韓屋(HANOOK)

通常，我會非常努力地不吃韓國菜。除了韓國菜什麼都沒有。因為我發現很多菜的味道都一樣。 （至少在香港）但韓屋不同。它的菜單與其他韓國人不同。他們的湯是如此美味和豐富。下面是牛筋湯。如果我想喝好湯，這將是我的首選。哦。哦，奶酪蓋飯簡直是我吃過的最好吃的蓋飯。我吃了米飯後很快就開始想念它了。試試看。記得加奶酪。

食物味都唔錯，食完唔會口渴，相信應該係真材實料。店員服務態度好好，有即刻離開會馬上清理同消毒。

每次睇完韓劇都好想食韓國菜，今日朋友就帶我黎呢間佢食過話好好食既韓屋。見到有咁多野食真係流哂口水，我就叫左個成日睇劇都見到既大醬湯，再加個韓國紅米飯，韓國紅米實際上唔係紅色，而係紫色，無論個樣定口感味道都有D似紫糯米，又健康又好味。本身都驚紅米配湯冇白飯咁夾，點知紅米既清香加埋大醬湯既濃烈味道比想像中襯，味道岩岩好。大醬湯味道好濃郁，而且湯底既用料同醬料都好多，如果鍾意食韓國湯鍋既，呢個應該係幾好既選擇。

作為芝士控既我就當然要叫個炒豬肉石鍋芝士拌飯，石鍋拌飯係用紅米做飯底，都幾得意，其他地方都好少見。豬肉亦唔係用一般既條狀，而係一片片，食落比一般更加有口感，同埋亦更加真材實料。紅米拌埋芝士，味道同口感都好特別，除咗係芝士香味之中帶點紅米既清香，味道亦比一般既飯有口感(當然會冇咁軟熟)。

呢到仲有唔少韓式餃子食，我一見到呢個蔘雞餃子皇，就已經決定左一定要試下。餃子入面有蔘同雞真係第一次食，好名貴。餃子本身就唔算好特別，不過入面既蔘就好得意，咬落好爽，有少少似馬蹄爽既口感，但又有淡淡既蔘味，配埋雞肉既口感同味道都幾特別。

每次食韓國菜都真係大滿足，又好食而且份量又足，真係要推薦比大家。附帶一題，呢到每張枱都有搓手液，係而家既環境下，真係為顧客做足衛生措施，令我都食得安心。

牛滕骨湯至今令人回味，濃濃的牛骨湯底，軟熟的牛筋，食落肚胡椒帶來的陣陣暖意，配上健康的紅米飯，養生又美味?
人蔘雞湯都好好味，岩再重口味小小的人士?? …

經過香港人熟識的韓國食店街金巴利道，見門口排左好多人，相信一定好食。
內裡裝修有霓虹燈，夠型格，吸引到不少年青人來。
前菜有一小碟泡菜，係醃製酸蘿蔔同瓜。
見菜牌，是韓國菜的驚喜，有好多款餃子，有一新穎餃子，係蔘雞餃子皇$68，有四大隻，餡有雞肉粉絲，菜，蔘味唔算濃。

主菜叫了牛排骨湯$138，湯底好濃牛香味，黏住牛骨的肉好滑，還有牛肉，還有少許粉絲一齊食，非常滋補，有大量洋蔥和大蔥。
另一主食，叫了韓國菜必叫，炒豬肉石鍋伴飯$108，熱㷫㷫，底部有飯焦，好香脆，撈埋韓式辣醬，好惹味。
餐廳還送了一枝維他命C沖劑，啱曬而家疫情時期，要補充維他命C，增強抵抗力。

呢間野好多人排隊，位置係尖沙咀韓國街，呢間野出名係食健康嘅韓式料理。
今日我地揀左個人蔘雞湯，可以選擇加白飯。一飲啖湯就知道係十分足料，有成隻雞係入邊，仲有幾條人蔘。人蔘雞湯啲雞肉好滑，而且佢啲骨係可以咬碎嘅，所以呢就唔會擔心會有食到骨嘅情況。如果淨係要湯嘅話呢我就覺得略為比較鹹，加埋白飯就Perfect。我哋兩個人食另外仲叫咗一個石頭鍋飯。石頭鍋飯嘅特點就係佢係用紅糙米免頭仲有好多配菜，成個配搭係好健康嘅。可以揀配牛肉或者豬肉。我哋兩個人淨係叫咗個人蔘雞湯同埋石頭鍋飯都已經好飽，因為兩味菜份量都好大。韓國餐廳當然唔少得韓國嘅罐裝飲品我哋叫咗雪梨同埋白提子汁，好味。整體來講呢間餐廳相當唔錯，好適合附近返工嘅人士，想食得健康啲就黎呢度啦。間餐廳其實仲有蒸餃子好出名嘅，不過我哋得兩個人食唔到咁多野，所以我聯合會下次再食過。值得推介。

今日嚟到韓屋，佢最特別係 零味精正宗韓國養生湯品，好多人試過都讚不絕口！餐廳logo係可愛小飛象，播放kpop音樂，韓風夢幻。晚飯時段，好多人排隊。
推介香辣牛肉湯，選用牛胸骨肉，加入蘿蔔、大蔥等蔬菜 和辣椒粉調味，淆製而成牛肉湯，滋補養生補充體力，甘香牛味濃鬱，拌飯一流。加15蚊可追配紅米飯，紅糙米增加膳食纖維，多吃健康!

泡菜餃子又好又特別。

真係好滋味

大家都知道尖沙咀有條韓國小街-金巴利道，原來發展到後面條街都係， 大家對韓國嘅 熱情沒有減退。 見到呢一間啲食物幾簡潔，吸引，就選左依間！

泡菜湯$108加蕎麥麵$20
泡菜湯超濃郁而且唔鹹，一啲都唔淡唔“希”，老實講我真係響香港最好味嘅泡菜湯， 播裏面有豆香味極重香滑嘅韓國豆腐之外，鍋中仲有甘香嘅韓國薄排骨片，少許菜同埋一個秘密。。。。。。就係吞拿魚，原來吞拿魚同依個湯好鬼夾，魚嘅質感少少實而且唔係好散，好有口感，正！加左$20要左個蕎麥麵，好爽口，幼滑，非常掛汁！
芝士牛肉石鍋飯$128
石頭鍋飯食得多呢一個真係非一般嘅味道！ 配料有小菇， 紅蘿蔔 ，菠菜，蛋絲， 牛肉 ，翠玉瓜片，芽菜 同埋好多麻油味紫菜，飯粒分明， 晶瑩得耐仲很飽滿， 配料十足之餘 ，每樣味道都好好，混合一起簡直一流，最重要的是個拉絲芝士， 加埋熱辣辣嘅温度, 芝士就似包住每粒飯一般十分香口， 連隔離枱嘅男仔都忍唔住不時望過嚟，被依碗石鍋飯吸引住！
韓式煎餃子$68
餃子內有 韓國粉絲，蘿蔔絲，木耳絲都幾豐富， 餃子皮薄而且煙韌，煎得剛剛好，唔會太燶， 食食下沾落泡菜鍋內食更好味！

呢一餐看似簡單同常見嘅菜式，但係每道菜都好好味，超水準， 令我哋好難忘！

尖咀金巴利一直都有好多韓式小店，拍好車就週圍行下食個dinner! 揀左呢間韓屋，星期日小店都接近full house呢，小店簡潔既韓式既裝就好似去左韓國咁！

睇完menu選了二客湯品配飯+麵，小店仲有維他命c 送贈幾貼心！

人蔘雞湯配紅米飯?
女人唔補好易老，呢個湯好滋補又足料，肉眼都見到有人蔘係入面呢，端出來時巳聞到人蔘及紅棗味道了！雞湯味道濃郁而雞既份量都算多，雞肉幾嫩滑身同入味，用黎配健康軟綿綿既紅米飯很滿足！

老公order了香辣牛肉湯配蕎麥麵。
牛肉湯幾鮮味牛味都幾出！有驚喜是湯加左蛋，味道甜甜地又帶小小辣，牛肉燉得腍身，好食?

牛膝骨湯
去韓國飲雪濃湯飲得多，牛膝骨湯好少見，今次就試一下，個湯比雪濃湯更加奶白，好似飲緊牛奶咁樣，而且個湯有好濃嘅牛味，一飲落去就覺得好thick，每一啖都充滿骨膠原。
材料上面喺裏面搵到大白菜，蔥，同埋牛膝骨，食落好似食緊啫喱軟骨咁，少少彈牙，但係表層又有啲漿住個口，係個好特別嘅口感。
同埋嗰碗真係好利害，可以保溫好耐，食完成餐飯都仲係暖既。

牛肉芝士石鍋拌飯
叫咗個湯當然要叫個飯送，最傳統嘅石鍋飯啱晒我，仲可以加我最鍾意嘅芝士，拌飯嘅時候見到啲芝士絲真係會令人食慾大增，石鍋夠熱好輕易就做出飯焦，而且仲有好多材料，真正嘅餸多過飯。

秋風起，養生之時！
韓式養生的方式，飲下時令燉湯，健康一點，暖暖身。

參雞湯
足料，原汁原味，接在韓國住過的朋友所講，這家小店的味道算是地道，與她在韓國所吃過得很相似。我幾喜歡湯有藥材味，不只是人參，還有其他~很豐富的味道及層次呢

牛膝骨湯
滿滿的骨膠原，黏黏地及淡淡的牛骨味，不是牛肉味~所以都幾清清的~咸淡合宜，所以吃得很開心~湯中的牛筋煮得好軟，是似啫喱的，滑滑地好正

韓式餃子
好大粒的餃子！一個小小的蒸籠，好可愛，一籠一隻，其實都好大隻，加上餡料足，是好飽肚的！口味來說泡菜味好好手~

Very authentic korean flavour! Good to have soup in early autumn~recommend

食物質素係唔差, 好食嘅。
不過CP值就偏低。
入坐冇serve 水俾客人飲, kimchi只有一小碟辣蘿蔔但唔係落單後就俾。拌飯嚟咗一陣之後, 辣蘿蔔先跟泡菜湯一齊上。 跟得足的話。。。韓國做法係未落單就有各種kimchi~
中午時間冇lunch set, 泡菜湯本身價錢已經比附近其他韓式餐廳貴, 仲要唔跟飯, 要飯另+$15。
兩個人食, 只係叫兩樣嘢埋單 $240。
真心有啲貴? 收得依個價, 服務水平應該可以改進吓。

係韓國街既小店都幾多人等位，因為佢主打健康住家菜，特別啲
_
泡菜餃子王?
大大粒好得意，入面餡料亦好豐富，辣泡菜味道突出，另外仲有唔辣既選擇
_
牛排骨湯+蕎麥面?
天氣忽然凍左，特別想飲碗靚熱湯，最好不過呀♨️ 真係飲得出牛排、洋蔥、胡椒味，啲肉都好淋，原來入面仲有韓式粉絲，但我地又加左蕎麥麵，好飽
_
炒豬肉石鍋芝士拌飯?
石鍋飯必食呀， 呢個仲加左大量芝士，好有層次好豐富 ?加埋醬汁之後，親手攪勻晒去，熱石鍋可以拉芝同整飯焦
_
韓式煎餃子-蔘雞??
皮薄但脆，入面有肉粒、粉絲，唔會好鹼或重味精味，不過蔘雞味都偏淡啲

抵食韓國料理 ??

星期五門口已經有好多人排緊隊，相當受歡迎。小店唔算多檯，但等位都算唔耐，值得支持下。

韓國料理價錢合理，我哋揀咗：

▶️血腸湯，加左個素麵
估唔到幾好食，血腸係豬大腸灌入各種蔬菜和調味料再用蒸籠蒸成，夠乾淨又幾林，湯底係牛滑湯清清地又幾香。

▶️豬肉石鍋飯
熱辣辣，加左辣醬仲好味，有豬肉、泡菜、芽菜、紅蘿蔔絲?等等。份量都幾多～

▶️韓式煎餃子?
估唔到又幾大隻，炸嘅餃，入面都幾多餡，算唔錯。

味道真係好正宗！
想當初每年都去2次韓國。 所以都真係好少係香港食韓國菜 但今年真係不斷去搵唔同嘅餐廳去解解思鄉之情
尖沙咀韓國街真係咁多年黎都一直我好鍾意去嘅地方 除咗有得買食材…零食等等之外！想食正宗韓國菜真係唔會點中伏
除咗係貴之外～
.
冬天最啱就係食湯飯了
呢間韓國湯嘅專門店有我最愛嘅湯！ 最重係都有一人份。。唔洗次次都要叫3～4人份又貴
.
小店內又有好多韓文霓虹燈,,又一直播韓文歌 真係有一刻好似去咗韓國
.
薯仔排骨湯 $148 呢一款就係我最愛的韓國湯品！！！沒有之一 由我第一次食過之後就念念不忘了 滿滿的薯仔同豬排骨,,菜,,豆芽！
十分濃郁的味道亦都係韓國人會用黎解酒食嘅湯
三大舊勁多肉的排骨真係好足料！ 但食唔慣咁濃味嘅朋友可以配飯食～
肉好淋 唔會柴．硬
配埋蘿蔔泡菜真係同我係韓國食嘅真係差唔多
.
雪濃湯 $ 138
雪白的雪濃湯都係一款好出名嘅湯品 用牛骨去煲。睇到都覺得好味！ 牛肉亦都好多。唔係得少少意思下 而且肉好嫩好淋。唔係超薄切。
雖然價錢係貴架啦 但無得飛都食到咁正宗。份量又足嘅我覺得好值得了

人氣韓屋

最近又要找不同國家的餐廳回味一下，因為旅行這個詞語仍離我很遠。

今晚就要尋韓味。

要在香港尋韓味，當然要去尖沙咀，這裡有大量不同主題的韓國餐廳。

選擇了一家小店。

餐廳位置不多，如果想坐打咭位，早d嚟先得，一路食都見到有等位人龍。

韓食主打湯類，飯類和韓式餃子。

雪濃湯 $128
紅米飯$15
入秋清涼天氣下選擇雪濃湯暖暖肚。
雪白湯中有大量牛肉，湯頭味道濃郁又有胡椒帶出的微辣味，而且不油膩。
特意配上紅米飯，雪濃湯飯就會更飽肚抵食。

炒豬肉石鍋拌飯 $108
豬肉，紫菜，蘿蔔絲，芽菜，什菌等豐富材料放滿石鍋，加入醬汁拌起來吃非常惹味，同時石鍋能夠保持飯的熱力，一路吃都不會變成冷飯。

韓式煎餃子 $68
餃子餡有粉絲，豬肉等，令餃子十分飽滿。
香脆餃子同時配有開胃又減膩的醬汁。

未出發，先興奮。今晚先來一個小韓夜止止痕。

又嚟思鄉病發，同朋友一早揀咗呢間韓國小店試試佢??

一嚟就係豬肉拌飯?熱辣辣上檯！放埋醬料撈撈撈，個拌飯係用糙米?都幾多料，撈埋大啖食真心正??都未食過糙米嘅拌飯，感覺其實同普通白飯口感都冇分別，反而仲覺得幾夾幾好食?????

之後人參雞?一隻雞！好足料，好香人參味，底下亦有好多糯米?個湯好濃雞味呀！好飲??可以加配飯或者麵，我哋就揀咗飯?都係糙米飯，感覺健康又唔會肥??

之後叫咗2個餃??一款係牛小排煎餃，另一個係蒸餃子??
煎餃味道都食到牛香?幾脆口，唔錯！??另外蒸餃都唔錯，點埋醬汁食！好食???另我諗起韓國嘅明洞餃子呀??可以止一止思鄉嘅食癮?

寒冷天氣警告下的韓國熱湯?

天氣好凍?同媽媽去尖沙咀去shopping，凍到佢話想食啲熱既野，就靈機一觸想起差不多一年前喺金巴利道食過一間熱辣辣既韓國養生湯，就帶佢嚟試吓，門面設計依舊都係好粉紅少女風，只係多了些聖誕裝飾，更有節日氣氛?

最鍾意呢度係除咗熱辣辣既石鍋韓國拌飯之外，有成多達十款既韓國養生熱湯選擇?就叫了一個蔘雞湯 ($148)比媽媽暖下身，佢話食完個人都暖笠笠，裡面材料十足，飲落好濃蔘味，雞肉好嫩滑，煲到連啲雞骨質感都有少少溶溶地，感覺真係熬咗好耐咁，雞裡面仲有釀咗啲糯米，如果
唔夠飽可以加個韓國紅米飯($15)或者韓國麵條?($20)

我就叫了海鮮大醬湯 ($138)，嚟到有少少感覺比人呃咗咁??張相明明係好紅色，以為係泡菜湯底再加海鮮?再睇返menu原來係大醬湯，故事教訓我要睇字?唔好淨係看圖識字?

講返個湯先，裡面有水蟹、蜆、青口等海鮮，洋蔥、紅蘿蔔絲、翠玉瓜同豆腐做配菜，感覺好似飲緊好大碗既麵豉湯咁?

整體來講，身為熱湯愛好者，下次天氣凍就會諗起呢度有零味精養生湯飲的?

同一個理由食到自己十分喜歡嘅韓國薯仔排骨湯 一解冇得去旅行之苦

朋友推薦話呢間韓國野好好味
標榜無味精 食韓國家常菜
於是就決定健康人生 去試下
餐廳裝修好少女 播著韓國電視 食住韓國菜
真係好似去左韓國旅行咁
蔘雞湯($148)
雞肉嫩滑 肉同骨好易分離
雞肉再加埋索晒湯既糯米飯
成件事好match
醬炒牛肉石鍋芝士拌飯($128)
要自己將甜辣醬加入石鍋入面
topping有牛肉 蛋絲 紫菜 蘑菇 芽菜 翠玉瓜 菠菜 蘿蔔絲
趁熱撈勻d餸,飯同芝士
少少飯焦 係傳統韓式味道
多菜少肉 夠哂健康
韓式煎餃子($68)
比我係韓國食過既煎餃子大隻好多
下次會約其他朋友再黎!

定時定候要食韓國嘢又出動???
Gamja tang薯仔豬排骨湯
湯底味道濃郁得來唔會過鹹，薯仔夠淋
排骨都好好食。
加咗蕎麥麵，原來味道好夾
一定要加個面先夠飽！
另外一定要試呢度好出名嘅餃子
叫咗兩款餃子，一款牛，一款蔘雞
牛既餃子味道濃郁好多
煎餃子好香脆，好好食！

如果呢度嘅前菜有更多選擇就好
只有一碟仔酸蘿蔔
應該要有埋泡菜或者芽菜啊?

看到open rice的推薦來的， 大失所望
湯品特別稀， 一點都不濃郁
點了辣牛肉絲湯，參雞湯和大醬湯
跟我之前吃的比起來差遠了， 一點當地的味道都沒， 不知道為什麼會被推薦的
不會再來第二次 ！

蔘雞湯 SAMOYETANG GINSENG CHICKEN SOUP $148

雖然香港天氣仲係熱辣辣?

但係我仍然嗌左個蔘雞湯?

原來韓國人提倡「以熱治熱」?

所以雞湯係佢哋夏季嘅養生膳食?

雞腹釀入香而軟糯嘅糯米?

滋補又美味?

炒豬肉石鍋芝士拌飯DWAEJI CHEESE BIBIMBAP / PORK CHEESE MIX RICE $128

韓式拌飯本身冇咩味?

所以靈魂就係辣醬度?

另外 芝士越拌越拉絲 又有得食又有得玩?

✨餃子王 WANGMANDU / STEAM LARGE DUMPLING $15 /隻

叫得做餃子王??

size 緊係有番咁上下?

餃子王以豬肉碎、韭菜為餡??

餡料比我平時吃嘅切得較細?

✨泡菜餃子王KIMCHI WANGMANDU / STEAM LARGE KIMCHI DUMPLING $15 /隻

泡菜餃子王勁辣???

唔食得辣就唔好嗌交啦?

特意黎試下朋友介紹呢間芝士石頭飯??，晚上7點黎到就要排隊了，雖然成條街有幾間韓式食店，唯獨這間要排隊，幸好上菜快，等左15分鐘就可以入座??
店內環境簡潔光亮，電視播住K Pop MV,晃如置身首爾一樣。
我們點左3樣食物
韓式餃子??
外皮煎得香脆可口，餡料有豬肉粉絲，調味剛剛好
人蔘雞湯????
賣相已經好吸引，雞肉嫩滑，內裡有人蔘，紅棗，糯米，湯底清甜冇味精，而且人蔘都有幾條，另加錢叫左個紫米飯，軟糯好味，食完都覺得滋補左不少
芝士豬肉石頭飯?????
把豐富材料及半溶嘅芝士撈勻，在熱辣辣嘅石窩內傳來陣陣香氣，每粒飯都由芝士包住而且有拉絲效果，最後仲有脆卜卜嘅飯焦，真係一試難忘，難怪咁多人慕名而來啦！??