牛大人 (荃灣) Masterbeef (Tsuen Wan)
營業時間
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–00:00 |
| 星期六 | 12:00–00:00 |
| 星期日 | 12:00–00:00 |
| 星期一 | 12:00–23:00 |
服務選項
外送
外帶
內用
無障礙程度
無障礙入口
無障礙洗手間
無障礙座位
無障礙電梯
產品/服務
吃到飽
有機料理
宵夜
酒精飲料
啤酒
提供素食料理
用餐選擇
午餐
晚餐
餐飲服務
甜點
座位
設施
兒童高腳椅
洗手間
適合兒童
Wi-Fi
提供免費 Wi-Fi
氣氛
環境舒適
客層族群
適合闔家光臨
規劃
接受訂位
付款方式
信用卡
簽帳金融卡
NFC 行動支付
信用卡
和牛牛丸，有驚喜
好耐無返荃灣，今日一家人返荃灣順便食自助餐，大鴻輝中心基本上有超過5間自助餐廳，因為比佢吃到飽嘅字吸引，所以揀佢。揀極上和牛套餐，7:30前離座的價錢都係$238/位，無需加一，性價比高。
10款湯底，單款無需加錢，兩款湯底另加$50，因為屋企人唔食得辣，所以選擇番茄湯。點餐數QR code，方便一家人各自點自己鍾意食嘅菜。
服務好，上菜速度超快，一般三至5分鐘已全部上齊，啲夥計又經常買來幫我哋收啲碟，成日問需唔需要茄湯底，依家啲餐廳都好少有咁充足嘅夥計服務啲客。
每台送一客和牛牛丸，好juicy，牛味濃烈，牛肉彈牙，係我食過最好食嘅牛丸。
必食安格斯牛小排，生嘅時候肥膏呈現雪花形，熟咗之後肥膏晶凝通透，嫩滑有少少溶化感，所以前後總共嗌左10碟。
脆肉鯇魚亦有水準，另外，餃子都有4-5款，款款都唔錯。
蟹子墨汁漿、真味牛肉漿、澎湖花枝漿、台灣海鮮漿、手打旗魚漿，本本都有特色，蟹子墨汁最彈牙。
炸魚皮十分薄及脆，唔會太咸，空口食或放湯滾一滾都各有口感。
最估唔到係台灣滷肉飯，水準有驚喜，阿仔食咗兩碗。
飯後每人一個雪糕，好在甜品係另一個肚，如果唔係真係有啲飽到食唔落。
食物還可以，服務就好好。值得讚
跟老公返荃灣探奶奶，老人家好耐冇食打邊爐，今日帶佢試新嘢~ 台式火鍋。
荃灣眾安街大鴻輝中心除咗可以唱卡拉ok，仲有好多食店，《牛大人》今期熱爆，出名食物好、服務好，位於16樓有靚景，手機選菜，方便快捷。
這店特別之處是火鍋底有濃味的牛骨鍋，也有清清地素湯底，仲有台式的，當然有麻辣湯底……
我們揀咗台灣鳳梨雞鍋拼四目養生素食鍋，鳳梨雞鍋有半隻春雞，加上甜甜鳳梨味，感覺好特別。
四目養生包括杞子、菊花、蟲草、龍眼….. 絕對係一個養生鍋食到後段 依然好香菊花味。
澳洲極上和牛套餐(吃到飽)一定要試，和牛任叫已經抵返曬，
且每人送兩粒和牛牛丸，平日怕韌唔食牛丸的我，今次都愛上了”和牛牛丸”，
除了爽口彈牙，仲可以食到牛的脂肪香味，正！
澳洲和牛M5牛肩肉也是要讚。
安格斯特選牛板腱
牛胸爽原來是這個樣子，今次第一次吃，淥完之後有少少似花膠，爽爽地好好食。
手切封門柳，記得唔好淥得太耐，牛肉味香濃。
豬雪花肉片~爽口。
牛媽秘製滷大腸/
牛媽秘製滷牛筋/
牛媽秘製滷牛肚
樣樣好食，最正係豬大腸，一啲都唔韌，邪惡脂肪好吸引。
豐原排骨酥，淥完依然仲有炸排骨的香味。
珍味牛肉漿~ 唔揀其他都要試下牛肉漿，確實爽口彈牙。
海蝦夠鮮甜，花膠夠滑夠淋。
沙白堅大隻，脹卜卜。
水蓮是特別的，除了出面凍櫃蔬菜，這個是需要入機揀選。
台式蝦餃及台式蛋餃也要一試。
花蓮手工小雲吞及爽脆炸魚皮是指定火鍋佳品，欣賞你有即炸午餐肉，是小妹喜愛的火鍋食品，食得出是靚午餐肉，並不是那些一般粉質較重。
即食小吃都點了一些，
香脆士林鹽酥雞，
肥美真豬小香腸，
甜甜梅金酥脆薯，
木魚香皮蛋豆腐，
全都是值得推介的。
凍櫃飲品琳瑯滿目，讚好facebook可以有黑糖 鮮奶，
最有驚喜係《牛大人自家製凍茶》，我都試了其中兩款，菊花普洱及桂花烏龍，菊花明目，桂花夠香，飲茶可以一解熱氣。
吃到飽，白桃烏龍及落神花茶要下次先有機會試到啦。
服務不錯，牛肉多款式，質素亦佳
台灣野幾好味的
野食幾正，好過一鍋堂，但價錢都高d
環境整潔，食物新鮮🥰🥰🥰 …
乾淨，衛生!
自助牛肉火鍋，衛生整潔，除牛肉及數款火鍋湯底外，還有很多配菜，例如：豬肉、海鮮、墨魚漿、牛肉漿、蔬菜、丸類、各類飲品……所有食材很新鮮，值得一試。
職員服務態度良好
不錯的台灣火鍋
食物５星。環境３星。價錢算平
衛生ok食物4服務3性價3環境3
這裡以火鍋店的裝潢算是不錯，座位空間足夠，也整潔，飲品櫃很大，感覺有取之不盡的飲品，感覺良好，牛肉品質不錯，價格合理，來這裡有點去了台灣的感覺。
今日同朋友去荃灣行街，夜晚肚餓嘅時候我哋就上咗去牛大人台灣火鍋吃到飽，因為佢主打高質台式任食火鍋，而我哋都好鍾意台灣野所以就想去試吓。
因為疫情關係，所以我哋就選擇咗6:00早場 ，入到去店員都好細心會幫手量體溫，有酒精搓手液提供。 店員亦都安排我哋坐卡位，每個卡位特別用二十四節氣黎命名，而卡位好闊落，坐得舒服，入坐之後有一個紙袋俾人裝口罩 ，都幾細心。
我同朋友都唔係好食得辣，所以我哋嗌左清湯鍋底-阿嬤養生濃湯鍋，澳洲極上和牛套餐 ，因為選擇超多，肉類無限量供應，同埋任食2小時。
我哋喺QR code落咗單之後，亦都有去自助吧揀嘢食，而且好多都係台灣直送 ，有唔同蔬菜、肉丸選擇，仲要用盒去裝住唔同嘅蔬菜，夠晒新鮮。
隔離嘅冰櫃仲有大量嘅自家冷泡茶，例如菊花普洱，桂花烏龍，洛神花茶，我嗌左白桃烏龍，味道清甜有茶味，解膩一流。
自助吧當然唔少得醬料區，醬料嘅選擇亦都非常多，仲有牛肉醬同沙茶醬，係我嘅最愛啊。
揀嘢食嘅期間感覺到個場地好闊落，環境好新淨，唔會有狹窄嘅感覺。
鍋底到咗，奶白色濃郁既湯底內有多款配料，配料熬左好耐好入味，感覺非常養生。
食物方面，我哋叫咗具有台灣特色嘅鹽酥雞、滷大腸、台式蝦餃、瓜仔雞水餃，水餃多汁皮薄，必試。
推薦澎湖花枝漿，真味牛肉漿，彈牙又入味，同埋我好享受將佢一粒一粒擺落鍋底嘅感覺。
跟套餐贈送既澳洲M9和牛牛肉丸兩粒好多汁又彈牙。
而澳洲和牛M5牛肩卷係我地最鍾意既，好薄身，無論點咩醬汁都十分惹味。我哋已經重複叫咗好多次。
仲有好多出邊唔係成日見到嘅食物，食物好高級，例如美人花膠、花雕酒雞件、鮮甜海蝦、台灣鱸魚片 ，都可以一試。
甜品時間，每人一個Movenpick，有三個味道，我揀咗士多啤梨，正。
總括嚟講， 性價比高，環境舒服，係同朋友聚會嘅一個好地方，但係都要用公筷同注意個人衛生啊。
最近因疫情關係，街也少出
好像也有一陣子沒有出外用餐
這晚難得跟家人聚會，便特意過來試試
餐廳環境夠大，也夠寬敞
這晚餐廳安排了我地坐近窗位，坐得舒服
任飲任食有三個價錢選擇
分別有$198、$238及$228，湯底更有九個選擇
醬料區，各式醬料應有盡有
自助食物區
食物選擇亦頗多，每一種食物都用盒裝住
非常衛生
有各類丸類及火鍋配料，大量新鮮蔬菜跟菇類
必吃水蓮，口感爽脆
飲品區，最特別有自家製冷泡無糖茶
餐廳用QR code點食物，非常方便
也有不少台灣小食，士林鹽酥雞，台灣腸，梅粉蕃薯等等
打邊爐我愛喝啤酒，餐廳更有兩款掌門精釀啤酒，是正宗台灣品牌的手工啤酒
兩款都很易入口，果香味很重
阿嬤養生湯鍋，很清甜
點了澳洲極上和牛套餐
澳洲M9和牛牛丸
入口充滿肉汁，又夠彈牙，可惜不是任食
也有海鮮任食
牛肉也來得不錯，牛肉味濃，CP值高
最後每人一杯movenpick雪糕
最近食到最滿意嘅放題，牛魔王必到嘅一間牛主題嘅餐廳，連名稱都係用牛作首，叫做牛大人。開咗無幾耐已經有幾間分店，今次去呢間就位於荃灣無人不曉嘅大鴻輝內，幸好預先有訂位，上到去咁岩聽到店員同啲剛到嘅顧客話walk in要等到幾多點，都有啲愕然！但呢個就係大鴻輝會出現嘅句子，因為實在太多人會嚟呢度搵食啦！
今次揀咗個清淡嘅湯底，就係台灣鳳梨雞鍋，感覺比較有台灣風味。湯底入面雞嘅份量都幾多，仲有苦瓜塊清下熱。而我地個餐係極上和牛餐，牛肉嘅款式都好多，真係夠晒豐富。每款都試咗碟就最滿足，但估唔到我更愛嘅竟然係西班牙豬五花片，食落唔柴仲幾嫩。另外牛胸爽都好正，涮一涮之後口感好好，有油脂外仲帶爽口。而朋友係名乎其實嘅牛魔王就最愛手切封門柳，佢真識食，原來呢個部位係牛橫隔膜肌肉，好罕有呢！
除咗肉類，我仲好鐘意食鴨血同花膠，佢地鴨血大大塊仲超滑溜呢！另外蟹籽墨汁漿同埋干貝鮮魚漿都好特別，兩款都幾重原味，仲見到一絲絲干貝呢！墨汁漿更唔係得個樣，仲有墨魚粒係裡面呢。
行入啲仲有自助區，有各種配料同埋飲品。其中嘅芋頭豬肉丸都好正，入面嘅芋頭粉粉的，幾香！而本身我地已經叫左台灣製造嘅掌門啤酒，配火鍋好爽！但都被外面嘅冷泡茶吸引住，忍唔住拎咗枝白桃烏龍試下，一打開已經聞到清香嘅味，估唔到放題嘅飲品都咁高質。
最後仲有得選擇Mövenpick雪糕，完美的結束啊！唯一缺點就係我地肚量唔夠大，試唔勻晒想試嘅item就飽咗啦，可惜啊！下次要再來過～
先生喜歡吃和牛，有天看到報導講這裡了一間台式火鍋就來到，有幾款不同選擇，當然就叫了先生喜歡吃的澳洲植上和牛餐，款式都不少，而且好多都是台灣風味，好期待，湯底有七款，我就叫了眷村白玉酸菜鍋，價錢十分抵食而且質素幾好，入面環境舒服，位置都十分闊。
桌上有個袋仔放口罩十分窩心，出面有不少飲品自家制的茶和台式飲品，丸和菜都放得好整齊。見到這裡有台灣手工啤就一人一杯，各有特色，一杯比較甜，另一杯有花香，二杯都十分易入口，岩晒火鍋時飲用。湯底來到酸菜味都好出而且白肉都入味不錯。
每位都有二粒和牛牛丸先生十分喜歡，肉汁多之餘又有咬口，和牛好濃牛肉香。牛肉都不同部位選擇，每款各有不同但都濃牛肉味，我就喜歡比較薄身切和牛，而先生就喜歡有咬口。
除了牛之外仲有新鮮海鮮，不同台灣餃都十分特別。沒想這裡仲有台灣小食添，十分新鮮又脆口，鹽酥雞好味道。茶類喜歡飲白桃烏龍清香帶香桃香，先生就喜歡飲可可，甜度可以又有朱古力味。最後仲有一人一雪糕食十分飽肚。
一向都麻麻地任食火鍋,因為覺得啲料好差，但係朋友極力推薦呢間就試咗，叫咗個阿嬤養生鍋，火鍋清清地，有少少藥膳嘅味，入邊有啲紅棗、杞子、蟲草花，單飲好似湯，不過唔緊要，因為佢調味料嘅選擇多，而且好衛生，唔記得咗講佢入場前要先酒精消毒同量體溫，安心d!
我哋要左最貴嗰個和牛套餐，因為佢都可以選擇安格斯嗰啲牛，變咗選擇好多，咁當然要食返夠本啲和牛，牛味好濃郁，脂肪比例好均勻，估唔到任食都有呢啲質素，而且睇返個價錢性價比好高！
正想講好想飲啤酒，估唔到呢度連手工啤都有，同男朋友叫咗一人一支，店員推介女仔飲愛羅武勇，甜d果味d!山霧就木香d,两杯都吾錯！$58only
如果唔飲酒都唔緊要，因為佢有好多台灣飲品，甚至係自家冷泡茶，飲品櫃隔離就係蔬菜區同丸類，全部都係自助嘅，但一樣衛生，而且唔會擺到啲食材乾晒，我仲見到有台灣肉藻飯食。
iPad入邊仲有啲貴啲嘅食材，例如海鮮，花膠，水蓮，全部都大件又新鮮，總之呢間我係一定會回頭。
食物質素很不錯
好台啊！😆肉靚！仲有蘋果西打王子麵！
荃灣大鴻輝係火鍋天堂🤣
間間都話自己有特式
不過中伏中得多 都知係噱頭嘢
小編無乜期望
今次揀間標榜台式吃到飽嘅「牛大人」
點知！有驚喜喎！
好感動😭係有台灣汽水台灣小食台灣魚丸台灣麵嘅真台式火鍋呀！
食最高級嘅極上和牛吃到飽套餐都只係$288🥳
抵食！呢個價錢120分鐘任食澳洲M5和牛、安格斯牛小排牛柳粒、封門柳等等高質牛肉！🥰
呢個餐每人仲送兩粒免費澳洲和牛牛丸
好juicy好好味又大粒牛味又濃😍
真心性價比極高！👍🏻
食物全部都好新鮮，亦唔會有雪藏味
無漏單hold單情況！👍🏻
店員好禮貌，而且收碟跟進快！👍🏻
係Facebook Like & share牛大人，即送一杯黑糖珍珠鮮奶！
點餐方式好user friendly🤩
肉類、海鮮、漿類、餃類、炸物小食都係用QR Code下單
非常方便，唔使好似手寫單咁傳嚟傳去🤓
以下不斷再點嘅餐點:
豬肉、牛肉全部都高質，只係睇鍾意食肥啲定瘦啲再作選擇
沙白
鮮蝦
蟹子墨汁漿
干貝鮮魚漿
即炸午餐肉
真豬小香腸
鹽酥雞
甜不辣
湯底揀左台灣鳳梨雞鍋，香甜足料☺️
外面亦有自助區
台灣直送丸類、豆品、蔬菜、響鈴、王子麵！
飲品方邊有非常多台灣產品，係香港好少見嘅蘋果西打、麥仔茶、鮮草蜜、多款沖茶、醬料區仲有冬瓜茶
(上至下)
香草雞肉丸、雪枝楊、凍豆腐、竹炭海鮮丸、特級花枝丸、魚腐、乳酪蛋腸、虱目魚丸、水魷魚
荃灣高質牛大人
朋友住荃灣，對荃灣的美食資訊了如指掌，見大鴻輝新開了一間食台式放題火鍋的牛大人台灣火鍋，於是今日相約一齊來到 。
餐廳裝修大部份是卡位，而卡位之間的間格，也因應現在疫情，加高了差不多有一米高，環境顯得優雅整潔 ,坐得舒適，所以，食得更是放心。
放題食物選擇多,自助放題有丸類、蔬菜、菇類及飲品…等，非常多款式，。
除自助區放題，還有海鮮及肉類台式選擇…等，款式多且高質，用手機二維碼下載直接下單，簡單快捷。
先要一個阿嬤養生濃湯鍋，湯底內有紅棗、黨參、娃娃菜…等，所以湯底都很清甜。
肉類都很多選擇，我們都點了很多自己愛食的肉類配料。
海鮮類要了
脆肉鯇魚腩、鮮甜海蝦、新鮮沙白…。
每款都很新鮮又鮮味，脆肉鯇魚腩當真是很脆口又清甜。
至於牛肉，也有幾款，我們要了安格斯牛小排、安格斯一口牛肉粒、牛媽秘製滷牛筋。
最愛牛小排，切得很薄，湯鍋內滾上2秒已可食，牛味夠鮮味。
及牛媽秘製滷牛筋，一口一粒，軟腍又帶點煙軔，充滿骨膠原。
紐西蘭羊卷肉
羊肉味較濃，也是切得較薄，阿嬤養生濃湯令羊味更鮮味。
其它還要了爽脆炸魚皮、彭湖花枝漿、花雕醉雞、美人花膠、順德鯪魚球、私房辣鴨血…等。
食完覺材料高質，性價比高，有過百款台式選擇及其它配料、及有Movenpick、黑糖珍珠鮮奶、多款自家冷泡茶等飲品，令我們食得又美味又開心，下次會帶家人來食。
台式火鍋別有一番滋味！！值得一試
經常定不到位！現在訂九月二八日都上綱定不到！究竟怎樣才訂到位置？
價錢公道
好的
自疫情後都未去過打邊爐👉👈，有朋友食完牛大人後讚不絕口，所以特意來試試🧐🧐
整體餐廳防疫措施都很足夠，入場前要量體温，提供搓手液和信封放口罩，😷要帶口罩才可出去自助區，所有食品有盒裝住，食得安心又衞生。🤗🤗
店內環境寬敞，古式古鄉的裝修簡約而乾淨，卡位設計更有私穩和舒適。😍😍
一看餐牌，有9款湯底選擇，有麻辣，牛骨，鮮雞，蔬菜等，如要鴛鴦煱要加$50，也有3個套餐選擇；我揀左菠蘿雞鍋和澳洲極上和牛餐，喜歡有更多選擇和每人送2粒M9和牛丸,非常彈牙。😋😋😋😋
另外有很多台式食品，例如鴨血，豬血糕，蛋餃 ，蝦餃，小食都好有驚喜，有甜不辣，排骨酥，鹽焗雞，小香腸，炸甜薯，即炸午餐肉真係不得了
牛都好好味，包括牛肩卷，牛小排，一口牛，牛板腱，牛胸爽，滾湯淥一陣就食得，牛味十足，油脂分佈平均
整體CP值高，服務好(職員會提醒那項食品為即食，耐熟食品要煮幾耐)，食物選擇多外，飲品也有自家制白桃烏龍，洛神花茶，菊花普洱，調制飲品如金桔椰果可自選甜度和冰量，非常貼心💕💕
食品好新鲜，招呼很好
物超所值嘅台式火鍋店，想食要早成個月訂位！
環境光猛整潔，湯底食材飲品選擇廣，出菜收碟加湯都速度快
餐廳有120分鐘吃到飽套餐, 等了不同等級的牛任吃, 不同價錢, 我們選了最靚的澳洲極上和牛$288, 可以任食封門柳, 澳洲和牛M5牛肩卷。海鮮方面有蝦和沙白, 也有不少台灣特色的食品, 其中最愛是澎湖花枝漿, 沒有在其他地方吃過, 印象深刻, 像墨魚滑的東西裡面換了嫩滑的花枝片, 口感極彈牙。
最近要保護自己都甚少逛街吃晚飯，不想浪費口罩，對上一次吃晚飯已經是在荃灣的牛大人。
入座後點了極上和牛餐，有部份食材和飲品在外面取的。
點了阿嬤養生濃湯，湯頭濃味清甜。
澳洲M9和牛牛丸
大大粒，每粒都勁彈牙。
安格斯特選牛板腱，下鍋幾秒就可吃，夠爽口，正。
鮮甜海蝦夠鮮甜，還有甚少在香港見到的水蓮，清脆爽甜。
點了士林鹽酥雞、梅甘酥脆薯，兩份都滿酥脆，真豬小香腸，份量十足。
吃一點蔬菜減減油膩感。
再來一杯Movenpick雪糕，士多啤梨味酸酸甜甜的。
桂花烏龍茶
味道不算太濃，桂花清香。
吃火鍋要喝一杯，點了掌門-山霧，味道不錯。
喺疫情期間下已經好耐冇食過火鍋，而最近就試咗火熱嘅牛大人， 呢間叫得做牛大人，當然用牛肉做主打，其次係台灣直送既各式丸子，第一次嚟就試佢既麻辣湯底，未食過唔知有幾辣就叫咗個中辣試試，味道不錯，每樣食物食完一輪個人較喜歡佢地嘅花枝漿和鯛魚片。
食物真係正 !!
200$ 有找， 試到台灣風味仲想點？
員工話呢d叫澳洲M5極上和牛
沒得輸
台式火鍋 | 選擇多多
今晚約好朋友去食新開 台式火鍋放題 #牛大人。荃灣分店樓上鋪，地方寬敞很多 窗邊卡座。餐廳門口，人頭湧湧，顧客大排長龍等位，好彩我哋 book咗位可以即刻入座！
放題分三種價錢 $198、$238和$288， 我地揀咗$288 澳洲極上和牛，120分鐘 任食放題！
呢度有好多特色湯底，好似帝王食補薑母鴨鍋、台灣鳳梨雞鍋。我係麻辣控，就揀咗牛大人秘方麻辣鍋。
台式麻辣火鍋，鍾意佢沒有四川、重慶 麻辣火鍋的油膩感，鮮辣不搶口!
每枱贈送手工啤酒 沉默騎士 黑啤，麥味澳郁，芳香撲鼻，易入口有回甘！ 其他飲品就去自助區攞，汽水、啤酒、自製茶飲 冬瓜茶、酸梅湯，仲有好流行嘅台式冷泡茶 洛神花茶、菊花普洱 等等，口味選擇多不勝數！
澳洲極上和牛
牛大人顧名思義牛肉專家。點了澳洲和牛M5牛肩卷、封門柳、安格斯牛肩胛、牛板腱、牛小排 和 牛五花。
個人最喜歡牛肩卷，牛味濃沃。牛五花即牛胸腹，油脂甘香，彈牙爽口。牛板腱軟熟煙韌有嚼口。封門柳脂肪少，肉質嫩滑鮮甜。牛小排，脂肪分佈均勻，入口即化!
台式小食
點餐紙 仲有台式小食有鹽酥雞、 台灣香腸、豬血糕、鲷魚片、花枝漿，款式媲美自助餐。第一次食豬血糕 糯米蘸滿豬血， 煙韌軟熟鹹鹹地，味道唔錯！
自助區有蔬菜和肉丸類， 有兩個大雪櫃 自行選擇。有特色、款式多、整體食物質素唔錯，性價比甚高！
至牛的台式火鍋店
環境舒適 性價比高
荃灣店新開張有八八折所以黎試下
六點前拎飛等到九點幾入座 不過真係物有所值
叫左中間價位既set 有好多野食揀 牛肉質素都幾好 自助bar有豬皮牛柏葉依d平時比較少見既哋
地方雅潔，食物有水準，湯底靚
疫情下的台灣之旅
之前朋友推介話牛大人抵食得嚟又好食，今日終於到我食啦！！！如果想食一定要早啲book枱，今日平日食有人walk in都要由5點等到7:30先有位，所以醒目嘅朋友仔一定一定要book定枱，咁就慳返唔少時間啦☺️☺️
雖然門口等候人數頗多，但絕對唔會因人多人等候而導致用餐環境迫夾，用餐環境非常寬敞舒適，唔會感到嘈吵，環境都十分乾淨企理。
牛大人有3個餐比我地選擇，由於我同朋友都好鐘意食牛，所以我地就嗌咗澳洲極上和牛，都只係$238，性價比極高。佢每位仲送M5和牛牛丸，呢個係超級超級好食！！！！一定要食👍🏻👍🏻👍🏻👍🏻

至於湯底我地就要咗鴛鴦鍋，分別係牛夫人秘方麻辣鍋同埋台灣鳯梨雞鍋。台灣鳯梨雞鍋湯底清甜，雞腿肉質滑，好飲又好食👍🏻👍🏻

飲品同食物大部分都係用QR Code落單，然後就有專人送上，下面紙嘅食物都可以用QRcode自選，選擇都好多，有唔少台式小食添，去唔到台灣掃街可以過嚟頂住檔先😂😂
至於丸類、菜類、同飲品大部分都放係自助區，大家可以食幾多拎幾多。

由於牛大人係一間台式火鍋，所以都有唔少台灣飲品選擇，有平時好少見嘅蘋果西打、麥仔茶、仙草茶，如果想清啲可以飲冷泡茶，無添加糖，可以消油解膩，飲完又可以再食過😏😏😏 重點係佢個樽好靚😂😂
⭐️⭐️宜家like & share facebook/ instagram 仲有得送黑糖珍奶添啊！！！⭐️⭐️

冷泡茶除咗呢3個味，仲有菊花普洱，可惜今日試唔曬

如果你係酒鬼都唔怕，呢到仲有手工啤可以選擇，仲要係我平時飲開嘅品牌😍😍😍。台灣獲獎無數嘅精釀啤酒 —「掌門」！！！
今次我嗌嘅係山霧，入口較清淡，花香味較重，麥味較輕，好適合配牛一齊享用👍🏻👍🏻

自助區其實有好多選擇，你諗得到嘅丸幾乎都有，蟹籽丸、竹炭丸、花枝丸、香菇貢丸、芋頭貢丸、魚蛋、芝士丸、芝士腸⋯至於菜方面就有油麥菜、菜芯、娃娃菜、生菜、蘿蔔、冬瓜、冬菇、粟米、淮山、芋頭…選擇非常非常多，一定食唔曬😂😂
千祈唔好睇少呢啲牛，真係好香牛味，碟碟都好好食！！👍🏻👍🏻👍🏻👍🏻👍🏻
最下方個碟係羊，羊味好重，鐘意食羊可以一試，

甜薯又係勁好食，有意外驚喜，一定要試！！炸物絕對係新鮮炸岀嚟，脆卜卜😋😋😋不過可惜唔記得試滷肉飯😢😢

到甜品方面有movenpick 雪糕同仙草凍選擇。我自己就要咗仙草凍，絕對唔伏好食👍🏻👍🏻👍🏻👍🏻👍🏻

最後總結，牛大人環境舒適，性價比極高、食物新鮮，選擇又多，就好似台灣一樣一定會再去👍🏻👍🏻👍🏻👍🏻👍🏻
牛控必食台式風味牛大人
連續4日假期，加上近日疫情終於開始放緩，於是就約左個牛控朋友陪我今晚瘋狂食牛😋。
今晚同朋友卜左荃灣店牛大人，我地卜左位6:30到達，係門外店員幫我哋量體溫、揸搓手液，目視全店一半坐位差不多爆滿，卡位與卡位之間亦有高高屏風隔住，令食客食得安心。
食店用QR code掃描點餐，非常方便。自坐食物區有各式新鮮蔬菜、菇類、瓜類、什丸等等….全部用膠盒裝好，非常衛生；飲品除普通汽水外，仲有牛大人自製嘅各式茶類飲品。
我地order左澳洲極上和牛餐配台式濃香蕃茄湯底；店員首先送上和牛丸，牛味極濃且極之彈牙。第一轉order幾板安枱斯小牛排同牛板腱，小牛排雖然薄切，係煲中拖兩、三秒，入口嘅口感剛剛好，口感嫩滑細緻；牛板腱則較有咬口，牛味亦較濃。前前後後差不多食左20板牛肉😋。西班牙豬五花片，一層肥一層瘦，非常均勻，亦都非常唔錯。
直得一讚係澎湖花枝漿，花枝粒好多，好鮮有咬口，必食之選👍🏻；豬雪花肉片，冇嘜脂肪嘅，呢個好有豬肉味；封門牛係牛嘅橫隔膜肌肉，油花少，肉味重👍🏻；花蜆唔好睇佢細細隻，肉厚且鮮甜。
脆肉鯇魚腩，卜卜脆，魚鮮味十足；
蔬菜區嘅蔬菜新鮮乾淨又企理，最後都食左好多不同蔬菜同瓜類。
埋單後仲可以選擇一杯movenpick雪糕，今晚真係大滿足😋。
位於荃灣既牛大人, 我地7點黎到已經有好多人等緊位
好彩都只係等左30MIN就入得, 天氣凍凍地最岩就係食火鍋
呢度都幾多唔同既湯底可以選, 雙拼要加50, 所以都係叫單煲算
全部都好健康的感覺, 我揀左鳳梨雞鍋
味道都幾夾, 比我想像中更好味
除左用手機落單之外, 仲有外面既自助取食材區
我最鐘意既牛丸都可以係外面拎到!!
雞件
呢個湯底入面係有雞件既, 超嫩滑而且大大舊
口感一流
必點就係呢個A5牛, 肥瘦分佈得好平均
只需要落水十秒都不用就可以食得!!!
仲有魷魚都係任拎!! 點煮都唔會難食!!
同FD加左杯手工生啤!! 幾推薦呢個愛羅武勇
味通幾特別, 有淡淡既香味!!
最後仲有甜品送 係MOVENPICK黎!!
超滿足
價錢化算，食物可以
台式火煱吃到飽👍
港式、日式火鍋就食得多，台灣口味的火鍋就較少食，今日去荃灣「牛大人台灣火鍋吃到飽」，試下台式火鍋
餐廳係大鴻輝（荃灣）中心16樓全層，入座前量體溫，有酒精搓手液，防疫措施做足，餐廳面積都幾大，坐位非常寬闊
因主要想食牛，所以選咗極上和牛餐，湯底就選咗台灣鳳梨雞鍋，點食物用QR code，肉類、海鮮、餃類，牛肉漿、花枝漿、特色台灣火鍋料，小食等等，自助區有醬料，火鍋配料，選擇都幾多，最要讚的，自助區的醬同火鍋料，全部用膠盒獨立擺放，好乾淨整齊
台灣鳳梨雞鍋，湯料有雞，黃豆，魚仔，苦瓜+鳳梨，湯底唔會過濃味，清清地，唔會搶晒肉的味道
每人2粒和牛牛丸（送嘅），呢個丸真係好好味，入口超彈牙，有牛鮮味，咬入裏面，仲好juicy
M5和牛牛肩卷，薄切，淥兩下，入口嫩滑，有牛嘅油香味
手切封門柳，安格斯牛肉粒，牛肉味濃，有咬口
牛胸爽，薄薄一片，但入口非常爽脆
豬雪花肉片，唔會有油膩感，爽口
牛肉漿、花枝漿，非常彈口
熟食，酥脆薯、魚香皮蛋豆腐、鹽酥雞、真豬小香腸，都值得一食
叫咗兩杯手工啤，「掌門 山霧」，佢話入口重麥味+果香味，「愛羅武勇」，酒味淡，女性較合適
茶類飲品，桂花烏龍，唔甜，重桂花味，白桃烏龍，白桃味濃，真係好飲解渴
最後，一人有一杯movenpick雪糕，為這餐畫上完美的句號
名符其实
高質牛大人火鍋放題😽
呢度環境都幾大，枱同枱之間唔會近，呢點好重要。 我地有四個人，佢安排左卡位比我地坐。張枱夠曬大，座位寬鬆，可以放到好多食物，唔錯！
我地揀左最貴既澳洲極上和牛套餐，都只係$288，多好多選擇，推介食肉獸揀呢個餐>3< 有我最愛既腐乳添呀
飲品方面，佢韓式台式咩式都有啲，台式佔多數。想清清地嘅我推薦大家試吓牛大人自己既茶，我飲左白桃烏龍味。佢應該係無糖，所以味道清新，桃味都幾出，
火鍋料方面，普通火鍋料就可以喺出面自助地夾。另外，仲有台灣小食可以叫呢，例如鹽酥雞，台灣腸！
掃qr code會有啲貴價啲既材料，強烈推薦豬雪花，又香又嫩，仲好爽口！ 其他肉類同樣新鮮，唔錯！
而且款式又多，下次會再黎！！
近期熱爆嘅人氣火鍋店「牛大人台灣火鍋吃到飽」新開左荃灣分店！早左一個幾月訂座，滿心期待！進入店內之前，店員會為客人量度體溫，亦設有酒精搓手液，夠晒乾淨衛生
店內面積好大，裝修簡約潔淨。被安排至兩人卡座，寬敞舒適
吃到飽火鍋套餐有三款可供選擇，我同朋友就揀咗最貴嘅澳洲極上和牛餐，價值 $288位。九款湯底有辣有唔辣，任君選擇。仲有台灣直送配料、手工水餃、特色小吃、台式飲品、自家冷泡茶等等過百款選擇
阿嬤養生濃湯鍋
湯底由紅棗、杞子、桃膠、雜菌等等組成，味道清淡不油膩，打邊爐就啱晒
澳洲M9和牛牛丸
凡惠顧澳洲極上和牛餐，每位會獲贈澳洲M9和牛牛丸兩粒，肉味好濃郁，仲帶陣和牛肉脂香
安格斯牛小排
油脂分佈充足嘅牛小排，肉質香軟，有種入口即溶的感覺，口感極佳，但卻不會過於油膩感
澳洲和牛M5牛肩卷
脂肪比例相對為低，因此會顯得肉味較為濃郁，再配上和牛的油香，就算不需要任何調味，亦已非常可口
安格斯特選牛板腱
肉質軟嫩多汁，又帶有均勻的油花分佈，不論是油脂還是肉香都極為飽滿
手工啤酒🍻
從云云手工啤酒中揀左：掌門 – 山霧，啤酒味適中，帶有花香
最後仲會每人獲贈一杯Movenpick雪糕🍦
啱啱食完 .湯底食物一般 .都唔知點解咁多人去 真係唔啱我哋一家人 .冇下次.