千の味刺身壽司專門店
營業時間
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
| 星期二 | 12:00–22:00 |
服務選項
外送
外帶
內用
無障礙程度
無障礙入口
不支持無障礙座位
不支持無障礙停車場
用餐選擇
午餐
晚餐
餐飲服務
設施
洗手間
適合兒童
Wi-Fi
提供免費 Wi-Fi
氣氛
環境舒適
客層族群
適合闔家光臨
規劃
接受訂位
付款方式
只收現金
信用卡
刺身新鮮，但份量較小，壽司太細件
是多款食物你選擇有棘，一定好味道呢。😂 …
eat shu shi
😘 美味可口 …
食材新鮮
價錢相宜，老闆亦好好人
份量好多😀抵食👍 …
好食
［雙色三文魚飯］
上星期經過大圍，難得入到沙田，都嚟試試附近有咩小店。果日剛好撞正食飯時間，咁就試下間壽司外賣店！
呢間外賣店位於海福花園果面，午市主打便當🍱，我就隨意揀左呢款比較common既海鮮丼。坦白講，味道一定唔會話非常好食，但可以讚佢幾個位。1⃣.雖然雙色真係得兩款餸，但蟹籽份量都幾多，三文魚雖然得5片，但都好厚身，食落都有D滿足感。2️⃣.碗丼飯真係好大碗飯，唔怕食完仲肚餓。3️⃣.呢間舖雖然係黃，但估唔到係深黃😮！4️⃣.雖然賣成$70蚊一個飯有點貴，但其實佢都包中華沙律同野飲，可接受。
我唔會話呢間外賣店好高質，我只會話佢係一間大眾化，比較適合做街坊生意既舖頭，而食物質素都唔差！假如你屋企附近有，想食日本野時不妨試試！另外，呢間舖既特色係壽司外賣叫夠$300 就可以免費送貨，有朋友上嚟你屋企玩都可以大家一齊Support💛💛！都係果句：唔好只係幫襯「渣哥」、「蕃茄師兄」，都要幫幫唔同既舖頭！
黃色小店 味道正常 略嫌製作時間過久
價錢合理, 魚生新鮮
送外賣又準時👍🏼👍🏼 …
大圍勝在小店多，唔想幫連鎖店
就特登過黎買外賣試下，套餐價晚間貴午餐十蚊，包飲品
即叫即整
四色丼
有三文魚，油甘魚，甘蝦，蟹籽，墨魚
份量十足，魚生厚切，食得出新鮮
火炙丼
火炙三文魚，火炙左口魚，赤蝦，玉子
火炙過後一開盒已嗅到好香
火炙左口魚幾乎入口即溶
赤蝦大大食，勁滿足
軟殼蟹反卷
軟殼蟹炸到脆身，成個反卷有好多蟹籽
口感一流
火灸壽司拼盤
有芝士帶子，芝士三文魚，三文魚腩等等
愛食火灸壽司，但又好似我咁樣樣都想試
叫個拼盤就岩哂
整體黎講新鮮好食，重點夠平
✿高質親民壽司外賣店✿
之前公司搞聖誕大餐🎄
係長沙灣分店叫過一次到會
上次已經覺得刺身同壽司質素唔錯✔️
今日去大圍探朋友
咁岩上網搵食咩既時候
發現千之味🍣
都開左係大圍海福花園
仲要不知不覺已經開左8間分店
即刻拉朋友陪我去買外賣
大圍分店係火車站行5分鐘左右
位置非常方便就腳🚶♀️
·
不過大圍分店係無堂食❌ · 得外賣服務
門口有剔剔紙✏️
種類選擇都好多
有丼飯 · 拼盤 ·仲有壽司蛋糕賣🎂
·
最後叫左個拼盤同店員推介既火龍卷🔥
發現呢間店都幾有心
外賣會pack埋一包冰袋❄️
等壽司刺身保持個溫度 · 無咁易變壞
·
♡御品 · 壽司拼盤（$258/15件）🍣
三文魚2件/油甘魚/白身魚/甜蝦/赤蝦/吞拿魚/帶子/墨魚/左口魚/海膽/魚子/吞拿魚蓉/龍蝦沙律/辣味三文魚
壽司種類好多🥢
唔會求其執幾樣當做拼盤
海膽高質食落creamy · 魚子一粒粒超級新鮮🤤
赤蝦甜蝦肉質紮實q彈 · 帶子新鮮爽滑
左口魚油脂感滿分 · 吞拿魚魚味濃郁🐟
白身魚食落清爽唔油膩 · 吞拿魚蓉魚脂感足
基本上壽司都相當有質素💓
絕對唔馬虎
火龍卷（$78）
賣相相當吸引
火龍卷舖滿蟹籽
蟹籽份量係相當大方😍
壽司飯裡面包住既係炸蝦🍤
炸蝦炸到香脆而肉質爽彈
但略嫌壽司飯淋左少少🍚
不過加埋蟹籽一齊食
口感都唔錯🧏🏻♀️
兩個人食既份量岩岩好
質素好高既外賣壽司店
重點係價錢好親民💰
老公最愛外賣壽司店
今次要介紹老公最愛大件夾抵食既壽司店千之味刺身壽司專門店🍣
佢平時會幫襯大埔分店，今次到我去大圍第一間千之味刺身壽司專門店買外賣比佢食🤣
Budget $300 就可以有曬成個壽司拼盤，店員仲pack 得整整齊齊連埋冰包比我拎返屋企。
今次叫左千之味刺身壽司拼盤有7款唔同款式，16件都唔使$300。三文魚、赤身、油甘魚、帶子、鰻魚，仲有巷物，每一款都唔錯。
千の味刺身壽司專門店 (海福花園商場) (大圍)
大圍積運街海福花園商場地下31-C1地舖
大圍海福附近都有幾間食肆，趕住返屋企唯有買外賣，burger與壽司之間我揀咗後者，呢間千之味我記得之前想訂到會嘅時候都有睇過，不過果次最後冇訂到，今次就可以試吓啦。
鋪位細細，基本上就係一個廚房加收銀位置，落完單就企喺度等，等左陣發覺幫襯既人都唔少，這點很重要，因為多人買d食材先去得快先至夠新鮮！外面有張吧枱，不過疫情之下都相信冇人會即場企喺度食。
外賣紙上邊有各式各樣嘅刺身、壽司、小食和冷麵等，都有唔同價錢嘅壽司拼盤或盛盒，不過後來發現旁邊嘅易拉架有平價晚餐，$55起仲包飲品，五點前落單當午餐價仲平啲，太抵食所以叫咗四個。
四色丼（$78）有三文魚、油甘魚、甘蝦、墨魚、蟹子，刺身都切得幾大片，而且都新鮮，質素對得住個價錢！
壽司餐（$98）十件包括三文魚（兩件）、油甘魚、白身魚、赤蝦、吞拿魚、蟹子、玉子、熟蝦及饅魚，件件飽滿，質素算唔錯。
為咗照顧小朋友口味，所以叫咗兩個冇刺身嘅飯。燒汁牛肉飯（ $60 ），牛肉份量都幾多，似一般的打邊爐肥牛，個汁都幾好味。照燒雞扒飯（$55）塊雞幾厚切，而且都滑，個汁夠濃，同前者相比我會鍾意雞扒多啲。
同時叫左一小盒蟹柳卷等小朋友有壽司食，$20/6件性價比高！一啖入口小朋友食得好開心！
4個晚餐均附送罐裝可樂或紙包烏龍茶，收銀前雪櫃自取，相當方便。
店小小但食物好有水準
越做越大嘅“小店”。可能係我叫嘅party set A問題，壽司質素比較普通，雖外賣製作時間算快，但整體未必對得住越來越貴嘅價錢。望能有所進步以回應支持者。
很棒的日本料理
呢間之前返工都成日用外賣app叫野食
放假都要食好野嘆下
去自取探朋友☺️☺️☺️
Menu真係好多選擇
睇到眼花撩亂想全部食曬
雖然大部分都食過
不過真係食唔厭喎無計
價錢對得住份量同質素
我呢次就要左有海膽既😆
打開見到滿滿材料
興奮到呢啖啖魚生🤤🤤🤤
其實堂食環境位置都坐得相當唔錯
不過同得朋友聚會我都外賣
因為同朋友可以分開再多啲餐啊嘛🙈🙈
魚生刺身件件有咁上下鮮度厚度
飯同材料絕不手軟
呢日行完山，就順便過黎買埋壽司返屋企食
落完單等大約十分鐘左右就拎得
壽司有拼盤或散叫，套餐更連飲品
叫左三個餐，分別有壽司餐(10件)，火炙壽司餐(10件)，火炙丼，仲包埋飲品
幾乎每次都會叫火炙丼，大大盒，有火炙三文魚，火炙左口魚，赤蝦，玉子
火炙三文魚，油脂豐富
壽司餐有9款唔同壽司，有兩件三文魚、油甘魚、白身魚、赤蝦、吞拿魚、蟹籽、熟蝦、玉子、鰻魚
最愛大隻又鮮甜赤蝦，刺生亦切得十分厚，好滿足
而火炙壽司餐
最愛火炙左口魚邊，有入口即溶的口感
水準不錯，都好新鮮，叫滿$300送貨仲免運費
千の味刺身壽司專門店
📍 大圍積運街海福花園商場地下31-C1地舖
★★★★★★★★★★★★★★★★★★★★★
最近皮膚敏感🥲，攪到乜都唔食得，咁岩經過大圍，見到千之味個燒鯖魚定食好似幾好咁，清清地，一盒又有飯， 又有沙律🥗。如果咁岩唔舒服， 食呢個都ok 既。
🌟燒鯖魚飯定食 $73
呢個餐個價錢都算合理既， 條鯖魚都算幾大條，一個餐盒有齊飯餸，同埋沙律，都唔錯既。
整體推介指數：❤️❤️❤️🤍🤍
🧸如果鐘意小編既介紹，請即Follow IG: @foodlog2021 😘
之後再㩒下右上角個🔔, 小編定期會為你送上最新資訊☺️謝謝支持。
★★★★★★★★★★★★★★★★★★★★★
有時想食得自在啲又唔想自己煮，就會買外賣返屋企慢慢嘆。千之味而家都幾多分店，買滿💲3️⃣0️⃣0️⃣就免費送貨，真係幾方便👍🏻
原來除咗壽司刺身之外，佢哋仲有丼飯🍱今次我哋就叫咗日式牛肉丼飯試吓，份量都多唔少。除咗配一罐飲品之外，仲有沙律🥗同前菜。牛肉夠入味又唔韌，非常好送飯🍚
加拿大海膽軍艦壽司都真係幾抵食，唔使$50就有兩件，一件有一格海膽😍味道夠鮮，大大塊滿足感即刻提升😋
左口魚壽司上面嘅刺身同樣都幾大塊，咬落爽脆，油脂十足又夠juicy。
大大片嘅劍魚腩刺身好肥美，而家唔係度度食🉐️到🥲甜蝦刺身都幾大隻，味道鮮甜🤤
早前心血來潮想食壽司，就去了大圍御品千之味買外賣。
這裡有各式各樣壽司，刺身，前菜，小食等。。。選擇不少。
最後我地點了前菜拼盤，包括中華沙律，芝蔴八爪魚和辣味螺肉。
食壽司，我必定食前菜，最啱作為開胃小食，而且份量也不少。
小食選了蟹籽厚蛋燒，蛋與蟹籽好夾，雙重口感。
另外，點了數款壽司，包括鰻忌廉芝士卷，軟殼蟹反卷，三文魚壽司，腐皮壽司，鰻魚壽司和蟹柳壽司。
壽司夠新鮮，當中最愛鰻忌廉芝士卷和軟殼蟹反卷。
愛食軟殼蟹的我，加點軟殼蟹手卷好味道，返到屋企，紫菜和軟殼蟹仍保持脆身。
晚晚係屋企食到好悶，今晚屋企人話不如叫外賣，最後擇左千之味壽司外賣🙈$300就有得送貨，勁方便👍🏻
.
千之味應該大家都食過，佢生意好到不得了🤣因為性價比真心高，壽司同刺身新鮮又大份。
.
雙色三文魚丼(晚餐) $65
左口魚$20
粟米沙律$15
炸蝦卷$68
三文魚腩$20
油甘魚$35
鰻魚$18
蟹柳玉子燒$38
火炙芝士熟蝦$22
.
一家三口叫左以上野食都好夠飽，佢啲壽司🍣正在舊飯唔大舊又唔硬身，刺身新鮮有鮮味，除左散叫壽司，佢啲lunch/dinner set仲抵食，好似雙色三文魚丼份量勁多，仲要送汽水。另外炸蝦卷同蟹柳玉子燒都十分推介😆送到黎都keep到個鮮味同準時👍🏻
.
疫情難捱，大家支持下小店啦😄
心血來潮想食日本野，放工後順路去大圍御品千之味買外賣。
買了前菜拼盤，包括中華沙律，芝蔴八爪魚和辣味螺肉。
食壽司，前菜不可少，這三款小食好啱作為開胃小食，份量也不少，最愛中華沙律。
另外，我地鍾意食鰻魚，所以試了鰻魚飯定食，仲有飲品送。
鰻魚也大件，而且幾厚身，幾肥美，口感不錯。
壽司選了軟殼蟹反卷和蟹柳壽司。
壽司夠新鮮，當中最愛軟殼蟹反卷，壽司面放滿蟹籽，而內裡係軟殼蟹，蟹籽卜卜脆，與軟殼蟹好夾，令人食不停口。
禁堂食後每一晚都要諗買咩返去食…
而今日路經大圍突然間好想食壽司🍣
一search 之下搵到千之味…
記得以前係深水埗分店都食過..
大圍店原來就係響海福花園後面。
壽司種類好多選擇,仲有好多唔同既刺身/熟食同埋盛合..岩哂成班朋友開party聚餐。
而menu最特別係佢地既壽司蛋糕..
賣相非常靚🤣
下次訂黎同朋友慶祝先。
等候時間唔算耐..15分鐘左右就拎得👍🏽
壽司賣相整體吸引..
飯Size亦適中,同埋飯帶有小小甜味
魚生新鮮同埋有光澤
最推介甜蝦壽司同埋特大赤蝦👍🏽
夠哂大隻爽甜。
隻赤蝦有半隻筷子嘅size。
.
海膽軍艦
係用採用加拿大海膽，大件之餘仲好新鮮..好鮮甜👍🏽
吉列炸蝦卷係每次都必食既卷物..炸蝦拎到返屋企都仲係好脆,而且仲有4件同8件既選擇
軟殼蟹反卷
好好味..每啖都食到有軟殼蟹
呢間餐廳多區都有分店，日本癮起，確係唔錯嘅選擇。
重點係價錢都好經濟抵食。
「角切魚生飯」
珍珠米上舖上滿滿嘅魚生，夠新鮮，角切幾有口感。
「壽司冷麵餐」
冷麵加入麻醬，好香，再配搭五件壽司，
蟹籽．芥辣八爪魚．北寄貝．白身魚．三文魚，好味。
「火炙丼」
三文魚．左口魚．赤蝦．玉子
特別喜愛赤蝦，大大隻．蝦頭勁多膏，鮮甜，
厚厚嘅玉子口感豐富，份量足
「照燒雞扒飯定食」
即叫即製熱辣辣，雞扒煎得外皮香脆，夠嫩滑，配照燒汁好惹味，
仲跟沙律．螺肉
「蟹柳小卷．黃瓜小卷」
簡簡單單嘅卷物一樣好食
店員好貼心問需唔需要冰種，以免食物受天氣影響質數。
$300已經有送外服務，下次足不出戶都可以食喇。
而家食魚生壽司唔使一定去店內食，買返屋企食都一樣咁滋味，在大圍嘅御品千之味外賣壽司專門店，都係我首選外賣店。
佢嘅燒汁牛肉飯定食配沙律及螺肉小食(未必每次都係螺肉)都好抵食，我老公都話，好多牛肉喎⋯⋯洋蔥牛肉味道好濃😋餸飯一流
午餐$68晚餐$78
二人刺身盛D ，16件
三文魚2件、赤貝4件、油甘魚2件、帶子4件、松葉蟹腳4件
$228
唔好以為細細盒，其實每件都唔細，都好新鮮，今日最想食就係松葉蟹腳，鮮甜嘅，但只有4隻腳就唔夠喉😆我諗下次要買兩盒。
試試5色的大蝦刺身丼🦐外帶刺身飯的價格和品質 …
快靚正
最鍾意叫呢一間外賣，方便、抵食、品質又唔錯。壽司有好多款，揀咗散叫。鍾意食咩就可以叫，唔駛限死指定套餐。鍾意食套餐亦都有午餐及晚餐，包飲品，其實都好抵食！
散叫壽司，一大盤整起非常靚！
揀咗左口魚、特大赤蝦、三文魚、北寄貝、吞拿魚赤身、赤貝、帶子、劍魚腩壽司、吞拿魚蓉軍艦。
鍾意食左口魚，魚油香，juicy! 特大赤蝦真係好大件，鮮甜，非常之爽口！貝類亦都好出色，北寄貝及赤貝夠爽甜！我最鍾意食帶子，大大粒口感好，又鮮甜。吞拿魚赤身吞拿魚味香濃！劍魚腩夠肥美！吞拿魚蓉都非常好味！整體壽司又平又好食！
之前都有幫襯開千之味嘅外賣，今次咁啱經過大圍，就一於外賣自取吧！除咗壽司之外，原來佢仲有唔少套餐、熟食，之前都冇留意添！叫完好快就有，見到佢好貼心，有冰袋同埋仲有大量豉油、芥辣！散叫咗好多款唔同嘅壽司，放得勁靚，真係見到都開心！
海膽軍艦 $48/2 件
好新鮮而且好足料，有海膽獨有嘅鮮甜味！
帶子壽司 $35/2件
大大隻嘅帶子，真係見到都好想食，好後悔淨係叫咗兩件！
火炙左口魚邊 $28/2 件
好抵食，28蚊2 件，左口魚邊火炙過，口感好好！
火炙三文魚腩 $28/2 件
最鍾意食三文魚，梗係要叫返2 件！
三文魚籽壽司 $48/2 件
三文魚籽大大粒，超鮮甜！
吞拿魚蓉 $30/2 件
吞拿魚茸配埋少少蔥絲，真係最佳配搭，好食！
其他壽司都非常好味，總結嚟講，價錢合理，食物質素又好，會繼續幫襯！
噤啱經過呢間店鋪，想起好耐冇食過日本刺身和壽司，就行去睇吓有邊d啱食就買d返屋企和家人一起品嚐吓先，睇到餐單有好多款式：除左有散叫唔同款式壽司、刺身、刺身蛋糕、唔同嘅壽司拼盤、不同小食和定食套餐，最終我就揀選左一個壽司拼盤和少少刺身返去試吓
千之味壽司盛A：$268有25件壽司，三文魚、鰻魚、帶子、油甘魚、藍鰭吞拿魚赤身，材料新鮮美味，除左有噤成人食嘅壽司，還有啱小朋友食嘅玉子和加州反卷
甜蝦刺身：肉質鮮甜好creamy
下次可以再試吓其他嘢食
因為太想食日本野，但又唔太方便除口罩堂食，一於外賣啦。
原來滿$300 好多區都有外送服務，即刻拎定Menu單張放屋企看門口。
即叫即製．套餐又唔貴喎，仲跟埋飲品
「角切魚生飯」
魚生角切粒粒，好足料
玉子．三文魚籽．三文魚．吞拿魚．甜蝦，青瓜絲好爽脆。加豉油同Wasabi撈飯食好正
「燒汁牛肉飯定食」
燒汁好惹味，配牛肉好夾，仲有螺肉同沙律
「壽司冷麵餐」
加入麻醬嘅冷麵味道更香．再配搭五款壽司
「火炙壽司餐」
十件款款不同，家人唔食生野，食完都話好正。
「蟹柳壽司」
長長嘅蟹柳．有口感，比外面嘅更好食
可能係全港最高質的外賣壽司店
一直對外賣壽司都冇咩興趣
無他既，因為食壽司刺身最緊要就係新鮮
但係外賣店質素往往都係爭Ｄ
但朋友極推薦呢間店比我，果然令我大大改觀，十分有驚喜
雖然鋪仔細細，而且店面普普通通咁，就以為係Ｄ屋邨壽司店水準？唔係！呢間都真係幾高質下
有好多唔同優惠，5點前仲可以午餐價，都幾抵
五色丼（三文魚2件、吞拿魚赤身2件、赤蝦1件、油甘魚2件、三文魚籽）
首先當然要食魚生啦
呢到既魚生真係好有驚喜
佢既新鮮程度直頭同元Ｘ呀壽Ｘ郎果Ｄ堂食店有得比
特別係吞拿魚，食落去會有吞拿魚獨有既血味同魚脂味，而且唔會腥
三文魚籽咬落去更加係爆晒漿
其他刺身都非常高質
鰻魚飯定食
除左刺身類，最估唔到係熟食類都咁高質
呢個鰻魚飯用既料十分靚
鰻魚非常肥美
食落口感軟得黎唔會散
而且會食到鰻魚豐富既魚脂
惹味香濃既照燒汁更加令你忍唔住食完一啖又一啖
燒汁牛肉定食
牛肉份量都幾多，味道同牛肉既質素更加係完勝Ｄ連鎖店
自從停咗夜晚堂食之後，依家只可以食住家飯或買外賣，收工時間想食壽司，凍凍地外賣返屋企唔怕容易變壞，過下壽司癮。
去咗千之味買壽司，我揀咗御品壽司拼盤和蟹柳玉子燒，等咗大約10分鐘就可以拎，店員非常有禮貌，服務很好，下次會再幫襯。
御品壽司拼盤
三文魚2件、油甘魚、白身魚、甜蝦、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律、辣味三文魚
壽司拎到返屋企都仲係Keep住凍，第一次的有趣的體驗，越食越滋味，發覺原來我都幾鍾意食壽司。
天氣凍冰冰開住暖爐食壽司，同夏天熱辣辣開住冷氣打邊爐都係同一道理，香港人精神，哈哈！
外賣嘅最佳選擇👍🏻
早前於聖誕Party, 朋友介紹”千之味”
今日路經大圍，一於買返屋企慢慢食
趁住5點前午餐價錢，仲抵食啲。
「壽司餐」
唔洗頭痛揀款，一次過食齊10款壽司，
用料新鮮．有份量，甜蝦大大隻，好鮮味
「壽司冷麵餐」
冷麵舖上粒粒蟹籽．青瓜絲，
加入麻醬好香，好好味
「燒鯖魚飯定食」
即叫即製熱辣辣，鯖魚燒到金黃色，
配上蟹籽沙律．中華沙律，正
「加州反卷」
面層加上沙律醬，唔沾豉油一樣好味
「蟹柳小卷」
一口小卷，好食過連鎖式壽司店好多呢
今日先嚟試下水温，睇下聖誕節嗌呢間壽司好無🎄😋 我今次仲特登去咗實體舖嗌，無上網送外賣🤤 我叫咗
火灸芝土帶子壽司$42
火灸海膽壽司$53
三色花之戀 $72
劍魚脯壽司$28
油甘魚壽司$35
三文魚腩刺身$68
我拎咗返屋企雪到夜晚先食，火灸嗰兩款都仲好好食😋 花之戀我會形容為必食，三文魚子係最好食😋 叫得刺身就唔好慳了，一定要叫三文魚腩，唔好只叫三文魚🤓
另外，我都幾強烈建議你上網/WhatsApp嗌定，因為嗌到拎得要等大概10分鐘，你叫得多俾佢有預算，又唔洗等都幾好🤓
今天行過大圍，遇見一家日式餐廳, 主要做外賣定食和壽司。這家餐廳的外賣定食，都可配上一罐汽水或茶。
燒汁牛肉定食$78
定食有沙律和中華沙律，燒汁牛肉份量多，又薄又大片，燒汁甜甜得，連帶鮮甜的洋蔥，配上粒粒珍珠米，又香又美味。
照燒雞扒定食$73
照燒雞扒醬汁惹味濃厚，雞肉厚切，皮煎得香脆，啖啖肉很開胃！
三文魚刺身$58
三文魚刺身一碟有5 片， 厚身，魚味鮮甜，肉厚！
整體來說食物質素高，性價比高
需然好掛住日本，冇得去當地品嚐最新鮮和最美味嘅日本壽司和刺身，好在香港呢個彈丸之地，包含左世界各地嘅不同美食，令我哋可以唔使到當地都食到各國美食，今次就試吓呢間外賣店質素如何，同當地相差幾遠，心想應該都差少少，但起碼可解思念之情，第一次就買少少試吓先，好食下次再叫多d
左囗魚邊壽司：左囗魚入囗即溶，油份甘香
海膽軍艦壽司：好多海膽，入囗鮮甜好creamy
特盛蒜香三文魚帶子炒飯：配料充足，好多飛魚子、三文魚和帶子，炒飯好香囗好惹味
好抵食嘅午市套餐
呢間外賣壽司刺身店價錢相當抵食，午市套餐包可樂或烏龍茶。大部分由$45-80左右。
我地揀咗一個壽司餐及一個火炙丼。
壽司餐$88 有十件壽司🍣
三文魚2件、油甘魚、白身魚、赤蝦、吞拿魚、蟹籽、熟蝦、玉子及鰻魚。呢個餐相當豐富，壽司新鮮。
火炙丼有火炙三文魚2件 、火炙左口魚、赤蝦x2、玉子x2。份量相當多，好夠飽。火炙三文魚幾肥美。左口魚爽爽地又有火炙魚油香。赤蝦好大隻好爽甜。
另外仲散叫咗壽司，三文魚腩、帶子、芥辣八爪魚、左口魚、藍鯨吞拿魚。藍鯨吞拿魚好肥美好味。芥辣八爪魚夠足料。帶子好大隻。
鍾意呢間外賣壽司店刺身、壽司即叫即整、所以相當新鮮！每次外賣點完餐，只需要等10分鐘內就有。鍾意佢又午餐、晚餐、價錢親民，性價比高！
今次揀咗兩個午餐-刺身飯及散叫咗一啲壽司。午餐、晚餐包埋飲品，今日有烏龍茶或可樂揀。揀咗烏龍茶！
▶️五色丼$98
三文魚2件、吞拿魚赤身2件、赤蝦1件、油甘魚2件、三文魚籽
呢個非常豐富！三文魚、油甘魚夠肥美，吞拿魚有入口即溶之感！赤蝦好大隻又鮮甜。三文魚籽撈飯就一流！
▶️三色吞拿魚蓉丼$98
吞拿魚蓉、帶子2件、甜蝦2件
帶子大大粒、又夠厚、鮮甜。甜蝦又鮮甜。吞拿魚蓉夠多。
▶️散叫壽司🍣
左口魚邊$20、北寄貝$18、赤貝$20、帶子$35、腐皮$12、八爪魚$20
壽司款款都唔錯！我最鍾意左口魚邊。貝類都相當鮮甜爽口！帶子當然都好食😋必叫。
品質很好，性價比很高👍 …
服務
外帶
🔹照燒雞扒飯定食 $63
配沙律及小食，送可樂/烏龍茶
即叫即製熱度夠，雞扒及飯份量充足
沙律菜新鮮；雞扒肉嫩，燒汁味道調較不錯；米飯灑上少量芝麻夠香口
推介指數：8/10
🔹迷你火炙三文魚腩丼 $108
配沙律及螺肉小食+刺身 (三文魚2件、北寄貝2件、甜蝦1隻、帶子1片)+壽司拼盤5件 (三文魚、白身魚、北寄貝、吞拿魚沙律、芥辣八爪魚)
送可樂/烏龍茶
沙律菜同樣新鮮
火炙三文魚甘香肥美，以適量鹽調味已足夠美味
刺身整體新鮮厚切，個人最喜歡三文魚
壽司飯酸醋比例適中，白身魚鮮嫩柔潤
推介指數：8.5/10
🔹蟹柳玉子燒4件 $38
一絲絲長蟹柳肉及蟹籽鋪在玉子燒上
玉子燒為冷盤，口感較紮實帶微微蛋香；蟹柳肉質素不錯
推介指數：7.5/10
🔹和風冷麵 $48
配胡麻醬/辣醬，揀咗胡麻醬
蟹柳絲份量充足
冷麵爽口，配合青瓜絲、蟹柳及胡麻醬令整體味道清新又滋味，感覺輕怡又健康
推介指數：9/10
🔹吞拿魚沙律軍艦2件 $15
吞拿魚沙律的醬不過多，味道調較正好而沒有腥味
推介指數：8.5/10
🔹芥辣八爪魚軍艦2件 $22
芥辣八爪魚爽口，芥末味道恰好不嗆喉
推介指數：8/10
服務
外帶
餐點類型
午餐