麵賜園(Noodles Dimension)

用心小店 @麵賜園

過去的數天車爸爸要清假所以連放三天！首天的假日午餐他選了到這間位處女人街中的麵賜園，估不到小店一間卻藏著了點點心思。

麵賜園的門面很Cyber Feel用原始的水泥牆配霓虹燈招牌，內裡同樣以霓虹燈作裝飾更發現了越興園的招牌，原來此店是越興園的新線，除主打靚湯底麵食外更供應本地烘焙的精品咖啡。

我們下午二時才來吃Late Lunch還有午市優惠可選，而且更不用加一收費感覺十分良好。

車爸爸不嗜咖啡所以點了烘焙鐵觀音原價＄15跟麵只需加＄5，試了一口茶湯以順滑清香雅韻。

而我則選了來自點滴生活Good Drop的迷你本地烘焙，原價＄25跟麵另加＄15便可品嚐得到，用的是尼加拉瓜咖啡豆口感厚實微微果香挺合我口味。

我們點上一客牛油果蝦多士原價＄48，跟麵以＄35優惠價便可以享受兩件的多士。

牛油果蝦多士炸得乾爽不油膩而且很香口，內裏有一隻爽口大蝦墊底還有滑溜的牛油果醬，吃下又香又滑口感超迷人。

愛牛的車爸爸當然選吃牛隊長湯麵＄88，除了一大碗牛肉麵外更會附上一小碟前菜，我們得到的是中華沙律，雖然車爸爸不喜歡但這個我愛吃喔。

鮮牛骨湯底據聞用上幾十斤牛骨熬煮六小時而成，而且還加上了藥材來炮製，怪不得湯頭清澈得來香而不濁。

麵內餸料包括有五香牛腩、澳洲和牛封門柳、牛筋及蘿蔔，見車爸爸吃得相當滿意相信味道應該不錯。

拉麵可以選擇軟、正常或硬的口感他選了正常，經歷拍照過程後吃下也沒有糊口麵質相當不俗。

而我當然選擇吃自己神級豬隊友湯麵＄68哈哈！而我的湯麵小菜會配上一顆鹵香流心蛋。

鹵香流心蛋做到完美的流心，吃下蛋黃那黏嘴的口感最為動人，作為一份前菜絕對是交足功課了。

這個濃豬骨湯也同樣用上幾十斤的豬筒骨，加上鹹香金華火腿熬製六小時而成，呷一口豬骨湯味道天然感覺很舒服。

內裏的配料包括有冬菇、竹笙、日本黑豚五花腩片全部也是我喜歡吃的食品，而當中那冬菇的厚度令咬口非常滿足。

至於竹笙則索盡豬骨湯濃香的味道，吃下嫩滑可口絕對是美味之物。

至於這個日本黑豚五花大真的厚度十足，而且肥瘦比例恰好口感很正，吃下肉香亦很濃郁好好味道。

而我則選了這個比較特別的扁拉麵，我喜歡吃有口感的所以選了硬麵，果然沒有令我失望影完相後吃仍然爽滑彈牙。

吃飽飽想起身走的時候餐廳客氣地送上這杯飲品，原來是未上市的勁薑鐵觀音茶，辣度非凡的足料薑茶喝吧全身也溫暖無比，如果隔了薑渣會喝得更加舒暢，真的多謝餐廳送上暖暖心意。

吃得出麵賜園花了不少心思在出品上，精益求精的態度絕對值得我再去幫襯。

籠仔飯好食，之後仲有精品咖啡

旺角主打特色麵食 五大滋補養生湯底🤤
#PigPigMK
••••••••••••••••••••••••••••••••••••••••••••••••••••
係旺角行完街就去左搵食，見到呢間係主打食麵既餐廳，menu有好多唔同款式既特色麵，有五大湯底，包括雞湯、海鮮湯、牛骨湯、豬骨湯同素昆布湯😆

🐽鐵三角蠔蝦蟹海鮮湯麵 $118
海鮮包括左海中蝦、松葉蟹肉、新鮮元貝同香燒日本生蠔，蝦同生蠔係係用粉輕輕炸過，size都大隻，蝦肉爽口彈牙，蠔肉亦唔會過熟，另外蟹肉同元貝都好鮮味🤤湯底係魚骨湯，但都有加其他海鮮去煮，飲落幾鮮甜，比較健康既感覺😙拉麵都幾索湯，但係就唔係彈牙個種麵，除左碗麵，仲會有一碟仔中華沙律做前菜
••••••••••••••••••••••••••••••••••••••••••••••••••••
🐽神級豬隊友湯麵 $68
配料有日本黑豚五花腩片、竹笙、冬菇片同鹵香流心蛋，好多餸好滿既感覺🤣，五花腩片油脂幾香，竹笙又係吸滿哂啲湯，流心蛋好入味😋湯底係豬骨湯底，飲落就比教淡少少，但就唔會食到好頸渴😳
••••••••••••••••••••••••••••••••••••••••••••••••••••
🐽岩鹽泡沫咖啡 $50
呢度原來仲有咖啡賣🤩試左呢杯用高海拔既尼瓜拉瓜咖啡豆沖既咖啡，上面有層厚厚既泡沫，好輕盈，而且仲有加左啲岩鹽，飲落鹹鹹地，咖啡就幾香濃，mix埋飲又係另一種感覺😆
—————————————————————————
滿分係🐷🐷🐷🐷🐷🐷🐷🐷🐷🐷
好味Level：7🐷
抵食Level: 7🐷

麵賜園
地址：旺角通菜街36號地舖

#旺角食麵 + Cafe + Fusion= #麵賜園🔥 「賣一碗蝕一碗」聽過呢個麵名未？「神級豬隊友湯麵」？仲唔請你身邊個豬隊友去食番碗？🤣
____________________________________
旺角通菜街最近開了一間麵館，可是這麵館并不簡單哦～是隔壁的越南餐廳 #越興園 的新店～主打鮮熬製湯底，無味精，養生麵食～ 同時亦加入半Cafe 原素and 新派美食。也照顧到素食者的需求～

餐廳裝修走coffee shop路線～店員還說明了他們店的咖啡豆都是香港烘焙出品的😍支持！！

單看menu 的搞鬼菜單已經夠哂噱頭～

餐廳出了五款無味精湯底，分別有大補雞湯，海鮮湯大，鮮牛骨湯，濃豬骨湯同埋素昆布湯底～
精心炮製，但價錢絕對Reasonable🤩

▫️牛隊長湯麵▫️ $88
五大湯底之一的牛骨湯底～ 估唔到配料是用上澳洲和牛封門柳，肉質鬆軟，一啲都唔韌～五香牛腩，仲有白蘿蔔，非常清甜，無苦味。友人選了扁拉麵。

▫️好鬼補雞湯麵▫️$88
$88可以有幾補？除左新鮮雞殼熬製湯底外，配了花膠、魚肚、鮮雞柳、北菇同雲腿絲。花膠同魚肚份量剛好，多反而會膩～友人大讚北菇好好食～非常入味～而雞柳好滑～只係唯一佢覺得自己簡左拉麵底，感覺唔太夾。

▫️鐵三角蠔蝦蟹海鮮湯麵▫️$118
傻的嗎？😱唔好計個魚骨湯底，配料有蠔，唔係蠔豉呀！海中蝦、松葉蟹肉、鮮元貝🔥🔥
餐具的設計是真的一早設計好的，特別是那大大的湯匙，就是知道客人定必會大啖大啖食～最後連湯都飲埋～

▫️酥炸日本舞茸▫️$38
估唔到有舞茸菇🤩 多數係天婦羅店先食到既野，佢地竟然有～真係要加分！

▫️黃金單骨雞翼▫️$38
賣相雖然唔太靚仔～但一食又即「叮」一聲～咸蛋黃幾乎圍哂半隻雞翼～一客得4隻～三個人食，剩返一隻，咁唯有包剪揼！

💬坊間太多用無味精作招來，但無味精時，真係清啖得可憐！可是麵賜園的湯底卻是真材實料！
好多時，出街食麵食飯，餐飲未食完都飲左一大半，我地三個竟然係食完個麵先醒起仲有咖啡未飲🤣🤣果然係無味精～～

又食麵又嘆啡，得咩？點解唔得？食完碗麵醫肚後，唔駛去下場搵間coffee shop再傾過喎🤪

細看餐牌，細味奉上的菜式，可體驗到小店的用心…

🔹️好鬼補雞湯麵
湯麵如其名，濃雞湯底十分清甜無味精，花膠、魚肚、冬菇同雞肉份量十足， 食材優質豐富，真係養顏補身首選！

🔹️牛隊長湯麵
濃牛骨湯底配秘製牛肋條， 澳洲和牛封門柳、牛肚、牛筋同蘿蔔，全部都燜得又腍又入味，絕對是牛魅沒法擋！

🔹️素蘇格蘭炸蛋
必點特式小食之一，外層用新豬肉包住炸，十分香口，內層是流心蛋，又香又滑，食完都幾飽肚

🔹️牛油果蝦多士
必點特式小食之二，多士炸得好香脆，配上牛油果泥及一隻大蝦，既creamy又可中和一點油膩感

🔹️話梅浸單骨雞翼
用話梅帶出酸酸甜甜的味道，食完更開胃

🔹️搖呀搖烘焙/手搖冰啡
小店對咖啡更是講究，絕對高質，全部採用本地烘焙高海拔咖啡豆，十分香濃，味道富層次感！
服務
內用
餐點類型
午餐

麵有鹼水味，口感有些怪，湯唔夠熱，食物味道普通，牛腩唔腍，最差是小食蝦多士，食到成口油而且無乜味，價格唔平，非常失望！唯一特別是餐廳佈置，服務尚可。
餐點：3
服務：4
氣氛：4

餐廳設計都係灰黑工業風為主.加左D霓虹燈同POSTERS😎
係獨有既港式小店.值得支持💪🏻

食物選擇都多.主打港式麵食🍜同COFFEE☕
小店所有湯底都係自家煲幾個鐘.真材實料☺️
而且佢地既麵食係非一般既配搭
仲可以俾人揀麵底. 軟硬度. 好有心思好體貼😌
除左麵食.仲有飯同小食.總會揀到岩心水既🥳
而佢地既咖啡全部都用本地烘焙高海拔咖啡豆.真係好值得支持🥰
叫左2碗好多人都推介既湯麵.再加D小食同飲品🤤
OVERALL好足料大份. 幾唔錯👍🏻
服務
內用
餐點類型
晚餐

🍗好鬼補雞湯麵 $88
揀咗菜底(+$8) 多芫荽(+$2) 多蔥. 配料有新鮮雞件, 花膠，魚肚及冬菇🍄 雞湯底相對比較健康！飲得出雞味濃郁！雞件都幾繳滑～🌿芫荽控揀左多芫荽，上枱時爆多芫荽喺表面好有Feel，附送中華沙律

🍖牛隊長湯麵 $88
揀咗扁拉麵，扁拉麵都幾厚身，彈牙得嚟啖啖麵吖！湯底好濃牛腩味，牛肉軟腍份量都幾足，仲有牛筋牛肚～附送中華沙律

小食:
🍗話梅浸單骨雞翼 $38
原以為喺酸酸哋嘅雞翼，食落口發現個汁有話梅味但就喺甜嘅話梅味雞翼😂　呢個價錢應該可以多幾隻雞翼🥹

🥚素蘇格蘭炸蛋 $58
採用素肉再沾上麵包糠，包住半熟蛋，炸出嚟嘅蘇格蘭炸蛋，外層勁酥脆，裡層呈現流心蛋～沾沾甜酸醬更加香口！

🥬迷你金銀蛋娃娃菜 $48
估唔到呢度有得叫金銀蛋娃娃菜! 平時喺茶記酒樓先食到一大碟, 呢度就有細細碟可以滿足我食金銀蛋嘅小心願🤩

🫶☕愛·明禎 咖啡 +40
明禎bb嘅咖啡喺一杯Mocha 朱古力味道都幾濃🥰 好似明禎bb嘅笑容咁sweet😁

☕手搖冰啡 $55
冰搖咖啡，咖啡味道更加突出～

☕迷你本地烘焙熱 $25
即飲時飲到堅果味香濃, 夾雜少少花香, 好易入口！個人鐘意呢杯熱啡～
服務
內用
餐點類型
午餐

呢間嘅湯底全部都用咗好長時間熬製，非常濃郁，當湯咁飲飲完都唔會覺得口渴！今次就試咗佢嘅牛骨湯同魚骨湯～

佢嘅咖啡好似都幾出名，但夜晚飲驚訓唔著就無試到🥺唯有下次再試啦

1. 牛隊長拉麵（$88）
牛骨湯底入口超驚艷😳店家用鮮牛骨熬咗至少六個鐘，帶些許藥材味，味道比一般台灣店的牛肉麵湯底層次更豐富！
配料有牛腩同澳洲和牛封門柳，燜煮到好軟爛好入味，份量都幾多😋
評分🌕🌕🌕🌕🌕

2. 鐵三角蠔蝦蟹海鮮湯麵🦐🦀（$118）
魚骨湯底則清淡許多，應該冇落味精，係純天然嘅魚鮮味，適合口味較淡人士🙈可以多蔥好好正！
望到配料就知佢值呢個價😂有花膠、生蠔、蝦、蟹肉同元貝，海鮮質素都唔錯，鮮甜冇怪味👍🏻
評分🌕🌕🌕🌕🌗

3. 牛油果蝦多士🥑🦐🍞（單嗌$48；跟餐$40）
本身覺得得兩件都少貴，原來幾大舊🙊
牛油果份量好多，係同多士係一齊炸，兩者融合得好好，同平時食牛油果搽多士嘅味道又有啲唔同，估唔到再加隻蝦都仲係好夾！
有啲意想不到嘅組合🙉但又幾特別幾好味，如果冇咁油膩就更好啦～
評分🌕🌕🌕🌕🌗

4. 素蘇格蘭炸蛋🥚（單嗌$58；跟餐$45）
炸蛋又係好特別🙊雖然係素肉，但口感上同豬肉分別不大，只係冇咩肉香味，但以素肉黎講絕對係好味嘅，炸完都唔會覺得油膩👍🏻
師傅火候控制得好好，雖然外面已經炸到好香脆，但隻蛋都仲係流心！
評分🌕🌕🌕🌕🌕

5. 日本舞茸炒雜菌（單嗌$48；跟餐$38）
唔同菌類炒埋一碟，菌香味超級濃郁！個醬汁小編勁鐘意🥹應該係小編食過炒得最好味嘅菇…
評分🌕🌕🌕🌕🌕

6. 蟲草花浸白菜（單嗌$48；跟餐$38）
唔知係咪雜菌味道太濃郁，呢個味道相對淡好多，可能係蟲草花本身都冇咩味，感覺可以落翻多少少調味😂
但係係健康嘅，減肥一定啱食！
評分🌕🌕🌕🌕🌑

豬肉麵同牛肉麵個湯做得好出色，飲得出無味精

之前係Ig 見到有blogger 黎尼間旺角餐廳，已經自動放左落自己既wish list 💕，前幾日終於有機會試🥳

好鬼補雞湯麵🍜 ($88)
一上枱就飲啖湯先，湯底係好濃郁既雞湯，好似熬左10幾個鐘既效果，但唔會好油🤩
裡面有好多雞肉🍗，肉質係正常既，什至被旁邊既花膠、魚肚同冬菇搶左fo 😂
魚肚索哂啲雞湯同埋好爽口；冬菇好肥厚又飽滿😍，配稻庭烏冬一齊食，真係好滿足🥳推介 ❗️

鐵三角蠔蝦蟹海鮮湯麵🍜($118)
海鮮湯底有好香濃蝦味🦐，裡面既青口，海蝦同蟹棒都好大隻，食食下仲發現生蠔既蹤影🦪，起足料，真係好意外🤩
湯底同幼麵完全吸收哂海鮮既精華，忍唔住飲哂成個湯😂

素蘇格蘭炸蛋🥚($58)
以素肉包住雞蛋一齊炸，出奇咁好食❗️外層香脆，冇油膩感，素肉軟熟，蛋黃仲有少少流心🧡 成隻蛋好特別，相信可以做店鋪既重點推介❣️

黃金炸生蠔🦪($48)
以咸蛋黃炸生蠔，生蠔質感柔軟又唔腥，已經好正👍🏻

夠薑鐵觀音($20)☕️
一杯幾濃郁既薑茶，有淡淡既鐵觀音味道，可以舒舒筋，補補身💕

森林之吻($40)🍵
係一杯抹茶鮮茶，因為冇拌勻，頭幾啖抹茶好香濃，尾幾啖則以鮮奶為主。

打咭店，裝修幾靚。
唔係難食，但唔算好食。
牛肉麵還可，牛量多，但味道方面，中式？台灣？都有d咁。
雞湯麵，真係好清清清清地，雞都係清清清清地。話梅雞翼還可，但同個麵一樣，味道唔知佢想點。
以食物質素嚟講，真係有d貴。
服務
內用
餐點類型
晚餐

都幾好 稍為貴了一點

📍麵賜園 – 旺角
打卡又得！味道又得！得左🤣

1月6日係堂食嘅尾巴🥲趁仲有晚市堂食😋當然要出去食好野啦！知道旺角新開左間麵館🍜出名冇味精湯底 咁當然要去試下🤤

補一補海鮮湯麵🐟 $108
(加多芫芫荽、轉稻庭烏冬)

見到餐單上面有碗補一補海鮮湯麵😳仲有好多美顏材料岩晒冬天補一補😋鮮魚骨湯底🐟一入口就知道佢冇味精👏🏻配上稻庭烏冬😗第一啖啜入口烏冬軟糯煙韌👍🏻竹笙、魚肚、花膠互相配合！係唔錯嘅養顏配搭☺

黑松露牛隊長炒飯🐃  $78
黑松露牛隊長炒飯食落有微微黑松露香☺有鑊氣夠惹味！封門牛柳粒有油香又重牛味👍牛肉肉質嫰滑冇渣又冇筋😚岩晒鐘意大大啖 啖啖肉既食肉獸🐮

(素)蘇格蘭炸蛋  $58
蘇格蘭炸蛋呢個小食好特別🤗溏心蛋外面包住一層素肉😍食素嘅朋友都可以嘆呢款小食😊入面嘅溏心蛋有好香嘅蛋味🥚素肉外面炸到金黃🌟有香氣😌食落同真豬肉完全冇乜分別🤣又健康又環保🤭不過我更鐘意加埋旁邊泰式辣醬嘅點綴🤤點完之後同泰式蝦餅好似🥰多出黎嘅蛋香令口感更豐富👏🏻係好出色嘅小食😊

黃金單骨雞翼 $38
雞翼上佈上滿滿嘅咸蛋黃😋入口係滿嘴嘅咸蛋黃香🤤炸粉鬆脆非常配搭咸蛋黃香😚雞翼size適中，有啲技巧都可以唔駛用手都可以食得到🤣

搖呀搖烘焙 $40
除左出色嘅小食之外😚呢到嘅特飲都非常岩打卡😍搖呀搖烘焙其實係烘焙咖啡☕上枱嘅時候下層呈然奶茶色而上層係奶白泡沫🤤最上層有一塊焦糖😋層層分明夠晒靚！飲到焦糖香、奶香同咖啡香混埋一齊😌彷彿去左cafe一樣 ☕咖啡打卡靚而且味道又好味😋

黑豬小姐 $40
黑豬小姐係熔岩朱古力嘅飲料🤤中間係香甜嘅朱古力而杯邊則佈滿朱古力醬🍫如果覺得中間嘅朱古力唔夠甜！仲可以將旁邊嘅朱古力醬攪勻，調較自己鐘意嘅甜味😋我覺得飲落似一杯可以飲得嘅新地🍦直接吸入杯邊嘅朱古力醬🤤甜甜嘅感覺可以立刻充滿口腔👄一杯飲品有兩個飲法😋夠晒特別又新奇🤪

希望之後晚市堂食可以快些恢復啦🙌🏻🐹🦭仲有好多餐廳bookmark完未去食嫁🤣

有留意開小編嘅朋友都會知如果選擇麵食🍲嘅話。首選的話一定揀食米線。但自從上次食返車仔麵之後我覺得絕對要支持返一D堅持做港式麵食嘅餐廳。朋友向我推介呢間餐廳。一於就試下佢到底係龍定鳳。

餐廳招牌以致係牆上嘅水牌都係一個勁搶眼嘅霓虹燈。

🍜鐵三角蠔蝦蟹海鮮湯麵 $118 – 湯底吸收受海鮮嘅鮮味。蝦肉🦐口感扎實，唔會話霉。蠔雖然唔算大隻，但一D都唔腥。拉麵🍜口感爽彈，即使食到最後都唔會變得淋身。

補一補海鮮湯米粉$98 – 有花膠，魚肚，青口同蟹柳🦀等材料。雖然大家都知呢個價錢唔會話比D極高質花膠你，但以呢個價錢絕對唔失禮。米粉亦都唔會碎濕濕。兩碗麵湯底都以鮮魚骨🐟做湯底。湯底雖然未去到呈現奶白色，但你絕對飲得出湯底嘅鮮味。

🥑🦐牛油果蝦多士$48 – 多士炸到外表現金黃色。但內面又唔會炸得過左籠。仍然食到啖啖牛油果嘅軟滑口感。

黃金炸生蠔48 – 亦都係外表炸到好酥脆，而且食材新鮮，完全食唔到腥味。

🍄日本舞茸炒雜菌$48 – 醬汁口感順滑，味道唔會蓋過菇味。份量亦都合理。

森林之吻$40 – 作為綠茶🍵控嘅我高度推介。綠茶味重但唔會帶苦。

🥤咸檸樂$20 – 唔好以為就咁檸檬加可樂就可以過到我板。呢間餐廳嘅細心位你係絕對估唔到。杯係預先放左係雪櫃到雪凍。試諗下，當你行到身水身汗走入餐廳飲一杯凍上加凍嘅可樂。打出個下嘅隔簡直真係好爽。

整體餐廳裝修時尚，而且環境舒適。食物質數同服務亦都相當良好。絕對會回頭。

毁了一日的心情！門堪羅雀不是沒有理由！
看了店家寫的文宣抱著期待的進店，食物的價格不算親民，我還以為是這樣所以客人稀少！食材，味道根本就只能遠遠低於期待！
香港地做生意還是踏踏實實做好！

去吃晚餐並點了素食麵條。這很好，但沒什麼特別的。服務不錯，但不接受信用卡。
服務
內用
餐點類型
晚餐

午餐$53
湯底香甜 麵係日式拉麵
都夾個湯
餸有肥牛 牛腩 牛肚 都好食

🍜麵賜園💛

食咗幾日西餐，想食其他野，見到呢間良心小店就入去支持吓

🥢清清地雞湯麵 $68
轉日本稻庭烏冬+$8
濃雞湯底、雲耳、新鮮雞件、冬菇片、蘆筍
真係清清地淡淡嘅雞味，雲耳蘆筍爽脆，冬菇厚身，雞件啖啖肉，肉質嫩滑

🥢好鬼補雞湯麵 $88
濃雞湯底、花膠、魚肚、新鮮雞件、冬菇片
材料豐富，花膠同埋魚肚夠入味索汁

湯用咗雞同金華火腿，清甜又唔油膩
麵仲可以揀軟硬度，葱同芫茜都可以揀多少，好貼心

🥚素蘇格蘭炸蛋（素）$58
新豬肉包住糖心蛋炸，幾特別嘅做法，新豬肉味道同肉冇咩分別，配上泰式辣醬酸酸甜甜都幾開胃

🍄風味雞髀菇（素）$38
炸雞髀菇，不過不失，切成薄片，食落唔會咬得好辛苦，都幾貼心

🥬蟲草花浸白菜 $48
好多蟲草花，白菜仔煮到啱啱好

☕本地烘焙（凍）$45
本地烘焙高海拔咖啡，幾新奇有趣

🍵黑豬小姐（熱）$40
即係朱古力奶，賣相好cute cute，幾好飲，打卡都唔錯

2個人埋單$385
絕對冇味精系列，食完餐飯唔會覺得好口渴感覺
支持良心小店

今日嚟咗旺角呢間新派麵檔😍😍好有cafe嘅feel
裝修好用心，食物質素都唔錯 …

呢間係一間到融合左港式粉麵同咖啡店於一身既新派Fusion餐廳,呢度除左有中式粉麵,仲有烘焙咖啡等特色飲品,裝修走工業風,掛滿霓虹燈牌做裝飾,環境乾淨企理,坐係度食野好舒服

好鬼補雞湯麵 配扁拉麵 (可選拉麵/扁拉麵/米粉/湯飯或+$8轉日本稻庭烏冬)
食材好足料,有花膠,魚肚,雞肉同冬菇,雞湯底好清甜仲唔油膩,雞肉好嫩滑,花膠同魚肚吸哂湯底既鮮味

牛隊長湯麵 配扁拉麵 (可選拉麵/扁拉麵/米粉/湯飯或+$8轉日本稻庭烏冬)
食材豐富份量又多,有牛肚,牛筋,牛肋條同封門柳,全部都煮得好軟腍又入味,牛骨湯底濃郁唔咸又唔油膩幾正,蘿蔔食起來都好清甜,吸收左湯汁更好味!

素蘭格蘭炸蛋(素)
用素雞肉包住溏心蛋,外層炸得好香脆,唔會太厚岩岩好,連埋溏心蛋一齊食好好味

迷你金銀蛋娃娃菜
一D都唔迷你,仲好大碗,娃娃菜上面放左D鹹蛋同皮蛋,湯底濃味幾好食

紅豆泡沫
好似飲紅豆冰,杯底有好多紅豆,紅豆上面有好多泡沫,飲落軟棉棉口感唔錯

麵的味道還好，但份量有點少，有點少貴
蛋好食，但太貴了
餐點：4
服務：4
氣氛：5

行開通菜街見到新開咗間「麵賜園」，大大個霓虹燈夠吸睛，提供麵食及蒸飯等，就入去試下
店內裝修充滿潮味，貼上好多具本土特色的海報
除咗麵飯及小食類外，最大特色係佢哋堅持的本地烘焙高海拔咖啡系列☕️
食物名稱改得夠搞鬼玩味，湯麵有幾款滋補湯底可以揀

🔹牛隊長湯麵 $88
(濃牛骨湯底，秘製牛肋條，澳洲和牛封門柳，牛肚，牛筋，蘿蔔）
轉咗稻庭烏冬；送上花生，非常香脆可口
每款餸至少兩件，烏冬份量都好充足
富骨膠原的牛筋煮的時間剛好不過腍 保持有咬口的口感
牛肋條煮至腍滑帶牛香；封門柳有嚼勁帶不錯的牛味；牛肚爽滑；蘿蔔鮮甜入味
烏冬Q彈細滑；湯底帶鮮甜的牛骨香而不過濃
推介指數：9/10

🔹籠仔海鮮蒸飯 $88
(海中蝦，青口，蟹柳，蝦仁，日本生蠔)
除生蠔外，每款材料都有兩件；配粉絲
海蝦新鮮爽彈；蝦仁帶鹹香；蟹柳肉一絲絲；青口鮮味；生蠔飽滿
飯粒煮至粒粒分明帶米香，吸收了海鮮的精華及蒜蓉香，連平日少食飯的我都忍唔住食多幾口
推介指數：8.5/10

🔹生財鮑掂 $88 (套餐加配價$66)
(鮑魚，冬菇，花膠，生菜)
新春限定食品，非常滋陰
鮑魚6️⃣隻，有嚼頭
花膠滑身富骨膠原；冬菇厚肉彈滑帶菇香；生菜新鮮爽脆，掛上鮑汁更滋味
推介指數：8.5/10

🔹麥芽焦糖雞翼 $38 (套餐加配價$25)
3️⃣隻肉厚的雞翼，表皮帶焦脆感而不過膩
焦糖味道恰到好處，肉質嫩滑
推介指數：9/10

🔹迷你金銀蛋娃娃菜 $48 (套餐加配價$38)
娃娃菜鮮嫩，上湯清甜
鹹蛋及皮蛋份量豐富
推介指數：8/10

🔹沖繩黑糖咖啡泡泡 (熱) $55 (套餐加配價$45)
近杯底位置放上「Anson Kong 29+1 Happy Birthday」的膠帶，估計店家係Mirror粉絲🤭
有層次漸變色的咖啡，打卡一流
泡沫打得夠滑；沖繩黑糖與咖啡夾得嚟，甜度適中，咖啡醇香微苦
推介指數：8.5/10

🔹烘焙鐵觀音 (熱) $15 (套餐加配價$12)

埋單連加一$3️⃣9️⃣8️⃣
整體用餐體驗感滿意，小店食物出色有誠意，足料豐富；加上定價合理，值得回訪🫶
服務
內用
餐點類型
午餐

好多時唔知食咩嘅時候就會去食麵，但係冇諗住食麵就一定好求其😆旺角呢間霓虹光管做裝飾嘅麵店好有誠意👍🏻

「鐵三角蠉鮑蟹海鮮湯幼麵」嘅湯頭有好濃郁嘅海鮮味，味道香濃鮮甜，原來店家係用太涼嘅海宇同埋蝦頭熬製而成。由於比較杰身，每一條麵條都掛上湯汁，好正。配上青口、蟹柳、蜆、蠔同鮑魚，所有鮮味出曬嚟😆

「好鬼補雞湯麵」嘅雞湯係由雞骨熬製而成，湯頭清淡而不膩，有濃郁嘅雞香味，配上花膠、魚肚、冬菇、雞件。雞肉係冇骨嘅肉質好滑。

小食黄金單骨雞翼炸得香脆，外皮充滿鹹蛋黃嘅鹹香味，好邪惡不過勁滋味🤣而黃金炸生蠔都幾大隻，咬落去好creamy又juicy。

門面貼埋入樽，店內又有林明禎嘅紙牌
睇埋哩度評價同相諗住不錯啦
加埋一$100哩碗牛隊長麵真係完全唔值，牛肋條兩小舊一舊肥肉一舊柴皮，牛筋兩舊無咬口，封門柳兩小片，最多係牛肚有五片（2草肚3金錢肚），所有肉都好一般唯獨個湯係不錯。眼見人地叫嘅野飲都好靚。
可能我誤會左，哩間應該係打咭用餐廳而唔係食好野嘅地方。
服務
內用
餐點類型
午餐