18樓雞煲火鍋專門店(18th Floor, chicken pot hot pot shop)

都算底食平均每人$200

一般，一次就夠

好味

抵食，除左牛肉唔好食，好多都好食。如蝦，魚，多種菜都好新鮮。甜品有任食乳酪，原味好食。有多款飲品任揀，如鴻福堂嘅竹蔗矛根，坐位都算坐得舒服，每次點食好快就送到，但員工做到有啲黑面。

中伏位其多，物料唔太新鮮。

最喜歡一班朋友一起齊大吃大喝。今晚選了這間18樓雞煲火鍋放題，召集齊老友開大餐。未夠七點就爆曬棚，好彩我們有訂位，所以不用等，門口滿曬等枱的人。

熱熱鬧鬧、雞煲香味濃濃、全店爆棚，歡樂的氣氛布滿全店。座位尚算闊闊落落，十分舒適。

雞煲醬汁濃香，也十分嫩滑，大家快快吃雞，否則就老曬唔好食。

除左雞煲，還有牛、豬、雞肉及丸類，海鮮也不錯，其中以蜆、蝦、脆鯇骨腩都新鮮甜美。

食物質素都不錯，以178元來說，任飲任食，2.5小時，十分抵食，怪不得這麼多人。

回頭客，水準保持！這裡的雞煲調味最對胃，即時是微辣，麻辣味依然足，讓人欲罷不能！建議大家早點來避開人潮，這個價錢任飲任食真是完全沒投訴！

四個人來到，先吃雞煲，發現內裡有四隻雞翼！我猜這裏有一隻雞的份量，非常的滿足！吃罷雞煲，再自行加湯底變火鍋，這個麻辣湯底真是好吃得不得了，所有食材均不用額外沾醬料已經好好味啊～

火鍋配料非常多種類，海鮮、肉類、丸類和各種蔬菜，應有盡有，當中不乏佳作，值得encore再encore！

雪花牛肉質素絕對拍得住日式牛鍋！配麻辣湯底吃得特別開懷（笑）

響鈴卷似乎是自家即席製作，好脆好新鮮！

飲品極多選擇，有我最愛的無糖茶類，感覺上罪惡感較少（苦笑）

還有軟雪糕和酸奶機，有各式各樣的toppings任加，解辣一流！個人最喜歡這裡沒漏單，食物來得快，容易控制食量和節奏，不會做「大嘥鬼」！值得推介！

雞煲係好食的，但其他火鍋配料真係好普通，有啲唔值，用料上有改善空間。

原來香港人真的一年四季都喜歡吃火鍋，窩夫與蝦子餅上星期日親身感受了。話說窩夫與蝦子餅下午五時光顧荃灣18樓雞煲火鍋專門店，食客比預期多，七時左右離開時，電梯大堂更聚滿了等位的人，非常誇張。

窩夫與蝦子餅屬首輪食客，被安排坐四人卡位，坐得比較舒服。

坐下來後先選擇招牌18雞煲的辣度，窩夫與蝦子餅選了微辣。

點了雞煲後，可以出去取飲品，場內設有多個飲品雪櫃，十分方便。

吃火鍋要清熱，窩夫喝竹蔗茅根，蝦子餅則喝咸柑桔。

菜類要去雪櫃自取，種類很多，有娃娃菜、通菜、生菜和芥蘭苗等。

雖然店主覺得吃雞煲打邊爐不用點豉油，但還是為食客設置了自助醬料區。

招牌雞煲來了，店員幫忙拌勻後便可以起筷，雞件不會斬得太細件，肉質不錯，十分惹味。

一邊吃雞煲，一邊選擇火鍋配料，有多達80款任點任食呢。

吃完雞煲，將煲了十多小時的豬骨湯加進鍋內，準備打邊爐。

第一輪的火鍋配料有豆腐、金菇、蘿蔔、粟米、炸魚皮、鯪魚滑、蟹籽墨魚滑和墨魚鬚等，每款的份量不會很多，可以多吃幾款。

自家製響鈴的外形很特別，充滿豆香。

第二輪點了特級肥牛、頂級梅頭豬肉和豬頸肉等。

特選黑豚腩片水準不俗。

海鮮方面有海中蝦和蜆。

蝦子餅強烈推介豬肺，豬肺的處理程序繁複，很少火鍋店會提供。

最後要吃軟雪糕，咖啡味夠香濃。

窩夫還在雪糕上加了椰果。

上既肉好少好薄

性價比高雞煲火鍋
好耐都無嚟到荃灣區，今日探朋友剛出世bb，之後朋友就帶我嚟呢到食，餐廳環境好大好舒適
坐底就選雞煲辣度，今次叫了中辣，之後就出去攞調味料及勁多款飲品選擇
雞煲上後開爐炒一陣就食得了，雞件比好多雞煲辣汁包住，中辣都都唔算特別辣，食落帶一點甜辣，肉質都好嫩滑又入味
食完就加豬骨湯打邊爐了，掃下單上qr code就可以手機點火鍋料
除了肥牛外，仲有羊肉及豚肉，肉都算新鮮
仲有多款丸類同埋豆卜枝竹，用嚟吸哂啲辣雞煲湯好正
海鮮有好彈牙嘅蝦
仲有墨魚都好爽脆
最後記得食埋乳酪雪糕，酸咪咪好解膩

良朋聚首不錯的選擇。

18樓養嘅唔係牛牛，變左養雞仔喇:D
荃灣大鴻輝中心嘅18樓，就係呢間18樓雞煲火鍋專門店，之前已經聽過幾個朋瘦話上去食過，話任食火鍋黎講評價都唔錯，今日專登約左個朋友一齊上去！

好評餐廳自然客人多，由於想避過人群，我地選擇左較早嘅時段，下午五點幾就入坐，上到18樓已經見到有人食緊:mad:英雄所見樂瞳

店內環境幾寬廣，基本上全部都卡位，有兩排窗口位，可以一邊食一邊睇下風景，我雖然唔係坐窗口位，但𥄫左兩眼個景都唔差:P

好回歸正題，18樓雞煲嘅雞煲真係唔錯，唔係！係好食至真，佢一拎個煲出黎已經九成至全熟，好快食得，有啲雞煲店要等佢煮多10分鐘，等到頸都長！我食過唔少雞煲，個雞煲嘅醬汁都係大同小異，最好食嗰幾間，就係要用差唔多配料但同其他雞煲店有啲唔同，呢間雞煲就做到，佢嘅醬汁味道濃郁，味道亦冇被辣味掩蓋！

食完啲雞，就加湯食其他配料，呢度啲湯係自己加，所以你想啲湯濃啲淡啲可以自己調節。其實配料間間都差唔多，不過呢間令我驚喜嘅係個響鈴同埋啲蝦，仲有個櫻花蝦片，個響鈴係呢間自家製，外表都幾獨特之餘，食落係幾鬆脆！另外啲蝦好新鮮，煮完係唔會霉左咁款，爽口的:yummy:暖後係個櫻花蝦餅，其他地方未見過，有啲特色！

最後，呢度嘅飲料都係免費，有幾個雪櫃任大家去拎！同埋菜、雪糕都係要自己親手去拎去整！

雞煲有味道不錯，整體食物以價錢來說都一中上，可以再試

雞煲味道不錯，但欠啤酒要收費

雞煲好食，醬料很棒，價格合理

任飲的模式，不求档次，适合家庭，朋友聚餐

食物不錯！來到非常多人等位，好在有訂了位。

我地揀左微辣，店員立即上雞煲，鍋熱再搞勻醬料同雞肉就食得，個爐仲可調至保暖mode，我地慢慢食完雞煲，之後就加豬骨湯底食火鍋。
雞肉份量好多，多肉少骨，肉質夠彈，醬料調味好香好惹味，微辣真係岩岩好，少少刺激又食到醬同雞既味道。

我地仲點左啤酒，好夾雞煲同火鍋，好爽好解辣。

食完雞煲就可以加入2寸高左右份量的豬骨湯，煲滾就可以開始食火鍋，豬骨湯仲有好多瓶裝放係水吧位，供客人添加。

雖然有醬料區，但我地發覺雞煲醬料加埋豬骨湯真係夠哂味，所以最後拎左無點用到醬油，其實唔需求都得。

雪花肥牛較肥，但脂肪分佈平均，入口充滿油香，牛肉味都重。 特級肥牛脂肪較少， 所以牛味更濃，肉質鮮嫩。特選黑豚腩片好似高級版的五花腩薄切，口感嫩彈帶爽，豬肉味突出。

滋補花膠厚身同大塊，好彈好有膠質，女仕必食。還有是日海鮮推介，蜆肉飽滿脹卜卜，鮮甜多汁。 菇菌類都有幾款，都係吸到好多湯汁，好正。
海中蝦食得出新鮮，爽彈同蝦味重。牛柏葉反而太腍，勝在吸到湯汁。水魷魚都幾爽。

蟹籽墨魚滑有得玩有得食，味道鮮彈，加左蟹籽，味道同口感更豐富。冰豆腐之前都興左一排，但後來唔係間間有，今次呢間有，當然要點黎食，可以吸哂雞煲同豬骨湯的精華。
櫻花蝦片好少少似平時的龍蝦丸，味道唔算重，但質感很好，夠彈牙。 芥末魚丸感覺特別，魚丸好爽，咬開爆出醬汁, 有芥末的香味同微辣，但不刺鼻，幾溫和又有小驚喜。 冬陰公蝦丸亦同樣推介，有香茅味同冬陰公的辣味，配合蝦丸的味道，有如食得的冬陰公湯。 自家製粟米餃，餡料鮮甜份量多，餃皮滑溜且厚度適中。
自家製響鈴比一般的大件，但自家製的確夠特別，炸得更脆更鬆，放湯吸到超多湯汁，好好食。魚皮都好正，吸湯汁食都仲好鬆化，直接食更加脆同好香口。

另外，場內仲有蔬菜雪櫃，有多款蔬菜，如菜芯、通菜、娃娃、白菜仔、生菜等，全部都好靚好乾淨，蔬菜涮到剛熟就食，保持爽脆度，翠綠色好吸引，又可平衡肉食的膩感。
飲品櫃有幾個，分佈場內幾個位，方便客人取，唔需求走太遠就拎到飲品，有齊各款汽水、果汁、茶等，選擇都夠多。

甜品方面，有4款口味的乳酪雪糕，包括雲尼拿、朱古力、咖啡、原味乳酪，亦有扭紋雪糕選擇。
個人最喜歡厚味乳酪，酸酸甜甜清涼爽口，朱古力味濃郁，而口感輕盈，加埋爆珠、椰果及薄脆，好豐富既口感。

黎親大鴻輝都係食一品多，朋友話近排發現另一間超抵食雞煲，見佢誠意拳拳推介就跟佢試下。

平時食個雞煲無三四都落唔到樓，呢度人頭$188，食完雞煲仲可以加湯加料打邊爐，又真係幾抵食咁😳😳😳

出面有醬料吧，我都自製左火鍋必備既勁辣豉油。
但後尾先發現正如牆身上既字「雞煲打邊爐唔駛點豉油既」所講，係用唔著既～

雞煲份量跟人數而定，二人大約有十幾件雞，用左傳統既京蔥、芫茜、八角、麵豉醬等，煮得香口惹味，剩係上枱聞到果下已經流哂口水🤤

雞件厚肉唔肥又夠嫩唔痴牙，醬料濃香得黎唔會過鹹，食多幾舊都唔覺口渴。每枱都有湯可以自己加，唔夠既可以出自助吧攞，自由決定火鍋時間🤟🏻🤟🏻

餐廳走智能化，嘟一嘟QR code就可以落單點選配料，唔怕搵店員搵到炆，方便快捷，上菜速度快好多。

雞件食得唔夠喉可以點滑雞柳，雞如其名夠滑嫩👍🏻

滑牛肉脂肪偏少，口感厚滑，無咁油膩，比肥牛片更勝一籌。

愛羊人士必點羊肉片，一淥果下羊羶味一湧而上，入口油香充足。

極度推介牛腩件，本身怕好韌，無諗過非常稔軟，脂肪比例不多不少。

白膳片超好味‼️不同於鯇魚既爽脆，魚肉部份鮮甜細嫩，魚皮肥美厚滑，入口同時食到兩種鮮明不同既層次。

墨魚滑小巧精緻，略帶膠狀，口感黏滑彈牙。

少見火鍋有台灣腸，同邊爐意想不到咁搭！香腸索哂雞煲湯底既汁，一咬落去紮實又飽滿多汁，比芝士腸午餐肉等更出色👍🏻👍🏻👍🏻

雞煲好味，其它任食食物不好吃不新鮮

食物ok，但地方環境不舒服，地下都是濕滑油污，非常危險

好辣呀

價錢算合理。雞煲質素不錯，夠辣夠香值得推薦。

雞夠惹味！讚