鼎家喜筷(Ding Lee)

燒鵝不錯

荃灣商場愈開愈多食店，齋係最新呢個海之戀商場已不斷有餐廳進駐。今次嚟到食燒味，一入去令人驚喜係除咗招牌燒味，更有唔同fusion嘅食品項目供應，好似奶蓋茶、心太軟等。

平時燒鵝相當出名，而呢間新店更創意地將柑橘融合燒鵝，當然要點碟原隻柑橘燒鵝髀飯試試個實力。用上鮮橙、檸檬、青檸等鮮果去醃製，食落燒鵝肉係相當軟腍鬆化，唔會柴！仲可配以柑橘醬，清新嘅果香幾有新意又特別！

除咗燒味飯，撈丁都加入涼拌元素。麻辣蒜香涼拌手撕貴妃雞撈丁係凍食概念，手撕雞份量都唔少，麻辣加蒜香好惹味。

跟餐更附送沙律，飲食均衡讚啊！兩者相較我地更愛燒味飯，所以加碼點上一客火焰黑豚腩叉燒。驚喜嘅presentation供食客自己燒叉燒至喜歡嘅焦脆度，油份好足，仲帶點玫瑰露香。

飲品方面芝士奶蓋茶相當有新意，幾款奶蓋茶中我地揀咗馬騮搣烏龍個隻，茶味都幾出。另外清爽啲嘅選擇一定係柚子乳酸沙冰，配合燒味都幾夾亦會解膩。

最後點埋個甜品作結，朱古力心太軟係呢度都食到啊！內餡部分都好夠流心，配埋重牛乳味嘅雪糕就剛剛好。

難得放假相約朋友到荃灣海之戀商場行街，順道食個午飯，經過這間位於商場3樓鼎家嘉筷餐廳門外，看餐牌上的燒鵝非常吸引及這裏的環境不錯，就入去試下入到店內職員很禮貌地介紹這間店舖的招牌套餐

原條金牌靚叉燒飯 $98
叉燒賣相巳經滿分，色澤亮麗，肥瘦均勻，咬落不黏口，肉質嫩骨，很美味，白飯加入醬汁更加提升飯的味道

火焰原隻燒鵝髀$148
主角出場，店員會取出一個火爐，客人可以自行把燒鵝髀放在火爐烤一陣，熱辣辣香噴噴，好香和好脆而且一咬開更有份油香，但又不會過膩，肉嫩唔韌，不用任何醬汁已經好入味

涼拌麻辣蒜香手撕貴妃雞撈丁$80
這個撈丁微辣，蒜香很惹味，雞肉肉質鮮嫩，麵底軟硬度適中，食起來多汁不會太乾身

鮮果窩夫配5.0牛奶雪糕$68
這個窩夫上枱時擺盤已經很吸引，切開外皮香脆，香噴噴，配搭軟滑牛奶雪糕，好食到停不了口

田園水果茶
肉眼已經看到色彩繽紛不同種類的水果，可以按照個人喜好加入蜜糖的份量，甜甜地清新又開胃

柑橘燒鵝鼎呱呱

今日同女朋友放工黎左荃灣donki入貨，行完順便係商場食埋晚飯，上openrice搵商場有咩食肆，見到鼎家喜筷，諗起之前睇介紹係鼎爺開既餐廳，價錢又唔算貴，就決定過去試一下！

裝修好光猛企理，咁岩未係食飯最忙時間，人唔算多〜我估中間個光頭logo應該就係鼎爺台比較特別佢隔離有個台飲bar，幾貼地

但呢道主打新式燒味，加入佢自己獨門秘坊，比起出邊既燒味更加獨特，燒鵝係我望到特別想試既野〜最後我地一人叫左一個招牌推介，加上呢個好吸引到我既火焰之選

鼎家柑橘燒鵝孖寶飯呢個飯，燒鵝係重點，佢用左好新穎特別既做法去醃製呢隻燒鵝，用唔同既新鮮水果如鮮橙，檸檬和青檸咁，食落d鵝肉幾嫩滑，同埋佢個手工製柑橘醬真係一絕，同出邊個d普通酸甜醬比，差好遠，好夾又好味得多，下次想試下燒鵝髀！

涼拌麻辣蒜香手撕貴妃雞撈丁麻辣味幾惹味首詩貴妃雞口感嫩滑，同撈丁好夾，辣得幾過癮，而且望落去色彩幾繽紛，幾開胃

火焰黑豚肉腩叉燒黑豚肉叉燒，肉質厚實，咁貴係有原因，有得食，又有得自己燒，幾特別，不過要自己小心控制火候，因為有蜜汁，少少焦都ok，幾香口

鐵觀音芝士奶蓋茶味好香好濃郁，加上芝士奶蓋，唔會太油膩，配搭幾好，我覺得好飲過喜茶嗰啲薄荷檸檬蝶豆花漸變效果好靚，顏色好夢幻，酸酸甜甜，幾鐘意〜

最後叫多個心太軟，來一個完美既ending，為呢餐畫上一個完美嘅句號，總括嚟講我都會想再嚟食，主食，甜品，特飲，特色小菜，應有盡有，最重要沾左鼎爺既光，食物質素都真係有保證

最近發現鼎爺已於荃灣開設餐廳，《鼎家喜筷》以燒味為主打，所有燒味都以天然的方法煮理，做出別具風味的效果。難得不用過海也能品嚐鼎爺的廚藝，BeautySearch 當然要嚐嚐。

原隻柑橘燒鵝髀顏色均勻，外皮挺直富光澤，單看賣相已相當吸引。食落皮脆肉嫩，肉質嫩滑啖啖肉，每一口都能吃出燒鵝淡淡的柑橘果香，不但去除鵝的羶味，還中和了燒鵝的油膩感，越吃越滋味。別忘了搭配鼎家手工製柑橘醬，入口充滿果香，清新而不膩，更勝酸梅醬的傳統風味。

燒味四寶鹹蛋飯吃得多，這裡以溫泉蛋取代鹹蛋，溫泉蛋四寶還搭配叉燒、燒腩仔、燒鵝，傳統中又添加了幾分創意。溫泉蛋的流心，蛋黃軟溜溜，蛋白像豆花般滑嫩嫩，用來拌飯最合適不過，頓時令這中式四寶添上日式味道，蠻有心思。

鮮炸的魚皮上，加上一層惹味的鹹蛋黃，令魚皮更香、更脆，附著的鹹蛋醬還呈現出半流沙狀態，相當誘惑，爆脆金沙魚皮口感香脆而不油膩，濃香滋味，『鹹蛋控』絕對不可不吃！

鵪鶉蛋燒賣是港式的懷舊點心之一，但如今已經越來越少見，滑溜的鵪鶉蛋下釀入豬肉燒賣，鵪鶉蛋的蛋香更勝一般雞蛋，加上燒賣的鮮甜肉汁，兩者搭配出恰當比例，既惹味，又富嚼勁，確實是令人回味的懷舊點心。

雖然還未到炎夏，但作為外貌協會會員，BeautySearch 當然被芒果沙冰的外貌所吸引…… 加上綿軟細滑的沙冰，粒粒香甜的芒果果肉，其實何時吃也有透心涼的香甜口味！

沒想過原來芝麻與咖啡是這麼夾，濃濃的咖啡透出微甜的芝麻香，令咖啡的苦消失了，加上芝麻有保健之效，芝麻咖啡飲落更有益。

成日都係去啲連鎖大酒樓食飯，都覺得有D悶，海之戀鼎家喜筷比起傳統燒味款式較為新穎，加上有鼎爺光環。於是入內試試。
店內裝修好光猛，環境乾淨， 滿佈鼎爺的光頭標誌， 而銅色既餐具顯得高雅之餘有增加食慾。
鼎家點心拼盤，內有鵪鶉蛋燒賣新鮮出爐，燒賣上有粒好大鵪鶉蛋。仲有菠菜餃內有鮮甜既蝦，配上蒜頭，容易入口！
柑橘燒鵝孖寶配化皮燒腩仔，燒鵝配以柑橘汁，不但去油膩感 又令肉質鬆化。
厚切燒腩仔，肥瘦適中， 美味又開胃！
芝士奶蓋茶 ，奶蓋約2.5cm，奶泡幼滑，百香果清新， 甜度適中！

品質保證親民美食-鼎家喜筷
鼎爺出名煮嘢食了得，而好耐之前都知道佢嘅私房菜一啲都唔平，所以一直都未試過。最近佢嘅新餐廳進駐咗荃灣海之戀，餐廳主打年輕路線，食物以燒味為主，亦有其他菜式供應，每逢假日經過都會見到很多食客用餐。 啱啱過咗嘅星期六，屋企冇人煮飯，我就提議不如試吓，價錢果然相對親民，食物類型亦都大眾化。點了數款店員推介的食物，質素確實有保證！
温泉蛋四寶飯，燒味味濃好食，义燒鬆化，肉脂比例均勻，鵝嫰滑，燒腩皮脆，仲有沙律同飲品。
火熖义燒，賣相已經以特色取勝，鬆脆外層加上义燒面有蜜味，回味無窮。 .
白汁魚柳，最怕炸到油lum lum，但係呢度就冇咗呢個問題，表面金黃色，外脆魚內滑，魚肉仲要唔係好薄好碎嘅貨。 . 飲品同甜品嘅選擇可以媲美Cafe，我哋叫咗鮮果花茶，好抵只係28蚊，唔落蜜糖都好飲，水果嘅清甜仲可以消滯。
鮮果窩夫係唔少人鍾意打卡嘅甜品，窩夫新鮮焗製，香脆微暖，放上生果生色不少！整體黎說，呢間算係一間親民嘅高質茶餐廳，價錢唔貴之餘仲坐得舒服，推介！

對我嚟啲燒鵝整體唔錯，佢嘅燒法同平時食開嘅燒法有點唔同，不過我最欣賞嘅係佢嘅台式甜品和飲料，非常好飲，同有特色～
特別係個蜜糖多士，真係好重要，配上佢嘅特製日本雪糕，真係好夾！

荃灣西高質燒鵝

之前食過中環鼎爺會館一試難忘，還記得他的話梅蝦，可惜已經結業。現在在海之戀商場鼎爺又一新餐廳以燒鵝為主打-鼎家喜筷。休假就是食好西日子，今天就排到他！

他的主打是鼎家柑橘燒鵝，那當然要試他的燒鵝髀飯啦！另外它的溫泉蛋四寶飯也是招牌推介，所以我們點了一個來試試。

他的柑橘醬豉油鮮橙檸檬和青檸等醃製的，好甜，橘子的清香，沒有太酸的味味。正好除去鵝肉的羶味。

燒鵝皮脆肉厚，完全不覺得佢乾身，而且好好味，我終於明白點解啲人鍾意食燒腩脾，因為肉質真係滑好多㗎

飯不是普通白飯，是放了頭抽的白飯，而且應該不是一種米，是有溝過的米飯，黏性很強而且有米香，非常好味。這是一個高級燒鵝的選擇，這個燒鵝髀深井著名的燒鵝更為好味
但如果叉燒係肥叉會更加好味囉。
燒腩仔都好食不過如果份量多啲會更加好，但係食到後尾就覺得啱啱好喇。

水果茶有熱情果士多啤梨藍莓奇異果和荔枝肉，清一清炸蓮藕片嘅熱氣，熱情果一流，旁邊放在一些黑糖醬，如果覺得不夠甜可以加一些。我覺得不加也可以

炸蓮藕片，薄薄的蓮藕片炸得脆，他的香料比較多所以比較咸，剛好水果茶有黑糖漿，點一些一齊食剛剛好。

燒味夾膜雙拼，他用一個膜包包住叉燒青瓜
另外一個是包著燒鵝肉青瓜。好有西北菜特色。

整體上我都十分滿意這個午餐，始終這是中餐廳，雖然是快餐廳形式，但如果他的飯可以用碗上而不是放在碟上面會更加好。最意常不到的是他的飲品比cafe還要好。

下午的陽光很猛烈所以他們的窗簾也是放下來的。冬日和暖的陽光，陪上一杯水果茶和炸蓮藕片，是個談天說地的好地方。

滿分為10分(1分最低，10分最高)
食物：9
環境：8.5
衛生：8.5
服務：8.5
價錢: 8
舒適度：8.5
總分：9

我們來到海之戀商場逛逛與購物，竟然有個開心大發現 ，名稱的中菜館，與有鼎爺的Q版漫畫樣子，一看便知道是李家鼎先生主理的菜館了！

我既然是鼎爺烹調飲食的粉絲，不會過門不入吧！

安座後，打開餐牌看看，很多選擇，懷舊與新派共融，楝好了！

眼睛依然很忙碌，中菜館裝置不少Q版漫畫，感覺很有童趣，心情也輕快起來，而且環境整潔、開掦。

小食兩款：
爆脆金沙魚皮~~
金沙，即是起沙鹹蛋黃，＜甘香！＞我借用鼎爺在螢幕上的語氣演譯！
脆魚皮隨着口腔的活動節拍，相應奏出響亮聲！

燒味夾饃雙拼~~
夾饃，是我們中國的漢堡包，熱騰騰的饃夾著燒鵝與青瓜片，另一個夾叉燒，分別配合不同醬汁，美味可口，陝西與廣東結合的味道，妙不可言！

鼎家柑橘燒鵝孖寶飯（拼燒腩仔）~~
啖啖肉的燒鵝肉，味道香濃，鵝皮香酥，蘸少許柑橘醬吃，甜酸中滲出微微果香，燒鵝與柑橘醬是非常合拍！色澤豐富的沙律菜，美味又開胃！

香草白汁炸魚柳飯~~
超大塊的脆香炸魚柳，肉質嫩滑可口，香草白汁又綿滑，蘸魚柳吃與淘飯兩相宜。

熱白芝麻奶茶~~
加入營養的奶茶，下次我要嘗試！

凍鮮檸檬薏米水~~
吸睛又清潤的凍鮮檸檬薏米水，是真真正正的鮮檸檬薏米水，不是檸檬薏米糖水，開心得不可能再言表！

很美好的用餐享受，除了中西融會，懷舊菜餚也與時並進，加入新元素務求盡善盡美，值得下次再臨起筷。

星期日去左海之戀商場，被廣告牌鼎家喜筷嘅燒鵝髀吸引，晚餐就去試吓。雖然賣燒味，但餐廳設計明顯走較年輕路線，食物都有別一般傳統燒味餐廳。

火焰原隻燒鵝髀$148
有火爐上枱，有得玩有得食，主要係臨食前將燒鵝皮燒熱燒脆。招牌柑橘燒鵝果然名不虛傳，用咗鮮橙、青檸同埋檸檬醃製超過18小時，令到鵝肉鬆軟，而且去除羶味，食嘅時候再沾上特製柑橘醬或者芥辣，皮脆肉嫩，燒鵝油脂豐富，油滋滋的，而且有肉汁，正！

招牌溫泉蛋四寶飯$108
呢個四寶飯有齊燒鵝、叉燒、燒腩3款燒味，而温泉蛋就取代咗傳統嘅鹹蛋。燒味方面，肉質都鬆軟，味道就不過不失，如果稍微加熱味道更佳。反而更欣賞溫泉蛋，有清新的柚子豉油做醬汁，與比較肥膩的燒味配合得好好。

香草白汁炸魚柳飯$88
鍾意食香口炸嘢，呢個魚柳就啱晒，吉列炸粉酥脆，裏面魚柳滑溜，略嫌魚肉唔夠厚身，如果魚柳厚肉一啲會比較好食。呢個飯有啲貴，嚟呢度都係食返招牌燒味感覺較化算。

鮮果窩夫配北海道5.0牛奶雪糕$68
估唔到燒味餐廳都有呢啲甜品，而且做得非常好食。窩夫熱辣辣，外脆內軟，有蛋香，配上特濃嘅牛奶雪糕又香又滑，好好味，如果鮮果份量再多一點會更好。

田園水果茶/芝士奶蓋田園芳香茶
餐廳飲品亦有別於一般傳統燒味餐廳，跟餐加$28就有。我哋揀咗靚靚的水果茶，小蠟燭溫着玻璃茶壺，感覺精緻，味道清新香甜。芝士奶蓋綿綿口感配上清新茶底，係芝士控不能抗拒的凍飲。

餐廳坐位都幾多，而且估唔到餐廳除了有燒味飯食，還有芝士奶蓋茶和甜品吃!

鼎家柑橘燒鵝孖寶飯，這個雙拼飯拼了油雞，燒鵝鵝皮脆口，顏色光澤，點上他們手工製的柑橘醬，更能解去油膩感!油雞肉質嫩滑又juicy，再點上薑蓉更美味!

人氣叉燒滑蛋飯，叉燒不會很肥，肉質都幾嫩滑，味道不錯!滑蛋包住飯變成了蛋包飯，炒蛋嫩滑多汁，口感豐富!

火焰原隻燒鵝脾，燒鵝脾由自己把皮再燒脆，燒得時候必需拿起，因為鵝脾油脂較多，會令火很大。看著紅紅的火燒著鵝脾，特別令人期待!燒鵝用上鮮橙、檸檬和青檸等鮮果醃製，不但令羶味減去，亦令肉質鬆化!鵝脾的皮燒到脆卜卜，肉質嫩滑，很有油香，風味十足!

脆香蜜糖吐司，這份甜品比想像中大份，吐司已在表面切了9份，每一粒吐司都均勻地塗滿牛油和蜜糖，而且吐司很脆口，每啖都很滿足!而且還配有5.0牛奶雪糕，奶味非常濃郁!

鐵觀音芝士奶蓋，芝士奶蓋咸咸香香，還帶有少少甜味，飲品帶有鐵觀音的清香。

凍田園水果茶，水果茶味道不會太甜，內有熱情果肉，令茶帶點酸酸味味，幾開胃解膩!

雖然與大多數附近燒烤店的合理價格相比有點貴，但絕對值得。
叉燒的品質非常好，我猜他們添加了一些柑橘汁來軟化肉，而不是嫩化劑，因為它含有化學成分，不健康。
雞肉是必須嘗試的，因為肉煮得很完美。不強硬，不粗暴！
玫瑰酒和醬油只是我個人的喜好，但對於那些喜歡白切的人來說，你應該嘗試一下。
開胃菜不是很出眾但是很新鮮。我的食譜好多了，而且不太酸。

平時我都好鍾意睇烹飪嘅節目，訓練一下自己嘅廚藝，吸收下人哋煮食嘅心得。好多烹飪節目都好好睇，各有特色，例如Gordon Ramsay、肥媽、Jamie Oliver。咁梗係當然唔少得李家鼎（鼎爺），佢同譚玉瑛嘅火爆組合都幾好笑，鼎爺講嘢直接到位。難怪受歡迎，仲踩過界，拎佢做生招牌，開埋一間新式中餐廳。

門口好光嘅招牌，仲以為係大型連鎖珍珠奶茶店，點知望到個光頭仔，咁就知道係鼎爺嘅出品。佢嘅裝修都幾新穎，天花板有晒霓虹光燈，仲有一啲地標性嘅潮語。

燒味夾饃雙拼$50 先黎呢一個小食，有兩舊，一舊夾燒鵝、一舊夾叉燒。

呢度嘅燒鵝係佢嘅招牌菜，每日即烤，保證新鮮出爐皮脆肉嫩！軟熟嘅包，包住一舊有油脂香嘅燒鵝、一塊清脆嘅青瓜，加上海鮮醬，整體感覺好配合，係一個唔錯嘅前菜。

鼎家點心拼盤$95
點心拼盤包括呢三樣嘢：鮮蝦菜苗餃、鵪鶉蛋燒賣、大眼金魚餃。 熱辣辣出爐，全部都皮薄餡靚，包住大大舊蝦肉。鵪鶉蛋燒賣呢一啲懷舊點心都唔係度度有得食，最鍾意食咗下面嗰層肉，最尾先食嗰隻蛋。佢嘅豬肉肥瘦得宜，有咬口。

溫泉蛋四寶飯$108
四寶包括叉燒、燒肉、燒鵝同埋溫泉蛋。 真係最值得欣賞嘅都係燒鵝，皮脆保留到皮同肉中間嗰層嘅油脂，入口香濃。 燒肉係一層肥一層瘦嘅腩仔肉，真係成碗飯都可以食得晒！

燻蹄海蜇撈丁$78 呢一個麻辣醬非常惹味，提供到俾你味蕾嘅刺激；燻蹄爽凍加埋海蜇，最犀利係佢個出前一丁浸凍水後可以保持到彈牙！

熱檸檬薏米水$28 連杯薏米水都有個蠟燭台保持佢熱，渣多健康！配襯埋黑糖蜜，啱晒女士飲！

凍荔枝蘆薈綠茶$28 呢杯茶飲好清新，去油，微甜嘅荔枝肉同爽口嘅蘆薈粒好飲！

見佢呢一間餐廳都有一啲其他嘅套餐，價錢都好合理可以再幫襯，而且食物選擇都幾多。

燒鵝皮脆內暖，好味道。火焰义燒香口好味道。

放假行街🛍食飯🥢
行完QQ舖👫🏻
老公見到間鋪話好耐未食個燒鵝🦆
間鋪個名唔通係鼎爺👴開嘅🤔
電視📺就見得多佢煮嘢食啦😃
就入咗去坐低試下😘
見餐牌好多推介👍🏻就是呢幾款👇🏻

先叫咗兩杯飲品😚
鐵觀音芝士奶蓋～老公👨🏻飲到拗晒頭😬⋯⋯但係又好好飲喎👏中式溝西式、鐵觀音溝奶昔，非常新鮮感🥴
凍田園水果茶～好多生果😘ᖴᖇESᕼ👍🏻

～老公就叫咗碟🤣男人終極浪漫原條燒腩飯~啖啖肉卜卜脆
～ᗰE梗係食主打呢間鋪嘅原隻柑橘燒鵝髀飯～呢隻燒鵝左脾零舍好味😋

～燒味夾饃雙併～呢兩件小食好食到冇朋友、我只係咬咗一啖😩老公👨🏻食晒🥴極力推介呢個小食👍🏻👍🏻👍🏻

～在嗌多個甜品🍮鮮果窩夫🧇配5.0牛奶雪糕🍦（好滑👍🏻👍🏻👍🏻👍🏻）
今日做乜鬼呢🤣啲嘢全部食清晒^_^太好味啦😚食到肚好脹😛
再行吓街👯‍♀️當做下運動💃🏼🕺消化下先😛

想吃到鼎爺主理的餐廳，不一定要去高級的鼎會館，價格相宜的鼎家喜筷也是一個好選擇。燒味為鼎爺見長之一，來到鼎家喜筷當然要嚐嚐有名的燒臘，這裡叉燒，燒腩，貴妃雞風味絕佳，不論色、香、味均是上上之選，每一樣都好吃。

想品味全店最滋味的，招牌推介一定是穩妥之選，我和朋友分別吃男人終極浪漫”原條腩仔”飯與鼎家柑橘燒鵝孖寳飯，招牌推介均配沙律及指定熱飲一杯。

我太愛這道男人終極浪漫”原條腩仔”飯，腩仔一整條的上桌，有著一股非凡霸氣，爆脆的皮與絕嫩的肉完美的結合，實在太厲害。豬皮烤到酥酥脆脆，但肉質依然軟嫩鮮甜，給人幸福的滿足感，單吃已經好吃，腩仔佐上芥末入口更棒。

鼎家柑橘燒鵝孖寳飯讓燒味控眼睛一亮，食指大動，瞧這燒鵝亮艷色澤，脆脆的鵝皮，很難抵抗它的誘惑。要讓燒鵝入味，事先需要獨家配料醃漬，才可燒出撲鼻的鵝香。燒鵝肉毫不乾柴，大塊多汁，配上靈魂柑橘醬，鹹甜味恰到好處。

貴妃雞呈現黃澄澄的雞皮，飄出濃郁的肉香，伴隨一種原始直接的快感，令人垂涎。貴妃雞肉不只鮮嫩，而且夠味，食材要新鮮，才會有這完美味道和嚼感。

薄荷檸檬蝶豆花茶的蝶豆花含有花青素，遇檸檬酸會由原有的藍色變成紫色，故薄荷檸檬蝶豆花茶全是天然的顏色，讓人感到療癒。薄荷檸檬蝶豆花茶冰涼清爽，酸酸甜甜，挺解飽膩的。

愛喝芝士奶蓋的話，芝士茗茶系列可謂最佳之選。芝士奶蓋馬騮搣烏龍喝起來順口無比，綿密的芝士奶蓋鹹中帶甜，馬騮搣烏龍在嘴裡散發自然的濃醇茶香，尾韻回甘不澀。

隆重介紹我們的心頭好火焰黑豚腩叉燒，黑豚腩叉燒都切成方柱狀，想必是讓客人容易控制叉燒的火候。叉燒肥瘦七三比例，吃起來無敵彈牙，肉不柴且丁點油膩感也沒有，並愈嚼愈香，尤其醃製叉燒的玫瑰露甜美令人陶醉。

脆香蜜糖吐司配北海道5.0牛奶雪糕兩大厚片，外面烤到金黃脆口，蜜糖甜滋滋的，蠻適合做飯後甜品。北海道5.0牛奶雪糕頗輕盈，沒有一般雪糕的厚重甜膩感，等雪糕稍微溶化，讓吐司吸附，吐司變得有嚼勁。

荃灣西新式美食🤩
中等價位 品嘗到各種主食甜點飲品 極多選擇!

火焰原隻燒鵝髀（使用燈酒）$198
食過最好食既燒鵝髀!😍外皮香脆🤪
一咬落去 肉嫩多汁 爆汁既狀態下 好食到令人難以置信😋性價比高🥳

招牌溫泉蛋四寶飯$128
一個選擇 可以食到店舖著名既燒味系列😙
叉燒唔肥 健康之選😉仲有燒肉燒鴨+溫泉🥚

涼拌麻辣蒜香手撕貴妃雞撈丁$80
麻辣味好香好麻 食辣人士必定會中意🥰
手撕貴妃雞 雞肉好滑 質素保證☺️
撈埋個岀前一丁 好開胃好味🤤

脆香蜜糖吐司 配 北海道5.0牛奶雪糕 $62
估唔到 仲有埋甜品😈 蜜糖吐司🍞 好大件😳
味道偏甜 幸好🍦唔甜 兩樣夾埋 就剛好😘

咖啡沙冰$28

烏龍芝士奶蓋$28

阿媽想食燒味，路過見到呢間鼎爺新開既燒味店裝修幾靚咁，除左燒味仲有其他新式少少既嘢食，一於就試下先🤪

🌟原隻火焰燒鵝脾$148
上台個賣相已經冇得輸！有個火爐比我地自己燒鵝脾，真係有趣又好食！燒鵝脾外皮超脆，咬落油脂爆滿口既感覺真係超滿足🥰🥰

🌟生炸雞脾蔥油飯$80
雞比炸到勁香脆，但肉質完全唔會dry！配上蔥油飯好惹味😋

🌟溫泉蛋四寶飯$108
叉燒、燒肉、燒鵝，一次過滿足選擇困難既我🤦🏻‍♀️
燒肉皮脆，叉燒略為瘦左d，燒鵝唔洗講，好食
溫泉蛋簡直係靈魂，撈入飯度加埋燒味真係好正👍🏻

🌟脆香蜜糖土司配5.0牛奶雪糕$62
土司烘到香脆，配上濃郁奶味既雪糕都幾好食

🌟烏龍芝士奶蓋$28
完全估唔到質素拍得住出面d茶飲店！

🌟凍田園水果茶$28
都幾fresh，食完燒味有d膩可以解下

呢間餐廳味道比想像中更好，下次可以帶埋阿爸黎試下

鼎家喜筷

鼎爺又有新作，喺荃灣海之戀商場開咗間大眾化港式餐廳，主要供應港式燒味

餐廳裝潢有特色，連天花板嘅位置都有吊起嘅燈都有特別嘅設計，而餐廳嘅一個角落專賣take away野飲

今日去咗食晚餐，想特別重點介紹嘅係燒鵝

坐底冇耐有沙律🥗
呢個沙律冇沙律醬，但係有海鮮醬，全新口味

柑橘燒鵝、叉燒孖寶 飯

燒味食得多有啲油膩感覺，所以特別配咗柑橘汁，去除呢種油膩嘅感覺，燒鵝肥瘦適中，軟韌度啱啱好

仲有點咗麻辣蒜香涼拌手撕貴妃雞撈丁、黑松露薯條、爆脆金沙魚皮、碟豆花、水果茶

｛主食｝ 男人終極浪漫”原條燒腩”飯 $99
原條燒腩微暖仲好脆口，口感一流，肉嫩汁香，大滿足

｛主食｝ 招牌溫泉蛋四寶飯 $128
四寶飯有叉燒、燒鵝、燒肉，仲有溫泉蛋，燒肉比燒腩肥少少，但皮仍然香脆；而燒鵝胸都幾嫩；叉燒半肥瘦帶蜜汁香甜味

｛飲品｝ 芒果沙冰 +$28 & 田園芳香 +$28
芒果沙冰好爽快，沙冰之間有芒果果肉
田園芳香是茶底加上芝士奶蓋，個奶蓋好滑好香濃芝士味

｛小食｝ 火焰原隻燒鵝髀 $198
大大隻燒鵝髀揸住係爐上面燒，微微迫出鵝油，令成隻髀都非常香，果種獨特的鵝油香真係好難忘😋

｛甜品｝ 流心朱古力心太軟 配 北海道5.0牛奶雪糕 $58
最後當然唔少得甜品，心太軟朱古力味極濃，餅底微脆，上枱極之熱，牛奶雪糕加上心太軟筍直係冰火的口腔衝擊

鼎家喜筷位於荃灣大河道100號海之戀商場3樓3012號舖，知道鼎爺開了新餐廳，今日同朋友附近行完街再去食。

餐廳裝潢座位舒適，不逼狹。餐牌除了燒味飯，仲有鍋飯定食、足料靚湯、小食、煲丁麵、三文治，但最估唔到竟然有甜品、雪糕、鮮果花茶，中西合壁。

沙律菜-中式飯配沙律菜，沙律菜夠新鮮，竟然唔係沙律醬，而係乳豬醬，配搭有創意。

百搭靚抽蔥油飯配豬扒-加了滑蛋，滑蛋包住了整個飯，滑蛋入口香滑，豬扒入味，大大塊，肉質不柴口，再加上蔥油撈飯，滿帶葱油香氣。

鵪鶉蛋燒賣-有3粒，肉餡肥瘦比例完美，還包裹著完整的鵪鶉蛋，咬下蛋香四溢

燒味夾饃雙拼-有兩款燒味，一款入面包了燒鵝，而另一款包了蜜汁叉燒，而我比較喜歡燒鵝，燒鵝咬下去更油香四溢，滿口餘香，燒鵝底下加了青瓜，中和油膩感，這款菜式比較創新。

北海道5.0牛奶雪糕-5.0比3.6牛奶味更濃郁，雪糕好滑。

凍薄荷檸檬碟豆花-顏色好夢幻，淡淡的薄荷味，味道好清新

凍鮮檸檬薏米水-檸檬薏米水清熱利尿， 能改善水腫和排毒。

聽聞鼎爺喺荃灣又開咗一間特色燒味餐廳，今日特登嚟試吓🥳環境舒適闊落，坐得舒服，而且十分時尚，位置方便，西鐵站行過嚟唔使5分鐘👍🏻火焰之選係我今次你嘅主要目的😬終於決定都係要一試佢呢個燒鵝髀，燒叉燒留返下一次👌🏻嘩！大大隻嘅燒鵝髀，本身已經甘香無比，再加埋直接喺火爐上面明火燒烤，燒鵝髀嘅脂肪慢慢被融化掉，香氣隨之撲鼻而來，果然別具特色👍🏻之後廚師再為你斬件送上，當然你亦可以原隻享用，悉隨尊便，入口齒頰留香，正！烏龍茶奶蓋，別具特色，原條燒腩仔，絕對不簡單，冇花冇假😄鍾意食幾大件，自己話事，原條豬腩肉，就交比我自己用刀叉享用，零舍不同😬溫泉蛋四寶飯，誠意之作，真水果茶絕對是絕配，水果茶極力推薦，大大杯，估唔到會咁夾👍🏻唔好以為燒味餐廳甜品會係一般，真係估唔到呢度嘅甜品，好味過好多甜品餐廳，朱古力蜜糖吐司，甜味啱啱好，麵包軟熟，朱古力香濃，正👍🏻

首次惠顧海之戀鼎家喜筷招牌玫瑰豉油雞髀叉燒雙拼飯， 賣相可以，豉油雞髀都可以。但叉燒就非常失望，只吃了半舊已吃不下去。因為义燒又乾又嚡，裏面又唔入味，十分難食，等於$75食隻 油雞髀飯真係唔抵，冇下次!

忽然想食燒味，想起上次行海之戀見到去鼎家喜筷掛著很吸引的燒味，今日一於去食！
.
溫泉蛋四寶飯 – 一次過食燒鵝、叉燒、燒腩，食到出沒有添加味精，純柔香韻，不搶不烈。絕對是百吃不厭的燒味。而且將原本四寶飯鹹蛋改為溫泉蛋，更健康。
麻辣蒜香涼拌手撕貴妃雞撈丁 – 比想像中好食！撈丁最怕公仔麵太腍啤啤，這碟撈丁有足夠的硬實，加上麻辣蒜香調配得宜，十分開胃醒神。
.
火焰黑豚腩叉燒 – 食燒味就要食到徹底！叫了一個即場即燒的豚腩叉燒，自己燒，好好玩哈哈！即時燒更香，超正。食用時記得配上鼎家手工製柑橘醬，以鮮橙熬煮而成，絕對是完美組合。
.
如果不想食飯的朋友可以食點心，鼎家點心拼盤有菜苗餃、金魚造型的蝦餃及鵪鶉蛋燒賣，足料入面蝦肉爽彈。
.
意想不到竟然甜品及飲品都好精繳：
鮮果窩夫配5.0牛奶雪糕 – 窩夫香脆，雪糕超香濃好滑
藍莓沙冰 – 靚！
田園芳香芝士奶蓋 – 個名收的好好，茶底好清香，真的有種去了田園時的芳香；奶蓋好creamy，甜甜地，正！
.
總結而且，鼎家喜筷是一個好精緻食中菜燒味為主的餐廳，製作用心不會粗糙濫煮。