蘇媽蘇媽馬來西亞茶餐廳(Kedai Kopi Semua Semua)
營業時間
| 星期二 | 11:30–00:00 |
| 星期三 | 11:30–00:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–02:00 |
| 星期日 | 11:30–22:00 |
| 星期一 | 11:30–00:00 |
服務選項
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
咖啡
用餐選擇
早餐
早午餐
午餐
晚餐
餐飲服務
甜點
設施
洗手間
適合兒童
等好內
非常特別的食物，值得嘗試
蘇媽.蘇媽馬來西亞茶餐室 (荃灣)
.
成日見人食都無試過，今日終於有時間黎試下！
.
▪️檳城福建蝦麵改米粉 ▪️
.
少少辣嘅湯底係無得調整，入面有豬腩肉、通菜、芽菜、蝦、魚片、蛋等，湯底有淡淡蝦香！
.
▪️ 檳城白咖哩麵改米粉 ▪️
.
好重椰味湯底，加上特色辣醬令味道昇華不少。有豆角、芽茶、魚旦、蝦、蛋、豬紅！
.
▪️ 馬拉沙嗲串燒3串 ▪️
.
呢到嘅串燒好有味，有得揀雞牛豬任意配搭，default左就係各一，個醬好惹味！
.
▪️怡保白咖啡▪️
.
聽到隔離枱特登黎食為左黎飲咖啡☕️！
.
📌 蘇媽.蘇媽馬來西亞茶餐室 (荃灣)
荃灣大壩街71號地舖
.
環境：⭐️⭐️⭐️⭐️
味道：⭐️⭐️⭐️⭐️
服務：⭐️⭐️⭐️⭐️
價錢：⭐️⭐️⭐️⭐️
.
檳城蝦麵又香又濃🦐🦐🦐
蘇媽嘅蝦麵比平時一般嘅多咗幾塊豬腩肉片，同埋仲有配埋好香嘅辣參巴醬，蝦麵嘅鮮甜蝦湯底同油麵勁夾
仲有teh Tarik 呢個完美嘅組合😋 拉茶好順滑，好飲。真係有馬拉feel 嘅
地道風味 平靚正快
再訪哩間蘇媽蘇媽位於旺角嘅分店，好鍾意佢哋嘅肉骨茶，真係非常濃味，充滿藥材香，而且用大大嘅黑色砂鍋裝住，價錢好抵飲！今次仲試埋佢地嘅串燒，熱辣辣夠惹味，真係非常唔錯👍🏻 …
食物美味，環境幽雅
食過蘇媽蘇媽好多次，有兩款係每次必點嘅。
辣死你嗎配仁噹牛肉，椰漿飯配參巴醬已經係佢嘅靈魂，仲有青瓜、花生、乾魚仔、蝦片同蛋，正到不得了，最鍾意配仁噹牛肉，唔會太辣剛剛好。
另一推介嘅係椰香咖央多士，麵包烘得香脆，甜甜嘅咖央醬配上香滑嘅牛油真係冇得彈！
服務
內用
餐點類型
午餐
今日又係我銅鑼灣食神，微服出巡嘅時候。今日好感恩，又去到荃灣，呢間餐廳位置就係喺大垻街，蘇媽喺嗰邊街入面。
睇得我食評多嘅人，就必須要講吓泊車先，我附近有位可泊，街王可以睇吓。附近也有停車場。總之嚟都係方便㗎！
間餐廳親民像港式茶記咁樣，但食品水平就高於我的想像。
去荃灣諗唔到食乜去呢間都唔錯㗎，有機會可以試吓。
嘢食好好食，充滿亞洲氣息，馬來西亞，睇得我食評多都知道，我好食唔會講咁多，你哋自己試吓好啲。
餐廳比較建議係晚市外賣因我鍾意，大家睇吓相就知道好食啦，試吓保證冇問題
整體上去啦，唔錯！
#銅鑼灣食神 #銅鑼灣食神駕到
💕 性價比高❗️世一咖央多士🍞‼️😍❤️
–
每次經過都見到有人排隊，今日難得唔洗排，即刻試吓先🤣果然性價比高，零失望‼️
–
💕 椰香咖央多士🍞 $32
👅好味指數：9.8/10
必食‼️世一❗️食過咁多間最好食係佢～
每枱一係就叫依個，一係就叫鴛鴦燒麵包🥯
即叫即整❗️多士烘得金黃色 勁香脆😍
咖央醬+ 冰凍既牛油🥺就好似雪糕麵包咁，冰火交融🥺
咖央醬偏甜小小，好香椰汁班蘭味🥥
真係一試愛上🥰下次會試埋鴛鴦燒麵包，聽聞係焦糖麵包黎😍。
–
💕 怡保雞絲湯河粉 $58
👅好味指數：8.5/10
湯底係好清甜既雞湯☺️食完都唔頸渴
配料有蝦、魚片、韭菜、芽菜、雞絲
都好足料，想食番個清淡啲既粉就可以揀呢一個。
–
💕 辣死你嗎配咖哩雞肉 $62
👅好味指數：8.8/10
配料有参巴醬、青瓜、花生、乾魚仔、蝦片、蛋
睇個名以為成個飯會好辣，原來比佢呃左😛
青色椰漿飯真係好吸精😂椰香味唔算好岀，但重點在参巴醬，配飯一流😍，参巴醬睇落以為好辣，實質佢係有少少似沙嗲醬，不過唔辣版本，又好惹味～
咖喱雞肉有4-5大件，小小辣，肉質嫩滑，仲有雞汁雞油😳
–
💕 馬來西亞拉茶🧋 跟餐$20 ($27)
👅好味指數：8/10
用糖同煉奶沖成既奶茶，所以味道會偏甜啲，重奶味質感香滑。
–
環境：8/10
服務：9.5/10
整體味道：9.5/10
回頭率：9.5/10
–
❣️營業時間：
星期一至日：12:00-20:30
–
📍 蘇媽.蘇媽馬來西亞茶餐室 (荃灣)
荃灣大壩街71號地舖
［荃灣正宗馬拉風味蘇媽蘇媽］
突然好想食咖央多，醒起荃灣蘇媽都未試過，yeah唔洗等位就試試佢先～
椰香咖央多士
$32
多士烘得香脆，食過甘多間咖央多，蘇媽呢款特別有椰香口感更順滑！
湯咖喱麵 米通粉
$58
有魚肉卷、魚蛋、芽菜、薯仔、豆角、豆卜等配料。長長口感軟滑嘅
米通粉幾特別，而且吸晒惹味嘅咖喱湯汁，食到甘上下辣後勁都唔惹少
招牌砂煲老鼠粉
$88
大大煲鑊氣十足，老鼠粉即銀針粉，拌勻魚仔乾、菜甫、生雞蛋、肉碎、炸蒜一啖放入口，口感豐富惹味～
馬來西亞拉茶
麵食加$20
口感順滑唔算太甜，不錯！
蘇媽.蘇媽馬來西亞茶餐室 (荃灣)
荃灣大壩街71號地舖
這間蘇媽.蘇媽馬來西亞茶餐室位於荃灣大壩街嘅店舖，而加去唔到旅行都可以食到道地嘅食物☺，店面環境好有馬來西亞風味🤔，每一款嘅食物都好有當地嘅味道特式，而食物嘅水準都算唔錯!
.
椰香咖央多士 $32
呢碟咖央多士係店舖必食之一🤔
，金香脆口嘅外皮😙聞到椰香，咬入口相當之脆口配埋D咖央醬😋，帶點外脆內甜香我覺得真係唔錯!
.
檳城福建蝦麵 $62
油麵
呢一碗福建蝦麵賣相味道好有當地味道🤔望著好似好好味，配料有豬腩肉 、通菜 、 芽菜 、 蝦 、魚片 、蛋份量十足😮，豬腩肉隔住每一層都好入味帶點腍身😋，蝦肉大大隻都好鮮味帶點爽口，魚片口感爽口完全唔覺得有腥味，尤其是佢嘅湯底味道十分之濃郁好重蝦香味😙😋，而味道夠哂惹味配埋D油麵食更加美味👍值得一試!
.
湯咖喱麵$58
米通粉
呢一款咖喱麵賣相吸引🤔，色香味😙😋都有，佢嘅配料有豆角 、 豆卜、芽菜 、薯仔 、薄荷葉 、魚蛋 、魚肉卷、酸柑汁，第一啖辣口佢嘅湯底味道好香咖喱味😙夠哂濃郁又惹味😋超正，佢嘅米通粉賣相特別🤔，食到入口口感煙韌沾滿D咖喱汁更加好味道😋!
.
熱馬來西亞拉茶 跟餐$17
凍冬瓜龍眼茶 跟餐$25
呢兩杯飲品好有當地嘅味道🤔，
拉茶味道都好有特色，杯面滿滿嘅泡沫😮散發拉茶嘅香味😙而味道都幾好😋!
冬瓜龍眼茶望著冇乜特别🤔，飲到入口味道帶點清甜味😋，有冬瓜清潤龍眼嘅香甜😙，兩者十分之相配一凉一燥真係幾好!
蘇媽.蘇媽馬來西亞餐室
中午去左間馬來西亞餐廳
聽講好特別就入去試下
入到去牆上掛滿餐牌既書法
好有特色風味
怡保雞絲湯河粉
勁多雞絲 配料有蝦.魚片.韭菜.芽菜
令到湯底勁鮮甜
不辣首選
馬拉沙嗲串燒/6串
兩串豬/牛/雞
岩岩燒起 香噴噴 有配馬拉沙嗲醬
口感軟滑外脆內軟
唔會燒到乾 保留左本身既味道
配埋沙嗲醬
椰香咖央多士
有別香港既多士
咖央醬 清甜得來唔會太濃稠
配上岩岩焗起既士多 係一個新奇配搭
馬來西亞拉茶（凍）
飲開奶茶既都可以去試下
拉茶 飲落特別滑特別香
茶味濃 會有種香料既甜味
漫長的第五波疫情，快令人忘了以前堂食晚市的熱鬧。放寬的第一晚，相約好久不見朋友品嚐地道正宗馬拉菜。
招牌砂煲老鼠粉
上枱熱辣辣焦香味噴人，有流心雞蛋、魚乾、蝦乾、肉碎、豬油渣、蔥、乾蒜再加蒜蓉更惹味以砂煲上菜，賣相可人，配料豐富，食前撈勻，非常有口感，調味唔錯，鹹香十足。
咖央多士
馬來菜少不了點咖央多士，多士厚薄適中咬落香脆，加配牛油咖央椰香味濃郁。
通菜
每餐必要有蔬菜均衡飲食，翠綠通菜配炸醬及炸蒜，談不上特色。
美祿恐龍
星馬特色飲法，外表吸引，由一杯冰鎮美祿加上未溶解的美祿粉末，甜甜地消暑冰飲。
椰汁斑蘭冰
斑蘭糕點或蛋糕較常見，飲料還是少見。白白綠綠帶點聞到斑蘭清香，飲到的濃濃甜甜的椰汁，消暑解渴。
唔經唔覺蘇媽蘇媽已經開到成行成市 今次幫襯既荃灣店同一條街開左兩間舖 想講佢出菜仲快過快餐店 五分鐘黎齊曬 真係唔知好事定壞事😹
🐭招牌砂煲老鼠粉 $88
黎到已經聞到黑豉油香氣 砂煲充滿魚乾仔 肉碎 炸蔥蒜 豬油渣 窩蛋 撈埋煙煙韌韌既老鼠粉唔會太濕太油 鹹鹹地幾香口邪惡 可惜食到最後有d痴底😈 食食下覺得有d似食緊乾炒牛(河) 唔算用上咩好特別既配料 值唔值$88就見人見智啦🤣
☕大雜錦肉骨茶 $148
無限任添肉骨茶! 一落完單即刻每人有一碗熱辣辣肉骨茶飲住先 有別於新加坡果種重胡椒味既肉骨茶 馬來西亞既肉骨茶比較重藥材味 但當然冇正宗咁濃烈 對香港人黎講幾易入口👌🏿 個煲啖啖肉好豐富 有棒棒骨 腩肉 豬手 豬肚 雞腳 豆卜 金菇 油炸鬼等等 點埋個自製蒜辣醬幾惹味😋
🍜檳城亞參喇沙 $58
原來係酸辣既魚湯 唔係平時好重椰香果重喇沙 配上魚蓉菠蘿洋蔥等等中和左辣味 變成酸酸甜甜 唔係太岩我口味🥲
🧉馬來西亞凍拉茶 $20
蘇媽蘇媽好抵食又好味😋😋
勁鍾意🍞 海南鴛鴦燒麵包 （$42），好香脆好好食㗎～ 仲有恐龍阿華田🥰 …
沒有旅行的日子，真的會住掛住馬來西亞菜，見到蘇媽•蘇媽，決定在這裏晚餐，尋找馬來西亞味道。
晚上八時多，仍很多人在這裏用餐，還好不用等位。牆身掛滿很多馬來西亞食物和地標照片，像極了旅行打卡照。
怡保雞絲湯貴刁$58，估不到雞絲湯超好味，以為湯底清清的應該很淡，喝下去味道超香濃，見到粒粒蝦子在湯底，配料有蝦、魚片、韭菜、雞絲、牙菜，喜歡魚片彈牙有魚香；蝦雖然細隻，但十分新鮮爽口；雞絲份量也不少，拌在滑滑的貴刁，吸收香濃湯底味道，十分好吃，高度推介的一碗湯粉！
檳城亞參叻沙米線$58，配料有魚蓉、紅洋蔥、青瓜絲、菠蘿、辣椒、薄荷葉，雖然湯底味道偏辣帶微酸，因為有很多香草和蔬菜在湯裏，辣得來又吃到清新氣息，頗特別的味道，能吃辣的人可以試試。
馬拉沙嗲串燒3串$48，豬牛雞肉各一串，燒得夠乾身，但吃下去又不會覺得很乾，口感就像牛肉乾豬肉乾小吃，咬著就令唾液分泌，點沙沙嗲醬吃，增添一點香辣味道。
椰香咖央多士$32，美味得令人念念不忘的甜品，因為加了椰漿，味道香甜，比起一般咖央醬的甜味更易接受，揮發完椰香，還有蛋香，咬著脆脆的多士，真的非常好味，必點的小食。
覺得這裏的食物味道還不錯的，最推介椰香咖央多士，可以回味馬來西亞旅行的快樂時光。埋單沒有加一，算是經濟的晚餐呢！
越開越多分店 喺荃灣同一條街都有兩個舖位嘅人氣馬拉菜餐廳💛 價錢親民 唔洗加一是重點
˜”*°•招牌砂煲老鼠粉($92)•°*”˜
最鍾意食銀針粉 每次黎都必食嘅招牌菜 重口味之選👍🏻 原個砂煲上熱辣辣🔥 入面有雞蛋🥚 蝦米🦐 豬油渣🐷 魚乾仔🐟 豬肉碎同蔥花🌱 記得趁熱嘅時候攪勻隻蛋同埋以防銀針粉痴底 味道濃郁口感豐富
˜”*°•海南鴛鴦燒麵包($45)•°*”˜
又係每次必點 超邪惡之選😈 睇到嗰塊厚厚嘅鮮牛油都知道正🧈 兩塊焦糖麵包烘到又香又脆🍞 入面搽滿甜甜嘅咖吔醬 一咬落去啲醬多到咇出黎 非常好食😋
˜”*°•辣死你媽配咖喱雞肉($66)•°*”˜
可以選擇配仁噹牛肉🐮 咖喱雞肉🐔或者參巴魷魚🦑 中間翡翠綠色嘅椰漿飯雖然椰香味欠奉但超級吸睛🥥🍀 旁邊仲有花生🥜 魚乾仔🐟 蝦片🦐 雞蛋🥚 青瓜🥒 同埋參巴醬🌶️ 個醬係成個飯嘅靈魂 甜甜辣辣幾惹味 不過咖喱雞乾左啲唔係好夠咖喱味
˜”*°•檸檬薏米水($32)•°*”˜
跟餐價$28嘅檸檬薏米水🍋 超多薏米 口感煙韌
而且超濃檸味夠晒酸 解渴之餘仲可以美白怯濕去水腫
⭕️ 蘇媽.蘇媽馬來西亞茶餐室 (荃灣)
荃灣大壩街71號地舖
下午茶時段，有7折折扣，馬來西亞食品，味道不錯，值得一試🤗
服務
內用
餐點類型
午餐
看到人們排隊但嘗試了這些。飲料很熱而且很好喝。白咖哩湯麵很熱，但裡面的食物不熱。對我來說也是如此。
荃灣的檳城特色餐廳
荃灣大壩街這一帶都比較多餐廳，今日揀了食馬來西亞餐廳。
餐廳從門口已經見到古色古香，裝修很雅緻。
餐廳有特色的馬來西亞粉麵飯及小食。
檳城亞參叻沙米線
裏面有魚蓉、青瓜、生菜、紅洋蔥、菠蘿 、辣椒、 薄荷葉， 比平時食的 米線多了一份酸甜清爽的味道，好特別也好惹味的檳城風味。
辣死你嗎配仁噹牛肉
裏面配有椰漿飯、參巴醬、青瓜、花生、乾魚仔、蝦片、蛋……
食物上枱，最搶眼的，就數綠色的椰漿飯，翠綠的顏色很養眼，入口帶淡淡的椰香味，是很特別的馬來西亞特色味道。
仁噹牛肉份量都算頗多，入口軟軟腍腍又煙韌，腍度剛剛好，不用點醬都已經很入味。
還有魚仔乾，味道甘苦中帶著香脆。
還有青瓜、花生、蝦片、蛋 ……等， 食落清新，多款式，又美味！
椰香咖央多士
咖央多士味道甜中帶小小椰香，入口外脆內帶香甜，也是很清新的馬來西亞特色味道。
峇拉煎炸雞翼
峇拉煎炸雞翼有4件，顏色啡金的看到已經很吸引，外脆內裏軟嫩多汁的！！ 香脆可口~，美味~~
202209 茶記格局一個主食，兩杯嘢共收2舊幾，味道肯定同新馬嘅食市有一段好明顯嘅距離，自己試過就算。
服務
內用
餐點類型
晚餐
味道不錯！
係荃灣搵馬來西亞野食真係唔多，我印象比較深和好的，得蘇媽蘇媽， 口痕的我又掛住咖央多士了，見放工心情唔錯同謙謙嘆返件先。
來到蘇媽， 第一件事緊係飲啖他們的肉骨茶暖一暖胃先， 飲一口香濃藥材味，冇味精掂喎。
之後緊係叫我至愛的椰香咖央多士， 多士烘得香脆可口夾著咖央醬微甜和牛油簡單直接好味。
再來謙謙叫左招牌砂煲老鼠粉， 來到時香氣撲鼻， 肉碎金蒜蝦米拌勻， 一啖過幾滋味。
鍾情有點辣的我，叫左辣死你嗎配仁噹牛肉， 個椰漿飯帶點斑蘭香，有香口的花生，乾魚仔，脆口的蝦片， 爽甜的青瓜，仲有雞蛋，重點係有參巴醬， 個牛肉醬汁濃郁帶點香辣，配椰漿飯一流。
位於荃灣大壩街71號地舖的蘇媽.蘇媽馬來西亞茶餐室 Kedai Kopi Semua Semua，主打馬來西亞菜。吃過的朋友都說，這餐廳的性價比頗高，所以來慕名試試。
棒棒骨 （肉骨茶）- Baby Pork Leg – $92
肉骨茶味道十分濃郁，就算添飲了幾次，整體味道也不會忽濃忽淡。肉味和藥材味濃厚，而且整體味道平衡，雙方都不會蓋過互相的風頭。
辣死你媽 （椰漿飯）- Nasi Lemak
配仁噹牛肉 （Rendang Beef）- $62
朋友喜愛當中的仁噹牛肉，充滿馬來西亞風味，伴飯一流。牛肉能嚐到香料的味道，舌頭還能感受到少許粗粒香料的質感。
配料還有香脆的炸小銀魚、炸花生及蝦片，令整個椰漿飯感覺更為香口。
椰香咖央多士 – Kaya Toast – $32
多士即點即製，上桌時還是熱騰騰的，多士表面烘成金黃色，脆卜卜，相當誘人。咖央醬味道清甜，還有椰子的香氣。
怡保白咖啡（凍）- $20
Ipoh White Coffee（Iced)
馬來西亞的咖啡都是偏甜的，但咖啡味則十分十分濃厚。
服務
內用
餐點類型
晚餐
呢日約左媽咪去荃灣行街，媽咪想食馬拉菜，第一時間就想起蘇媽，因為好味又抵食。
.
🦐檳城福建蝦麵 $66
個蝦麵好正宗，湯底好濃郁帶點微辣，而且好香蝦味，d油麵吸收晒湯汁，幾惹味。配料都好多，有豬腩肉片、蝦、芽菜、通菜、魚片、雞蛋。
.
🐥怡保雞絲湯河 $62
雞湯幾香濃，入面重有好多蝦子，令到個湯更惹味。配料有蝦肉、雞絲、魚片、韭菜、芽菜，湯河吸收晒香濃的雞湯，清清地很不錯。
.
🍞椰香咖央多士 $35
多士烤得好香脆，食落外脆內軟。入面夾心的咖央和牛油剛剛好，食落好滋味，又不會有膩的感覺。
.
🫖烏龍茶 (跟餐$16)
🍋凍檸檬薏米水 (跟餐$28)
烏龍茶係支裝津路，可以一解油膩感；凍檸檬薏米水幾大杯，酸酸甜甜，清涼消暑。
肉骨茶幾多料! D肉都好大件! 可以食飽!飲飽!
食物ok價錢一般貴,地方小了點久坐不舒服。如為試馬拉食品也值得一去。
野食一般
以前蘇媽蘇媽淨係得深水埗有嘅時候已經成日幫襯，近年見佢越開越多，真係好開心。
檳城亞參叻沙米線 $62
一定要問店員拎蝦膏醬，因為加咗蝦膏醬嘅湯底更加鮮甜。亞參叻沙個湯底加入左羅望子同亞參果，令到酸味更突出，同埋用魚蓉同菠蘿代替常見嘅魚片魚蛋，所以同一般喇沙嘅味道好唔同。鍾意食酸嘢開胃嘅朋友可以試吓，呢個味道唔係度度有㗎！
檳城白咖喱麵 $62
奶白色嘅湯底旁邊有一匙羹嘅特色參巴醬，攪勻之後令白咖喱湯底更惹味，難怪餐牌要寫明唔建議走辣。配料方面有豆角、豬紅、魚蛋、蝦仁、雞蛋同芽菜，相當豐富。
海南鴛鴦燒麵包 $45
烘到脆卜卜嘅焦糖味麵包夾住厚切牛油同香甜嘅咖吔醬，真係超邪惡超好味！
馬來咖喱酥 $52
一客有四件，可口鬆脆嘅酥皮包住咖喱味嘅薯蓉同絞碎嘅雞肉，外型似餃子，味道同口感似samosa。
檸檬薏米水 $28（跟餐價）
每次去蘇媽我都一定會飲，因為啲薏米好好食，口感煙韌，越咬越甜，而且檸檬薏米水有祛濕、消腫、排毒以及美白嘅功效，越飲越靚！
冬瓜龍眼冰 $28（跟餐價）
真材實料之作，除咗龍眼肉，仲有一條條甜甜哋嘅冬瓜條，天氣咁熱，好消暑。
肉骨茶-豬腳彎：正宗馬來西亞風味，藥材味濃，顏色深，苦澀中又帶少許鮮甜，而且可以無限refill的。豬腳彎熬得軟腍入味。
辣死你嗎配咖哩雞肉：飯粒加入了斑蘭、椰漿，入口清香，蘸參巴醬更會帶點辣感。咖哩雞肉惹味香辣，但略嫌肉質有點「鞋」。另外附有半隻雞蛋、乾魚仔、蝦片、青瓜和花生，頗為豐富。
椰香咖央多士：麵包烘得香脆，中間的咖央醬更是精華所在，塗得夠厚，入口香甜重椰味。
馬來西亞拉茶：據講起泡越多，味道就越好，熱飲杯上的確起了一層高高的泡沫，飲落茶味頗為濃厚。
他們提供普通的馬來西亞食物，非常簡單的東西。這個地方裝飾得很漂亮，但不一定有很好的品味。午餐時間有時人滿為患。
食物有特色，員工親切友善，價錢ok
下午茶好抵，全單7折， 好食夠份量
要揀選我最鍾意食嘅馬來西亞餐廳，當然要數算蘇媽蘇媽！平時得閒都會同朋友食下。裏面嘅馬來西亞菜感覺上好正宗，平時出邊食唔到，款式又夠多，價錢又合理，味道又夠晒特色，真係難怪平時都人山人海。
斑蘭咖央多士
馬來西亞獨有的班蘭味道
超有特色 多士經過香烤
斑蘭醬咖央香噴噴 甜絲絲的 味道夠清新香口
玻璃魷魚配通菜
魷魚配通菜好夾 加埋馬拉盞 少少辣
玻璃魷魚 一啖一塊 非常有質感
檳城福建蝦麵
大大隻海蝦加埋魚片半隻雞蛋同埋通菜
用了豐富性價比高 湯底濃郁 加埋香蒜
係最正宗嘅檳城口味
美祿恐龍
細細個就鍾意飲 貪佢營養價值高
每次食馬拉野又點少得美祿 超多美祿粉灑喺面
大大杯加冰唔會太甜 解渴之
［荃灣］蘇媽.蘇媽
.
百吉爹肉骨茶（豬腳彎）
食剩指數 0/100
呢度既肉骨茶幾出名
肉湯幾鮮甜
唔會太勁藥材味
豬腳彎無骨
肉肥瘦適中
唔會油膩
湯飲完仲可以無限添飲
.
椰香咖央多士
食剩指數 5/100
多士烘得好鬆脆
夾住咖央醬同牛油
好有椰香
又唔算太甜
.
砂煲老鼠粉
食剩指數 0/100
老鼠粉其實即係銀針粉
配上豬肉碎、魚乾、豬油渣同雞蛋
撈埋之後好香
銀針粉有口感
加左咁多配料好濃味
砂煲keep到熱度
食到最後都唔怕凍
.
檳城香炸滷肉卷
食剩指數 2/100
第一次食滷肉卷
外面係腐竹包住
入面係芋頭同肉碎
好似中式點心鮮竹卷咁
上碟時有個辣醬
辣度都幾辣
不過加少少又幾過癮
.
美綠恐龍
食剩指數 0/100
美祿恐龍係美祿加上未溶既美祿粉整成
簡單來講係好濃既美祿
係大家必定飲過既味道～
蘇媽蘇媽特色餐廳，內裡裝修特別，別具一格，荃灣鋪有兩間鋪，完全唔怕無位，餐廳職員服務周到，野食好味
SAT 4:44pm 聖誕假期直入重有位
呢個時間諗住食個多士飲杯野
點知有人要肉骨茶
咁就叫喇
先黎個湯
呢個湯係重點即係肉骨茶
唔夠可以加湯
一字骨肉骨荼
椰香咖央多士
桔仔話梅冰
美綠恐龍
埋單 $228
係好味嘅
不過感覺上深水埗同旺角個一字骨煲個湯
比起荃灣個硬香濃
好食
時不時嚟幫襯，好味正宗馬來西亞菜，10分推薦！地點好就腳😍
服務
內用
餐點類型
午餐
咖吔多同肉骨茶全港最好味！！
蘇媽蘇媽聽就聽得多，今日係我第一次嚟食😆 我終於明白點解佢越開越多☺️
椰香咖央多士 $32- 原本我唔知咖央係咩嚟，咬咗第一啖之後我好有興趣知😳 有椰漿、蛋、砂糖同牛油🧈等材料隔水加熱撈勻做成🤓 呢個真係好好味，包脆得嚟鬆軟，又唔會覺得乾，好食過奶醬多添🥹
馬拉沙嗲串 (6串) $88 – 相對有啲貴，不過現加真係好少地方有得俾我咁坐底食沙嗲串燒🤓 佢啲沙嗲醬真係好好食😋 同埋下午茶時間全單有7折，所以都okay😙
蜜汁燒全雞翼2隻 $48 – 呢嗰食得到佢嘅心思，係即刻燒咁❤️ 外皮脆，入面又好熱🤓
魚仔醬蘿蔔糕 $48 – 魚仔醬係XO醬嘅朋友，如果蘿蔔糕細粒啲應該仲正😙
椰汁班蘭冰 $36- 好特別好特別，一啲都唔伏，原本見佢綠色，心諗一定係大伏，但又想試下😂 完全係斑蘭千層糕嘅味😍 都真係幾好味
美綠恐龍 $36 – 現加好多地方嘅飲品都落勁少粉，沖咗加埋冰係完全無味咁滯😅 但呢杯好足料好濃味😍
咖央多士同兩杯飲品我下次一定會encore😚
這晚帶了大半年沒見面的朋友來吃晚飯。數數手指，已有七年沒有再到新加坡旅行，的確需要吃新加坡菜，以慰藉思鄉之苦。
先來一客百吉爹肉骨茶(棒棒骨)。這兒提供馬來西亞口味的肉⻣茶，當肉骨茶倒進碗裡，藥材香氣便撲鼻而來，有當歸，杞子等，聞著也醒神，喝一口更暖身。棒棒⻣有三大條，肉質軟腍而入味。順帶一提，肉⻣茶是可以添飲的哩。
辣死你嗎配咖哩雞肉，即是椰漿飯配咖哩雞。綠色的椰漿飯，椰香味未算十分強勁，但帶雞皮的咖哩雞件送飯一流。碟內還有脆口之物：乾魚仔，花生，印尼蝦片，很對辦！
砂煲老鼠粉是用砂煲奉上，熱度足夠。而裡面有銀針粉，菜脯粒，肉碎，蝦乾，蔥花等，還有一隻生雞蛋給你伴勻。由於砂煲很耐熱，當伴勻後，銀針粉便會沾滿蛋絲，連同其他配料一起吃，既惹味，也增加口感。
至於椰香咖央多士，咖央醬是滿滿的夾在兩片多士的中間，多士頗脆，教人滿足。
飲品點了熱冬瓜龍眼茶，凍拉茶。熱冬瓜龍眼茶的甜度不太高哩。
將來一定再來的。
天口熱，真係唔知食乜好，諗咗一陣，馬來西亞咁近赤道，食馬拉菜一定無有錯，所以就揀咗去食蘇媽馬來西亞餐室。 作為間連鎖經營餐廳，我對佢本身唔抱有太大期望，望餐牌，全部都係濃味食物，既然係咁，我就揀咗仁噹牛肉撈麵（油麵）同埋肉骨茶。 牛肉撈麵，你見到個樣都知好食。啲牛肉燜到入唒味，配上馬拉咖喱汁以及蘇媽嘅秘制辣醬，成碗麵撈埋一齊嘅味道係絕對係銷魂開胃。肉骨茶好足料，而且蘇媽驚你唔夠飲，俾你可以無限refill，抵飲！
服務
內用
餐點類型
晚餐
第二次來囉！這次也是中午前來，不用等位置。
大雜錦肉骨茶 $148
上一次沒試肉骨茶，一直都想試，點了個大雜錦，甚麼都有，有棒棒骨、豬肚、三層肉、雞腳、豆卜金菇配埋油炸鬼。點了之後會上肉骨茶淨湯，藥材味挺重，但又不會覺得苦澀。在肉骨茶來之前，用桌面上的調料包括蒜蓉、辣椒、黑醬油和頭抽調好需要的醬料，肉骨茶上菜後就可配着吃啦！大雜錦絕對要2人分享，裏面的湯比起肉骨茶淨湯來得清澈，藥林味沒那麼重，豬肚、雞腳、豆卜都很入味，沾上醬料吃更滋味呢！
海南鴛鴦燒麵包 $42
因為預知大雜錦肉骨茶份量多，另外點了個小吃海南鴛鴦燒麵包，用馬來西亞焦糖海南麵包，裏面抹上牛油和咖央，牛油是有兩大塊，超級邪惡！但吃下去也沒有覺得很膩，牛油冰冰的好適合夏天吃。
蘇媽.蘇媽….荃灣店位於大壩街….大大的招牌非常好找…..餐廳座無虛席….係門口等左一陣就已經有位…..牆身掛滿很多馬來西亞食物和地標照片….餐牌主要有肉骨茶….湯粉麵….主菜小食等等…..價錢唔貴….店員會先送上熱湯……先來一碗肉骨茶…肉骨茶裏面有多種藥材….一字骨有好多條…….加埋佢特製醬油…..有入口即溶的感覺…..再配上這個醬汁…….豬肉味道發揮得淋漓盡致……正!!仲點佐又驚又喜又辣既米通粉…好入味!!仲有燒雞翼…同樣出色!!最後再加杯拉茶解解辣….爽!
呢間人氣餐廳開咗咁耐一直冇試過，因為次次都好多人等位。琴日終於吼佢十二點一開門入去食咗😆
砂煲老鼠粉 $88
上枱賣相好吸引😍，好多種材料：肉碎、炸咸魚仔、蝦米、炸蒜粒、蔥花等。一上枱即刻撈勻隻生雞蛋，將所有材料搬入老鼠粉，即刻香噴噴，呢個砂鍋老鼠粉好惹味😋，而且食到尾都可以保持溫度。
百吉爹肉喝茶 $56
我哋試咗一個小鍋的，揀咗豬腳彎呢個部位。店員會先送上熱湯，呢度嘅湯藥材味同肉味都幾平均😋，唔會話太重藥材苦味。豬腳彎呢個部位帶有少少肥膏，肉質軟腍，而且連埋充滿膠質嘅豬皮😍，食完嘴唇有黏黏的感覺。
檳城香炸滷肉卷 $56
呢個卷裏面除咗滷肉，原來仲有好多芋頭，加埋一啲爽爽地嘅類似醃蘿蔔嘅粒粒，用腐皮包住炸得香口，幾有口感👍🏻，沾上隨碟附上嘅辣椒醬更加惹味😋，但係唔食得辣嘅人會覺得好辣。
1️⃣砂煲老鼠粉$88: 砂煲上熱辣辣，要小心燙口💥老鼠粉就是銀針粉，入面有魚乾仔，蝦乾，肉碎等材料，再撈勻中一隻生蛋一齊食，有少少咸香味又口感豐富😋
2️⃣怡寶雞絲湯油麵$58: 食咗濃味既老鼠粉，就食返個清清地嘅油麵啦，魚片和鮮蝦，加埋腐竹，芽菜～
3️⃣海南鴛鴦燒麵包$42: 麵包烘得脆脆的，顏色好似朱古力咁～餡料是牛油跟咖哋醬，甜甜地幾好食😋
4️⃣馬來西亞拉茶（凍飲跟餐$20）：怕甜嘅我揀咗少甜，味道就啱啱好好啦！似平時飲嘅奶茶咁，口感好滑～
好鍾意食佢既咖咉多，牛油同咖咉一比一，超正！！雞絲湯河個湯好清甜，河粉好滑，好大碗超飽！！
服務
內用
餐點類型
午餐
其實每次同朋友去食新加坡菜我都會去呢間餐廳！點解呢因為入面每道菜都大碟又抵食！如果你會問我會介紹邊幾道菜，我就比真心推介你啦！必食嘅一定係加央多士同埋肉骨茶。佢個肉骨茶係無限任添，入面藥材超級足料，我覺得超抵飲！加央多士牛油同埋加央嘅平衡啱啱好，超級香口，個外皮仲要烘到好脆！再配返一杯美祿恐龍真係好正～
其他小食都唔錯，鍾意食辣嘅可以叫一碟辣死你媽，其實講真唔係好辣～特別鍾意佢嗰啲馬拉醬同埋蝦片！印度薄餅點吓咖喱又幾好食，同埋應該要試吓佢新加坡獨特嘅小食~好特別，係其他餐廳好難食到