Manya Japanese Restaurant(滿屋日本料理荃灣分店)

一般

放題界之數一數二好食！

上次黎過大鴻輝打邊爐先知全棟都係餐廳～
今日就再黎呢度搵食，見到呢間放題好多人所以又試下🤣
–
食物種類好多，由刺身、壽司、卷物、軍艦、熱食、炸物樣樣都有
真係估唔到有咁多嘢揀，除咗寫紙仔之外，出面仲有D甜品同海鮮自助拎
飲品都係屬於自助形式，擺滿幾個櫃，啤酒清酒梅酒都有～～～

一黎就緊係試下刺身
象拔蚌好爽口，帶子夠哂鮮甜👍🏻👍🏻
同媽媽兩個人食都翻兜咗次

–
壽司既選擇真係好多
每件都整得好精緻，細細件飯大大件魚生
咁就唔洗驚食飯食飽咗～

呢個牛仔粒⋯我忍唔住叫左兩碟🤣🤣
真係好好食，又有少少肥膏，好香牛味！

鱈魚又忍唔住前後夾埋食咗三件
好滑口👍🏻👍🏻

甜品可以dryers/movenpick 2選1
幾飽都好，都要食埋個雪糕🥰🥰

無吞拿魚，無三文魚腩，無煙三文魚。選擇有限。價值相宜，找數約$200位

食物可接受的，但坐位真的好有問題，今日星期日去食中午放題，出𨋢行入店見門口無人，直接行入去無人理我，要大叫唔該先行過黎…寫完紙仔量完體溫，就跟住個四眼肥仔帶位行入去喇，條肥仔可能係打俄羅斯方塊高手，d客人坐到密麻麻搵個窿都冇呀，客人跟本唔多，只有3份1間舖的食客，但佢就將3份1食客安排坐在3份1間舖裡，有3份2的空間係只坐左4、5枱客，我明白佢哋係有分食放題同定食的，無乜人坐係食定食的，定食亦係平好多的，我比貴d價錢食放題，你反而將我塞入難民營，我下次去食定食算喇！仲有張二人枱細到好似坐飛機d枱咁，我食放題呀大哥！張枱放左4碟野食已經無位喇，我就好似要同佢出餐鬥快咁，喺佢未上下一樣野前要清左d野食，中途我試過食慢左唔夠快，張枱已經無位擺，件侍應就企喺我身後不停boy21(我的枱號)，我要執埋枱比佢放低d食物呀！係唔係痴L線架！今次我係第3次黎食，頭兩次係閒日，我都好滿意，今次星期日，佢哋可能預會有好多客所以將d食客好似砌積木咁砌，但到我走時一直都只係keep住3份1客，吉左3份2坐位去將d客塞埋一堆，疫情真係多得你唔少呀！

滿屋有三間分店，今次和朋友來到荃灣分店吃放題，放縱大吃一番，這店座位舒適，放題食物種類非常豐富，有刺身、壽司、卷物、串燒、一品料理、燒物、煮物、炸物等等，應有盡有，手機掃QR code下單點菜很方便，上菜速度都很快，食物優質且美味，價錢是$248/2小時，CP值算高

刺身
三文魚、吞拿魚、北寄貝、仿鮑片、希靈魚、大赤蝦、甜蝦、泰式生蝦、北海道帶子刺身、赤貝、酒煮榮螺片、深海八爪魚、刺生都很新鮮而且切得不會太薄，蝦都很飽滿大隻，味道鮮甜

壽司、卷物、手卷
壽司選擇亦不少，我們點了：芝士軟殻蟹卷、香蔥一口牛肉卷、雙重芝士鰻魚卷、京蔥三文魚腩壽司、象拔蚌壽司、鹽燒左口魚邊、火炙厚燒芝士鰻魚壽司、火炙醬燒廣島蠔壽司、芝士熟蝦壽司、鵝肝拌帶子壽司、雪燕魚籽花之戀、花之戀、海膽手卷、蟹膏蟹肉手卷，壽司都做得精美，賣相不錯，食材新鮮，不會太大件，一口品嘗一件很滿足

串燒
鹽燒海蝦肉質彈牙又鮮味，必點

一品料理
牛油炒粟米很大碟，足夠2人份，好吃
避風塘炒墨魚仔，爽彈惹味，推介
和風汁牛柳粒，份量不少，牛味濃郁
泰式辣椒膏炒藍青口，辣辣的青口味道好吃

燒物
燒羊鞍，燒得很香口，肉厚又嫩
黃金燒扇貝，扇貝連沙律醬燒得金黃色的，充滿醬汁很滋味
西京比目魚，味道較淡，點蛋黃醬比較美味
蒲燒鰻魚，嫩滑沒有骨

煮物
喇沙海鮮鍋，有蝦、蜆、青口、菜、粉絲，湯汁香辣很有風味
雪花牛肉鍋，壽喜燒湯汁加上牛肉和蛋，清香湯甜

廚師推介
清酒煮蜆，用熱鍋上，清甜可口
御品鮑汁燴花膠，花膠大塊吸收了鮑汁很鮮香
竹笙瑤柱蟹肉翅，很足料豐富，濃郁又美味

天婦羅
虎蝦天婦羅、溫室南瓜天婦羅、苦瓜天婦羅，炸粉不會太厚，上桌還是熱烘烘的，很香脆

最後還有每人一杯Haagen Dazs雪糕，還有甜品櫃有十幾款甜品，雪糕櫃有4款雪米糍可選，吃得超飽，大滿足~

食物種類頗多選擇，刺身新鲜，三文鱼腩肥美，羊架及其他燒物很入味，味道不错，幇襯過很多日式料理放題，滿屋是比較對辨的，職員都很有禮貌，值得一食再食的好食店，我不是打手，纯属親身体验分享。

還好

食物0K食物上檯好快， 座位窄啲

刺身厚切，新鮮，有水準!

飲品選擇少，有好多不知是漏單(已重複再 order )或是根本沒有供應，食物選擇也不多

// 日本吃到飽🇯🇵🥢 //
。
告訴我，當你能吃到無限量新鮮的壽司和生魚片時，誰不興奮！？🍣🥢在日本吃到飽，就像沉浸在美食天堂裡，充滿了美味和滿足的日本美食！ 🙌 🏻
。
儘管它很可能會讓我體重增加，但沒有什麼能阻止我享用所有這些美味佳餚哈哈！🍙
從種類繁多的壽司和生魚片到無數的熱菜和天婦羅選擇，他們幾乎擁有您想要的一切，滿足您的美食渴望！💯
。
我個人最喜歡的當然是美味又新鮮的壽司🥢，包括招牌三文魚玫瑰壽司配上飛魚子，烤和牛壽司配上美味的融化奶酪，還有美味的鵝肝和扇貝壽司！🍣
除此之外，他們還有幾道絕妙的熱菜，你一定要毫不猶豫地點，那就是蘑菇芝士黑松露炸多汁雞翅，香脆多汁的炸生蠔，還有還有芝士炸芋圓！🦪🧀
。
// 10% 服務費💞 //

差，明明book 左枱話full 哂唔俾入

不過不失既放題，用手機落單，無漏單，耐唔耐食下都幾好

服務員在處理訂單方面比較差，經常有漏單情況

食了多次 食物質素尚可 但種類比之前小 收碗碟快 服務態度一般

出品很差,食物不夠熱,不是太淡就是太鹹

難食

所點食物只有七成可到，其他不知去向，明顯職員人手嚴重不足。

食品質素太差，熟食冇一樣ok，啲牛柳粒好似擦子膠咁，天婦羅炸得太油刺身質素亦都一般我食C餐埋單中午四百幾蚊完全唔值垃圾一樣

。

餐廳佔地很大，九成都是大卡位，環境佳，坐得舒適。最欣賞係落單後食物超快送到，亦沒有漏單情況，抵讚！

剌身壽司款式極多，拖羅、三文魚、池魚、赤貝、象拔蚌、帶子、赤蝦都好新鮮。最開心係海膽都有，而且份量超多，味道鮮甜。還有我最愛的鵝肝，油香超豐滿，好味！

熱食也有驚喜，燒羊鞍肉嫩味濃，吉列炸蠔香脆爆汁還有少見的西京比目魚，燒得恰到好處，肉質嫩滑。蒲燒鰻魚也非常美味，要一吃再吃。牛油炒粟米和燒新鮮菠蘿都好香甜，解滯一流！

時間比較急！上菜速度快！

生魚片很好吃。熱食不好吃而且選擇有限。

上次同魚魚傾得盡興，話咁快我地又約咗出嚟食飯，不過大家都諗唔到食咩，最後揀咗食放題，貪佢咩野食都有啲唔洗煩🤭

🍴我哋揀咗晚市入座（A餐每人$278可食2小時）
刺身：三文魚、北寄貝、螺片、北海道帶子刺身等…而我最愛既生蝦刺身好大隻又鮮甜😍整體款式都好多，而且都好新鮮❣️

🍣壽司或手卷：迷你size一啖一口可以食多幾款添！特別推薦火炙芝士鰻魚、火炙廣島蠔、蟹膏蟹肉手卷！

🍢串燒/一品料理：鹽燒海蝦燒得好香，肉質彈牙😋避風塘炒魷魚鬚和鴨舌辣辣地好惹味，豉椒炒蜆啲蜆肉都大粒㗎，同埋放題來講都比較少有👍🏻我仲叫咗海鮮粥，估唔到都入面有2隻海蝦，味道都幾鮮甜！仲有芝士焗扇貝、燒鯖魚，燒菠蘿等….都值得食。

🍤炸物
炸鮮奶好正，外脆內軟😋天婦羅有南瓜、炸蝦、粟米….欣賞炸醬唔會好厚，食落係熱辣辣既！

🍹飲品
除咗汽水/啤酒/茶之外，仲有熱清酒🍶

甜品🍮
蛋糕，雪糕糯米糍，仲有movenpick雪糕✨

🌟出邊仲有自助區，凍盤青口，蜆；熱食有炒菜，炆牛腩，湯，炸雞及薯條🔥仲有爆谷呀，食落仲係脆卜卜！