Manya Japanese Restaurant(滿屋日本料理荃灣分店)

新鮮美味日本放題，服務一流，員工02服務勤快，傑出員工必投一票

200蚊放題質素

不少放題店都集中在尖沙咀跟旺角區，今日朋友提出不如係荃灣食飯食放題，以我認知荃灣而家大部份都係商場入邊嘅餐廳，但這間放題店就在荃灣市中心的一棟大廈內，原來成幢大廈都有唔同嘅餐廳，等電梯嘅時間足夠令我哋決定去邊間食飯。

呢間除了任食係一大賣點之外，除了普通的刺生壽司，店內更有包含前菜、沙律、炸物、雪糕任攞的自助區，十分吸引！店內食物質素都不差，亦有師傅現場即製作甜品，雪糕仲要有大家最愛Häagen-Dazs，絕對不是馬虎之作！

每次食親放題都好開心, 因為可以任飲任食自己鍾意嘅野! 呢排大家都好大壓力, 係時候放縱一下喇! 於是同friend子近近地到左荃灣食放題~

呢度嘅放題質素不錯, 之前係第二度都有食過同一集團嘅放題~ 二百幾蚊一位就有交易!

飲品, salad, 生果, 小食和甜品都係自助的, 款式多且供應充足, 還有凍蝦, 青口和螺可以任食啊！太開心!

刺身種類繁多而且好新鮮, 我勁鍾意食帶子, 蝦和三文魚, 點左好多轉~

壽司亦有很多選擇, 唔會太大件, 可以試多啲款, 真係食得好滋味呀~

辣酒煮蜆很惹味, 鹽燒牛舌和烤羊架也烤得很嫩滑多汁!

燒有燒菠蘿很清甜, 串燒都燒得剛剛好, 唔會乾身~

貓山榴槤炸彈實在令我一再回味, 因為裏面嘅榴槤實在太豐富甜美, 外層炸粉唔多, 口感不錯~

美中不足嘅係當晚嘅已經賣晒, 所以今次食唔到, 期待下次再嚟食過啦~

臨走前, 食埋1人1杯Haagen Dazs雪糕和任食雪米糍, 非常滿足的一餐!

垃圾

一般般，熟食不錯但刺身因未能完全解凍，所以送至食客後仍需等待片刻才可進食但品質一般不會翻單.

環境唔錯既放題

荃灣除左出名多掃街小食之外，坐低食豐富晚餐既地方都唔少。自己都幾鐘意喺呢區同圍搵食，由其係荃灣大鴻輝大廈，呢棟大廈可為你帶黎各式各樣既美食，特別係雞煲、火鍋、放題等等既種類，務必令你飽住咁走。

個人比較鍾意嚟荃灣呢邊食任食嘅呢類型放題，因為自己都比較注重個環境，而今次呢間嘅環境都算滿意，亦有可能正值係疫情期間有限最令，枱與枱之間嘅位置都算寬闊，令食嘢時都開胃啲。

首先頭盤叫咗刺身先，由於今次淨係同朋友兩人黎，數量都唔敢叫得太多驚浪費，而好彩呢度送餐嘅數目都算跟足落單所寫，因為好多時候食放題，食物嘅數目都有時會亂咗。叫咗包片，帶子、甜蝦，等等，刺身嚟嘅時候睇落都算新鮮，有光澤，而且食落溫度都啱啱好，唔會有未解完雪嘅感覺。

之後都試咗佢哋唔同款式嘅壽司，餸同埋飯嘅份量都算合適，唔會出現飯太多嘅情況，而且賣相都算幾吸引，食落個感覺都仲算啱啱包好。

呢間放題仲有個自助吧，可以攞一啲簡單嘅炸物同埋小菜，喺食到一半嘅時候都可以出去行一行睇吓有啲咩食，自助吧嘅另一邊都有不同款式嘅嘢飲攞，除咗有一啲茶同埋紙包飲料外，仲有清酒同梅酒可以攞，雖然預左唔會係一啲靚款式嘅酒，但都算包羅萬有，總有一款啱。

之後再試咗佢一啲炸物同埋燒物，火喉都算唔錯，啲嘢食落口都會仲有燙口嘅感覺，炸物嘅上粉都算適中唔會特別厚粉，個人幾鍾意佢哋嘅燒蝦，以鹽簡單嘅調味再燒，賣相幾吸引之餘啲蝦又夠重鮮味。

最後甜品，除咗有出邊嘅自助吧任食一啲簡單款式嘅甜品外，餐廳仲會送每位食客一款雪糕，有各款唔同嘅牌子俾你揀。

成個過程員工嘅態度都算唔錯，最後都好好咁提我地要last order同埋落單食埋甜品。嚟得呢度食，雖然本身預咗嘢食唔會特別精，但食落嘅質素亦都相當唔錯，$2xx左右嘅價錢可以令你任飲任點一啲日本菜式，已經係幾好嘅一餐。

早前同朋友一齊去食放題，朋友介紹我地黎呢間日式放題，價錢合理，款式都多，又好好味，不過平日夜晚都好多人，等左20分鐘左右先入得！有好前菜比人自己夾，仲好多款飲品，有啤酒、梅酒、汽水等。而且有好多甜品，甚至有棉糖機比小朋友玩。其他主食如刺身、燒物、炸物等都係要寫紙落單，張單每一道菜都有圖，唔洗盲中中叫。一家人叫左幾轉刺身，都幾滿意，唔算好肥美，但都算新鮮。仲有海膽食！好驚喜！另外竟然有貴價雪糕食，雖然係一人一杯，但都好足夠！上菜速度一般，但職員幾有禮貌，都幾滿意。

一家不錯的日式自助餐廳，我們在一個普通的星期四去了那裡。食物很好吃，生魚片和壽司都很新鮮，比香港大多數的日式自助餐廳都要好。我喜歡他們的燒烤食物，牛舌很棒！選擇很多，而且大部分都高於平均水平，我對這頓飯很滿意！

水準有啲啲不及以前，不過價錢平左，整體都還可以。

好服務放題

大鴻輝呢幢大廈出名多嘢食，嘢食又唔貴，大部份都係任食放題。

前幾日喺荃灣出沒，天氣又見開始凍特別肚餓，所以去咗滿屋食放題。

平日嘅關係，所以人唔算太多，等左一陣就有得食。

呢度嘅嘢食選擇都好多，刺身，壽司，熱食，日式料理同埋甜品都樣樣齊，仲有即時製作嘅棉花糖食添。

刺身拼盤
第一轉叫咗三文魚，吞拿魚，帶子，劍魚腩，油甘魚，同埋大赤蝦。個刺身質素又唔錯，冇雪味，幾新鮮，我鍾意食佢個劍魚腩，夠晒肥同埋口感都唔錯。

手卷
呢兩個手卷我哋兩個覺得最好食，分別係海膽手卷同埋蟹膏手卷。睇相都見到料嘅份量都唔少，最緊要係到新鮮，所以都好食。

熱食
羊假，雞翼，春卷，天婦羅，牛舌，牛柳粒等等，好多唔同選擇，啱晒選擇困難嘅我哋。加上佢嘢食上得快，又冇漏單。

雞肉串燒
呢度仲有啲泰式嘅串燒食，燒菠蘿同雞肉串燒，特別係個串燒汁，幾惹味。

糯米蟹飯蓋同牛肉煲
最後埋單梗係再食飽啲，呢個糯米蟹飯蓋夠晒味，好食又飽，連埋牛肉煲配黎食，飽晒。

食物一般，價格合理，服務ok。

同朋友慶祝生日，朋友比較鍾意食日本料理同荃灣區反工，所以揾左滿屋，我們大約7:00入場，食物選擇方面，有刺身，壽司，手卷，軍艦，手卷，燒物，一品料理，煮物和廚師推介，飲品方面還有很多選擇，清酒和啤酒都可以任飲，自助吧有炮谷，冷食的青口和蝦，鴨胸等，還有章魚燒和薯格，首先第一輪，叫了刺身，有三文魚，赤貝 ，象拔蚌，北寄貝和油甘魚 等，刺身很新鮮，油甘魚的油香也很重，壽司叫了新出的廣島號壽司，廣島蠔肥美和嫩滑，火焰左口魚魚油多很香，串燒方面，每樣串燒上枱時候都很熱，羊架和鹽燒牛舌特別出色😍羊架不會太羶味 ，連平時不太食羊朋友都食到 ，鹽燒牛舌少少鹽同黑椒喺上邊，牛舌幾厚身 ，查文方面特別推介榴槤炸彈，每次上台的時候都很熱，咬開的時候很香的榴槤味不會太甜，至於環境方面每張枱的距離都很闊落 ，食物上枱的速度也很快，服務員還很細心為你介紹，

服務好，店員有禮貌，食物可以

今日真係好開心， 同家人一齊食放題， 放假之前搵一日豪一豪佢， 好耐都冇試過啦

來到荃灣呢間 好多食放題嘅商場， 好彩有book定位， 如果唔係實有排等， 全場滿座

一坐低即刻急不及待地叫到成枱都係， 刺身全部都好新鮮， 叫幾多上幾多， 冇話走單漏單， 吞拿魚都好滑

另外啲卷物 都做得幾好， 全部都有 火炙， 特別係鰻魚同埋火炙三文魚做得幾好， 三文魚可以燒到半生熟， 有少少火炙味得呢仲係好滑

好欣賞呢個羊架， 炭燒味道啱啱好唔會太鹹， 而且啱啱好燒起， 上枱時仲係熱辣辣

非常欣賞帆立貝， 雖然 唔算係好大隻， 但係條未做得好， 加咗大量嘅芝士， 火喉都夠

芝麻雞翼都係我最欣賞嘅一味餸，雞翼炸得啱啱好，有好香嘅芝麻味

最開心係食完之後有movenpick 雪糕食，唔會太甜，好香嘅士多啤梨味，好食過H同D好多，一定要識揀呀~

限聚令過兩日再放寬至六人，終於可以同屋企人出去食飯唔使分枱！今晚就去了食放題，餐廳要客人全程載口罩攞食物，非常好的安排。
清酒、啤酒及各款飲品任飲，款式很多。
自助區有幾款小食，葡撻酥皮保持香脆，而且唔算甜。
沙律菜就正常啦，有些日式中華沙律，蟹杍任添。
有青紅蘿蔔湯，味道唔錯，幾清甜。
刺身款式很多，每樣點一些試下，任食質素算唔錯，不過第一次點比較靚，第二轉無咁正，第三轉又唔錯，真係随機。
羊架見每枱都叫，聞到有些騷味，但肉質算嫩，亦都無渣，醃得幾入味。
厚切煮牛舌，炆到又腍又入味。而燒就較爽口。
天婦羅粉漿略為厚，是眾多食物中比較一般。
冬菇炆花膠，其實即魚肚，但餐廳都幾重手，魚肚厚身，一大塊，充滿膠質。
整體都唔錯，時間亦都有兩個鐘，過了鐘都無特別趕走，可能我們食尾圍。

邊食邊暢談 放題大滿足

今日約了荃灣的一位朋友相聚，地點當然是找一間 食放題的餐廳，我們就揀了朋友住的附近的一間日式料理放題-滿屋。

餐廳的座位間開了一卡卡的，令人感覺空間感很大，所以現在就算是疫情，也感覺令人食得放心。

放題吧有冷盤及炸物、湯…等，而紙點的就有A~等非常多款式。當中的刺身、壽司、燒物、手捲壽司、炸物…等等是我的最愛，還有甜品飲品及水果…等。

刺身是我首點的食物，要了三文魚、北寄貝、鮑片、北海道帶子刺身、空運大目吞拿魚…等。
見到每樣都很新鮮，三文魚油香。
北寄貝鮮甜帶爽。
鮑片很有鮮鮑魚味。
北海道帶子刺身鮮甜中帶嫩滑。
真是非常美味。

花之戀壽司
外形美麗，入囗油香又帶蟹子的爽口，我最愛食。
蟹子軍艦，橙色的滿滿都是蟹子，用紫菜包裹著飯及蟹子，又爽口又油香。
海苔牛油果醬伴鮑汁元貝
元貝肉大大粒，真可謂啖啖肉，夾著牛油果食，美味又健康。
還要了香芒忌廉芝士加州卷

炸物及燒物
芝麻雞翼，外面一粒粒的芝麻，令雞翼帶著芝麻的香，肉嫩多汁，也是我的最愛。
貓山榴槤炸彈，外皮帶脆，最愛裡面濃濃的流心榴槤，香味濃郁。

燒紐西蘭羊鞍
食放題，燒羊鞍是必不可漏的美食，黑胡椒粒再加上香草，醃得又美味，香嫩可口，必食之選。

鹽燒鯖花魚及西京比目魚
鹽燒鯖花魚外皮帶點脆，魚味非常濃，燒得很香口。
黃金燒帆立貝
面上有芝士及洋蔥等，令帆立貝多了一重重的味道，與牛油果醬伴鮑汁元貝又是另一番的味道。

食放題的尾聲，當然就是美味甜品及水果，與朋友一邊食一邊敘舊，食得又開心暢談得又盡興。

好迫 熟食唔掂

今日同朋友去荃灣食放題
今日食”滿屋日本放題”
我們是在星期二 7:00食
$248 /人 食2hrs
食物種類都幾多！
有魚生
都好新鮮，帶子好大粒！[色]
燒物
燒羊架！好好味！肉香淋滑！
燒菠蘿～燒一燒好甜好甜！
燒牛脷～燒得剛好！
炒物
一口牛，象拔蚌都不錯！
壽司
火炙三文魚壽司和火炙牛肉壽司
油香肉香！😋😋👍🏻👍🏻👍🏻
飲品櫃有三大個！
有啤酒，汽水～梅酒，清酒，又有熱茶！
甜品
毎人有一個雪糕
其他蛋糕……都是在出面拿

疫症期間都少咗好多出街，成日留喺屋企就發霉啦，朋友仔都忍唔住要約出嚟聚一聚大吃一餐，咁就梗係非食放題莫屬。

真係少咗好多人出嚟食飯呀，唔駛等位，平時起碼等成粒鐘先食到。每位食客入去都必須先量體溫，保證安全。

呢度嘅款式有好多，包括刺身、壽司🍣、火焰壽司、創作精選、手卷、卷物、串燒、一品料理、燒物、煮物、廚師推介、天婦羅、炸物、飲品。

淨係飲品方面都有超過二十款，包證有一款啱你。外面有自助區可以拎炸薯條🍟、青口、蝦🦐、蜆、中華沙律、昆布麵豉湯🥣。

刺身我哋點咗甜蝦、三文魚、空運大目吞拿魚、北海道帶子刺身、北海道角螺、油甘魚、鮑片、松葉蟹棒，全部都好新鮮鮮甜。

卷物方面點咗花之戀、香芒忌廉芝士加洲卷、櫻花戀人，全部都好好食。

火焰壽司係我至愛，平時去壽司店都好鍾意點嚟食，喺度我唔客氣啦，可以任點，芝士蟹棒黃金燒、火灸芝味和牛、火焰牛油蒜蓉三文魚，芝士蟹棒黃金燒超好味，encore咗幾次😋😋😋！

手卷有松葉蟹膏手卷，細細舊，份量啱啱好，唔駛怕食完手卷會飽食唔到其他。

虎蝦天婦羅🍤啲粉唔會太厚，又脆又熱。

串燒好好味，鹽燒雞軟骨、鹽燒牛舌、燒有機菠蘿、鹽燒海蝦、沙嗲雞串全部都好值得試。

西京比目魚、黃金燒帆立貝、捧捧海苔雞肉都唔錯！

炸物方面就揀咗芝麻雞翼、特長大蝦春卷、自家製吉列炸蠔，芝麻雞翼又脆又熱，夠晒juicy！

廚師推介有竹笙瑤柱蟹肉翅、燕窩燉蛋，鐵板安格斯牛仔骨，yummy！

煮物其實有好多款都想試，不過太飽，淨係揀咗個辣酒煮蜆，都幾辣架！

最後，當然唔少得食甜品，外面有雪糕自助區可以拎雪米糍同埋雪條、各式幕絲、蛋糕🍰、布甸🍮。另外有椰汁楊枝甘露可以點。除此之外，每人有一杯雪糕，竟然有Haagendazs 難得嘅焦糖脆餅口味，仲有士多啤梨味movenpick雪糕🍨。

近排大家都充斥住負能量，好想大飽口腹食大餐減壓，所以黎咁荃灣大鴻輝食放題，入座前店員都會量度體溫同要求客人用搓手液搓手。

放題既優點勝在選擇多款式多，呢度既點餐紙有兩本，一本主要係刺身壽司，另一本就熟食為主，超過十張既點餐紙任均選擇，選擇多元化👍🏾

放題唔少得既當然係刺身，甜蝦鮮甜，魚生既厚度適中，用料新鮮，當中個人比較推介劍魚腩同帆立貝😉

壽司既選擇都非常多，有好多種特色壽司，樣樣都好想試所以都叫左超過十款吾同既壽司，當中最推介既係火灸壽司，師傅即叫即灸，食落暖暖地感覺好好，而且壽司飯唔會太大舊食到好飽，上面既配料都足料唔會細細舊☺️

炸物：婦羅係放題必食，師傅都係即叫即炸，所以上枱時係熱辣辣，非常香口，但今次最有驚喜既係龍躉天婦羅，龍躉肉連皮炸可以保留到肉質新鮮吾會霉，而且啖啖肉，岩哂鐘意食魚既朋友仔，南瓜都好清甜，熱氣都忍吾住encore;另外芝麻雞翼亦係必食推介，肉質juicy，外皮炸得香脆又吾會太油膩😋

燒物：燒菠蘿絕對無得輸，菠蘿香甜多汁，岩岩燒好就上枱，仲保留暖度，所以好香好解膩；鹽燒雞軟骨夠鹹香，咬落爽脆，加埋檸檬汁👍🏾:帆立貝上層鋪左滿滿既芝士，咪道香濃唔會乾☺️

另外試左熟食辣酒煮蜆同牛柳粒，牛柳粒肉質軟稔易咬，加埋蒜粒一齊炒好香口，而辣酒煮蜆辣度適中夠惹味

食完咸食吾少得甜品，入座時比左一張雪糕既點餐紙，每位可以揀一杯movenpick或者haagen dazs
既雪糕，唔夠既話出面仲有甜品櫃或者小粒既雪糕糯米糍可以攞😋

呢度既價錢合理，係一般放題既價錢，優點係選擇好多元化，而且用料新鮮，熟食上枱熱辣辣，食得滿足，值得推介

平時返工咁攰，收工梗係要好好慰勞自己啦， 收工等得happy Friday 梗係要同同事去食好西， 佢話想食唔同類型嘅食物，最好既選擇梗係食放題，之前有朋友食過呢間放題，佢地既評價都唔錯，又係公司附近，於是一於試下。

餐廳睇落都企理，幾有空間感，座位都好闊落，而且區域分明，一入到去都好易掌握食材/甜品擺放位置

黎到食放題 當然要叫下刺身 壽司 炸物

刺身有叫左甜蝦 蟹柳 帶子，刺身好鮮甜，無雪味，咬落去亦好爽好有咬口

呢到壽司有好多唔同特別種類可以選擇，油甘魚壽司真係好正無得頂，油脂味非常香，但又唔會過份油膩，火焰鰻魚壽司芝士同鰻魚都燒得好香好足料，帶子壽司既帶子都好大隻好有咬口，燒得剛剛好

炸物方面我特別欣賞炸榴槤，一咬榴槤汁即融同埋漏出黎，而且榴槤味都好真，唔似好假既榴槤甜味，帶有自然榴槤甜香味，外脆內軟。而芝麻雞翼方面炸得香脆之餘唔會有油溢味，雞肉嫩滑，新鮮滾熱辣出爐～

最後舖頭仲好好每人送一杯haagen dazs/movenpick雪糕食～～呢餐真係好抵食！

今晚約了朋友係荃灣，行過大鴻輝見好多人派 宣傳單張，拎左幾張見食放題，於是同朋友就決定去“滿屋”食日本放題。
我們一上到有枱可以安排入塲，可能我地早去食，坐下見到地方寬敞而且有不少熟食和飲品可以自己隨便拎，首先食放題當然要寫order紙，這裡的款式好多，有刺身、壽司、串燒、炸物等等…，刺身新鮮沒有腥味，串燒燒得得好由其我最愛燒菠蘿（要encore），炸物也很好沒有油益味，最後加上一杯Häagen-Dazs 雪糕非常滿足。

刺身好好味

(晚)任飲啤酒清酒的放題✌🏻回本

今晚放工約左朋友食放題✌🏻
一入店內.好大間.
重有U型台.6-10個朋友黎食可以坐.
又舒服又可以吹水.
不過我得2個人🤣
店員都好好比左張4人台我地.
話唔洗甘迫.

由於放題太多野食😍
主要介紹自己覺得必食推廣✌🏻

例牌一嚟到梗係要嗌🥢刺身啦😍
基本嘅甜蝦+三文魚+赤蝦+帶子都有.✌🏻
今次最值得讚嘅就係一個
⭐️北海道角螺.好彈牙爽口.

另外食放題必試店鋪
🥢創作精選：
🍱海苔帆立貝吞拿魚茸⭐️⭐️⭐️
🍱海膽凡立貝壽司⭐️⭐️
🍱忌廉芝士鰻魚玉子燒⭐️⭐️
🍱火山大爆發⭐️

‼️熟食方面‼️
選擇好多👍🏻

🥢炒蜆⭐️必食⭐️
🥢鐵板三色香辣炒牛柏葉
用蒜香炒.又辣辣地.
好香口.惹味👍🏻
好有大排檔風味👍🏻

🥢牛仔骨⭐️必食⭐️
牛有筋有肉有少少脂肪.
燒得好好.唔會太乾身.
又唔會太濃濃味.

🥢燒有機菠蘿
唔知幾時開始食放題一定要食燒菠蘿🍍好甜品㗎.juicy 多汁✌🏻
一個人食左3舊😍

🥢竹笙瑤柱蟹肉翅
食到飽飽地都想食返啲暖野
暖下個胃😍超足料又健康.
清清淡淡又竹笙爽口又蟹肉鮮甜.

🥚燕窩燉蛋
唔甜.凍食.好味😋

另外，都有自取區✌🏻
冷盤方面有凍蝦青口.

最值得一讚係葡撻🥧正丫

飲品方面選擇都好多🥤🍶🥃🍺
‼️‼️‼️有啤酒‼️‼️
‼️‼️有清酒任飲‼️‼️
約埋朋友黎飲酒.咩都抵哂同回本.