段純貞 Duan Chun Zhen

最近荃灣最紅的新餐廳，相信非段純貞莫屬，這家台灣過江龍在香港開設的首家分店😋每次經過如心廣場，必定看到排隊的人龍，所以又怎能不嘗一嘗呢🤩

位置：如心廣場中央位置，正好在Pacific Coffee的對面🍧
環境：裝修古式古香，有傳統的感覺💐
服務：店員下單快、上菜收拾同樣很有效率💕
食物：味道偏重，用料十足🌸

🌺麻辣蒜味腱心半筋半肉麵 $84
這款麵讓人第一感覺的肯定是其辣勁，湯頭香辣且蒜香味濃，喜歡重口味及辣的朋友一定會喜歡😎牛肉選用了較稀有的腱心部分，非常軟腍，而牛筋亦煮得很軟滑易入口。太太選了像刀削麵的手工麵，易吸入湯頭且口感很不錯☀️

🌺三寶麵 $88
三寶麵同樣有牛腱心肉及牛筋，再加入同樣軟腍的牛肚，相當豐富🍩最有特色是可以喝充滿藥材味的湯頭，十分養身。本人選配了細麵，幼滑順口🍰

🌺鹽酥雞 $48
加點了台灣傳統的鹽酥雞，炸的酥脆，細細粒很易入口🍧

🌺香橙乳酸飲料 $28
乳酸飲料一直是太太最愛，這款飲料加入了香橙及橙汁，增添了一點香氣，亦有乳酸的開胃感覺🎊

🌺冬瓜薏仁檸檬特飲 $30
主要是冬瓜茶的味道，既有冬瓜薏仁的清熱氣，亦有檸檬的清新開胃，是很潤喉養生特飲😁

這次光顧過後明白為什麼餐廳一直都需要排隊，不是因為店員效率低，反之全因食物水準比較高，若非疫情相信此餐廳開分店只是時間問題呢💪

幾好食

2021年8月7日(六)
和K哥來食個簡單午餐跟住去睇電影
落單後都沒有主動提供水，問佢攞水就會比一杯你。
我哋每人叫咗一碗麵
燉濃湯雞麵$84
麻辣蒜味腱心半筋半肉手工麵$88
因為K哥唔食得辣，所以選擇左呢碗燉濃湯雞麵，雞湯濃郁，雞腿肉好吃。
我想食辣就要左麻辣蒜味腱心半筋半肉手工麵，上菜嘅時候職員倒瀉咗湯落枱面，職員說換過一碗新嘅俾我，點知轉頭詐詐諦諦攞返同一碗俾我
味道係一般正常嘅麻辣湯麵，喜歡他夠麻夠辣，好多紅油，多到過分，唔食得辣嘅朋友千祈唔好選擇，腱心半筋半肉質感都好淋，手工麵好吃，夠質感
呢度係有加一服務費及用膳限時45分鐘。
食碗麵都要$100 ，飲埋杯人均要$150，值唔值就見仁見智，追求試新店嘅就一試無妨。

除咗貴咗啲之外，唔錯

午餐同媽咪去荃灣覓食，見到段純貞牛肉麵好多人排隊，又過去排隊試下😛依間牛肉麵果然正宗，難怪咁多人食😋下次黎到荃灣又多個必食點😋

小明為食餐單:
三寶麵🍜 $92
有腱心、牛筋、牛肚，好有牛肉味，而且肉質好好，牛筋好滑但唔會硬，我肚好爽浸曬牛肉湯味，腱心唔會鞋煮得剛剛好，再加上附上既酸菜，好好味😋

麻辣蒜味腱心半筋半肉麵🍜 $88
依個加左麻辣仲更加惹味，如果仲意食辣一定非常仲意，有牛筋同牛腩，同樣咁入味🥰

滷水拼盤🍱 $78
拼盤有牛肚、牛、滷蛋、豆干、鮮菌，滷蛋係小明好愛既流心蛋程度😍豆干浸左牛肉香加滷水汁，一流😁鮮菌係一大片一大片既菇，好有咬口又鮮味😋牛肚牛一樣咁有水準😘

荔枝乳酸飲料🍹 $28
酸酸甜甜既飲品好解渴又好味，乳酸係飯後飲幫助消化又係好好飲既飲品🥰荔枝粒粒好香甜🥰

冬瓜薏仁檸檬特飲🍹 $30
冬瓜薏仁好清甜加埋檸檬酸酸地，好special，底部有好多薏仁可以食，食落好健康😋

味道還不錯，這個價位可以再好一點了。

荃灣台灣過江龍段純貞

段純貞喺香港已經開咗排
但係人氣就無減退過
每間分店次次都好多人
今次襯喺荃灣做完gym 2點幾3點
竟然有位！就即刻衝入去

原味牛肉麵 $84
佢哋嘅麵仲有得揀幼定粗
我就揀咗粗嘅手工麵
個湯頭相信大家睇到個色澤都feel到唔野少
事實係飲落真係好濃郁
仲有微微嘅酒香味，唔知我有冇飲錯xd
牛肉雖然我唔係揀半筋半肉
但係牛肉嘅質素都好高
每一舊都有少少筋癡住
將入口即化嘅肉質更加提升咗質感
仲有一小碟微辣嘅菜圃，減低咗油膩感

新鮮豚肉鍋貼 $48
哎呀，呢個都真係有驚喜
雖然係鍋貼，但佢個皮一啲都唔厚
仲煎到好香口添
鍋貼入面嘅餡料都好夾
啖啖肉，啖啖菜，好多汁
我一個人啪哂5粒

仲叫咗個胚芽珍珠奶茶
珍珠煙韌，奶茶味香
過江龍黎講，呢間都算幾高質
價格亦算合理

有同事係咁推介我試呢間牛肉麵，話呢間係佢係香港心目中牛肉麵no.1😂 今日終於有機會黎試✌️

我叫左個招牌紅燒腱心牛肉細麵同一杯荔枝乳酸少冰，朋友叫咗個麻辣蒜味腱心半筋半肉細麵走蔥同冷泡凍頂烏龍茶，另外仲加左個滷水拼盤share～

我既紅燒湯底非常濃郁！😍 香濃既藥材味帶啲牛油香同埋好輕微既辣，有三大舊牛腱心，件件都好淋好滑好入味！🤤🤤
喺我影相嘅途中細麵已經索曬個湯底😂 變得更入味更好食，細麵掛晒啲湯汁超正👍👍

荔枝乳酸記得叫少冰但唔記得咗叫小甜🙈 所以偏甜左啲，不過荔枝味夠濃郁～

朋友既麻辣蒜味湯底好似一個麻辣火鍋湯底濃縮版，一黎到聞到超勁麻辣味😂
佢話食落好香，唔算非常辣，牛筋，腱心同牛肉都好夠淋，完全唔會痴牙😂

鹵水拼盤有五樣配料，全部都好入味😋
蛋黃仲係流心既添！呢個拼盤可以試埋碗麵裏面冇嘅牛肚同牛展👏 我平時唔中意食牛展，但呢度都整得好淋好薄好好食😍 牛肚都好爽口～

朋友既冷泡茶包裝好靚😁 佢話飲落唔會好澀但係有啲回甘，幾好飲👍👍

同事果然無介紹錯😊😊呢度既牛肉麵真係超好食！解到下想去台灣旅行既癮，好滿足！😆

啱啱開嗰陣都已經想試因為好掛住台灣嘅牛肉麵🥲
仲要有機會嚟試吓，平時食飯時間經過都已經見好多人排隊。

麻辣燉五花牛肉麵

諗住試吓麻辣味，湯底濃郁但麻辣味就冇咩，所以係唔辣。燉五花牛肉呢款係似一啲薄切嘅肥牛唔係平時食開台灣麵嘅燉牛肉。如果想食返厚切嘅牛肉應該叫返原味牛肉麵😋。叫咗手工麵，手工麵嘅口感的確唔錯好彈牙。

鹽酥雞
青花椒香手撕雞拌麵

淡淡嘅青花椒香，好多脆口嘅花生😋，令到成個面個口感好強勁🤣，撈埋食好惹味，手撕雞雞肉都嫩滑☺️。

鹽酥雞

認為鹽酥雞呢餐入面係令我最深刻，佢哋個味道唔會過咸平時食嗰啲真係太過濃味。而且每件雞件大小都啱啱好啖啖肉🥰。

食台灣嘢當然唔少得叫番杯珍珠奶茶啦😋。

雜誌介紹， 被台灣美食教父評為『五顆星牛肉麵』的段純貞，在荃灣如心廣場一期 開設了首間海外分店， 令人引頸以待，最近終於正式開業， 吸引我和先生中午時分過去品嚐台灣味道。💕

段純貞，源自店主已故祖母的名字。來自四川的段純貞，為了幫補生計， 在台灣，以單車售賣豆瓣醬，獨創出川式牛肉麵， 在異鄉打響名堂。💕

麵條，可以選擇手工麵或細面，我和先生也選擇了平日少見的粗身手工麵，口感煙韌得來， 掛汁力強。💕

🎯麻辣蒜味腱心半筋半肉麵$84
切得厚身的牛肉份量十足，一半是腱心肉，一半是牛筋，腱心肉妏的時間剛好，肉質軟淋而不爛，油脂分佈均勻，肉香醇厚， 口感有點像牛展， 啖啖肉， 湯底花椒味突出， 濃郁不太辣，配上滑滑手工麵同食，令人十分滿足。💕

🎯三寶麵（腱心，牛肚，牛筋）$88
先生說用上23種藥材慢火熬製8小時而成的牛骨湯很美味，湯底帶點藥材味，香甜而不苦， 說罷便一飲而盡，很識補。💕

用新鮮牛脂提鍊出天然牛油來煮湯底；選一頭牛只得2塊的牛腱心來做主打牛肉麵， 餐廳對食材的堅持，令人動容，食得安心又放心。💕

三寶麵、麻辣、番茄味都唔得，唯獨呢款最signature嘅紅燒半筋半肉好出色，小食鹽酥雞比想像中大份，收完加一後價錢稍貴

台灣菜式係我擁躉之一，今次喺荃灣嘅一間台式餐廳試新野😌😌😌叫咗兩個餐，包括青椒手撕雞肉乾拌麵、原味牛肉麵，再加一個小食就係鹽酥雞!!!
青椒花生手撕雞肉乾拌麵
首先我想講佢嘅份量真係好足料，啲雞肉好多👍🏻👍🏻👍🏻👍🏻鍾意食辣嘅呢個係一個非常好嘅選擇，個人覺得好入味，再加上花生同埋脆豆嘅配合，好夾👍🏻
原味牛肉麵湯底夠濃，有得揀粗麵同埋幼麵，揀咗粗麵～牛肉夠淋👍🏻
鹽酥雞
今次嘅鹽酥雞比較特色嘅地方係佢嘅雞件比較大同埋滑口～
由於叫咗三樣嘢已經夠晒飽，決定下次返去試其他小食😎😎😎

這間位於如心廣場內的台式麵店，主要以牛肉麵及多款小食飲品為主。
三寶手工麵
手工麵很粗，大約1.5-2cm粗，麵質有咬口，腱心炆至肉質鬆化，牛肉味濃郁；牛肚夠腍；牛筋入口溶化，筋位膠質豐富，湯底充滿牛骨香味，帶點紅燒汁惹味。
燉濃湯雞細麵
幼麵較爽滑，每啖都有濃香鮮雞味，飲完都唔會口渴，應該用鮮雞熬煮，完全無落味精，雞比嫩滑，份量十足。
滷水拼盤
拼盤滷得入味亦不會過咸，牛肚及牛𦟌夠腍；滷蛋帶溏心狀；豆干入味又夠滑。
荔枝乳酸特飲&冬瓜薏仁檸檬特飲
前者酸甜開胃，後者清爽又有點茶香。

日忙夜忙終於放假🥴
真係好想去旅行出走一下！

唯有出去行下周圍覓食 食個靚lunch
黎到荃灣 竟然俾我揾到 有台灣味道ge段純貞！

兩個人一人一碗麵
我叫左 推介ge 燉濃湯雞麵
真係有大大隻雞腿ga🤩🤤
D湯好濃好香 重點係 冇 油 ！
食晒個麵仲想飲晒d湯🤤

仲叫左碗三寶麵😍
包括牛肚，牛筋同腱心~
大大碗又多料~ 好豐富🤤
配上自家製手工麵
麵條寬得黎食落好實在~

再來一個滷水拼盤！
一次過食晒幾款滷水小食
最正係鮮菌~ 真係好入味！

今餐食左個豐富得黎 又好有台灣風味ge lunch~

不錯，但由於時間限制，需要吃快點。

好味，飲品最鍾意仙草奶茶

承傳祖輩手藝的台灣過江龍

今日計劃遊走元荃古道，由荃灣港安醫院行山到深井，在出發前當然要填肚子先。在多國美食中，我最喜歡是台灣，因為大部分都很適合亞洲人的口味，尤其是香港人。在網上看到有台灣過江龍牛肉麵在香港開分店，身為牛肉麵的忠實食客當然不能錯過。

位置：在荃灣其中一個大型的商場內，近西鐵站，挺方便的，但被中央的柱遮蔽了其門口，不熟悉商場環境的人可能會錯過了。不過門口外總有人在排隊，我們也不例外，大概用了十五分鐘。

環境：外圍是玻璃牆，陽光或商場燈光直射而入，顯得明亮自然，在門口位置是吧台和收銀台，中間的牆面上有其招牌和木造的門窗，客人使用的桌椅亦是木製，就算是隔板亦配合餐廳設計。

午市：
招牌紅燒腱心牛肉麵(配手工麵) $80+桂圓蜂蜜薑母茶 $28(凍)
首先是湯底色澤呈深啡色，聞起來香氣濃郁，喝起來一股中藥味，但不濃可接受。切至厚身的牛腱心肉滷得軟腍，油脂呈花紋狀且肉香醇厚，吃來起完全不韌且帶醬香，肉香強過牛展。手工麵彈牙煙韌且掛湯強，我個人喜歡手工麵多於幼麵。薑母茶不會過甜，因為有冰沖淡了，薑味不會辣喉嚨，剛剛好。

麻辣蒜味腱心半筋半肉幼麵($84)+冬瓜薏米檸檬特飲$30(凍)
這是朋友點叫，因為她喜歡辣，而這道麵雖然麻辣，但不會辣到麻痺或燥口，不過會愈吃愈辣。這款牛腱肉多了筋，就多了嚼口，但我會選擇招牌多於這款。

值得一提是每碗麵都跟一小碟酸菜，味道十分開胃惹味，我和朋友都覺得很好吃。

鹽酥雞$48
這個小食就失色了，因為炸粉很厚，肉身較乾，雖然炸得阿香脆，份量亦多，但口感一般，反而底下有炸過的紫蘇葉，很香口。下次應該吃滷水拼盤。

跟傳統台灣牛肉麵老店相比，段純貞辛香料落的較為重手。湯頭沒有林東芳的牛油味，多了各種不同香料的味道。牛腱心燜的非常柔軟入味。手工麵口感豐富，類似山西刀削麵。愛吃台灣牛肉麵的朋友可以試試。冷泡茶很好喝。

#段純貞牛肉麵

台灣已有十多間分店的人氣牛肉麵店，過江龍到了香港啦！最使我感動的是味道和台灣食到是一樣的！💕水準甚高呢！

招牌紅燒腱心牛肉麵🤩
特別採用了腱心肉，長時間烹煮出來又軟又濃香牛肉味，聽說每隻牛只有五碗份量腱心牛肉🐮 比較珍貴，半筋半肉的口感一流！

而我都欣賞牛肉麵湯底選用牛大骨和23種中藥材慢火細燉下出爐！配上手工麵味道真好！

還有鮮雞手工麵、紅油抄手、藍莓乳酸特飲和冬瓜檸檬薏米特飲等都是充滿台灣特色，噢使我又再一次滿滿的掛念台灣了！[色]🤤🤤🤤🤤

段純貞牛肉麵
@duanchunzhen.hk
荃灣楊屋道8號如心廣場1期1樓105-107號舖
銅鑼灣謝斐道535號Tower 535地庫B01號舖

#段純貞牛肉麵 #段純貞 #牛肉麵 #台灣牛肉麵 #銅鑼灣美食 #荃灣美食

係香港搵好食既台灣野真係唔易. 因為店舖係多,但CP值高既真係唔多間. 上網Search一Search 知道荃灣如心廣場新開左一間台灣間.但每逢Lunch都有好多人排隊, 我唯有過左Lunch時間去啦！入到去好有台灣的感覺,我同朋友叫左一人一款唔同既麵.

三寶麵 HK$92 (牛肉湯底加牛肚加腱心肉加牛筋配粗麵)
意想不到既多汁, 好入味. 每樣都好濃牛肉味- 湯底微辣 我喜歡既

招牌紅腱心牛肉麵 HK$80 (牛肉湯底加超大既腱心肉 三片 配細麵)
另外每碗麵都有一碟酸菜, 係細心配搭. 因為湯底濃, 再食一啖酸菜 係幾好~

荔枝乳酸飲料 HK$28
比想像中好飲, 可以再凍DD!!

金橘蜂蜜綠茶 HK$28
有驚喜之金橘蜂蜜綠茶,以為好甜 (NO LA) 因為重綠茶味 所以茶味多於金橘蜂蜜
我係鐘意既, 因為食完濃濃既牛肉麵, 應該要飲啖茶!

推介
鹽酥雞 HK$48 (必食之選) *
唔會太大件, 好難咬, 而且比我想像中好食.
因為炸出黎, 唔會太油, 亦帶有鹽酥既精髓.

過江龍牛肉麵
愈來愈多台灣美食在香港開分店
一解思鄉情懷 真的好想去台灣旅行
段純貞也不例外 一口氣開了兩家店
每次經過總有長長的人龍 很好吃的樣子
今日終於提起決心去吃🤓攻略：平日下午
.
三寶麵🍜
餐牌寫住「來店必吃」當然要試一下
三寶是指腱心 牛筋 牛肚🐮牛魔王大愛
選用了美國牛肉 全部都很大塊 軟腍入味
當中最驚艷的 一定係牛筋和腱心 推薦
湯底濃郁 帶點藥材香氣同時又容易入口
大概是我在香港吃過最好吃的牛肉麵了！
配搭手工麵的煙韌 有點像刀削麵的闊身版
.
燉濃湯雞麵🐔
這是餐牌上另一款推薦菜 網上食評不多
心中好奇牛肉麵店竟然有出色的雞麵？
出乎意料的好吃 跟上海嫩雞煨麵不同
湯頭清甜不油膩 陣陣雞香 結果不小心喝光
喝完也沒有口渴的感覺 應該是無味精
雞髀肉質嫩滑🍗一口就能撕開的程度
選了細麵 麵條非常順滑 吸湯能力十足
p.s.這家的酸菜不咸 反而酸酸甜甜 好開胃
.
滷水拼盤🍢
分別有牛肚 牛𦟌 滷蛋 豆干 鮮菌
與牛肉麵相比 滷水味唔算突出較淡
但口感就爽一些 特別是鮮菌 非常特別
.
冷泡凍頂烏龍茶🥃
好喜歡它用玻璃樽裝住 賣相幾靚
茶味清新 淡淡茉莉花香 台灣的茶飲真不錯
.
冬瓜薏仁檸檬特飲🍋
檸檬的酸和冬瓜茶的甜配搭得剛好
喝起來清爽不甜膩 另外薏仁的份量很多

唔錯的🇹🇼牛肉麵！我暫時在HK食過最好食的牛肉麵！湯底做得好好，飲到有牛骨的味道！牛肉夠軟，咬落去唔好韌！麵方面有我喜歡的像山西刀X麵的麵，咬落去有嚼口！整體來講唔錯的，不過價錢方面就不夠親民，成$8X大元一碗再收加一！差不多$9X大元一碗！而且嘢飲正價！如果一碗麵再加嘢飲，total$11X左右！不是平民首選之牛肉麵店！所以我給佢三星，價錢方面可以有待改善！！
還有佢的麻辣牛肉麵我覺得一般，因為有點過辣，飲唔到湯的鮮味，所以唔係十分喜歡辣的朋友可以不選食麻辣的牛肉麵！

.
上星期同朋友去左荃灣如心食段純貞
呢間新開唔算太耐 一直都想試下 今次終於有機會❤️
點左原味牛肉麵 麻辣嫩牛花牛肉麵
紅油抄手 珍珠奶茶同香芋珍珠奶茶
熱辣辣既天氣飲🧋珍奶真係無得輸🥲
呢度既珍珠好煙韌 有咬口 奶茶就算唔點少甜都唔會好甜呢～ 香芋珍奶既芋香好吸引🤤一樣不會太甜呢
.
小食 紅油抄手 面頭舖滿芽菜 底下既紅油抄手皮薄餡靚 蝦同豬肉👍🏻味道唔錯
.
麻辣嫩牛花牛肉麵同原味牛肉麵都可以揀粗麵/細麵
我同朋友都揀左細麵
原味牛肉麵既湯底真係好濃郁 牛味香濃
牛肉好厚 唔韌 肉質軟腍 愛吃牛的必試！
麻辣嫩牛花牛肉麵屬小辣 牛肉浸左辣湯食唔錯
呢款牛肉係薄切 好嫩滑 有少少生牛肉既感覺呢～
.
見到佢有乾拌麵食 下次一定會再黎試下😋

台灣麵館，牛肉麵味道不錯，價格不便宜，有點擠

仲記得第一次去台灣，食嘅第一餐，就係段純貞牛肉麵，對我黎講真係充滿回憶🤣得知段純貞開咗黎香港，即刻黎搵返初初去台灣嘅感覺，裝修同台灣店都有幾分相似😚

• 麻辣蒜味腱心半筋半肉麵 $88
一見到Menu有麻辣😯愛辣之人諗都唔洗諗啦下化😎湯底望落都幾紅，飲落真係偏辣同重口味，幾鐘意依種刺激感，無論牛筋定牛肉都煮得超軟淋🤤麵條可選手工麵或幼麵，手工麵即係粗麵，闊身大塊有咬口嘅，不過掛湯力就略嫌不足😗

• 招牌紅燒腱心牛肉麵 $84
超鐘意湯底嗰種淡淡嘅藥材味，比起麻辣口味更能夠突顯原本牛湯嘅優點，各有出色嘅地方‼️麵條方面依碗我哋揀咗幼麵，煮得較為軟身，口感比手工麵清爽，而且更加吸湯😚

• 鹵水拼盤 $78
拼盤中包括咗牛肚、牛𦟌、滷蛋、豆干同鮮菌，除咗滷蛋之外其他都幾入味，鮮菌即係台灣小食中常用嘅杏鮑菇😉

• 冷泡凍頂烏龍茶 $30
烏龍茶係用個玻璃樽仔裝住，茶味特別甘香，用嚟解辣好唔錯😌

• 荔枝乳酸飲料 $28
酸甜清爽，荔枝味都好自然😉