瀛燒居酒屋(Ying Shao Izakaya Restaurant)
營業時間
| 星期二 | 12:00–02:00 |
| 星期三 | 12:00–02:00 |
| 星期四 | 12:00–02:00 |
| 星期五 | 12:00–02:00 |
| 星期六 | 12:00–02:00 |
| 星期日 | 12:00–02:00 |
| 星期一 | 12:00–02:00 |
服務選項
外帶
內用
無障礙程度
不支持無障礙座位
不支持無障礙停車場
產品/服務
小菜
吧台餐點
烈酒
酒精飲料
啤酒
餐點
用餐選擇
晚餐
餐飲服務
甜點
設施
洗手間
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
發現左一間有河豚食嘅餐廳，我地order左個set，有刺身，火鍋同河豚酒。刺身口感特別，好爽口。原來呢種刺身唔係面washibi食😮 另外火鍋配料有河豚頭，河豚皮….仲有種唔記得左係咩😅用盡成條魚🙈河豚酒飲落有啲腥腥地，不過幾得意嘅。
另外點左幾串串燒，啲肉燒到有啲硬…其他味道都ok。
仲叫左個蟹膏玉子燒，味道比其他舖頭無咁甜，都還可以。
餐廳有兩層，上層有得掟鏢同有其他康樂用品😂雖然有別於一般居酒屋格局，不過都幾特別吖。
以香港消費不算貴，餐點好吃最重要的是199三得立啤酒喝到飽
店內周邊佈置裝飾都是圍繞著日本居酒屋店風格，佈置很是用心✨，日本酒Bottle/日本布飾/日背景音樂/日本吊紙燈裝飾🆒，
做出彷如置身日本居酒屋內進食的感覺👍,很有自己的特色,完全有別於’港式’日本料理店,水準之上,
不用特地坐飛機去日本，留港一樣可以享受到的極度日風氣氛氛圍的感覺~
.
^笛鯛魚飛機魚刺身
店每日從日本新鮮直送，刺身超新鮮鮮甜的滋味
笛鯛刺身彈潤的口感和鮮美的味道令人難忘😊，魚味濃郁，也帶甘香🆒
笛鯛刺身晶瑩通透,質量做得不錯呢~
.
^串燒
雞軟骨,雞比菇,冬菇,牛肋筋,白鱔,日本蕃薯,青椒仔,黑豚肉腩串,一口牛,
白鱔皮脆肉嫩，味道香甜，仲要經廚師好細心咁挑走大部分細骨，餘下的骨較少，食落啖啖肉
一口牛嚼勁十足兼牛味濃,日本蕃薯甜甜甘味, 綿密口感, 燒過既表面帶熱熱香氣微脆質感
廚師對串燒火喉的控制不錯,串燒惹味,價錢平抵,必點之物~!
.
^壽喜燒
肥牛肉質嫩滑,雜菜,菇菌,生雞蛋吸盡壽喜燒湯底風味
.
^松葉蟹玉子燒
蛋香而幼陣陣香氣，內裡蟹味濃郁鮮甜，肉質有彈性
.
^燒三文魚鰭
入口富有濃郁魚油香味， 雖然沒魚腩啖啖肉的口感,但就是三文魚鰭係最香口, 最嫩滑既部份，😀
.
^魷魚筒
魷魚筒鮮香爽口，味道非常好味濃郁，燒汁惹味
.
^白桃梳打+青蘋果梳打
白桃啊,青蘋果啊與梳打的配搭十分和諧易入口,先是巨峰提子的味道,之後梳打氣感漸出~
三杯都幾大杯下~🆒👍
.
這家店內有設60多個座位可以坐，座位亦寬敞舒適，如果和朋友行到累來吃日本菜和聊天也不錯喔😎
看到其他款式其實都吸引，找天要再來試呢~~~
串燒好味，壽司一般。招呼非常好，值得再嚟。
好吃的東西要耐心等待~
朋友在荃灣工作,話有間隱世荃灣高質日本菜,👍
無論店擺設、牆身壁畫、日式清酒瓶，充滿日式氛圍,三五好友或是同事下班後，黎個日本菜就VeryGood~🐵
,鬧市中的小小寧靜處,總體環境不錯,地方坐落舒服,聊天談心是不錯的地方~😉
.
*笛鯛魚刺身 $398
刺身的擺盤好靚,笛鯛魚自帶小片小片的天然粉紅色像櫻花盛放的顏色✨,而幾厚切的排盤井然有序有層次,
吃一片新鮮的笛鯛刺身，魚肉乾爽，質感緊致，味道初調清新，但後調的魚甘美鮮香，會慢慢在口腔散發出來，肉質爽甜煙韌細緻，滿嘴留香。
而鯛的日語為 Tai，和慶祝(Omedetai)的尾音發音一樣，故鯛在日本人心目中代表了’歡樂’☺，特別大時大節也會食鯛魚
餘下魚骨身可加錢煮魚湯飲,魚味很是濃郁
.
*選了一系列’串燒’,性價比幾高
雞軟骨,雞比菇,冬菇,牛肋筋,白鱔,日本蕃薯,青椒仔,黑豚腩串,一口牛,
脂味香濃的一口牛及黑豚腩及牛肋筋，配上青椒仔菇類邊緣燒焦釋放的甜味，香潤迷人
白鱔燒得外皮香脆，鱔肉彈牙，味道也適中,回味無窮這個
雞軟骨脆卜卜，雞肉滋潤有油脂甘香 。
日本蕃薯細細粒十分可愛,食落味道帶點香甜的焦糖味及甜薯味
*燒三文魚鰭
輕輕燒過的香脆三文魚外皮，三文魚鰭的油脂頗豐富肥美，咀嚼時燻香及魚味在口中散發出來，餘味久久不散😀
.
*壽喜燒
要知道日本正宗既壽喜燒係喜慶節日🎉先會食🙊,咁就岩哂~朋友差不多生日,
牛油脂豐富、肉質柔軟細膩的口感，含在嘴裡和牛油脂和肉香產生了極佳風味~😎
湯底是甜甜的壽喜燒,肥牛肉,雜菜,菇菌,生雞蛋,份量非常充足
.
*松葉蟹玉子燒
蛋幼滑細緻香甜滋味，口感柔軟，每條都充滿濃郁的蟹肉味，具層次感😍😍
.
*魷魚筒
完條魷魚筒切片量大份,魷魚筒燒上濃濃的照燒汁，就是美味的一品料理
.
*青蘋果特飲 及 白桃特飲
淡淡青蘋果味，白桃感覺清爽，加入梳打有汽感倍增🆒
*蜂蜜綠茶
蜂蜜綠茶味道比較清香怡人,非常潤喉👍
$488 刺身拼盤得咁細碟
叫左食物等成粒鐘都未上，等到訓著
永遠不會再幫襯
不過不失, 九佰幾埋單, 燒牛脷都可以
Japanese Cuisine❤️ Lets enjoy here🥢
.
.
荃灣呢間隱世居酒屋小店🏮，真係充滿日式居酒屋風味，環境佈置一流，身在其中 有種到日本街頭吃個晚飯既感覺，而且共設上下兩層。
.
一系列美食：串燒🍢、炸物🍤、鍋物🍲、壽司🍣、刺身🍱、清酒🍶，應有盡有。最岩同朋友黎到喝杯野 食下日本野。
.
l[極上．御前壽司盛合]l $268
一客10件刺身壽司🍣+卷物。望落好豐富，一般大路既三文魚、吞拿魚、左口魚、帆立貝、海鰻、牡丹蝦都有，一盤滿足你Sashimi慾望。
.
l[串燒白鱔]l $49
燒物代表係燒鱔🐟，白燒出黎夠厚身，不過略嫌沒有醬汁那份甜甜既感覺。配上檸檬汁🍋 好fresh 既配搭。
.
l[浦燒鰻魚鐵板飯]l $98
鐵板既精髓，就係可以俾你自己炒黎食，玩得又食得。鋪滿粟米粒粒既香甜，連同鰻魚既肥美，每口飯都充滿香甜。
.
l[黑豚肉豆腐鍋]l $138
鍋物係朋友指定要既，豆腐鍋已經夠豐富，仲有一大客黑豚肉🐽，份量真係好多啊啊啊。
.
l[芝士年糕]l $48
雖然食落會好漏，但愛吃年糕🍘 既你 一定不能錯過啊。就算放耐左，年糕都保持住煙韌既質感，芝士真係好香濃，必吃。
.
l[蟹糕玉子燒]l $98
厚厚玉子燒，賣相美美的💛。蟹膏香濃，帶出玉子既味道，亦夠滑嫩。
.
.
唔飲得酒🍶，飲罐汽水🥤 (芬達、可樂）都同樣爽。仲未返得鄉下，黎呢度感受下日本風情🇯🇵，相信好快就可以返到家鄉架啦🥺。香港人 再忍一忍吧。
.
.
×××[瀛燒居酒屋]×××
©荃灣享和街5-7號香城大厦地下1號舖
.
.
荃灣感覺上較少日本餐廳，雖然這間小店並不如尖沙咀及銅鑼灣等地的日本餐廳高級，但依然充滿氣氛同時亦更加舒適自在。
一般居酒屋餐牌都以串燒酒肴為主，但這裡的食物選擇卻是包羅萬有，壽司、刺身、鐵板飯等都一應俱全，而且價錢都相對親民，難怪平日晚上都座無虛席。
雞皮餃子 ($58) 內餡以菜肉為主，以雞皮取代一般麵粉餃皮脆得香脆之餘更富油香。
吉列鹿兒島黑豚扒 ($88) 同樣即點即炸，外層酥脆但肉質稍乾。
阿波尾雞心 ($22) 口感軟彈而邊位燒至略帶焦脆。
蟹肉蟹膏米紙卷 ($68) 當中包住大量青瓜絲、蟹肉、蟹膏及蟹籽，爽脆之餘充滿蟹膏鹹香。
蟹膏玉子燒 ($98) 鬆軟綿密，淡淡蛋香配以濃厚蟹膏鹹香相得益彰。
牛肉鐵板飯 ($78) 加入黑椒汁炒製香口惹味，更能造出大量飯焦相當滿足，比起著名連鎖品牌有過之而無不及。
蒲燒鰻魚鐵板飯 ($98) 用上整整半條鰻魚，肥美肉厚。
上·御前壽司盛合 ($168) 六件壽司分別為三文魚腩、金目鯛、甜蝦、北寄貝、赤貝及吞拿魚，另外更配上蟹柳及醃蘿蔔細卷，壽司飯軟硬適中但刺身方面未算相當鮮美，當中個人比較喜歡經過炙燒逼出油香的金目鯛。
白桃特飲 ($29) 青檸特飲 ($29) 以梳打加入糖漿而成，沒有特別之處但對滴酒不沾的我倆卻是個代酒的好選擇。
好吃
出品有誠意
食材新鮮
Blue的星期一原本諗住去食石燒牛肉，奈何門外已打了長長的蛇餅，我們只好轉移陣地到了對街的瀛燒居酒屋。
隱身在一眾車房中的它，設計和地道日本居酒屋無異，店子不大，牆上貼滿了日本酒的招紙，還有店內掛滿了日本風情的燈籠，很徹底的日本味道。
坐低先來一客鮭魚刺身，厚薄適中，入口肥美，著實解了我們的刺身癮。這裡的燒物很有驚喜！燒白鱔肥美彈牙，鱔皮焦香，牛舌心肉質濕潤得黎爽彈有致，黑豚腩串層次分明，薄薄的脂肪夾在腩肉中，入口感受到豬油香。見到隔離枱一連點了一打串燒，開了枝日本啤酒，食得好滋味！
因為我地仲點了其他野食，所以串燒點得保守，現在回想很可惜！我們沒有點酒，反而點了兩杯青蘋果特飲，頗消暑。
蒲燒鰻魚鐵板飯熱辣辣上枱，一大條鰻魚就在飯上面，鐵板滋滋作響。侍應叮囑我地要趁熱撈勻啲飯，飯粒粒分明，加上鰻魚本身有燒汁，所以撈勻就食得，味道十分不錯，而且價錢好實惠，個人認為必點。
松葉蟹肉玉子燒上枱冒煙，蛋味濃，入面估唔到咁多蟹肉，十分足料，好食~
芝士年糕是朋友的最愛，皮微脆。入面是半溶的芝士，煙煙韌韌。
店子雖小，但食物和服務都很親又貼心，而且味道都很有保證。也因為這樣，所以縱便隱身于車房一旁，但幫襯的人仍不少。
荃灣出色的居酒屋。活魚刺身質素不錯且價錢合理，值得再來惠顧。
食物麻麻地
一個聚餐的好地方
環境幾好，有部街機係樓上比客人玩(食物中等)反而鐘意佢個清酒放題
😋😋 六點去到依然可以walk in入座,環境幾靚,迫迫地都坐得舒服嘅,食物價錢荃灣區嚟講相對貴少少,侍應對食物方面嘅認知要提升少少,滿$600先可以用到信用卡…. …
80 和 90 年代的好音樂日本歌曲
建議提早到達，因為難以訂位；推介一班人聚會，有鍋物、炸物，但刺身一般
美味的食物和良好的服務。
荃灣隱世居酒屋，食物高質素，分上下兩層，坐位舒適，職員態度親切友善。
The service there is very attentive. This very impressive for a Japanese restaurant.
✿ 來敞日本小旅行 ✿
帶你一秒由修車廠飛到日本
餐廳位於荃灣享和街
隱身係眾多車房中 · 門口掛住日式燈籠
就好似漆黑中的一盞小明燈
·
以日本居酒屋為主題既
瀛燒居酒屋
餐廳無論裝修擺設
都令你有置身於日本居酒屋既感覺
·
♡ 日本直送原條季節魚-刺身金線鯛（$348)
每日新鮮空運既飛機魚
選左金線鯛 ·魚身表面發光閃閃
魚肉厚切 · 望落仍然通透
單食味道會偏淡 · 一定要加少少酸汁食
完美咁帶出左魚既鮮甜味
♡ 生蠔（$38)
日本生蠔飽滿 · 蠔味非常濃郁
建議食法 · 要叫兩隻一隻唔夠喉
♡ 壽喜燒牛肉鍋 ($158)
凍凍地想食鍋物 · 自然諗起既壽喜燒
明明好簡單既食材 · 加左壽喜燒汁即刻升lvl
連娃娃菜都特別好食
牛肉絕非平價肥牛 · 肉味濃食落軟腍
最正係吸哂汁既粉絲·再配啖湯一齊食
暖胃又滿足🥰
♡ 牛舌芯（$58)
厚切既牛舌芯 · 口感爽嫩
♡ 阿波尾雞頸肉 ($32)
繼續驚嘆雞頸肉 · 點樣可以串到一串出黎
雞頸肉燒到微焦帶油脂香
♡ 串炸
ꔅ一口和牛 ($24)
ꔅ鮮凡立貝 ($29)
ꕤ蝦肉釀松葉蟹鉗（$58)
好驚訝有串炸食 · 仲要價錢唔貴
而且每樣都炸得岩岩好 · 唔會過熟
無一般炸物既油膩感
配埋醬汁 · 非常惹味
♡ 自家手作梅酒一杯 ($58)
店家自釀既梅酒
酸酸甜甜 · 非常清爽
༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ
小小總結：
強烈建議食炸串 ·非常有驚喜
下次要叫勁多串開心食 · 自製串炸放題
配埋餐廳既$199無限時啤酒放題
諗起都不自覺偷笑
跟朋友们喝喝酒是一个好地方
餐點：3
服務：3
氣氛：3
荃灣區高質居酒屋
服務
內用
餐點類型
晚餐
平淡中帶驚喜
上菜慢 有些好吃 但太貴 兩個人吃8-900
荃灣一向都係美食天堂，今日同朋友行完街，就周圍搵吓嘢食，荃灣就最多特色本土小店，經過門口裝修，好有日系風格，就一於入去試吓
原來餐廳有兩層樓高，上一層仲可以免費任掟飛鏢，大家有興趣都可以過試玩吓
✨三點盛盒$128
刺身分別有帶子，赤蝦，油甘魚，每款各兩件，非常大粒，厚肉，爽口鮮甜，頂級刺身level，赤蝦夠新鮮鮮甜，肉質夠結實，油甘魚非常肥美，油脂豐富
✨原條伊佐木刺身$348
第一次食原條魚刺身，來自長崎縣嘅白身魚，油脂含量適中，入口味道帶有香滑魚鮮味，口感軟腍，魚本身有獨有嘅鮮甜味道，店家建議配埋柚子醋，蘿蔔蓉，薑蓉一齊食，可以突出魚的味道
✨牛腸鍋$158
湯底味道唔會太鹹，麵豉湯好香，牛腸清洗得好乾淨，裏面嘅脂肪都唔多，鍾意食內臟嘅朋友一定覺得好正，其他配菜仲有韭菜，粉絲，
娃娃菜，真係超正，吸收晒湯底嘅香味，天氣凍凍地，食返個小邊爐都唔錯👍
炸串
✨日本宮崎腸$22
✨鵪鶉蛋$18
✨沙錐魚$36
每一次去大阪旅行，都會食呢一種炸串，好適合做下酒菜，沙錐魚肉保留嘅鮮味，好嫩滑，腸仔好有肉汁，好Juicy，原來炸鵪鶉蛋都有別有一番風味，配埋店家自家製嘅燒汁，簡直一流
✨白桃燒酎$48
好適合女士飲，生果味比較濃，飲多幾杯都唔易醉
✨白桃特飲$28
酸酸甜甜好開胃，解膩一流
瀛燒居酒屋
地址: 荃灣享和街5-7號香城大厦地下1號舖
電話: 57927072
瀛燒居酒屋🏮洋溢東瀛風情，店面掛滿紙燈籠耀眼，吸引途人目光。
💖上刺身盛合
每件都肥美厚切，油甘魚色澤粉嫰，鮮甜美味。🥰三文魚豐潤，赤身質感挺身清脆，齒頰留香。牡丹蝦晶瑩剔透，入口柔嫩。帶子有蟹籽提鮮，大飽口福。
🍢串燒：
阿波尾雞翼/白鱔/牛舌
阿波尾雞皮脆肉嫩，肉質結實。白鱔甘香焦脆，充滿彈性，啖啖惹味鱔香。牛舌帶陣陣炭燒香氣，肉汁散發口腔，令人回味。
🔥浦燒鰻魚鐵板飯
燒鰻魚綿滑香甜，把米飯和飯焦拌合黑椒汁，十分滋味。
🎉燒油甘魚鮫
燒至酥脆可口，魚肉綿厚嫩滑，豐沛魚油充滿口腔，惹味吸引。
🍤串炸：
串炸甘香可口，蓮藕被香脆粉漿包著，內裏爽脆，秋葵細滑多汁，白板魚蛋綿彈，脆卜卜口感回味。
服務
內用
餐點類型
晚餐
今日約左朋友睇戲 因為朋友鐘意食居酒所以事前搵左呢間居酒屋
Order左以下食物：
*三點盛合(帆立貝，油甘魚，赤蝦）
*幾種串燒：阿波尾雞翼，自家手作雞肉棒，炸日本宮崎腸，炸一口和牛同炸雞脾肉
*牛肉鐵板飯
*燒蓮花鯛魚
*松葉蟹肉玉子
串燒：有揀左串炸同燒串，日本雞肉嫩滑，雞全翼同雞脾肉無得彈，一口和牛炸左更juicy嫩口, 好味。最有驚喜係手作雞肉棒，大大串啖啖肉，有跟生雞蛋去點嚟食，食落更加滑溜溜，而且雞肉棒味道豐富，值得推介！
牛肉鐵板飯：同連鎖店同一方式，但肉質更有牛味，亦都較嫩，脆脆飯焦加埋甜甜粟米有咬口，落少少燒汁已經好好味！
店員介紹燒蓮花鯛魚，都幾大條，魚燒嘅時間岩岩好，魚肉絕對唔乾，簡單鹽燒更食到魚鮮味。
三點盛合（帆立貝，赤蝦同油甘魚），新鮮鮮甜，赤蝦大隻又彈牙，帆立貝夠厚又有鮮味！
松葉蟹肉玉子燒，又係更一個推介，玉子燒份量好多，功夫之作，除左玉子燒本身嘅甜，再加松葉蟹肉，多左一重香味提升味道，玉子燒夠濕潤，好味道！
呢到環境滿有日本氣息，店員又親切好服務，推介！
服務
內用
餐點類型
晚餐
餐點：5
服務：5
氣氛：5
終於開關，啱啱去完日本旅行，都仲係好掛住日本嘢食🤧
行開荃灣就被呢間充滿日本情懷嘅小店吸引入左去試一試😋
裝修勁有心思！氛圍好勁好似真係置身於日本橫街小巷地道嘅居酒屋🏮咁🤩
蒲燒鰻魚鐵板飯🍳
自己即炒即食鐵板飯～勁有feel幾好玩！粒粒飯香極入味，鰻魚都好嫩滑彈口又juicy。
日式炸雞🍗
炸雞夠熱 外蘇內嫩
唔會太厚粉
一咬已經係啖啖肉超爆肉汁
海膽甲羅燒🦀️🔥
蟹蓋飯味道濃厚
但唔會偏鹹
蟹膏撈飯仔細品味好難忘
上刺身盛合🦐🐟
生蠔微甜 好fresh！
🦪配店家嘅特製酸汁jelly好特別🤩
油甘魚、吞拿魚、赤身厚切大大件
牡丹🦐超大且鮮甜
油脂比例完美 入口即溶
食完後還留有甘香係👅尖
自家製梅酒🍶
梅酒越飲越上口酒味愈加濃郁胃口大開，配埋冰甜度適中，食下魚生再飲下酒好滿足，
阿波尾雞翼
皮脆肉滑好惹味！配梅酒一流！🤭
串炸方面都叫左日本白板魚蛋、黑豚腩、沙錐魚好彈牙。黑豚腩配搭適量油脂口感幾特別帶到意外驚喜俾我地🥰
📍瀛燒居酒屋
荃灣享和街5-7號香城大厦地下1號舖
服務
內用
餐點類型
晚餐
隱藏在荃湾可能是最有特色的一家日式居酒局，清酒/三得利啤酒放題，性價比很高，不能錯過。食品方面，清酒煮蜆不能不吃，現煮方式令人驚喜，味道一流，强烈推荐。服務方面，充滿活力的一班年青人，很有熱誠。整體滿意。
氣氛好適合朋友聚會
啲嘢食幾用心
自家製梅酒👍🏻👍🏻
服務
內用
餐點類型
晚餐
平均每人消費金額
HK$450-500
建議的餐點
雞泡魚干 炸年糕 魚籽玉子燒
工作人員非常粗魯，對外國人不友善。
不是一個寒冷的日本居酒屋地方
食物味道還不錯
但在這個區域有更好的選擇，價格範圍相同
服務
內用
餐點類型
晚餐
平均每人消費金額
HK$250-300
餐點：3
服務：1
氣氛：2
勁有feel既居酒屋😃淨係門口已經好有特色，一眼已經睇得出係食日本野🇯🇵！估唔到入到去啲裝修仲有心機，成個牆都係啲海報，天花亦掛上左好多日本燈籠，好靚！
野食方便選擇都多，不過最值得一提係呢到有自家製梅酒，超值得一試！😆
食物全部都好高質，先係個金線鯛刺身，好少地方有得食，勁新鮮，肉質爽口完全無雪味，完條上咁濟，份量勁多，除左wasabi仲有特製酸汁點黎食，超好味！😍
其次好Impressive既係串炸黑豚腩，呢到啲炸物全部都唔會好厚炸粉，個黑豚腩勁多肉汁，咬落好軟身，肉味勁濃郁😋
海鮮米紙卷亦好有特色，平時食米紙卷都係越南泰國餐廳多，入面包青瓜蘿蔔絲，但呢到包既係吞拿魚同蟹籽，好鮮甜好特別😃
最後我地無叫到梅酒，反而試左佢既high ball，好多味道選擇，唔錯😁中意飲酒既朋友仲可以揀清酒方題或者Highball套餐，包保飲到夠😆
服務
內用
餐點類型
晚餐
餐點：5
服務：5
氣氛：5
有很多選擇，食物和飲料都很美味。
餐廳的氣氛也不錯，感覺就是經典的日式酒吧！
服務
內用
餐點類型
晚餐
平均每人消費金額
HK$400-450
呢間居酒屋裝修好日系，入面原來仲有兩層, 好有空間感! 而且佢牆身貼左好多日式海報，真係好似日本居酒屋!同朋友叫咗啤酒，食吓串燒同其他唔識唔同嘅日式嘢食，都幾唔錯❤️
▶️三點盛合
入面有油甘魚2片、赤身2片同帆立貝，新鮮肥美😳
▶️沖繩咸牛肉玉子燒
份量超大碟，而且厚切，性價比非常高！
▶️酸菜海蜇檸檬漬
整體酸酸地，作為前菜非常開胃！海蜇都夠晒爽口☺️
▶️串燒
我哋叫咗一堆串燒嚟送啤酒，有日本白板魚蛋、松葉蟹腳、沙錐魚、廣島蠔同海蝦😍全部都炸得非常香脆
▶️牛肉壽喜燒
蔬菜多到裝滿晒成個鍋，牛肉亦都有一大碟！😍壽喜燒湯底味道夠晒濃郁，正！
🦪日本直送原條季節刺身
今次係生蠔兩隻，非常肥美，食落juicy 得黎仲好新鮮！
呢到既裝修好靚，好有日本既感覺，店內位置都幾多，仲有上層。我地叫左雜錦海鮮米紙卷，幾特別，入面有D魚生粒，第一次試用米紙卷既形式食，個醬汁係酸酸地，幾好食，好開胃。飛魚籽玉子燒好足料，每件蛋都好大厚，蛋入面都嫩滑。燒飯團幾飽肚，表面燒得香脆， 中間仲有D調味。最特別係叫左原條魚剌身，而家時令既係魴鮄魚，呢款都係第一次食，肉質結實，味道清甜，一D都唔腥，可以點wasabi/ 薑蓉/酸汁食。炸串就叫左一口和牛，鵪鶉蛋同埋沙錐魚，仲可以配埋個炸串醬，酸酸甜甜。炸粉唔會太厚，沙錐魚肉好滑身! 野飲叫左
生啤同白桃特飲，仲有好多款酒簡，呢到好岩同朋友飲下酒食下野!
餐點：5
服務：4
氣氛：5
位於荃灣廣場後面 地點方便嘅瀛燒居酒屋
刺身
三點盛合 包括赤身 三文魚 同油甘魚
水母刺身
刺身整體新鮮 水母刺身加咗唔少檸檬汁作調味
罐罐燒（燒蠔）
燒蠔一上菜熱食味道更佳
入口蠔味豐富 口感軟熟
清酒煮大蜆
店員首先燒熱清酒 再倒入滿滿嘅蜆落去煮 打卡一流
（串炸)秋葵 日本白板魚蛋 沙錐魚
串炸嘅脆皮厚度啱啱好 味道唔會過漏 沙錐魚肉亦唔會過老 口感軟熟
雞皮餃子
香口嘅雞皮配上軟糯嘅餃子內餡 再點埋串炸嘅醬汁 味道口感層次更豐富
特色燒飯團
表層係香脆、表面燒過嘅米飯粒 再配上飯素 味道不錯 加啲串炸醬汁味道更出
明太子玉子燒
玉子燒唔會燒得過老 口感軟熟 加埋蔥同蘿蔔蓉作調味味道豐富
青蘋果燒酎 $48
蜂蜜綠茶 $29
串燒做得到位,特別是大鱔,厚厚的肉,彈牙,味濃香味十足,另外他們做的玉子燒,很滑,一層一層薄蛋皮包卷起來,有咬口,又入味,值得推介
号值得一提係他們的坐位空的闊,不似其他居酒屋,太狹窄,很迫,不舒服,用餐感覺大打折扣,這裡就無此問題👍
餐點：4
服務：4
氣氛：3
港式食物口味
餐點：2
服務：3
氣氛：3
🎌隱世高質居酒屋🎌
真係唔係朋友介紹，都唔會知道呢度有間居酒屋，內外裝修都好有feel，估唔到佢啲食物同埋飲品，都令我好驚喜！絕對唔係虛有其表！
🐠魴鮄魚刺身🐠
日本直送既原條刺身魴鮄魚，口感清爽柔軟，帶有淡淡的甜味，店員更特別配上柚子酸汁，響酸汁內加入蔥花，令魚既鮮味更加突岀。
🐓燒明太子雞翼，鹽燒雞翼🐓
即叫即燒，雞翼食得出係厚肉靚雞翼，兩隻雞翼燒到外皮脆卜卜，但係仲保留到雞肉嘅肉汁，明太子雞翼有少少鹹香同埋有少少辣，要黎送酒🥃一流👍🏻
🍲🦪廣島蠔煲🦪🍲
蠔煲內有日本大蔥、香菇、金針菇、娃娃菜、日本薯粉等等，初初店員送上嘅時候，我仲有啲擔心個湯會唔夠，但係滾起上嚟之後，我就知道店員先係專業嘅，一滾起，放埋蠔，係剛剛好，廣島蠔粒粒肥美飽滿好有蠔味，食晒個煲，飲埋碗湯，正！🍲
🍢炸物（蓮藕🍢帆立貝🍢宮崎腸）🍢
炸粉食得出係用靚野，咬落好鬆脆唔厚粉，又唔會成口油，店員送上炸物既時候，咁啱我享受緊個蠔煲，所以我放左起碼10分鐘先食，但！仲係辣咀嫁！勁正！
碼蓮藕同帆立貝係有成cm咁厚，炸完都唔會乾，仲食倒原有食材既味道👍🏻宮崎腸脆皮鹹鹹地，又係送酒🥃既好選擇。
🍱蒲燒鰻魚鐵板飯🍱
大大塊日本厚肉鰻魚，上面有加咗黑椒同埋少少炸蒜，撈埋粟米同埋日本珍珠米一齊響鐵板上炒，因為鐵板夠熱，炒好之後，會有少少飯焦嘅香味，加埋鰻魚既油香，一絕👍🏻
🍸🍹青蘋果/白桃 highball & Suntory 黑白生啤🍹🍸
佢個白桃highball真係真心要試！！用Suntory角瓶whiskey 做base，再加入白桃汁，whiskey 同桃汁既比例啱啱好，有小小甜又有whiskey既香味，見我飲完白桃即試埋青蘋果就知我幾欣賞🥰
服務
內用
餐點類型
晚餐
平均每人消費金額
HK$450-500
餐點：5
服務：5
氣氛：5
自家製馬友一夜干最好味，
牛舌心都好好味,
Honey最鍾意雞尾,
清酒大顯鍋都好味😋
服務
內用
餐點：5
服務：3
氣氛：4
地方唔大，但裝修完全日本居酒屋feed，用了很多日本酒名、貼畫做裝飾，大門更掛了很多晴雨公仔，幾得意，食物選擇多，而且價錢不貴。
餐點：5
服務：5
氣氛：4
今日去荃灣食晚餐，經過一間日式小店，小小的鋪，坐位不是很多，但是裝修好精緻，好有日本風味。看看餐牌才發現，原來係一間高級日本料理。
我一行2人order左燒烤、炸物和刺身。
八角魚刺身，個魚頭魚骨都放喺碟上面做裝飾，刀法好好，食落去涼涼的，肉質鮮甜，爽口又結實，唔會覺得有魚腥味，第一次試八角魚刺身，覺得好特別，好少地方有得食。
另外，叫咗炸雞軟骨串，熱辣辣，即要即整。炸親子三文魚串，三文魚柳上面加咗三文魚子，三文魚柳炸到外脆內軟，好味。仲有炸鵪鶉蛋，一串有三粒，好特別。
飲品方面，叫咗個一杯黑白啤，同埋山梨蜜桃梳打，幾特別。
總結，有特色又有日本風味嘅小店，喺香港唔多，鍾意日本風嘅朋友，不妨一試，感受一下。
餐點：5
服務：5
氣氛：5
今次黎到荃灣既瀛燒居酒屋，門口掛住好多紅色既日式燈籠，入到去入面仲見到好多唔同牌子既日本酒，擺放及設計得好好，加埋牆身貼住好多有關日本既poster，播咗好多70-90年代嘅日文歌，首首都耳熟能詳。直頭去咗日本一樣！
食物方面首要當然要試刺身啦！吞拿魚同平時食開嘅相比，呢間係特別鮮，因為係赤身，好有吞拿魚味，而且吞拿魚、三文魚、油甘魚好厚，加埋有7切嘅刺身，真係好滿足！
另外嗌咗個廣島蠔鍋，湯底好濃味，啲蠔都好大隻，特別提一提鍋提供嘅粉絲！每一條都索晒湯底嘅汁，真係好想連埋啲湯飲！
小食方面嗌咗黑松露玉子燒、炸沙錐魚、炸鵪鶉蛋、鱈魚白子、燒雞心喉管、燒榮螺！每一款都有特別之處，以下逐一推介！
黑松露玉子燒，入面啲黑松露一啲都唔輕手，一啖咬開啲黑松露味湧出嚟，個底幾乎全部都係黑松露。連埋落咗豉油嘅蘿蔔蓉同埋蔥一齊食，味道好balance，點綴咗個玉子。
串炸係沙維魚同鵪鶉蛋，全部都即叫即炸，一切開啲煙出哂嚟，沙維魚一啲都唔腥，鵪鶉蛋炸得唔硬，好易咬開，配埋特別嘅酸醬，好開胃。
必食推介 – 鱈魚白子。鱈魚白子係鱈魚嘅精巢，味道濃郁，口感綿密柔滑，入口即融，侍應建議要趁熱食！
燒雞心喉管連埋啲醬汁一齊燒，燒得好好，好夠味，味道濃郁，可以再叫多一串！
最後，燒榮螺超級正！榮螺好大隻，大過個拳頭，螺入面嘅螺切成細細舊，再用清酒煮，配上一片大蔥，侍應教最後可以倒成2小杯，一口飲咗佢，個清酒有螺味，飲落仲暖暖地！
飲品方面推介大家喝手作梅酒，甜甜哋，好易入口，梅子浸落酒，飲到尾，梅子嘅果味好濃烈，由一開頭嘅酒精味，去到最後梅子嘅果糖甜味，好適合為呢一餐作結尾！
服務
內用
餐點類型
晚餐
平均每人消費金額
HK$350-400
餐點：5
服務：5
氣氛：5