150
餐點：5
服務：4
氣氛：4

必須參觀
便宜
平均每人消費金額
HK$50-100
餐點：5
服務：5
氣氛：5

裝修新穎！食物質素可靠！有水準！畧嫌貴咗啲啫！
餐點：4
服務：4
氣氛：3

呢度我同朋友嚟到一間叫做「點心到」嘅餐廳，午餐時段正好食個點心。我哋試咗好多款式，包括晶瑩鮮蝦餃、原隻蝦燒賣、黑松露菜苗餃、香煎蘿蔔糕、四寶滑雞扎、黑金流沙包同金沙脆皮銀蘿腸。

先講講食物賣相，「點心到」嘅點心十分精緻，每樣都好吸引人。晶瑩鮮蝦餃包裹著大塊鮮蝦，色澤透亮，十分誘人。原隻蝦燒賣亦係大隻鮮蝦，賣相更加吸引。黑松露菜苗餃呈深綠色，散發出黑松露嘅香氣，令人垂涎欲滴。香煎蘿蔔糕煎至金黃香脆，表面帶有微焦，口感十分出色。四寶滑雞扎外皮脆滑，內裡肉質嫩滑，十分美味。黑金流沙包呈黑色包裹，一擰開就流出豐富嘅流沙餡，賣相吸引人。金沙脆皮銀蘿腸外皮金黃酥脆，內裡銀蘿腸肉質鮮嫩多汁，相當美味。

再講味道，「點心到」嘅點心口味地道，蝦餃、蝦燒賣、菜苗餃同蘿蔔糕皆帶著鮮美嘅蝦味，令人回味無窮。滑雞扎煮得恰到好處，滑嫩多汁，搭配啖啖蒜茸，十分開胃。黑金流沙包嘅流沙餡香滑濃郁，味道非常豐富。金沙脆皮銀蘿腸外皮酥脆，內裡蘿蔔腸肉質鮮美，配合甜鹹口感，令人愛不釋手。

份量方面，「點心到」嘅點心份量適中，食完一個又想再試其他款式，絕對飽得到飥。

總括而言，「點心到」係一間正宗好味嘅點心餐廳，點心賣相吸引，味道美味，份量適中。如果你鍾意食點心，記得嚟「點心到」試試佢地嘅招牌點心，一定唔會令你失望。
餐點：5
服務：5
氣氛：5

陣間喺旺角金雞廣場樓下成日都好多人排隊，中午食點心 晚市就主打小菜 仲有新鮮海鮮，不過都見到有少量嘅點心可以叫。
我哋兩個人主要都係想食小菜，感覺上價格都幾親民，我哋要左幾乎每台必點嘅紅燒乳鴿 $55，即刻炸返熱上台 即刻食，而且餐廳仲提供埋手套 拎住食最正
另外，仲叫咗兩個比較容易送飯嘅餸，蒜香骨同埋魚香茄子煲。蒜香骨夠乾身 好多蒜蓉 所以好夠香口。魚香茄子煲係我覺得最好食嘅，唔會太鹹上到枱嘅時候個煲重係滋滋聲，食到尾都仲keep住熱。肉碎好多 茄子都唔會好油，成碗飯食哂。
餐點類型
晚餐
平均每人消費金額
HK$100-150
餐點：5
服務：5
氣氛：5

鋪內裝飾明亮，點心出品很好。
服務
內用
餐點：4
服務：4
氣氛：4

好食，抵食，記得一定要訂位👍🏻 今天我倆叫了酥炸鯪魚球及南乳排骨，好食👍🏻 共$150
服務
內用
餐點類型
晚餐
平均每人消費金額
HK$50-100
餐點：5
服務：5
氣氛：5

🌟餐廳：點心到 MIX·大排檔
📍地址：旺角洗衣街39-55號金雞廣場地下1A,1B,1C號舖
💰價位：$101-200
⏰營業時間：星期一至日07:00 – 00:00
📱電話：59684809

想食小菜又想食包點、甜品，點心到 MIX·大排檔就滿足到我，餐廳晚市主打小菜，同時提供各類煲仔菜、炒粉麵、海鮮、甜品等等，超多選擇！
———————————————————
🔹 紅燒乳鴿
見到唔少客人都有叫紅燒乳鴿，即刻叫返碟試吓先～乳鴿相當大件頭，外脆內嫩又多汁，味道香濃入味，皮脆唔油膩，肉質仲好滑溜添～
———————————————————
🔹 鮑汁鳳爪
鳳爪滷製得相當入味，食落好軟淋，仲索盡鮑汁精華，風味一流。
———————————————————
🔹 乾炒牛肉腸粉
牛肉鮮嫩軟滑，腸粉炒得好有鑊氣，外皮香脆，香氣十足。
———————————————————
🔹 楊枝甘露
用上葡萄柚、芒果、西米露等製成，食落甜而不膩，又帶點清爽～
———————————————————
🔹 黑金流沙包
包夠鬆軟，輕輕撕開就流出香濃流沙內餡，口感滑順綿密，好邪惡啊！
———————————————————
🔹 卡通芋蓉包
賣相好可愛，芋蓉內餡香甜綿密。
———————————————————
😋味道：4/5
🏢環境：4/5
💁🏻服務：4/5
💵價錢：4/5
🤟🏻性價比：4/5
———————————————————

之前食過點心到嘅另一間分店都唔錯，原來佢仲有一間店係mix 大排檔架😙
不過呢間店晚市除左流沙包同芋泥飽之外，並無點心出售，主打食小菜，種類都好多元化呀🤭 幾乎咩煮法都有

同埋餐廳環境乾淨企理而且唔嘈，可以食到大排檔嘅嘢，但同時有一個舒服嘅用餐環境都好重要㗎🤗

叫咗兩款招牌菜+甜品

🌸秋葵野菌扒豆腐 💰82
平時食扒豆腐通常都係一件件普通嘅豆腐～餐廳好有心思，將佢做成鴛鴦色🤗
整體調味偏清淡🤭豆腐外層煎香左，內層保持滑溜口感，其中一邊食落有啲似玉子豆腐～有一陣蛋香味～配埋秋葵同煎香嘅秀珍菇，既好味又健康

🌸深海墨汁海鮮麵💰98
深海嘅材料有帶子，魷魚同蝦一球～份量都算唔少！蝦球爽口彈牙，帶子都保持到甜味～其實呢款有少少似西餐，麵條係我掛上滿滿墨魚汁嘅炒意粉～配埋豆瓣醬，少少辣，食起來更惹味～

🌸楊枝甘露💰25
正常份量和發揮，唔會過甜，而且材料都幾足，每一啖都食到柚子和芒果肉
服務
內用
餐點：4
服務：4
氣氛：4

晚市主打中菜小炒, 餐牌菜色選擇多, 我推介《秋葵野菌扒豆腐》, 真係好出色, 個菜式又特別喎！
服務
內用
餐點類型
晚餐
平均每人消費金額
HK$100-150
餐點：4
服務：4
氣氛：4

👉🏻京都骨
酸酸甜甜啱晒用黎送飯。一碟有7,8大塊，每塊都冇咩骨啖啖肉，有啲仲有軟骨好好咬。肉質軟稔，炸過所以好香口又掛汁。

👉🏻大肚婆炒飯
足料炒飯，好多蝦仁同叉燒粒，份量足夠二人分享。有鑊氣但調味無過重，食完都冇口渴。

👉🏻魚香茄子煲
必食。咸魚落得唔孤寒，個煲燒得好紅，食到最後一塊茄子都係熱辣辣😋

想讚下一位短頭髮店員，握介我哋食咩之餘又會主動招呼，茶餐廳都有服務，幾好。
服務
內用
餐點類型
晚餐
平均每人消費金額
HK$100-150
餐點：4
服務：5
氣氛：4
建議的餐點
咸魚雞粒炒飯

餐飲： 這家餐廳主營港式菜餚。我之前曾嘗試過他們在油麻地的點心店，今天我來到他們在旺角的分店，看看有什麼不同。

英式芥末牛肉塊（$118）：牛肉塊大小合適，肉質鮮嫩，容易入口。芥末不太辣，有淡淡的蜂蜜味。這道菜絕對值得一試！

大肚媽媽炒飯（$82）：這種炒飯裡有蔥、姜、雞蛋、蝦、叉燒等配料。每粒米粒粒分明，有鍋香味。裡面有很多蝦片，強烈推薦！

我們還點了他們的招牌菜，冰鎮糖醋肉（$88），但相比上面兩道菜，我更喜歡它們。

氛圍：餐廳比油麻地分店大，但要穿過波鞋街才能到達！晚上這裡可能會擠滿遊客，但由於內部空間寬敞，你不必等位！
服務
內用
餐點類型
晚餐
平均每人消費金額
HK$150-200
餐點：4
服務：4
氣氛：4

人少少想食大排檔，去呢到就岩曬! 呢到晚市專做小炒，早餐同午餐仲可以食點心架。

叫左人氣既冰鎮咕嚕肉，一上台已經見佢真係用冰塊咁上，咕嚕肉食落好脆口! 可能真係冰鎮既作用! 而且係無骨，所以食落都好方便。個醬酸酸甜甜好開胃，好想食番碗飯。

啫啫豬潤雞煲一上台聞到都好香，仲要炸炸聲，襯熱食最正。雞件幾滑，D雞包住曬汁，好入味，仲有豬潤，唔會有奇怪內藏味。

乾炒牛河好有鑊氣，牛肉片好好食，唔會咬唔開，最鐘意配埋辣椒醬咁食!
餐點：5
服務：5
氣氛：5

夜晚主打家常菜:
1. 啫啫豬潤雞煲 $96
2. 鑊氣小炒王$98
3. 馬拉盞炒通菜 $72
三個送三個飯，夠曬一家三口👨‍👩‍👧送飯晚餐，三個菜我都好鍾意，最重要係味道調教得好，雞煲好入味，小炒王又夠鑊氣，通菜又夠曬味，送飯真係一流。
4. 點心：黑金流沙包，卡通芋容包，榴槤雪眉娘，夜晚就有呢三款點心可以選擇，而且三款各有特色，我就最鍾意榴槤雪眉娘，因為我超鐘意食榴槤。
服務
內用
餐點類型
晚餐
平均每人消費金額
HK$150-200
餐點：4
服務：4
氣氛：4

肚餓先叫個蒸飯，籠子金銀蒜海蝦飯，蒜香味十足，蝦味已經滲晒落去啲飯入邊，非常惹味。鍾意飲湯嘅朋友呢度啲燉湯其實都唔錯，飲咗個杏汁燉白肺，燉到出曬味，必飲。再叫咗幾個點心，黑松露菜苗餃，比較新派，清爽鮮甜。鵪鶉蛋燒賣，唔係度度有得食。鮮竹卷用咗豆漿去煮，清新唔油膩。

如果喺屋企樓下有間咁嘅餐廳就好啦。
餐點：5
服務：5
氣氛：5

那個有油條在裡面的不好吃，其他都ok
服務
內用
餐點類型
早午餐

平時成日食日本嘢 西餐，都好少食中菜，心血來潮覺得好耐冇食小菜，於是今晚就搵吓邊度有得食。

原來金雞廣場附近嘅點心度係有小菜食！聽個名以為係飲茶點心，原來晚市係賣小菜！咁啱我又喺波鞋街買完嘢，啱晒啦。

首先我哋叫咗個水煮牛肉，好香，個辣味香得來唔會辣得滯，啱啱好，少少麻辣感覺，味道唔錯，入邊仲有粉絲！非常好味。

之後叫咗個蒜爆小排骨，豬肉好香口，超鍾意蒜蓉味嘅我，呢碟當然岩口味啦！好有鑊氣。

之後仲叫咗個流沙包，佢嘅包係竹炭包嗰種口感，棉棉地又有啲爽，幾正！奶黃嘅味道出色，熱辣辣嘅流心奶黃流出嚟，好好味。

最後用一個楊枝甘露甜品作結，芒果好甜，份量都幾多，好好味，有啲唔會太酸又唔會太苦，完美嘅作結。
餐點：5
服務：4
氣氛：4

小炒可以，好多野幾好吃
服務
內用
餐點類型
晚餐
平均每人消費金額
HK$100-150
餐點：5
服務：4
氣氛：4
建議的餐點
榴槤雪眉娘 鑊氣小炒王