饞 台式幸福食堂

食物質素不錯，價錢合理。

台灣飯食，餸菜都是比較重味，套餐配飯，紅燒燉牛腩，鹽酥雞，改加肉燥飯，$10.-，改貢丸米粉，要加$12.- , 評論是可以試下。

鹽酥雞 hkd$70
🤟🏻一份既份量真係超滿足,驟眼一望都有成幾10粒,而且炸得好酥脆,外皮乾身炸得金黃色.
🤟🏻入口帶陣陣鹽酥鹹香味同金不換既香葉味.內裏雞肉仍然保持嫩滑,外脆內軟好惹味.

紅燒燉牛肉 hkd$80
🤟🏻牛肉湯顏色夠濃味又香,牛肉湯汁飲落唔鹹得黎帶點藥膳香味同蘿蔔清甜既味度,最重要當然係牛骨香味,香而不膻.
🤟🏻牛肉嫩腍,牛味濃郁再配上湯汁送飯真係絕配.
🤟🏻台灣蓬來米類似珍珠米粒粒短身飽滿,入口帶彈性夠綿得黎唔會帶黏糯感.

爆米花仙草奶茶 hkd$+15 set
🤟🏻奶茶底夠濃加上奶味平衡得幾好,唔會蓋過大家既味道.
💪🏻反而爆米花味就唔算好突出.

仙草奶綠 hkd$+12 set
🤟🏻奶味夠香滑,配上滑溜既仙草清涼解渴.

逛完荃灣的Donki，想外賣回公司吃飯，見到這間主打台灣食物，而且價錢合理，又有珍珠奶茶，好吸引！

鹽酥雞餐（有開胃菜和跟餐飲品另加$15）
受疫情影響不能夠出國旅行，但又掛念台灣美食，唯有在香港吃！我已經很久沒有吃過，所以都忘記了台灣的味道，難以比較。鹽酥雞的炸皮較黑，可能炸過兩次，但炸粉薄，所以外脆內軟，而且份量好多，每一塊炸雞塊都有乒乓球大細小，好滿足！

我喜歡外賣盒的設計，將飯跟肉類分開，那麼肉類的油就不會沾到飯。白飯是台灣的蓬萊米，又稱「梗米」，澱粉相較低一些，約占15%到20%，可以見到飯粒稍黏稍圓，可惜外賣到公司已經涼了，但也很好吃，好適合「飯桶」。

爆米花仙草奶茶
我是第一次聽到有人用爆米花，即是爆谷作飲料，但其實只有其香味而沒有爆米花，味道其實跟黑糖珍珠奶茶差不多，只是沒有那麼甜。

食物一般,環境雅潔

CP值好

食物質素一般，價錢比較高小小，但不用收加一服務費。

環境可以，食物普普通通。沒有驚喜

好吃的台式食品

不好吃

饞咀的我，遇上《饞•台式幸福食堂》，果然一拍即合！

最近在如心廣場一帶蹓躂時，發現一家門面設計簡約，卻擠滿食客的小店 – 《饞•台式幸福食堂》，好奇心驅使下，決定試一試。

貫徹門面的簡約設計，店內以灰白色為主調，搭配木系椅子及黃色高櫈，簡約舒適。

友人點選了香酥雞扒一人餐，可配白飯，或加錢轉滷肉飯 / 手撕台灣走地雞肉飯，友人選配了滷肉飯。

日常在餐廳吃的滷肉飯滷肉口感似肉醬，碎濕濕的，而這兒的滷肉卻較大粒，粒粒分明，而且肥瘦參半，甚有口感；肉汁黏黏稠稠的，帶膠質，味濃郁，用作拌飯，相當滋味。

大大塊的香酥雞扒，不油膩又鮮嫩酥脆，金黃酥脆的外衣，裹著飽滿多汁的雞扒，每一口都是鮮嫩。

滷肉飯搭配珍珠奶茶簡直是絕配，友人幾乎每次在台式店子進餐，都喜歡這個組合，感覺相當幸福。

不過，BeautySearch 近來愛上紅豆奶茶，沒有紅豆冰的甜膩，又有奶茶的幼滑醇厚，相當味美。

愛吃香口食物的 BeautySearch，點選了一客炸物拼盤，當中包括炸甜不辣、炸花枝丸及椒鹽四季豆。

平時吃的甜不辣，無論味道或賣相都跟炸魚餅非常相似，而這次的賣相，卻換成粗身薯條形，吃時更方便！口感非常彈牙，而且每一條都散上椒鹽，十分香口惹味，想吃辣的？還可蘸一點醬汁喔！炸花枝丸外層金黃，散上椒鹽提鮮，味道更鮮美，口感富有彈性；椒鹽四季豆口感清脆，同樣味美。

另外點選了一碟肉燥青菜，肉燥與滷肉飯的滷肉相同，同樣濃郁有口感，而今次拌上含有豐富的胡蘿蔔素、維生素及礦物質的小棠菜，更為健康喔！

難得係荃灣收工，所以就直接約男朋友係荃灣食埋野先返屋企。嚟到先發現原來如心廣場新開咗好多嘢食！

今次我哋揀咗 饞 台灣幸福食，食台灣嘢！

藥膳排骨$79 +$10轉滷肉飯
食落去Feel到好足料，因為真係好重藥材味，同埋成煲野都好多藥材，亦都有好多舊排骨，每一舊都好入味！
食台灣嘢又點可以唔叫滷肉飯呢⋯⋯啲滷肉飯好食，肥瘦肉都有！

鹽酥雞$70 +$10轉滷肉飯
另一樣台灣嘢必食就係炸雞！一份入面都算將多舊～每舊食落去都唔多炸粉，唔會太厚皮或者食落去勁粉，不過我覺得偏乾身咗少少，如果可以再Juicy啲就好喇！再一次講，滷肉飯真係好食！

另外每一個餐都會有開胃小菜，開胃小菜係唔辣但係偏酸嘅泡菜，幾特別！（望落去都係橙色啲但唔紅！）

同埋我哋每人都叫咗檸檬冬瓜茶，解渴又好飲！

牛肉麵質素不錯，湯底也足夠鮮
可惜無酸菜
飲品質素也一般

沒什麼特別的，就是很普通的台灣菜

失望而回

吐溫風格的食物，味道不錯！

係localized咗嘅台灣味

地方寬鬆/服務態度好/食品優美

悠閒的星期六和媽媽到日本超市買水果，順便食飽再回家，來到如心廣場二期的『饞 台式幸福食堂』午飯，這裡的套餐有10多個選擇～之前試過藥膳排骨和鳳梨蝦球，今次特別想試鹽酥雞。❣️

跟餐送台式湯品或台式甜品，
滷肉飯（＋$10）
台式飲品（＋$6 — $20）
令我最欣賞的是餐廳選用台灣蓬萊米，用料一絲不苟，很台式，而且湯和甜品經常轉新口味，很有新意 ！！❣️

🎯台式酸辣湯
最先送到的是用木碗承載的台式酸辣湯，質感濃稠，微酸微辣，有豆腐，木耳，蛋花蔥粒，很開胃。🎯

🎯鹽酥雞
即點即炸的鹽酥雞色澤金黃，份量比想像中還多，口感酥脆，非常香口，配有新鮮的椰菜沙律，有菜有肉，是我最喜歡的配搭。❣️

🎯溫泉蛋黑胡椒牛肉
賣相精美，牛肉選用了薄身的肥牛，肥瘦相間， 柔軟可口，把半熟蛋混合薄牛肉和牛肉汁同食，相當滋味。❣️

炎炎夏日，邊享受台式料理，邊喝透心涼的紅豆奶茶，幸福又滿足。❣️

地方可以。食品也是。但是有些東西欠佳。

好食，好坐
推介牛肉麵及豆腐
酸辣湯都 ok

呢間台式食店開咗咁耐經過好多次都無入去試，因為啲價錢都幾貴。今次終於去試下，叫咗個藥膳排骨飯加新竹貢丸豆腐湯同一個温泉蛋黑胡椒牛肉飯加甜品燒仙草。另外，加咗個炸物併盤同一杯仙草奶茶凍。個藥膳排骨啲排骨叫做尚可以，有少少鞋，即係唔淋，重有藥膳味就唔係好濃。個温泉蛋牛肉啲牛肉就好一般，無特別同埋無咩味。啲飯重要寫係台灣蓬萊米，但係就無飯味。全部加埋要二百幾蚊埋單，平均一百蚊一個人，性價比唔高，無咩想再返食嘅感覺。

呢幾日好似食得太好，都想食返啲清清地嘅晚餐！見到呢間簡約台式食堂，見到都幾多人幫襯，排咗一陣隊就入咗去試吓！

見到大堂都幾簡約，主要都係由木製傢俬襯托，連上菜都係用木製托盤！

咁岩餐廳做緊活動，有情侶到店post story就送台式手搖飲品，唔怪得咁多一對對啦🤣🤣🤣

🍡三寶奶茶 （跟餐加$16）
一開始望到點菜紙，見到個飲品名都諗緊咩叫係三寶奶茶，嚟到嘅時候先知道原來三寶係有仙草，紅豆同珍珠！飲咗啖覺得奶味比起茶味更加重！

🍡蒟蒻粒白桃烏龍 （跟餐加$12）
超級香白桃味😍😍估唔到同時都冇烏龍茶嘅苦澀味！仲食到一粒粒嘅蒟蒻，口感好豐富！

🍡滷水豆腐 HK$25
食得出啲豆腐係用咗硬豆腐，味道我覺得算比較清淡，但咬落去的質感又好有彈性，有啲似魚片嘅口感！

🍡酸辣湯 （跟餐送）
其實呢個一人餐會包一個湯或者一個甜品，但係我同朋友都對個甜品冇乜興趣，所以就揀咗呢個酸辣湯！離遠都聞到酸辣湯嘅酸味，辣相對比較低！而且都唔會煮到太濃稠，所以都幾好！

🍡紅燒燉牛腩 HK$84
牛腩炆得好腍，醬汁亦都入晒落牛腩度，我覺得以台灣嘅家常小菜來講，呢個小菜顯得更加住家feel！

🍡香酥雞排 HK$69
總共有三款口味可以揀，包括有椒鹽，麻辣及咖喱！而我今次就揀咗椒鹽味！椒鹽雞外表勁鬆脆，每一啖都咬到索索聲，但肉質有少少老，但總體來講都算合格！

🍡手撕台灣走地雞肉飯 （跟餐加$18）
飯粒用咗珍珠米，上面鋪滿哂好多嘅雞肉，有啲似鹽水雞嘅味道！但愈食落去唔知點解覺得有少少似鹹蛋黃味！雖然外表望落去似一碗白飯，但係其實佢飯底有唔少嘅雞油，所以食落其實都覺得幾香！

🍡滷肉飯 （跟餐加$10）
一眼望落去就見到豬肉好平均地半肥瘦，一半係肉，一半係肥膏！滷肉亦都係煮到好淋，肉汁好香好夠味！

✨喜歡請俾個讚我丫🤗

🔸🔸🔸🔸🔸🔸🔸🔸🔸
🍽 饞·台式幸福食堂
📍 荃灣
💰人均消費: HK$100
🕊餐廳傳送鴿： @chan.taiwan.cuisine
🔸🔸🔸🔸🔸🔸🔸🔸🔸

#ivykomenu
#hkfoodie #foodiehk #foodie #hkblogger #hkfoodblogger

#hkfood #hkfoodlover #hkfoodstagram #hkigfood #hkeat #hkinfluencer #hkkol #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介

#tsuenwan #tsuenwanfood #荃灣 #荃灣美食 #荃灣餐廳 #台灣料理 #台灣菜 #鹽酥雞 #荃灣食乜好

藥膳排骨OK，台灣腸好味，兩杯飲品（白桃烏龍同百香果綠茶）太甜。當歸鴨腿米線就真係幾差下，個湯剩係得冬菇味冇當歸味，鴨勁鞋 🤭 …

鋪頭細細但係好光猛和衛生。藥膳排骨湯和當歸鴨湯麵線雖然比較淡， 但淡淡嘅中藥味感覺好滋補好健康。 鹵水牛筋好淋好入味。