oppa Korean Restaurant
營業時間
星期二 | 17:00–02:00 |
星期三 | 17:00–02:00 |
星期四 | 17:00–02:00 |
星期五 | 17:00–02:00 |
星期六 | 17:00–02:00 |
星期日 | 17:00–02:00 |
星期一 | 17:00–02:00 |
服務選項
外帶
內用
無障礙程度
不支持無障礙座位
不支持無障礙停車場
產品/服務
小菜
酒精飲料
啤酒
用餐選擇
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
今次食既哩間韓燒,之前係其他分店食過,有品質保證,今次再黎揀左個迷你和牛拼盤,哩個套餐除左跟牛肉外,仲跟個五花腩肉同一個石窩飯,兩個人食份量會有啲多,三個人食再加多個小食份量就最perfect。
前菜當然唔少得韓國醃製小食。
開爐等燒肉期間店員會加哩個泡菜蛋係邊邊,個蛋火喉要掌握得好先好食,燒得太耐蛋會老,要留意返。
迷你和牛拼盤份量比想像中多,肉片來自唔同部位,肉質口感同味道各有不同,絕對高質。
石窩飯有豬、牛,雞選擇,因為食左好多牛,所以就揀左個豬肉。石窩燒到夠熱,醬汁仲係邊邊翻滾,選用豬頸肉部位,肉質爽口,而且份量好多。
見到隔離枱點左個人蔘雞湯,忍唔住都叫左個。哩個人蔘雞湯非常足料,大大舊滑雞,湯底加左少少飯,所以湯飲落唔稀,會有飽肚感。味道非常好,幾飽都要飲哂佢😋。
鳥語花香
武肺下全球停飛,無法到韓國吃最愛的烤肉,唯有先到這長龍店頂頂癮!
果然人氣爆燈,即使門外已有很多客人等候仍然不斷有慕名而來的食客取籌!
就坐前店員已先準備好免費添加的前菜!有芽菜、泡菜、昆布及一籃新鮮生菜讓我們包烤肉!
還有一壺清爽解膩的凍麥茶!
這裡用的是特製長方形斜台鐵板,斜身設計可以令燒烤時多餘的油從爐的末端自動流出,旁邊有個位置煮蛋捲,先放泡菜混入魷魚, 再加蛋漿, 吃完烤肉剛好煮熟!
除了基本的燒肉汁及辣椒醬外,還可要求辣椒、生蒜及油鹽!
OPPA四太子限時價$108!售完即止!肥美的扇貝配上牛油及蒜蓉倍滋味!
每枱必點的和牛拼盤有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊及澳洲和牛舌!不同部位放在牛牛盤子上,還未吃已經很愉悅!
吃韓國餐當然要配韓式飲料,韓國粒粒提子汁味道清甜又解渴,粒粒果肉在內令人一口接一口,停不到口!
奧運版可樂!希望疫情快過,盛事毋須再延期!
太耐無食肉,今日要食餐飽 旺角的OPPA 一向都人滿為患,不過等左5分鐘就有位🤤
一坐低,急不及待先叫了4隻大扇貝醫一醫肚先
無肉不歡的食客,當然要點OPPA推薦的3重滋味,A4和牛肉眼,哇,依個肉正到呢。
A4 日本和牛,見到脂肪的分佈,我已經估計到燒完放入口個種即溶的澎湃感
見到已經好想食🤤每邊各燒5秒已經夠晒
當然唔少得要燒蔬菜,完美的吸收哂肉的油脂,令味道更上一層樓。
三重滋味中的匈牙利鵝肝,一碟有兩大件,一路燒啲油一路出,越燒越香
本來打算點個澱粉類黎食,點知俾我朋友阻止我,話一定只可以食肉,最後再點了一黑毛豬扒,結束這一回合。
例牌先黎配菜,有泡菜、菠菜、芽菜,仲有鍋邊蛋。
【大扇貝 】(4隻)$108
兩種食法,連殻加蒜蓉同牛油去燒,保留肉汁;拆肉去燒就乾身d卻鮮甜。
【104 加拿大牛排骨】(250g) $148
肉質軟嫩,雖然用醬汁醃過,但系要包埋生菜關係,味道可以再濃味d。
【202 豬皮】(100g) $78
豬皮有d蒜香味,亦吾蘸黃豆粉,就有d甜甜地,最好就煎耐d就脆d無甘黏牙。
【601 韓式部隊shake shake飯】 $58
以前睇韓國綜藝節目見過呢樣野,未試過就好想試下。午餐肉、煎蛋、泡菜、紫菜、芽菜同埋辣椒醬,拌鬆d飯後就蓋好鐵盒後大大力shake幾下就食得。
#有得食好盡快食系列
上星期聽到什麼跳舞群組都知肯定大獲野…
所以預早訂位預祝紀念日是必需的!
天氣轉凉正好需要食餐暖肚嘅韓國燒肉,
OPPA韓國燒肉店位置方便,
就在旺角/旺角東地鐵站之間,
一進店內感覺滿有韓國青年風的色彩,
章魚牛獅子頭壁畫生動有趣。
先讚一讚防疫準備,每檯有酒精搓手液,
進店有口罩袋、爐與爐之間格格也充足,
而且抽風亦做得幾完善,加上無油煎熟,
食完全身油煙味也不多。
最欣賞的是餐廳有特製長方形斜台鐵板檯,
自動將多餘的油份從爐的尖端流走。
用餐限時90分鐘,餐牌選擇不少,
分類牛、海鮮、豬、雞, 蔬菜及小食熟食。
傳統韓燒一坐就有得食,
3款餐前小食: 泡菜、海帶、芽菜,
以及無限添加泡菜蛋餅、生菜盤及麥子茶。
牛氣沖天和牛拼盤($458)
拼盤包括:美國上肩胛肉、美國牛小排肉、美國下肩胛、
日本A4背峰肉、日本A4上腦肉、日本A4牛肉眼、
1++韓牛肉眼、澳洲和牛頸脊及澳洲和牛舌,共9款。
呢個拼盤勝在樣樣有D, 如果第一次黎食呢個選擇係唔錯,
下次再來就會知道邊款牛比較岩自己食, 叫150g SIZE。
將薄薄牛肉輕放上爐一陣之後後,見到血水珠就反第二面,
鮮嫩多汁,切忌煎得太過火,浪費了油脂較多的牛肉。
OPPA四太子扇貝($108)
MENU沒有而必點的一款,
四隻扇貝提供牛油及蒜蓉,
扇貝份量新鮮合格,兩人食兩隻剛剛好。
另外叫多一客大西洋多春魚($48 100g)及原粒帶子($128 4pcs)
質素都唔錯,店員不時提醒材料留意燒熟的時間,
服務態度掂讚,亦會主動鏟走鐵板上嘅多殘餘物,
加埋兩杯韓國粒粒提子汁及梨汁,
完美的旺角韓燒體驗。
一直聽聞太子有間不錯的韓式燒肉店” Oppa韓國燒肉店” 趁著假期就和媽媽去子一趟,餐廳喺洗衣街附近, 由旺角站走過去尚算方便,餐廳有濃厚的韓燒店氣氛,好似去咗韓國一樣
首先當然order了啤酒,仲order了牛肋條,五花腩,帆立貝❤️, 蒜蓉帆立貝好新鮮,而且無粒都清潔得很乾淨,厚切的五花腩肥瘦適中,油脂分怖適中,每件配上泡菜和生菜包食減去了油膩的感覺 牛肋條有預先醃好,每片只需燒大概15秒就可以食,味道就如在國吃過的差不多!
配上冰凍啤酒簡單一流,期望疫情過後可以再去大吃一番
好味
最近交通恢復正常,梗係要出旺角行吓購物下,順便買聖誕禮物黎交換!
行完新世紀買完野天橋落去利苑見到一間韓國燒肉店排緊隊,我哋就八卦下睇下有咩食!
見到價錢都幾抵仲有和牛食,就入去試吓啦!
餐廳裝修時尚型格,韓國風!同當地一樣有條大通抽油煙,餐廳一啲都唔覺得好油好煙,食燒肉來講好舒服!最少件褸唔會吸晒啲味先啦!
講返食物,我就係比佢哋嘅和牛套餐吸引左,和牛拼盤$458,首先價錢夠吸引,裏面個部位都有,油花夠多又香,好香牛味!入口即溶!
一開始嘅時候員工仲為我地整咗泡菜雞蛋,呢個唔使特別俾錢,味道不錯,如果想再添食就要加錢!
另外叫多一份豬腩肉,本身冇調味過,燒出嚟外邊小小燶,入邊仲係juicy就最好味!豬的肥油已經夠晒香!
整體十分滿意,價錢都抵食!
A4牛
蛋汁泡菜
自從韓劇在全世界流行,韓國食品相對普遍很受歡迎,其中以燒烤最為香港人喜歡。
今天晚上便選擇了這間旺角出名的食肆,一嘗韓式燒烤的滋味。
韓式海鮮辣湯$88,材料有泡菜、八爪魚鬚、蜆、蝦,味道鮮甜帶香辣味,喝完全身發熱。
神戶水飼黑毛豬$148(150g),店員將黑毛豬放下之後,為我們烹調,剪成數塊,方便進食,這個安排十分窩心。黑毛豬脂肪分布均勻,肉質鮮甜,可以放在生菜內,點些韓式烤醬,便
可以減除油膩感。
美國牛肉醬醃$138(200g),醬汁味道帶點甜,肉質結實,而不會過靭,牛肉味道十足。
抗疫生活持續了一段長時間
沒得去旅行,只好相約朋友飯聚食好料
我們這一次走到旺角吃燒肉
OPPA韓國燒肉店 Korean Restaurant 這裡是韓式燒肉店,有燒肉,有料理吃
店家最出名就是燒肉,便宜,好吃,肉質水準高
人多建議可吃套餐,有4人也有6人的
2~3人就可以單點或選拼盤~
記得要訂位,非常爆場~
埋位先待服務員送上韓國泡菜小吃開胃
這裡最好吃是他家的泡菜,不會太辣好味道 特大鐵板,附一客菜,可以配燒肉食
也有泡菜蛋邊,真的如去了韓國吃燒肉
醬汁就有兩種 兩人就決定了吃 美國安格斯肉眼扒 $178 250克A4和牛切片一客 100克 $108,好抵食
油脂豐富平均,入口即溶,牛脂味濃香
再追加一客扇貝,一份有4隻又名四太子
有四隻扇貝,配埋牛油,蒜蓉,建議先食肉再食
濃郁既蒜香加牛油,係永恆不敗的美味組合
扇貝夠大隻,肉質細緻有彈性
煎牛有技巧,要先煎好一面再翻面,不要常翻 大約1分鐘左右就可以換另一面烤
2分鐘左右就可以食得了~牛肉味濃
油花無咁多,食起黎無咁油膩~肉味偏濃
和牛當然最吸引人
輕煎15秒就可以翻面,不然會流失太多油脂
和牛就是吃牛油脂啊~入口即化好嫩滑
不用點醬汁才是最美味的食法
#韓燒 #旺角
在旺角洗衣街的(OPPA Korean restaurant)門前經常人山人海大排長龍,水準屬中上水平,吸引大量年輕人拜訪。
門前設有酒精搓手液,入去之前當然要消毒,細心加分位,夠貼心!
新派韓燒一般裝修設計都會走年輕現代韓國街頭風,每桌均有一支由天花板拉下的抽風扇,可隨意調整角度。空氣不會過於煙霧瀰漫,衣服不會沾上油煙味,回家後也不需刻意清洗。
就像圓桌圍爐會議一樣,只欠一杯冰凍韓國Hite啤酒同朋友一起暢飲!
牛氣沖天和牛拼盤$438,分別有美國上肩胛肉、美國小牛排、美國下肩胛,日本A4背峰肉、日本A4上肩肉、日本A4牛肉眼,1++一韓牛肉眼、澳洲和牛頸脊、澳洲和牛舌。
五花腩$98/150g,份量不小,肉位紋理部分算精細,惟脂肪膏位置略多,油膩感會較重,捲包入生菜可中和油份,略嫌美中不足。
Oppa4太子$108,必點之一,店員推薦原隻貝殼放上燒烤板,放入大量蒜茸同牛油,能凝聚出更香濃蒜香及牛油香,更把帶子香鮮昇華。
韓風炸雞粒$88,配上韓式酸甜醬,醬料帶點啤酒香。雞件份量算多,外面香脆,肉汁質滑溜帶少許油汁,相當惹味。
餐牌上的菜式實在太多,如有選擇困難症的朋友可以點選歡聚四人餐,方便、快捷、優質!
野食ok,份量都好足,
臨近聖誕,就想同媽媽提早食翻餐好既
咁記得之前食過大埔分店既oppa燒肉,
食得津津樂道,而且印象中又抵食,
咁今日收工就順便嚟旺角分店同媽媽預祝聖誕
–
罐裝飲品都係韓國貨
–
前菜3款都好惹味
心心眼呢個芝士泡菜爐邊蛋😍😍
–
神戶水飼黑毛豬 $130
真係唔可以睇小呢150克嘅份量
兩大件黑毛豬,燒完都仲好juicy
果然係黑毛豬,肉質香口👍🏻👍🏻
–
加拿大牛排骨 $128
牛排骨捲起身,攤翻開真係夠三個人食
餐廳將牛排腌得好入味🤭
肉質嫩口,牛味又重~~私心推介!🥰🥰
–
想燒海鮮既話呢度都有!
因為同媽媽得兩個人,一人兩隻大大隻扇貝已經飽哂🤭🤭
–
四色雜錦菜籃 $58
食到咁上下點都要有翻d蔬菜落肚
翠肉瓜同南瓜燒耐少少真係好好食!
令我呢個食肉獸無咁大罪惡感😂
–
兩個人咁樣食法原來已經令到成張枱都係食物😂
呢餐好滿足,韓燒既話一定會再黎!
韓國燒肉,被香港特色蓋了點,食物唔錯,可惜服務差了點
這家店被高估了。肉的調味不夠,最重要的是作為一家韓國燒烤餐廳,他們的五花肉很糟糕。
風靡港人既韓式飲食文化,除左佢哋人氣既炸雞之外,燒肉都係不二之選。今晚涼涼地又唔想日日叫外賣,心思思想食韓燒,揾到間係旺角外圍既OPPA。
廣為人知既韓式飲食,當然離不開多樣式自家醃製泡菜。呢度有三款分別為醃蘿蔔片、海苔及微辣泡菜,食完唔夠仲可以免費追加,不過都係果句唔好做大晒鬼!
呢度既燒肉鐵板係方形設計,原來每邊都有特定功用,長方框格一側用黎製作蒸蛋,另外兩角用黎暫放熟肉以便保温,中間還有一個卸油收集口。
服務員先放入適量泡菜片,再提起小鐵壺注入奶黃色既蛋汁直至淹浸泡菜表面,備妥後就開火加熱。蛋汁受熱蒸熟凝固後,就可以享用口感綿滑既泡菜蛋。
同時間我們點的什錦豬肉拼盤也送到餐桌,四式肉食分別有豬排骨、五花腩、豬頸肉跟日本豬西冷扒,肉質外觀新鮮紅潤。
厚切西冷扒,外面附有薄薄一層脂肪,肥瘦度適宜,尤其橫幅肉肌非常嫩滑有彈性。入口甘香、柔軟多汁!
而我最愛係五花腩
大火下板待整幅煎香至呈金黃色後再反轉,此時油份受熱下慢慢擠壓出來,油香隨熱力四溢。服務員為我們剪開分成數小件,整理排好再略燒一分鐘就可以上碟了。
豬排骨、豬頸肉經醬汁醃過,小心燒既時候比較容易燶喔!
醬汁甜甜的,非常惹味。
另外點了限時價$108既OPPA四太子
一份4隻既扇貝拌上香蒜粒白蔥絲,燒既時候將扇貝肉放上鐵板加埋附上既牛油,頓時香氣撲鼻!!
小餐廳,氣氛溫馨,就像我上次造訪首爾時一樣。豬肉套餐一點也不差,但牛肉套餐soso。雞蛋和配菜無限量。很酷的地方。
旺角的一家韓國燒烤店,離東鐵站很近。我喜歡牆上的塗鴉藝術,這讓我感覺就像真的在首爾一樣。邊上煎的泡菜蛋真的很好吃,不過不是免費加的,不過我還是付費加了兩次!我點了牛肉拼盤也非常好。最好搭配啤酒!他們提供瓶裝啤酒和生啤酒。然而泡菜煎餅就一般般了,沒什麼味道。店裡很忙,要趕2個小時才能走完。工作人員也很快而且友好。但從餐廳走出後你會發臭!
一般般
今日行經旺角途見一間韓燒坐滿人,好奇這段 期間很少人出街用膳,這間餐廳卻近乎爆滿, 剛巧肚子正響鑼響鼓便決定試一試。
餐牌有很多菜式選擇,純正食肉獸的我叫了美國prime安格斯肉眼扒,加拿大無骨牛肋肉,神戶水飼黑毛豬,豬皮。準備落單時,被牆上“今日推介 – OPPA 4太子”嗰名吸引住,噢!原來係新鮮扇貝(帶子),哈哈哈……好!等朕會一會呢4太子,哈哈哈………
新鮮扇貝帶子 – 海鮮新鮮是基本!廚房已預先把帶子起了,只需要把帶子直接放上熱板,吱吱喳喳的聲音便把鄰枱的客人眼睛吸引過來,再將餐廳提供的鹹牛油一併放上,牛油帶子的香味就如跑車直奔進我的2條隧道。好香唷~~~(肯定其他食客都有同感)。不是自誇,真的煎得好好,牛油煎帶子本身就是完美的配搭,好味!
安格斯肉眼扒 – 抵!抵!抵!真係抵食,所以要講三次!!!$168/250g,以為品質實揸流灘,非也非也!油脂分佈平均,一看便知肉質屬於中上,切的厚度也很適合燒烤。好的食材味道自然好,不需多說,下次再來也必點。
無骨牛肋肉 – 這款切成薄片,所以燒一燒便即送入口中,嚼幾下便滲出好香的牛肉味了。
黑毛豬 – 又一抵食之選,$138/150g 同屬中上品質,不止抵食仲要好食,燒香咗的黑毛豬又爽又夠香,下次再來都是必點。
豬皮 – 喜歡燒豬皮的朋友,就是喜歡那種黏黏的口感,蠻有趣的!
這裡任添的蛋漿,除了混了泡菜還加了墨魚碎粒,因為墨魚經過燒烤會有香味,混入蛋中好香好配好味!
好飽,真的好飽,蛋都添了3次,怪不得座無虛設,食物份量足價錢又實惠,下次經過旺角再想食韓燒,會再來這一家。
抵食…好食!……午餐時段
我去過的最好的韓國燒烤之一
美味的韓國食物和啤酒
店員態度好,好食
不是第一次來了,這家餐廳不是很大但是很舒服。我和我的朋友都喜歡韓式燒烤和牛肉,所以這家餐廳總是在我們的必去清單上。 Prime 眼睛是我的最愛。他們的泡菜真的很好吃,我們不斷地補充。
【親民Oppa韓燒】
餐廳環境充滿韓風魅力,牆壁畫上色彩繽紛的壁畫,大家熱鬧的圍爐而坐,氣氛十足。一坐下,店員為我們送上韓式小碟:泡菜、芽菜及紫菜等,最喜歡無限refill的泡菜爐邊蛋,滑溜濕潤,加上微辣泡菜,簡單又美味。
早朝套餐 $308 (2人份量)
套餐價錢親民,有迷你和牛拼盤、五花腩及石窩飯等,滋味飽肚。我們先燒五花腩肉,肥油令爐火更旺盛。口感軟腍,肉汁香濃,肥膏位置香糯不膩,包在生菜中吃,加上大醬,更加惹味。
迷你和牛拼盤 (A4和牛、M6和牛、雪花牛小排、牛肋肉及牛舌)
和牛薄切,放在爐端上燒,傳來誘惑的牛香。牛肉由豔紅變成深褐色,十多秒便翻轉到另一面,邊沿焦脆,沾上少許燒肉汁,質感軟綿,肉汁油潤,十分窩心。
牛舌烤至兩邊金黃,咬下時質感嫩滑。牛肋肉燒好後剪至一口size,帶微微焦香,柔軟口感,滋味吸引。燒完牛肉後,還有海鮮的誘惑。
OPPA 4太子 $108
帶子連貝殻燒,肥美厚身,表面鋪滿蒜蓉,燒後香噴噴,鮮味彈牙。表面油光亮澤,口感滑嫰、鮮甜,加上牛油調味,啖啖鮮香、惹味。
石窩飯
石窩飯可選擇,豬、牛或雞,趁石窩熱辣辣時拌匀,飄來香氣。飯面上鋪滿雞肉、紫菜及芽菜,米飯清爽乾身,最吸引是煲底的飯焦,入口脆卜卜。一口雞肉,一口飯焦,吃完有暖笠笠的感覺。
9個人食,每人飲了一杯beer, 多謝誠惠2030元。幾好食。服務好。
雜錦豬拼盤$298~ 好多人都想食多種唔同嘢嘅心態,呢個拼盤絕對啱曬,豬嘅唔同部位,同埋唔同嘅脂肪比例,的確係有唔同口感, 可以用一個拼盤,滿足曬你所有願望嚟形容!
雞肉$78~ 女仔通常都會食雞肉,貪佢脂肪比例少,而且又嫩又滑。
個烤盤非常之大,可以容納唔少嘢, 而且一啲都唔黐底, 烤盤設計係傾斜嘅,可以將啲油瀉走!
OPPA 4太子~ 其實就係四隻「帶」子,玩食字,幾攪笑呀! 食得出佢係非常之新鮮,而且蒜蓉、牛油及檸檬比例,可以自己調教,正呀~
除咗烤物之外,仲有唔少熟食可以選擇, 梗係揀韓式炸雞啦!!
炸雞粒$88~ 呢份炸雞粒嘅炸漿係用咗炸魷魚鬚嗰種鬆脆型嘅炸漿, 選擇炸雞粒係因為唔會有骨,方便一啖一口!!yummy!
超級好食的韓燒🤤不自覺點多了😖
這間韓燒特別深刻,因為之前在太和食過而且特別抵食,食物又高質。今天剛好在旺角,所以便是一下這間旺角的分店。
和牛拼盤($458)
這個質量很高!當然價錢也偏貴,牛小排,肩押肉,背峰肉,牛舌….太多肉類,而且質量比主打放題的太和分店高,果然是一分錢一分貨。

匈牙利鵝肝($98)

我沒有誇張,它是我有生以來吃過最好食的鵝肝!別看他的外型奇奇怪怪, 像一件白色的粉團,其實這就是秘密所在。鵝肝煎熟後,外脆內軟,外面白色的粉末燒熟後奇妙地變成一層薄薄脆脆的表層,放入口,除了口感帶給你驚喜外,淋淋鵝肝汁四溢,令人齒頰留香。下次如果經過可以叫一份鵝肝當下午茶。
豬大腸($98)
不是一份普通原條的豬大腸,可以看到表皮被炸成衣的模樣,更增添香脆口感和香口味道。
韓式四色冷麵(素)($88)
吃了這麼多熱氣的肉肉,當然要吃一口冷麵中和一下,一口肉肉一口冷麵冰火二重奏天的感覺真的太棒了!而且冷麵有瓜類和梨,整體口感10分清新,冷麵的口感亦都非常彈牙,給人一種很舒服的感覺。
OPPA 4 太子($108)
跟我以前在韓國海鮮市場吃的味道一樣,由於帶子本身的新鮮,所以加的蒜蓉並不多,很容易便能吃到帶子的鮮甜味,再加上小小的檸檬汁更加是畫龍點睛 。
{旺角韓式燒肉!和牛拼盤}
📍 OPPA韓國燒肉店
.
🌸配菜
配菜有泡菜,海帶絲,豆芽絲!可以任添!
仲會有生菜可以比你哋包燒肉!🤓以上呢啲都係免費嘅!
.
🌸和牛拼盤 $458
2人份量!包括有澳洲和牛舌,黑毛和牛三角腩,日本和牛背峰肉,黑毛豐西牛,澳洲和牛頭脊,A5 和牛西冷,黑毛和牛肉眼,澳洲和牛封門柳,澳洲和牛肩胛肉,雪花和牛片!每款約2-4片!個人最喜歡就係A5和牛西冷!佢嘅賣相同油脂分布都係非常出色!
.
📝總結
拼盤份量係好多!不過未必每款都啱大家口味!所以可以睇清楚資料先嗌拼盤或者單點!環境方面比我想像中逼夾!餐廳空間細但係有好多台!
.
🤍食完俾分時間🤍
🍔食物: 6/10
🏝環境: 7/10
👩🏻🍳服務: 6/10
📸打卡: 7/10
🔥推介:6/10
.
📍 OPPA韓國燒肉店
旺角洗衣街117號建煌華廈地下
#香港 #香港美食 #美食分享 #香港吃貨 #hkfoodie #hkfood #foodie #hk #food #hongkong #hkig #旺角美食 #旺角
抵食
唔飲野叫減緊肥㗎啦!
成餐燒肉之旅都好滿足,每份都勁足料,非常抵食。其中最鍾意係魷魚,魷魚原隻上好靚,店員姐姐又好細心幫手處理,呢d位加好多分架!
菜包肉既韓式食法係基本野啦~
呢餐都係食左幾百蚊, 飽到上喉嚨呀大推呢間店
原隻魷魚 ($105)
最愛之一,雖然上枱嗰時擺得好靚但完全唔知點處理!估唔到一影完張相就有職員主動過嚟幫手,三兩下功夫就切到整整齊齊,多謝你呀9527!
腸大蠢($98)150g
需知腸大蠢係配搭咩醬料都好食係必叫之選,呢度賣98蚊份量勁多!心情就好似六合彩連中4個號碼咁“唔係呀嘛!”,超抵呢碟呀!
加拿大無骨牛肋肉($138)200g
嚟到比我想像中大塊!好很大塊!剪開分幾次嚟煎,啖啖肉有牛味,幾驚食唔哂😂。
他們提供常見的肉類和海鮮,味道很一般,沒有韓國的味道。對於這種食品質量來說,價格太高了。
喜歡食燒肉既朋友對韓國馬場洞
應該唔會陌生 😋
韓國最有名食韓牛地方
呢間正正就係食馬場洞韓牛 🐂
裝修新潮 顏色鮮艷 🌈
唔好諗住一定實貴啦
咁你就錯喇 😏
平民價錢✨
只要$238-368你巳經食任飲任食
唔要放題,亦有4人餐 $838
咁我當然選擇放題啦🤣
任飲任食 仲有雪糕包你飽住走 😌
唔食燒肉都唔緊要
佢大門位係酒吧,只飲酒都可以 🍺
Walkin入座,炸雞配清河酒很美味。服務員會替你清潔鐵板,加拿大牛肋肉最合我胃口。
食物新鲜,地方整潔,價格公道,可以回顧。
去唔到韓國,唯有食住韓燒先🙈呢間都係朋友介紹,性價比幾高既餐廳,有多款韓式燒肉同韓國料理,價錢唔算貴,絕對食到飽
環境裝修都貼近韓國風格,有圓筒凳同埋抽風器,牆上既畫都好靚好可愛🥰
和牛拼盤 $458
和牛用左牛牛形狀既木板裝載,非常吸睛🤤拼盤有美國上肩胛肉、牛小排、下肩胛、背峰肉、上腦肉、A4牛肉眼、1++韓牛肉眼、澳洲和牛舌、牛頸脊,放得好整齊👍🏻不過冇牌分別唔同既肉
背峰肉極珍貴既部分,和牛紋理好靚,油花均勻,肉質柔軟細膩,唔洗咀嚼就化開,油脂感豐盈😋
澳洲和牛舌帶點嚼勁,上腦肉外層紅白相間,韌性同牛舌相近,牛眼肉肉質細嫩同埋多汁,慢火烤都已經帶出肉汁的鮮味,牛肩肉質鮮嫩,包埋生菜一齊食完全唔覺得膩
蔘雞湯 $108
長期保持熱度,隔左一陣飲都是熱騰騰☺️雞內有糯米,湯仲用左紅棗、薑、人蔘去燉製,湯清而不濁,雞煮到非常腍,連骨都好腍,但肉唔算好嫩滑,味道偏淡
食物有點貴,桌子不夠位置很重油煙。帶員工服務有善
不過不失。朋友聚腳無乜所謂。
滿足的韓國燒肉之夜
——————————
之前係大埔都有試過呢間oppa,味道都唔錯,咁啱約左朋友去旺角食飯而佢又韓式燒肉癮起,我就提議試下呢間oppa旺角分店!
——————————
🔸泡菜豆腐湯/韓式部隊shake shake飯
雖然oppa主打韓式燒烤,但原來佢地嘅料理亦都唔馬虎!泡菜豆腐湯份量非常多,豆腐夠滑,泡菜又唔會煮到無晒味,湯嘅調味啱啱好撈落飯食一流。shake shake飯有泡菜、紫菜、午餐肉等材料,撈勻後啖啖惹味!😋
🔹牛氣沖天和牛拼盤
一見到張poster已經比呢個拼盤吸引,order一份已經可以食到一隻牛不同部位,包括和牛舌、牛小排、肉眼、背峰肉等,個人特別鍾意日本A4牛背峰肉,肉嘅油脂花紋均勻,肉質嫩滑而且肉味香濃,如果可以食多幾舊就好啦!😭
🔹熱戀情人蜜桃西柚梳打/甜過初戀梨汁檸檬梳打
食燒烤野當然叫番兩杯酸酸甜甜梳打特飲,這兩杯梳打非常解膩!個人推介檸檬梳打多啲,因為佢甜酸度平衡得較好,而蜜桃西柚飲到最後有少少西柚嘅苦澀味,但大家可以試下!
不錯的燒肉
坐位擠迫
嘈 迫 性價比低 平均每人三百似吃不飽 又坐得不舒服 $459 牛肉併盤 和牛只有四塊
同朋友講咗好多日要食燒肉,今次就特登去咗旺角呢間燒肉店試吓
未見燒肉之前梗係要叫咗韓國必食嘅海鮮燒餅先啦!入面真係有粒粒魷魚㗎
仲有豆腐湯
等咗咁耐燒肉終於上場啦!
五花腩好肥美!包住蒜頭同豆瓣醬簡直係絕配!
身為食肉獸嘅我淨係食五花腩點夠啊!仲叫咗羊架添!羊架肥瘦適中
食得韓燒好多人都鍾意食配菜多個主菜!而我就係其中一個!最鍾意食嘅當然係佢側邊嘅玉子呀!呢間餐廳除咗普通玉子之外仲加入左泡菜
食完肉加埋海鮮就係完美嘅結束啦!我哋分別叫咗同元貝同鱈魚,海鮮都幾新鮮喎
今餐真係好滿足!我哋仲叫多咗兩支真露坐低慢慢傾!
非常傳統的韓式燒烤,有無限量的泡菜,燒烤架旁邊還有泡菜蒸蛋
牛肉很新鮮,跟五花肉一樣嫩
除了燒烤食物外,他們還提供傳統的韓國食物,其中韓國冷面對我來說是必點的。
然而,非常吵鬧,很難說話。
服務
內用
餐點類型
晚餐
第一次跟家人吃韓燒。(不是放題式)和牛拼盤400多2人份。牛肉只一般和牛味不濃。豬腩肉燒耐左很硬。人參雞湯應是包裝翻熱普通料。1664生啤似氣酒有點甜度。飲cass比較好。坐位擺設似酒吧。餐牌菜單不是都有備。場面播音樂聲音大少少。侍應服務都貼身可能當時段5一7客人比較少。3樣菜式3杯飲料埋單約900多。貴或平自己評價😅
服務
內用
餐點類型
晚餐
當我們洗餐具時,工作人員黑著臉。
店內男性服務員服務態度極度惡劣,好似唔想做生意阻住佢打機傾電話咁
服務
內用
餐點類型
晚餐