Manya Japanese Restaurant(滿屋日本料理荃灣分店)

我經常吃，以前香港平靜時都算OK，食物都多，飲料都多，上星期吃中午，因流感沒有多人，1O多張枱，食物差很多，厨房出品劣質，又油又不熟不熱，粥冇味，熟食得兩樣，湯不是煲老火湯，紫菜湯，22o元加一，笑死人，不忙点解這麼差

高質放題
在疫情下出街食飯真係一件變得越來越奢侈嘅活動，特別係我最鍾意食放題嘅， 又鍾意食高質素嘅我，要揀一間比較就腳又唔係太過差嘅地方真係一件好困難嘅事，而今日朋友介紹咗一間我比較滿意嘅日本放題舖頭佢係位於荃灣度，真係非常之就腳，我哋一行二人夜晚就揀咗呢一間放題食！

我特別鍾意食刺身，其中最喜歡嘅係食甜蝦同帶子仲有欺靈魚，呢三款真係冇令我失望尤其是三文魚特別美味，肉質鮮美，油分充分新鮮，我真係encore左兩三轉都食唔飽！去到壽司手卷累，真係好大碟好好食，我一口就食咗成件壽司，飯又唔算大，個人喜歡食火炙壽司，佢嘅蝦壽司亦非常之香甜， 加小小嘅芝士，論賣相同味道真係一直得試呀！

還有佢個加拿大海膽手卷真係值得一讚，可能因為季節問題啦非常之香甜，我真係一次過食咗10件，事關佢唔係好大舊飯，我真係一口氣可以食到三件真係非常之正呀，我覺得食完都真係值回票價啦！

已咋嘛方面基本上我都全部都叫，除咗炸雞之外貓山王榴槤炸彈、香芋丸、芝麻雞翼、牛舌、天婦羅都炸得非常之香脆，完全唔似其他放題店咁樣剩係得油味，一啲都唔香脆。

另外我哋亦都叫咗個豆腐牛肉煲，佢個湯底非常之香甜，加上牛肉卷着豆腐你食真係非常之過癮啦！我真係一次過成兜食晒！

即係我食埋個Häagen-Dazs雪糕，我每一次都係叫呢一款，事關真係非常之好食，以呢一個價錢有埋呢種雪糕來講真係超值抵食完全冇蝕錢。

多選擇日式放題
荃灣有好多出色既餐廳，呢間滿屋係荃灣大鴻暉中心，之前食過一次，覺得唔錯，今次再同朋友去。佢有好多選擇，真係樣樣都想食。
刺身方面，叫左我最愛既甜蝦同北海島帶子。甜蝦都算新鮮，帶子細細粒，咬落好鮮味，我都忍唔住再叫左一round。至於劍魚腩同油甘魚有油脂甘香，相當唔錯。
壽司方面，海膽伴拖羅茸，海膽既咸香，加埋拖羅好夾，好creamy。另外，蟹膏皇帝蟹腳壽司都幾出色，咬落啖啖蟹肉，好滿足。另外，我都好鐘意食火炙壽司，火灸芝士三文魚壽司同和牛唔錯，經過火燒後，油香更加突出，係口入面回甘。
熟食方面，燒牛舌同吉列蠔好值得推介。燒牛舌唔會燒到過曬籠，好驚有時燒太乾，就會好難咬，但好彩無伏。吉列蠔有水準，炸粉唔太厚。
飲品唔單止一般汽水，甚至梅酒同清酒都有。如果唔想沖茶，甚至有暖好左既紙包茶飲品，幾細心。最後甜品，食埋Hagen Daz焦糖雪糕收尾，好完美。

很不錯

前排同屋企人去左荃灣嘅滿屋食日式放題。食物款式多又好味👍🏻飲品方面除左一般紙包罐裝飲品外，仲有任添嘅梅酒清酒，連somersby apple cider、hoegaarden都有😍仲有自家調製嘅特式飲品🥰 . 放題少不免要時間等野食送來，但呢度都好貼心咁設有前菜自助吧，咁大家就唔洗餓住等🥰 放題種類咁多，唔係樣樣都食得曬，以下幾款食物推薦大家 .
🍣刺身/壽司最中意甜蝦，大大條又鮮甜😍三文魚略嫌筋多。 海膽、蟹膏手卷細細份，唔會頂肚
燒帆立貝必叫！意想不到咁好味，翻call左好多轉，落咗芝士同千島醬，非常惹味又開胃！
燒牛舌調味落得足，夠香口
和風牛柳粒唔係平時大排檔食果種咁外脆內軟，但非常嫩口，少少辣幾惹味。
芝麻雞翼都係必叫！炸得好香脆 . 炸榴連 夠熱唔太甜好濃榴連味🙈細細粒一口一啖啱啱好
即燒菠蘿略嫌細嚿咗少少，但都燒得唔錯，放題必食，因為夠酸可以好有效咁去油膩感 . 最後係食甜品，有爆谷、自助棉花糖機、雪糕雪條、糕點同奶凍蛋糕 . 仲有，一人一杯嘅movenpick 或者係Häagen-Dazs雪糕🤤

蔥花仲大過鵝肝😪 …

品質好多種類，刺生非常新鲜又夠凍，肉類也很多，非常好味😋😋😋我經常惠顧👍👍👍 …

菜式menu紙仔都有十幾張，包羅萬有， 除咗刺身壽司，大路嘅炸物都有，更加有小炒，貴嘅Häagen-Dazs亦有一人一杯，仲要係好好味嘅belgium chocolate同caramel biscuit🍦🍦🍦

食放題攻略當然係先嚟一碟咩都有嘅刺身，每樣少少試下先😂😂😂 三文魚同吞拿魚必食就唔再講，油金魚亦不輸蝕，帶子刺身鮮甜。希靈魚沒有魚腥味，值得一試。大赤蝦超巨形亦係必點嘅🦐🦐 食完立即再round 2 😆😆😆

壽司卷物重點推介係海膽手卷，味道似加拿大海膽，細細嚿飯可以毫不客氣一次過order 咗每人4嚿😎😎蟹肉手卷食到有蟹膏，有驚喜😃😃😃😃蟹肉皇帝蟹腳都出乎意料外大嚿，肉質鮮美🦀🦀

其實餐廳內仲有自選熟食海鮮冷盤任嗶，有海螺，有青口，仲有蜆肉！後邊亦有一個沙律水果/甜品櫃， 喺上菜之前出去攞嘢飲經過記得唔好錯過😂😂😂

滿足滿屋、食到捧腹

晚上7:00，喺荃灣區呢間分店唔會太多人，坐得都算鬆動，任食時間去到8:30，$ 248一位，價錢都幾吸引。

先來刺身：油甘魚、甜蝦、三文魚、劍魚腩、帶子、希靈魚、大赤蝦等，基本上質素都好高，我最欣賞油甘魚同帶子，質素拍得住出邊單點刺身水平。

壽司亦有好多選擇，鵝肝帶子壽司值得叫，黑松露赤蝦壽司亦有水平，火焰芝味和牛肉鮮味濃。

手卷雖然只有三款，但都係精選，當然最值得食一定係海膽手卷，手卷全部細細份一口食晒。

燒物試了羊胺、比目魚及黃金燒帆立貝，比目魚拍得住銀雪魚水平，肉質鮮滑，少骨，啖啖肉，所以我都Encore。

炸物有兩樣我最鍾意食嘅食物，吉列炸蠔及貓山榴槤炸彈，高水準，榴槤香味十足，好多汁，最後我一個人食咗3個貓山榴槤炸彈。

自助飲品選擇多元化，日本梅酒係我至愛，我差不多飲咗三壺酒，另外佢哋有好懷舊嘅涼粉涼茶。最後加埋生果甜品，再有限量Häagen-Dazs雪糕，大滿足。

呢間放題最大亮點係有一個海鮮吧,海鮮吧嘅蝦同貝殼類食落都新鮮,同出面嘅buffet海鮮吧有得揮,refill 速度都幾頻密👍

刺身方面, 赤蝦同帶子食落幾鮮甜, 味道正常發揮, 溶雪度恰好,食落口感唔會太凍太實, 刺身款式算齊全

野飲方面值得大讚, 特別係酒精類飲品, 清酒, 梅酒, 多款啤酒同果酒🍻特別有款日本sukkiri桃味好好飲🍾 同埋呢度竟然有珍珠奶茶飲！！！😱可惜味道一般般🤣不完美，可接受，需改善。

再講埋放題cp值最高嘅燒羊架, 燒得armarm好, 唔會太韌又唔會太生, 值得一提嘅係呢間羊架有少少羊騷味,鐘意羊架嘅朋友可以去一試😋

服務環境一流！
嘢食好多種類，炆花膠食得出係真材實料，同埋炆咗一定嘅火候！刺身方面有帶子食啊！又有齊前菜，雪糕，等緊嘢食嗰時都可以出去拎！
呢度啲熟食大家可以盡情嗌！因為全部都係高質而且熱辣辣即整嘅！

嘢飲有啤酒清酒啊！仲有蘋果酒！！放題有陣時真係要撞彩睇吓嗰間好唔好質素，如果大家想食放題可以試吓呢間，因為質素真係唔錯㗎！又少油又香口！食到我捧住個肚走🥰

食物味道不錯。

呢排疫症嚴重，少咗人出街食飯
行過荃灣大鴻輝商場，下面完全無人等搭Lift
好奇心驅使下睇睇啲自助餐放題韓燒嗰啲有冇人
真係少人到難以置信，未見過層層樓都無人排隊等食飯
少人嘅情況下，反而覺得OK
加上情人節嘛，E先生&A小姐都想食好少少，最後揀咗呢間放題食

值得讚嘅係，留意到員工好落力做清潔同搞衛生
抗疲工夫都做得足
坐低呢度食嘢都放心啲
基本上都係剔紙就OK，好過出面攞嘢食嗰啲
起碼唔會食到其他客人噴嘅口水花

飲品﹕清涼蜜柑、Sake
有幾款特別嘅揀，不過珍珠奶茶四圍都有就唔揀啦
蜜柑幾清爽舒服，估唔到食呢啲普通放題會有日本清酒飲
A小姐本身唔飲酒，不過E先生就鍾意飲少少
佢話飲得出唔係好cheap嗰啲sake，有啲料到

刺身﹕甜蝦、吞拿魚、大赤蝦、三文魚、劍魚腩、油甘魚、北海道帶子、希靈魚、鮑片
壽司﹕京蔥三文魚腩壽司、香草牛油果煙三文魚壽司、黃桃煙鴨胸壽司、黑松露赤蝦壽司
火焰壽司﹕火灸芝味和牛
創作壽司﹕海苔牛油果醬伴鮑汁元貝、鵝肝伴帶子壽司、忌廉芝士玉子燒、海膽吞拿魚蓉壽司
卷物﹕櫻花戀人
手卷﹕海膽手卷、松葉蟹膏手卷
軍艦﹕黑松露櫻花魷魚軍艦

最驚喜唔係刺身，係佢啲壽司
平時食親放題都好少會點好多壽司，因為多飯會好快食飽肚唔抵食
所以通常係點刺身
但今次竟然只係點咗2次刺身
其餘都係點壽司
佢啲壽司真係幾驚喜，值得試
配搭好新鮮，亦都好Match
不過有樣嘢麻麻，就係牛油果蓉
鍾意食牛油果嘅我食落覺得似偏液體，唔係果蓉feel
但吞拿魚蓉又好蓉好味啵
除咗牛油果扣咗少少分之外，其他配搭好好，質素都好高

燒物﹕鹽燒鯖花魚
串燒﹕鹽燒海蝦、鹽燒雞軟骨、燒有機菠蘿
炸物﹕芝麻雞翼、吉列炸蠔
天婦羅﹕虎蝦天婦羅
料理﹕和風汁牛柳粒
煮物﹕辣酒煮蜆

熱食都比正常好食，偏高分
唔算油膩同滯
炒牛肉粒嗰個幾足料
配料都好豐富，一堆炸蒜片比較明顯

甜品﹕燕窩燉蛋
雪糕﹕dreyer’s芒果味、Häagen-Dazs焦糖脆餅味
見到有燕窩燉蛋就試試，上面嗰堆係蘆薈，燕窩好似隱藏咗最後先食到
唔算太甜同太漏，放題嚟講幾好味
因為平時食開放題嘅甜品都麻麻
最驚喜係佢竟然有齊晒最大嗰2隻competitors嘅雪糕牌子
仲有隻係movenpick
dreyer’s同Häagen-Dazs不嬲都好味
不過就每人限揀一杯，估唔到放題會食到2款唔同嘅大牌子雪糕

食物不錯，招待客人很好，地方寬敞，交通方便，值得一去

舒適的餐廳，如果您喜歡享受多種食物，強烈推薦，而且食物質量也很好！

好耐無食過日式放題啦~
星期六放假，約埋朋友一齊去滿屋日本料理，
位於荃灣大鴻輝中心10樓，
一早預約左，準時到唔洗排隊等位。

自助區有多款前菜、炸物、凍海鮮、
沙律、水果、甜品、飲品等等，好多元化。

點餐紙有十多款，種類廣泛，包羅萬有，
包括刺身、壽司、火炙壽司、創作壽司、
手卷、卷物、串燒、一品料理、燒物、煮物、
廚師推介、天婦羅、炸物等等。
任點任食，性價比好高!

飲品櫃選擇甚多，仲有啤酒任飲。

刺身夠新鮮，推薦油甘魚，
肥美細滑，入口即溶；
大赤蝦鮮甜爽嫩；帶子肉厚豐腴；
象拔蚌爽脆滑溜；赤貝鮮美清脆。

天婦羅
炸得香酥鬆脆，虎蝦彈牙。

蒲燒鰻魚
肉質細緻Q彈，口感肥美鮮嫩。

芝麻雞翼
外皮金黃酥脆，咬開雞肉嫩滑，
大大隻飽滿多汁，香口惹味。

芝士年糕
外脆內軟，口感煙韌有嚼頭。

西京比目魚
味道鮮美緻密，咸中帶甜。

黑松露蘑菇忌廉芝士釀雞翼
釀入忌廉芝士蘑菇勁滋味，
咬開流出豐富飽滿餡料。

有三大雪糕品牌，每人可選一杯，
包括Häagen-Dazs、Movenpick 、Dreyer’s，
揀左Häagen-Dazs焦糖脆脆雪糕同
季節限定既柑桔檸檬味，味道清新。

環境一般般 食物上可以

早幾日想食放題
朋友就推介依間滿屋日本料理放題
可以食足兩個鐘
食野之前緊係揀左飲品先
選擇款式幾多
有apple cider同蜜桃氣酒
落完單交比職員，野食好快就上枱
刺身方面，甜蝦、帶子、油甘魚食落鮮甜肉質新鮮
壽司細細粒食多幾件都唔覺得飽滯，而且水準唔錯
蟹膏甜蝦手卷必點
鹽燒牛舌燒得香口，燒菠蘿好香甜
熟食方面，魷魚鬚、牛柳粒都好食
今餐仲包一人一杯名牌雪糕
有三隻大牌子比大家揀
整體食物質素唔錯
有機會會再黎試試

有時候諗唔到食咩好，就去食自助餐，貪果度樣樣菜式都有，真係未出發先興奮。今次就帶埋爸爸媽媽一行4人去荃灣滿屋食放題。

一出lift ，門口就迫爆曬人，個個都係係黎朝聖（滿屋假假地都有4間分店）我第一次黎，真係無諗到甘旺場…

一坐下來就急不及待去找飲品同落order 刺身😋😋，爸爸媽媽又餓又心急，即刻到餐廳中央，那邊擺放住自助式冷盤/凍食/炸物（如：8瓜魚/東風螺/蝦🦐/春卷等等），係比一般既放題做多左少少，提供多d 款式比食客選擇，而質量又出奇地好…. 真難得…. 爸爸食過不停就像錄音機不自控地說：好食，好食，真好食🤣🤣

放題就一定走唔甩三文魚🍣刺身，三文魚大件又夠厚身，肥美度適中，光澤亮麗登場，見到都流曬口水，另外滿屋設有多款小炒，其中「香辣咖哩炒蟹」都真係驚喜；放題有蟹woooo … 有幾多間做得到？！ 唔好理佢size大與小；的的確確呢到煮個汁係幾出色，避風塘辣，有蟹肉&蟹蓋你啜下，食得真過癮。最後，甜品雪糕🍦一點都不緊虎，有movenpick 提供，一杯都差不多$40 …
唔掛之得個個食得甘開心啦，比左$300都唔洗就食到甘多好野，分分鐘有賺tim 😝😝

琴日係感恩節，所以同阿豆出咗去接老公收工一齊食大餐

我哋去咗荃灣大鴻輝度食滿屋放題，好開心，勁耐冇食放題啦！依間坐位好闊落，絕大部份都係梳化位，好有自己空間

野食超級多選擇，一共有14張點餐紙，仲有張雪糕紙！除咗點餐紙既野食外，行出去仲有小小熱食、海鮮、甜品同水果！野飲都有好多選擇，有酒精、無酒精同清酒都有

刺身好新鮮，我最鐘意食甜蝦同帶子，好鮮甜。依間我好欣賞佢壽司好多款式好創新，好多我都未見過未試過，雖然壽司有舊飯好易飽，但真係太吸引款款都想試下，食落都真係唔錯

串燒個燒牛舌好好食，燒菠蘿又甜又多汁！羊架大大塊，唔會好多肥膏，食落好香好軟，超級推介。仲有個焗蠔，都要必食，好味

依間放題就連花膠都有得食，緊係要叫黎養顏啦。仲有試左炸水牛芝士同炸榴槤波，炸到好脆好脆，外脆內軟，食榴槤既大家去到記得要叫黎食丫

甜品紙既雪糕有Häagen-Dazs，Dreyers同Movenpick揀，我叫咗焦糖脆餅好好味😋雖然雪糕只可以叫一次，但出面都仲有其他甜品同雪條雪米滋可以拎黎食，嗰個朱古力雪米滋都好好食

今餐真係食得好滿足，好飽飽！最緊要價錢唔會好貴，抵食丫

餐廳提供美味的日本料理，提供多種食物和飲料選擇。快速訂單交貨！強烈推薦

一至三7點半入座248$
性價比高既日本放題，呢到既選擇好多，❄️冷盤新鮮，♨️熱食即叫即整既熱度，諗起放題會諗起滿屋🏯

-🥗頭盤都好多得揀，有蝦、螺、蜆肉等，令人覺得好impressed既係海蜇，調味有麻香有甜味，而且好爽口，開胃一流。
-🍱刺身無雪味，整體都幾好，三文魚、油甘魚、帶子、北寄貝等；尤其甜蝦好出色，size比出面食到既大，鮮甜!
-🍣🍣壽司卷物好有特色，例如有黑醋芝士鰻魚卷、同劍魚腩包住櫻花蝦既櫻花戀人，未必到到食到；
海膽手卷🍙都Encore左好多次，海膽質素好，味道唔錯，絕對唔係泥膠味既海膽
-串燒🍢熱食似係即叫即整，熱辣辣，炸物同天婦羅🍤嘅炸粉唔會好厚身，餡料足。
本身想試下蟹蓋飯，可惜今日賣曬，唯有下次再試
-仲試左茉莉花百香果特飲🍹百香果清香，加埋椰果，不膩有清滯既效果。
同場仲有🍿爆谷機同棉花糖機🍭，有得食又有得玩

任食，有啤酒，清酒飲

好耐冇食過放題，要食餐勁嘅
估唔到疾情期間都唔少人食
相信大家都忍左好耐無出街😣😣😣
所有地區嘅滿屋我都已經食過
尖沙咀，銅鑼灣，而旺角有兩間
今次黎荃灣試下啦

我地八點半入座
刺身質素不錯，我最重視嘅甜蝦十分新鮮
帆立貝、劍魚腩、三文魚都唔錯👍🏻👍🏻

熟食方面，牛舌非常好味 食左好多串🥳🥳🥳
整體食物選擇算多，熟食質素都好好
自選雪糕有Dryers紅豆味
第一次食幾好味👍🏻

今日第一次黎到荃灣食放題~~
揀左滿屋日本料理, 呢個集團其他分店既放題都唔錯, 今次試埋荃灣呢間先
果然有驚喜喎~
呢道有好多特別既菜式係其他分店冇架
而且又有好多款式選擇~
揀係睇MENU都有排揀, 哈哈~~
除左點餐紙外, 仲設有自助區…
有沙律BAR~~
大大盤日式小食, 仲有蟹籽添, 超正!!!
飲品都有好多選擇~ 酒精非酒精都有
甜品櫃~~
必點既刺身~ 有超過10款既刺身丫!!
全部都好新鮮好鮮甜~~
食多D回晒本喔
辣酒煮蜆 少辣~ 蜆新鮮冇沙
芝麻雞翼 又熱又脆口，好好味呀！！必食！ 特長大蝦春卷 春卷卜卜脆，蝦肉大大隻，爽口彈牙
牛油炒栗米 牛油味香濃，甜甜粟米
黃金燒帆立貝 好大粒既帆立貝
又嫩又juicy
鹽燒雞軟骨 燒得香脆
西京比目魚 必食比目魚，魚肉非常嫩滑又冇乜骨，巧巧味呀！！！ 和風汁牛柳粒 牛柳軟腍，同和風汁好夾
芝士釀雞翼 encore左幾次，味道特別又好味，啖啖肉好juicy
碗仔翅 同平時食既味道有d唔同，感覺幾新鮮特別~~
每人一杯雪糕，可選haagen dazs, movenpick, dreyers