米走雞(Running Chicken)
營業時間
星期二 | 18:00–00:00 |
星期三 | 18:00–00:00 |
星期四 | 18:00–00:00 |
星期五 | 18:00–00:00 |
星期六 | 18:00–00:00 |
星期日 | 18:00–00:00 |
星期一 | 18:00–00:00 |
服務選項
外送
外帶
內用
無障礙程度
不支持無障礙停車場
產品/服務
小菜
酒精飲料
啤酒
用餐選擇
午餐
晚餐
餐飲服務
設施
洗手間
適合兒童
氣氛
氣氛悠閒
環境舒適
客層族群
適合團體
規劃
需要預訂
接受訂位
付款方式
簽帳金融卡
NFC 行動支付
信用卡
芝士雞煲幾好食,可以一試
非常推薦芝士雞煲!
雞的分量很多,也可以加芝士湯
喜歡麻辣的人可以吃麻辣雞煲(也有芝士)
配上不同配料非常好吃
喺呢條街應有水準
芝士雞煲的雞沒有味道,雞煲只有雞,芝士等一段配料,很單調。醬油貴收14蚊人,但只是一開始提供八款供選擇。整體性價比不高。
起司雞鍋是最好吃的,份量也不比其他的小,但是價格也很合理。餐桌服務還不錯,但仍有改進的空間。
食物一般 價錢不平 不麻不辣 冇酒賣
這間分店是我第一次光顧,芝士雞煲很夠份量,2至4人吃都無問題,如不夠吃,可另配其他火鍋材料。但環境卻很擠迫,很不幸地我鄰枱坐了兩個不停說粗言穢語的人,影響了進食的心情。服務生有些很有禮貌,但有些卻粗心大意。整體感覺還是不錯的。最後一提,這間分店只收現金。
非常好的一家火鍋店,氛圍很棒。
工作人員非常樂於檢查你的鍋,以防止鍋煮過頭。
芝士雞煲(2-3人份178美元)非常美味,配料也很豐富。
其他添加成分從 2x 到 3xx 不等,具體取決於您訂購的內容。
一次非常好的經歷。
食物和服務品質都不錯。
邪惡既拉絲芝士雞煲✨配料特別可以一試🥢
一直以來聽過好多次哩間餐廳名,
麻辣雞煲.芝士雞煲都好吸引咁,
對於一個芝士迷點可能唔試下先,
襯宜家天氣涼涼地即刻同朋友去試下!
.
食物方面:
⚪️黃金芝士雞煲(激量芝士)
芝士好香,可以拉到好長既芝士,
雞肉好滑好入味食得好過引!
⚪️手切特級霜降和牛(大)
份量都唔少,肥瘦適中,好重牛味.
因為手切關係,每件牛都比較厚,
但好有質感好好味!
⚪️竹笙墨魚滑(半份)
第一次見呢個配搭.
竹笙入面釀咗新鮮嘅墨魚滑.
入口第一啖食到竹笙好脆口.
之後係好彈牙嘅墨魚滑.好食👍🏻
⚪️手打五寶拼盤(半份)
(墨丸.蝦丸.鯪魚丸.牛丸.豬肉丸)
全部都好新鮮好彈牙☺️
⚪️哈哈蝦中寶(半份)
✨超級推介呢個必食✨
係超級彈牙嘅蝦滑.入邊仲有新鮮嘅蝦.
每一粒都超大隻.入邊有三至四隻蝦🦐
⚪️鮮炸響鈴(半份)
新鮮即炸.打邊爐必食👍🏻
⚪️芝心丸(半份)
一個芝士咪點都要食埋芝士丸.
拉絲芝士.正!!
⚪️白鱔片
白鱔好大條肉質好鮮嫩.肥美.
洗得好乾淨魚肉好白.唔會好多骨👍🏻
.
整體方面:
店舖好大座位都唔算太迫.
枱與枱中間可以放一架車放食物.
有六款配料可以自製醬料🤗
食物質素都好好材料好新鮮.
而且好多手打同埋特別嘅配料👍🏻
就算唔打邊爐就咁食雞煲都好正🥰
麻辣雞煲2-3人份已經好多
辣度有5級選擇,揀了最少bb級🌶
對我來說剛好,不會太辣或麻到吃不到味道
雞肉嫩滑醬汁惹味
雞煲邊吃邊細火滾著保持熱度
吃完雞已環7成飽🤣 加湯再轉火鍋🍲
主要點了些蔬菜🥬 清一清油膩,自我感覺健康點😅
再加了一碟脆鯇腩🐟 厚切大片新鮮爽口😋
吃完即刻飽到上心口🤣🤣
芝士火鍋權威👍🏼 …
在家做了那麼多天飯,襯着今天外出吃一下雞煲,可依然保持警覺,這店也很有心,讓每桌客人都能以酒精精毒,保持衞生。
這裡雞煲馳名,當然「米走雞」。點上麻辣雞煲,不點太辣,嚐嚐滋味醬汁。
雞煲上菜,看到那麼豐富的材料,大大件雞件,已相當surprise,想不到還要點火,真是過癮!
火燒完後,添點醬汁翻炒,其香更是撲鼻。
雞件嫩滑不在話下,醬汁微辛加上甜甜與咸香,實在令人嘴饞。
急不及點上牛百葉,放進煲中同煮。牛百葉吸滿醬汁,加上爽脆口感,就是入味。
再點些竹笙,不得了,火速吃光。
吃罷雞煲,加湯再打邊爐。
粟米清甜,粒粒飽滿。
芝士腸和一丁不能少,這樣完滿了。
原來雞煲不但惹火,還很惹味!
米走雞嘅雞煲一向都係非常之出名,除咗佢嘅邪惡芝士雞煲之外,今次我就試咗呢個非常惹味嘅火焰雞煲:love:
店員點火嗰下,大家記得把握機會影張相打個卡。店員撈左幾下冚蓋過多陣就食得。
我就揀咗小辣,越食會越辣,大家記得如果唔係好食得辣嘅話就揀返微辣。
雞肉全部都大大件,分量仲要非常多。
雞肉嘅質感非常嫩滑,簡直大件夾抵食!
食完個雞煲當然要加水打邊爐啦,打邊爐最重要係咩呀?最重要梗係佢個牛啦!:P
今次我揀呢個係普通嘅雪花肥牛,但係牛肉非常之嫩滑,肉味濃郁,店員拎到出嚟嘅時候已經係室溫嘅溫度啦,唔會見到牛肉仲有雪。非常滿意:excited:
因為只係兩個人食所以冇嗌太多嘅款式,另外嗌左個響鈴同埋五寶丸,五寶丸全部都係手打嘅,所以每粒都非常之彈牙,同喺出面食用機做嘅個質感係唔一樣㗎,同埋有餡嘅丸食落去有驚喜:yummy:
另外嗌左兩支藍妹,飲飽食醉,非常滿足咁離開:D:like::like:
#太子抵食雞煲
趁著疫情趨緩,一於相約友人吃個雞煲!
這家位於太子的雞煲,平日夜晚到來人流未算太多,環境相算舒適。
雞煲主要有多款主打,除了我們所選的芝士雞煲人外,還有經典的麻辣雞煲。
黃金芝士 (小) (2-3人) ($178)
雞煲不久就送到,芝士和多塊已經煮熟的雞件隨即加熱,芝士煲至半融化,先說雞肉,雞肉雖然大件厚身,但內外口感一致嫩滑;再配合芝士,更見層次感,從味道口感估計是車打芝士,較輕的鹹味,但作點雞肉的點緻,已見足夠。
吃過大半的雞煲,店員便會到來加湯和用高熱將芝士雞煲變成芝士火鍋,在此分享幾款點了且特別的配料。
特級雪花肥牛 (小) ($158)
我們只點選了最基本的牛肉,不過質素絕非基本,肥肉脂肪花紋分怖平均,份量也不少,放到火鍋輕輕一燙,就是上佳的配搭,提供入囗即融的口感。
竹苼墨魚滑 (半份) ($68)
與一般的魚滑不一樣,魚滑外包了一層竹笙,竹笙吸收芝士湯底的味道,加上魚滑的鮮味,既特別又美味。
芝士雞煲和火煱,不算貴的特錢,有特色,味道又好,值得一提的是,芝士火鍋加熱時較一般的火鍋較不易可起泡,所以要注意火力,未吃過的應該一食!!
Instagram: tonylamfood
芝士控的你米走雞🐔!
今天與同事下班突然想吃雞煲。由於同事知道我是芝士控,便馬上推介【米走雞】這間出名吃芝士雞煲的餐廳給我…
我們馬上走到藍馬之城準備一試味道。店員十分有禮貌,由於我們事前已訂位,因此店員馬上帶我們到就餐位置。
到位子就坐時已看到店家為疫情而準備的防疫擋板以及消毒濕紙巾,真的令人安心!
到了最重要的環節—點餐!首先當然要點這裏最出名的黃金芝士雞煲。
芝士碎選了普通的,然後先交菜餐予店員。再來就是選之後火爐的材料。同行的同事因為不吃牛肉所以改點了西班牙黑豚肉,還點了必吃的哈哈哈中寶,然後分別又點了芝士腸、手打五寶拼盤、魚皮餃、金菇等等。
火爐怎會少得調味料,這裏的調味料雖然選擇不多但恰當好處,當選完調味料後,店員會先收起調味料,待客人有需要時再送上。
不用5分鐘的時間,重頭戲黃金芝士雞煲送上了~但先不要急,當店員告知雞已熟透後才可以開煲吃雞。
終於到神聖的時刻,蓋一揭開,香味隨即撲鼻而來,令人迫不及待想咬一口,香濃的黃金芝士配上鮮味濃郁的雞塊真是一個一百分的配搭!減肥的朋友千萬不要來,因為會令你想一吃再吃!
當雞吃至九成時便是常規的火鍋時間~當中最值得一提的是哈哈哈中寶真的非常好吃,蝦的鮮味十足,令人想一試再試。
美味的黑豚肉推介給不吃牛肉的你們,真的是不二的選擇!
下次再有機會一定會帶朋友來吃(P.S.點得太多,下次可以叫多2位朋友一起滋味分享)
環境 👌🏻 服務 👌🏻 食物 👌🏻 …
💛
好耐無食過雞煲啦!!!
呢間米走雞個名好搞笑,位置喺太子唔錯,雞煲分為2大類別:1️⃣🧀黃金芝士雞煲2️⃣🔥火焰雞煲,仲有得揀大煲或者細煲,大雞煲為4人份量,細雞煲為2-3人份量💁🏼♀️
.
依家先發現原來雞煲都有芝士雞煲😂見到咁特別,忍住唔食辣雞煲🙊試吓呢隻芝士味。
⭐️店員將個煲放上枱時,一開始睇落去似韓式芝士炸雞咁😹等滾咗之後就可以起動啦😛表面放滿滿芝士🧀輕鬆拉絲🤪雞肉夠哂嫩滑同彈牙,感覺好特別😹
煲裡面配料都幾豐富咖!有大大塊洋蔥、中芹同芫茜,洋蔥仲好似食極都食唔哂咁🙊
食到咁上下,店員會問您想要清湯定喺指定湯底,清湯就咁加水落雞煲度,指定湯底要加錢另上一煲湯底,我見有沙爹湯底、蕃茄湯底、花膠湯底等等…
.
打邊爐時間可以選配料,最好嘅喺有得選半份,啱哂我想咩都試啲嘅人🤪我揀咗以下幾款:
🥤竹蔗茅根(壺)$68
🥟鮮製五併餃 $108 一次過有5款餃:
韭菜餃,餃子入面全韭菜😻好入味勁爽口,最鐘意呢款
鳳城水餃,鮮蝦&木耳同想像中味道一樣
波菜豬肉,豬肉較濃味
鮮牛肉,好似牛肉球咁🤣
鮮蝦雲吞,鮮蝦版雲吞
每款餃子都好大粒好足料!
🥕蘿白(半) $20 一開始就要放落去,粗度唔錯都幾大條,份量都唔少,煲到最後吸哂味正丫!
🍄雜菇併盤 $44 有金菇、雞髀菇、秀珍菇、鮮冬菇😋
☕️醬湯費$16 另收加一
.
⭐️食完個煲都飽飽哋,細食嘅話淨食雞煲都幾開心🙊不過一場嚟到無理由收口咖嘛🤣知道夜晚食雞煲,晏就就開始留肚啦😛
.
由即日起至2020年10月30日,米走雞(觀塘店)外賣自取或經CALL4VAN送貨,消費滿$500,加$50即可送貨,滿$800更可免運費。
.
❤️味道:🌕🌕🌕🌕🌑
🏵CP值: 🌕🌕🌕🌕🌕
❣️回頭:🙆🏼♀️🙆🏼♀️🙆🏼♀️
➰➰➰➰➰
Ig: mylittlegourmand
Fb: mylittlegourmandcc
好食呀!價格適中又好味,芝士雞新鮮口味,只略覺得分件大了一些。
天氣開始涼,又可以吃雞煲,打邊爐了!
芝士控的我,當然連雞煲也要選擇芝士,而且還是激量芝士!
雞煲面上鋪滿芝士碎,加熱一會,讓芝士融化就可以開吃~
雞肉好入味,而且非常嫩滑,配上拉絲芝士,雖然邪惡,但真的必吃!
吃完雞煲,就可以叫店員加入湯底,開始打邊爐~
打邊爐必叫肥牛,今次和朋友豪氣地叫了霜降和牛(大),油膩分佈均勻,每片都厚切,肉味香濃,不會太肥。
哈哈蝦中寶,很真材實料,蝦肉彈牙,好味。
白膳片也是很不錯,每片都厚身,充滿骨膠原的感覺。
竹笙墨魚滑亦很特別,外面爽口,入面鮮甜,推介。
整體質素都頗高,推介大家試一試!
朋友一直推介米走雞雞煲,無論原味既火餡麻辣雞煲同黃金芝士雞煲都好值得一試甘話,今次終於的起心肝去試一次,真係好有驚喜,真係米走雞
火餡麻辣雞煲(小) $168
(美味指數: 😋😋😋😋😋)
火餡雞煲好有噱頭,店家真係係你面前點火燒雞🤣平時食得辣既我,今次嗌左半隻辣椒既辣度都覺得有d辣,但黎隻辣係辣辣麻麻,加埋芫荽,洋蔥非常惹味。而且雞件非常嫩滑又啖啖肉
特級雪花肥牛(小) $158
(美味指數: 😋😋😋😋😋)
食火鍋又點少得肥牛,食完火鍋之後加上高湯做成火鍋湯底,唔洗沾醬料肥牛都已經好出味。肥牛雪花紋靚,肥瘦均勻,小份都好足份量好抵食
😋整體食物質素:4.5 / 5
💰性價比:4.5 / 5
👍推薦指數:4.5 / 5
【黃金芝士雞煲🐔🧀】 HKD178
.
上一次都成兩年前,個陣淨係得銅鑼灣分店,估唔到而家有咁多間!
主角 — 芝士🧀嘅份量隨你選擇,身為芝士控嘅我地,緊係揀激量啦🤩 望落成個雞煲都係芝士,啲拉絲真係引死人好邪惡😈 芝士味十足💯 雞肉份量十足全部都好大件,幾滑身👍🏻 不過真係好溜,食幾舊已有少少飽肚嘅感覺
食完雞就食火鍋配料啦,今次得兩個人就唔嗌太多啦,嗌左【五香鮮牛肉】$88、 【蘿白】$20,質素一般無特別。
至於【手打wasabi鮮墨丸】$88,不可一不可再❌ 望落正正常常,點知味道怪怪的,咬落好硬完全唔彈牙,少啲牙力都搞唔掂,仲要完全無wasabi,$10都唔會要👋🏻
材料新鮮 藥膳美人鍋 湯甜美
朋友話想打邊爐,就去翻之前食過幾好食既米走雞🤗
今次冇叫雞煲,試左佢既蕃茄粟米湯,佢入面仲有好粉好好食既薯仔,但就要煲耐d等佢入哂味食就perfect 😊
叫左個竹笙墨魚滑,呢個真係卧虎藏龍,好好食,外面個竹笙爽脆,入面既墨魚滑又夠彈牙,口感極好,同埋出面未見過,第一次食好驚喜👍🏻
呢度既響鈴同樣好出色,好夠脆,好大舊,唔好浸到淋哂,放幾秒等佢仲有少少脆咁食好正🙈
蟹子鮮蝦滑有好多蝦肉,真材實料,一碗細細碗但其實可以發到好多舊黎食😍
個豬頸肉肥瘦勻稱,食落夠鮮味
魚皮餃夠飽滿,皮薄餡令
紅薯粉好煙韌
最後食好飽都係每人240🙈d位又坐得舒服,可以再Encore 😍😍
芝士雞煲好好味
芝士雞煲好味道
話說堂細妹成日想試麻辣雞煲,因為怕辣一直都吾敢嘗試,終於比我搵到一間bb辣嘅雞煲比佢試。
先order左個半隻🌶嘅雞煲,2~3人份量$168
香噴噴,好夠份量,啲雞肉大大件,但系又吾會有肥膏,堂細妹食到👍👍👍因為系佢可以接受嘅🌶度,食得非常高興😂
店員好細心驚我吾夠辣,專登比左碗麻辣醬我:wow:。食完雞煲跟住就加湯打邊爐,大部份配菜可以order半份,啱晒2個人去食,可以叫多幾款😜
雖然話系半份,不過份量真的不少,好抵食。
店裡人氣食品之一:哈哈蝦中寶,面頭有蟹子,中間原來藏左隻蝦系度,好彈牙😋
特級雪花肥牛,油脂分佈均勻,濃濃嘅牛肉味,入口即溶😍
有間精緻vip房,啱晒大伙兒一齊恰下恰下😆不過要等限聚令過左先得。
雞煲專門店 米走雞
主打黃金芝士雞煲 火焰麻辣雞煲 見到成煲芝士 完全抵受唔住佢既誘惑
⠀
▪️黃金芝士雞煲 $178/小 (2-3人份)
芝士雞煲既芝士碎 可選小量 普通 激量
自以為好鍾意芝士既我地當然揀激量啦
夾住雞件卷呀卷呀卷 直至成舊雞裹滿芝士 真係超級邪惡 雞肉嫩滑 濃郁芝士味
店員提醒要由面食到底 唔好撈埋 雖然底部既芝士汁無面頭咁杰 但食落芝士味同樣濃郁 真心食左幾舊已經好漏 食到一度懷疑自己係咪咁鍾意食芝士 如果可以雞煲鹹啲同加小小辣味解膩就好啦
轉火鍋既時候
可以選擇加芝士汁或者清雞湯 由於太膩既關係 就揀左清雞湯 估唔湯底依然充滿芝士香氣 每一樣食材都吸滿芝士湯底 淡淡芝士味
✔️哈哈蝦中寶 $63/半份
蝦中寶比想像中大!勁!多!超足料!
蝦膠包住原粒蝦仁 質地彈牙 啖啖都係蝦 一個人食一粒都飽左唔少
✔️手打五寶拼盆 $48/半份
五寶分別係 鮮墨丸 鮮蝦丸 鯪魚丸 豬肉丸 鮮牛丸
手打鮮牛丸 有別於平時食開既牛丸 食落牛肉味道非常濃郁 不過質地就比較軟腍 唔似平時個啲咁彈牙
手打墨魚丸 質地彈牙之餘 有粒粒墨魚 口感更為豐富
✔️蜂巢冰豆腐 $24/半份
冰豆腐索滿湯汁 濃濃芝士香
✔️竹蔗茅根 $68
每次打邊爐一定會飲竹蔗茅根
清熱之餘 甜度恰到好處 可解些微芝士油膩
🆗炸魚皮 $48
炸魚皮偏厚身 單食調味偏淡 但係浸左一浸係芝士汁之後 淡淡芝士香
貴。
🥢旺角啖啖肉惹味火焰麻辣雞煲火鍋
#食好西旺角美食#食好西火鍋指南
#食好西良心推介
🥢請支持即刻俾心仲有follow @eatgoodwesteatbadwest
交流/報料/合作/邀請/餵食/吹水 歡迎: DM / 電郵
🥢這排天氣涼左真係特別想食雞煲火鍋,而今次這間雞煲上次食過佢地邪惡芝士雞煲,可以麻辣雞煲,感覺很不錯,今次人少少再來食下佢地的火焰
🥢火焰麻辣雞煲(2-3人)小$168
雞煲上枱時已經主治熟透,店員姐姐會親自過嚟到點火,再炒一炒香味即時出晒嚟,呢度嘅雞煲好多汁,味道非常之重口味夠晒麻辣,而且雞件啖啖肉因為全部都係雞脾肉,唔使再爭邊個食雞脾
🥢手切新牛頸脊(小)$228
兩個人少少所以帶咗碟細嘅牛頸脊,牛頸脊肉質油花均勻,牛味夠濃而香,入口軟熟
🥢鮮炸響鈴(半份)$28
響鈴最啱就係沾雞煲醬汁,呢度嘅響鈴食落仲係好脆卜卜,沾一下再食回味無窮
🥢呢度嘅雞煲絕對係好食,雞件好多啖啖肉,感覺上兩個人食一個煲,真係都幾飽下,所以過嚟食雞煲可以叫多幾個朋友一齊點多幾款餸開心share
米走雞
地址: 旺角彌敦道761號太子藍馬之城2樓
請按右上角按三點,要按[帖子通知] 就唔會錯過貼文啦
#香港美食#香港小店#今晚食咩好#今晚食乜好#食好西#食好西系列#吃貨#吃貨日常#吃貨人生#吃貨日記#支持小店#食評#食好西#食好西理想與現實#旺角雞煲#良心雞煲#旺角火鍋
#hongkongfood#food#foodie#hkfoodie#hongkongfoodie#eat
天氣轉涼,最適合就係打邊爐食雞煲喇!
呢間餐廳獨家自創芝士雞煲
啱哂想食雞煲,但又唔食得辣嘅朋友仔呀😉
🐔火焰麻辣雞煲($168細)
雞煲份量都幾多,足夠2-3人食
雞件大件,咬落香滑啖啖肉呢!
港女我無辣不歡,辣度揀咗一隻🌶
但對於食得辣嘅我嚟講都幾辣喔😮
雞件用咗三十多種香料醃製
再加入辣椒乾、洋蔥、芫茜等作配料…
上檯果陣會點火再焗,令麻辣味逼入雞肉🔥
入口食到先麻後辣嘅層次感
愈食愈辣,但又唔會係死辣,爽呀👍🏻
🥩五香鮮牛肉($98)
入口無肥牛咁重油脂味
勝在無咁膩,而且牛味濃郁
🍜薯粉
建議食到最後必點呀!
薯粉索盡湯底精華
加上口感煙韌,超正呢😋
㊙️由即日起至30/10,消費滿$500+$50即可送貨/ 滿$800可免運費。
只限米走雞觀塘店外賣自取/經CALL4VAN送貨
近年嘅打邊爐好興一鍋兩食,先食雞煲後打邊爐,最近趁疫情好返啲同朋友去咗呢一間餐廳食雞煲,餐廳最出名嘅應該係芝士雞煲,不過朋友話呢間嘅麻辣味道都唔錯所以今次就試咗佢哋嘅麻辣雞煲👍🏻果然有驚喜🤩環境都幾舒服,店員服務不錯
_
🤩獨家火焰麻辣雞煲 $168(小)
餐廳有提供多種辣度選擇,今次小編同朋友就揀咗中辣,味道又麻又辣,鍾意食辣嘅朋友仔千祈唔好錯過啦,小份雞煲足夠兩個人share,
雞件份量都非常充足,入口嫩滑,配上清甜嘅洋蔥更加豐富
_
食到咁上下就可以叫店員加湯打邊爐,餐廳有提供多款配料,海鮮、肉類、丸類一應俱全
🥩手切特級霜降和牛(小)$308
本身諗緊究竟叫大份好定小份好,份量一啲都唔小,睇落去外貌都唔錯,食落去質地不錯,有牛肉味✨
_
🦐鮮蝦雲吞 (半份) $48
有冇朋友仔同小編一樣好鍾意食雲吞呢,餐廳有提供多款選擇,重點係自家製,值得一試
_
其他蔬菜類別
鮮炸響鈴(半份) $28
油麥菜(半份)$24
蘿蔔(半份)$20
粟米(半份)$20
紅薯粉 $16
好欣賞餐廳有提供半份一份選擇,可以滿足唔同食客嘅需要,另外小編都有叫牛柏葉、午餐肉等等配料,大家下次嚟到不妨試吓
對上一次去米走雞是在觀塘多年前,這兩日天氣突然變冷而萌起吃火鍋雞煲的念頭!第一次來到太子的米走雞店!很方便又近地鐵站!
一如既往熟悉的餐牌,熟悉的食物!他們家的醬料都很新鮮,而且有我最喜愛的麻醬,不是每家火鍋店都有麻醬供給選擇!
由於我和女友都十分喜愛辣,所以便叫了火焰麻辣雞煲!由於我們比晚到餐廳,所以比很多火鍋食物已被沽清,可見他們家十分旺場!
由於很久沒來過米走雞,不知道以前會否在雞煲上點火,但這個動作十分驚喜!在麻辣雞煲上錦上添花,娛樂打卡位十足!
麻辣雞煲我們點了小辣,在開始吃雞煲雞件時,已吃得津津有味感覺辣味十足,女友第吃一口便嘩了一聲,原來對這個“麻”讚不絕口!
當吃到差不多入味,而雞肉同時開始有點鹹的時候,我們便叫服務員為我們的雞煲加上高湯而轉為火鍋打邊爐!我們兩口子吃不到很多,而且雞煲的雞肉也份量十足,所以我們打邊爐的食物並沒有叫得很多!
打邊爐不能缺少的食物“響鈴“,這個響鈴香脆可口吃得出十分新鮮鮮炸的感覺,不油不膩,響鈴浸入雞煲火鍋,湯汁索盡響鈴愛吃起來十分過癮!
哈哈蝦中寶,在點單時見到這個名字十分吸引,上到檯面上亦不失禮,蝦膠上有蟹子豪氣萬分!當煮過火鍋後才發現原來蝦中真有寶,原來入面有很多蝦仁!
由於女友不喜歡吃韭菜,我們便點了菠菜豬肉餃,開頭我沒有很大期望,但原來煮過以後菠菜與豬肉味道鮮甜可口!
墨魚滑相信大家都吃得多,但又竹笙包墨魚滑估計很少人有吃過,墨魚滑配搭竹生後感覺亦很特別,味道也很不錯!
女友其實對竹笙情有獨鍾,所以除了竹笙墨魚滑外他亦特別點上一份竹笙,竹笙份量十足,其實我是第一次打邊爐放竹笙,原來竹笙吸入雞煲內的辣味也很野味!
當然打邊爐正常會下單的油麥菜,冰豆腐,和王老吉我們亦不放過!
最後埋單亦不算很貴每人不需300元!
又係時候打邊爐,今次想食雞煲,黎到好出名既 米走雞。
熱愛芝士既我地梗係食黃金芝士雞煲啦。落單之後店員就會講解雞煲既食法,芝士碎既份量係可以自由選擇。驚會太“漏”既我地就簡左普通量既芝士。
芝士碎同芝士一齊煲,芝士好快溶到變成煲金黃色既雞,好快就可以拉芝喇😍雞件都好滑好鮮甜,夾埋芝士既咸香,好邪惡呀!
食完雞件之後就可以搵店員幫手落湯變打邊爐。我地食完雞件都飽左大半,就剩係再叫左少少其他野食。
五寶丸
有牛肉丸,墨魚丸,蝦丸,豬肉丸同鯪魚肉丸,丸大大粒,質感好彈牙。
響鈴
打邊爐必食,炸得好脆。
蒙古羊肉片
厚切既羊肉片,唔騷肉質又幾靚
。
。
米走雞 (太子藍馬之城)
旺角彌敦道761號太子藍馬之城2樓
。
。
#cassiegomk
–
米走雞嘅自創拉絲芝士雞煲我已經食咗好多年,因為真係好抵食,味道好正,又可以滿足到我依個芝士控!瘦編試過外國朋友黎到香港專登帶佢去食,又試過同朋友除夕倒數一齊食,今次就決定左帶屋企人試吓!😎
–
自創拉絲芝士雞煲融合咗瑞士芝士火鍋及雞煲,用車打、巴馬臣、大孔芝士等5種芝士秘製,食完之後可以加豬骨湯打邊爐,一次過滿足哂火鍋同雞煲嘅慾望。雞肉肉質好嫩滑,配埋拉絲芝士,食唔停口!食瘦編同屋企人三個人叫咗份細雞煲(二人份)都好夠食,之後再打邊爐。🧀
–
火爐配料都好齊全,實有岩你心水,我地就試咗手打五寶拼盤、鵝腸、豬紅、響鈴等等,整體質素都唔錯,價錢又好合理,作為家庭聚會,一流!💪🏿
–
味道評分▶️🌕🌕🌕🌕🌗 (4.5)
抵食評分▶️🌕🌕🌕🌕🌑 (4)
回購評分▶️🌕🌕🌕🌕🌗 (4.5)
–
➡️ 米走雞 (太子藍馬之城) (旺角)
📍 旺角彌敦道761號太子藍馬之城2樓
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
係fine dining無法比擬的麻甩上等享受啊!
~~~
由我認識雞煲呢樣嘢開始
就對佢一試愛上
大大件嘅雞肉
食完仲可以
打埋我中意嘅邊爐
飲埋啤酒
簡直一絕
嗰種麻麻甩甩嘅享受
絕對唔係fine dining可以比到嘅
~~~
今日我就同朋友嚟咗喺太子嘅呢間雞煲專門店 鍾意食辣嘅我哋一坐低就叫咗個 火焰麻辣雞煲 店員送上一鍋雞煲之後 就會喺我哋面前加入玫瑰露 之後點火炒下啲雞腿肉 成個過程壯觀之餘亦都好香 味覺同嗅覺都飽受驚喜 😎
~~~
除咗雞件之外 裡面仲有好多香料 辣椒乾同洋蔥等等 雞肉花椒香味突出 鮮嫩無比 呢種只應天上有嘅難得味道 完全係令人欲罷不能😋
~~~
飽嘗過雞煲之後 就可以叫店員幫手加水打邊爐 如果唔鍾意加水 另外加湯都得 不過個人就覺得加完水已經好好食 其他口味嘅湯加唔加都冇乜所謂😆
~~~
火鍋料裏面我哋試咗生菜 菠菜豬肉餃 手打鮮蝦丸 山藥 紅薯粉 生雞蛋 脆皖片 整體來講 全部火鍋料嘅質素都唔錯 尤其係佢嘅手打鮮蝦丸 非常彈牙而且好多蝦 🦐 有少少食緊蝦餃打邊爐嘅感覺 而脆皖片就鮮脆非常 加上少少辣嘅湯底 好惹味 最後亦都推介大家試吓索汁嘅山藥同紅薯粉 前者軟爛非常 好似薯蓉feel 後者就QQ彈彈 飽肚又好食
~~~
推薦度:🔥🔥🔥🔥🔥🔥🔥🔥🔥
米走雞 (太子藍馬之城)
旺角彌敦道761號太子藍馬之城2樓
🔹黃金芝士雞煲 (小) 2-3人份 $178
雞件份量都唔少 等啲芝士溶咗就食得 由面開始食唔好撈底 雞肉都幾嫩 芝士可以自選份量 雖然係細份 但食完都飽咗6-7成 最後加埋芝士湯/清湯打邊爐 不過聞到隔離食麻辣火鍋搞到我又想食 下次再嚟就試埋先
🔹特級雪花肥牛 (小) $158
揀咗個平啲嘅肥牛 但都唔會過肥過瘦 又夠大塊 牛味都有 仲要唔薄 有返啲口感
🔹鮮炸響鈴 (全份) $52
夠大件夠脆 新鮮即炸嘅就必食!
🔹鮮腐竹 (半份) $17
都係打邊爐必食之選
🔹油麥菜 (半份) $24
油麥菜又幾夾個湯 令到個菜好鮮甜 半份俾我想像中多
🔹咸檸7 $18
飲品方面都幾特別 連咸檸7都有 價錢又唔貴
🔹醬料費$12
吃雞鍋的好地方!食物很新鮮,選擇也很多!總的來說,很棒!
雞煲食得多,今晚同事帶我食芝士食雞煲真係第一次, 雞件預先調味煮熟入煲後加上大量芝士,煲滾就食得,雞件沾滿滿芝士好濃郁,但食多幾件會開始膩,好彩我地叫細煲。
食完雞煲後我地點左幾款打邊爐食物, 有炸魚皮, 生菜,鴨血,鳳城水餃,手打五寶拼盤。
五寶拼盤有驚喜,全手打系列蝦丸材料十足好多蝦肉,墨丸彈牙超正,鴨血有煙煙韌韌感我like ,一口氣食左好多件。
鳳城水餃,入口爽口有d木耳和蝦仁。
打住邊爐嘆杯凍檸檬茶真係舒服。
天氣熱好耐冇打邊爐,但係朋友話好想去,所以都接受啦,佢話知我食嘢揀擇,份量要多但要好食,話呢間實唔會令我失望
原本我哋諗住食雞煲,不過見到呢度走芫荽皮蛋粟米鍋,即刻忍唔住,芫荽味實在太吸引,唯有下次先試食芝士雞煲,個鍋上枱,入面有完整一大隻皮蛋喺度,大量芫荽,荽味十足,正
配料方面最特別係呢個哈哈蝦中寶,除咗蝦滑之外,仲包住先蝦仁,蟹子,芹菜,入口爽口豐富,唯一要挑剔嘅係蟹子落水會散開,要小心咁慢慢放落水,等佢熟咗再放落啲
我哋揀咗呢個霜降prime牛板腱,雖然話係少份,但其實一啲都唔細分,牛肉肥瘦均勻,但整體肥係比較少,啱想戒脂肪嘅人
菜類方面,一份菜嘅份量十足,除咗油麥菜,仲有呢個萵筍片非常新鮮爽口,翡翠曲就好似類似豆苗咁嘅嘢,新鮮香草味
最好食係呢個五保轉,大大粒有五隻揀,墨魚丸、黃牛丸,鯪魚丸、蝦滑、豬肉丸,最好食嘅係墨魚丸,有新鮮墨魚打成,同街買到已經煮熟咗嘅好唔同
同朋友詳談,當然唔少得飲番杯啦
今次叫黃金芝士雞煲
雞件又多又大件
仲要雞脾肉為主,啖啖肉,好嫩滑
加上我哋要激爆的芝士
勁多芝士粒慢慢融化
黏着雞件時
勁濃郁的芝士香味
配菜很豐富,洋蔥,芫茜,中芹等等
在芝士汁滾來滾去,我平時唔食洋蔥,都忍唔住夾黎食,真係好甜,無左生洋蔥的辛辣
地點方便,鄰近太子地鐵站
黎左呢間太子藍馬之城既「米走雞」食。
入到去環境都幾寬敞,坐得幾舒服吾迫。侍應會俾配料同醬料你整定一陣打邊爐用👍🏻
我地叫左個獨家火焰麻辣(小)2-3人份雞煲 $168 , 叫左個小辣,上到黎侍應會幫你煮一煮,完全吾洗自己動手,煮好待應會同你講食得啦,服務一流👍🏻
味道非常出,小辣對我地女仔食剛剛好,麻香同醬汁入哂啲雞到,啲雞又吾會overcook , 每個位置都好滑,啲雞件亦都大大件,食落口啖啖肉,正!
另外,我地叫左個開胃菜,涼拌木耳拌海蜇。木耳海蜇好爽口,凍凍又酸酸甜甜,超開胃,味道不錯。
當個雞煲食到差唔多既時候,我哋叫左侍應加雞湯打邊爐啦,叫左特級雪花肥牛(小)$158、手打墨魚丸同半份娃娃菜$24。
成個雞煲加左湯有哂精華係入面,放啲牛落去焯一焯就食得,食到牛既鮮味同湯底麻香入哂落啲牛到,完全都吾洗點豉油😃😃另外,個墨魚丸非常彈牙爽口,非常推介!
平日搭車經過得多既米走雞 呢日終於無走雞 😎嚟咗米走雞食雞煲 之前已經外賣食過佢既雞煲 雞肉非常之滑 今次堂食睇吓係咪仲好食先😛
我哋兩個叫咗個火焰麻辣雞煲🔥要咗兩隻辣既辣度 配料加上醬汁 正🥴好鐘意煮到軟淋入口香甜既洋蔥 中芹 芫茜吸收咗雞煲既精華 真係好正 🥰雞件件件都多肉嫩滑 香辣惹味 我哋兩個好快就掃哂啲雞🤪
然後我哋叫咗份細既特級雪花肥牛 嚟到見到碟肥牛放得好好睇睇 二個人食覺得佢既份量都okay多😳雪花分佈得都幾均勻唔會側埋一邊又無偏多偏小 幾靚仔下😌肥牛厚薄適中 滾幾十秒點埋一入嚟店主放低俾我哋自己調好既醬料 真係好香口🥰乾蒜濕蒜蔥花辣椒粉莞茜碎全部配合到天衣無縫 無得彈 😊然後我哋叫咗碟竹笙 40蚊左右有一碟咁多條竹笙😟呢度叫竹笙真係幾值 平時食米線30幾蚊碗得幾條竹笙仲要碎碎地既🥺呢度十幾條 竹笙fans表示好happy 🥳竹笙條條都原條完整 咬落爽口好吸湯 一入口超滿足😋
除咗竹笙我哋仲叫咗份手打五寶拼盤 五大粒 一碟有整手打既鮮墨丸 鮮蝦丸 鯪魚丸 豬肉丸 同埋鮮牛丸 啲丸雖然望落唔算特別大粒 但一人食哂五粒絕對會好濟 所以我哋粒粒分半淥 😏開心share 食落粒粒都好彈牙 好有味道 不過略鹹些小 而打邊爐有時都好想滾塊午餐肉嚟食下 😈所以都叫咗 呢度午餐肉似係平時開出嚟有深色粒粒肉絲外國個隻好味啲既午餐肉 唔係味道怪怪個種x林牌午餐肉嚟😽午餐肉加上雞煲汁加打邊爐既雞湯 吸湯後好邪惡 都係一個字 正
整體嚟講全部野質素都幾好 係間可以回頭 有質素既雞煲加邊爐之選
秋風起,雞煲癮起😂 雞煲愛好者既我感覺到呢個星期涼左啲,即刻拉左男朋友去食雞煲
近幾年一直都有啲新式雞煲,唔同口味,有啲都幾吸引🤟🏻芝士一定係最吸引既一款
芝士雞係米走雞都算出名,今晚就試試佢🤗
餐廳🍴都幾大,坐位多,我地平日八點幾去到諗住唔會好多人
但竟然都接近滿坐😳環境都光亮整潔,唔會好迫唔會好嘈,坐位都舒服😌
一坐低店員就俾左醬料我地
有蒜蓉、香蔥、炸蒜、芫茜、麻醬、辣椒🌶️粒、鼓油
醬料提供都好齊種類,滿足晒我既喜好🥰
我地兩個人叫左細既芝士雞煲,好快上菜
細雞煲既份量有啲嚇親我😆比想像中多好多
似係出面正常份量,仲要一望就見到勁足料好多芝士醬
滾起左芝士醬超濃郁超級香,芝士醬滿滿地包滿晒每舊雞,夾起仲會拉絲😍😍😍
食落真心出乎意料地滑!雞肉啖啖肉好滿足,加上肉質滑嫩,肥瘦均勻,芝士醬既香道夠香,奶味足夠唔會死咸
有時雞煲為左之後打邊爐夠味個醬汁都偏咸,但呢到完全唔會,夠香口而且咸度適中
本身都擔心之後加左湯打邊爐會唔會淡味,但餐廳係會加芝士濃湯😍
加完個湯底都係一樣咁濃郁,超開心😍😍😍
雞煲既份量比想像中多,所以火鍋配料無叫到肉
我地叫左韮菜餃,第一次用芝士湯煮餃,比預期好食😆
出面係濃香芝士味,入面係清香韮菜,咸甜適中
蜂巢豆腐吸晒啲芝士汁,咬落去滿滿芝士汁超正👍🏻
娃娃菜都非常新鮮,見隔離枱叫左另外幾款菜都係好翠綠👍🏻👍🏻
竹苼釀墨丸滑我覺得係芝士湯必點😆
竹笙完完全全吸晒芝士湯,食落口係滿滿芝士湯
入面係爽口墨魚滑,肉質彈牙,仲有墨魚粒,墨魚香都幾夠😋😋
另外我鐘意呢到可以半份半份咁叫,因為我地兩個人,如果一份6條就太多試唔到好多其他食物
可以半份叫真係好貼心🥰
最後五寶丸係超有驚喜,五寶丸睇得出係自家製手打
分別係墨魚🦑、蝦🦐、鯪魚🐟、牛肉🐂、豬肉🐖
五粒丸都一致非常香,墨魚仲有黑魚粒,好有咬口
連唔食蝦丸既我都搶黎食🤤🤤五寶丸個人認為係必點!😍
我哋嗌咗黃金芝士雞煲 (小) ($208)、特級雪花肥牛 (小)($188)、澳洲牛舌($98)、鮮炸響鈴(半份)($32)、雜菇拼盤($48)同埋出前一丁($20)
咁首先講咗重中之重嘅芝士雞煲先啦
(同之前一樣都係嗌激量芝士🤣🤣)
雞肉一如以往都係一樣咁嫩滑☺️☺️
而且嗰啲雞亦都唔會太多骨💖💖
而之後就講吓其他打邊爐配料啦
雖然我哋只係揀咗最平嘅牛肉
但係其實我覺得呢個質素都真係幾好👍👍
首先份量都啱啱好
食落去真係有一種入口即化嘅感覺🥰🥰
而且完全唔會有肥膏
所以食咗好多都唔會令你覺得好Heavy
澳洲牛舌亦都同我想像中嘅味道一樣😋😋
雖然係薄切,但係食落去都好口感
重點係唔會太鞋同埋太過煙韌‼️‼️
所以我幾鍾意呢度嘅牛舌😋😋
之後嘅鮮炸響鈴同出前一丁都同之前嘅味道一樣
反而我係第一次係食呢度嘅雜菇拼盤
(份量都真係幾多吓😂😂)
呢個就覺得煮得腍啲嗰個效果就會比較好
我同孖寶爸心思思又想食雞煲,於是賣甩孖寶去撐枱腳。
米走雞出晒名食芝士雞煲應該係人都知,不過今次我地唔係食芝士雞煲, 而係試佢個火焰麻辣雞煲🔥。
火焰麻辣雞煲 🔥(小)$168
配料有辣椒乾、洋蔥、中芹、莞茜,另外可以揀番適合自己嘅辣度🌶。店員會即席點火,正切合火焰麻辣之名稱😆。
雖然只係叫左小辣,但一樣麻度十足,唔會好辣又會食到麻辣的味道,啱晒好似我唔食得太辣嘅人士。雞件肉質嫩滑,而且吸收晒麻辣醬汁,好好味😋!
食完雞煲仲可以免費加湯轉火鍋,食材新鮮又高質素,好抵食呀🤩!
特級雪花肥牛(小) $158
手打五寶拼盤(小) $48
油麥菜(半份) $24
咸檸7 $18
火鍋店地方寬敞, 座位舒適, 餐廳人氣必點芝士雞煲。
.
黃金芝士雞煲(半份)$178
先點了人氣招牌芝士雞煲, 足夠二人份量,芝士還可選擇少量、普通及激量份量, 當然 點了激糧份量, 上枱時, 雞肉上面鋪滿大量芝士及洋蔥, 不一會, 看著芝士慢慢溶化,變成一片金黃色, 熱騰騰芝士 雞煲 , 香氣四溢, 十分吸引 ,夾起雞肉時, 仲有長長的芝士拉絲, 超級美味和邪惡, 嫩滑雞肉被濃郁芝士包著, 增添 一份芝士鹹香, 帶出雞肉的鮮甜, 讓人陶醉其中。
一直都好鍾意食雞煲,又鐘意芝士,但芝士雞煲就唔係好多地方有得食,所以見到就即刻約fd一齊去食!
依度都係食完雞煲可以打邊爐,見到有得叫火焰麻辣雞煲,隔離枱仲要食緊超級香,真係幾吸引。但芝士雞煲少有啲,今次就試左佢先!叫咗半隻雞($178)
芝士碎份量都有得揀,驚太濟所以揀左普通,但原來都好多。個芝士好香好濃,不過依隻芝士唔算好鹹,唔會搶咗雞味!啲雞好滑,同芝士都好夾。
兩個女仔去食基本上食完個雞煲都已經好飽,都唔係好食得落邊爐。但都忍唔住嗌少少黎食下。
特別推介竹笙墨魚滑($48),配搭新穎,竹笙爽口,吸晒啲湯好正,墨魚滑又好彈牙,好食!
依間雞煲都幾高質,下次要試埋麻辣雞!!
之前聽過米走雞嘅大名好耐 今日終於有時間嚟試下 來到當然要食佢招牌嘅雞煲 亦都揀咗佢鼎鼎大名嘅芝士雞煲 係menu有得揀芝士嘅份量 阿媽驚濟 所以揀咗適中嘅份量
雞煲上到枱真心嚇咗一嚇 佢嘅份量比起平時嘅雞煲至少大咗三份一 基本上淨係食完啲雞已經飽咗六七成 加上非常濃厚嘅芝士 分量非常充足 值得一提嘅係 佢嘅雞肉全部都係雞髀 絕對唔會有雞胸 所以鐘意滑嘟嘟肉類嘅朋友就一定要試下啦
食完個雞煲 就可以加上湯打邊爐 上湯都有得揀芝士湯定係清湯 瘋狂嘅我哋都另外叫咗好多嘢食 所以清清地用清湯就算啦
我想講我超鍾意食一樣叫做哈哈蝦中寶嘅野🤣 佢係超大嚿嘅純蝦膠 入面再包住一隻原隻好新鮮彈牙嘅蝦 外面仲有類似蟹子嘅嘢 第一秒嘅賣相已經係好正 咬落去口感豐富 外面仲有脆脆地嘅口感 超好食😍😍
米走雞個芝士雞煲好多人讚, 自己比較中意食麻辣, 而佢既火焰麻辣雞煲都係主打之一, 今日落堂就泥個雞煲NIGHT!
依度既店員好好SERVICE, 而且又有禮貌, 有D打破左平時食雞煲既印像~
火焰麻辣雞煲
店員會操刀先將雞煲焗一焗再炒兩炒, 一路係你面前整一路聞到超香, 聞到你口水流, 最後會點火, 有睇頭而且令雞煲更香更吸引, 此刻我只想佢快D熄火, 因為忍唔住真係好想食啦!! 雞肉好滑而且多肉, 我地揀左兩隻辣椒既辣度, 應該算係小至中辣, 味道已經夠哂刺激! 麻度同辣度都好夠, 而且會越煲越辣, 越食就越惹味, 食到我真係冇停口, 不得了!
WASABI鮮墨丸
墨丸既彈牙程度可以拎滿分, 而且新鮮有鮮味, 入面係爆汁既WASABI, 小心辣咀!
珍珠帶子鮮蝦雲吞
雲吞漲卜卜十分飽滿, 成條金魚咁, 夾落去D皮唔會爛亦唔鬆散, 感覺新鮮! 入面咁滿就係因為塞左原粒帶子同埋蝦肉, 入口彈牙美味, 蝦既味道好突出!
哈哈蝦中寶
依度先有既哈哈蝦中寶, 十分有份量, 大大舊晶瑩既蝦膠, 加入蟹籽, 芹菜同埋原隻蝦, 就咁睇都覺得非常足料, 煮過之後滿滿都係彈牙既口感, 加上脆口既蟹子, 蝦鮮味濃郁, 好滿足!
今晚依個雞煲係過癮又滿足既! 愛麻辣既人真係會中意, 而且其他火鍋配料都好出色, 特別係哈哈蝦中寶, 真係依度先食到而且好新鮮, 淨係為左佢個雞煲我都會番泥幫襯。