牛大人 (荃灣) Masterbeef (Tsuen Wan)

天氣凍凍地打邊爐就最好
所以Lunch Time去左打邊爐
牛大人既午市係90分鐘食到飽
揀左極上和牛餐，食物選擇多啲
湯底就揀左阿嬤養生濃湯鍋
湯底奶白色，冇咩藥膳味，但材料都落足
荃灣店同旺角店而家期間限定
送自家釀制嘅手工啤–流水落花
飲落幾易入口，真係有少少花香
而讚好Facebook都會送一杯紫芋霜奶
自助區提供好多飲品、蔬菜、丸類
連台灣冬粉、王子麵都有
極上和牛餐有澳洲和牛M5牛肩肉
牛肉切得較薄，肉質較軟
牛筋煮熟後好滑好淋
滷味牛筋食落軟腍好入味
台灣直送鴨血唔易散
去到尾聲仲會送每人一碗仙草凍
甜度啱啱好，Perfect!

台灣直送高質食材

之前去過九龍區和港島區的分店，相對地較多人，今次去荃灣的牛大人，地段方便，地方寬敞又企理，仲要望海景，午市不用排隊，食得好輕鬆自在。
第一次叫牛大人紅燒牛骨鍋，牛骨湯底濃郁，好夠味，完全不需要落調味。

🔺 牛大人台灣火鍋吃到飽
呢間台式任食火鍋放提好高質 私心推介～
打邊爐最緊要係湯底！
之前試過某D餐廳個湯底會愈煮愈咸🌚
但呢間無呢個問題✌🏻✌🏻
小編揀左牛大人秘方麻辣鍋同埋台式鳳梨雞鍋🥘
麻辣湯出色 麻辣得黎有藥膳味 會不自覺係咁想食😆
台式鳳梨雞鍋有好大件雞 仲有苦瓜係入面 清清地不錯
.
自助食品區有大量火鍋配料同飲品自取
另外仲有熟食可以order☺️
例如：鹽酥雞、皮蛋豆腐等等
小編特別推介澳洲和牛片、澳洲和牛牛丸、鴨血👏🏻
任食黎講真係唔錯 最後仲有甜品埋尾
小編揀左台式燒仙草 好好味呀😋

食品水準高，服務員勤快有禮!

食品好，員工服務良好，不過 openrice app 話可以收支付宝，其实是不收的！

環境舒適，食物質素不錯

牛大人喺香港開業咁耐，又不斷增加分店，但仍然係咁難訂枱，早排同朋友約定上佢個訂枱網站𥄫到實一實，今次終於俾我哋訂到枱又可以嚟擦翻餐勁嘅！難得入到嚟，我哋當然毫無懸念揀咗澳洲極上和牛套餐。

每次見到牛大人嘅飲品櫃我都忍唔住要影返張靚相，然後就攞返兩支佢哋自家製嘅桂花烏龍同洛神花茶。調味料排放整齊，而且應有盡有，上面仲有唔同嘅麵食俾食客自取。

今次我哋兩個中女嚟，梗係揀個最滋陰養顏嘅湯底啦，最後就決定揀咗呢個阿嬤養生濃鍋湯，入面有龍眼乾、杞子等煲湯藥材，真係補而不燥。

因為我哋揀咗最高級別嘅套餐，所以可以試盡十幾款唔同嘅肉類，亂叫一通之後，最後我哋嘅結論係「手切封門柳」同「澳洲和牛M5牛肩卷」係最好食嘅，所以不停咁encore。另外我哋叫嘅澳洲極上和牛套餐先會有澳洲M9和牛牛丸真係好好食，每人只有兩粒，真係好珍貴！

私房鴨血都係重點推介，一定要試！其他嘅火鍋配料同樣出色，而且仲有熟食同小食可供選擇。

食得興起就決定叫返杯啤酒，見到呢杯啤酒個名叫流水落花($48)咁過癮，一於叫杯試吓，呢個淡啤酒果然帶有微微花香，飲落都幾得意。

最後食返個甜品，有Mövenpick雪糕或者台式甜品揀，我就揀返個台中仙草凍，咁先夠晒台式風味！

記得第一次食牛大人唔知道要網上點餐行咗出去出面😜嚇死冇嘢食嘅 🤣 所以大家記得用台面 code 點餐啊 ～食物好快上枱，有效率，店員有禮
最喜歡和牛牛肩肉，m5和牛😍
牛味十分濃烈，而且油脂分布亦平均～
牛胸爽，吃落口很有咬感！ 第一次食呢樣嘢😋 原來都幾好食
必点推薦：麻辣鴨血，墨魚滑，❤️
打邊爐嘅 蔬菜類會放喺出面自助去拎～
不過第一輪會有好多人建議大家可以等一陣先出去😏
疫情期間 出面食物全部用有蓋食物盒裝住 好衛生 ～

出入非常不方便

人氣非常高的火鍋店，主打台式火鍋，三選一揀套餐，再揀鍋底，就可以用QR code手機落單叫火鍋料，仲可以係出面自助拎飲品、火鍋配料、醬汁同滷肉飯，非常多種類🥰
台灣特色既鳳梨雞湯、鴨血、蝦餃蛋餃、仙草凍都有。最特別既係有成十款八款手打滑漿，我地覺得蟹籽墨汁漿同真味牛肉漿最爽口彈牙有鮮味。😋
午市$198一個人就可以任食澳洲極上M5和牛肩肉，明顯見到雪花好均勻，肉既部分都較鮮色，真心比平d套餐既上腹牛五花同安格斯牛板腱好食好多，物有所值😍
飲品方面有樽裝冷泡茶，養生又有誠意。加錢要台式手工啤都好正，「流水落花」個味好清香易入口。👍
上菜好快，而且都坐得好舒服，夏天打邊爐都唔怕熱😝

📍牛大人台灣火鍋吃到飽 (荃灣)

又再次黎到人氣極高既台式吃到飽火鍋店 – 牛大人‼️！荃灣分店好大間，環境好闊落，有好多卡位，而出面會有飲品區、醬料區同火鍋配料區，感覺好齊全。📱坐低左之後就可以掃QR code落單，非常方便，💁‍♀️而且佢地效率好高，啲嘢食好快就會送到，仲唔會有漏單嘅情況出現。

𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️極上和牛吃到飽 𝚆𝚊𝚐𝚢𝚞 𝙱𝚎𝚎𝚏 𝙻𝚞𝚗𝚌𝚑 𝚂𝚎𝚝 ($198)
呢個set係lunch set入面嘅最高級別🌟，可以食到最多種類嘅食物，而且價錢又唔算好貴。湯底都有好多款選擇，打邊爐就緊係要食辣啦，今次就叫左牛大人秘方麻辣鍋，可以自由選擇辣度，🌶食落辣辣地好過癮。肉類方面一定要叫澳洲和牛M5牛肩卷🥓，佢既紋理好靚，肉質好幼嫩，脂肪分布均勻，食落牛味非常香濃，仲好juicy添！🥩另外安格斯特選牛板腱都係必點既，佢同樣都係咁鮮嫩多汁！除咗牛之外，佢既蟹籽墨魚漿同章魚珍珠漿都好出色，食落好爽口，而且非常足料！🥰佢哋亦都有多款特色嘅台式小食提供，感覺好地道，好似去咗台灣旅行咁。另外仲有一樣嘢食係我係咁encore嘅，就係啦！！💞鴨血超級滑嫩，食落好有質感!! 飲品除左有汽水果汁，仲有佢地自家製既冷泡茶同手工啤酒。🍺今次就試左一杯，佢個名叫做流水落花，味道同佢個名一樣咁清新，好易入口，有淡淡既花香。最後有少少失望，因為佢地嗰日冇哂雪糕，只可以選擇台中仙草凍。仙草凍入面會配有紅豆、花生、椰果同珍珠，非常豐富，👍仲好滑嫩好好味~

𝑨𝑫𝑫𝑹𝑬𝑺𝑺:
📍荃灣眾安街55號大鴻輝(荃灣)中心16樓
16/F, Tai Hung Fai Tsuen Wan Centre, 55 Chung On Street, Tsuen Wan

盪底正食物放題分3種自選任飲品有特式 正

正

都好味的

很多款不同的飲品，還有些特別的茶，上食物快，拿走空碟快，味道不錯

粒牛丸好食

食物很好 地方寬闊 職員服務態度很好

咁難得有位，當然要食澳洲極上和牛餐$258/人

全層餐廳座位唔少，但幾乎滿座！考慮咗好耐到底要鳳梨雞鍋，定牛大人紅燒牛肉鍋好⁉️ 最後揀咗牛肉鍋🐮

揀完湯底，就出去整醬料、拎野飲、夾其自助bar食物~
醬汁方便醬料方面夠晒齊全！仲有特別嘅腐乳醬🙊旁邊有真。滷牛肉飯比你自己拎裝！
自助吧有響鈴、粟米、蟹柳、芝士腸、公仔麵、烏冬、各款蔬菜、丸類。

飲品除咗汽水之外，仲有自家製支裝茶，夠晒解膩～

返到去牛骨鍋已經嚟到🐮湯底除咗牛骨、仲有好多藥材，紅卜卜賣相好靚⭕️煲滾左後傳來陣陣牛骨香氣，開頭以為湯底好濃、好鹹，但又唔會！最緊要係唔會好口乾，即係唔會好多味精

點餐後食物送到出速度好快💨鍾意每碟份量少，可以試多幾款唔同種類！

一嚟就點左兩款牛板腱！兩款都好重牛味😍超贊👏🏻安格斯特選牛板腱比極黑牛板腱脂肪多少少，口感更嫩滑👍🏻大家黎食記得叫晒兩款🤩

澳洲和牛M5牛肩卷
和牛都係必食item！澳洲和牛油花分佈平均，口感細緻而且較多肉汁🐮

紐西蘭羊卷肉有少少膻味🐑酥香軟嫩。西班牙豬梅肉片🐷肉質軟幼，經過牛骨湯洗禮變得惹味！正

上腹牛五花脂肪比例較多，位於牛嘅肚附近～將牛五花伴自製多蒜醬油同吃，油脂甜膩在口腔內溶化🧄蒜蓉跟油脂起了化學作用，味蕾勁豐富！

黎呢度當然要試🐮牛媽秘製滷牛筋、滷大腸、私房鴨血啦～估唔到又幾好食，係鴨血味道較淡！

期間限定既章魚珍珠漿又係必食👍🏻就咁睇已經見到好多章魚粒🦑章魚味濃郁、珍珠漿彈牙😋

手切封門柳、牛胸爽，一般連鎖火鍋店較少見，自己本身好鍾意封門柳呢種粗糙口感，牛味又夠濃郁！牛胸爽爽口非常！

Menu有啲小食都幾吸引，皮蛋豆腐、
梅甘酥脆薯🐤士林鹽酥雞都有試！梅甘酥脆薯好食，外層香脆內裡甘甜🍠

打邊爐唔可以冇午餐肉、炸魚皮😂厚切午餐肉煎得好脆口！
新鮮沙白冇砂而且幾甜🦐海蝦新鮮冇雪味～

重有🦘澳洲和牛牛丸、豬雪花肉片、豬大腸、美人花膠
、台式蛋餃、真味牛肉漿、順德鯪魚球、水蓮等！全部味道都唔錯，亦都唔係間間任食火鍋店有得食，感覺都幾新鮮！

Menu仲有台式飲品叫😱試咗檸檬柑桔、烏梅汁～重可以自選甜度，即叫即整，
味道都唔差！最鍾意❤️自家製嘅桂花烏龍茶，除咗消滯解膩，桂花仲好香添

最後每位仲有一杯movenpick 雪糕🍦性價比真係好高🤩

相信好多人都食過牛大人，實不相暪，係牛大人啱啱開我已經來食過，而且食完都覺得好抵好想返轉頭食，無諗過呢間店會火紅都咁，係永遠walkin都要等2小時，所以自開業食過一次之後就無機會/無毅力再來……但我同另一半都的起心肝，決定早d book位而且book早啲！星期六5pm就來到，未到晚飯時間，估唔到都已經坐咗三分一人，牛大人嘅威力真係非同凡響。

環境
環境好多大！好彩早到，坐到2人卡位，坐得好舒服。

餐牌
有三個套餐，食和牛都係$300唔洗，緊係揀呢個餐，最多嘢食！

自助區
必講佢嘅自家製茶飲啦！相信係大家嚟都必飲，尤其佢嘅白桃烏龍茶，真係我嘅favourite ，好香桃味。菜類、菇類、丸類唔少得，食得落嘅食埋佢嘅肉燥飯呀！肉燥都係任食。另外，啤酒唔啱飲都唔緊要！有得加購台灣原住民特產小米釀。

任食 澳洲極上和牛 $248起
湯底揀咗鴛鴦鍋，加$50，揀左牛夫人秘方麻辣鍋及台灣鳳梨雞鍋，牛夫人秘方麻辣鍋揀左小辣，愈煲愈辣，麻度適中，煮牛肉一流！另外嘅台灣鳳梨雞鍋就愈煲愈甜，加埋係自助區拎嘅南瓜、冬瓜，十分清甜。

配料方面，牛肉必點澳洲和牛M5牛肩肉、荃灣店限定嘅牛胸爽、美國SRF極黑牛肩胛，每次上2塊，每次質素都一樣，唔會嚡口亦有牛味。另外食麻辣鍋嘅話，本身都配鴨血，必定要再加點，用麻辣汁醃咗，毫無腥味，反而比起出面食嘅多股甜味。澎湖花枝漿、新鮮沙白、海蝦、手工大黑輪都係必點！澎湖花枝漿勁彈牙足料，不得不提沙白，嗌咗咁多輪都無沙又鮮甜😭真係好正。仲有特色小食、炸物都係任食！

甜品每人選一款，我哋揀咗楓糖合桃味雪糕同自家製台中仙草凍，後者加咗花生都勁match。

時間好趕，湯底一般
但牛質素係好好，喜歡食牛的人一定要試

好耐無同老公2⃣️個人拍下拖啦，所以就特登安排時間2⃣️個人去打邊爐撐下枱腳🥰

知道《牛大人吃到飽台式火鍋》好受歡迎，所以我哋就食早嗰輪兼早啲去排隊。

我哋揀咗《澳洲極上和牛套餐》🉑️以食到7⃣️款靚牛🐮、3⃣️款靚豬🐷、羊肉同雞件🐥，仲有台灣直送 嘅台灣鱸魚片 🐟及各款手打漿 😋而每位亦🉑️獲贈澳洲M9和牛牛丸🐮

除咗以上嘅，仲有海鮮包括沙白、海蝦🦐、花膠。台式手工水餃🥟、鴨血🩸、各式丸類、蔬菜🥬材料真係足以吃到勁飽😆

齋睇都知道啲牛肉脂肪分布平均，夠晒雪花❄️食落又真係肉味香濃肉質嫩滑軟腍。

最特別嘅係，居然有我好鍾意食嘅牛胸爽(即係牛胸油)😍😍 真係唔係度度有得食‼️我只知邊潮汕牛肉火鍋🈶️，估唔到台式火鍋都食得到🤩牛胸爽牛油味香濃，質感爽口，一試難忘😊

黑色嘅蟹籽墨汁漿同白色嘅章魚珍珠漿口感爽口彈牙，鮮味十足。而章魚珍珠漿嘅口感更加豐富，可以食到一粒粒好似珍珠size嘅章魚肉。

一邊食一邊飲冷泡洛神花茶即刻解到膩，可以繼續食多啲😂😂除咗凍飲，熱嘅桂圓紅棗茶都好滋潤，唔覺意飲咗兩杯😂😂

最後又點少得食返碗限定新品台中仙草凍同Movenpick 雪糕🍨

網上訂唔到位唯有Walk in，
想食五點第一轉，
所以早啲四點去排隊，
以為自己都會排得前，
點知上到去已經有成50人排緊。

佢四點七先開始派飛，
一路等其實都好緊張，
因為唔知道佢留幾多張枱俾Walk in，
好驚等成個鐘都冇得食。
好彩最尾順利有位。

嗌嘢食係用平板電腦，
非常環保。
上菜都快嘅，
但一份嘅份量真係好少。
第一轉唔清楚，
每樣淨係嚟得一兩粒。

呢度個午餐肉有炸過而且係非常厚切，
無論就咁食定係淥一淥先食都咁好味😋

飲品方面有好多選擇，
喺雪櫃自取嘅茶聞落非常香但就唔係好有味，
我比較鍾意冬瓜茶，
但冬瓜茶冇擺出嚟，
要用平板電腦落單。

甜品方面有雪糕或者仙草，
我覺得個仙草都非常唔錯！

但走嘅時候等𨋢等10世都入唔到，
最後結果選擇行樓梯，
好彩佢後樓梯都唔係污糟，
就當食飽飯運動下啦！

牛大人這個名字已經仰慕已久，不論是網上還是朋友，每個人都極力推介。受歡迎程度是，我中午11:50am去到，已經要排隊，很期待今次的放題！
.
到12點，很快就可以入座，而且環境高雅舒服，感覺很衛生，有宮廷風嘅感覺。
.
我們食了最高級的 極上和牛吃到飽Wagyu Beef Lunch Set，每人$198，可以食盡所有肉類！
.
我們當然是狂叫最貴的兩款牛肉：
澳洲和牛M5牛肩卷Sliced Australia wagyu (M5)、安格斯特選牛板鍵Augus blade
鮮紅色非常新鮮，而且雪花紋明顯，肉質香滑，靚牛肉呀，如果去街市買都要好幾百蚊。而且每一碟都好靚，用質高質，而且上菜很快，用手機下單不用3分鐘就送到來。
.
當然也可以吃其他肉類：
上腹牛五花Beef short plate
西班牙豬梅肉片Spanish pork collar
西班牙豬五花片Spanish pork belly
花雕酒雞件Huadiao chicken
牛媽秘制滷大腸Taiwanese braised pork intestines
牛媽秘制滷牛肚Taiwanese braised beef stomoch
牛媽秘制滷牛筋Taiwanese braised beef tendon
.
見到signature 肉漿，果然很不錯，彈牙足料！
蟹籽墨汁漿Squid ink with crab roe paste
干貝鮮魚漿Scollop and fish paste
.
自助區選擇也很多，丸有超多的選擇，而且又有不同的蔬菜、粉麵，正呀。
丸類：乳酪蛋腸、拔絲芝心包、龍蝦沙拉、鱈魚丸、虱目魚丸、香草雞肉丸、香菇貢丸、雪枝揚、特級花枝丸、芋頭貢丸、竹炭海鮮丸、麻辣丸子、海膽包
台灣在地直送美食：手打旗魚漿、台灣海鮮漿澎湖花枝漿、真味牛肉漿、爽滑豬肉漿、私房鴨血
.
而且這裏的飲品也很有特色，有自家製冷泡茶：桂花烏龍、菊花普洱、洛神花茶、白桃烏龍，很清新，感覺健康。也有台灣特色飲品：麥茶、古早味紅茶、鮮草蜜、蘋果西打。當然少不了汽水：忌廉、芬達橙汁、可樂、雪碧。
.
打邊爐配啤酒最爽，加$48有流花流水，即American Pale Ale，啤酒花味突出，一冷一熱是觸感上的衝擊！
.
最後竟然有台式甜品送，完美地作結。好高質好好吃的一餐！

不錯

服務好，食物地道，