Manya Japanese Restaurant(滿屋日本料理荃灣分店)

地方整潔，厠所乾淨，刺身，壽司及其它食物尚算合格。

標題: 值得回來再食的日式放題

今晚約朋友在荃灣見面，選擇滿屋日本料理，放題好處不用想太多，喜歡食什麼點什麼!

去到門口，已非常多人排隊等入座!!
食物選擇非常多，除了紙仔落單外，周圍也有不同食物自由選擇，有沙律、飲品、熱食、炸物、海鮮、水果、甜品等，還有爆谷和棉花機，可以滿足不同人的需要!

黑糖珍珠奶茶 – 少少甜，珍珠多和軟
瑤柱蟹肉海皇粥 – 粥底清甜，蝦大隻、爽口
燒紐西蘭羊鞍 – 肉嫩，唔”騷”，好食
黃金燒帆立貝 – 好食
香辣咖喱炒蟹 – 不錯
和風汁牛柳粒 – 惹味
鹽燒海蝦 – 大隻，爽口
沙嗲雞串 – 惹味
鹽燒雞軟骨 – 惹味
鹽燒牛舌 – 惹味
虎蝦天婦羅 – 大隻，爽口，不油膩
龍躉天婦羅 – 啖啖肉，不油膩
忌廉蟹肉棒 – 外脆內軟
特長大蝦春卷 – 爽口
三文魚、甜蝦、北寄貝、帶子 – 刺身鮮甜
火焰牛油蒜蓉三文魚 – 入口即溶
火灸鰻魚 – 好食
海苔牛油果醬伴鮑汁元貝 – 有驚喜
海膽吞拿魚茸壽司 – 入口即溶
鵝肝伴帶子壽司 – 有驚喜
最後自選甜品、haagen dazs一杯為這餐畫上完美句號!

滿屋日式放題
荃灣大鴻輝中心有很多餐廳，今日開學日於是去放題慶一慶。
.
首先很驚喜，有珍珠奶茶（N紙）！
紙上點的是黑糖珍珠奶茶，之後去飲品櫃，也發現有罐裝珍珠奶茶的踪影！
建議大家點黑糖珍珠奶茶，味道似出面街買的差不多，有水準！出面一杯都賣成$30幾，不妨用少少「胃quota」叫一杯品嘗。不過不可調節甜度及冰度。
而罐裝的珍奶，其實都OK的，只是珍珠沒有咬感，一咬就散。不過如果有得選擇，當然點紙上那個珍奶。
.
壽司、刺身
刺身是厚切，新鮮肥美。而且上菜快，沒有漏單。
壽司更是令人驚喜！魚片都是又厚又長的，鵝肝帶子壽司上的帶子是jumbo size!
.
比目魚、天婦羅、帶子
都是高質之選，比目魚外皮燒得脆，肉汁肥美，有入口即溶的感覺。
天婦羅炸得剛剛好，蝦肉爽彈，不會太油膩。燒帶子加入沙律醬及其他材料，味道特別。
.
因為目比魚好食，所以又encore 了一輔。
今次叫埋「鯖魚」及「芝麻雞翼」。
芝麻雞翼正，是爆肉汁的！鯖魚帶少少鹽味，燒得也不錯。
.
花膠
見到最後鍋物那張紙有花膠wow。
雖然與圖片相比還是有點距離，不過花膠的份量也頗多，芡汁也今花膠味道提升。
.
自助區還有海鮮、沙律、熟食、甜品等，食物種類繁多。
.
坐座寬闊，環境設計得還不錯。
可能是星期一的緣故，我們兩個人也給一張四個人的座位。坐得很舒服。
.
總統而言，是很高質的放題，有機會的話會再來！

有朋友自遠方來，當然要盡地主之誼，我帶他來到荃灣的「滿屋」食放題，食物新鮮，選擇種類多，應有盡有。
放題都攪攪新意思，不斷創新才能迎合潮流，見到有自制棉花糖機和爆谷機，簡直是小朋友的至愛。
飲品種類多到另人眼花撩亂， 很多都不是超市常見的汽水，而是韓國和日本的，凍的、熱的、連清酒和梅酒都有。
刺身夠新鮮，基本上諗到的種類都有，點完後很快就上枱，欣賞他們的效率。

唔錯

食物質素高

食物ok, 不過門口太窄，出入唔方便。價錢合理。

總的來說，食物很一般。工作人員非常有禮貌而且高效。但環境非常擁擠、嘈雜。

食晚市放題對我來講，重質不重量，雖然這裡限時間，但都有 3小時，慢慢食都好夠飽，食物種類繁多，除了主食多選揀，出奇地甜品，小食，飲品都唔少，滿足到一大班人對食物款式的要求。我幾鐘意食這裡的燒物🍡同壽司🍣 可以一試！

鍋物方面我吃了牛肉鍋，湯底偏甜，但總算是熱辣辣的選擇，在冷氣咁凍的時候吃蠻不錯！

飲品的選擇算好多！有我喜愛的支裝Hoegaarden Rosee 粉紅色🍻 仲有清酒添🍶

飯後甜品方面，我揀了季節性限定味道，原來係奇異果&芒果味🥝🥭，好Fresh🍨 另一個係較甜的焦糖脆餅🍯 食多幾個真係好易回本

服務態度唔錯，廳面有員工都好快手接單，而點了的食物沒有錯漏，值得一讚！

荃灣多野食就唔再講啦 不過放題就比較少 見滿屋評價唔錯 又見地點幾就腳 所以就去試下啦
星期日晚8點9左右去到 現場都有唔少人等緊 不過都好快入到去 入面係全場爆滿嘅 放題嘅座位少不免會逼小小 但都唔會唔舒服

Order紙有成14張 款式都算幾多 除咗order紙上嘅野食之外 都仲有啲自助區

飲品區：
有兩大櫃嘅罐裝飲品 款式非常多 除咗大路嘅汽水之外 仲有日本果酒 somersby呢啲少見啲嘅 唔啱罐裝飲品都仲有清酒梅酒自助區 雖然筆者無飲到 但見隔離枱不斷refill 應該都係高質唔係求其hea人嘅😛 唔唔凍飲都仲有熱嘅紙包飲品同茶包 老實講 淨係飲品區都見到滿屋嘅誠意

前菜區：
有水果有海鮮有炸物亦都有沙律

甜品區：
除咗每人一杯嘅牌子雪糕之外 嗜甜嘅人都仲有好多選擇 雪櫃係無見過嘅雪米糍 綠茶紅豆 士多啤梨雲尼拿同朱古力 三隻都幾好味 仲有成大個櫃嘅甜品

Order食物：
放題就唔逐樣野介紹喇 整體嚟講刺身壽司都新鮮啲 而且份量都唔孤寒 熱食嘅味道都唔錯 特別推介串燒牛舌同香蒜燒三文魚壽司🤤

總括嚟講 $270左右一個食足兩個半鐘 選擇多 味道都好 性價比真係幾高 對於新界人嚟講都算係好消息 唔駛出九龍都食到😆

隨便吃，品質還可以

海鮮吧有蝦、蜆同翡翠螺，旁邊就有沙律吧，最正有蟹籽任食，沙律上加點蟹籽即提鮮，仲好有和風味道。

熟食有炆豬腳同雞翼尖，還有泰式炸魚餅同蔗蝦……

凍蝦肉質爽彈，唔會乾哂，味道幾好，蜆肉都飽滿。熟食蔗蝦都好彈牙，配甘蔗甜甜地。

熟食會轉第二轉，就有貴價花膠同焗帆立貝。花膠好厚身好有膠質，調味剛剛好，炆得入味好正。焗帆立貝個醬好香好creamy，雖然有少少膩但停唔到口，帆立貝亦夠大粒，好抵食。

刺身都有好多選擇，我地揀左幾款都好正同性價比高。三文魚油潤肥美，口感豐富仲厚切。油甘魚同樣夠肥，入口魚油香，魚味重。大赤蝦鮮甜厚肉，甜蝦嫩滑甘甜，赤貝也很爽口。

壽司款式多而且好好味，估唔到壽司會較出色。海膽吞拿魚蓉、海膽帆立貝壽司，前者有魚油甘香配濃味鮮甜海膽，後者嫩彈帆立貝配海膽，兩者味道都好正，壽司飯也細細件，可以食多幾款都唔怕。黑松露系列的赤蝦同三文魚都好村露味，入口更久久不散，估唔到咁出色。火炙牛肉入口有燒過香味，特別惹味。仲有原條海鰻壽司份量十足。

卷物都有數款，有芝士同蟹籽的鰻魚卷及炸軟殼蟹卷，兩款都鮮甜加香口，滋味又濃郁。心之戀比有松露櫻花蝦的花之戀更正。最性價比高就是手卷，迷你得一啖食到，而且有三文魚籽，爆發鮮味最強。芥末八爪魚唔會好辣，微微刺激好爽。

場內有2大雪櫃放滿飲品，仲有啤酒供應，所以真係抵過食火鍋，再到另一邊有梅酒、清酒，完全值回票價啦，熱茶都有3款揀。

我先飲左個點餐紙見到既特飲，顏色超靚好夢幻的紫貝天葵桃味特飲，有椰果粒粒又香桃味。而荔枝同桃味的果實酒也值得飲。韓國啤酒配串燒或炸物好清爽，梅酒清酒就配刺身同壽司都一樣咁夾。

羊架落左孜然粉醃，燒得香口，羊架唔算肥，有微脂肪香，羊肉嫩腍好咬，有微微羊羶。燒五花腩超香，配燒汁好有bbq風味。雞軟骨有咬口，配啤酒一流。當然唔少得燒菠蘿，好汁又甜，燒過更幾果汁濃縮左。

燒銀鱈魚也是必點，好嫩滑唔腥，有埋沙律醬更好。燒牛舌好彈好爽，燒得好靚熟度剛好。燒蝦亦唔會乾仲彈牙多汁。牛柳粒炒得有鑊氣，且肉嫩重牛味。

焗蠔真係食多幾轉都唔厭，大隻飽滑又脹卜卜，醬汁仲有洋蔥同菇，好香。天婦羅炸衣厚左少少，但唔算油膩，都唔錯。最好味都係炸榴槤，一咬就散發榴槤香，連隔離位都聞到。炸蠔都大大隻，炸完唔會縮哂，炸衣仲夠哂薄。

場內仲有棉花糖機同爆谷機，小朋友實開心，爆谷配雪糕都好正。

甜品櫃有10多款蛋糕甜點，很難食哂咁多款，個人較喜歡朱古力味，甜品味道唔錯，但推介點餐紙內的楊枝甘露，用上真材實料芒果打蓉，香甜濃郁又唔太甜，超好味。仲有西瓜，哈蜜瓜等生果，太多美食，全部都好吸引。

雪糕糯米滋有3款口味，朱古力味最重，當日冇榴連雪糕，所以揀左movenpick士多啤梨味，酸甜剛好又清新，哈根大師揀左香甜的焦糖脆餅，味道有保證。

日本野我係百食不厭，好耐無食過放題，最近經過荃灣見到滿屋分店都係好多人等位，就一早bk左位，今晚一黎度就入得。枱上有兩大本放題紙，有刺身、壽司、串燒、炸物、甜品、鍋物。另外仲有自助野食區，有三文魚沙律，煙鴨胸沙律，冻海鮮，生果同甜品。最為特別嘅係爆谷機，爆谷係焦糖味，粒粒都好脆口。 刺身種類都好多而且好新鮮無雪味。三文魚厚切肥美，赤蝦夠大隻，仲有較少見嘅油甘魚同劍魚腩，都好鮮甜。 天婦羅夠水準，炸得啱啱好，唔會太油，粉漿適中。仲有龍躉天婦羅，好少見到，都幾好味。 其他熟食方面，炒牛柏葉味道好惹味，有一點點辣，燒牛舌、海蝦、雞軟骨都好有風味！大大條嘅海蝦，入口爽口彈牙。燒牛舌都好正，咬落去幾爽口的。燒菠蘿係非常厚切而且都係超級甜。焗元貝都幾多汁，入面帶有洋蔥粒、冬菇等材料好好食。 推介牛肉火鍋，湯底有少少甜甜味，牛肉完全不肥膩而且入邊仲有大量蔬菜 最後仲有期間限定dreyers 北海道十勝紅豆雪糕，不過只限一人一杯啦。值得一提自座吧既水準都好高，唔係hea 比d 野食！！ 侍應都係好有禮貌，每次落單、上菜、收碟既時候都笑面迎人。 我同朋友都覺得呢間放題嘅水準好高，佢嘅款式唔止多，而且質素亦都唔差!又唔貴，實在非常之抵食。

大部分食物都很好食，會再去

開心又食唔開心又食，大魚大肉嘅時間到，今日係可以令你食得好放嘅放題呀！lol 一坐低就狂畫狂畫，點你想食嘅嘢。。。 和風牛肉壽司 雙色香芒之戀 香芒吉列大蝦卷 法蓮草芝士鰻魚卷 芝士軟殼蟹卷 滿屋櫻蝦芝之戀
壽司好味，芝士鰻魚卷好食！可惜泡菜牛肉卷無得試！不得不讚芥辣八爪魚手卷，芥辣八爪魚濃味，配細細唔多飯嘅手卷，正！ 刺身就最中意食蝦，三文魚勁厚身，好新鮮，呢個係encore份量！

朋友仔話香草紐西蘭羊鞍幾香而唔蘇，ok喎！

焗廣島蠔味道係ok，但個底勁油喔！

鹽燒雞翼燒勁好香好乾身，係encore之選！

燒有機鮮菠蘿係令你開胃，繼續作戰嘅良品！

天婦羅 (鰻魚、番薯、蝦)，心態係樣樣試少少，本身係唔太中意天婦羅，食落都幾香口喎！

和風汁牛柳粒都幾濃郁，味道唔錯！

食左都好多，樣樣食啲都好飽！到甜品胃品嚐喇！ 椰冰楊枝甘露，做法同平時唔同，配一個雪糕球都幾滿足！

食到尾呢個先係主角，係哈根達斯！仲有新口味喔！

食完勁滿足，又係減肥嘅開始！

放工同朋友即興想食下日本野，想多嘢食，又唔想太貴，都係食放題啦！上網睇發現原來我地附近都有間滿屋，之前食過滿屋都覺得性價比十分高，所以唔使諗，就去呢間。

首先一入門口就見到有海鮮冷盤專區，除咗有蝦、蜆肉同青口，仲有日式頭盤小食同沙律，隔籬仲有各式炸物、雞腳等等。
趁第一輪order未到前每樣都試左少少，海鮮鮮甜，值得再拎。

刺身方面應有盡有，但就唔知點解係冇我最鍾意既赤貝….
三文魚、帶子同希靈魚都好正👍🏻👍🏻因為真‧厚切！個口感真係冇得輸。
特色壽司同手卷同樣好味，用料新鮮，飯量唔多，細細件，可以食多幾款！

熟食方面亦幾有心思，羊架基本上就必嗌啦，燒得香嫩，肉汁豐富👍🏻燒比目魚呢啲較冷門野都有，仲燒得皮脆肉嫩！特別試左蟹蓋焗糯米飯，size適中食哂成個都唔會太頂肚。

天婦羅竟然有龍躉天婦羅，真係第一次見。食落啖啖肉又冇骨，鍾意食魚既朋友一定要整返件過下癮。

炸物選擇都唔少，我地都叫咗啲試下，上枱時新鮮滾熱辣，熱力十足，外層金黃香脆！

串燒方面，蝦就最好食，肉質新鮮彈牙😋

飲品款式選擇多，除咗汽水同茶，仲有韓式飲品，有啲即製飲品同清酒添！

第二個胃出場啦！甜品除左可以出去自助櫃攞之外，仲有啲特別野有得order。叫左個雪糕楊枝甘露、朱古力雪糕窩夫同珍珠奶茶，水準全部有保證，入場時仲限定按人頭跟一杯哈根大師~真是滿足又回本了🥳

食物物不錯，但座位狹窄

刺身新鮮~解凍做得唔錯而且仲係厚切呀~

食物種類都係一般放題咁，大同小異！ 但呢度會有小小冷盤比大家食下，包括有凍蝦🍤、青口、翡翠螺同蜆

而且仲有沙律吧比客人refresh下～

而呢度都好照顧到小朋友，會有爆谷機同棉花糖機比佢地

《燒有幾鮮菠蘿🍍》 燒菠蘿簡直係我去親放題必食嘅！因為可以去除油膩同埋燒’濟‘！而且呢度嘅菠蘿係非常厚切但有小小酸～ 更消‘濟

《北海道焗廣島蠔》 我非常之鍾意佢呢一個焗廣島蠔嘅醬汁，佢係他他醬既醬汁做底，酸酸甜甜！雖然係好肥，但係去親放題我都會睇下有冇焗蠔或者焗貝類產品🤤🤤🤤你就知道佢嗰醬汁係幾好食啦

炸物，炸壕幾好食。

價錢合理 食物款式多

是日去左倉附近食放題，放題食物都幾有質數也有很多選擇，和同事最愛吃刺身及壽司😋

🔸刺身
劍魚、帶子、甜蝦、希靈魚、吞拿魚、鮑片、蟹捧，新鮮同鮮甜，特別係個人最愛吞拿魚，夠肥美，不錯👍🏻

壽司類都多選擇，我們order了帶子、蟹籽、吞拿魚海膽、玉子芝士，個人特別喜愛吞拿魚蓉海膽！吞拿魚蓉味道夠鮮甜配埋新鮮海膽，好好食，encore左二次

🔸花膠
花膠紋得腍身夠入味，膠質豐富😋

🔸炸榴槤
一咬落去就bit灑出黎，好香而個皮夠薄脆，係流心效果😋榴槤控之選👍🏻

🔸芝士釀雞翼
雞翼面層焗脆口，蜜糖甜甜，雞翼入面釀著熱騰騰芝士蓉，夠野味！

🔸雪糕🍦
我們選了movenpick 士多啤梨味，夠清香夠fresh😋

呢個放題都幾抵食亦有質數，放題炸物、刺身、壽司、甜品及雪糕，各款都有幾多選擇，keep到水準，滿足！

服務以及食物比以前差

大鴻輝主打火鍋，成個場得滿屋一間日式放題。一枝獨秀所以唔係五六日嘅夜晚都差唔多全場「滿屋」。

放題指定動作一定係一坐底就搣紙狂畫，目標係用最短時間將第一輪想食嘅嘢叫晒先，而一大盤刺身一定走唔甩。刺身有三文魚、吞拿魚、油甘魚、劍魚腩、赤蝦、帶子、北寄貝⋯刺身全部都好厚切，啖啖肉而且解凍得幾好，唔會成舊冰咁。

壽司亦有好多選擇，飯團細細粒唔會覺得好唔抵，而且醋飯有水準嘅話係可以有開胃作用。火炙左口魚同和牛壽司都好好味。手卷超迷你同樣唔會阻礙回本。

炸嘢當然一定要食芝麻雞翼，仲有炸榴蓮球適合重口味一族。

串燒火候都控制得好好，牛舌同菠蘿都非常juicy。

唔好似為放題食物多嘢揀就得，依家要令人滿意，其他配件都好重要。滿屋個飲品櫃選擇之多，同便利店有得比。最開心係有無限嘅啤酒，Asahi同Hoegaarden都可以飲到夠。

甜品亦都唔係講笑，有一大櫃自取甜點之餘，仲有任點嘅雪糕窩夫同楊枝甘露。最後仲有一人一杯Häagen-Dazs/Mõvenpick/Dreyer’s。為一餐放題畫上一個完美嘅句號。

今日放工相約朋友食飯，朋友提議食放題。我地上網睇完一輪荃灣有咩好食，最後決定左食滿屋日本料理。

入到餐廳，見到餐廳環境都唔錯，7點入座已經見到查唔多滿座，好在我地平日黎，唔需要等咁耐。

食物方面見到Menu有好多選擇，例如：刺身，壽司，卷物，手卷，燒物，天婦羅，風料理和甜品等等。而且除左Menu之外，還有個自助吧，有三款海鮮，沙律和部份熟食。

因為好肚餓，未點Menu已經係海鮮吧都選左凍蝦食住先。

Menu order我地點左刺身先，上菜速度都幾快，無漏單。值得一讚係刺身好新鮮，三文魚，甜蝦，帶子，赤貝等等都好好食。

海膽伴拖羅蓉同海膽帶子都好正。

另外我地點左，鹽燒海蝦，鹽燒牛舌，燒豬腩肉同埋炒蜆，炒蟹。呢幾樣都值得推薦。

食埋個雪糕就完美啦，有Haagen-Dazs，Movenpick 和季節限定雪糕。我fd選左Haagen-Dazs， 我就選左季節限定榴蓮雪糕，因為本身好鍾意食榴蓮，所以覺得呢個榴蓮雪糕好得，榴蓮味好濃郁。鍾意食榴蓮既，一定要試啊！！！

是晚撐枱腳，揀咗老婆最愛的日式方題，選址荃灣大鴻輝中心。＂滿屋＂分店甚多，水準有返咁上下質素，book咗19:00枱，在樓下已經有好多人排隊，要預鬆D時間啊～
上到去都等咗一陣才安排到入座，不同時段有不同收費，但價性高，好爆場，而且放題的模式，有酒店的質素，前菜丶熱湯丶冷盤丶熱葷和甜品係自助式的，任君選擇~
而食物選擇繁多，除放題的既定項目外，還外加小炒和不小矜貴食材😍😍先來一輪刺身壽司作開場~三文魚、北寄貝丶北海道角螺丶大目吞拿魚蟹棒和希靈魚，新鮮美味，該爽口的爽口、該軟滑的軟滑，入口即化，鮮甜可口，壽司選擇用好多矜貴料，有鵝肝帶子丶海膽吞拿魚茸丶火炙火焰款項丶黑松露吞拿魚丶左口魚丶油甘魚腩等…再來是炸物丶天婦羅，款式多變，没有多餘炸粉，多餘的油膩感，炸物香脆可口，仲有特式一品料理和煮物，介紹D特別的，如香辣咖喱炒蟹丶鮑汁燴花膠丶辣酒煮蜆丶甜豆炒象拔蚌丶黑松露炒雜菌…好多都配上矜貴用料，而且仲好大份添！而串燒的牛舌和海蝦是非吃不可的~
食到咁上下就到甜品時間，點餐紙可揀雪糕窩夫丶雪糕。而自助吧有十幾款甜點蛋糕可選，仲有爆谷同埋棉花糖添，自己整，好得意😎
比D溫馨提示先，一定要book位，唔係要等好耐，食物上得快，份量多，所以可以慢慢叫，不用急於一時，唔係會唔夠位放，如果想再低食D，可以21:00後入座，會平D～最後提下大家，切勿浪費食物哦～要量力而為😃