Chalet

這是間以歐陸小木屋風格為主的西餐廳，室內燈光柔和偏暗，營造出浪漫的氣氛。

我們點了當晚的set dinner，包括前菜、主菜和甜品。前菜是賣相精緻的海膽櫻花蝦慕絲，海膽清甜好好味，加入了櫻花蝦做成慕絲這個食法相當有創意。

接着是期待已久的頂級西冷牛扒，肉質帶嚼勁，肉味也十分濃郁，旁邊的小蕃茄多汁又清甜！

最後是質感幼滑細緻的意式奶凍，每口都有濃濃奶香，為今餐帶來美滿的總結。

食物出乎意料的好！價格合理。

荃灣區高級西餐廳 Chalet
小木屋裝潢獨具格調 🪵
進店後的招待也令人感到高級感

🔸法式海龍王配麵包 $378
有如海鮮寶盒
波士頓龍蝦、帶子、青口、大蜆、 魷魚 、盲鰽
材料十分豐富 應有盡有
龍蝦湯稠密緻滑 好鮮味

🔸煙燻海膽帶子意粉 $268
意粉平均沾上海膽 好好味
帶子肥厚 微微焦香
加上三文魚籽令口感更豐富

🔸西班牙黑毛豬鞍配蜜糖白酒燴蘋果 法式檸檬醬 $298
黑毛豬肉味濃
雖厚身 但內外都唔會過熟 剛剛好
配搭燴蘋果粒同檸檬醬食好特別 感覺清新

Side dish
🔸芝士薯條 $48
熱辣辣芝士醬淋上粗薯條 份量也適中

🔸牛骨髓 $68
第一次見識到原條骨呈上 火熱出爐
將骨髓塗上麵包一齊食 驚喜之作

🍹Girls Generation $68
Happy hour 來一杯mocktail
名字好少女
以民族長老樣子嘅杯具展示 太有趣
混合多種莓類: 草莓、覆盆子、藍莓、蔓越莓汁
有接骨木花漿甜味
檸檬葉亦點綴了香氣🌱

食品出色的一間西餐廳，價錢亦合理

下午同男朋友去完荃灣光板田村同影貼紙相之後，夜晚去食西餐。
我地叫左半打生蠔，今日係西班牙珍珠蠔。我以為珍珠蠔會好細隻，結果原來幾大隻。生蠔鮮甜多汁，有三種醬俾你：紅酒醋、檸檬汁、cocktail sauce。
法式海龍王配麵包，有半隻波士頓龍蝦、帶子、青口、大蜆、魷魚、盲鰽各二。海鮮全部都幾新鮮，海蝦湯好好飲，好清甜，送外脆內軟既麵包超正，麵包索晒湯汁。
炭燒澳洲羊架有四件，叫左五成熟，碟上鋪上希臘乳酪，伴以薯仔、蘆筍同紅蘿蔔。羊架入口軟腍，無羊羶味，好食。
蘋果金寶配雲尼拿雪糕用透明蓋蓋住上碟，一打開有煙散出黎，唔怪得味道帶有微微煙薰味。蘋果金寶充滿蘋果粒，外面口感酥脆配上軟腍既蘋果粒，再加埋有銀箔既雲尼拿雪糕，正。
6:00-9:00係happy hour，於是叫左兩杯cocktail：Margarita同Old Fashioned，兩杯都幾好飲，前者易入口，後者酒味濃烈。

此地點不太就腳，但價錢卻頗貴

難得放工可以去個happy hour兼食返個dinner😌又有機會摸下酒杯底🍸
.
📍CHALET
.
🦪生蠔 (半打/$198) – 今次餐廳嘅貨係西班牙珍珠生蠔~隻隻都好肥美好鮮👏🏻

🦀 法國麵包蟹燴意大利飯 ($248) – 賣相好靚~麵包蟹起哂啲肉黎煮呢個risotto😍勁creamy勁香勁好味!!啖啖都食到蟹肉嫁~

🦞法式海龍王配麵包 ($378) – 滿滿嘅一煲海鮮用左龍蝦湯去煮，湯底可以點麵包，味道一流😋海鮮勁豐富~有魷魚、帶子、蝦、青口、大蜆、龍蝦、魚等等🍴正正正!

🍹Passion ($68) – 個杯勁cute!!!好igable嘅一杯mocktail🤣用左菠蘿汁、芒果汁同熱情果調製而成，好fresh好解渴，啱哂依家熱到爆嘅天氣飲🤍

🥃Old fashioned ($98) – 🙆🏻‍♂️話要黎返杯古典雞尾酒嘆返下，whisky香濃👍🏻

坐位空間寬闊，環境舒適，招呼不差，午餐套餐只須一百多元，而且質量不錯！

非常好味，價錢合理

今日同屋企人去荃灣宜間小木屋咁既餐廳食個靚lunch。

Set lunch有埋餐湯同飲品。

餐湯日日唔同，今日既就係甘筍南瓜湯，睇個樣就知又滑又creamy啦。我特別鐘意個餐包，非常之內軟外脆，送湯一流。

主食方面，我地就分別叫左牛同羊。

澳洲穀飼西冷牛扒

牛我地叫左5成熟，大大塊又厚又煎得勁靚呀。肉質係好軟稔，牛味都幾濃郁。配菜有薯仔同其他蔬菜。

法式烤羊架配藜麥飯

羊架宜個價錢竟然有3隻，我地叫左7成熟，一樣肉質好靚好軟，味道一d都唔羶。不過美中不足有d肥膏位。羊係跟藜麥飯，感覺好健康。

飲品方面我地2個都係飲凍朱古力。得閒再黎嘆個靚西餐都唔錯呀😋
。
。
Chalet
荃灣青山公路407-411號金荃大廈地下B鋪 (8咪半對面)
。
。

今日趁放個假, 想揾間靜靜地既西餐廳慢慢享受個lunch, 之前路經已經覺呢間餐廳幾有格調, 就入去同朋友試下~~~ 入面座位唔算多, 不過去到既時候就唔使等位; 而再入面就係暗暗調光氣氛, 配上個酒吧枱, 感覺lunch都是食得chill chill的(*´꒳`*)~~

同朋友各點左個Set Menu x 2~~
🎶南瓜湯 (餐湯) 及自家製麵包
餐湯都幾濃郁幾有南瓜味~ 而麵包竟然係好食(＾ｰ^), 本身見個樣咁白覺後會係好乾既麵包

Lunch 要食西餐泥講, 上菜速度比預期中快(ﾟ∀ﾟ)~~ 先泥坐底五分鐘內已經送上餐湯同前菜, 再泥多十分鐘已經有兩碟扒~~
🎶澳洲穀飼西冷牛扒@$142
先泥試下個牛扒先(о´∀`о)~~~
呀~ 一泥度未食落口已經聞到好重既牛香味(°▽°)~~~~ 賣相唔錯呀嘻嘻~

一切開( ͡° ͜ʖ ͡°) !! 幾厚下喎! 份量十足呀下無失望 (＾ｰ^), 砌落去啖啖落口係飽滿既牛粒, 最後食完係飽到脹住肚皮出門(*⁰▿⁰*)

而牛扒係點左七成熟; 硬度適中好咬易入口; 肉汁都幾juicy; 不過作為醬汁控既我如果醬汁多翻少少會更開心~

🎶烤加拿大豬鞍配焦糖肉桂蘋果@$148
試完個牛扒, 原來好戲在後頭! ( 個人覺得豬鞍既味道更吸引而且咬感豬鞍更佳~~~ )
豬鞍同樣份量大足, 好嫩口食落口仲要好juicy: 啖啖豬鞍粒食落口雖然有少量油脂感但正正就係入口呢下感覺食緊啲好有口感既肉幾滿足(≧∀≦)~~

整體泥講, 食物,同環境唔錯~~ 性價比算高~
服務好上菜速度效率高(^-^)v~

中規中矩，沒有驚喜，但價錢貴

食物有水準的西餐廳 及 有禮貌的服務
稍不足就是沒有熱水供應

雖然價位略高，但餐廳內環境不錯，食物質素也很好

荃灣高品質西餐。晚上喝酒的好地方。

服務好價錢平，味道可以，坐位舒服，不太擁擠。

平常夜晚，和先生來到位於愉景新城對面的酒吧餐廳『CHALET』用膳，平日經常路過，今晚正好一試。❣️

餐廳分為兩部分， 比較光猛的街景座位和燈光柔和的室內酒吧空間，餐牌內沙律，芝士薯條，牛扒，羊架，什至乳豬都有，晚餐，當然要點返個晚市套餐吧～❣️

先生選了這款帶主菜和甜品的晚市套餐。✨

❣️晚市套餐 $338

🎯頭盤：法式鵝肝配脆片
鵝肝醬是我最喜歡的法國美食之一，
雖然較為肥膩，卻有種讓人不能自拔的魔法，食完好想再買多幾罐。這款鵝肝醬香味濃郁，質地結實，入口順滑口感不錯，配的脆片也夠薄夠脆。❣️

🎯法式油封鴨腿配鴨胸， 芒果香橙莎莎

先生點的鴨腿鴨胸用黑色圓盤盛載，賣相香艷，配上不同顏色的小花，擺盤盡見心思，鴨髀經高溫油炸，外皮極其甘香酥脆，肉質呈粉紅色，醃製得鹹甜適中，非常可口，而切件的鴨胸沒有炸過， 外皮軟淋，又是另一番風味。❣️

食過鴨肉後，輪到伴碟的芒果香橙莎莎上場，混入醋汁的果肉，入口酸甜醒胃，剛好可以解油炸鴨脾的油膩，細節之處盡顯心思。❣️

🎯煙燻帶子海膽意粉 $268
碟面擺滿橙紅色的魚子，什是漂亮，帶子經煎香再煙燻，入口特別香甜且帶煙燻過的香味，意粉混合海膽和魚子強強組合，鮮味得難以形容，想像不到廚師到底用了多少海膽，才能有這種嫩滑鮮香效果，一下子就食至清碟。❣️

『CHALET』的食物質素真的很出色，尤其主菜部份，我是非常欣賞的。餐廳環境舒適，男侍應風度翩翩，讓人想一去再去，希望餐廳能多做優惠，因為真係好想食多幾次那碟海膽意粉。❣️

聽朋友講荃灣有間裝修好似小木屋嘅餐廳，話環境同食物都唔錯，咁岩又係荃灣唔知食咩好😂咁就去左！

離遠就見到用黑色磚堆砌既一間餐廳，好Natural！餐廳裝修都好森林系，牆身主要用磚頭及綠葉陪襯，感覺好似置身於歐美風！

入去坐低後，估唔到個Drink Menu都係用木板造😍

至於飲品方面，因為餐廳唔會提供食用水供食客，變左需要叫樽礦泉水同Latte解渴！

🍡香煎鵝肝配蘋果蓉 HK$88

質地好軟熟好嫩！食鵝肝黎講我認為最好既口感係外脆內嫩！但今次略嫌欠缺左少少🤏脆既感覺，另外配搭蘋果醬甜甜地作為前菜幾開胃！

🍡煙燻帶子海膽意粉 HK$268

一上碟見到好多魚子仲有大大粒帶子好吸引😍意粉醬汁好濃郁，海膽味好突出，連埋魚子一齊咬，啲魚油噴出黎果刻令到海膽既鮮味更為豐富！

帶子都好新鮮好香煙燻味，又唔會煮得太老，真係想食多幾粒！

🍡西班牙黑毛豬鞍配蜜糖白酒燴蘋果HK$298

切開後豬肉中間粉粉嫩嫩，
咬落去質地厚實帶嚼口，但又唔乾！
如果豬肉油脂分佈更平均就💯分啦！
豬鞍味道本身比較清淡，配埋蘋果醬就好鬼夾！

🔸🔸🔸🔸🔸🔸🔸🔸🔸
🍽 CHALET
📍 荃灣
💰人均消費: HK$ 400
🕊餐廳傳送鴿： @chalet.hk
🔸🔸🔸🔸🔸🔸🔸🔸🔸

價錢同品質不乎…
價錢太貴而份量少…
主菜帶子魚柳，帶子完全無味…
side dish細碟到一個點，薯條收48蚊，份量仲少過麥記….

有進步空間

性價比高，個麵包好好食

令人驚訝的美味食物，分量很足，還有不錯的葡萄酒選擇。

優質的服務和美食

乾淨 企理 😘😘 …

服務好，CP值合理