老厝邊 (荃灣)
營業時間
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
| 星期日 | 11:30–22:00 |
| 星期一 | 11:30–22:00 |
服務選項
店外取貨
無接觸送餐服務
外送
外帶
內用
無障礙程度
不支持無障礙座位
不支持無障礙停車場
產品/服務
小菜
酒精飲料
用餐選擇
午餐
晚餐
餐飲服務
甜點
設施
適合兒童
好的
行完荃灣中心好肚餓，見到呢間有台灣蛋餅食即刻衝入去，真係好掛住台灣的美食呀。
起司肉鬆蛋餅
OMG真係好中意食蛋餅，滿滿既拉絲芝士同肉鬆超夾點埋蒜味醬汁係估唔到唯咁夾。 煎到香香脆脆，食完仲想食，完全唔覺得油膩。
滷肉飯另一樣必食之選！ 滷肉有肥有瘦建議真係唔好怕食肥肉，因為真係好好味，鹹鹹甜甜好易入口。
雙醬麵，炸大雞排
麵條好有咬口，估佢唔到，麻醬好香濃。 炸雖熱辣辣，略油但好香口。
麥香奶茶，冬瓜檸檬冬瓜檸檬好香好香，酸酸甜甜好解熱氣。
荃灣嘅老厝邊十分近荃灣西地鐵站， 步行只需要十分鐘路程， 喺荃灣廣場後面， 地理位置十分方便。餐廳行台式風格仲要有兩層，如果下面坐滿可以上樓上閣樓坐。，絕對係打卡好地點。
眷村紅燒牛肉麵， 面底彈牙爽口， 十分欣賞佢嘅牛肉湯底，鮮甜美味，好濃牛味。而且牛肉亦都煮到好淋，仲大大塊分量唔少。
台式炸醬麵， 台式炸醬醬底係有肉碎， 配彈牙爽口嘅麵，撈埋一齊食十分惹味，如果鍾意拌面嘅朋友，呢個係十分好嘅選擇。而且份量亦都好大份，絕對足夠飽肚。
培根起司蛋餅， 呢個真係好好食， 起司超多 仲有拉絲效果， 蛋餅皮亦都好煙韌， 配埋佢酸甜嘅醬汁十分好食。
綿綿芋頭鮮奶， 鮮奶 配芋頭蓉 飲嘅時候有粒粒軟糯嘅芋頭碎， 香滑鮮奶裏面有濃濃嘅芋頭味，十分好飲。
現煮冬瓜鮮奶， 冬瓜茶味濃配鮮奶一d都唔差 , 鍾意飲冬瓜鮮奶嘅朋友值得選擇。
呢到既蛋餅真係有種魔力，食完無幾耐又心思思想食。
今次食佢最出名既勁濃芋泥蛋餅🤤之前無食佢係因為驚會好漏，但今日肚餓就試下佢，原來係好好味咖。
啲芋泥唔係杰撻撻，小小甜味，份量唔多唔少，加上軟軟既芝士，點埋個咸咸地既醬，好和味呀。但真係要趁熱食，凍左應該會硬晒。
滷肉飯$30
望落細細碗，其實一個人食係好夠飽。又惹味又邪惡，次次都要食一碗。
麻醬麵
啲麵好冰涼，估唔到，以為係室溫添。麻醬唔多唔少岩岩好夠撈晒啲麵，好味。
飲品唔使諗一定係冬瓜檸檬，酸酸甜甜食熱氣野一流呀。
CP值高台式小店🇹🇼 乾淨企理價錢夠親民 門面同內裏裝修頗見心思
˜”*°•薯餅起司蛋餅($30)🧀🥔🍳•°*”˜
芝士加薯餅呢個配搭本來就已經冇得輸 但更重要嘅係點埋旁邊嘅醬油 呢個醬汁簡直係精髓所在 甜甜地帶啲蒜蓉香味🧄 成個蛋餅嘅味道昇華左 由平凡變得不平凡🌟
˜”*°•秘製麻辣牛三寶麵($78)🐂🍜•°*”˜
湯頭味道濃郁🥣 但又唔會過鹹 雖然叫麻辣 但其實一啲都唔辣 麵條係幼麵 🐮牛三寶即係牛腱 牛根同牛肚 牛腱超級腍滑👍🏻 牛肚夠入味 仲有酸菜㖭 如果個白蘿蔔再清甜啲就完美🥕
˜”*°•香噴噴炸雞排便當($62)🐓🍱•°*”˜
雞排超級大塊🐔 遮住曬個飯🍚 炸粉唔太厚 夠脆 肉唔乾 仲有兩小碟蔬菜 夠曬營養均衡🥬
夜晚約左朋友係荃灣食飯，佢話想食台灣野帶左我黎呢度，呢間舖頭名同裝修都幾特別幾有意思👍🏻
我叫左台式三杯雞便當少飯，朋友叫左眷村紅燒牛三寶麵，另外加左燙青菜同埋一杯熱蜂蜜麥仔茶加愛玉同蘆薈😊
便當會跟兩款配料，一款涼菜同半隻滷蛋，賣相吸引😍
其中一款配菜係鮮淮山芹菜，好健康👏 淮口爽脆👍
另一款係辣炒粉絲，味道似豆瓣醬但帶少少酸味，唔太食得慣😅
三杯雞煎得幾香，肉質嫰滑，但略嫌唔夠九層塔果啲香料味～
飯粒煙韌，底下好多肉汁，撈飯好食😋
牛三寶麵超足料！面頭既牛舖到密密麻麻😮
湯底好香濃既牛味但唔羶亦唔油膩👍🏻
牛𦟌淋滑，牛肚爽口，牛筋炆得夠淋膠質豐富😋
我地慣左食飯盡可能都會叫碟菜，不過呢度只有我唔太中意既唐生菜🙈
可能呢度偏向家庭式健康D，所以菜都唔會落太多油，個人認為乾身左少少，好彩有汁👍🏻
好似比較少係台灣菜餐廳見到麥仔茶，所以叫左杯黎試下，聽說可以幫助消化而且無咖啡因😁
飲得出好香既正宗蜂蜜味，蜂蜜同唔同既茶類都好夾好百搭👏🏻 加左愛玉同蘆薈好有口感❤️
埋單唔駛加一，每人一百蚊都唔駛，經濟實惠😚
懷舊主題台灣菜
上次在大角咁staycation 吃過一次，今次在荃灣竟然看到分店，都有興趣再吃台灣菜。
位置: 在荃灣廣場對面，在那條街也有很多不同的餐廳，吃完晚餐，還可以去吃甜品，吃完再走路去荃灣西站，消化一下，只需13分鐘。
環境: 很有特色的一間餐廳，呈現台灣懷舊風格，但又帶點現代feel，有種到了台灣的感覺，樓上還有閣樓雅座。
服務: 態度良好，禮貌友善
晚市:
紅燒牛肚麵/ 紅燒牛筋麵$62
當晚點了這兩個主食，非常滿意！因為牛肚和牛筋都很淋很入味，份量也很大，還配有白蘿蔔和菜，麵條是較幼身。
超濃芋泥蛋餅$38
上次我也吃過這個，所以我也推介這個給朋友試。甜甜的芋泥配上厚厚的芝士，加上香煎蛋餅和肉鬆，口感十足，味道豐富！
塔香鹹酥雞$38
之前吃過一次，再叫，保持水準，外脆內軟，炸得很好吃，雞塊大小剛剛好，一口雞🤓
經歷珍珠奶茶$24
就像在外面買珍珠奶茶的包裝一樣，雖然有點不環保，但勝在夠乾淨衛生。至於味道剛剛好，奶和茶的濃度恰到好處，要贊的是勁勁勁多珍珠🤩
老厝邊喺台語意思係老鄰居，充滿濃濃的人情味。
店舖裝飾好親民嘅感覺，坐得特別舒服。😊
套餐飲品可減$10
香香酥炸雞扒便當🍱 $62
一上菜，真係嘩左一聲，雞排大過塊面😂😂
炸得香脆可口，酥炸粉唔會過多，即點即炸，熱辣辣！食左一半都開始飽肚😆😆
眷村紅燒牛三寶麵 $78
份量又係好多，三寶分別係牛肚、牛𦟌、牛筋，每樣份量都不少。我特別喜歡食牛肚，腍身入味👍🏻👍🏻
超濃芋泥蛋餅 $38
極度推介呢個蛋餅！！！上菜要即食，芝士仲有拉絲效果，配上好香嘅芋泥，真係超級無敵夾！怪不得係推薦👍🏻👍🏻
兩個主食+一個小食都已經飽到飛起🤣🤣
下次叫一個主食share再加小食可能會好d😊😊
🌌肉鬆皮蛋豆腐 $38🌌
雖然配搭有啲難以想像，但食落又真係幾過癮，脆口帶香甜嘅豬肉鬆配搭順滑豆腐及濃香皮蛋，呢個冷盤都唔錯
🎆超濃芋泥蛋餅 $38🎆
蛋餅入面係有年糕包住芝士及芋泥，口感幾特別，斬算幾受歡迎
🌌秘製麻辣牛三寶麵 $78🌌
牛三寶有牛肚、牛筋及牛展，份量都幾多㗎，炆得又夠淋，湯底及麵質都正常發揮
🌠粒粒紅豆鮮奶 $28 + 綿綿芋頭鮮奶 $30🌠
芋頭鮮奶要打碎左嘅芋頭蓉，飲落綿綿順滑又夠香甜，非常好嘅特飲
正宗台灣滋味♥️蜂蜜烏龍茶同埋大腸麵線都好好食
老闆是台灣人，裝修很台，味道超地道，疫情期間在港品嚐台灣味最佳首選
每逢臨近7、8月就會特別想念旅行既空氣✈ 點解⁉️ 因為近年既生日都會去旅行🏖 (7月我生日🎂 大家記得啦😚) 因為疫情而就快唔記得旅行係咩啦🤦🏻♀️ 唯有自我滿足下食下唔同地方既美食啦~ 知道荃灣新開左【老厝邊】🤩 一於去食緬懷下台灣既節奏啦！
·
🐮眷村紅燒三寶麵 HKD$78
好大碗份量都好多🤤 女仔應該會食唔哂! 湯頭都幾深色好濃味，啱哂我重口味🤩 牛三寶包括牛腱、牛筋、牛肚，3樣都煮得超腍😚 好軟綿幾近入口即溶，牛腱牛味好濃，啖啖肉好好食呀😋 麵底軟硬適中，加入少量香菜🌿更惹味呢~
·
🍖酥炸排骨便當 HKD$60
排骨勁大塊😻 炸得好酥脆，肉質剛好唔會韌☺ 且微微醃過帶點咸香👍 米飯加左少量滷肉增添濕潤感🍚 好易入口唔會乾掙掙，便當還配有2款配菜(蕃茄蛋🍅🥚及青菜🌱)、半隻滷蛋及1款涼菜，$60既價錢算係好高質。
·
🌯超濃芋泥蛋餅 HKD$38
超級推薦😍🤩 必點! 好好食! 蛋餅裡面係爆餡既芋泥😻 芋泥濃香軟綿😚 加埋拉絲既半溶芝士同香甜既肉鬆，大愛❤
·
🍲大腸麵線(大) HKD$38
大碗同細碗只係差$8，咁梗係叫大碗啦(師奶仔心態😆)，味道唔算好濃，比台灣食到嘅淡味，質感較稀🤔 麵線煮得唔會好糊好碎，不過不失呢。
·
🥤經典珍珠奶茶 HKD$24 (仙草+$3)
珍珠口感偏軟腍，奶茶亦唔會好甜，飲到奶味🥛 整體不錯的。
·
📍老厝邊
荃灣大壩街25號地舖
旅行冇得去，突然又想起台式小食， 再來到呢間位於荃灣的排隊店
[老厝邊」在台語裡即是老鄰居的意思。
很喜歡這裡簡簡單單的裝修 ,簡樸不花巧。
紅燒半斤牛肉麵
湯底不溫不火，軟爛的牛筋在嘴裡化開， 牛肉薄切非常入味，麵質是我喜歡的淋度。
拍涼拌小黃瓜
清甜爽脆, 青瓜與調味料醬汁混製而成 醬汁入味，爽口開胃。
花雕醉雞
這個台式片切花雕醉雞，肉質鮮嫩滑溜，醉得入味恰到好處。
大腸麵線
要重回台灣感覺，大腸麵線控一定要來一大碗，麵線香醇濃郁，滷大腸鹹中帶甘。
熱鐵觀音奶茶
淡淡的鐵觀音茶香，不太甜，一啖一啖又回到台灣街頭。
呢間野個名咁特別 吸引咗我去研究吓
原來佢係來自台灣嘅味道
老厝邊係台語老鄰居嘅意思
果然真係好有台灣味！高質！
首先牛三寶面(少辣)
湯頭10分濃郁 啖啖牛香
牛肉牛筋牛肚炆得超級超級林
冇牙都食到 面底彈牙
配有碎碎嘅酸菜 唔會搶味 令味感再豐富啲
滷肉飯超級出色 肉燥肥瘦均勻
同樣都係炆得超級超級林
配上珍珠白飯同滷水蛋半隻 超正！
聽講蛋餅都好出色 我叫咗香蔥牛肉芝士蛋餅
拉絲芝士好重芝士味 雖然牛肉比較淡口
但係佢嘅配汁似蒜油好好味
配埋香蔥真係好香
一個炸物小食拼盤 最驚喜嘅係甜不辣
真係好有台灣嘅風味 喺香港好少食到
平時飲開半糖飲品
今次芋頭鮮奶唔記得嗌少甜
不過芋頭都真係幾棉密嘅
抵食夾地道，芋泥蛋餅好味，甜甜地唔油膩，芝士可以拉絲❤飲品係可以拎得走嘅杯裝，幾方便
店員都好nice好有禮貌，唔會趕人走，可以同朋友傾多陣計😁係個好聚點 …
正宗的台灣美食
食物種類也蠻多的❗️
除了最基本的滷肉飯、牛肉麵、便當，
炸物、小食、台式蛋餅、滷味拼盤等
都一應俱全🥳
就連飲品也有30多款可供選擇❣️
滷肉飯 （大）$38
大size 是小size的1.3倍❗️
以五花肉製成的滷肉非常惹味😋
用來拌飯真的是一流❣️
雖然肥肉部份也不少，
但因為肥肉充足，
所以跟在台灣街頭吃的十分相似☺️
薯餅起司蛋餅 $30
等了一會先的這個蛋餅真的是即點即製🤩
一口咬下去真的是熱騰騰的❣️
吃起來蛋香味濃郁💕
裡面的起司及薯餅也不少，
食材方面一點也不吝嗇👍🏻
入口口感豐富🥰
再配以帶蒜味的特製甜酸汁，
味道更上一層樓之餘可一解飽膩感👍🏻
香香酥炸雞排 $35
入口非常香脆🤩
鹽酥味濃😋
不會炸得太乾，
咬下去雞肉鮮嫩多汁，嫩滑彈口🥰
份量也挺多的💕
性價比高👍🏻
超濃芋泥蛋餅
唔好比超濃嚇親以為好漏，其實芋泥係甜甜地，同芝士、肉鬆配合得好好，芝士拉絲拉得好長，點埋個醬就加和味。呢個蛋餅真係食極都唔厭。
大滷肉飯
只係$38就有咁大碗飯，滷肉鋪滿整個飯面，有肥肉但係食落完全唔覺得油膩，最好撈勻晒先食。
炸魷魚
黎到覺得有啲細份，但食落發現魷魚都幾粗壯，炸得唔會太老，幾有咬口，食完都無乜負擔。
花鵰醉雞
呢樣我唔飲酒唔太岩食，朋友就好欣賞，話好香花雕味，雞都入味。
兩杯飲品甜度岩岩好，飲到最後啲冰溶左都夠甜，證明唔洗少冰係正確決定呀。
.
.Lunch hour 有set lunch
叫埋飲品 80蚊左右
.
.培根起司蛋餅
啲芝士多到爆晒岀黎😂😂
真係做到拉絲效果🤣
熱辣辣食 最好食
.
.酥炸排骨便當
嘩 勁大塊
炸粉唔會厚 肉汁仍然保留到
啲小配菜都好食 有菜食 成件事中和返🤣
不過塊排骨大到阻住我食飯😂😂如果可以分開上會好啲
.
.眷村紅燒牛三寶麵
偷食左朋友舊牛筋 好入味
湯底濃得黎 唔會咸
.
.蜂蜜檸檬椰果 + 鐵觀音奶茶
.
.整體黎講
係大件夾抵食又好食
男人去食 都一定飽
.
.唯一可以更好既 係員工既態度
說話上既表達可以更好
始終係服務性行業
正宗地道台灣店-老厝邊🧡
有兩層位置 座位數量都算多👍🏻
近荃灣廣場 好方便☺️價錢唔貴 人均$100內~
紅燒牛三寶麵$78
經典台灣美食😍濃郁既紅燒湯底 冇味精味😌
配上嫩滑嘅牛肉 口感彈牙爽口 好好食😋
薯餅蛋餅$30
必點item😃薯餅配埋芝士🧀呢個配搭嘅蛋餅
充滿住滿滿既幸福感 猶如去左台灣般🤤
花雕醉雞$38
冷盤食物 店員會安排先上菜 作開胃菜一流🥳
炸甜不辣$30
口感煙韌 好Q彈😚炸得剛好 一啲都唔油😝
珍珠茉莉奶綠$24
茉莉奶綠好重奶味 綠茶味道香純 好飲又解渴!
凍椰果蜂蜜檸檬$22
酸酸甜甜嘅蜂蜜檸檬味配埋爽口嘅椰果🥰
CP 值高嘅台灣食店👍
💙食店主色係TIFFANY BLUE, 但係配上舊式裝潢, 仔細睇下個門牌都好台FEEL。
入到去坐低, 原來仲有上層嘅, 樓梯扶手位同上面靠邊位都用咗舊花嚟裝飾, 感覺統一。
食店有晒最傳統嘅台式食物, 好似牛肉麵、滷肉飯、酥炸雞排、台式香腸、甜不辣等…..
另外仲有比較特別嘅蛋餅, 蛋餅有勁多選擇, 雖然好想試芋泥蛋餅, 但係老公唔太鍾意食芋頭, 所以都係揀返個香蒽牛肉起司蛋餅先。
我哋仲叫咗滷肉飯、滷肉乾拌麵 (好鍾意食滷肉 mad)、塔香鹹酥雞、燙青菜。
因為勁肚餓, 所以叫咗勁多嘢食。
塔香鹹酥雞 – 呢個超好食! 雞炸到勁脆但唔油, 而家表面係淡淡嘅鹹香味, 咬落去雞肉仲好JUICY! 食唔停口! 食完雞, 連九層塔都食埋! 超正!
滷肉飯 (大) – 個飯超大碗, 面頭係滿滿嘅滷肉, 仲有醃蘿蔔同滷蛋! 滷肉用咗半肥瘦嘅肉, 唔會好膩, 亦唔會好鹹! 而且滷肉勁多, 好夠送飯!
滷肉乾拌麵 – 因為真係好鍾意食滷肉, 所以叫埋滷肉乾拌麵。台式嘅乾拌麵同香港嘅唔同, 係用好多滷肉汁嚟撈個麵, 係好濕嘅。食店用嘅麵係類似上海麵, 較粗, 所以麵好易掛汁, 彈牙。拌麵份量超大, 真係食唔晒呀!
燙青菜 – D 菜係用咗芯嘅部份黎煮, 超嫩又淋! 加埋個汁, 超好味!!!
香蒽牛肉起司蛋餅 – 蛋餅出面有塊薄餅包住牛肉、芝士同埋蛋。2 條開咗6 件, 熱乎乎食勁鬆軟。滿滿牛肉, 配上芝士, 但芝士份量唔多, 唔會好膩。食店配咗酸汁, 加埋一齊食好解膩。
凍愛玉芒果綠茶 及 凍蜂蜜檸檬愛玉(微糖&微冰) – 凍飲可以揀微糖/少糖/全糖同微冰/少冰/正常 老公係飲凍愛玉芒果綠茶, 全糖正常冰, 佢就話甜咗D, 但係都好飲! 我就飲凍蜂蜜檸檬愛玉, 微糖&微冰, 呢杯好好飲! 清清嘅檸檬味加上愛玉, 有得食又有得飲!
成餐飯, 一路食一路聽住台灣歌, 簡直就好似去咗台灣食嘢咁! 疫情未過, 仲未去到旅行, 都可以去老厝邊一轉, 放空一下! 最後埋單, 每人百幾蚊, 我覺得性價比都算高!
入面啲侍應比較忙，服務態度一般，多人啲位幾迫。
3寶紅燒牛肉麵味道清淡，飲落出少少蘿蔔嘅味道，牛筋淋到好似豆腐咁，牛腩同牛肚有口感但係冇味。
滷肉飯有趣加左甜嘅豬肉乾碎，配菜有西蘭花同炒粉絲。芋泥蛋餅芝士拉絲，味道失敗，冇芝士同芋頭味，清淡帶微咸，影下相都得既。
野飲甜度唔係台灣甜度，唔會太甜，唔香。全部加埋196。
放工約友人去荃灣食飯，先發現荃灣西好多商場好多野行，Aeon、一田都有！食肆更加吾駛講，今次就揀左台灣野！「老邊厝」吾係第一次食，不過呢間分店就第一次！記得上次大角咀果間很不錯，荃灣呢間地方比較寬敞，座位舒適！餐廳特式係店內廚師聘請好多來自台灣的，可見食物煮法保留著台灣的味道！
尤其超濃芋泥蛋餅，每一口都可以吃到蛋餅皮的Q. 還有芋泥滿滿的芋頭香!
滷肉飯的滷肉油亮色美，肥美的豬肉加上香濃的醬汁，非常juicy!讚！
花雕醉雞，口感清爽，自家調配嘅醉雞汁汁香氣獨特，亦有補氣益血嘅作用。
最後不能少是台灣手搖的珍珠茶，也是必飲之一！
台灣食物係我最鍾意既食物之一，尤其係麵類和珍珠奶茶。今次特意約朋友黎呢間台式餐廳食飯，因為有我鍾意既麵類和珍珠奶茶。
餐廳有各款主食和小食，種類頗多，台式飲品亦有多款供選擇。
⚠️塔香鹽酥雞：一上枱已聞到陣陣香酥味，非常鬆脆，雞肉又夠嫩滑。
⚠️珍珠奶茶：好鍾意佢既珍珠夠煙韌，好飲。
⚠️秘製麻辣三寶麵：湯底好濃，麻辣味好香，配料都好入味又夠腍。
⚠️豪豪雙醬麵：有麻醬和炸醬，加上青瓜絲，撈埋煙煙韌韌的麵，好清新既味道，好適合夏天食。
有特色。
牛肉幾好味,有水準😁 …
之前食過大角咀分店，都覺得幾抵食，見到佢開咗新店係荃灣，即刻想試吓同大角咀有冇咩分別，第一感覺就係大好多，好坐好多，仲要分左上下層，我7點幾去到下層岩岩好坐滿哂，就安排左我上上層坐，上層就細啲，但舒服啲。大概8點就全場爆滿要等位。第二就係發現冇左$28最平既麵，睇番先知原來大角咀都加左價，最平既細大腸麵線+$2變$30，不過只係部份加咗價，都仲係好抵食！我地食到飽叫到成枱都係每人$100到！
–
🤍大腸麵線 大$38
🤍超濃芋泥蛋餅 $38
🤍滷肉飯 大$38
🤍塔香鹹酥雞 $38
🤍香炸魷魚 $35
🤍蜂蜜茉莉綠茶 $21
–
🤍 大腸麵線
⭐⭐⭐⭐
大腸有8件左右，比之前食過既份量縮小左，味道就差不多，湯底稠度、調味剛好，係正宗既大腸麵線，麵線份量正常。
–
🤍 超濃芋泥蛋餅
⭐⭐⭐⭐
同大角咀食過既感覺一樣。賣相都係爆芋泥爆芝士🥰。不過依間味道再偏淡啲，蛋餅有咸香味，但芋泥偏淡，所以反而濃味既係變左芝士，芝士多到拉絲拉唔斷😂😂不過對唔係芝士控既人黎講都幾膩幾飽。
–
🤍 塔香鹹酥雞
［滿星］⭐⭐⭐⭐⭐‼️
外層炸得好香脆，炸粉唔會過厚，食落每粒都好juicy，會爆汁，調味都剛好，唔會過鹹過淡，正！
–
環境：8/10
服務：8/10
好味指數：8/10
回頭率：8/10
一直都知，大角咀嘅「老厝邊」出哂名
次次去都係排長龍🙈
最近得知，佢終於係荃灣開左分店！
咁近我地頭，想幾時去都方便勁多😂
.
【餐牌】
.
【酥炸排骨便當 $60】
排骨Size大大份，目測有一隻手掌咁大✋
火喉控制得吾錯，食落厚身又實肉
外層酥脆，肉質Keep到嫩滑吾嚡口
最欣賞嘅係，仲附送埋兩碟小前菜
開胃之餘，口感更加豐富添😘
.
【薯餅起司蛋餅 $30】
0.1cm厚既蛋餅，中間包住炸薯餅同芝士😍
蛋香十足，軟綿濃厚嘅芝士伴住脆口薯餅
啖啖薯香，芝士溶漿更係爆哂出黎！
.
【好呷炸物拼盤 $48】
呢款最適合選擇困難症嘅人😜
樣樣補齊，吾洗揀😆
有花枝丸，甜不辣，四季豆同玉米荀
炸至金黃色，酥香金脆
特別係炸甜不辣，入口好煙韌又有微甜，超正😈
.
【蘋果紅茶多多 $28】
甜甜酸酸嘅益加多配上蘋果汁同紅茶底
味道清新，茶底甘香
更Balance到甜度，所以吾會好甜架👍
.
【珍珠黑糖鮮奶 $28】
食台灣菜點少得台灣最出名嘅珍珠奶茶😈
選用鮮牛奶，入口自然超級順滑啦～
特濃牛奶香加上彈牙煙韌嘅珍珠，大讚😎
美味😋，份量足，價錢合理👍🏻 …
又一次來食老厝邊，今天人比較多，等了約半小時，座位和枱都比較窄，環境尚算衞生。
紅燒牛肉三寶麵和紅燒牛肉牛筋麵，味道扁淡，牛𦟌和牛筋都很腍，牛肚就比較有咬口，燙青菜就一般。
另外兩杯台式飲料，尚可，因為我們沒有叫少甜，所以覺得很甜。 …
老厝邊在荃灣開了新分店，地理位置較總店方便😆。店舖共有兩層，環境裝修懷舊挺有特色的，可以打卡一下的📸。餐牌上有多款台灣美食和飲品選擇，價錢不算太貴可接受🙈。
–
💥超濃芋泥蛋餅 HKD$38，這個是店家的招牌小食之一，我也很喜歡吃的😋。蛋餅賣相平凡，但外皮煎香蛋味更香。把蛋餅夾起後，有芝士拉絲效果🤩。芋泥口感軟滑味道不會太甜，另有肉鬆口感豐富，配蛋餅食口感挺好🤤。
–
💥花雕醉雞 HKD$38，這個味道很香的，用花雕酒做的菜式我也喜歡吃🤩☺。這個一份有8件，面頭還有杞子做裝飾。這個酒味突出味道帶點甜味，雞肉肉質煙韌，雞皮爽口不油膩。
–
💥眷村紅燒牛筋牛肉麵 HKD$70，牛筋牛肉鋪滿在麵上，牛肉用了牛，肉質煙韌入味。牛筋很軟身，入口即化的口感。湯底味道濃郁，麵質口感剛好，麵的份量挺多的。
–
飲品點了蜂蜜清香烏龍和蘋果紅茶多多，蜂蜜清香烏龍了珍珠，味道甜甜茶味濃郁，珍珠口感煙韌。蘋果紅茶多多味道酸酸甜甜的，蘋果紅茶味道不會太重。
–
📍老厝邊
荃灣大壩街25號地舖
住喺荃灣嘅空姐朋友話帶我去食好嘢，我滿心期待咁等咗一個禮拜，終於比我等到今日啦！點知嚟到門口已經有十幾人等緊，店員話至少要等多20分鐘先有位，真係等了又等呀！
大腸米線（小）$30
細碗嘅份量都好多，我哋兩個人share都分到每人大約一飯碗嘅份量，味道同阿宗麵線十分相似，可以一解去唔到台灣嘅相思之苦。
香酥排骨便當 $60 + 珍珠熟成奶茶 $ 14 (套餐減$10)
排骨有手板咁大塊， 醃得入味，炸得酥脆！碗飯另外仲有半隻滷蛋同甜甜地口感好似麵筋嘅配菜。便當仲有蒜蓉炒翠玉瓜同麻婆豆腐，豆腐比較硬身，夠辣，淨係食佢都可以食半碗白飯。
我唔知珍珠熟成奶茶同普通珍珠奶茶有乜分別😂，但係好飲嘅。
超濃芋泥蛋餅 $38
蛋餅入面有甜甜嘅芋泥、芝士同埋肉鬆，啲芝士拉絲拉到企喺度都仲未拉斷，可見店家用料有幾慷慨！
台式香腸配大蔥 $30
呢度嘅台灣香腸係炸嘅，上面有啲鹽酥雞嘅調味粉，配埋大蔥一齊食，都幾香口。呢一個比起其他食物相對份量較少。
現煮冬瓜鮮奶 $24
冬瓜茶我就飲得多，冬瓜奶茶我係第一次飲，奶香同冬瓜茶嘅甜味好夾，我覺得幾好飲。
呢度食物份量偏大，味道正宗，價錢唔貴，CP值真係好高呀！難怪lunch咁多人排隊啦！
荃灣台式餐廳，食物份量多，尤其芋泥蛋餅特別好食，芋味出眾，鹹酥雞同三寶麵份量都多，整體算幾抵食。
行完荃灣中心好肚餓，見到呢間有台灣蛋餅食即刻衝入去。真係好掛住台灣啲美食呀。
起司肉鬆蛋餅
OMG真係好中意食蛋餅，滿滿既拉絲芝士同肉鬆超夾，點埋蒜味醬汁係估唔到咁夾。 外皮煎到香香脆脆，食完仲想食，完全唔覺得油膩。
滷肉飯
另一樣必食之選！ 滷肉有肥有瘦，建議真係唔好怕食肥肉，因為真係好好味，鹹鹹甜甜好易入口。
雙醬麵，炸大雞排
麵條好有咬口，估佢唔到，麻醬好香濃。 炸雞熱辣辣，略油但好香口。
麥香奶茶，冬瓜檸檬
冬瓜檸檬好香好香，酸酸甜甜好解熱氣。
好食
叫咗薯餅蛋餅、大腸麵線同經典珍珠奶茶🧋 紅燒牛肉麵我無食到，所以不作評論😂
– 大腸麵線係好地道嘅台灣嘢，我嘅最愛，佢好食，但略貴!
– 蛋餅有啲意外好食，好高質，咁樣配搭薯餅原來幾好食，我都係第一次食蛋餅😂 下次會食肉鬆
– 珍珠奶茶🧋就偏甜嘅，所以如果唔飲開甜野嘅人記得少甜🥳
總括而言，值得排隊等🤓
荃灣呢一間分店都算新，平日晚上時間好彩仲有位坐，佢有分上下兩層，樓上雅座有少少似香港冰室既feel。
兩個人食左家常滷味拼盤, 薯餅芝士蛋餅, 香炸花枝丸, 滷肉飯, 大腸麵線同兩杯飲品, 食咁多野只係食左$210, 一定有下次!
6月試左一次,當時google map未有貼,唔會再食,牛三寶:麵,肚,根,展,超淋,淋到展同肚口感一樣,合埋眼都唔知食緊乜,牛根入口一PET野,全部都無牛/肉味只有汁味,唯一係個麵煮得幾好,我只食哂個麵,其他真係入唔到口,多謝七十幾蚊
台灣味道，價錢合理。
老厝(音：燥)邊
老街坊嘅意思
同老公去荃灣食嘢，諗住食台灣嘢，行吓就見到呢間餐廳，都多人喺門口等，所以我哋都等咗一陣就可以入去，入到去有紙仔俾你填食啲乜嘢，我哋就揀咗一個醉雞，一碗秘製麻辣牛肉麵，同埋一個婆婆招牌麻醬涼麵，一杯鐵觀音珍珠奶茶，一杯芒果鳳梨沙冰，先講咗個花雕醉雞先，黎到佢哋係類似卷蛋咁嘅形狀，完全冇骨，一啖可以擺入口食晒，個人覺得呢個整法方便，啱晒懶人食，而且花雕酒醉味夠濃郁，值得推介呢個花雕醉雞，雞肉好滑溜，唔會鞋烚烚，入口都比較Juice，然後就係秘製麻辣牛肉麵，辣味剛剛好，唔會泰勒，亦都唔會覺得冇味，湯底好濃郁，所以佢本身配菜都好入味，尤其是白蘿蔔亦都好林身，牛肉更加唔使講，佢哋用咗牛展去製作，牛展相當大塊，厚切咁樣，但係入口好軟林林，非常有驚喜，另外麻醬撈麵，雖然個面唔係熱辣辣，但係入口都好好味，因為佢哋個麻醬做得好好👍🏻👍🏻👍🏻最後兩杯嘢飲同普遍台式飲品無異，係個沙冰有少少失色，因為入口唔夠沙冰，似果汁多啲，但係味道唔錯，亦唔會太甜。
餐廳樓底好高空間感十足。午市套餐一個便當加一杯飲品大約$80。落單係自己寫紙仔，好似食車仔麵咁樣。飲品可以揀甜度同埋幾多冰。
秘製麻辣牛筋牛肉麵：非常足料，牛筋同牛肉鋪滿晒成碗面度。辣度適中，唔算太刺激。牛筋入口即溶，牛展充滿牛肉味。麵條都幾爽口，整體而言，唔錯。
香酥炸雞排便當：塊雞扒好大塊，超抵食。仲配有好多蔬菜。雞扒炸得香脆，而且唔油膩，肉汁仲保留到。
薯餅起司蛋卷：味道同口感都非常好，誠意推薦，必點之選。
冬瓜茶：可以消滯解油膩，食台菜必點之選。
珍珠奶茶：經典之選，幾好飲。
食物質素ok, 价錢亦ok.
台灣家鄉味，撫平思鄉感覺👍 …
座位太迫,食物和飲品都ok
來個台灣美食之旅🤤 突然太想食蛋餅
見到呢度有芋泥蛋餅就黎試下
見到下午茶時段就好抵食😬
$39已經有小食加飲品
大腸麵線 $40
分量都幾大碗😆好足料 味道唔會太咸
炸物拼盤 $78
鹽酥雞、花枝丸、魷魚鬚、甜不辣、粟米筍、四季豆
好豐富 夠4個人share
唔會炸到啲野好乾同過多調味 食到停唔到口
超濃芋泥蛋餅 $40
拉絲芝士真係好吸引🤤🤤🤤
芋泥好綿密 呢個組合真係太夾
黑糖珍珠鮮奶 $28
珍珠夠煙韌 黑糖同鮮奶比例幾好
仙草凍鮮奶 $27
好多仙草夠哂抵飲🤣
滿滿台灣嘅味道🤨
之前想食但人太多放棄左，今次平日2點先黎就唔洗等位🤤鋪頭充滿濃濃台灣味，又好想去旅行了🥲
🐷酥炸排骨便當($60)
就咁睇排骨係好大塊，其實可食用位置都係唔多，可能我呢舊比較多肥糕無乜肉🥲排骨炸得香脆唔燶同醃得好入味。😆小食有蒜蓉翠玉瓜同埋麻婆豆腐，份量都唔少完全係可以用黎送飯，而飯係有半隻滷蛋同好似麵筋嘅嘢甜甜地幾好食😋
🐮眷村紅燒牛筋麵($62)
牛筋🐮好淋好入味，但係份量得2舊好少，完全唔夠喉😣蘿蔔都係得一舊🥲麵質爽滑彈牙👍🏻但係條菜🥦勁多沙
仙草凍鮮奶($26) 跟餐減$10🥤
仙草好味清熱解渴😋加埋牛奶一齊好好味🤤
珍珠熟成奶茶($24) 跟餐減$10🥤
珍珠好彈牙，好好咬，奶茶就同出邊嘅冇乜分別所以我唔知熟成同唔熟成係有咩分別😂
推薦？🟡🟡⚪️⚪️⚪️滿心歡喜去食台灣野🥲但係結果我覺得唔係太好食😣除咗份量之外，食物方面亦都唔係話太出色。如果真係要排隊入去食就真係可以慳返啲時間😂
🎈 老厝邊
地址: 荃灣大壩街25號地舖
台灣麵食，份量多，價錢適中，台式小食，款式多，夠傳統。
服務不太禮貌，等食物時間長，如外賣更久。等30分鐘正常。
服務
內用
餐點類型
午餐
❣️麻辣牛筋牛肉麵
佢嘅麻辣係入口立即感覺到，但係又唔會好long lasting! 牛筋入味，入口即溶。牛肉有啲似牛展咁，掛湯😘 湯底好濃郁，比較稠身，岩我口味😉
************************************
❣️花雕醉雞
佢係冇骨嘅醉雞卷😙花雕酒香味十足！皮同肉中間有一層凝固咗嘅骨膠原好似啫喱😙好好食🤟🏼
************************************
❣️招牌超濃芋泥蛋餅
朋友特登唔嗌主食，就係留肚食佢！芋泥打到非常綿滑，有淡淡的芋頭香又唔會太重口。仲有拉絲芝士，配上佢鹹鹹地嘅醬汁！成件事飽肚得來又好似食緊甜品☺️
************************************
❣️仙草鮮奶、百香雙響
飲品可以叫佢少甜少冰😚啱晒鍾意健康既香港人😙飲品嘅款式都好多㗎，味道同出面奶茶舖差唔多！跟餐飲仲抵😌
酥炸排骨便當味道同台灣嘅椒鹽味一樣 好正宗😳
香蔥牛肉起司蛋餅
蛋餅是must嗌 就試下佢嘅特色牛肉啦(•̀ᴗ• )
雖然芝士係拉絲 望落好吸引 但牛肉味道就一般 比較淡
唔夠濃味 雖然有醬汁 但食落都係唔夠鹹 相對個便當就比較遜色꒦ິ^꒦ິ
鐵觀音奶茶
茶味比較濃 尾韻飲到少少澀味 但非常溫和 配上炸嘅排骨 可以解到油膩感˃̶͈ ˂̶͈