Manya Japanese Restaurant(滿屋日本料理荃灣分店)

藍店

ok 但食物種類不太多

今天食午間放题、十二点入座可食3个鈡頭、酒水任飲、除刺食外还有很多熟食、每人还有一杯貴价雪糕、今天約22O元、D野幾好野、服務幾好、还有清酒、小弟已幫趁無數次了

滿屋日式放題

同事話好耐冇出去食嘢，見今日出糧，就想去食吓日式放題，於是就揀間係公司附近的「滿屋日本料理」

這餐廳在大鴻輝（荃灣），䌓忙時間都幾多人等lift，但等lift時間唔算耐，好快就上到去，餐廳係10樓全層

因疫情原因，入座前先量體溫，要睇客人手腕有冇隔離手帶，門口放置酒精搓手液，真係做足所有防禦措施，亦因政府推出一啲臨時性要求，所以食客與食客之間，都會相隔一些距離

自助區有少量海鮮，炸物，熟食，沙律就放入凍櫃內，保持溫度，汽水，樽裝飲品有數拾款，仲有清酒可選擇

坐低，先攞中華沙律，泡菜蘿蔔，清一清味蕾

跟著叫個必食刺身拼盤，有三文魚、油甘魚、劍魚腩、甜蝦、大赤蝦、北海道帶子、角螺、北寄貝、鮑片

刺身好新鮮，三文鮮肥美，油甘魚、劍魚腩，肉質結實鮮甜，甜蝦、大赤蝦，彈口

壽司有海膽吞拿魚蓉、鵝肝伴帶子，另有火炙鰻魚、鹽燒左口魚邊、火炙芝士和牛、芝士蟹棒黃金燒

壽司飯細細嚿，米粒幾軟糯
鰻魚、左口魚火炙後，燒出魚的油香，令壽司入口更美味

串燒就非常出色，有雞軟骨，蕃薯仔，蝦，优其較鍾意係燒牛舌，好juicy香口，燒菠蘿好甜

天婦羅脆口，牛肉鍋有好多材料，牛肉嫩滑，蟹膏、海膽手卷，全部都好好好味

最後係甜品，同每人一個嘅雪糕movenpick/haagen-dazs/dreyers ，食完個雪糕，真係為呢餐畫上完美句號

最後，要讚嘅係餐廳員工的服務，工作非常勤快又有禮貌，真係要畀個like 佢哋

家庭聚餐每次都會選擇食放題或自助餐，因為食物款式多元化，一家大細都可以揀到岩胃口嘅食物，今次輪到屋企人帶我去荃灣試下日式放題。

厚厚的一疊點菜紙入面，除左必食的刺身同壽司外，仲有串燒、天婦羅同小炒等等，選擇都幾多。

大堂走廊位置有自助沙律甜品吧，飲品都可以隨意選擇，果汁、茶飲同啤酒等都應有盡有。另外頭盤可自取凍蝦同青口，隔離凍櫃仲有幾款雪條可以做飯後甜品。

刺身方面，全部都好新鮮有質素，當中以希靈魚同埋帶子比較出色，鮮味十足。上菜速度同效率都唔錯，點完餐之後好快就到齊，亦都無漏單。

炸物就有我最鍾意食嘅芝麻炸雞翼，上碟個陣仲保持到熱辣香脆，encore左好幾隻。 吉列炸蠔粉漿唔厚，咬落啖啖蠔肉好滿足。

壽司款式都可以揀，當中仲有唔少有趣嘅fusion壽司款式，例如鵝肝加帶子同埋海膽加吞拿魚蓉，好特別。

呢到嘅熱食選擇都唔少，岩哂好似媽媽呢一類唔太食生野嘅人，佢最鍾意呢到嘅養生花膠，煮得入味之餘入口仲好滑溜。

推薦大家試下雞軟骨串燒，口感香脆得嚟又唔會太油，另外日本迷你蕃薯仔都喺必點嘅串燒，口感軟糯香甜。

除左可以任食凍櫃嘅雪條外，每位都可以點一杯 Haagen Dazs或Movenpick雪糕食，又多一個回本位！

*說話都好內冇食過荃灣滿屋了，今日再食返果然冇令我失望。係依個時世，仲可以保持住水準，侍應服務仲係好好，令我都食得好放心。

*其實放題不外乎食尼食去都係刺身，燒物，壽司，炸物，個d野，但好吾好食又係另一件事尼。明明一樣嘅野，但有人就係可以做得好出色，有人就做到送都吾想食多次，你話依家世界幾咁公平？

*滿屋又搞搞新意思了，叫左3款壽司，但有2款可以完全冇飯，但又幾好食喎，左起：鰻魚玉子(壽司)，帶子牛油果醬(壽司)，帶子鵝肝壽司。全部都吾錯，鰻魚皮夠彈牙like

海膽手卷吾算十分好，但都對得住個價錢嘅

*刺身不過不失

*楊荔甘露

*說話食到中途都見到有人食家埋單走，見到侍應都好快手執晒d野，仲拎左好大支應該消毒噴霧嘅水出尼清潔枱面，當堂覺得自己食得放心又安落呀like

一大班人gathering梗係食放題啦，不過都係得6個人😬。種類多，大家都可以搵到自己啱食嘅嘢🤩🥳。

刺身感覺幾新鮮，最起碼冇腥味😆，劍魚腩幾肥美🤩油脂幾靚，入口就溶。仲有吞拿魚，甘香美味，鮑魚片幾爽口。仲有壽司🍣，一啖一件，細細件，唔怕食兩件就飽咗👍🏻，海苔帆立貝半吞拿魚茸，幾正😋。仲有忌廉芝士鰻魚玉子燒，鹹甜相影，幾好味😌。

燒物都幾香架，雞軟骨無咩油，最正係燒菠蘿🍍，因為菠蘿夠甜👍🏻。仲有炸用就中規中矩，起碼夠熱🥰。

甜品有雪糕揀，一定點都食既🤣。仲有個燕窩鮮奶，滋陰養顏，甜度啱啱好，做飯後甜品一流👍🏻。

食多幾件海膽手卷先！！

朋友去開荃灣行街，咁岩大家都係日本料理的愛好者，今次又一齊二人過來吃放題啦.
星期四要258元一位成人，價錢唔算最平，但款式多味道又不錯，很值得呢!

一入到去一 ，見個飲品＋甜品櫃好吸引，冷熱飲品都有，算多元化，滿足不同人口味，仲有啤酒飲任飲。。

甜品和凍盤在出面都可以找到出，比較高級的應覺！

刺身方面好新鮮，賣相也很不錯~~~
尤其三文魚，很新鮮，又有口感，又滑。鮮甜啲甜蝦!
其他海鮮都十分鮮甜，夠鮮味，刺身好有水準～作為前菜甘打響頭砲
質素感覺比平常的放題店高級了一點點，個人很喜歡希靈魚的爽脆呢！

呢度既海膽手卷任食，放題可以怒食海膽真心好幸福，一時忍唔到手都就叫左勁多添。
海膽係好好食果種，完全沒有怪味十分新鮮，做得好好食。

好多新奇有趣嘅創意壽司，呢幾款壽司確係唔錯，火山大爆發、海膽帆立貝、火灸和牛壽司都好正好得意！值得一讚是壽司很好不會很大件，不會把你塞到飽一飽。加上壽司即叫即包，啲紫菜脆脆的，刺身也新新鮮大件。

炸物正常水準，特別喜歡脆脆地又熱的炸蠔，是即叫即制的，一食再食，停不了。
天婦羅香脆，蝦大大隻，好滿足！

叫咗日式牛油炒蜆，辣得濟田。。。但Ｄ蜆好入味道好香，蜆亦都夠新鮮，汁好濃！

仲有Ｄ中式野，就係「鮑汁燴花膠」、「燕窩燉蛋」、「竹笙瑤柱蟹肉翅」，
真材實料，唔係厄人，可以一試!

最後的甜品在出面都可以找到，任拎的。
有哈根大師雪糕食，期間限定蜜瓜味，特別正，絕對是非常滿足和物有所值的一餐。

呢間放題除左點餐紙上既食物，出面仲放左Ｄ食物係廳中間比你任夾。
能走來走去拿東西吃，半自助形式，而且坐位夠寬，坐得好舒服很舒服！
冷氣充足，店員也很有禮貌，下次會再來～

好耐都無暴飲暴食啦🤣終於忍唔住，要搵間放題滿足一下心靈😌今次朋友帶到我去荃灣食呢間「滿屋」日式放題💕我地星期四去$258/位，價錢方面中規中矩啦❗️不過最緊要係食物質素‼️

放題食嘅嘢都係離不開果幾味😂逐樣同大家講下啦😎

🔸刺身：
種類選擇都算多😲我地就叫咗啲基本嘢，三文魚、吞拿魚、帶子、鮑片、螺頭同、北寄貝同埋大赤蝦🦐，原來數下數下都叫左唔少😂大致上刺身都好新鮮，三文魚夠肥美🤩帶子仲要係大大粒果啲👍🏻我地最後仲Encore咗幾次😌
好味指數：🌕🌕🌕🌕🌕

🔸壽司：
我未見過一間放題會有咁多壽司款式比你揀❗️佢真係第一間😂不過我地一向放題都唔會點食壽司😏塞滿咗個胃我又點食其他嘢呀🤣所以只係叫咗少量試下水溫😎整體都可以，軍艦紫菜脆身👍🏻不過我又愛上佢其中一款😍「秘醬厚燒玉子」‼️原來秘醬係辣明太子🤩我超愛食明太子💕如果你都係明太子迷，必食‼️
好味指數：🌕🌕🌕🌕🌗

🔸炸物：
我地叫左芝麻雞翼、貓山榴槤炸彈、忌廉蟹肉棒同埋特長大蝦春卷🤩除左雞翼之外，其他都係比較少見😎榴榴槤炸彈超重口味🤣雖然我唔食榴槤，但朋友食完，成口都係榴槤味😆飄晒出嚟‼️佢就話好正啦😏而我就覺得忌廉蟹肉棒好正😍食落外脆內軟，入面夠晒Creamy🤤
好味指數：🌕🌕🌕🌕🌗

🔸燒物：
必食鹽燒牛舌同埋黃金燒帆立貝‼️牛舌厚薄適中，夠爽口，一啲都唔韌😎簡簡單單鹽燒係最好食👍🏻另一推薦必食帆立貝🤩個汁有芝士㗎😍味道夠晒濃郁🤤另外仲叫左鹽燒鯖花魚，不過就普普通通😛
好味指數：🌕🌕🌕🌕🌗

🔸甜品：
每人有一杯雪糕😍仲要係有MOVENPICK、Haagen -Dazs同埋Dreyers比你揀👍🏻如果嫌唔夠喉，出面仲有自助甜品區🤩包你第二胃都同樣滿足😎
好味指數：🌕🌕🌕🌕🌕

真係超級滿足，佢仲要係有埋啤酒清酒比你任飲🤩鍾意飲酒嘅朋友一定不能錯過😎淨係飲酒都可以回本🤣


水準１備

有好多唔知咩咬腳，去廁所門口見到蟑螂。野食幾好不算多選擇，但希望滅蟲可以改善。我喜歡全是卡位設計，不會同人你眼望我眼。收碟速度比酒店更高速。

已經有一段頗長的時間沒有與男朋友去食日式放題了，趁著今天是平日時間，來到荃灣滿屋食放題。這間餐廳我們已經探訪了不少次，以前多數都係一班朋友來到，今次就我地兩個撐枱腳。
呢間放題餐廳吸引我地既地方就係除左有汽水啤酒任飲外，仲可以任飲梅酒和清酒，清酒有凍和熱，食住新鮮甜美既刺身，飲住梅酒和清酒，真係絕配。
食物方面，種類選擇都不少，有刺身、壽司鍋物和小食等等。除左呢啲可以填紙落單外，仲有沙律區、熟食區和甜品區可以自行取食。整體來講，這間放題質素唔錯，可再次光臨。

刺身有好多款選擇，有三文魚、日本油金魚、吞拿魚、大赤蝦、北寄貝、松葉蟹棒、北海道帶子刺身、赤背、象拔蚌、酒煮榮螺片等等，每款質素都屬於中上幾新鮮好食😋

壽司種類都有好多選擇，推介京蔥三文魚、柚子油金魚腩壽司同池魚王壽司🍣，壽司飯細細粒size岩岩好。

海膽手卷幾好食，海膽夠鮮甜，舊飯只係細細舊，食多幾舊都唔怕😂

御品鮑汁燴花膠，花膠大件都算厚身，補充下骨膠原。

燒物整體做得不錯，蒲燒鰻魚魚肉厚身，西京比目魚，魚肉夠滑，黃金焗蠔，芝士分量幾多、上菜熱辣辣幾好食。

除咗基本飲品提供之外，仲有梅酒、清酒任飲岩曬d酒鬼啊。

最後仲有Movenpick、Häagen-Dazs 或者Dreyer’s雪糕食添

整體來講屬於中上級放題😋👍🏻

放題一向是港人最愛，這晚就來到荃灣的滿屋日本料理任飲任食2小時。

餐廳面積廣闊，座位排得頗寬敞。

晚市除了特定時段外，還可自選2小時放題，價錢為每位$248至$268。

放題紙上的所有食物都是任點任食，款式包羅萬有，刺身、壽司、串燒、鍋物、天婦羅無一掛漏。

可能是即叫即製的關係，所以等候出菜需時較久，幸好漏單情況亦不算嚴重。

除了即切的新鮮刺身之外，壽司款式應有盡有，而且配搭甚有創意，例如火炙雙重芝士三文魚卷、意大利黑醋雙重芝士鰻魚卷、明太子沙律醬燒三文魚壽司等等…

天婦羅可選虎蝦、溫室南瓜、秋葵、有機茄子及有機蕃薯仔，入口酥酥脆脆。

炸物同樣都是剛剛炸起，熱辣辣又脆卜卜，款式包括貓山皇榴槤炸彈、芝麻雞翼、台灣鹽酥炸雞、炸芝心香芋丸、自家製吉列蠔及芝士年糕。

燒紐西蘭羊鞍燒得略帶微微焦香，羶味不過重。

鐵板安格斯牛仔骨微辣惹味，內裡保留肉汁。

西京比目魚可說是全晚心水推介，肉質豐腴雪白，配上甘甜的西京燒醬汁，更能突出白身魚的爽甜鮮味。

鹽燒鯖花魚僅灑鹽的單純調味，反襯出鯖魚的肉質鮮美，最能表達食材的原始味道。

捧捧海苔雞肉混合雞肉和雞軟骨，因此咬下去可以感受到雞軟骨特有的韌度，讓口感更有嚼勁。

黃金燒帆立貝舖滿澎湃芝士，令帆立貝更芝味無窮。

黑松露汁蘑菇芝士釀雞翼已經去骨，一咬開即爆出流心芝士。

個人尤其喜歡燒有機菠蘿，蒸發了生果中的水分，令酸甜天然果香更加突出。

香辣蜜桃炒蝦球酸酸辣辣，蝦肉渾圓飽滿。

自助區有數款炸物小食，包括炸薯角、葡撻和麥樂雞。

一口一個的葡撻外皮層次分明，中間燉蛋口感軟滑。

甜品凍櫃內有蛋糕、奶凍等，另外還有新鮮生果。

雪糕有Movenpick、Haagen-Dazs、Dreyer’s可選，每人只限一杯。

飲品都是自取，海量款式尤其壯觀。

同男朋友拍拍拖搵間放題慢慢坐，餐廳有自助bar空間感好夠，上菜速度快，職員都有禮貌，食物同飲品選擇超級多，從未見過放題有apple cider同維他奶飲，好開心因為我好中意飲apple cider, 壽司選擇都好多，特別推介火炙三文魚同埋鹽燒左口魚，入味即溶，刺身頭盤好新鮮，甜蝦同大頭蝦好鮮甜，螺肉好好味，熟食推介牛肉烏冬，湯底香濃而且扁烏冬好咬口，甜品仲要係movenpick職員會比雪糕紙每人一杯，士多啤梨酸甜剛好，楊枝金露都值得一試！整體黎講二百幾可以有呢個質素，性價比極高啊！

臨近聖誕都好想大吃一頓🤣🤣🤪
今日就黎左荃灣滿屋食放題🥳🥳
星期四晚都好爆 等左半個鐘度終於有得食🤩
–
食放題魚生當然唔少得啦!
叫左多款魚生 夠曬新鮮😙
放題黎講非常唔錯
個人最鐘意個北海道角螺同埋北寄貝🤩
–
鵝肝伴帶子壽司 &
海苔牛油果醬伴鮑汁元貝🥳
大大粒猜帶子🤤🤤
個鮑汁元貝配埋個牛油果醬好新潮🤣🤣
但又意外地夾😝
–
鹽燒海蝦🦐
蝦係我食任食既必點菜式🤣🤣
依度既蝦燒得入味 彈牙!
番嗌左好多次🤪🤪
–
蟹膏皇帝蟹腳壽司🦀
好推介既壽司!!
超大舊既蟹肉🤤🤤
頌要好鮮甜!!
–
香辣咖喱炒蟹🦀
見到食d平時放題冇既野食梗係叫黎試下🤣🤣
估唔到又幾好食喎🤪
個咖喱就唔會話好辣
但真係夠曬香😙
幾惹味🤪🤪
–
黑松露炒雜菇🍄
淡淡地既黑松露味
炒得d菇都好香😋
菇迷不可以錯過啦🤣

食物不夠多有很多食物都是無的,但餐點上就有,這又無那又無

還可以食下

是日朋友牛一，同佢去左滿屋日本料理，因為朋友都鐘意食日本野，朋友當然好滿意啦，去到滿屋日本料理，見到有棉花糖機，真的好開心，童年回憶又返來~~仲有清酒梅酒任飲~~在出面有數不盡的炸物、卷物、燒物、串燒外，左手位置有自助區比客人自己拎野食，分別有冷盤（蝦、青口、螺)、熱冷飲品、粗薯條、葡撻、麥樂雞、、不同口味雪糕糯米糍，、蛋糕、JELLY泡芙、雪條，仲有生果同埋少少日式小食，真的唔驚你肚,只怕你食不完~~刺身方面都有不同的選擇~三文魚同埋大赤蝦真的好正，另外油甘魚，希靈魚，甜蝦都唔錯，真的保持到水準，另外朋友都點左三文魚腩壽司，魚籽同埋海膽都唔錯，佢的紫菜真的好脆口，芝麻雞翼外皮香脆，泰式炒椰菜又爽口，雞軟骨串真的我最愛，不停地食左好多串，我同朋友都好鐘意佢個芝士年榚，真的好多芝士又好CREAMY~~另外點左不同的熱食都唔錯，食到最後，當然又來我地最愛的雪榚，雪糕糯米糍，真的好滿足，另外雪糕糯米糍都唔錯，朋友對生日飯真的好滿意，仲話下次再去食~~~哈哈

食物魚生新鮮,員工服務態度好好,下次一定再食好滿足

坦白講我以前日日都來, 但自從你哋改咗制之後， 唔準食蛋糕, 唔準食水果, 我就好少來, 但我會十日八日來睇下, 有冇改善, 咁今日都ok, 有竽, 有海蜇, 咁其他凍櫃入面都有啲其他嘢食, 但是螺頭 冇再出, 我建議，可以整一盆清菜, 今日嘅海鮮湯就唔係咁理想, 可以煲返例湯, 以上是我的建議。

可以啦

星期三放工，同女朋友兩個人諗唔到食咩，於是就去左荃灣大鴻輝呢間任食放題，鍾意食咩就叫咩，唔使傷腦筋🤣
滿屋係旺角都食過，呢間星期三7點鐘入座每位$248
大量冷盤可以自行添加
自助形式，部分熟食可以自行拿取
甜品特區，幾多選擇
飲品尊區，更有酒精、清酒及湯品等
食放題或是自助餐最優勝地方就係每樣都可以夾1舊，然後再揀精選🤣
🍤🍤🍤 炸蝦天婦羅
超方便，啖啖肉
🐓 芝麻雞翼 + 榴槤波波
芝麻雞奕幾香口
榴槤波波香濃，脆卜卜，添食左幾次😋
刺身🍽
較為出色的螺肉，爽口彈牙，配豉油一絕
🐔 燒雞軟骨
燒至微脆乾身，軟骨爽口，少少鹽令其更美味
羊架🐑
香草、 孜然粉等調味很好，令羊架更惹味😋
🐠比目魚
魚質嫩配上燒汁，不錯

總體而言，呢間放題的選擇多，而且食物質素都唔錯，上餐速度快，員工有效率，不錯不錯

環境一般
間中有漏單情況

食物質素只屬一般，和其他放題差不多。
荃灣來講沒有太多選擇下可以試下

用QR code 落單但還有漏單有點差。

豐富的日式放题$208