安平燒肉 – 旺角(AnPing Grill - Mong Kok)

牛肉好味 蝦十分新鮮

人多，訂位難

牛及豬肉品質差，款式少，不值此價，5點去唔洗排隊，飲品款式多，服務可以，可惜食物質素十分麻麻，唔會想再食第2次

立即收藏【旺角】大熱安平燒肉。120分鐘吃到飽

呢間新開的台式燒肉放題，開業至今座無虛席！想要食到，必須要提早訂位/到現場拎籌（比例係50/50）。分左三個時段【17:00/19:30/21:30】
當日我食最早時段，有好多後來到既人都要等9點既籌了🙊所以想食「一定要早d拎籌」！
。
而呢間真係好值得一試架😻反正黎到，Mandy就揀左最高級既套餐$398，成份Menu 81款美食任飲任食🤤當中包括：澳洲M5和牛🥩、海鮮帆立貝、大蝦、西班牙豬五花、台灣夜市小食、台灣正港燒烤等等
。
🌟以下我既必食分享🌟
食過既朋友歡迎留言話我知你既最愛😘😋
【必食攻略】
▪️原住民鹽燒肉：是安平原住民的傳統菜👉🏻烘烤後肥豬肉非常Juicy，再配上附送的原住民秘製汁，超級好味！
▪️台灣香腸：好大條，肉餡肥瘦適中。加上燒完皮脆肉香，至今念念不忘，想再去食🙈🙈
▪️豬肉乾：原來經炙燒後既豬肉乾，會份外多一份焦香！微熱的口感，加上蜜汁香氣的確誘人
▪️櫻花蝦拌飯：於自助區調製，拌飯加入蔥花、秘製滷水汁同埋櫻花蝦，製作時已聞到香氣四溢！雖然比較油膩，但真係好有風味

【必飲攻略】
於自助區的飲品有好多，特色茶飲包裝精緻。包括：玄米茶、蕎麥茶、桂花烏龍及藍莓果茶♥️
而🌟Mandy推介🌟係隱藏於手機Menu中的⭐️
▪️百香果綠茶：飲到茶香，並有水果味。兩者平衡！真係比好多茶飲店出色😻非常有驚喜

其他真的不能盡錄！好多也好美味
已經好想再去食啦🙈🙈🙈

📍安平燒肉 (旺角)
旺角彌敦道593-601號創興廣場9樓



我是下午4點45分來這裡取票的，票是晚上9點30分吃飯的票😱😱😱但是我很想嘗試一下，因為他們是牛大人的朋友，所以我晚上9點30分就去那裡找座位了。

我點了第二份貴的，因為我們想更專注於牛肉而不是海鮮。

我們非常喜歡他們的茶。非常好的一個。味道不像平常所有你可以吃的品質。

我們還使用了他們的 12% 折扣作為開業折扣。

當人少的時候我們一定會回來。

PS 我嘗試在網上預訂，但打開後 3 分鐘就被訂滿了 😱

食物質素可以，但牛肉刨得不薄，失去口感，不太值得等位

登記會員有9折，5同時段5同價錢，食5同级數牛有5同收費，2小時任食，長者同小童有優惠價

超正既牛肉，超好既服務， 價錢公道
👍🏻👍🏻👍🏻👍🏻👍🏻 …

幾好食

#cassiegomk
–
牛大人應該大家都好熟悉，原來佢哋仲有燒肉副線「安平燒肉」，供應4款燒肉套餐，分午市及晚市放題，4款套餐分別是澳洲M5和牛、安格斯嫩牛、SRF極黑牛及原住民鹽燒豬肉，當中最推介澳洲M5和牛餐！瘦編終於搵到任食燒肉，係食到高質素嘅牛肉！😭
–
放題有好多好多選擇，有齊和牛、一口牛、牛小排、牛肋條等各種部位牛肉，都有豬肉、雞肉及海鮮，仲有一系列台灣夜市小吃，如有甜不辣、小香腸、涼拌鴨舌、梅山酥炸薯、鹽酥雞等，實有一款岩你口味。主要係用電話scan QR code落單。外面都有個自助bar，有白飯、湯、蔬菜同飲品可以攞。飲品都有好多揀，普通汽水一定有，仲有好多凍泡茶。☕️
–
整體服務質素好高，服務員好nice，又提我地like FB IG會送一杯胚芽珍珠奶茶。澳洲M5和牛同安格斯牛小排真係好正，食唔停口。依間放題燒肉真係好高質，可以再食！☺️
–
味道評分▶️🌕🌕🌕🌕🌗 (4.5)
抵食評分▶️🌕🌕🌕🌕🌑 (4)
回購評分▶️🌕🌕🌕🌕🌗 (4.5)
–
➡️ 安平燒肉 (旺角)
📍 旺角彌敦道593-601號創興廣場9樓
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
–

今次第三次食 但肉質已經冇之前咁好食了😑 …

上次食過荃灣安平燒肉放題，感覺唔錯。今次特登去旺角再食

環境寬敞，大部份是卡位，令人感到舒適。

台灣美食，果然沒有失望，老公特別喜愛滷水涼拌鴨舌，安平炸蚵卷，起司鵪鶉蛋，烤豬肉乾，黃金泡菜，雞泡魚干，我最愛屏東燒魚腹，很嫩滑，很入味，共追加了五次，真係已經回本。

橫掃完再開始燒食海鮮，嘩！大大隻爽彈虎蝦，真係食得出新鮮，大大粒帆立貝，鮮甜好味。接着就牛魔王上身，無論牛舌芯，澳洲M5和牛，安格斯牛小排，SRF極黑一口牛都色澤鮮明,富牛肉味，絕對係上等食材，驚喜係香辣腎片絕對爽口，非常開胃醒神。

自助飲品最愛藍莓果茶，酸酸味味，增進食慾，而玄米茶則可以消滯。

最後嘆杯檸檬愛玉或者HaagenDazs雪糕就最完美。

今餐真係名副其實嘅安平老街風情，台灣燒肉味道，正呀

安平燒肉🏮
｜旺角 質素超高 燒肉專門店 ｜

😋燒肉都系香港人既最愛，其實尼間都開左一段時間，宜家先去試下。不過今次試完之後真系覺得好唔錯。特別系食物既質素同埋新鮮度。今次我地就難得食燒肉，所以就揀左澳洲M5和牛120分鐘食到飽既套餐。最優惠既時段系$358，但內容就真系好豐富，有多款 牛豬雞，海鮮，台灣小食同燒烤。每一樣都好值得試下！

🥰🤩🤩環境就好乾淨，入面氣氛都好好，掛左好多燈籠，令我唸起九分。我見到都有好多人排隊，個場都好full， 如果食就真系要book位啦。

🐮牛肉方面總共有15款，今次我地最主要就系食澳洲M5和牛，安格斯牛小排，美國SRF極黑牛，三角牛肩肉 同 秘製牛肋條。另外尼個套餐都有送一客牛舌芯。🙈牛既質素都好好，每一轉既肉質素都好平均。和牛既脂肪香較重，好柔軟。安格斯同極黑牛同牛肩肉，牛肉味較重，牛肩肉都幾彈牙。另外我地都叫左兩轉牛肋條，因為佢既秘製醬汁真系好好味，甜甜地，我地都好中意。牛舌芯都好好食，好柔軟，好彈牙，口感非常好。😛😝

🦑🦐海鮮就真系無得輸，最中意就系帆立貝同虎蝦。兩樣都系大大份，帆立貝超大粒，好新鮮同好juicy，會系個口爆汁，口感超級好。虎蝦都好新鮮，好鮮甜彈牙，又有膏，大大只，撒上玫瑰鹽，釣到個鮮味出黎，必食推介！🤩

😋佢地仲有蔬菜飲品，同埋台灣小食，任飲任食，大家都可以試下。

🤩🤩另外一樣都好有特色既就系可以整台灣櫻花蝦拌飯。真系好好食！白飯上加上香蔥，櫻花蝦，鹵水汁同海苔。整體味道好香濃，仲有櫻花蝦既鮮味，味道好配~味道好多層次，好味道，真系忍唔住食多兩啖！🥳

個爐都好快熱同都算平均，不過抽氣系統就可以有改進空間。

非常喜歡它，，這個地方非常乾淨整潔，這是情侶吃飯的浪漫場所😁😁😁 …

牛舌同和牛都好好食😊 …

同老友慶祝生日，大家話想食燒肉。呢間之前朋友幫襯過幾次，話質素幾好。早三日網上預約，晚市可以預約時段只剩5:30😅 強烈建議：時間許可的話，先預約吧！他們的時間管理做得很行落，一枱走就入一枱，如果walk in排隊，相信未必等得到。
我們點了$298的安格斯嫩牛set…
除了套餐內所列的食物特色飲品外，
外出也有自助取的食物corner及花茶大型雪櫃。
點餐用QR code,
送遞食物速度可以啦～
中途也有服務員主動給我們更換燒烤架。
臨近還枱的最後30分鐘，
他們每5分鐘就過來溫馨提示一次。
另外，要注意：如果枱上食物超過100克（我們就是了）需要多付$20呢！！所以大家千萬不要浪費食物啊！

我地係叫左澳洲M5和牛吃到飽套餐，兩人$716，一坐低，店員就介紹套餐包咩，出面仲有野食夾，服務態度好好！呢度食物選擇好多，我地咩都揀啲:
1️⃣肉類
喪點肉類❤️🥳🥳包括安格斯牛小排、澳洲m5和牛肩胛肉、燒金錢牛肚、牛舌、厚切上選牛腹肉、客格斯牛板腱、燒中卷等，最愛就梗係牛舌，爽口不會韌，呢個套餐係澳洲M5和牛，睇吓啲雪花就知好食，肉味香濃😆可以係咁encore 。牛腹肉同牛小排肉味鮮甜又有油香。
然後，我地見到有燒豬肉乾，即燒即食，熱辣辣，正😄
辣味西班牙五花腩好肥美，台灣腸都係，忍唔住要食好多條

2️⃣海鮮類
爽彈虎蝦必點，肉質鮮嫩，彈牙可口！燒帆立貝勁大隻，鮮味！魷魚都ok

3️⃣小食
叫咗刀削麵，估唔到都幾大份，不過味道唔錯，肉碎好多，麵有嚼勁。花枝丸等炸物好香口！台灣小枕頭(麻糬) 都幾得意，可加煉奶食。

4️⃣蔬果
奶油金菇好正，成兜放上去燒，原汁原味，好juicy ！仲有栗米、冬菇、杏鮑菇、菠蘿、生菜等都好新鮮，可以喺自作吧拎到。最鍾意食菠蘿，燒完之後好香甜！
5️⃣飲品
飲品選擇勁多，最鍾意就係佢啲冷泡茶❤️

部分食物可以加$食到，我地揀左:
嚴選牛舌芯口感柔軟得黎又富嚼勁，正！

今餐食得超滿足，最後仲有甜品食。呢間餐廳服務周到，食物質素好好，推薦！嘢食真係多到數唔晒，下次要再練先得呀！

🔍安平燒肉 (旺角)
🥢旺角彌敦道593-601號創興廣場9樓
—–
難得放假一日，即刻拉咗朋友同我食呢間平時大排長龍嘅燒肉店，作為人氣火鍋牛大人嘅副線，Fans眾多，平日5:30嚟到都係啱啱好有位，7點幾左右門口已經人頭湧湧。

餐點一共有4個套餐，例如澳洲M5和牛、SRF極黑霜降牛肉眼、原住民燒豬肉等，主要經QR code落單，出面有部份食物可以自取。可以自取嘅例如有手調飲品（個人最愛：蕎麥茶
及藍妹果茶）、鳳梨🍍、士林小香腸、粟米🌽、車厘茄、蔬菜甜不辣、玉米筍、生菜、杏鮑菇、澎湖蛤仔湯等等。當中，多汁嘅鳳梨，香甜嘅粟米，清熱氣嘅冬瓜澎湖蛤仔湯，都係我一再encore之選，而澎湖蛤仔湯仲可以自己DIY，加d櫻花蝦同埋紫菜等等。
–
🦐虎蝦：爽口彈牙，新鮮又夠厚身，係任食有咁樣質素嘅餐點確實係幾有驚喜，一個人食返五隻以上都完全冇難度。
–
🐟雞泡魚乾：係一款我從來都未食過嘅食物，結果係安平呢度一試愛上！燒完之後質感有少少似豬肉乾又有少少似魚，無油膩感，但係魚味濃郁，配搭酒品絕佳
–
🐷豬梅肉：肉質及脂肪分布平均，色澤紅潤，肉質軟腍中不失彈牙，細膩非常，油脂感亦恰到好處，係食咗咁多種肉之後，最鍾意食嘅一款。
–
🧂醬汁：推薦有少少似稀釋健康版麻醬嘅黃金醬，味道冇傳統麻醬咁濃膩，另外檸檬汁則係解膩神器。
–
甜品：可以選擇Häagen-Dazs，或者佢哋自家製嘅檸檬愛玉，雖然Häagen-Dazs味道就一定穩陣，但係其實佢哋嘅檸檬愛玉亦都唔輸，清甜解膩，冰涼透心，食完燒肉之後食返碗確係正。

美味的烤安格斯牛肉

牛大人就食得多啦, 今次就試吓佢地同一個集團嘅安平燒肉. 入到嚟嘅感覺好光猛, 環境整潔, 仲有即棄圍裙可以自取, 唔怕整污糟衫褲! 我們點了和牛放題餐, 上菜速度極快, 澳洲和牛質素非常高, 油脂濃口, 可以話係入口即溶, 我們點了幾碟. 自取區有冬瓜蜆湯, 煲得好入味, 好好飲, 入面仲有好多蜆同冬瓜食. 飯可以自選材料撈, 有櫻花蝦, 紫菜, 葱, 台式滷水汁. 亦有多款蔬菜, 返回坐位後, 我們繼續用QR code點餐, 除了燒肉類外, 仲有多款台灣地道小吃, 包括鹽酥雞, 章魚卷, 花枝排, 炸蚵卷, 甜不辣等等. 食到最後還有Haagen-Dazs雪糕送, 為這晚上增添完美的句號!

【安平燒肉🔥澳洲M5和牛吃到飽】
相信大家對嚟自台灣嘅牛大人都唔會陌生
佢哋嘅另一個品牌安平燒肉最近都非常人氣
81款美食+ 120分鐘吃到飽實在吸引🤤
個日我哋5點去到門口已坐滿等入座嘅食客
哩度有四個套餐可以揀
我哋就揀咗澳洲M5和牛套餐啦

🐮澳洲M5和牛套餐（ $398/位）
▪️和牛嘅雪花非常之靚，油脂感好香，入口即化，肉味仲好香濃，超正！還有鹽燒牛舌、黑椒洋蔥牛舌，款款都好食。
▪️扇貝、大蝦都大隻肥美，又爽甜。扇貝上加左牛油，食落好香好滑，我喜歡！
▪️豬肉都有好多種，有護心肉、西班牙豬五花、豬大腸等，而我最鍾意係原住民鹽燒五花肉同咖哩/辣味西班牙豬五花，肉質本身靚，肥瘦分明，食落已好鬆軟，再加上醃過，更加惹味！
▪️雞泡魚干、豬肉乾好好食！燒幾秒就食得，推介！

🔸自助區
◾️有好多款蔬菜，香菇、青椒、粟米荀、雞髀菇、秋葵、番茄仔….。
◾️台灣腸，燒完真係勁似晌台灣夜市食到嘅咁。外皮燒到脆，一咬落去好juicy，咸咸甜甜，好味。
◾️櫻花蝦紫菜泡飯、滷肉飯，飯桶必食。有各種配料，自己鐘意點整都得。

🔸夜市小食
有鹽酥雞、墨魚卷、黃金泡菜、梅山酥炸番薯、安平炸蚵卷、澎湖花枝排…….，重拾台灣夜市嘅滋味。

🔸飲品
雪櫃有各種罐裝飲品、冷泡茶、冬瓜茶，仲可以order手調飲品，我哋叫左檸檬紅茶、百香果綠茶，2款都有新鮮生果，好飲又解渴！

🔸甜品
有Häagen-Dazs雪糕、檸檬愛玉冰，好吸引！但當日我哋太飽食唔落，所以冇試到😝

✅留意安平燒肉fb嘅開放訂座時間
✅Like & follow佢哋fb送胚牙珍珠奶茶
✅會員有9折
➖➖➖➖➖➖➖➖➖➖➖➖➖➖➖➖
📍 安平燒肉 (旺角)
旺角彌敦道593-601號創興廣場9樓
➖➖➖➖➖➖➖➖➖➖➖➖➖➖➖➖

慶祝周年紀念食好D，去安平燒肉食放題。

打開qr code 點單，餐單都有點花多眼亂，好多款，好彩有圖有字，方便大家選擇點食。

喺自助吧取了冬瓜煮蜆，湯很鮮甜。仲拎左啲菇類，蔬菜和菠蘿燒下。

食物都好快上枱，海鮮係必食！烤青口，帆立貝和大虎蝦都爽甜彈牙，極新鮮。

肉類中意安格斯牛小排，油脂均勻，而澳洲M5和牛入口即溶，每位贈送一客2件嚴選牛舌芯爽口嫩滑，印象中應該係罕有嘅食材。

涼拌鴨舌，豬大腸，都點左幾次。更有特色安平炸蚵卷，梅山酥炸薯，懷念鹽酥雞和黃金泡菜，一邊食台灣小食，一邊嘆自家製藍莓果茶，開胃無比，特別點了百香果綠茶，仲可以揀甜度同埋冰既多少。

嘆埋Häagen-Dazs，如果雪糕都可以encore就最好啦！

食物一般，肉類太厚身。

還是第一次吃台式燒肉放題。 朋友介紹這間 「安平燒肉」

提供四款任飲任食放題套餐， 咩都想試嘅我們當然揀可以嘗盡81款美食的 「澳洲M5和牛 120 分鐘吃到飽」 $398套餐， 當中包括矜貴嘅澳洲M5和牛任食， 相信唔少人都係此而來。

座位好寬闊， 卡位尤其闊落， 每檯各自放上調味料很方便。

台式燒肉放題與別不同， 提供多款台灣夜市小吃和台灣正宗燒烤。

一排過嘅凍櫃有齊各款飲品，冷泡茶， 盒裝，罐裝飲品～

也可自製紫菜櫻花蝦飯～ 還有東瓜蛤蜊湯， 清甜滋潤。

也有一系列蔬菜，如粟米， 翠玉瓜，菇類， 秋葵， 當然重點要試台灣鳳梨～ 烤過後又多汁又甜美～

台式小吃系列：
🥢 鹵水涼拌鴨舌～甘香地通，不可不點
🥢 鹽酥雞～ 夠脆，惹味
🥢澎湖花枝排～ 外皮脆，有墨魚粒， 彈牙美味。
🥢 涼拌小黃瓜， 醃味啱啱好，黃瓜爽口。
🥢 黃金泡菜， 口味獨特， 唔辣
🥢 安平炸蚵卷～ 夠香口， 蠔味十足！
🥢 梅山酥炸薯～ 沾上話梅粉的炸薯， 好有台灣風味！

台式飲品系列：
所有手搖飲品都可以自選少甜少冰～
而冷泡茶也是原個茶包泡製。
🥤 自家冷泡茶 ～玄米茶， 無糖更健康！
🥤 藍莓果茶， 微微酸配烤肉最fit
🥤冬瓜茶， 有那種台式古早味道～
🥤Follow  ig, 也可每人一杯柳橙綠茶～ 味道好清新，可以一試！

每枱入座送上牛舌芯， 矜貴嘅部位，彈牙爽囗又富肉汁！

烤肉系列：
🥩 澳洲A5和牛, 油花最豐富， 甘香美味，入口即溶。
🥩 三角牛肩， 肉味好濃較有嚼感。
🥩 安格斯牛小排， 肉味，牛油香並重， 絕對值得encore
🥩 SRF 降霜極黑牛西冷， 也是入口軟綿肉味香濃。
還有其他也很優質的牛的部位都值得一試。
🥩 薄切牛舌， 雖然薄切但依然爽口。
烤金錢肚， 本身已經熟透，烤過更加惹味。

🥓 烤台式豬肉乾， 十分推介！以為燒完會好乾好硬， 燒過之後 肉質更香甜更柔軟，十分惹味。😋

海鮮系列：
🐙 烤中卷～ 一定要點！ 魷魚非常鮮味彈牙～
🦐 虎蝦， 夠大隻，新鮮貨式，鮮甜爽彈。
牛油帆立貝， 也是很大隻，不要燒太熟，啖啖肉鮮甜。
台灣鯛魚下巴， 非常肥美，超多魚油！
屏東燒魚腹： 塗上燒汁有點似燒鰻魚，入囗充滿魚油香。😋😋
蕃茄一口鮮貝～ 好啱喜歡茄醬嘅朋友～
起司鵪鶉蛋～ 非常有蛋香，加上少許芝士味道好夾！

唯一一款台式主食， 櫻花蝦乾拌手工麵。
即叫即做 ， 手工麵非常煙韌彈牙， 配上炒香嘅櫻花蝦乾， 又香又美味！ 吃得半飽都可以成碗ko！😋👍

店員服務非常周到， 主動更換個網和不時換碟， keep住張枱都可以整齊乾淨。😍👍

截單後遞上甜品柯打紙， 可選品牌雪糕或台式「檸檬愛玉」。
各試一款， 檸檬愛玉酸酸甜甜， 還有Q彈珍珠，冰涼解膩。

非常感動！真的很像台北真正的台灣燒烤餐廳，食物非常美味，工作人員熱情而有禮貌。訂購過程很順利，份量與尺寸和數量相符。整體推薦！試一試！