牛大人 (荃灣) Masterbeef (Tsuen Wan)

難book位

終於食到無論咩分店咩時段都大排長龍
由台灣師傅主理嘅牛大人🐮
Bellofood嘅心情真係好興奮☄️
二話不說就揀咗最高級嘅極上和牛吃到飽😎
(其實都只係$198/90分鐘午餐吃到飽🤣)
–
我地主力嗌呢個級別先有嘅澳洲和牛M5牛肩卷🥓
見到咁靚嘅紋理已經知道啲牛有返咁上下質素
的而且確 食落口牛味好濃郁 肉質亦都好軟嫩
而且佢地將牛肩卷切成一大片
夾又方便 食又滿足 牛魔王表示滿意😈
–
除此之外 佢地啲乜漿物漿都超級高質🤩
必食期間限定嘅章魚珍珠漿同蟹籽墨汁漿!
入面真係有一粒粒章魚同墨魚🦑
有咬口之餘亦都魚味濃郁 正😛
–
另外我覺得好有特色嘅係佢地提供多款台式小食
個人最鍾意嘅係魚香皮蛋豆腐🐟
嫩滑嘅豆腐配上秘製醬汁同木魚 真係好好味😚
而士林鹽酥雞同真豬小香腸都好值得一試👍🏻
加埋個仙草凍 好似去完一轉台灣夜市咁😝
–
最後好想大讚佢地任飲嘅冷泡茶🍵
有成四款味道 清新而回甘🌿
啤酒迷可以試埋佢地嘅手工啤🍺
流水落花($458/425ml)係由香港本土釀製
帶有淡淡啤酒花香 屬易入口類型
都幾唔錯架😗😗

返荃灣行到冇嘢行，見時間早，就去食5:00牛大人，雖然都多人，但可能係第一輪，所以唔需要排好耐。

揀咗食最貴和牛餐，因為上次食過，覺得貴得有價值，而且以我哋嘅食量係超值。而湯底方面覺得牛骨湯係最濃，基本上唔需要調味料都好夠味。
我主打食海鮮！呢度啲蝦同沙白都超級大隻，沙白好厚肉，無點任何調味料都好有鮮味，不知不覺叫咗好多輪，仲要無一隻係死或者有沙。而蝦都唔錯，d肉唔會梅，又大隻！跟住就叫左脆肉脘，滿足灑我呢d海鮮迷。

而男朋友就主打食牛，最鍾意食肥牛，今次啲肥牛肥瘦均稱，而且依然牛味濃郁，但我就鍾意食封門柳同牛柳粒，感覺上似食緊牛扒，多啲咬口，每啖都充滿肉汁，正！

今次試叫左牛胸爽，幾特別，店員話煮8秒就得，口感有d爽，需要咬多幾下，有d似肥肉口感，但唔會滿口油脂，值得一試！

其他食物選擇好多，必食蓮藕丶鴨血同萵筍！飲品亦都選擇好多，最欣賞係佢哋自家嘅冷泡茶可以解油膩，又唔肥！最中意菊花果款！

總括來講，飲食界求大人真係無敵，價錢實惠選擇多，湯底好，甜品仲要有仙草凍同movopic雪糕！不得了

聽聞好多人話好難book枱又話好好食，我自己覺得普通食物品種唔多，最大給 吸引力就係坐得舒服， 自製飲品洛神花茶係ok，其他好似加咗香味嘅水， 服務員幾有禮貌送餐都算快 ，時間就比較小得90分鐘都幾趕架😂😂😂 …

質素不俗

任叫任食自選火煱套餐, 選擇算多, 環境乾淨衛生, 價錢偏貴。三五知己相聚的一個選擇。

牛大人出名就係食牛，有多款唔同嘅牛肉可以簡，例如有澳洲M5和牛牛肩卷同安格斯特選牛板腱，安格斯牛小排同封門柳等，不過今次令我刮目相看嘅係呢度嘅滑類，呢度嘅滑類比起大部份火鍋店款式都多，有澎湖花枝漿，手打旗魚漿，章魚珍珠漿，干貝鮮魚漿同埋我最鐘意嘅蟹籽墨汁漿，蟹籽墨汁漿入面真係有一粒粒章魚同墨魚，而且每一啖食到濃濃嘅墨汁味

除左一般嘅火鍋料之外，仲有唔少台灣嘅地道小吃，牛媽秘製滷牛肚，魚香皮蛋豆腐，真豬小香腸，梅甘酥脆薯，當然仲有台灣最出名嘅士林鹽酥雞。
流水落花係呢度其中一款主打嘅本土啤酒，連平時唔令酒嘅我都覺得幾易入口。

中午點左任食198和牛套餐啲牛肉冇咩牛肉味反而另外加錢叫啲牛肉好味道

一鍋堂抵食啲

🇹🇼 想念台灣時•要歎台式火鍋🐮
人氣台式放題火鍋店「牛大人」長期受歡迎，每間分店都常爆滿。今晚終於有得試啦🤤🤤
同男朋友去荃灣分店，餐廳環境寬敞，座位間隔舒適。 自助食物飲品擺放企理整潔，分門別類。
🥬蔬菜類有：娃娃菜、油麥菜、萵筍、粟米🌽、南瓜🎃、金菇、蓮藕、蕃茄🍅、蘿蔔、雞髀菇等，蔬菜新鮮爽甜。
–
🍡丸子類有：海膽包、香菇貢丸、魚腐、牛丸、沙律海鮮丸、竹炭海鮮丸等等，十分彈牙。
–
其他還有我至愛蜂巢豆腐、脆炸響鈴、獨立包裝的台灣麵等等
–
🧃飲品的選擇亦多樣化，最愛自家製的冷泡茶如桂花烏龍、菊花普洱、洛神花茶，打邊爐消膩解渴健康之選。
我們還點了「牛大人特釀手工啤酒」，名為流水落花，果香味的啤酒🍻，易入口，味道不錯。
–
醬料多選擇又特別，例如烏醋、沙茶醬、蘿蔔泥、洋蔥牛肉醬等等。
–
套餐有三款，我們選擇了「澳洲極上和牛吃到飽」。
每位澳洲M9 和牛牛丸兩粒， 牛味十分濃香，質感爽彈。
–
湯底方面：
有十款選擇之多，我們選擇了「台灣鳳梨雞鍋」，湯底清甜不膩，雞肉亦很鬆化。
–
肉類方面
最愛澳洲和牛M5 牛肩卷、Q彈厚身的豬雪花肉片、香滑花雕雞件。
–
其他配料方面：
用Ipad 落單，環保又方便。而且上菜速度快無漏單！
海鮮類：有彈牙海蝦、鮮甜白嫩鯛魚片等
招牌手工滑亦有多款口味， 例如真味牛肉、足料海鮮、澎湖花枝。而我最喜歡是期間限定的章魚🐙珍珠漿、台灣直送蟹籽墨汁漿！
手工滑用料新鮮，十分彈牙，每款味道分明，很有水準
–
台式招牌小食都有提供喔🤤
例如：梅甘酥脆薯、士林鹽酥雞，香口惹味。 還有限量供應的香滑台灣鴨血。🥺很想念台灣熱鬧的夜市🥺
–
最後仲有最愛既movenpick 雪糕及仙草凍，大滿足！

呢間火鍋店係香港可以講話係人氣爆哂登🙉，拎到位已經好好彩！主打 #火鍋食到飽 🍲 ，有唔同嘅配料任均選擇，飲品任拎，仲會送movenpick雪糕/仙草芋圓做甜品🍮，亦設有醬料bar：
–
1️⃣ 「極上和牛吃到飽🍲($258)」
極上和牛🥩：
和牛係唔錯嘅，夠香夠滑😈，未試過平d個款，對比唔到><～👍🏻
–
澎湖花枝漿🐙：
手打到起哂膠，但食落同普通墨魚丸差唔多🤣~
–
麻辣鴨血🩸：
好滑，都夠入味，但麻辣味唔重🤣~👍🏻
–
澳洲和牛牛丸🐮(+$58/ 3粒)
必食👅！超juicy重牛香，可惜要加錢~👍🏻
–
即食嘅炸番薯🍠同鹽酥雞🐔都可以係等野食熟嘅時候止下口痕🙈
–
為左大家嘅quota，可以skip嘅有：
羊肉🐑、手工餃🥟、手打牛肉漿🐮等，總括黎講如果唔太多人排可以試下，唔係嘅話呢個價錢都會有其他更好嘅選擇🦥

【牛大人荃灣店】 @masterbeef.hk
上次食完牛大人實在大滿足，繼續去食佢果個「澳洲極上和牛」晚市套餐$248（5pm入座，7:30pm前離座）呢個時間去食最抵🤣🤣🤣 如果黃金時間去就$298😁
上次食蛽就已經夠歡欣！

⭐️今次我同左一位「唔食牛肉」嘅朋友去牛大人打邊爐，會唔會係玩佢呢？
絕對唔會，雖然牛大人係主打牛肉，但佢除左牛肉出色，其他肉品都一樣咁誇啦啦！

⭐️湯底我地揀左一個「蒜頭雞湯」+「紅燒牛骨湯」（雙拼湯底 另+$50）
咁唔食牛嘅朋友都可以自己一鍋啦😍

⭐️蒜頭湯好多粒大大舊嘅蒜頭，個湯底好香甜！仲有大大隻雞係度滾個湯底，正！
⭐️牛骨湯都有好大舊牛骨，不過就真係得骨搵唔到有肉，可能切哂出黎打邊爐😂 呢個湯底好惹味

📌「非牛肉類」
⭐️我大推「脆肉鯇魚/ 鯇魚腩」佢個鯇魚腩勁厚肉！咬落去卜卜聲，又鮮甜，真係超好食😍

⭐️魚滑系列都係超正，我好中意澎湖花枝漿、蟹籽墨汁漿、台灣海鮮漿，隻隻都爽滑彈牙，好有咬口，好鮮甜，不得了。

⭐️手打旗魚漿就比較腥少少，但煮熟後好重魚香味，好特別嘅味道同口感，必試👍🏻

⭐️小食方面我好鍾意佢嘅台式小香腸，其實好似蠟腸但又好軟熟，送酒一流；另外炸午餐肉都好邪惡，嫌太乾可以囉去打邊爐翻煮⋯⋯

⭐️鹽酥雞都好新鮮香脆，細細粒食少少唔會太飽肚，可以過下癮；基隆甜不辣好似係酸辣豆腐乾，幾開胃嘅。

⭐️講到啤酒，佢地有一款叫落花流水，$48杯，原來係一款好重花香味嘅啤酒，我一飲落去就好似香水咁香，有少少似茉莉花茶咁嘅香味，好清新，打邊爐咁熱氣飲返杯下火岩哂🌝

🥩 「牛肉類」
⭐️荃灣店限定嘅「牛胸爽」一定要提，因為只有荃灣店供應，就係一片白色圓型嘅肉片，食落爽爽地又似食緊油脂，真係第一次試呀！

⭐️澳洲和牛M5牛肩卷、SRF極黑牛下肩胛、手切封門柳等等，多到數唔哂，亦都分唔清邊樣打邊樣。
（佢副線安平燒肉就無款肉都有label，我覺得佢可以加返😙）

牛肉類全部都好正好爽，但食落都係大同小異，因為全部都切到薄片，我真係唔太分得出邊款肉打邊款肉，最大分別應該係封門牛，因為佢切到一舊舊似鮮滑牛的。

上星期日同朋友去左荃灣我最愛任食打邊爐餐廳－牛大人，很期待既我早少少排隊等入座。雖然只是食lunch，但人流已經好多，可見食物質素真的很受歡迎。

當日我地就揀左－極上和牛吃到飽套餐（90分鐘）。

白玉酸菜鍋：特登叫依個湯底，因為吾想太重口味又想有反啲味道，吾太單調既湯底。個人覺得湯底可以再酸多一點，食起黎吾會太重口味，反而令人開胃。

肉類：依個套餐包有多款肉類：上腹牛五花、安格斯特選牛板腱、澳洲和牛m5牛肩卷、西班牙豬梅肉片、五花肉片等等。牛類味道絕對帶有牛香味，而且顏色鮮艷，相信後新鮮的！加上牛脂平均，食起黎漏出肉汁。豬類亦同樣大讚啊！豬口感吾會太鞋口，而豬肉味香口，又吾會乾身。整體而言，肉類的確很讚！

台式蝦餃：我大力推介的配料，自己落左吾少order！蝦餃為長幼身，焯後餃皮薄薄地，入面間蝦膠好彈牙，仲有陣陣蝦鮮味。

私房鴨血：夠晒大件，而且吾易爛。鴨血口感幾滑口，吾會有瘀瘀黑黑，相信很新鮮的。

墨魚漿：墨魚粒大大粒，可以增加食客既口感，漿焯後帶鮮味和少少彈牙！

台中仙草凍：由於系食lunch，餐廳沒有提供雪糕，反而是提供果凍。當中包有仙草、紅豆、花生、椰果、珍珠、忌廉奶。甘多配料夾埋一齊食，味道出奇地夾，仲超級正添！擁有多種口感，又夠滑，甜度岩岩好，真的很好吃！

出面仲可以自行夾到一般有既火鍋配料，質素幾好又乾淨，而且種類刀幾多。

流水落花$48/杯：味道不會太苦，飲落幾香幾滑。

當日食既牛不新鮮，食物種類不多，湯底差

天氣涼左即嘆好味台式火鍋🍲回頭率100%正呀

人氣台式火鍋牛大人今日終於食到啦!! 好多fd食過都話正搞到我好期待😛, 大鴻輝啲𨋢認真要預多d時間搭.
🐮
120分鐘用餐時間, 我地揀左”極上和牛吃到飽套餐”, 即係咩都可以任點呢! 9款火鍋湯底都好有特色, 但嗜辣嘅我地當然揀”牛大人秘方麻辣鍋”(小, 中, 大嘅中辣🌶)吧! 湯底d香料豐富到… 辣到無朋友🥵.
🐮
牛牛牛牛牛
第一round每款牛都點黎食, 每款肉都有label住種類, 我最鐘意嘅係和牛M5牛肩卷n 美國prime極級肩里肌, 油花勁靚食落都唔使點咬, 可以好好enjoy牛味同口感, 而且全部都非常新鮮!!
🐮
鴨血❤️
必食呀📣 平時買開一盒盒嘅鴨血冬粉都成70幾蚊一盒而家可以任食呢😋, 店家d鴨血真心高質, 芋頭片, 脆鯇魚腩, 滷大腸….. 超正!!
🐮
Li度特別之處就係有由台灣直送嘅美食供應: 花蓮小雲呑, 手打旗象漿, 牛肉漿, 花枝漿… 打邊爐perfect.
🐮
雪櫃d飲品選擇多到一個點. 但感覺打邊爐無杯啤酒🍻好似唔夠喉.
🐮
我真係好鐘意食滷肉飯呀😋
🐮
黎之前都有上Openrice做小小功課🤣所以一坐低除左order牛之外都有order孰食, 炸蕃薯🍠, 排骨酥, 鹽酥雞…. 都好好味.
🐮
Last order有movenpick雪糕食! 今日加埋限定哈根大師白桃x Raspberry正呀🍦完全覺得li個價錢勁抵食, li個冬天must encore呢.

服務好，抵食。

真的管飽,另牛的質量及种類比其他 “牛X” 更好,加上台式小食及飲品,值得再去

和牛等又等得耐，黎又黎得唔啱，咁驚人地食，就唔好賣啦，比左果份錢，就驚人地食得多，比D劣質肉，好彩我睇得出姐，唔係比你地呃啦，一次比錯都算，仲要比錯兩三次，唔話你地特登都唔得啦

呢排幫襯得最多嘅任食邊爐🫕就係牛大人喇，因為佢牛肉質素幾好，配料多得嚟又有啲台灣特色，台式小食更加係一個賣點。今次帶埋爸爸👨🏻嚟荃灣分店，食個夠本！

同爸爸嚟緊係要食最好😆😆叫咗最高級嘅*極上和牛吃到飽套餐*，話就話最貴，其實都只係每人$248，比起去牛咩牛咩個啲cp值高好多

下晝5點半準時去到可以直入，叫咗湯底就即刻出去夾配料同揀野飲，好鐘意呢到唔係常見嘅港式打邊爐🍲配料，風琴豆卜、凍豆腐煮湯一流，芋頭丸、仲有個奶酪咩咩丸都幾特別，番埋位坐低就啱啱有湯底喇！

我地叫咗*牛大人紅燒牛骨鍋*，入面有一舊牛骨，仲有啲龍眼、杞子，淨係湯底都夠味👍🏻

既然叫得最貴個餐，緊係瘋狂食牛啦，呢個級別最靚嘅係*澳洲和牛M5牛肩卷*&*安格斯牛小排*，encore咗好多盤，每次嘅質素都差唔多，唔會參差不齊，油脂分布適中，入口嫩滑，唔會過肥/過瘦

第二類必點嘅就係海鮮喇，我好鐘意打邊爐食魚，呢到就有好多款，*台灣鯛魚片*、*脆肉鯇魚片*、*脆肉鯇魚腩*，仲有*鮮甜海蝦*同*新鮮沙白*

最後唔可以唔叫嘅就係台式邊爐先有嘅*鴨血*、*豬血糕*&*水蓮*，呢啲平時真係好少食到，爸爸👨🏻超鐘意食水蓮，話夠晒爽口👍🏻

兩個鐘打邊爐其實都好夠時間比你食到扶牆走😆，加完湯等水滾呢啲時候仲可以試埋台式熟食，*士林鹽酥雞*、*真豬小香腸*、*梅甘酥脆薯*，樣樣都好食😋

呢餐我同爸爸👨🏻食得超開心，狂飲狂食，最後仲有個雪糕畫上完美嘅句號👏🏽👏🏽

正常水準，冇特別

桌與桌距離近

須然疫情仍然嚴峻，但香港人生活如常，
出外進餐人數大增，不愧港人本色🥳

最緊要做好防疫工作，
首先搵間安全又企理火鍋店先，
這間火鍋店(牛大人)不但口碑好而且好有CP值，
所以一早要訂位，坐低不久，
已高朋滿座，餐牌內有好幾款套餐選擇，
非常吸引，梗係點澳洲極上和牛套餐啦，
點餐方面非常簡單， 掃一掃個QR code就得。

鍋底：
我地揀咗一個阿嬷養生濃湯鍋，越食越香濃，奶白色，又不肥膩，胃口大增。

肉類，丸，餃子：
澳洲M5和牛，牛板腱，牛小排，手切封門柳..全部牛既質素都非常高，豚肉，多款台式丸及餃子，响鈴，炸魚皮款式多到數唔哂。

海鮮：
蝦，蜆，台灣鱸魚片，海鮮漿，干貝魚肉漿….都非常新鮮彈牙。

小食：
炸魚皮，鹽酥雞，台式香腸，甜不辣，皮旦豆腐等等。

蔬菜及麵食：
有台灣特產水蓮，萵筍等等，麵食方面，新竹米粉，王子麵真係好正。

飲品及甜品：
有自家制冬瓜茶，烏梅汁，菊花普洱，洛神花茶，Movenpick雪糕同台中仙草凍。

想試哂所有食物都好難，實在太多款式喇！
又要期待下一次了😋

肉片薄如蟬翼，透明見底，
地板如履薄冰，險象環生，
用餐時間緊迫倉猝，
又貴又唔抵。
服務
內用

食物種類多 甜品嘅仙草超好食
但今次去坐角落，比較熱🥵
服務
內用
餐點類型
晚餐

今日同朋友去左荃灣，牛大人都聽過好出名，成日要大排長龍，今日心血來潮終於去試下！

聞名不如見面，星期五晚真係好多人等位，過左一陣就有位喇~
有幾個餐揀，ｈａｐｐｙ　ｆｒｉｄａｙ一於食豪D，我地揀左＄３１８澳洲極上和牛餐~湯底就揀左台灣濃香蕃茄湯~
有好多種牛選擇，牛味十足又嫩口~仲有海鮮，好似蝦、魚片、沙白、魚滑，當然唔少得台灣夜市小食，好似鹽酥雞、皮蛋豆腐，出面仲有好多飲品同茶比你揀！太多野想食同想試！！

甜品估唔到仲有movenpick!真係好完美既一餐！