豐信餃子店(Fung Shun Dumpling Shop)
營業時間
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
服務選項
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
用餐選擇
午餐
晚餐
餐飲服務
付款方式
NFC 行動支付
落單條女態度勁西 想受氣去試試 ps.播cctxb的
行完太子始創中心同花園街，想食餃子🥟朋友即刻推介左呢間豐信餃子店😍
呢間餃子店最特別係可以揀湯餃或者(+$2)煎餃，好多個口味可以選擇～一睇佢個餐牌已經覺得好吸引，用既湯底絕對唔馬虎！因為餃子既湯底係椰子海帶鮮雞豬骨濃湯🍲😋仲要係絕無味精🤩真材實料之餘仲要好抵食🤤
我地兩個人，分別叫左椰菜鮮肉餃、麻辣白菜鮮肉餃同埋芝士粟米鮮肉餃。每款都係叫左7隻，因為想試多啲口味。小食方面我哋叫咗涼拌海蜇同埋上湯時菜。
1.椰菜鮮肉餃
皮薄餡靚🤤餃子好大隻。入面超多材料，菜同豬肉都好新鮮，咬落去都感受到餃子好多汁，好鮮甜☺️
2. 麻辣白菜鮮肉餃
湯底辣度適中，唔會過辣，但係又好惹味。一咬隻餃子，材料超級多，有韭菜喺入邊添，所有餡料都非常之入味，好好味而又唔係味精🤤
3.芝士粟米鮮肉餃 (煎餃）
大推呢款餃子！！絕對係100分好味！可能因為我自己本身好鍾意食芝士同埋粟米，所以加埋簡直係Perfect match🤗🥟！
成碟餃子都係煎到金黃色，好香！個皮好脆，入面超級多芝士，真係好好味！回味無窮🤤
另外小食方面，涼拌海蜇非常之爽口彈牙，撈埋啲蔥花食，感覺好清新好開胃。上湯時菜係菜心，好新鮮，上湯都好入味。
飲品方面，我哋叫咗菊花蜜同埋柑桔蜜。$10 一支裝，又好飲又抵！平時行過就算唔食嘢，就咁買黎飲都好正🍹
總括來講，非常推薦呢間餃子店，真材實料絕無欺場。我一定會再幫襯🥟🥟🥟好好味！
食物有水準
好耐冇食餃子喇，餃子呢樣食物雖然稱吾上系香港人一種好傳統既港式食物，好似菠蘿包、蛋撻、叉雞飯咁深深刻入香港人既腦海中。不過其實香港人都幾中意食餃子呢樣野，單單系餃子店系香港已經有好多間，餃子既味道由以前或者得幾款進化到呢家至少有十幾款，而且d款式都吾似以前咁得蔬菜加豬肉，真心令人感覺更吸引。
今次發掘到一間系太子既餃子店，店舖面積偏小，不過以咁細間舖黎講，人流都幾多😳相信店舖有一定既人氣。
真心不得了，餐牌原來大大隻字寫住椰子海帶鮮雞豬骨濃湯，出面既餃子店多不勝數，但有幾多間舖系真系會用咁足料既湯底？餃子既款式更有十多款👀
此外呢度仲有吾少小食，大家都不妨試試。
🐔甜蜜蜜雞中翼 $22
男朋友向來都系雞翼迷，黎到呢度當然都不忘點一份。個名都改得好得意，叫甜蜜蜜雞中翼，其實就系滷水雞翼咁解，就咁睇已經見到大量既滷水汁，食落感覺d汁好入味，好易入口。
咖哩椰菜鮮肉餃 $36
首先點左咖哩椰菜鮮肉餃，太好味掛住食，完全吾記得左影個餡🤭就咁睇大家已經見到d餃子煎得幾靚，呈現金黃色，不過比金黃色再深色d。實際上食落更加美味！首先咬落d皮系脆脆地咁，幾有口感，然後入面既餡有好重既咖哩味，並吾系話佢辣，佢地整既咖哩都系迎合左大眾化既口味，咁啱就啱曬吾食得辣既我:)
韭菜鮮肉餃 $34
然後男朋友叫左韭菜餃，韭菜餃基本上系好多間餃子店都有，所以味道我就吾多講，我自己就麻麻地韭菜，不過佢d韭菜都整得幾好食，重點系餃子好大隻，好足料呀🤩有d連鎖或者自己經營既餃子店都做吾到咁大隻。
🧀 芝士粟米鮮肉餃 $36
自己就叫左芝士粟米鮮肉餃，呢款真系不得了，裡面既芝士粟米餃有大量既芝士，芝士仲要系熱溶芝士，雖然冇影相，但系系熱溶芝士無誤，對於作為芝士控既我黎講真系超正😍另外粟米既數量都有吾少，味道好清甜，加上粟米真系完美既組合。
最值得一提既系佢既椰子海帶豬骨濃湯，飲落真系一d味精都冇，好有住家湯既feel☺️
真正既皮薄餡靚
價錢實際，份量足夠，不是工廠製作的雪藏食物
朋友介紹，因為我本身鍾意食餃子之類既野，所以行開就黎試下！
店舖屬於小店，入面應該得廿零個位，去到係坐滿左人，不過好快有位，見到佢地噴d消毒水再用沒手紙抹枱，清潔得好好！
一坐低老闆就講無左南瓜同芫茜餃啦！好想食芫茜餃呀🥺
為左試多幾款，叫左2個雙拼，本來諗住叫10粒10粒，老闆話太大隻，怕我地食唔晒，建議我地叫7粒好啦！真係良心小店！
揀左1份煎餃，要芝士粟米鮮肉🥟拼咖哩椰菜鮮肉🥟
另外1份湯餃，要韮菜鮮肉🥟拼紫菜鮮肉🥟
小食點左秘汁雞腎同煎豆腐
老闆仲推介我試下羅漢果甘草茶，講明自家制不加糖，真係好好飲👍🏻
餃子真係無得彈，無論煎餃定湯餃都係好Juicy，芝士粟米唔會太漏，咖哩餃香得黎又唔會太辣，韮菜餃同紫菜餃都好正，肉餡超滿，最最最正真係個湯，老火湯質素，好味到成碗湯飲哂！
小食都好有驚喜，煎豆腐好香，加左味椒鹽，秘汁雞腎好好味，D汁甜甜地，雞腎軟林林，好味到走果陣買多盒外賣返去食😋
餃子控必看❣️
放工即刻去🤣好好彩唔洗掛隊呀😊但我入左去之後都一直有一定既人流🙈如果想食既話不防早啲黎呀😎.
.
🌽 芝左粟米鮮肉餃 $36
我簡左煎餃🤤(+2)真係煎得好靚🤩就唔好食算就呃得下人😝更何況係好食既🤪個餃子🥟唔會話十分脆卜卜，但係呢每一粒餃子都好有肉汁☺️有啲意外驚喜❗️芝士味唔算十分重，但都有既🥰仲可以拉絲，總括黎講性價比好高💯
.
🥟咖喱椰菜鮮肉餃+素餃 $47
可能我中意食濃味野🙈咖喱🍛餃子我必定叫❤️咖喱味好夠，但如果加埋薯仔🥔就開心好多🤤.
素餃有香菇，木耳，雪耳😊組盒好特別😇香菇味好重，都好扎實❗️不錯👍🏽
———————————-
豐信餃子店 (太子)
太子汝州街17號地下A號舖
我最初被紫菜豬肉餃子和裡面的椰子雞湯所吸引。
進去發現有一些新的餃子比海藻更好所以我沒有得到海藻因為我已經在其他地方嘗試過了。
他們的新餃子是辣豬肉和梅菜配甜玉米。
決定兩者都嘗試一下，所以價格是按較高的價格一加港幣2來計算的。
首先嘗試了湯，濃烈的椰子味令人印象深刻，但與味精不同。
豬肉、甜玉米、鹹菜：
它的味道確實像鹹菜豬肉餅（梅菜精玉明），但我發現它太甜了，因為有甜玉米。
香辣豬肉水餃：
我最喜歡辣的，因為有四川香料。
總的來說，我很滿意，因為豬肉很新鮮，而且不含奇怪的脂肪和耐嚼的東西。
椰子雞湯絕對與普通的豬肉湯不同。
根據收據，這是M餃子
大大隻餃子，皮薄餡靚。尤其佢地既招牌芝士粟米鮮肉煎餃。餃子煎得剛好，脆卜卜既外皮，咬開有很多湯汁流出，熱辣辣的，啲芝士仲有少少拉絲，芝士味仲好濃，好滿意。湯餃既湯底好鮮甜，佢地用左椰子，海帶，鮮雞和豬骨熬製而成，材料十足，唔怪之得咁好味。食物好價錢仲好經濟，大眾化價錢，45蚊有10隻，36蚊有7隻餃子。其他小食都係約廿零三十蚊就有得吃，價廉物美👍 …
同媽媽星期六出街食嘢都諗唔到食乜好，今晚佢話想食餃子，search 吓見到依間都好口碑就去試吓！
芝士粟米鮮肉餃 $36/7隻 (煎餃加$2)
好豐滿嘅餃子 ，裏面嘅 餡料好足夠， 新鮮嘅豬肉加上豐盈的粟米最令人滿足嘅係拉絲芝士 ，味道剛剛好又唔會好喊， 形狀豐滿的餃子被煎得呈金黃色，完全唔燶， 亦都唔油膩， 令人一口又一口品嘗不絕。
麻辣白菜鮮肉餃 + 香菇鮮肉餃 $45/10隻 (雙拼加$2)
雖然芝士粟米餃好吸引 但我最喜歡都係這款麻辣白菜鮮肉餃， 可能因為我重口味慣， 個麻辣汁調到恰到好處, 夠麻辣味之餘又唔會太過搶， 因為除咗個餃子之外仲要注意
個椰子海帶鮮雞豬骨濃湯湯底， 真材實料超好飲， 絕對唔係味精湯！
涼拌藕尖 $28
呢個藕尖幾得意， 食落質地刺蔥頭 但係咬囊個形狀係似蓮藕有好多個窿窿， 好夠冰凍 係解辣嘅一種勝品。
涼拌海蜇 $20
有微微嘅麻辣味， 充滿彈性 ， 爽脆而且帶有少少海水嘅味道，份量雖然唔係好多，但係過下口癮都幾好。
柑桔蜜 $10
媽媽點的，她表示十分滿意，佢話好解渴，咁深色，應該係啲有”歷練“ （歲月）嘅柑桔做成。
菊花蜜 $10
好夠凍嘅菊花飄香，夠曬解渴，不過甜左少少😅 最後都帶咗支嘢就返屋企加水, 感覺幾抵飲。
今日食完餐飯返到屋企都唔覺得口渴，完全無味精， 整頓飯美味有多元化，推介俾大家！
太子區餃子店臨立，今次就去左呢間喺太子地鐵站附近既豐信餃子店，由地鐵站行過去行幾分鐘就到，佔盡地量位置既優勢。
作為餃子專門店，選擇餡料既選擇都幾多，餃子款式多達十四款選擇，煮法就同一般餃子店一樣有湯餃或者煎餃可以揀，另外同樣可以跟麵。
雙拼湯餃（10隻）（香菇鮮肉餃拼芫茜鮮肉餃）（$47)
湯底係椰子海帶鮮雞豬骨濃湯，味道非常鮮甜，雖然又有雞又有豬骨，但都唔會覺得油。
餃子皮薄餡靚，芫茜鮮肉餃係芫茜愛好者既必食之選，芫茜味非常突出！香菇餃既口感都唔錯，菇同肉既比例啱啱好。
芝士粟米鮮肉煎餃（10隻）（$45)
呢個芝士粟米鮮肉煎餃非常推薦大家要試下，餃子皮煎得香脆，餡料肉嫩，重點係加埋芝士同粟米，芝士半溶狀態，粟米爽甜，十分好食。
青檸蜜（$10)
酸甜度適中，用上青檸夠清甜，非常開胃！
秘汁雞腎（$22)
腎片既醬汁甜甜地，加上芝麻同埋佢個醬汁勁香口，幾好味！而且份量非常多，適合3-4人share
呢度餃子款式都比較多，有10幾款，普遍嘅韭菜、白菜、芫茜，雲耳椰菜等等當然有供應，另外仲有麻辣、梅菜、同最近推出嘅紫甘藍(紫椰菜)口味。
湯頭用上椰子海帶鮮雞豬骨煲制而成，飲落冇味精，而且夠潤，淨係飲湯都好舒服，餃子皮薄餡多，大大隻夠份量，而且呢度嘅豬肉夠鮮味，絶唔會有好大陣雪藏味 ，紫椰菜口感爽啲，有得咬吓，幾好食。
麻辣白菜煎餃，麻辣味適中，唔會太勁，一般人都會接受到，而且就味道開胃，煎起夠香，好食。
甜蜜蜜雞中翼一份五隻，類似豉油雞翼，應該加咗蜜糖，好滋味，好上癮。鹵水牛𦟌，厚身唔硬，而且夠晒入味，以小食嚟講，分量亦唔少。(我自己就幾鐘意呢間)
限定嘅營養豐富紫甘藍粟米鮮肉餃～☺️☺️
小編在「豐信餃子店」剛開業嘅時候食過一次，
當時不太敢於新嘗試嘅我簡直係有意外嘅收穫，
完全覺得係發現左新大陸，
比起同區只忠於傳統嘅餃子店黎講，「豐信餃子店」餃子種類更多，
所以每次黎「豐信餃子店」，
都有種歷久常新嘅感覺～
我地有時仲會專誠黎買生餃子返屋企煮tim～
餃子有15款之多，
除咗較傳統嘅韮菜餃、椰菜餃、白菜餃，
仲有咖喱椰菜餃、雲耳椰菜餃、西洋菜餃、紫菜餃、素餃、芫茜餃、香菇餃、麻辣白菜餃、梅菜粟米餃、南瓜粟米餃、芝士粟米餃，
款式比較創新，
餃子每天新鮮製造，皮薄餡靚～
不過建議大家想買生餃子嘅話，可以打電話黎預訂先～
因為真係好多食客買生餃子，曾經見過有個足足買左五百幾蚊！😳
生餃子數量有限，賣晒就冇架啦！
🌟推薦❗️ 涼拌藕尖（$28）
如果鍾意食泡椒口味嘅話，就一定唔可以錯過！
藕尖鮮嫩爽口，酸香微辣，好惹味！
香煎豆腐（$12/3件）
豆腐切成薄片煎香，
唔算太特別，豆味唔係特別重。
每次食煎餃子，芝士粟米餃都係我其中嘅首選，（$39/7隻，$49/10隻）（煎餃加$2）
因為芝士粟米餃真係好適合煎黎食，
煎完之後餃子裏面嘅芝士呈半溶嘅狀態，「芝」味十足～🌟推薦❗️
食湯餃，我地倆口子最愛吃紫甘藍粟米鮮肉餃（$36/7隻，$45/10隻），
因為紫甘藍營養豐富，食落爽脆有口感！必試！🌟推薦❗️
湯餃沿用自家煲製嘅老火湯—椰子海帶鮮雞豬骨湯，味道鮮甜～
而家仲有款新嘅酸辣湯底可以揀（加$9），
嗜辣嘅foodie唔可以錯過，真係幾惹味！
不過辣度就冇得specific。
每款餃子仲可以加配粉麵，
米線、米粉、幼麵、上海麵、出前一丁、薯粉都可以揀，
我地見到隔離枱食碗米線食得好似好滋味咁～
所以我地分別揀左米線和薯粉，
「豐信餃子店」採用嘅米線較坊間食開嘅煙韌，更掛湯！
配上真材實料嘅湯底就啱晒啦！
薯粉係比較幼身，不過都幾煙韌，不錯吃！
湯餃d菜超新鮮，好爽脆，未食過餃子鋪既菜咁有菜味，不過個椰子雞湯淡左d，唔太合我口味。
反而煎芝士粟米餃好好食，係我食過最正既煎餃，好juicy，一咬落有芝士肉汁漏出黎，入面既肉仲好嫩滑，但出面個皮又夠脆口，非常好食!
辣菜脯同區內另一間出名既餃子鋪比好一般，菜脯唔爽口，同埋有d酸味，夠辣但唔夠香，味道一般。
6個人只需500美元，食物不錯。
事隔年多再光顧，果然有進步，餃子比剛開張時包得更飽滿，size也頗大。芫茜餃真係必食，好香🥰 個湯底都好濃郁，好香椰子味，讚👍🏻😋😋 …
餃子一般，味道平平
📍豐信餃子店
🔎太子汝州街17號地下A號舖
餃子可以揀煎或者湯，一場黎到當然要兩款都試啦!
香菇鮮肉餃同西洋菜肉餃 （$36/7隻）
一個價錢試到2種口味，而且餡料豐富，大讚！哩到既湯係自家煲既椰子海帶鮮雞豬骨濃湯，好有家既感覺，仲要冇味精。
芝士粟米鮮肉餃 （$40/10隻）
同湯餃一樣可以拼款，因為我哋都好鍾意食西洋菜所以想試埋煎餃既味道，果然冇失望，一樣好出色，有肉質唔會乾。芝士餃好特別雖然唔會拉絲，但都係半溶狀態，有口感！
甜蜜蜜雞中翼 $22/3隻
滷水雞翼，好幾入味，味道偏甜，可以一試！
煎豆腐 $12/3件
用咗少少椒鹽去煎，都幾鹹香，配埋豆瓣醬好夾
涼拌雲耳 $15
開胃小菜，都幾入味，必叫！
飲品方便，仲有自家制既溫暖牌羅漢果茶，落足料，好甘甜！
在太子區附近，很多餃子店，不過不是間間都會好味，今天便選了一間人氣的餃子店。
店內的地方不是很大，除了餃子之外，還有其他小食。
涼拌爽脆竹筍$28，自家製的竹筍，酸酸辣辣，很開胃。
涼拌海蜇$20，爽口彈牙，香油味道十足。
麻辣白菜鮮肉餃七隻$36，餃子皮不會過厚，麻辣味道適中，肉汁豐富。
煎白菜鮮肉餃$36，外皮香脆，點些香醋會減少油膩感。
煎香菇鮮肉餃$38，冬菇味道十足，令人垂涎欲滴。
涼拌牛𦟌$$38，牛𦟌軟硬適中，口感豐富。
羅漢果甘草茶$10，柑桔蜜$10。
自家製的飲料，味道香濃，貨真價實。
餃子好食，但服務態度非常差。
Dumpling is delicious; however, the service is bad
作為一個專業食貨客架要走遍香港🇭🇰找好野食同大家分享啦，咁啱我今日行經太子找到間食餃子🥟嘅小店，我本身好鍾意❤️食餃子🥟，平時多多數去另一間給太子餃子🥟店，但眼見呢間好似新開的食店可能係我之前冇留意啦，架要入去試下啦
一睇佢餐牌就見到果招牌芝士粟米🌽餃，對我呢啲芝士控來講一見到芝士餃子🥟架要試下呢，麥生就叫左果韮菜煎餃，同埋餐牌上總共有成14款餃子🥟，真係比較少見餃子🥟店有咁多唔同味道嘅餃子🥟，湯餃除左本身餃子🥟要好味之外其實果湯底都好緊要，我一見到果湯煲到奶白色，有好香椰子🥥味，原來係椰子🥥海帶豬骨湯，重要果餃子🥟size比較大隻，真係抵食夾大件，韮菜餸煎得香脆，我重叫左兩款小食試下，涼拌雲耳及秘汁雞腎都好正，我諗我下次一定要叫雙拼餸子，咁先可以一次過試唔同味道嘅餃子🥟
香港有好幾間餃子店都好有名，我嘅口袋名單都放有幾間。而今次再去發掘唔同嘅餃子店，呢間位於太子嘅小店，係標榜無味精嘅湯底，吸引我去一試究竟。
店內20個位左右，店面雖小但人流都好多。一坐低見到佢嘅餐牌，餃子口味都有好多款，仲有涼拌小食選擇。餃子可以加兩蚊雙併，更可一半煎一半湯餃，可以一次過試晒兩款食法都幾正啊！
我就揀左芝士粟米鮮肉餃配西洋菜鮮肉餃，湯餃可以飲到佢地椰子海帶鮮雞豬骨濃湯，一睇就見到奶白嘅濃湯，聞落椰子香好出～一飲都幾鮮，加上無味精更令人飲得舒暢！
試試啲餃先～芝士粟米鮮肉餃一咬有牽絲芝士，芝士唔會太咸同濃，恰到好處！另外西洋菜鮮肉餃入面嘅菜唔會煮到淋晒，仲有口感係我欣賞嘅！
朋友點嘅係煎咖哩椰菜鮮肉餃同埋紫菜鮮肉餃，一次過食到香煎同埋濃湯煮嘅餃子，真幸福！咖哩椰菜鮮肉餃偏濃味，朋友話味道似咖哩角，睇嚟煎真係一個不二之選。紫菜鮮肉餃入面都幾多紫菜，作餃子配料原來又幾夾。
小食點左滷水雞腎，份量都幾多，雞腎爽口配埋微甜滷水汁，好搭！
佢地仲有唔同嘅涼茶飲品等，我地就點左菊花茶同埋柑桔蜜。柑桔蜜係咸柑桔個種，鐘意嘅人可以一試，都幾濃郁！
今日食左麻辣餃子同芝士餃子，麻辣餃子比芝士餃子更加好食！
湯底正呀。
味道不錯，不過如果地方能弄得更乾淨一些應該是最好的
餃子很好吃，清湯非常好味而且真材實料。
中午來到太子， 放lunch時間，天氣超日，可能係打風前夕，唔想食飯，咁啱見堵有間餃子店，一於食餃子！
餐牌上面有14隻餃子，芝士粟米豬肉餃係招牌，想揀多一款，好難揀啊！ 原味的有白菜鮮肉餃，西洋菜鮮肉餃；較濃味的有咖哩椰菜鮮肉餃、麻辣白菜鮮肉餃。有好多款平時外面無的口味，都可以在這裡找到。今日點了招牌餃子，和白菜鮮肉餃。
湯煮餃子好快送上，椰子海帶鮮雞豬骨濃湯，味道清甜，湯底濃厚，真材實料，清甜暖身，入口有回甘！兩款餃子，滿滿放滿一湯碗，餃子皮薄身，涵料充足，要咬兩口先可以食堵一隻，超級滿足。
芝士粟米豬肉餃，味道新鮮，肉汁鮮味，一定要食！白菜鮮肉餃，白菜切得幼細，煮的時間啱啱好。
豐信餃子店餃子大小係我食在街上面食過最大隻的，選擇超多，材料新鮮，湯底令人驚喜又回味！
經過太子，一定會再來食！
好難食。。。D 湯係味精湯，d 餃完全無味，仲有d 草青味，未食過咁難食既餃子，真係大開眼界，食左5 隻頂唔順無食晒再去第2 間食過
餡料足。敗筆的用椰子做湯底。還原基本步，用大骨湯更為突出餃子的味道。
餃子好食
芝士餃會爆
餃子同湯味道唔錯.
招牌芝士搞好未
朋友介紹我來這小店試試，說這裡真材實料，果然無老點我！點了韮菜拼季節限定的紫甘藍鮮肉餃來試試。傳統配上創新的口味，正合我心意。
這裡的韮菜餃外皮夠滑夠薄，餡料包得滿滿。菜多肉少，韮菜爽嫩不起渣，一口咬下湯汁豐滿，正！
再來是紫甘藍菜肉餃，未食已隱約見到那神秘紫色的餡料。一口咬下，十分爽脆，啊！原來是紫耶菜，味道清甜。再配上粒粒粟米增加水份與層次， 十分聰明的配搭呢！ 這裏重點推介的還有以耶子老火湯作的湯底， 聞落去有淡淡的椰子香味，同餃子的口味很搭配， 誰都搶不了誰的風頭。
欲罷不能再叫了碟煎招牌粟米芝士餃 。 這個餃子一定要叫煎的，因為微微焦脆的外皮可提升芝士的滋味。 嘩，一口咬下肉汁飛淺！ 多得內裏的芝士提供了額外的湯汁。 吃這個餃子千萬不要下醋， 否則會蓋過了芝士味。 我的解膩方法是叫了一碟涼拌藕尖， 酸酸辣辣十分醒胃。 一口餃子配幾粒藕尖， 這樣循環地吃了又吃， 過癮得很！
普通啦,坐得不舒服
天氣熱辣辣好想食有湯水的食物，上網睇吓有咩好食，太子有間食老火湯餃的店，以前舊公司附近有一間食老火湯餃很好吃的😋，喚醒了我美味的記憶，於是便帶愛吃餃子的媽媽一同去試一試，我們2個人共吃了30雙餃子😳，真的吃了很多呢！首先是點了10隻芫荽煎餃和10隻西洋菜湯餃，吃完之後為食的媽媽要再叫多10隻韭菜湯餃，結果吃得很飽。
芫荽煎餃: 餃子的底部煎得微微的香脆而且不會油膩👍，有著濃濃的芫荽香味，但是就很咸，就算沒有沾醬料也是很咸👎。
西洋菜湯餃: 清甜的西洋菜配上椰子湯 分外清甜👍，而湯餃就唔會好咸喎。
韭菜湯餃: 預期中的味道，沒有驚喜。
餃子餡的肉和菜的比例適中，餃子皮比較簿，所以餃子皮很淋而且沒有彈性👎。回家之後非常之口渴，成晚都不停飲水囉🤔。而店舖是整潔的，服務員態度也很好的。
食物一般。服務態度不好
。
太子好多餃子店 豐信餃子店都幾有名 今日就去咗試 味道正又抵食👍🏼
芝士粟米豬肉煎餃 7隻 $42
外表煎得好金黃 兩面都有煎過😍
皮脆又薄 味道非常之香
內面餡嘅芝士味突出 材料豐富
呢度菜甫有得任加 味道係酸辣味
麻辣白菜鮮肉餃/香菇鮮肉湯餃雙併 7隻 $42+2
一上菜就見到大大隻湯餃😍 湯係椰子海帶鮮雞豬骨湯 湯稍微比麻辣餃嘅麻油染紅左 不過無礙湯嘅味道👍🏼 味道濃郁 無乜味精
麻辣湯餃估唔到味道咁夾 辣味唔會搶哂風頭 食得出肉嘅味道
香菇餃菇嘅味道突出濃厚 好足料👍🏼
另外仲有椰菜鮮肉湯餃 7隻 $36
味道就正常嘅鮮肉餃 都好食😋
叫咗涼拌青瓜做小食 （大）$22
好足料 少許麻辣 多開胃😋
柑桔蜜$10
羅漢果甘草茶$10
太子一向係餃子集中地 今次就試左呢間豐信餃子 聽朋友講都唔錯!
芝士粟米鮮肉煎餃 $44/7隻
煎到兩面金黃香脆 食落幾juicy 有淡淡芝士香 唔會膩😋 可惜size唔夠大隻同多粟米粒 唔夠滿足
麻辣白菜鮮肉餃 $39/7隻
隔住餃子皮見到裏面充滿住紅油 食落真係有麻辣味幾惹味
呢個湯底係椰子海帶鮮雞豬骨濃湯 飲落唔會過鹹 有淡淡椰香 喉嚨好c服😌
韮菜鮮肉餃拼香菇鮮肉餃 $54/10隻
韮菜鮮肉餃飽滿大隻 韮菜爽口juicy 幾中意😍另一款係香菇鮮肉餃 菇粒口感同味道唔算突出 (可能因為個湯比較重口?)
+$10轉左酸辣湯底 酸酸辣辣 唔係四川好杰果種 啖啖香料同芫荽 有泰式feel 好開胃🤪
涼拌海蜇 $20
夠爽脆 充滿麻油香!
招牌秘汁拼盤 $45
有滷蛋 牛展 雞腎 雞翼四款 個汁有滷水+瑞士汁既感覺 鹹鹹甜甜地
整體都覺得唔錯 但都有d我地覺得可以改善既地方: 辣菜莆好乾硬 唔香唔惹味🤢 同埋餃子肉餡可以再有多d豬肉香 同埋有咬口d唔洗咁碎~
😍 …
太子站附近汝州街附近有唔少美食
收工OT經過附近 見到一間餃子小店要排隊等位
我當然去跟住一齊排隊睇下點解甘多人食
。
店舖坐位唔算多 入到去坐低店員已經告知
我芫荽餃 辣白菜餃同埋西洋菜餃都賣光光
我就揀左啲小食同2款餃子
。
紫甘藍粟米鮮肉餃
$36/7隻；$ 42/10隻
邪惡金沙餃 可配任何煎餃$15
粒粒餃子非常飽滿
紫甘藍絲絲口感夾雜住粒粒分明既粟米
配埋又香又邪惡既金沙煎餃皮
呢個配搭唔錯
。
芝士粟米鮮肉餃
$42/7隻；$ 52/10隻
呢一款我揀咗配佢既自家無味精湯底
＜ 椰子海帶鮮雞豬骨濃湯 ＞ 湯頭清甜又夠味
成個湯底比我飲哂 食落淡淡芝士味 肉餡好juicy
。
涼拌皮蛋 $20
上到枱同我預期比較大出入
一般涼拌皮蛋都係辣辣哋
而呢一個係有子薑伴碟再配以甜醋醬
食落估唔到原來可以咁夾
。
香煎豆腐 $15/3件
豆味唔算濃 煎得好香口惹味
朋友好鍾意食 抵食夾大件
。
舖頭位置唔大 坐位比較貼
係小店特色 價錢平民又優惠👍
。
食物：9/10
價錢：9/10
環境：6/10
。
豐信餃子店
太子汝州街17號地下A號舖
。
同地區請搜查 #aftersix太子搵食
。
#aftersixfoodie#aftersix搵食#自煮生活#香港美食#hklife#hkigfoodie#foodie#aftersix廚房#打卡#hkfoodie#hkig #hkfood#hkfoodblogger#太子搵食#太子好去處
《無味精椰子雞湯 | CP值高🆙湯餃、煎餃、金沙餃》
📍 豐信餃子店
📍 太子 • 汝州街17號地下A號舖
位於太子的《豐信餃子店》，捧場客很多，所以要等一下位子喔～
《豐信餃子店》位於《豐信布行》隔壁，不知是不是同一個老闆呢？
這裡提供湯餃、煎餃、金沙餃（鹹蛋黃餃），口味多款
餃子「皮薄餡靚」，大隻又足料，每種做法的都很好吃！！
雖然繁忙時段不停有客人進進出出，但老闆跟店員們都能保持很友善的態度，加分！💯
▷ 芝士粟米鮮肉餃 拼 紫甘藍粟米鮮肉餃 ($44) ◁
湯底是 { 椰子海帶鮮雞豬骨濃湯 }～店家強調「絕無味精」，喝下去特別有家的味道，清甜又暖胃
{ 芝士粟米🥟 } 的芝士份量一點都不吝嗇，芝士味香濃～
{ 紫甘藍粟米🥟 } 用上了紫椰菜，份量同樣慷慨；口感爽口，感覺健康🥬
▷ 邪惡金沙餃 (各款煎餃+$15) ◁
每天限量供應的 { 邪惡金沙餃 }，餃子外鋪滿了金黃色的鹹蛋黃醬，味道香濃，質感沙沙的，超級邪惡😈
這次點的是椰菜鮮肉餃 ($36; 煎餃+$2)，味道蠻配喔！
這款有驚喜，推薦給喜歡鹹蛋黃的朋友們～
♡ 其他:
• 涼拌海蜇 ($20)
• 秘汁鹵蛋 ($18)
• 豆漿 ($10)
• 柑桔蜜 ($10)
餃子大大隻爽口
好好食，冬菇餃香味濃郁，芝士煎餃皮酥脆，裡面多汁！👍🏼👍🏼👍🏼值得推薦 …
我係一個餃子迷嚟，八點幾仲見到呢一間餃子店咁多人排隊，忍唔住入去食
餃子款式好多，我哋叫下叫下就唔小心叫咗勁多款
因為想試多幾款，所以已經特登叫咗全部雙拼
煎餃揀左韭菜鮮肉餃拼芫茜鮮肉餃
煎得好香，色澤都吸引❤️前者韭菜香味濃郁，肉都夠鮮味。 兩款都係好juicy，真係爆汁😆
湯餃就有(按我喜愛先後次序排名)
(1)芝士粟米鮮肉
個名已經好吸引喇，同埋我個人都好鍾意食粟米，好鮮甜呀
(2)南瓜🎃粟米🌽 鮮肉
黃金色餃子餡，樣子吸引，味道好香甜
(3)咖喱椰菜鮮肉
如果你鍾意食咖喱，呢一款亦都係超級值得推介😆唔會太辣，不過真係食落好惹味
(4)麻辣白菜🥬 鮮肉
食起嚟都幾過癮嘅，我會再點辣醬！
(5)白菜鮮肉
中規中矩嘅傳統餃子🥟最後都係食晒嘅
小食叫左涼拌皮蛋，惹味開胃，尤其中意啲薑，佢嘅醋酸味中和皮蛋嘅灰澀味，絕配！
嘢飲就揀咗自家煲嘅羅漢果水，另外仲有柑橘🍊蜜，好清甜
呢度啲餃子多元化，價錢都幾實惠，同埋份量好足，下次要試吓佢嘅最新款餃子邪惡金沙餃子先得！
大部分餃子味道適中 ，素餃 餡料太湖口， 有改善空間。
水餃餡料豐富，口味多樣。
可口的。茶也不錯。然而，有些筷子聞起來像漂白劑。當你買一雙時可能需要檢查一下。
新派餃子小店🥟太子街坊食堂
——————————
今日來到太子，當然要去飯堂食隻餃子啦！這間encore無數次的餃子小店，每次去都見到店內幾乎滿座，門口等外賣的人更是不絕，不用吃也知道食物質素如何😉要講舖頭的招牌/特色，當然是其薄滑帶韌的餃皮，清甜的無味精靚湯，還有多元化的口味
——————————
🔹咖喱椰菜鮮肉餃 $38/7隻
必食！喜歡重口味的朋友，這款一定合你心意！餃子煎得焦脆香口，咖哩餡香甜而帶微辣，椰菜鮮肉比例不錯，有菜的甜及肉的鮮😋
🔸芝士粟米鮮肉餃 $42/7隻
芝士+粟米+鮮肉=正！看報導知道老闆加了澳洲水牛芝士及英國車打芝士，煮熟後變成半流心，配上爽甜解膩的粟米，年輕人最愛！
🔹麻辣白菜鮮肉餃 $39/7隻
湯底是椰子海帶鮮雞豬骨濃湯，每日新鮮熬煮，不加味精，真材實料，雖不太濃厚，但就鮮香清甜，恰到好處！麻辣白菜鮮肉餃不會嗆辣，但就有麻香及辣香，容易入口！
🔸紫菜鮮肉餃 $39/7隻
Encore之選！偏好食材原味、不愛太濃味的朋友，這款必定要試～紫菜獨有的清香，加上爽滑口感，令餃子別有一番風味。
🔹芫荽鮮肉餃 $42/7隻
早前芫荽確實hit了一段時間，但最近貌似沒怎聽到芫荽產品面世～不過有些搭配一定不會伏，就好似這裏的芫荽鮮肉餃，一咬即聞到撲鼻的芫荽香，過癮！
🔸西洋菜鮮肉餃 $39/7隻
家人最愛西洋菜，獨愛那股草味清香，他今次特別試了這款，同樣覺得不錯～
🔹涼拌手拍青瓜 $15/半份
吃餃子當然要伴川味小食！手拍青瓜爽脆清爽，辣椒的微辣加上陳醋的酸，酸辣開胃！
🔸秘汁金錢展 $40
金錢展以老闆的秘製醬汁滷得入味，厚薄適中，質感不會韌柴，非常惹味～