炙・宴 (新城市店)(ABURI-EN)
營業時間
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
| 星期二 | 12:00–22:00 |
服務選項
外帶
內用
產品/服務
兒童菜單
酒精飲料
啤酒
用餐選擇
午餐
晚餐
餐飲服務
設施
適合兒童
氣氛
環境舒適
客層族群
適合闔家光臨
付款方式
信用卡
NFC 行動支付
信用卡
行完一田搵野食，見到呢間日本菜幾吸引。
宮崎和牛鍋（$169+$10轉烏冬）
揀左壽喜燒風湯底，另外加左$10轉烏冬
一人鍋勁豐富，有四大片宮崎和牛之外，仲有好多蔬菜、冬菇同埋豆腐等等。一人鍋又配上日本生雞蛋，將雞蛋打暈之後，加入牛肉片，沾上蛋汁去食，牛肉嘅口感就會更加嫩滑。
和牛片雪花超靚，油花分佈均勻，入口口感真係同美國牛截然不同！
日本豚肉飯多汁，豚肉唔會乾，份量有多，味道唔錯。
特上鰻魚飯鰻魚分量多，鰻魚醬汁好香，鰻魚夠林，味道認真唔錯。
今次嗌左黑咖喱飯，雞飯，酥炸雞軟骨同埋炸魷魚鬚🤤以前喺出面都未試過食黑咖喱，平時食開嘅咖喱都係黃色，但係估唔到今次既黑咖喱俾到驚喜我，幾好食，唔算太辣，食唔到辣嘅人都可以試吓！個黑咖喱都幾香！另外就係雞軟骨同埋炸魷魚，都係即叫即炸㗎，所以咬落去脆卜卜好香口！ …
沉澱左一日迎接既日本料理
連放9日假，第一日係屋企沉澱完，要出黎呼吸下美味既空氣，又黎食勒～
我地去左好耐無去既沙田區食我最愛之一既日本既😁
見到好多人叫火鍋，原本想都想叫，但老公話上星期食完，不如試其他人係網上熱推既「Aburi-En 豚肉飯」$75
豚肉都幾厚，飄來醬汁既甜同豚肉既香。
估唔到佢既豚肉帶有脂肪（肥豬肉），但我其實鐘意食半肥瘦，因為燒過，煮過既肉帶點脂肪會更香，而且滑。加上肉質軟，醬汁香甜配著不知不覺食左好多飯😁
咁我就叫個「宮崎和牛鰻魚拼飯」$169
牛肉色澤多汁，充滿牛香，肉質軟，全熟都入口即溶！配著蔥絲香，更特色。
鰻魚肉厚，肉質嫩滑，香味濃郁！
見到有梅酒，仲要係黎自沖繩有黑糖，當然要飲佢既「瑞泉黑糖梅酒」$38
黑糖既色彩，飲落帶甜，梅酒味濃，飲完後，口腔餘有梅香。
三得利頂級啤酒$48
見到佢標明日本製，去唔到日本都飲到日本製啤酒，嘴角上揚了～
味道清淡帶少許啤酒花回甘。
這間日本料理店舖位置都算唔錯！裝修都好特別好靚！用來打咭都唔錯！地方都好寬闊坐落都好舒適！
.
火炙三文魚親子井:
賣相相當之唔錯！睇得又食得真係好吸引！三文魚好新鮮味道又唔錯！溝埋D蟹子一齊食十分之正！沙律菜又新鮮！半熟蛋D味道好好味真係唔錯！
.
特上鰻魚飯:
鰻魚睇見都想食！真係好吸引！鰻魚味道好好味！食入口感覺都唔錯又有咬口！感覺都唔錯！珍珠飯食入口好有口感！軟硬適中！十分之唔錯！
.
迷你南蠻炸雞:
外脆內軟！食入口好有口感！味道都唔錯！雞肉好嫰滑！賣相都唔錯！
.
冲繩豬腸仔:
食入口味道好特別！好有咬口！細細條腸仔！真係唔錯！
.
至於價錢方面一般！食物相當之有質素！值得嘗試吓！👍👍👍😋😋😋
還不錯，只是覺得沙田會便宜一點。比例有點小，但是很好吃。
《Aburi-EN 炙・宴 》人氣日本宮崎牛
很久沒吃日本和牛了，今次來到，試了日本宮崎縣和牛 和最有名的豚肉飯，是日本🇯🇵的味道啊！正好一解鄉愁
.
特選宮崎和牛飯：用日式飯盒裝上的宮崎和牛飯，有多塊🔥炙燒宮崎和牛鋪滿飯上，看到就已經流口水了。來自日本宮崎縣的和牛燒得剛好，油脂分布均勻，肉質十分嫩滑入口即溶，牛肉味濃郁😋。連飯也是用宮崎縣的「一見鍾情米」，粒粒分明又有口感，配蔥花一起食，味道更有層次👍🏻
.
Aburi-En 豚肉飯：這裡的🔥炙燒豚肉是薄切的，跟一般日本叉燒不一樣。薄薄的燒豚肉肉質很嫩滑，配上甜甜的日式醬汁一流！下面的飯也因為滲滿了肉汁和醬汁而十分惹味，平日不太喜歡吃飯的我也全部吃光🤩
.
宮崎和牛薯餅：竟然連小食也有和牛❗️雖然是小食，但一點也不馬虎，和牛味仍然很濃，混入脆炸口感的薯餅中，將普通的薯餅帶上另一層次，就是分量有點少
.
北海道牛油燒帶子：牛油味香濃，來自北海道的帶子超大粒而且很鮮甜美味，必點❤️！
.
沖繩四季柑：一向鐘意於柑類飲品，這杯四季柑酸甜度剛好，酸酸甜甜十分開胃。吃了那麼多燒物炸物正好解膩。
.
炙・宴ABURI-EN
沙田沙田正街18號新城市廣場第三期2樓A215號舖
自從新城市第三期翻新左， 商場引入好多唔同嘅新餐廳。 炙宴係我久在榜上的餐廳之一，次次經過都好多人， 今次終於抵受唔住重入面飄出嚟嘅 燒肉香氣， 決定入去 食番餐嚟自日本的燒肉。
餐廳餐牌唔算多選擇，但係勝在夠專，只係做日式炙燒肉同埋相關嘅食物。 重點係和牛同豬肉都來自日本， 而唔係普通貨色 ， 正正做到重質。 講真，落樓下超級市場買日本豬肉都唔平， 喺呢度食有廚師控制火喉，性價比極高 。
當店名物豚丼
取材自沖繩琉香豚肉， 厚薄適中 ，而且每一片都帶少少燶， 豬肉嘅香味隨著油脂而飄出嚟， 而且每一片豚肉都肉嫩多汁， 食落鬆軟帶焦香，好食。
宮崎和牛肉飯
屢獲殊榮嘅宮崎牛雪花均勻係人都知 ， 上臺之前廚師再將和牛炙燒一番 ， 未上枱之前已經聞到和牛嘅香氣 ， 宮崎和牛燒過後肉質軟滑 ，入口即溶， 加上秘製嘅香濃燒汁， 讓充滿油脂肪香嘅和牛味道更上一層樓， 重點係所有當飯都用 來自宮城縣嘅一見鍾情米 ， 米飯本身就味道濃，而且黏度適中，口感綿密 ， 配埋宮崎和牛食簡直prefect池。
作為食肉獸嘅我， 小食仲要加配左一碟宮崎一口豚。 宮崎一口豚以五花腩入饌， 瘦肉同脂肪層層相間，嘗起來爽口，脂肪亦肥而不膩，肉嫩味鮮。
今日食咗個宮崎和牛壽喜燒，$169另收加一服務費。我覺得都OK，因為有成四大片牛肉，而且肉質非常鮮嫩，好味道👍🏼 …
二訪「炙．宴」🍱和牛鰻魚豚肉便當
—————————————————
小編發現疫情與否 這店都大排長龍
唯有再一次外賣回家嘆和式便當
.
《宮崎和牛．ABURI-EN豚肉雙拼飯》
《宮崎和牛．鰻魚雙拼飯》
為左食到哂三樣材料——和牛/鰻魚/豚肉
一於點雙拼飯 讓貪心的小編滿足一下
– 炙燒和牛
表面帶焦香 內裏肉質嫩滑
除了宮崎和牛 餐廳選材的米都是來自宮崎縣的🍚
軟熟得黎帶粘糯 和牛的油份滲入飯粒
撈埋蔥花食 別有一番滋味
– 炙燒豚肉
唔同一般日式厚叉燒 是薄切的豚肉
每塊都燒得皺皺 帶上醬油色澤
肉質結實彈牙 配埋本菇一齊食 特別爽脆
– 蒲燒鰻魚
醬汁惹味 在灑滿芝麻 令到魚肉更香口
一啲泥味都冇 好快就食哂
就咁雙拼飯緊係唔夠皮啦
於是額外再叫多條 原條鰻魚 正啊
.
《沖繩豬肉煎餃》
長條型煎餃🥟雖然返到屋企凍咗少少
但仍然食得出餡料夠晒味 現場食應該會更脆
.
《北海道炸蠔》
脆漿非常薄 所以本身隻蠔🦪都算大隻
鮮甜肥美 難怪要成$25一隻
.
炙・宴 (沙田)
📍沙田沙田正街18號新城市廣場第三期2樓A215號舖
———————————————————
#沙田 #沙田美食 #沙田新城市廣場 #沙田好去處 #shatin #shatinfood #shatinnewtownplaza #hkfood #hongkongfood #852food #852foodie #852ig #香港好去處 #香港美食 #香港美食指南 #hkfoodie #hkfoodieblogger #hkigfoodie #presslogicholiday #presslogicgirls #新假期 #新假期飲食 #相機食先 #cafehk #hkcafe #炙燒 #和牛 #鰻魚飯 #鰻魚
Lets try the Japanese Wagyu Beef Rice Bowl💕
.
.
最近疫情好像回落，真係大感恩惠❤️，希望真係可以快快受控制，重獲正常生活吧。呢日去開沙田新城市👣，又到吃飯時間，愛吃日本野既我，比呢間橫裝好有日系、日本風格既餐廳吸引，讓人感覺好舒服，當然要入去吃個飯。
.
餐廳主打炙燒丼類🍱、小食偏煎炸物🥟🍤🍘🥠，想食刺身壽司，暫時轉轉口味吧。食下炙燒丼飯都唔錯，仲有套餐 (味噌湯+迷李沙律+飲品+加添小食)，就算午餐都可以食的好豐富。
.
l[日本和牛丼]l $129
Japanese Wagyu Beef Rice Bowl
和牛🐮 真係好嫩滑，滿有牛油脂香🖤，牛味算濃，有種入口即溶既感覺，肉汁亦juicy💦。一口和牛 配上一口米飯，真的充滿幸福滋味感。
.
呢度既米飯🍚，用上日本🇯🇵 宮城縣產「一見鍾情」米，香味黏度適中，口感紮實 特別有滿足感，非常適合做丼飯架。
.
l[火炙三文魚飯]l $78
Seared Salmon Rice Bowl
嫩嫩既三文魚🐟，表面焦香 內裡充滿魚油香💛，而且大大件厚切魚肉，份量足，亦係另一炙燒丼物之選。
.
套餐飲品：沖繩四季柑汁🍊 Okinawa Lime Juice🍹，味道酸酸甜甜，好fresh 好岩夏天飲呢。
.
l[+$22 日式煎餃3隻]l
Okinawa Pork Dumpling
l[+$25 南蠻炸雞 3件]l
Chicken Nanban
l[+$18 宮崎和牛薯餅 1件]l
Miyazaki Wagyu Beef Croquette
.
另外加配既小食，午餐瞬間變得豐富👻，而且真係好抵食啊啊啊，記得加配來吃吃過過口癮。疫情下既午餐🍱🥢，都食得好舒服又自在呢。
.
.
×××[炙・宴 -ABURI-EN]×××
©沙田沙田正街18號新城市廣場第三期2樓A215號舖
.
.
開心星期五梗係要食好少少獎勵自己辛勞工作左一星期👍🏻是日晚上就去咗沙田新城市廣場嘅呢間「炙 • 宴」買外賣晚餐回家吃！店外已經有不少等待外賣的客人，好受歡迎啊～餐廳最近主打日本產宮崎和牛及其他特色日式丼飯🍚最近仲有期間限定嘅外賣自取八五折優惠
餐廳內的環境裝修溫馨舒適，充滿和風感覺，日後有機會一定要黎堂食
沖繩豬煎餃
餃子一客有五隻，採用沖繩豬肉製作，皮薄餡靚，充滿肉汁及豬肉香
生薑燒豚肉丼
燒豚肉份量充足，肥瘦適中，肉質香軟！配上生薑汁及甜洋蔥，更加提升左豚肉片的鮮甜美味，用黎佐飯一流
宮崎和牛鰻魚雙拼飯
來到最期待的宮崎和牛🐮外買飯盒賣相同樣精緻吸引！和牛肉片好腍滑，仲好Juicy添，牛肉味好香濃呢，不得了！鰻魚厚切又肥美，魚肉好嫩滑，鮮甜唔腥～日本米飯粒吸收晒牛肉汁及鰻魚汁的精華，勁正呀！
之前吃過其他分店覺得這家不錯，這次在商場逛逛發現這裡開了家新分店，所以我們決定去吃點東西吧🤤。門面也是有一大隻可愛的豬豬做生招牌，燈光柔和挻舒服，有卡位可以與朋友吃東西談天💕。
💥特上鰻魚飯 HKD$138
💥火炙三文魚親子丼 HKD$120
💥特上日本豚肉清湯火鍋 HKD$129
💥沖繩豬仔腸 HKD$48
💥迷利南蠻炸雞(跟餐小食) HKD$25
💥芝麻/豆腐雪糕(跟餐價) HKD$18
這次點了一人火鍋來吃，選擇了特上日本豚肉清湯火鍋，另有兩款湯底可以選擇，這次選擇了豬骨濃湯。湯底不會很肥膩😆，另外有一碗飯跟餐和數款蔬菜吃🤤，可以吃飽飽的。
小食方面喜歡迷利南蠻炸雞，而且有跟餐加購價性價比不錯🤤。外皮炸到酥脆有咬感，就算攤放了一陣子，到吃的時候仍然有酥脆的口感😋，炸雞肉質煙韌也不會感乾身。
這分店的食物素質不錯🤤，而且有午市套餐可以加購小食/飲品，人均消費大約HKD$130。另外感覺到服務員客氣有禮，會留意客人所需挻好呢😆。這分店環境較光猛，因為有落地大玻璃😆。
日式丼飯🥰
ABURI-EN豚肉丼ABURI-EN Pork Rice Bowl $87
豚肉已經用汁燒過 甜甜的 好好味😋 豚肉質地屬於易咬。最出名呢個 果然無失望😤
半熟蛋 Seasoned Egg $12
半熟蛋再入味更加好🤓
照燒雞肉丼 Chicken Teriyaki Rice Bowl $72
雞肉都好好味 有烤過 平時唔食雞皮的我 今次連雞皮都食埋 雞皮好脆多汁 雞肉好嫰滑。
北海道牛油燒帶子2件Hokkaido Scallop with Butter 2pc $56
帶子好鮮～ $28 一隻算係平 仲要幫你已經煮好曬👍🏻
火炙牛舌Seared Ox Tongue $58
呢個超好食 簡直就好似食緊高質居酒屋的牛舌 非常爽脆而且彈牙 唔會有肥膩感 因為有個檸檬配埋比你😍😍👍🏻👍🏻👍🏻👍🏻
味噌湯 Miso Soup $10
豆腐好滑😆
Aburi-en 係yoho mall新開既餐廳，今日買外賣就簡左呢間試下。
豚肉丼飯
呢到既豚肉丼飯同其他地方嘅做法有啲唔同，呢度係用炮製蒲燒鰻魚飯嘅做法去烤熟啲豚肉，所以食落口係特別軟特別香，配埋日式醬汁落宮崎縣嘅日本米到真係非常好食，唔會覺得油膩。大食嘅人亦都唔使擔心唔夠飽，飯嘅份量非常多，豚肉亦都好大塊，絕對冇偷工減料。
宮崎和牛豚肉雙拼飯
宮崎和牛係鍾意食牛嘅牛迷必食之選，日本和牛配埋香濃嘅燒汁，令和牛既味道更出，一擺落口已經食到日本牛嗰種牛味，咬落去更加覺得肉質鮮嫩，呢個餐亦配有豚肉，一次過食晒兩種肉， 令人感到非常滿足呢。
沖繩豬肉煎餃
煎餃係即叫即煎，所以外皮係非常脆，食落去味道有少少似韓式餃子，配埋餃子汁十分開胃
。
餐廳而家做緊外賣優惠，每個餐都有味增湯同沙律送，外賣餐更加有特價優惠，難怪門口有咁多人排隊買外賣。
因為疫情原因冇得去日本食野，但其實喺香港就可以以相宜既價錢係Auuri-en食到地道嘅日式美食！我今次係買外賣，但係都見到餐廳裝修好靚好有日式風格，特別係門口隻巨豬好得意呢，相信係到堂食一定別有一番風味！
👍🏻 …
去大一田買完野，食日本一之宮崎牛！快3點都仲有幾多人等，等左6張先到，約等左30分鐘到，ok啦！
其實之前嚟過一次，個火鍋有唔愉快經歷有啲唔想食。不過朋友話想食，就俾多次機會佢啦！希望今次有進步！
宮崎牛•ABURI-EN豚肉雙拼飯
Miyazaki Wah yu & aburi-en pork combo rice box $159
炙燒丼飯出名既話，梗係要食一個啦！上次食佢既純和牛炙燒丼飯係唔錯。
薄燒豚肉鹽燒汁調味滋味十足同埋肉氣滿溢！
和牛燒超正，勁重牛味加油脂重！啲燒汁配落菇到好鮮味，同無哂青草味道！
宮崎和牛芝士黑咖喱飯
Miyazaki beef black curry rice with cheese $118
樣子黑黑黑，墨汁咁。食開既日本係㗎呢通常都係比較唔辣同埋帶d甜。但佢依隻黑咖喱，比一般日本嘅咖喱辣。可能本身更加啦，但加咗芝士之後嘅辣到就只係可能中式嘅bb辣。
佢和牛肉就有啲似牛腩咁，一塊塊。
今日約朋友仔一齊食午餐，嚟咗沙田新城市三期搵野食~ 俾呢間日本餐廳門口嘅豬仔吸引咗！🐽
呢間主要食和牛同豚肉，平日有lunch set（包括麵豉湯同沙律），我地叫咗一份和牛拼豚肉丼、一份豚肉生薑燒丼，仲用優惠價$22加咗一份餃子小食開心share。 飲品只需加$8，要咗奶茶同一杯四季柑汁，好冰凍，味道少少酸，好適合而家炎夏解渴。🍹
宮崎和牛．ABURI-EN豚肉雙拼飯牛肉豚肉大大件，和牛juicy，豚肉肉味濃郁油脂豐富，仲有一點菇菌做配菜，Yummy。😘
另一份生薑燒豚肉丼，豚肉嘅份量好多，密鋪飯面，仲有好香嘅薑汁味，啲洋蔥又夠腍，平時細食嘅我不經不覺可以食曬一碗。😌
呢個舖入面有好多豬仔擺設，未嚟過嘅你一定唔會認錯舖頭，快啲嚟打吓卡啦~📸
牛舌好味
火鍋＄169，但除了蔬菜豆腐之外就只有四片非常之薄的牛肉！非常貴及不值得！價格與品質不相稱！
服務員還是說話發音不正，聽我們落單也有困難！日後不會再來！
週末午市時嘅，成個沙田都係人，想搵個位食飯都唔易👩👩👧👦👩👩👦👨👩👧👧👩👩👧👧👩👩👧👧
行到黎一田門口，見佢呢個豬仔燈爐咁得意🐷🐽
望一望個menu d野都幾吸引，外賣可以話係抵食👍🏻
鐘意食火炙既我決定一試🤗
假日午餐時間，都幾多人等！
我地拎張飛，好彩隔離就係一田，可以暵住冷氣喺隔離行陣，等候時間好快過😎
餐廳🍴都幾大，同隔離枱唔會好迫
裝潢走日式木系，唔錯👍🏻👍🏻
我地坐左4人枱，所以坐得舒服😌
坐低望下個menu，見佢係燒豬肉飯出名
當然要食佢地既名物，aburi-en 豚肉丼😍😍😍
然後睇到佢既迷你火鍋d牛肉好似幾靚咁，就再叫多個迷你邊爐仔，壽喜燒味湯底既牛肉鍋
小食就叫左芥辣八爪魚，因為咁岩就想食呢樣wasabi味既小食。
小食打頭陣
芥辣八爪魚🐙係經典日式料理既前菜☺️
份量偏細少少，但味道就好經典
芥辣味夠重，每啖都攻鼻但又唔會太嗆
八爪魚🐙獨有既果種黏糊糊既口感好特別😜
又有爽口同煙韌既咬口，食多兩啖都有d想飲酒
–
兩樣主食好快就黎齊
豚肉丼既豬肉睇落有唔少😍
一塊塊大大塊鋪滿左面頭，睇見都流晒口水
豚肉既調味聞落都非常唔錯
而且睇落都燒得幾好，唔會燶/乾
即刻夾塊黎試試，薄身又大塊既燒豬肉，肉嫩冇筋又帶有o趙口
日式既調味，味噌、醬油、料酒既香味喺豬肉上面再燒過之後🔥
果種又咸又甜又香既味道，令人一食就想爬飯入口
而爬飯既時候，就會爬到燒豬肉下面，俾醬汁同燒豬肉本身既肉汁同油脂撈勻左既飯
淨係食飯都夠食哂碗🤣
至於個迷你邊爐仔，湯底帶甜，我地揀左壽喜燒鍋既味道😋😋😋
個鍋比平時既大d，打都打得舒服d
因為個鍋如果太細，真係落多兩野樣或者轉一轉邊都會跌左d野食出黎
佢個爐係用gas爐，唔係平時快餐店果d用細細火、火又唔太均勻既燃料🥳
所以佢既料係唔少，但個火力一路都keep到
鍋既配料都幾豐富，計埋洋蔥，蔬菜都有三種，仲有菇、豆腐、芋絲🥬🥚
另外仲有隻幾新鮮既生蛋，同埋一大碗白飯🍚
至於主角牛肉，有三塊，但每塊size都唔小，而且雪花又多又細緻，睇到就知好食
雖然淥麵牛肉沾生蛋食係日本食法，但都係淥埋隻蛋黎食算lu
牛肉又林又香，口感同味道都非常唔錯，果然係靚牛👍🏻👍🏻👍🏻
湯底少少咸甜味，襯托番牛肉本身既香味，好食😋
Lunch黎講，雖然好似貴左d，但個名物豚肉飯同個鍋都確實唔錯
另外佢外賣有折，外賣個豚肉丼食下，都係唔錯既選擇😁😁
相隔幾日兩次光顧，同樣有點牛舌和豬飯，烹調味道與熟度兩次不一樣，一次美味一次普通，牛烏冬好吃。
自從沙田新城市三期裝修完都冇黎過，新城市三期多左好多唔同餐廳，今日簡左一間主打食丼飯既餐廳。
餐牌主打丼飯，除了豚肉丼、和牛丼、三文魚丼、一品料理，仲有一人鍋，價錢合理。
日本產和牛丼-和牛有6塊，厚薄適中，和牛脂肪平均，沒有筋，肉質軟腍，和牛充滿油香，入口即溶，6塊和牛完全唔夠喉，丼飯配上秘製醬汁，秘製醬汁亦唔會太少或太多，剛剛好撈完一配飯，而且丼飯採用日本宮城縣產一見鍾情米，口感煙煙韌韌。
炸北海道八爪魚-新鮮熱辣辣炸起，粉漿不會太厚，八爪魚爽口彈牙。
提子威士忌梳打-提子和威士忌比例恰到好處，不會太重酒味，順滑入口。
味道好，服務生態度和藹、親切！👍🏻👍🏻 …
貴而味道極普通，完全無法理解咁高嘅評價從何而來
魚生飯：三文魚質量唔錯，但係份量極少，得五小片，飯煮得ok，但無任何調味，基本上要齋食半碗白米飯（同上面無任何調味嘅生菜）；咁樣100蚊，性價比零
叉燒麻油豬骨湯拉麵：太鹹，完全唔飲湯都太太鹹，有麻油香，不過成個湯底都無咩特別（除咗鹹）；叉燒鬆散，勝在份量夠，除此以外唔多搵到優點
性價比不錯的外賣
今晚放工決定外賣，今次吃這家日式餐廳。
這家餐廳平日的價錢也不算貴，不過外賣85折，價錢十分吸引！
晚上接近7時，已經有不少人等候外賣，大約等候15-20分鐘。
⭐️宮崎和牛鰻魚雙拼飯$169
套餐奉送麵豉湯和沙律，麵豉湯有豆腐和海帶，味道恰當。
另外沙律也很新鮮開胃。
雙拼飯一半是宮崎和牛和鰻魚。宮崎和牛薄薄一片，略有一點厚度，入口卻很肥美，輕輕一咬，和牛的油脂便滲出，配上弧菌一起吃，很棒！
另外鰻魚約半條，入口味道很夠，鰻魚肉質柔軟香滑。能夠一次滿足吃和牛和鰻魚的願望，實在不錯
專登揸車去嗰度食和牛套餐，黃牛的牛香味很強，感覺是物有所值
食物及服務OK，價錢合理，下午茶超值，结賬后保留單在30天内再光顧有85折。
和牛外賣飯盒也好好味😋
已經有一個月沒有外出用餐，只會選擇外賣。
這家餐廳出面有隻紙燈籠小豬，每每經過都覺得很吸引，很多套餐都有外賣折扣，所以今晚選擇買外賣。
回家之後外賣依然暖，每個套餐都奉送麵豉湯和沙律。
⭐️特上鰻魚飯$138
一塊塊鰻魚表面有光閃閃，點綴少許芝麻。
鰻魚厚度適中，入口鰻魚肉質嫩嫩的，鰻魚味道也很突出，真的無法拒絕鰻魚啊！
⭐️特選宮崎和牛飯$169
宮崎和牛色澤雖然較深，看起來不算很吸引，不過咀嚼起來，卻令人滿意。牛肉很柔嫩，入口油脂分佈平均，入口牛味突出，油脂充沛，配上米飯，很美味！
⭐️蒜味洋蔥日本和牛丼配溫泉蛋$128
這道牛肉丼也沒有教人失望。中間有一顆流心蛋，輕輕戳開蛋，蛋漿和米飯攪拌之後送入口，香濃的蛋香伴著飯香，味道很棒！
另外碎牛肉配上香甜的洋蔥，牛肉偏瘦一點，但咀嚼起來也很輕鬆，不會令人失望！
▫️以外賣質素來講，價錢和味道都很親民，不俗！
原價$138，外賣85折，要加兩蚊外賣盒，最終$119。
飯份量正常，但感覺唔似日本米。
鰻魚5件，略少。
汁～唔～食真啲，好似豉油汁，麻麻地。
試過就好～應該唔會再去食😅
可口的。牛肉棒極了。兒童餐絕對足夠一個 10 歲男孩吃（甚至更多！）。炸雞也不錯
朋友找我在沙田食lunch，於是我就推介這間Arburi-EN，因為光顧幾次，質素確實不錯！
店鋪的裝潢主要是豬的裝飾，好可愛。
我平時多數食豚肉丼，性價比高。
今次跟朋友來就試另一款。
特上日本產豚肉飯 $108
Lunch 附送沙律、味噌湯
特上豚肉色澤金黃，香噴噴
豚肉較厚身，肉質有嚼勁，多肉汁
珍珠飯粒粒飽滿、美味的菇，還有特製燒汁配合，美味。
宮崎和牛拼鰻魚 $169
厚薄適中的和牛，入口即溶，油香十足
鰻魚色澤好靚，啖啖肉好肥美。
是日午餐好滿足，水質保持得好好，下次會再去。
食日本嘢唔一定淨係食壽司同刺身，其實仲有好多唔同嘅種類，炙.宴既丼飯真心好食！
餐廳地方都乾淨闊落
餐廳嘅招牌菜就係豚肉丼，肉質超嫩滑，好少食到咁滑嘅豬肉，燒得好香，豚肉既油香都好正
如果鍾意食牛肉就必定要試蒜味洋蔥日本和牛丼，個牛肉係好滑，牛味勁香，百幾蚊黎講性價比好高
洋蔥仲煮得好甜好入味
我都幾鍾意食餃子, 所以額外叫左個煎餃子, 即叫即煎熱辣辣, 煎到金黃色夠香口
我見到好多人都叫一人鍋, 好吸引呀, 都係幾百蚊, D肉好靚, 下次要黎試試一人鍋!
價錢有點貴，大部分都是在$100以上，但是分量都算多，味道還可以
餐點不錯
又黎沙田覓食 見到呢間門口有隻個樣好萌嘅燒豬🤣比佢吸引左 入去試試
佢地每個set都會有沙律 面豉湯 沙律夠新鮮 湯底亦有好甜嘅魚味 我地揀左豚肉鰻魚雙拼飯 豚肉雖然係薄身 但完全冇煮到乾左或者鞋左嘅情況 仲有肉汁喺中間 鰻魚就啱啱相反 好厚肉 成個組合大滿足！
另外就係一set沙田店限定嘅和牛鐵板漢堡牛扒 配有多種蔬菜 炸薯角 仲有碟飯 食得我好飽😜 最重要嘅係佢個牛真係勁正 牛味香濃 但冇騷味 質感好滑 應該係因為肉同脂肪嘅比例平均
另外勁讚嘅係跟餐加$8嘅四季柑汁 應該係用左梳打水做底 加埋個酸味較重又有番咁上下甜味嘅柑汁 成個感覺好開胃 而又唔知點解整到好凍 飲落好刺激 夏天更完美 好消暑🤤
最後亦加左個小食 南蠻炸雞 炸得蘇脆 唔硬 我最中意係佢個醬 有啲似食土耳其菜嘅果種 有crossover 嘅感覺 有特色❤️
服务差，又贵
//
好掛住去日本旅行嘅日子🥺
估唔到喺香港都試到日本宮崎縣美食😍
呢間日式餐廳嘅炙燒丼飯好讚🤤
「當店名物豚丼」有多塊厚豚肉 juicy而唔會膩
秘傳醬汁撈飯食好夾😋
「特選宮崎和牛飯」嘅肉質嫩滑 油香滿溢🥩
再配軟熟日本米
「宮崎和牛炸薯餅」好香脆
可以品嚐到不同風味嘅宮崎縣料理
真係充滿滋味感💛
餐廳環境寬敞明亮 有空間感✨
呢間好食呀🤤有水準！
餐廳今期主打宮崎縣食物
宮崎和牛鍋 $169
呢個就係宮崎縣系列食物既其中一款，
幾豐富同足料！牛肉好高質😍👏🏻
配蛋，同跟一碗白飯，夠飽肚👍🏻
生薑燒豚肉丼 $85
大大碗！好多豚肉！味道調得好呀🤤
價錢算抵！值得一試呀🙌🏻
宮崎和牛薯餅 +$18
幾特別！炸得好，味道唔錯🤤
斟水服務幾好，其餘不行
今天早上和閨蜜在沙田新城市廣場逛街。中午時份，好姊妹提意吃日本菜，剛好路過這間餐廳，看到巨型的豬仔燈籠。因此決定在這兒用膳。
踏入餐廳時，店員首先幫我們測量體溫及清潔雙手，枱與枱之間有板隔開，令食客吃得安心。
餐廳裝潢以日本木系設計，簡約而清新。大廳也中間掛上由日本工藝師父製成的豬仔燈籠，甚是可愛。
入口收銀處放置了宮崎牛認證的銅綠色牌子，標榜採用日本冠軍之牛宮崎和牛，以肉質鮮嫩，油花均勻見稱。
火焰豬腩肉辣味味噌豬骨拉麵
擺碟是用上黑色圓形的底盤、筷子和匙羹，甚有日本和食風味。隨碟附上蕃茄沙律。
火炙的豬腩厚身大塊，肥瘦均勻，口感鬆軟綿密，味道濃厚。
湯底黏度較低，掛湯力不佳，辣味欠奉。
拉麵是採用蛋白直麵，口感軟淋。
沖繩豬煎餃
餃子可算皮薄餡靚。外皮煎至金黃酥脆，肉餡份量正常。咬下肉汁正常，但味道並無特別。
宮崎和牛鐵板漢堡牛扒
上枱時聽見鐵板煎香牛扒發出吱吱的聲響。和牛厚身，牛肉味濃郁。下面放置了洋蔥圈，還有西蘭花、紅蘿蔔、薯角和粟米作為配菜。由於這是閨密點選的，便不詳細多寫了。
整體而言，裝潢是日本風格，食物擺碟也是和風。估計主要食材可能也是由日本空運過來，但是整體食物味道比較清淡，和我預期真的有點落差。
今日近近地落沙田新城市行下，係一田附近見到一間超可愛既燈籠小豬，餐廳，吸引好多人同隻小豬影相，餐廳原來主打丼飯，價錢親民
餐廳裝潢走日式簡約風，卡位座位，座位舒適。
火炙三文魚丼（$88）
有6塊火炙三文魚，三文魚新鮮肥美，一D都唔腥，飯粒飽滿，口感柔軟。
宮崎和牛漢堡兒童套餐（$128）
兒童套餐賣相吸引，而且色彩繽紛，套餐入面有玉子燒、炸大蝦、腸仔、和牛漢堡、薯角、沙律菜、粟米、啫喱，好豐富，其中和牛漢堡肉味香濃，入口即溶。
沖繩豬腸仔（$48）
蘋果汁（$28）
–
上次來仍要外賣，
今次終於可以堂食了😛
不過超多人，要排隊～
♥
《特上鰻魚飯》
鰻魚肉質厚實，
色、香、味俱全❤️
重點：完全沒有骨！
鰻魚汁也是非常香濃😋
下次也會回來吃這個～～
♥
《照燒雞肉丼》
雞皮微焦，雞肉嫩滑，
外脆內軟，又有肉汁😚
想吃便宜點的主食可以選這個～
♥
《燒明太子》
濃郁的香味❤️
味道偏鹹，少辣～
另外配有沙律菜🥬
基本上每次都會吃xd
♥
《沖繩四季柑汁》
柑味濃郁，微酸～
開胃，減低飽膩感😎
♥
小提示 Tips：
外賣自取仍然有八五折，而30日內憑收據再享用也可享八五折呢！
宮崎和牛饅魚雙拼飯，一次食到兩個餸。和牛一樣入口即溶，饅魚夠多汁又肥美。飯好多。
沙律夠新鮮，有沙律醋酸酸地。湯好飲，夠濃又有海帶又有豆腐粒，相當唔錯！
開年食便當，冇乜人，試左牛加豬，肉質同口感不差，夠味，飯唔太熱。招呼全程用日文，攪笑。
日本宮崎縣 X 炙·宴 Aburi-EN
主打多款宮崎縣食物，和牛、豚肉都好吸引，除鍋物和飯外，還有烏冬、拉麵、兒童餐選擇。
宮崎和牛芝士黑咖哩飯
咖哩食得多，黑咖哩打破我對日式咖哩印象，微辣中帶有濃郁咖哩香，和牛牛肉味濃，非常嫩滑，加上幼滑芝士，好送飯。
Aburi-EN 豚肉丼
薄身豚肉燒得夠香，肉質幼嫩，好入味，加上日式甜醬汁，完全唔會乾身，醬汁拌上珍珠飯，大啖大啖好滿足。
生薑燒豚肉丼
豚肉相對較細片，但一樣嫩滑多汁，伴著香甜洋蔥，醬汁香甜中滲出點點辛辣薑味，開胃又醒胃，還有暖胃感覺。
Instagram 美食打卡，還有機會贏獎品。
食物，服務都不錯。
下午茶份量一般
午餐包一杯飲品，晚餐不包，食品一般，尚可接受。
和牛質素好高，感覺好似去咗日本食咁。