鼎家喜筷(Ding Lee)
營業時間
| 星期三 | 11:00–21:30 |
| 星期四 | 11:00–21:30 |
| 星期五 | 11:00–21:30 |
| 星期六 | 11:00–21:30 |
| 星期日 | 11:00–21:30 |
| 星期一 | 11:00–21:30 |
| 星期二 | 11:00–21:30 |
服務選項
外送
外帶
內用
無障礙程度
無障礙入口
產品/服務
咖啡
酒精飲料
用餐選擇
早餐
早午餐
午餐
晚餐
餐飲服務
甜點
設施
適合兒童
新派燒味
好少睇電視，但鼎爺煮野食係我少數會睇，因為佢真係有真功夫，對食物亦都有追求 今日我就慕名黎到呢間燒味店，果然冇失望
鼎家柑橘燒鵝孖寶飯我就點左燒鵝併叉燒
燒鵝皮脆肉嫩，肉身食落有鵝香
叉燒偏瘦但唔會鞋口，蜜汁食落甜甜地又惹味 另外佢仲付上左柑橘醬，如果怕燒味會太膩既可以點黎食 因為甜味會中和返油膩感 幾特別，亦幾有心思
招牌溫泉蛋四寶飯 四寶包括燒鵝、叉燒、燒肉同溫泉蛋
燒肉皮勁薄，令佢完全唔會硬 而且燒得勁脆 肉身肥瘦度岩岩好，而且食落咸香味十足
火焰黑豚腩叉燒
黑豚腩叉燒油脂非常豐富 未燒就咁食可能會膩 但係燒過之前會令佢油脂焦化 令佢油膩感大大下降之外 最重要係令佢多左一份勁濃厚既焦香 有Ｄ似食ＢＢＱ咁 而且因為本身呢舊係腩黎 食落勁鬆化，入口即溶
芝士奶蓋馬騮搣烏龍 用馬騮搣呢種傳統中式茶黎做台式飲品仲要加芝士奶蓋，真係未諗過 估唔到味道又幾夾
柚子乳酸沙冰 柚子味香濃，食落好清新，似食緊甜品咁
鮮果窩夫 配5.0牛奶雪糕
估唔到係到食既窩夫會比得上出面既甜品店 窩夫食落外脆內軟 而且仲有陣陣蛋香，腫蛋更香而不腥 牛奶雪糕奶味香濃，口感軟滑 成個甜品都好高水準
服務員細心有禮，燒鵝叉燒無得輸，已經連續兩日幫襯
估唔到鼎爺除咗中菜廳連茶記都撈埋，雖然餐廳主打燒味，但無論裝修、環境、去到餐牌都刻意走玩味fusion路線。
今日黎到食晚餐，唔知係咪疫情關係好多人叫外賣，見D侍應都非常忙碌～
我地2個人叫咗兩個燒味飯定食，個自包一細份沙律同一杯熱飲，不過我地見個特飲menu幾吸引就加咗$28升級做特飲。
原隻柑橘燒鵝髀飯 $128
燒鵝髀超大件，油脂十足，食完好飽滯
男人終極浪漫＂原條燒腩＂飯 $99
原條燒腩冇切過就咁啪，真係男人的浪漫XD
燒味夾饃雙拼 $50
第一次食夾饃，包身比想像厚同乾
芒果沙冰 $28
鐵觀音芝士奶蓋 $28
Ding Lee✨ Gongdong Fusion Sui Mei🥢💫
.
.
鼎爺開到黎荃灣西🥳，係海之戀行街到左食Lunch 時間，剛好遇見鼎爺。。餐廳🍽，一家明星中菜飯館，對住荃灣海濱河畔景致，來吃個午餐特別捨意。
.
餐廳除左招牌廣東燒味之外，仲有唔同特色fusion 菜：精緻點心、港式fusion 風味菜式、明爐燒味，都可以係鼎爺餐廳找到喔。
.
咁多款式你又偏愛哪一種呢❓
而我貪心的我呢。。正好樣樣都想試👻 哈哈
.
l[火焰原隻燒鵝髀]l $148
Signature Roasted Whole Goose Leg w/ Stove
Served with Stove (dine in only) 橙酒 Cointreau
餐廳招牌菜式❤️，明爐更顯矜貴滋味。
成大隻燒鵝脾皮脆肉嫩😍，估唔到質素咁正 太吸引了。用上秘製柑橘醬燒鵝：用鮮橙、檸檬、青檸既鮮果製成，仲長達18hrs 醃制，有鮮果香又除羶味，肉質仲好鬆化添‼️ 配上手工柑橘醬：用鮮橙熬煮，味道特別可一試。
.
l[招牌溫泉蛋四寶飯]l $128
Signature Siu Mei Rice Combo
燒味飯代表：四寶飯🍚 (Roasted Goose, BBQ Pork, Pork Belly, Hot Spring Egg)
.
l[涼拌麻辣蒜香手撕雞貴妃雞撈丁]l $80
Boiled Chicken Noodles w/ Spicy Garlic Sauce
貴妃手撕雞肉嫩滑🐥，撈丁麵條🍜 軟硬度剛好食落煙韌，涼拌又夠清爽。
.
l[黑芝麻奶茶]l $58
l[白芝麻咖啡]l $58
Black & White Sesame Coffee & Milk Tea
黑白芝麻都好香🖤，咖啡 (香濃)、奶茶 (香滑) 都各具特式，本人覺得芝麻味道都很配喔。
.
.
春天既日落🌅 真係溫暖又特別溫暖又舒服🧡。
.
.
×××[鼎家喜筷 -Ding Lee]×××
©荃灣大河道100號海之戀商場3樓3012號舖
.
.
味道一流！
叉燒都是肥肉，下次不再了！
今日到荃灣西海之戀商場行街，見到這間餐廳掛出來的燒味很吸引，原來是鼎家喜筷，是鼎爺開的新餐廳！
.
這裏的燒味飯十分的骰精緻，小巧小巧的，完全把燒味年輕化及溫柔化。
.
柑橘燒鵝仔寶配豉油雞飯 – 燒鵝燒得很香，應該是加入柑橘醃製，食得出有淡淡果香，感覺很清新，比燒味肥膩的感覺截然不同。皮脆肉香，感覺不會很肥膩，更加健康。豉油雞很嫩，不會太鹹，感覺是清新健康的燒味。
原條靚叉燒飯 – 切得很均勻，刀工好好，賣相很精緻，原來吃燒味飯也可以這麼高級。叉燒水潤，入口順滑，燒得剛剛好。
.
每一個餐都有送沙律及熱飲，我們飲了特別的熱白芝奶茶及芒果沙冰，鼎爺的創意你曾想像不到！
.
而且這裏還有懷舊的點心，鵪鶉蛋燒賣/大眼金魚餃，真材實料，在吃燒味飯的同事來兩籠點心，可算是人生一大樂事。
.
環境很舒服走年輕路線，簡約得來又大方，光鮮簡潔，如果坐近卡位更加可以遠眺海景。
得知鼎爺在荃灣開左間燒味中式餐館，特意要前去一試，看看這間鼎爺出品的「鼎家喜筷」是否真的很有質素。相信大家都知道李家鼎拍戲好看，打功夫又強，煮菜都不是等閒之輩，但他的背景經歷又是否人人所知？鼎爺的故事真的令人獲益良多。
「八歲那年，父親便跟我說，一定要學識煮飯照顧自己！」，鼎爺在一個訪問中曾透露過。原來李家鼎的父親原為廣州一間大酒樓老闆，鼎爺從小就被他爸爸訓練，叫年少無知的他手執鑊鏟做菜，以便日後有一門搵食技能傍身。至此，好學的他就開始一個人去街市、煲仔飯店，靜悄悄躲在師傅身後偷師，然後晚上回家磨刀，待廚藝「有番咁上下」就做菜給父親試味，只是希望其父「開金口」贊同自己。慢慢地，就為鼎爺成就晚年創高峰的種子。
鼎家喜筷十足有鼎爺特色，整間餐館都有鼎爺的嘜頭，就算沒有留意鼎爺有新開餐廳，經過的人都會自然知道是鼎爺出品。既然鼎家喜筷主打港式燒味，那就當然要一試。
⦿ 1. 火焰原隻燒鵝髀
正當我們正在想食哪款燒味之時，看到餐牌有這道堂食限定的「火焰原隻燒鵝髀 」，就作實一定要先試這裡的燒鵝髀 。鼎家火焰燒鵝髀的特別之處，在於餐館真的用上一個小火爐，將原隻鵝髀上桌後再次用火焰彈燒，令到鵝髀保持熱度，再用熱火將其鵝油逼出，食落會更加香滑。我自己的食法就是將燒鵝髀放在米飯之上，用於吸收剛才逼出來的鵝油，米飯因而會變得更香。鼎家的燒鵝髀的鵝皮更是燒得出色，入口爽脆又帶鵝香，口內的鵝味不斷回香。
⦿ 2. 招牌溫泉蛋四寶飯
既然有燒鵝髀，又想嚐嚐鼎家的其他燒味，最好的辦法就是點一份「四寶飯」。招牌四寶飯的材料用上燒鵝、叉燒、燒腩仔及溫泉蛋，一次過可以試下三款燒味。燒鵝剛才介紹過，而另外兩款的燒味亦是不容忽視。每粒叉燒都是肥瘦均衡，而且會將肉邊燒得陣焦，食落脆口而又有豐滿甜蜜味；同樣，燒肉的皮非常脆口，值得一讚的是鼎家在調味醬汁上亦花了不少功夫，平時港式燒肉都是沒有什麼特別的調味醬，所以食落可能會有點乾口，但鼎家就會另外配上西式的芥末醬，點上燒肉後會份外好食。
⦿ 3. 涼拌麻辣蒜香手撕貴妃雞撈丁
食過燒味之後，就想嚐嚐地道的手撕雞撈丁。一丁的份量非常充足，而且其麻辣蒜香的味道香濃，再以手撕貴妃雞作配料，非常過癮。
⦿ 4. 黑芝麻咖啡（熱）
食了這些比較濃味的燒味後，最好的解鹹方法就是飲杯特飲。看到餐館有「黑芝麻咖啡」，非常特別，一於嚐嚐。黑芝麻咖啡沖調得有心機，飲落既有咖啡香味，還有非常濃郁的芝麻香氣，還可以食到黑芝麻粒粒，確實足料。
⦿ 5. 玫瑰泡沫奶茶 （熱）
食燒味，飲奶茶就試得多，但襯一杯特製過的玫瑰泡沫奶茶就第一次試。食過鹹香的燒味後，再飲一杯有玫瑰花香的奶茶，就將口腔帶回甜味。
果然，鼎爺出品的不會令人失望。想說一句：鼎！好好食呀。
假日同老公去左荃灣海之戀廣場shopping,下午揀左鼎家喜筷食午餐。
鼎家喜筷環境闊落，寧靜舒適，餐廳牆壁、餐牌等⋯都有鼎爺肖像公仔，十分趣緻。
餐牌分別有鼎家燒味飯、招牌推介、鍋飯定食、足料靚湯、鼎點小食、精選午餐⋯款式都十分多，亦都有外賣燒味。
招牌推介😁主餐揀一款配送沙津同餐飲，老公點左鼎家柑橘燒鵝孖寶飯✨叉燒肉質鮮嫩，燒鵝皮脆多汁，同出面食燒鵝味道很大分別，原因係用左鮮橙、檸檬和青檸等鮮果醃製，鮮果香氣在鵝肉中，再配合點上鼎家手工製柑橘醬，味道甘香。
我就點左百搭靚抽蔥油飯配豉油雞髀✨雞髀嫩滑大隻，蔥油同豉油十分有特色，食落不油膩。
另外點左火焰之選✨火焰原隻燒鵝髀😍😍係今餐主角，大大隻燒鵝髀，用火焰燒一燒成隻燒鵝髀，d汁滴晒出來，肉質鬆化，香味撲鼻。燒完還可以請侍應代勞切件上。
餐飲方面，老公加$28轉飲芝士茗茶系列-鐵觀音，香滑芝士配鐵觀音茶底，每飲一啖都有迴香，一試愛上。
我就揀左飲芒果沙冰✨用球形玻璃杯裝住沙冰加芒果粒點綴，特別吸引😍飲落透心涼。
最後當然唔少得叫甜品-鮮果鍋夫配5.0牛奶雪糕。鍋夫夠鬆軟，配埋藍莓加士多啤梨，加埋牛奶雪糕同朱古力醬點缀，甜度適中。
放假係荃灣海之戀商場行吓街，買下野，行到咁上下，又係時候搵嘢食醫肚啦😋經過見到「鼎家喜筷」見到Menu隻燒鵝髀好吸引！即刻入去試吓佢🤤
火焰原隻燒鵝髀$198
雖然價錢好似有啲貴，但物有所值！隻燒鵝髀又大隻又多油脂🤤首先火焰🔥燒鵝個爐係用橙酒黎做燃料！所以食起嚟個味更濃😊隻燒鵝髀係用鮮果(包括：鮮橙、檸檬、青檸等)醃製，無添加味精！在長達18小時嘅醃製，果味入哂落啲鵝肉度，不但無左啲羶味，仲可以令啲肉質鬆化！
係製造過程中，會用冰水令鵝肉緊加緊致！大廚亦會用火將鵝多餘嘅油脂逼出，入口皮脆多汁之餘仲有啖啖果香，肥而不膩！仲有配埋自家製柑橘醬，有別於一般甜酸醬！
化皮燒腩仔(例)$138
皮脆肉嫩！啲燒腩肉又唔會太過肥膩！岩岩好😋
生煎叉燒包(2件)$50
熱辣辣！好脆身！個餡啲肉都好均勻！唔會有肥豬肉🤤
脆香蜜糖吐司配5.0牛奶雪糕$62
賣相好靚！兩個人食岩岩好😋再加上超濃牛奶味嘅雪糕🍦簡直絕配😊
鐵觀音芝士奶蓋$40
芝士奶蓋比例岩岩好！唔會太甜又唔會太咸！溝埋鐵觀音一齊飲味道都好夾！😋
凍田園水果茶$58
水果茶非常清新！又唔甜！🤤
味道：😋😋😋😋😋/5
服務：😋😋😋😋/5
環境：😋😋😋😋😋/5
價錢：😋😋😋😋/5
翻食：😋😋😋😋/5
📍 鼎家喜筷 (荃灣)
荃灣大河道100號海之戀商場3樓3012號舖
#foodie #foodporn #food #ilovetoeat #foodiehk #foodietaste #相機食先 #hkig #hkfood #hkfoodpic #hkfoodporn #hkfoodpics #hkfoodlover #鼎家喜筷 #荃灣美食 #荃灣餐廳 #荃灣食乜好 #荃灣西 #荃灣 #打卡 #即叫即製 #外賣 #堂食 #優惠 #燒味 #燒鵝脾 #叉燒 #廣東菜 #海之戀 #吃貨
荃灣海之戀3樓有一間「鼎家喜筷」，餐廳設計很有格調，而且還有很多打卡位， 燈火通明， 環境寬闊 ，是一間很有品味的燒味店。
來到梗係要叫燒味啦~超有氣派的「原條燒腩飯」，又厚又肉地夠實，口感嫩腍，入口油脂分明，豬皮燒到脆卜卜，而且以原條上可用刀叉切開，十分優雅。
「原條靚叉飯」 叉燒質地鬆化， 有燒烤風味及蜜糖甜香，啖啖肉，送飯吃一流。
「火焰原隻燒鵝髀」使用橙酒， 全部由店內即燒，還即在用小火爐燒著烤熱。 這是他們的招牌柑橘燒鵝，用了鮮橙、檸檬及青檸等鮮果嚟來醃製，入口果香味十足，外皮香脆，每口都有鵝油香，鵝肉結實有肉香， 超滋味。
「 鐵觀音芝士奶蓋」 鐵觀音茶清香微甘甜很清純， 芝士奶蓋鹹香非常邪惡， 感覺像天使與魔鬼兩者混合一起。
「 凍薄荷青蘋果蘆薈茶」新爽涼快，味道微甜，加上粒粒蘆薈增添口感。
「 抹茶芝士蛋糕」芝士香滑，有新香的抹茶甘香，用這甜品作結，非常完滿。
點了一杯芒果沙冰解解渴先，超濃芒果打成蓉再打成冰非常鮮甜，令口腔即時涼快。
馬騮搣烏龍芝士奶蓋，全新登場新產品味道很幼滑茶底香醇濃厚，芝士綿綿的茶與芝士混合非常之夾。
主角出場——火焰原只燒鵝髀，超大只燒鵝髀很吸睛，像炭爐般燒烤皮脆肉嫩，啖啖肉很多汁用橙酒醃制非常講究。
沙律很清新，日式胡麻醬配疏菜很醒胃。
男人終極浪漫原條燒腩飯，被這句說話吸引住，燒腩皮很松化香脆，一層層腩肉帶少許肥膏很爽口。
招牌溫泉蛋四寶飯，平時吃四寶飯是跟咸蛋，但這裡是用溫泉蛋很特別。而醬汁都有兩款，柑橘醬是配燒鵝而黃芥末是配燒腩肉。
鼎家柑橘燒鵝孖寶飯🍊🦆
柑橘燒鵝先用橙、檸檬、青檸醃製18小時，令鮮果香味慢慢滲入鵝肉，令肉質更鬆化，亦可除羶味。🦆鵝肉嫩而多汁，滲出油香同果香，個皮燒得夠香脆唔膩，沾埋自家製柑橘醬🍊，味道更提升。叉燒🐖香甜美味，邊位燒得香口，肉質鬆化且不肥。
.
涼拌麻辣蒜香手撕貴妃雞撈丁🌶🌶🌶🐔
雞絲嫩滑，有青瓜絲、沙葛絲、甘筍絲，增加爽脆口感，麻香帶辣，而且辣度有後勁，個麵亦保持彈牙感
.
鼎家脆炸蓮藕片
做得非常好味，切得超薄的蓮藕片，再炸至金黃香脆，好乾爽脆口，又重蓮藕香
.
爆脆金沙魚皮🥚🐟
好鬆脆好香口惹味，魚皮沾滿爆香的咸蛋醬，有濃濃咸蛋味
.
田園水果茶🍓🫐🥝🍊🍵
有爐仔座熱，可以保持溫度，有草莓、荔枝、藍莓、奇異果、百香果……水果味好清香，而且唔甜，自己加黑糖控制甜度，非常貼心
.
玫瑰泡沫奶茶🌹🥛🍵
好香玫瑰花味，溫暖順滑的奶茶，茶底夠突出，奶夠香滑，非常好飲
可能聽個名都知呢間餐廳係邊個明星主理，自自然會對食物有所期望，結果係點睇埋落去就知🙈
叫左溫泉蛋四寶飯、麻辣蒜香涼拌手撕貴妃雞撈丁、燒味夾饃雙拼、脆炸蓮藕片、荔枝蘆薈綠茶、田園水果茶，最後食到飽住個肚🙊
溫泉蛋四寶飯已經好有趣，因為通常嘅四寶飯係配鹹蛋或者太陽蛋，但係配溫泉蛋嘅真係第一次，加埋好juicy嘅叉燒、燒鵝同脆皮燒肉，呢個配搭真係好高分；麻辣蒜香涼拌手撕貴妃雞撈丁就岩曬鐘意食辣嘅朋友仔，因為入口除咗好香蒜味，麻味同辣味都好出，配埋雞絲撈丁會一口接一口咁；燒味夾饃雙拼分別係燒鵝同叉燒，同個飯一樣咁juicy，配埋鬆軟嘅夾饃一定食真係好夾；脆炸蓮藕片就係風味小食，炸完之後脆卜卜，當小食黎食都好正；最後嘅兩杯荔枝蘆薈綠茶同田園水果茶都不過不失，可以幫手解辣😂食完呢一餐之後係覺得無失所望，尤其燒味方面做得幾出色🤤
評分：8.5 / 10
鼎爺開設的餐廳一路都是走高檔路線，近來終於開了一間比較大眾化的鼎家喜筷，主打食港式燒味，餐廳的裝修踢走傳統燒味店舊有味道，變得年輕及型格，環境闊落開揚，周圍都會見到鼎爺Q 版的樣子。傳統港式燒味飯總有種頹飯的感覺，現在鼎爺將燒味飯配搭沙律菜及花茶，中西合壁，配撘創新。
餐廳的燒味標榜無添加味精，即場燒製。點了招牌推介之一的鼎家柑橘燒鵝孖寶飯（$92), 柑橘燒鵝配上燻蹄，賣相精美。這客柑橘燒鵝用上鮮橙，檸檬，青檸等鮮果醃製，果香會浸入鵝肉當中令肉質鬆化，配上用鮮橙熬成的手工製的柑橘醬，減輕油膩感。
另外招牌溫泉蛋四寶飯（$108), 有溫泉蛋，叉燒，燒鵝及燒腩仔，賣相精緻。每件燒味都肥瘦適中。燒鵝相對比較做得出色。
除了燒味，餐廳都有提供不同的點心/小食，點了大眼金魚餃($48/3件)，其實是將蝦餃演變成金魚的形狀，十分精緻。另外推介的鼎家脆炸蓮藕片($49)，炸得香脆，不油膩。
燒味飯配水果茶及咖啡，感覺截然不同。
(((鼎家喜筷))) 此餐廳主打燒味, 飲料卻意想不到的有誠意, 讚!!!… (^_−)−☆
*************************************************
凍薄荷青蘋果蘆薈綠茶 @$28:
圓圓的透明玻璃杯子超級可愛,
淡淡的青蘋果果香配上微甜綠茶,
加上新鮮薄荷葉和粒粒蘆薈,
清新消暑, 讚!!!…
烏龍芝士奶蓋 @$28:
淡淡的鹹芝士奶蓋真的很很很幼滑,
配搭微甜的馬騮搣烏龍茶,
一口喝下去, 既有茶香也有芝士鹹味,
鹹鹹甜甜的雙覺味覺衝擊,
原隻柑橘燒鵝脾飯 @$178:
燒鵝脾的外皮燒得非常脆香,
但此鵝絕對是一隻非常豐滿圓潤的鵝,
因為此鵝脾的脂肪與瘦肉的比例,
鵝油與鵝肉分佈幾乎50% vs 50%…
火焰黑豚腩叉燒(使用玫瑰露) @$168:
此叉燒是用一個火爐盛著上桌的,
它讓我們烤到自己喜歡的焦香感,
再馬上熱辣辣的享用, 滿滿的創意感!!!…
但不知道是否當天比較特別的關係,
此叉燒和彼鵝脾都是油脂分佈旺盛,
如果可以於落單時讓客人選擇瘦叉或肥鵝,
能夠迎合不同人的喜好,
此餐廳就變得更貼心了…
涼拌麻辣蒜香手撕貴妃雞撈丁 @$80:
此撈丁是凍食, 少少麻加少少辣,
麵質煮得剛剛好, 爽爽的, 又不會太硬,
拌上雞絲, 青瓜絲, 紅蘿蔔絲… 一起吃,
超級開胃, 炎熱潮濕的夏天恩物, 讚!!!…
流心朱古力心太軟 @$58:
朱古力有60%流心效果, 偏固態,
朱古力蛋糕不錯, 但朱古力醬偏甜,
北海道5.0牛奶雪糕牛奶味道偏淡,
但此餐廳主打燒味,
飲料卻意想不到的有誠意, 讚!!!…
鼎爺最新既餐廳, 級數去返平民級別既價錢, 以往都係打high-end路線.
環境就圓桌木椅, 唔算太窄, 但都未去到好大好舒服既感覺, 如果有卡位會比較舒服.
原條金牌靚叉飯 (98$)
叉燒份量非常夠食, 好厚但又唔會難咬, 半肥瘦, 蜜汁比較重味,
食落偏甜, 口感唔算硬帶小小肥肉會有溶化既感覺. 算係幾靚既叉燒.
叉燒外皮燒得比較好, 帶有小小脆脆地既口感.
鼎家柑橘燒鵝飯 (128$)
呢隻係招牌菜之一, 的確有佢特色係到, 主要最特色同好味既位,反而係個醬 – 柑橘醬
甜甜酸酸既口感, 同埋係自家醬, 出面食唔到,
燒鵝半隻咁上, 我估可以成隻拎黎咬都得, 切都得, 肉身就比較鬆軟,
成隻比較出色既位就係火候燒得唔錯, 唔會太乾太老.
火焰黑豚腩叉燒
呢個係火焰之選 , 作為特色菜之一我都試下啦.
呢個係要自己燒既, 呢點好重要, 其實叉燒本身就熟, 第一次燒 我唔知要燒幾耐好,
同埋比較搶火因為多蜜汁同油, 所以好快焦, 最後燒出黎就比較焦小小.
我估好多人都會有呢個情況, 所以我見建議店員可以先說明一下 要點做, 大約燒幾耐 ,有定個心理準備
一定會燒得更美味!
檸檬洛神花茶 (28$)
呢個其實唔錯, 首先本身係比較酸, 就好似熱檸水個隻酸度, 佢有D黑糖放係到,
由客人自己調個甜度, 呢點係非常之好, 正如有D人覺得熱檸水唔洗落糖都接受到就ok.
柚子乳酸沙冰 (28$)
呢個超大杯, 近乎飲唔晒,
入面有好多柚子碎, 我覺得有點多我濟, 有小小影響食沙冰既感覺,
可能係柚子碎唔夠細件, 食落好多皮既感覺. 另外乳酸不太夠.
整體黎講唔錯既, 性價比都高, 主要係新店剛開張可以見到有好多野未太成熟,
但慢慢就會越來越好!
海之戀商場越開越多食肆，今晚去了三樓這家”鼎家喜筷”, 是鼎爺李家鼎，以獨門秘方做燒味的中價餐廳，無論外賣或堂食都很多人光顧，而且有個玩味水吧叫”Ding Lee”, 香港人看了就識笑，感覺很有香港特色。
喜歡餐廳樓底高之餘，還利用天花做了店名和Q版鼎爺logo裝飾，令餐廳很有活力，就算年輕人也來光顧吃燒味飯，原來餐廳是以西餐的方式吃燒味飯，真特別！
先來飲品，各種飲品都可以不同的價錢配套餐，這樣就更抵飲。
見到有芝士茗茶系列，即是芝士奶蓋，就試試鐵觀音奶蓋，意想不到的好飲！比有名的天x茗茶更好味！鐵觀音茶底非常清香，奶蓋芝士味不會太濃，反而奶味更為突出，與鐵觀音混和後就是清香得不得了的奶茶，然而芝士味又不會太濃蓋過茶香，那種清新而富有層次感的餘韻悠長，是我意料之外的好喝，滿分推介！
柚子乳酸沙冰，大大杯的沙冰很澎湃，賣相也很漂亮，這是一杯有益力多乳酸味，再配柚子蜜味的消暑飲品，最近天氣回南，逛到熱了喝這杯沙冰最適合。喜歡乳酸味道適中，配上柚子蜜酸酸甜甜，喝完喉嚨很舒適，不會覺得膩，連男士也喜歡。
看餐牌，這裏竟然有原隻火焰燒鵝髀$148，用火爐上的，難得與朋友一起，就點一隻試試吧！
職員介紹說，要用手拿起燒鵝髀來燒，以免 油脂受熱後會黏著燒烤網。燒鵝髀也很重手哦，燒一會令皮更脆，就可以放在碟子給廚房斬件。
不得不讚，燒鵝髀真的很好吃，沒想過肉質如此嫩滑多汁，皮脆，油脂在口裏爆破的感覺，真的很邪惡。而且味道確實與別不同，有果香，原來是使用橙酒和柑橘，自家醃製和自家燒的，真心覺得比深井燒鵝更好吃！值得一試！
我們點了廚師推介的飯配飲品，因為見到叉燒和燒腩都是原條，食肉獸看到就流口水。
先來個沙律，就像吃西餐的開胃前菜，沙律有日式芝麻醬，配新鮮的沙律菜和車厘茄等，真的做到跟西餐廳一樣。
原條燒腩飯$99,真的整條不切，還有一小堆沙律菜伴碟，像個西式扒餐。奉上刀叉給你，像切牛扒般，以西式吃法吃燒腩飯，很過癮！燒腩非常好吃，豬皮燒得超脆，半肥瘦的腩肉，非常爽口有肉汁，有豬肉香，而且味道不會死咸，非常好味！推介！
原條靚叉飯$98,半條厚叉燒給你餸飯，像在切豬扒。叉燒使用玫瑰露醃製，也有蜜糖味，味道很香帶微甜，雖然這條是瘦叉燒，但口感也不會覺得”鞋”, 沒太多脂肪覺得食得更健康。
最後來個甜品，脆香蜜糖吐司配北海道5.0牛乳雪糕$62, 說它巨大的份量也不過份， 多士的厚度絕對不少於半磅方包，塗上自家製的蜜糖牛油烤完，變得外脆內軟，而且很細心地把厚多士切開了九格，蜜糖牛油能均勻滲進多士底層，灑上朱古力醬，增加香甜味道。雖然多士是平凡食物，但做出來的味道卻很不平凡，連男士也覺得好吃。而北海道5.0牛乳雪糕溶得較快，要先吃，牛乳味道的確香濃呢。這個甜品很適合三五知己 一起分享，因為巨大的份量，一人是吃不完的。
雖然中價吃燒味似乎貴了點，但對於燒鵝、燒腩，味道讚不絕口，絕對可以擊敗有名的燒鵝餐廳，也值得一試；連飲品也是出奇的好喝，打破了餐廳飲品水準不及連鎖飲品店的看法。不吃飯，約朋友來一杯飲品談天，這裡的特飲也值得一試。
🐧今日行完donki 本身想係food court 食的，但係超多人，所以就行上左一層搵野食。 😳見到個鼎爺公仔，心諗呢到都開左佢間私房菜？ 原來佢開左以🦢燒鵝為主打嘅餐廳！咁相對佢間私房菜黎講，佢呢間嘅性價比就會比較高啦😛！
🌿餐廳都裝修得好清新都走台式休閑風。
可惜我地個日比較遲黎食，🙃鵝脾已經賣晒。所以我地就叫左
⭐️燒鵝燒腩仔飯
因為我想食佢個甜品，所以叫左少飯。佢啲飯都唔錯！一粒粒，爽口唔淋！燒鵝係真心好味😋，皮脆又有肉汁！佢另上嘅柑橘🍊醬同燒鵝都好夾！
⭐️溫泉蛋四寶飯
將蛋汁淋上飯到一齊食，好正。叉燒都煮得好淋，又甜😍。
⭐️鵪鶉蛋燒賣
好少地方有得食啊！佢個原粒鵪鶉蛋再加上燒賣用勁大粒蝦造，的確令人回味！
⭐️脆香蜜糖吐司🍞
睇圖見到好似好正咁， 所以叫左一個。一黎到少少嚇親！超厚！外面整到好脆，而入面就塗滿蜜糖，熱熱嘅吐司點上雪糕一齊食，超好味！
⭐️芝士奶蓋馬騮搣烏龍
好少見呢個茶底，好清香，值得一試！
荃灣海之戀最近真係開咗唔少新餐廳
經過見到間幾有特色嘅燒味茶餐廳
見到個logo都已經認得係鼎爺
門口仲有大大個窗掛滿燒味
入面餐廳嘅設計有好多Q版鼎爺
食物種類都係主打日常嘅茶餐
餐牌特別推介燒味飯
當然要試吓鼎爺做招牌會唔會真係特別唔同呢？
「男人終極浪漫‘’原條燒腩‘’飯」$99
我覺得食燒味飯一定要食燒腩仔
依度嘅燒肉原條上，打卡一流
真夠盞鬼😂我問店員應該點樣食
佢笑說影完相就可以攞返去幫你切件
外表就幾吸引啦
味道都真係唔錯喎
肉質軟嫩，調味唔會過鹹
外皮微脆，最緊要裏面脂肪足夠
旁邊配嘅芥茉醬有特別調配
味道有啲似蜜糖芥茉
同燒肉都幾夾
「火焰柑橘燒鵝髀」$198
燒鵝唔係得個名，呢度真係俾埋個火爐你燒
用火爐快速加熱燒鵝髀
出晒煙滴晒汁，燒緊都已經好想食
影好相之後店員就可以幫你切開
當然如果自己食最好就梗係成隻揸起咬啦🤣
呢度嘅燒鵝標榜無添加味精
用鮮橙、檸檬等醃製
食落肉質又真係軟滑好多
而且食完唔會覺得口渴
加上呢一隻髀真係幾夠大隻
食落啖啖肉👍🏻
旁邊配左鮮橙做嘅手工柑橘醬
入口有天然嘅甜味
簡直就係想將全個醬撈落個飯度食
「招牌溫泉蛋四寶飯」 $128
呢度燒味選擇咁多又想樣樣都試到
叫返個四寶飯咩都有啲
呢度入邊有包括燒肉、叉燒同燒鵝
同一般出邊食到嘅四寶飯有啲唔同
呢度鹹蛋轉成溫泉蛋
因為平時隻鹹蛋太鹹我每次都食唔到
反而溫泉蛋蛋汁撈埋個飯
我自己覺得更加容易入口
套餐仲會有埋沙律
當食到覺得太多肉好膩嘅時候
食兩啖沙律感覺清新啲
「芝士奶蓋鐵觀音」
「芝士奶蓋馬嬲摵烏龍」
套餐有包一杯飲品
我同朋友都加錢轉左芝士奶蓋茶
茶底清香唔會有苦澀味
芝士奶蓋打得細滑而且濃郁
而且依度冇額外加冰
唔怕放得耐變得好淡
「脆香蜜糖吐司配北海道5.0牛奶雪糕」
食完飯當然要配返個甜品先完美
見到呢個蜜糖吐司有
就揀佢黎試吓
甜品需要等30分鐘
所以差唔多食完飯就要叫店員幫你準備
上枱嗰一刻見到成舊金黃色好香牛油味
賣相認真吸引
切開入邊全部查滿晒牛油
基本上冇一個位置係空白㗎
麵包質感軟綿綿有口感
再加埋旁邊嘅牛奶雪糕
雪糕嘅凍加埋麵包嘅熱就緊係正
個雪糕牛奶味好濃
食完真係充滿罪惡感呀
今次我4點幾去到餐廳未算好多人
所以整體上菜速度非常之快
店員服務態度都好好
不時留意我地有啲咩需要
而且舖頭環境新裝修有文青嘅感覺
坐低都覺得幾舒服
海之戀商場的餐廳基本上裝修都很新，而且不少也富有特色。找機會也想逐一把它們試勻。
今天和朋友便來到鼎家喜筷短聚一下。這是鼎爺開的一間茶餐廳，全店設計全部用了鼎爺的Q版 logo頭像，多了一身鬼馬活潑的感覺。餐牌選擇走茶餐廳的路線，可是菜色設計上，看得出花過心思。
我們點了招牌的原隻金橘燒鵝髀飯，麻辣蒜香涼拌手撕貴妃雞撈丁，外加了這裏打卡的火焰黑豚腩叉燒。
想不到跟餐有沙律，先來清新一下。撈丁很惹味，撈丁乾身，食到絲絲雞肉，那種入口帶麻辣富雞油香就似食緊四川涼拌小菜。令人追住食！
這裏的招牌燒鵝脾也没有令人失望，燒得金黃帶油光！鵝皮不算肥，但肉真的又滑又嫩，入口多汁，鵝皮蘸上果醬一齊食，那種酸甜帶柑香的味道，送飯一流！
火焰黑豚腩件件色大肉厚，顏色橙中帶金黃，脂肪和肥肉層次分明，大大件厚切，用明火網燒燒至滋滋作響，入口爽而不膩，有別於一般叉燒，肉香比醬油香更為突出。
這裏的飲品也有驚喜，烏龍芝士奶蓋，奶蓋滑而且茶味夠，我的熱奶茶泡沫豐富，而且造型精美，茶奶比例恰到好處，飲完滿口茶香。
茶餐廳有得食心太軟，又是另一驚喜，心太軟鮮即焗，切開有流心朱古力，味道不太甜，配雪糕剛好，那雪糕奶味十足，一凍一熱的配搭，令人好滿足。
整體來說，這間茶記食物有味道又有造型，好啱鍾意打卡又鍾意食茶記的我!!!
「鼎」級味道
鼎家喜筷是「鼎爺」李家鼎的另一新店，位處於荃灣西鐵站的上蓋，交通十分便捷。餐廳以粵式燒味、點心為主調，並加入了不少新派的元素，在擺碟、食材與裝潢都甚具特色。另外這裡還供應一系列新式的茶飲及西式甜品，多元化的選擇迎合不同年齡層的需求，一家大小都必定找到他們的心頭好。
看過餐牌後，我們選擇了兩款招牌推介、兩款小食和兩款特色茶飲。所有招牌推介更配有沙律及指定熱飲，或可加$8凍飲，加$28升級至特飲。
招牌温泉蛋四寶飯（HK$108)
👍👍👍👍👍
這個四寶飯有招牌柑橘燒鵝、叉燒、燒腩仔和溫泉蛋，燒鵝以片皮鴨的方式切成一片片，鵝肉配以自家製的柑橘醬，酸甜的味道令燒鵝味道更突出。厚切的叉燒、脆皮燒腩仔、流心溫泉蛋和沙律菜，令這個四寶飯更吸引。
涼拌麻辣蒜香手撕貴妃雞撈丁（HK$80)
👍👍👍👍
撈丁是不少人的至愛，這款撈丁加入了手撕的貴妃雞肉，並以麻辣和蒜香調味，味道有麻有辣又有蒜香，喜歡多重口味的值得一試。
沙律
👍👍👍👍
每個招牌推介均配有一個清新的什菜沙律。
爆脆金沙魚皮（HK$49)
👍👍👍👍👍
魚皮本身已經很吸引，加入鹹香的鹹蛋黃成為金沙魚皮就更加令人吃過不停，這個小吃雖然有點邪惡，但美味沒法擋啊！
鼎家脆炸蓮藕片（HK$49)
👍👍👍👍👍
薯片吃得多，原來脆炸蓮藕片也同樣有香脆的口感，作為餐前小食或跟茶飲配合皆合適。
薄荷檸檬蝶豆花（+$28)
👍👍👍👍👍
澱藍色的蝶豆花遇上檸檬後，幼變成美麗的紫藍色，加入了薄荷葉和食用花，令飲品又靚又清新。
鮮檸檬薏米水（+$28)
👍👍👍👍
熱的檸檬薏米水放入玻璃壺內，並有小火爐保持溫度，客人可隨意加入蜜糖調整甜度。
終於可以嚐嚐名廚丁利的菜餚了。烤豬肉多汁又耐嚼，麵條味道鮮美，有濃鬱的辣味。起司茶是個驚喜，有一層厚厚的起司泡沫，起司味十足，口感順滑。
【食在荃灣】新派燒臘店 有得食甜品
海之戀上年開幕之後，雖然都有嚟過幾次，不過都未試過商場內的餐廳，今日放假，做完運動4點幾，就嚟食個EARLY DINNER。
我鍾意食燒味，如果燒味唔會令我變肥，我願意日日食，哈哈～因為時間尚早，所以去到就有位。先量體溫，填妥到訪記錄表格後，就被職員帶入位。餐廳裝修有別於傳統食燒味嘅餐廳，地方闊落、採用木系和全白色系簡約風格，令整個感覺都年輕。餐廳的窗望到汴傍，將自然光採入，予人一種更和諧舒適的感覺。
說是新派的燒味餐廳，從餐牌設計和食物款式上可見一斑。除了單拼或雙拼燒味飯外，令人意想不到是甜品，還要是西式甜品。而燒味也不只是配上白飯，更鮮有創意地配上夾饃，十分特別；餐廳右邊仲有飲品部同雪糕站，的確有別於平時嘅燒味餐廳。
餐廳招牌係燒鵝，無理由唔點；另外我自己本身鍾意食叉燒，朋友想試麻辣撈丁，甜品寫明製作需時，我諗應該係即叫即整，一於試埋，就點多個窩夫，每人一杯飲品。呢餐食完，真係好飽～好彩當日喺屋企只係食咗EARLY LUNCH～ 我哋叫咗原隻柑橘燒鵝脾飯、火焰黑豚腩叉燒、麻辣蒜香涼拌手撕貴妃雞撈丁、鮮果窩夫配5.0牛奶雪糕、熱黑芝麻奶茶及烏龍芝士奶蓋。
原隻柑橘燒鵝髀飯 $128
燒鵝髀飯，索價$128，絕對唔平，大大隻燒鵝髀原隻上，個樣超吸引。呢度嘅燒鵝同出面唔同，根據介紹，佢係用咗橙、檸檬同青檸將鵝醃製18小時，令新鮮嘅果香味慢慢滲透成隻鵝，令到鵝嘅肉質更鬆化，去除羶味。
燒鵝外皮色澤不錯，泛油光；皮脆甘香，肉嫩而多汁，每一啖都有油香同果香，沾埋自家用鮮橙熬製嘅柑橘醬，味道酸酸甜甜，令人愈食愈開胃，肥膩感得以中和之餘，感覺清新咗，同平時食燒味肥膩的感覺截然不同，味道層次亦有所提升。燒鵝中間有層好豐富既油脂，真係勁邪惡，但鵝油食住嚟扒飯又真係好好食！
火焰黑豚腩叉燒 $148
火焰系列只係堂食，我哋好有興趣，所以就決定試下燒黑豚腩叉燒。店員先送上火爐，放上黑豚肉叉燒，之後提醒我哋要影得快，叫我哋準備好。我哋表示準備好之後，佢就喺我哋面前點火，我就快手拍片，邊拍邊影。
因為我影得太慢，結果有幾塊都係燒得太黑@@好彩仲有一啲係正常嘅。燒完嘅黑豚腩叉燒熱辣辣，油脂超豐富，加上半肥瘦又有焦香，幾惹味，不過個人覺得肉質就無燒腩仔咁嫩腍。同埋，唔知係咪我哋唔太好彩，廚師漏咗加蜜糖喺面，我哋嘅黑豚腩比較乾身，亦無乜蜜糖味，令到鍾意食叉燒嘅我有點失望。
麻辣蒜香涼拌手撕貴妃雞撈丁 $80
我唔係好食得辣，不過個樣幾吸引，所以就叫朋友畀少少我試下！嘩，呢個撈丁真係幾辣，蒜味又濃，而且好夠「麻」，我食少少都覺得條脷有「痺」嘅感覺，搞到我好似食緊麻辣火鍋。
而家撈麵都係熱食，呢個係涼拌，過咗冷河，所以麵條食落都幾爽口。手撕雞口感嫩滑，份量都可以；除手撕雞之外，仲有青瓜絲、蘿蔔絲同沙葛絲，令口感更加豐富。不過，始終對我嚟講都係辣，而且我嫌太油（不過通常麻辣嘅嘢都係偏油，只係我自己食唔慣），所以我食咗少少就無再食。
熱黑芝麻奶茶 $28
因為我唔想飲芝士奶蓋，但又想試下特飲，見到有呢個較特別嘅奶茶，就一於試下，黑芝麻感覺好養生。黑芝麻奶茶香味濃，本身以為只係用黑芝麻粉開，無諗過原來係用黑芝麻原粒磨細，再加入奶茶入面。同時，呢杯奶茶飲得出個茶膽唔係普通嗰啲，一啲都唔嚡口，甜度亦適中，很有驚喜！飲嘅時候又食到啲黑芝麻粒粒，口感豐富，意外地好飲。黑芝麻據講有好多好處，可以補肝腎、助通便、減輕皮膚粗糙、仲可以抗氧化，幫助控制膽固醇水平，好岩女生飲～
烏龍芝士奶蓋（少甜） $28
呢杯係朋友嘅，佢話水準唔錯，芝士奶蓋夠香夠滑，配埋少甜清香嘅烏龍茶，好夾，比某些台式飲品店更加好喝。
鮮果窩夫配5.0牛奶雪糕 $68
女生就係有個甜品胃。雖然食完個飯同叉燒，再加杯嘢飲，已經飽咗，但見到甜品就依然想食。只係令人出乎意料嘅係，個窩夫份量好足，4個人食都夠！！窩夫賣相好掂，見到個樣已經感覺係好食個種。窩夫即叫即做，除咗夠大份夠厚之外，上檯嗰陣仲熱烘烘，未食已經聞到好香嘅蛋味。窩夫外層香脆，中間亦非空心，口感好好，外脆內軟，配埋雪糕一齊食，一冷一熱，有種冰火交融嘅感覺。水果係新鮮嘅藍莓同士多啤梨，好爽甜，一齊食有助解膩。
值得一提嘅係窩夫上面嘅雪糕，用咗北海道5.0牛奶製作，超重奶味，但係甜度適中，又軟滑，入口即溶，絕對唔係個啲有冰粒嘅雪糕，真係好足料好好味，加分！如果大家食唔落窩夫，都不妨試下個雪糕，推介！
呢餐飯有呢個甜品作結，都算圓滿。
太好吃了！
早餐不錯，雞朳煎得剛好，不過火，唯一不好就係多士，凍的, 做定等人要。
到荃灣海之戀商場Donki， 順路周圍覓食一下， 見到有鼎家喜筷， 當然要試下名氣十足的鼎爺新店😋。 店內環境時尚新派， 我坐近窗邊有自然光滲入感覺特別舒適😍。 餐廳提供多款菜式， 燒味、 鍋飯、 靚湯、 早午餐、點心小食、 甜品和飲品等等。 今次先點原隻柑橘燒鵝髀$128、 麻辣蒜香涼拌手絲貴妃雞撈丁$80、 燒味夾饃雙拼$50、 鵪鶉蛋燒賣$48、 熱黑芝麻咖啡$28（ 跟餐價）、 烏龍芝士奶蓋$28（ 跟餐價）。✨✨✨
📌沙律～ 沙律菜非常新鮮， 餐前吃特別開胃。
📌原隻柑橘燒鵝髀～ 皮脆肉嫩的大大隻燒鵝髀，配上甜甜酸酸的柑橘醬👍🏻， 兩者用來送飯冇得頂呀！
📌麻辣蒜香涼拌手絲貴妃雞撈丁～ 麻香味十足， 辣度剛好， 手絲貴妃雞口感嫩滑， 港式風味撈丁， 絕對是港人的最愛！🉐
📌燒味夾饃雙拼～ 雙拼有叉燒和燒鵝兩款， 半肥瘦叉燒和肉嫩的燒鵝， 加上熱辣辣又軟綿綿的夾饃， 裏面夾著脆口的青瓜， 口感豐富又可以去膩。🥰
📌鵪鶉蛋燒賣～ 平時飲茶已經好少見到鵪鶉蛋燒賣， 鵪鶉蛋加上豬肉和蝦， 味道豐富，絕對是經典點心。✨✨
📌熱黑芝麻咖啡～ 原來咖啡加入黑芝麻係可以咁好味， 黑芝麻味道香濃， 再配上咖啡， 兩者好夾。👍🏻
📌烏龍芝士奶蓋～奶蓋比較細膩濃稠，甜甜的味道中能品出一些咸香😚，烏龍茶味也很濃， 美味好飲。
整體來說鼎家喜筷的食物質素好， 喜歡食物款式多， 餐廳感覺衛生整潔， 店員服務好， 回頭率高。💯📝
鼎家喜筷
地址: 荃灣大河道100號海之戀商場3樓3012號舖
芝士茗茶系列最有驚喜！馬騮滅烏龍，非常清新，茶味夠晒香，一啲苦澀味都冇，同芝士味濃厚嘅奶蓋，非常配合，非常滋味。
原隻燒鵝髀，係視覺同埋味覺嘅大滿足。
有一個迷你嘅火爐可以燒下隻燒鵝髀，令油脂充分咁流晒出嚟，更加香。
燒鵝肉亦充滿過果香味，肉質唔會太硬，非常嫩滑。
整體來講依間餐廳無論係食物定係飲品，都幾唔錯，值得一試。
荃灣西站•賣相打卡able又好味
又係星期三去荃灣A字頭超市入貨嘅日子, 隨住附近樓盤嘅mall相繼開張, 一定係食埋飯先返屋企. 今日去左”海之戀”嘅鼎家喜筷Dinner, 純粹俾佢嘅新派光猛又帶點ig-able嘅裝修吸引左先.
🥢
原隻柑橘燒鵝髀飯(HKD178)
燒鵝髀好大隻😮! 食落仲帶清新果香啖啖肉, 但唔heavy, 零羶味. 隻髀意想不到咁juicy+鵝香十足, 燒得恰到好處, 個皮好好味. 附上嘅mustard同柑橘jam一定要dip黎試試原來好正, 推介👍🏻.
🥢
百搭靚抽葱油飯•生炸雞髀(HKD80)
又黎勁大隻炸髀啦. 即叫即炸啲邊皮位脆到不得了, 雞肉嫩滑唔乾柴, 生炸零舍好味, dip啲甜甜地又杰杰地嘅”靚抽”perfect. 由於大隻髀, 就咁食li碟飯都好飽.
🥢
火焰黑豚腩叉燒(HKD168)
聞到好香嘅燒叉燒味喺廚房飄出黎, 原來已經燒好俾我地, serve喺個小火”炭”爐點火後燒一分鐘左右就食得, 最貼心個點係staff會留意住提我地燒好食得啦!
Li個叉燒真心正, 每一粒都好多層肉, 豬肉同脂肪分佈得好均勻, 唔會成層脂肪要咬走個隻, 而且真係好香, 隔離枱都望望下!! 俾我li個大師級最後燒到佢有微焦香脆, 好好食.
🥢
脆香蜜糖Toast (HKD62)
厚到一個點, 蜜糖醬塗滿滿, 每個切面都係醬, 點北海道5.0牛奶雪糕🍦正, 佢犀利在我地食左咁耐, 個toast面咬落仲可以咁脆身, 勁. 預先切開九宮格所以一枱開心share一定要食😋.
🥢
芝士奶蓋•馬騮搣烏龍 (HKD42>28)
奶蓋唔會有人嫌多🤪, 店家奶蓋好厚, 充滿芝士嘅忌廉texture同醎香味, 茶香十足清清地, 一啖奶蓋一啖茶特別好飲.
🥢
玫瑰泡沫奶茶(HKD55>28)
整得好靚呀好多片靚靚花瓣🌸.
話說最近因為想食好既燒味中左好多伏，今次行完donki就同朋友入左鼎爺主理既鼎家喜筷試下有冇伏～相比起傳統既燒味店，鼎爺呢間就相對地年輕化好多，四圍都係佢既肖像插圖，而且除左燒味之外仲有日式沙律、台式飲品同甜品，都係幾意想不到既配搭。
燒味又點可以冇叉燒yummy，今次點左叉燒同埋燒鵝，可以揀切定唔切，因為想同朋友SHARE所以都叫師傅切左。
叉燒要左半肥瘦，兩款睇落都幾肥美又有光澤～叉燒肉質好淋好嫩口，香蜜味；而個燒鵝本身都燒得唔錯，鵝皮好甘香脆口，有配一個柑橘醬，加埋黎食可以去左油膩感，個醬有少少似香橙朱古力既味。
跟餐配日式芝麻醬沙律，細細份當食啲菜都唔錯。
叫左杯烏龍芝士奶蓋，充滿台灣風味，芝味濃厚！
我自己就比較喜歡水果茶，夠哂清甜，食完咁肥美既燒味飲返杯茶真係一流既享受～
食完叉燒+燒鵝飯都唔夠喉，又叫左份饃餅雙拼，入面都係叉燒同燒鵝，同朋友交換口味黎試，味道同飯既燒味差唔多，不過夾多左塊青瓜同饃餅，口感唔錯。
最後甜品揀左吐司。
我覺得算係烤得唔錯，比想像中好，因為出面好多烤吐司都成舊烤到磚頭咁、或者中間完全冇烤過，呢份都烤得幾平均，每格都香脆甜美；至於個雪糕就比較普通，我拎左花茶配既黑糖倒落去食，又幾夾。
潮食誘人燒味
鼎爺又開新餐廳，今次行貼地同年輕路線，潮煮燒味創番新味道。
第一次黎，必須食d招牌野先，先黎原隻柑橘燒鵝髀飯。
上碟勁靚，Feel到啖啖肉嘅滿足感。手殘嘅我係切嘅時候有d困難，如果不顧儀態成隻撕住食應該幾正，哈哈。切個陣流出左唔少清澈油脂出黎，但鵝髀食落又唔會油咖喎，我諗就係果個火喉控制做成呢個效果。同平時燒鵝髀好唔同，唔係個種炭火味，燶燶地感覺。而變左係嫩身，專注係番淡淡柑橘味嘅鵝肉到。
火焰黑豚腩叉燒（使用玫瑰露）
呢個係相當有驚喜嘅，叉燒非常好食同離譜，排住一層肉一層油脂，重疊幾次後再即場火焰燒，所有美味油脂都索曬落叉燒肉入面，呢個真係大滿足！
涼伴麻辣蒜香手撕貴妃雞撈丁
朋友愛新，覺得呢個幾開胃，仲解左上面肉嘅油膩感，佢特別鐘意陣花椒味。
脆香蜜糖吐司配5.0牛奶雪糕
呢個又係驚喜之選，首先無諗過咁大份，更無諗到蜜糖做到咁入曬成個厚多士，真係每一啖都滿滿邪惡蜜香味。立馬後悔之前食左d飯用左d quota！！
熱鮮檸檬蒠米水
誠意之作，勁足料仲一路熱住，分量都夠飲成餐飯。
鐵觀音芝士奶蓋
朋友無表示不滿，所以應該好ok 嘅！
每次到荃灣都會過去海之戀商場逛逛，行下donki，又會望下有咩餐廳
門口已有大大個卡通鼎爺logo，非常吸晴，咁就過黎試下
由鼎爺主理既鼎家喜筷，主打新式燒味概念，就連台式飲品，甜品也有
先叫左杯烏龍芝士奶蓋，芝味濃厚，充滿台灣風味
水果茶，有多款水果，清甜又解渴
燒味夾饃雙拼，賣相跟蜜汁火方差不多
一件燒鵝，一件叉燒，兩款肉下面放有一片清爽的新鮮青瓜，可減一下油膩感
原隻柑橘燒鵝髀飯
燒鵝外皮甘香帶脆，肉質鮮嫩，鵝油香味完全融入口中
柑橘醬好百搭
招牌溫泉蛋四寶飯 有燒鵝、叉燒、燒腩
但當日比漏左溫泉蛋我地，燒肉仔表脆肉嫩，的確不錯
最後一定要留肚食埋甜品
脆香蜜糖吐司配北海道牛奶5.0雪糕，超厚嘅吐司又香脆又鬆軟
家人食飯，book了鼎家喜筷的半開放房，更有私隱密度（有錢人的生活，就是這麼樸實無華）食物款式多，適合男女老少。
.
鼎家點心拼盤（每款2件）- 有少少驚訝燒味店有點心食，而且用蒸籠上傳統體驗。有買少見少的鵪鶉燒賣、菜苗餃及金魚形狀的蝦餃。彈牙爽脆好新鮮。每款餃都包到肥嘟嘟咁，入面蝦肉滿滿，啖啖肉好滿足。
我很喜歡這裡的燒味，溫純唯美，不搶不猛，燒得香又肉嫩，也有種住家飯的健康自然感覺。
溫泉蛋四寶飯 – 一次過食燒鵝、油雞、叉燒，好豐富，肉汁鎖住，不火不熱氣。以溫泉蛋代替傳統的鹹蛋，更健康更young。
叉燒蛋包飯 – 賣相吸引，蛋及叉燒的份量好多，不可小覷！叉燒口感滑而實在，好香好好食。
.
鐵觀音芝士奶蓋 – 真心高質，鐵觀音好清澈甘香，完全沒有茶葉的苦澀味。奶蓋恰到好處，濃香豐盈。
柚子乳酸沙冰 – 夏天必備飲品，清爽冰涼，酸甜酸甜開胃。
鮮果窩夫配5.0牛奶雪糕 – 意想不到食燒味的地方有窩夫甜品食，$68 可以當一個high tea食又幾好喎。賣相一流打卡後才食！牛奶雪糕是非一般的香滑，相信真的用5.0牛奶製成。
.
食完之後，家人個個都讚不絕口。
區區都有幾間隱世嘅「燒臘」店，街坊小店多數名不經傳，只有區內人先知。不過鼎爺個大名應該大家都一定聽過，之前試過鼎爺私房菜，當中嘅燒味有驚喜！前幾日行經荃灣Donki，又見到個「鼎」字嘜頭，主打係各式燒味。掛住鼎爺嘅牌頭，唔知又有冇鼎爺私房菜嘅質素呢？
原隻柑橘燒鵝脾
確實可以用肥厚嫩滑嚟形容呢件燒鵝髀！不過怕肥嘅朋友仔可能未必咁啱，外皮好重光澤感，入口先有絲絲柑橘果香嘅甘甜，然後細嚼而下係嫩滑鵝肉。略嫌外皮不過脆，影響入口嘅咬感
招牌温泉蛋四寶飯
值得一讚係個四寶飯好足料，叉燒、燒腩仔、燒鵝同原個溫泉蛋。個人愛係個肥叉，thick cut肥美鮮嫩，配白飯一流！溫泉蛋反而希望可以轉返做個鹹蛋更貼地！
爆脆金沙魚皮 & 鼎家脆炸蓮藕片
小食方面叫咗兩款都係比較特色嘅香口嘢！好彩兩款都唔會好膩，個招牌脆炸蓮藕片好精緻，係一款會想單點佐酒嘅小食；而金沙魚皮亦一樣油感低，金沙鹹蛋黃醬係薄薄一層，邪惡度減半而不失滋味。
黑芝麻咖啡 & 烏龍奶蓋
前者入口有沙沙嘅芝麻研磨口感，不過略甜；而朋友嘅烏龍奶蓋相對較清新。
第一次幫襯，點咗豬油撈飯、粟米魚柳飯、卡邦尼意粉、炸魷魚鬚，全部都好食，要數缺點的話，個粟米個汁唔夠粟米味，cream味太重。
會再幫襯，試下其他嘢。
鼎Lee開左間燒味鋪，叫鼎家起筷，心諗好彩唔係賣滷味。呢間燒味鋪走摩登中價路線，價錢絕對唔平，唔知質素好唔好呢？
先講坐位：侍應安排既坐位幾闊落，有位放袋，靠近窗邊，落左簾仍感受到太陽既光線同餘溫，都幾舒適。
野食方面：我地點左兩碟大飯，水準平均，餸多過飯，好足料！先講燒鵝髀飯，索價$128，絕對唔平，但燒鵝皮脆甘香，肉質不會嚡，而且肉味香濃，所搭配既甘橘醬中和肥膩感，不錯。
至於溫泉蛋四寶飯，鵝、叉燒、燒肉都各有6-7舊。燒肉香脆，可惜叉燒略瘦且硬，呢度扣左點分。跟餐還會有沙律菜，但配搭乳豬醬略奇特，建議餐廳配返最基本既油菜算。
由於我地係食肉獸方面，再叫左個火焰黑豚叉燒，諗住係Gimmick野，點知燒過既黑豚尤其出色，帶點焦香的感覺，好食。唯一就係佢個火太猛，基本上一點火燒一陣已經會燶，所以我地好快即刻夾起哂，做唔到即燒即食既效果。
另外叫左檸檬薏米水，甜度適中，帶酸很開胃！
總括價錢雖然幾貴，我地食咁多野要$500埋單，但真係食得好飽同食得出部分燒味係有用心做，值得支持。
鼎爺西利呀, 短短年間, 已經開左唔同主題既餐廳, 繼鼎爺私房菜, 鼎尚棋哥之後, 鼎家喜筷座落海之戀, 而且唔係主打燒味咁簡單, 依度既燒鵝採用澳洲鮮橙, 檸檬同埋青檸等新鮮水果取代傳統方法醃製, 醃製過程更長達 18小時! 之前都試過鼎尚棋哥既燒鵝, 確係出色, 而今次以水果醃製燒鵝都係第一次聽, 好有興趣!
餐廳開揚光猛座位舒適, 特別喜歡佢間左小廂房, 感覺更有私隱度, 食都食得舒服d! 仲有一定要提既係佢既天花, 牆身等等都精心設計, 天花係好靚既燈管畫, 最攪笑係Q版鼎爺, 好簡單既線條但同鼎爺真係一樣樣!
胡麻沙律醬
食燒味飯唔一定要跟菜心既姐, 鼎爺特別設計令燒味都食得有新意, 唔再只係麻甩佬既專利, 襯新鮮沙律菜一樣得!
火焰原隻燒鵝脾 $148
當你係普通燒味餐廳食隻鵝脾都要過百蚊既時候, 係依度叫火焰原隻燒鵝脾真係唔會後悔, 燒鵝髀大大隻, 賣點係以火爐直燒將皮再燒一燒, 燒既時間鵝油溢出超惹火, 香味同成個畫面都勁吸引!! 赤紅色既皮即燒即食後更加脆卜卜, 咬落去脆到咔擦一聲!! 真正皮脆肉香, 陣鵝油味係口中久久不散, 細味下皮位帶仲甜甜地既味道, 肉質比平常食到既鵝肉更鬆化, 相信就係以水果醃製18小時既成果! 記得點埋佢既手工製柑橘醬, 可以中和油膩感, 又可以帶出果香。
柑橘燒鵝孖寶
燒鵝拼燒腩仔, 燒鵝一樣皮脆肉香, 配上鮮橙打成既柑橘醬, 多左份清新感覺。燒腩仔皮都係卜卜脆, 肥瘦相間, 香口又送飯!
涼拌麻辣蒜香手撕貴妃雞撈丁
愛辣既我第一眼就揀左佢, 撈丁份量好多, 目測超過一個一丁既份量, 麻辣蒜香味道突出, 整個都係十分濃味惹味, 個種惹味係會令人忍唔住一口接一口既, 食完個口成陣蒜味, 正!
芝士奶蓋鐵觀音 芝士奶蓋田園芳香
芝士奶蓋厚身非常rich, 味道香濃既奶蓋再配上清香茶底, 好飲!
脆香蜜糖吐司
食燒味可以配沙律菜之餘, 仲可以食埋甜品! 吐司烤得平均, 表面脆口但入面既麵包保持軟熟, 蜜糖滲入麵包中, 香甜軟熟本身已好好味, 但我推介食法係將5.0牛奶雪糕配埋一齊食, 一啖雪糕連同吐司擺入口, 試過你就知幾好食! 最後食到勁飽! 因為個甜品份量都好大, 最適合搵多一兩個朋友一齊share!
順帶一提, 雖然政府要求左餐廳要有執枱專員, 但好多都唔見真係有做, 依度係我第一次見真係有員工掛住執枱專員名牌, 令食客食得安心, 都絕對係加分位!
重要的事情要講三次：呢間係燒味茶餐廳，呢間係燒味茶餐廳，呢間係燒味茶餐廳。。。。所以請只幫襯燒味。
和朋友去了荃灣西海之戀鼎家喜筷食飯。
這是「鼎爺」新開的一間餐廳，店內裝修簡潔光亮，是走年青時尚路線的餐廳。
但這裏是食主打傳統燒味的餐廳。
餐廳佔地也相當闊落，枱椅都很寬闊，客人坐得舒服。
店員服務相當殷勤有禮，很主動為客人推介食品。
我們點了柑橘燒鵝拼燒腩仔飯，柑橘燒鵝髀飯，火焰黑豚腩叉燒，飲品點了凍田園水果茶，田原芳香芝士奶蓋。
甜品點了鮮果窩夫配5.0牛奶雪糕。
套餐附送田園沙律，再食燒味之前，先食個田園沙律，清清味蕾，口感清爽，味道清新。
柑橘燒鵝拼燒腩仔飯，燒鵝肉相當皮脆肉嫩而且燒腩仔外皮好脆，是高質素的燒味。
柑橘燒鵝髀飯，賣相已經相當吸引，燒鵝髀肉皮脆肉嫩又多汁，加上芥末醬黃梅子醬相當好味。
火焰黑豚腩叉燒，用火爐烤住黑豚肉叉燒，熱辣辣，油脂豐富，加上蜜汁，有入口溶化的口感👍👍
凍田園水果茶，內有士多啤梨和藍莓鮮果，味道不太甜，非常喜愛這種水果冰茶。
甜品：鮮果窩夫配5.0牛奶雪糕，烤麩烤的外層香脆，配上雪糕，一冷一熱，口感不錯，作為一餐的完結，非常滿足滿。
總結：鼎家喜筷走年輕時尚路線，食傳統的燒味，但燒味也可以很高質素，例如這裏的燒鵝與黑豚叉燒，燒鵝皮脆肉嫩，叉燒入口溶化的口感，確實會令你對燒味有另一番的體驗。
之前食過鼎爺既鼎會館，一食難忘🤤 (知道執左都好sad😭) 知道佢喺荃灣海之戀開左新line，梗係要即刻去試下😍 一去到感覺好surprise，成個裝潢俾人好潮好young既感覺😚 同鼎爺其他餐廳風格好唔同。牆身有好多唔同既霓虹燈🎈最可愛既係仲有鼎爺Q版頭像logo😙 啱哂後生仔女嚟打卡。menu除左主打皇牌燒味，仲有其他fusion菜式，真係幾有驚喜🤗🤩
·
▪柑橘燒鵝拼油雞脾飯 HKD$92
一場嚟到梗係要試鼎爺既招牌燒鵝😋 燒鵝加入柑橘醬，多左一份清新感🍃 燒鵝燒得皮脆肉嫩，肉汁滿溢，水準依然👍 而油雞脾亦做得出色 🐓雞肉十分嫩滑，啖啖肉好滿足~
·
▪涼拌麻辣蒜香手撕貴妃雞撈丁 HKD$80
佢既麻香辣香好厲害，未食已經感到麻辣感🌶🌶 每食一口個咀都好似麻痺左咁，真係令人欲拒還迎😄 另外撈丁更炸蒜及生蒜，令味道更加香濃突出😋 麵條涷食十分爽口彈牙，明顯過過冷河。
·
追加小食 – 麻香海蜇 HKD$28
·
▪燒味夾膜雙拼(2件) HKD$50
造型賣相與台灣小叮吃刈包好相似，白色既夾膜包外皮包燒味外內餡🤤 兩款不同的燒鵝及蜜汁叉燒內餡，夾膜包的微微香甜😍 混合燒味的濃郁，兩款同樣美味😋
·
▪鵪鶉蛋燒賣(3件) HKD$48
依家已經愈來愈少地方食到，有得食真係要份外珍貴🤩 燒賣外型口感紮實，充滿著兒時上茶樓既味道😚
·
▪熱白芝麻奶茶 HKD$58
天寒地凍飲返杯熱烘烘特飲，真正暖在心頭💕 芝麻濃郁度尚可，有點點像飲維他奶既感覺。
·
▪凍薄荷檸檬蝶豆花 HKD$55
好靚既一杯特色飲料😻😻 隻紫色💜好吸睛!! 酸酸地幾清新，我並無加入已預備既黑糖作調味，如果喜甜者可加入適量以配合個人口味~
·
▪北海道5.0牛奶雪糕
不得不提餐廳門口位置設有雪糕站🍦 雪糕控即時叮一聲🤩 試左北海道5.0牛奶雪糕，話明5.0奶香真的非常濃郁🥛 而且冰感十足，推薦呢👍
·
📍鼎家喜筷
荃灣大河道100號海之戀商場3012號舖
燒鵝髀味道唔錯，份量都夠晒大隻。
多士甜品唔太甜，似一個小食比較多。
四寶飯有驚喜。
原條免必叉燒, 加杯熱奶茶, 男人的浪漫。
自己鵝脾自己燒！今日完全感受到燒味嘅創新食法，呢個Gimmick勁！食到我好滾動🤩
叫咗碟四寶飯同原條燒腩肉飯…燒味飯伴菜一般都係放兩條菜心或者小棠菜啫😅呢間用胡麻醬沙律菜！燒肉除咗見人拜神會免斬，呢度原條上，仲比埋刀叉要你切嚟食！四寶飯跟咸蛋就常見…呢度配隻溫泉蛋，係咪勁呢😎新事物算不上，但絕對係新配搭，令到食燒味飯不再麻甩🤣🤣
鼎爺出名燒鵝梗係要叫返隻左脾啦！明火原隻燒鵝脾🤩竟然比個爐我自己燒！想食幾燶就燒幾燶完全由自己控制，一邊燒我就一邊吞口水，油香香到爆炸🤤個秘製柑橘醬取代普通酸梅醬絕對係完美🤗
飲品叫咗我鍾意芝士奶蓋馬騮摵烏龍茶，仲食埋甜品係即製窩夫配北海道5.0牛奶雪糕！呢餐真係食得好癲🥶
海之戀商場逛，沿路都好多食肆，幾正喎。
見門口裝修幾得意，感覺上餐廳嘅setting係中西式大雜燴。價位屬中高價，不過樓上係過千萬豪宅都好合理😂 …
鼎家喜筷：年輕的鼎爺
如果你同大部分人一樣。未必捨得食鼎爺的私房菜，而家位於荃灣海之戀嘅鼎家喜筷就可以一戰。
可以食到鼎家出品，而且係年輕嘅輔線，啱晒一班相對唔會食私房菜$1000位起錶嘅年輕人，同我三年前食嘅私房菜相比，呢度輕鬆casual得多。
剛巧去荃灣行街，聽過朋友I小姐介紹呢度嘅火焰原隻燒鵝髀，非常有興趣，晚餐又唔使點樣排隊，仲使考慮？
最喜歡係呢度嘅裝修理同平時嘅中餐廳唔同，好多漫畫化嘅裝修同裝飾，食燒味飯仲要有沙律餸，都幾得人鍾意。
本身諗住食呢個火焰燒鵝髀，但其他餐牌都好吸引，最終放棄。
先點了燒味夾饃雙拼，一個係叉燒做主角，一個係燒鵝做主角，吃到嘅係大漠嘅風情 ，估唔到咁有風味。
沒有叫火焰燒鵝，反而食嘅係原隻柑橘燒鵝髀飯，全因嘅就係佢嘅柑橘醬，雖然冇火焰咁搶鏡 ，但係味道絕對一流取勝，市面亦都少見，燒鵝皮充滿着金橘嘅香味。
加點左涼拌麻辣蒜香手撕貴妃雞撈丁做主食，呢個絕對係夏天首選，辣辣地，又有麻辣香，最重要個撈丁，同貴妃雞一樣搶鏡，大家鬥彈牙。
呢度嘅飲品都唔錯，叫了芝士鐵觀音，加上一杯花茶，你完全冇諗過做燒味為主嘅茶餐廳，可以有呢啲咁靚嘅飲品。
最尾推介嘅係呢個北海道5.0牛奶雪糕配鮮果窩夫，呢個絕對係驚喜所在，相比全盛時期嘅茶木做得更加好，北海道牛奶雪糕固然搶鏡，但係窩夫確實喺冇期望之下，好吃得深深印在腦海中。
整體水準都真係幾出色，咁樣有飲品又主食又有甜品都係$200一位，仲要係位於一啲都唔平嘅海之戀商場，嗰度餐廳全部都唔係低檔次 ，相對比較下以呢個水準絕對值得幫襯。
當然如果你係喺荃灣蒲開就完全唔使考慮都可以試，但如果特登要去荃灣食，就要考慮加多啲景點了。
火焰原隻燒鵝脾 已經 $198 🥶 …
鼎爺開嘅餐廳，一路都想慕名而來，今晚就嚟左試下喇~
先點個爆脆金沙魚皮，名符其實，爆脆👍
火焰燒鵝脾，必選。
先影相打咭，再燒香鵝皮，皮脆肉嫩，啖啖油香，再蘸上秘製嘅柑橘醬，回味無窮😋😋😋
原條燒腩飯，招招積積咁用刀义嚟食，真係第一次😛
燒腩肥瘦均勻，肉質腍但唔鬆散，有豬肉香卻沒有豬臊味， 味道醃得剛好。
鮮果窩夫，即叫即整，新鮮香脆，再加上鮮果同鮮忌廉雪糕，口感一流👍
烏龍芝士奶蓋，一層芝士忌廉奶泡，浮游在杯頂上，茶奶分離，喝一大口，綿滑芝士泡泡內，摻雜着濃茶的甘香。食左燒味，飲返啖，冇得輸啦😅
食飽飽，捧住個肚😍
鼎爺出品～高質色香味俱全叉雞飯
最近唔知點解冇乜胃口，行過呢間餐廳突然間聞到好香嘅油雞味，好吸引😍突然好想食
睇睇個名原來係鼎爺開嘅
隻公仔好可愛，勁似鼎爺
聽職員講原來間餐廳係新開左一年㗎咋
聞到咁香嘅油雞味梗係要食油雞啦
「蜜汁靚叉拼豉油雞」 $105
要油雞髀，要另外加 $20
碟飯變咗 $125 有啲少貴
個餐有碟小油菜
不過食落真係唔錯
之前去過另一間餐廳食佢地得獎嘅叉燒成三百幾蚊，都唔夠呢碟好食
「鼎家喜筷」嘅叉燒甜甜地，味道加上軟腍的肉質，好滋味。
豉油雞嫩滑入味，平時唔食皮都連皮都忍不住食晒🥰
「燒味夾饃雙拼」$56
一件夾燒鵝，味道好似食緊片皮鴨咁，好味
一件夾叉燒，味道軟腍肥瘦適中
「黑松露薯條」 $42
每次見到餐廳有都會叫嚟食
脆炸薯條曬上黑松露碎，又脆又香口
「熱田園水果茶」$28
味道幾好，好清新唔太甜，唯一缺點係個茶壺冇茶格，連啲生果籽都倒埋出嚟，但我又不喜歡吃，要逐粒逐粒拿走😅
「凍香滑泡沫奶茶」$45
真的又香又滑🥰蝦子餅很喜歡
食完呢間咁靚嘅豉油雞，真係好想帶叔叔嚟試吓
因為叔叔話美國冇新鮮雞食
所以上次返嚟香港不停食雞😂😂
@dinglee_official
鼎家喜筷 Ding Lee
地址： 新界荃灣大河道100號海之戀商場3012號舖
溫泉蛋四寶飯: 四寶包括燒肉，燒鵝，叉燒，同溫泉蛋。燒肉皮脆肉嫩，質素不錯。燒鵝又係皮脆肉嫩有脂香，叉燒就偏瘦，肉質鬆軟，好夠汁。仲有兩款醬汁送飯，都幾豐富。
麻辣蒜香涼拌手撕貴妃雞撈丁: 堂食見到好多人食🤣 個味真係調得好好，有麻有辣有蒜味，十分惹味，貴妃雞肉塊皮比較爽，肉好嫩，撈丁口感好好，值得推薦。
燒味夾饃雙拼有兩件，分別夾燒鵝同叉燒，加上燒汁，份外好味。
跟主食有沙律同餐飲熱飲，沙律加了醋，有點開胃。
烏龍芝士奶蓋個奶蓋都幾厚，奶蓋咸咸地，幾香芝士味，烏龍茶都幾重茶味。
熱玫瑰泡沫奶茶有陣淡淡的玫瑰花味，奶茶滑得黎又有茶香，都算有誠意。
今日朋友海之戀新居入伙拜年, 中午朋友介紹往鼎家喜筷食午餐, 我們點了男人終極浪漫” 原條燒腩” 飯, 招牌溫泉蛋四寶飯、火焰黑豚腩叉燒、凍泡沫咖啡和柚子乳酸沙冰。餐廳原來是著名藝人鼎爺開的餐店, 餐廳座位闊落光猛, 環境佈置和餐桌充滿阿爺的Q板頭像, 座位木梳化都加有軟墊感覺舒適。套餐配上沙律, 沙律賣相吸引, 材料豐富, 有沙律菜、粟米和車厘茄,食落新鮮爽口, 配上開胃醬汁, 食落口感滿足；男人終極浪漫” 原條燒腩” 飯, 職員問我是否需要切件, 我選擇了切件, 燒腩食落爽口香脆, 肉質食落啖啖肉,有油花, 配上芥辣食落口感滿足, 配菜食落爽口, 口感清新, 白飯食落軟綿, 配上自家製醬油, 口感味美, 整碟男人終極浪漫” 原條燒腩” 飯, 食落美味可口, 口感滿足, 套餐配熱飲, 我升級加$28凍泡沫咖啡, 凍泡沫咖啡味道香濃, 飲落奶味香滑, 口感滿足；最後火焰黑豚腩叉燒用爐火燒著肥瘦適中的黑豚腩叉燒, 不斷迫出多餘的油份, 黑豚腩叉燒色澤亮麗,半肥瘦帶點燶邊,滿足色香味的要求, 黑豚腩叉燒食落惹味啖啖肉,食出少許玫瑰露的香味,口感豐富。餐廳座位舒適, 而且燒味即叫即燒不加味精, 燒味食落新鮮香脆, 而且食物美味豐富有, 我和朋友食了一頓高質燒味午餐。