永年車仔麵(香港永年·車仔麵·茶冰廳 Hong Kong Wing Nin)

屬於香港嘅味道「正宗港式美食」

永年對於香港人嚟講應該唔陌生，好耐之前食過一次都幾有印象。今次順路經過，見到餐廳環境寬敞，格局舒適，仲發現呢間嘅餐牌上多咗好多唔同嘅小菜款式，忍唔住決定放肆下，嘆番個港式晚餐～

永年大碗麵 $98
食得永年，最王牌嘅車仔麵點可以唔叫！有選擇困難症嘅我二話不說就揀咗永年大碗麵，有齊最推薦嘅配料，款式又多：魚蛋、豬皮、蘿蔔、豬紅、豬腸、雞翼、雞翼尖、魷魚、紅腸、時菜。一上台個碗重手到～款款餸都有份量仲夠晒入味，特別推薦豬紅同豬腸，而湯底濃味唔會過鹹，麵亦唔會煮過火，保留翻適當嚼頭，食完真係大滿足👍🏻極力建議細食嘅你哋可以二人分享～留返個胃食其他嘢！

香脆南乳雞翼$28懷舊蝦多士$28
（跟餐價 各$20）
傳統嘅經典小食點可以無南乳雞翼同蝦多士份？兩者都做得好出色！今次嘅煎炸物黎講唔會咬落成啖油，無咩油益味，口感夠乾夠脆身，絕對值得一讚！前者南乳味夠曬香濃惹味，後者蝦味出，多士酥脆可口，配搭上層嘅爽彈蝦滑，令整體層次更豐富，兩樣都必試👍🏻

牛三寶 $38
小編一向好沈迷街頭小食，難得呢到可以舒舒服服，坐住咁享受街邊美食，當然要叫返兜牛三寶試下佢！一碗份量唔算少，三寶包括牛柏葉、牛肚、牛筋，最欣賞佢係三種款式都唔會好韌，除咗夠入味有汁之外，仲意外地嫩滑爽口，有驚喜！

佛跳牆麵 $88
上台見到非常大盅，店員會即時幫你預備金湯倒入，呢個價格來講，性價比超級高！有大大隻入味鮑魚、兩三件大又厚身嘅花膠、兩隻冬菇、另外仲有蠔豉、蝦乾、金華火腿，配搭清湯麵底，不得了，奢華享受但如此平價，真心值得食一試！基本上食完上面嘅配料都飽到7788，超值～

招牌豉油雞餐（跟飯）$98
同行友人叫完麵，忍唔住都係要叫啲飯食，見小菜套餐價都唔貴，一份例牌雞只係$98，跟飯送嘢飲，大件夾抵食！上台隻雞啲油光好靚，又夠色水，咬落唔會煮得過熟，肉質夠晒嫩滑有汁，送飯一流，啱晒食肉獸！

最後少不免要叫返兩杯嘢飲，今次就跟餐加咗檸樂同埋抹茶紅豆冰（各自加$9），前者送冰底，原罐汽水上，無偷工減料～後者綠茶味出，紅豆又綿又多，最欣賞佢係碎冰底，撈下撈下好快飲完！食完餐飯超級飽，舒服曬～

黎食車仔麵見佢夜晚變身懷舊扒房，塊綠色格仔布加左唔少分～叫左兩份鐵板，挪威三文魚扒餐同美國頂級西冷餐，呢個價錢份量好大好抵。
三文魚扒超厚，自己買都未必買到咁大塊。皮香。塊西冷都係重量級，5成熟juicy嘅。

個秘制辣汁做鐵板牛好夾兼惹味，旁邊放個小雜菜鐵板係靚同幾驚喜。

牛油果薯仔蝦沙律同雞扒咸魚凱撒沙律都好好好食幾新鮮同特別。

熟蝦醬通菜、韮菜豬紅呢啲經典招牌野無失手，豬紅夠入味韮菜無渣，熟蝦醬夠香夠咸～

車仔麵出到有佛跳牆🤣
又幾足料喎
巨型花膠加八頭鮑魚
除咗粉麵 仲有鐵板餐可以揀
封門柳唔鞋唔韌
服務
內用
餐點類型
晚餐

😍😍
服務
內用
餐點類型
午餐

終於有返堂食啦😛可以同屋企人出去食晚飯
叫左個二人餐😉包湯同飲品添！

中式小菜二人餐$298
招牌蔥油雞（例）
份量都唔少 2個人好夠食 蔥油味都好香 雞胸位都唔會鞋

欖角豉油蒸肉排
呢個好惹味😆啲香蔥同豉汁令到個汁好好食 啲排骨都好多 係稔身

蘋果雪梨燉豬展湯
一上菜超熱 有蘋果同雪梨個湯幾清甜 豬展豬展淋哂 好食😋

腐乳通菜
有碟菜送😆補充下纖維😛

懷舊蝦多士+ $20
岩岩炸起熱辣辣 好脆😆

潮式炸大腸$44
呢個半價好抵食 都幾多 而且炸大腸一啲都唔韌 中間包住啲蔥就冇咁膩

熱奶茶
奶味比較濃 都夠滑唔錯

🌟沙田懷舊港式冰廳·鐵板餐🐂

同朋友去左沙田行街,提議去永年食扒,我以為永年係食車仔麵,好奇去試下先。位置於新城市廣場地下,店內環境乾淨企理,很適合和家人食飯的地方,來到小篇👧🏻當然食鐵板燒啦！

小篇👧🏻同友人都揀咗2個鐵板燒：

🅣🅞 🅢🅣🅐🅡🅣
🌟 鐵板美國極佳級封門柳 🐂
美國極佳級封門柳 ,5成熟配上洋蔥汁，上菜果刻,原來鐵板燒嘅擺碟都有講究,牛柳和蔬菜類係分開上,小篇👧🏻覺得甘安排非常好,因為食緊牛排的時候不會砌到菜同埋菜可以唔使諗咁多汁唔會太鹹。

封門柳🐂好出色,牛味濃，肉質軟嫩,一啲都唔柴,切開仲有粉紅色,入口多汁，幾好味。鐵板連蔬菜粟米🌽、蕃茄🍅和菇類，菇類值得一提煎得好香好好食。

💕套餐另外有酥皮周打蜆肉魚湯 （$15）
小篇👧🏻童年最愛酥皮湯🫕，個湯好好飲，和酥皮一起食好夾。

⭐鐵板雜扒餐🐓🐂🐖
我就叫左雜扒餐，貪佢可以食多吾同款，雜扒餐包括豬扒、雞扒、牛扒和蔬菜類，配上永年招牌辣汁,西冷牛扒牛味香濃，猪扒和雞扒大大塊，好有滿足感。
💕套餐另外有牛油果薯仔蝦沙律,蝦肉彈牙，牛油果和沙律都非常新鮮。

🅓🅡🅘🅝🅚
🌟熱檸水
🌟抹茶紅豆冰

#cc_甜品推介 #cc_沙田推介
——————————————————

💕Encore指數：4/5
💕餵食指數：4/5
💕環境：4/5
💕推介指數：4/5
——————————————————

如果鍾意我既分享pls follow —> @cc_foodie_dairy ☺️💕

📍香港永年車仔麵茶冰廳
沙田沙田正街18號新城市廣場L1樓113號舖
@wingninyl

以前係元朗食過永年嘅車仔麵，真係回味無窮🤩估唔到沙田新城市廣場都開咗，雖然位置有少少隱蔽，但有很多懷舊特色打咭位，幾大都要食多次！今次我同朋友試吓永年嘅小菜，果然冇令我失望👍
點咗一個中式小菜二人餐二百幾蚊，價錢大眾化，抵食😋
🔸蘋果豬展湯，一啲都唔麻乎，用料十足，幾清甜。
🔸蔥油雞值得推介，因為D雞吾太肥，又啖啖肉🌟
🔻蒜子火腩大鱔煲，大大舊鱔，又吾多骨，好滋味！
🔸腐乳通菜，腐乳永遠同通菜最夾，足夠兩個人份量，又爽口，
正😆
🔻紅油日本小黃瓜，精粹喺啲醬汁，辣辣哋好開胃🤪
🔸抹茶紅豆冰豆味甚濃，有少少抹茶香味，好好飲，又吾太甜😘
下次可以再食過🎉
🌟🌟🌟🌟🌟🌟🌟🌟🌟🌟

沙田分店服務好！
食物好有味，快靚正👍🏼
服務
內用
餐點類型
其他

非常好食，待客有善，等位快

鐵板扒超好食，好大塊，果然冇失望。
服務
內用
餐點類型
晚餐

✅香港永年車仔麵茶冰廳

🔆美國頂級肉眼扒 $208
我哋就揀左肉眼扒 跟永年辣汁🤣
平時食車仔麵既時候都已經必加永年辣汁
估唔到佢配扒類都咁正喎😝 係辣度勁啲既黑椒汁咁
肉眼扒好厚肉 亦都好軟腍👍🏻 扒餐本身配左雜菜
扒餐本身跟左沙律/餐湯
我就加左$15要酥皮既周打蜆肉湯
好足料！而且個湯都唔係好傑身幾好！

🔆挪威三文魚扒 $198
三文魚扒煎到底面都好香脆可口
配左洋蔥汁 甜甜地既醬汁仲突顯到三文魚既鮮味
三文魚扒底下仲有洋蔥絲 熱辣辣落埋洋蔥汁就好似食緊炒洋蔥咁😀
呢個餐我哋就叫左牛油果薯仔蝦沙律
佢用左甜品杯裝住好得意
牛油果同薯仔預先已經同沙律醬一齊撈好左
面上擺左幾隻蝦 啲蝦食落都好爽口 冇雪藏味👍🏻

唔夠飽仲可以以優惠價加購小食
不過我哋食完兩個扒同埋沙律/餐湯 就已經好飽了🤣🤣🤣

🔆抹茶紅豆冰 +$9
見到有抹茶紅豆冰咁特別當然要試！
有好香既抹茶味之如 仲加左花奶係入面
啲紅豆每粒都好大粒添😝

🔆樽仔奶茶 +$9
永年必飲樽仔奶茶 好香茶味又有煉奶既甜
對於我鐘意甜既奶茶黎講就啱哂啦😎

👍👍
服務
內用
餐點類型
晚餐

🥡中式小茶二人套餐（$298）：套餐包括自選兩款小菜、一款油菜、兩盅燉湯、兩客白飯，以及兩杯飲品。小編和媽媽揀咗馬拉盞醬爆龍躉球、鮮菠蘿沙嗲牛肉粉絲煲，及腐乳通菜。是日養生燉湯喺蘋果雪梨燉豬展雞腳湯：蘋果雪梨香甜，雞腳軟糯。兩款小菜都相當夠鑊氣。

🦐除咗主食之外，仲有好多小食都好吸引。小編嗌多咗份懷舊蝦多士（+$20）：用上懷舊感十足嘅小碟，多士酥脆，油香十足。宜淺嘗。

🧋餐廳咁提供多款特色創意飲品，如紅豆奶茶冰及抹茶紅豆冰。使用傳統紅豆冰作新潮配搭，新鮮感十足之除，味道亦不俗。一次過滿足兩個慾望～

😗整體而言：地方開揚，上菜速度快，坐得都幾舒服。妹妹話車仔麵先係永年嘅重點，等小編下次試吓先。

女神車仔麵好豪華架😋😋好多料重點碗麵有鮑汁燜花膠正
，美國頂級西冷扒五成熟juicy惹味，會encore 嘅 餐厅 …
餐點類型
晚餐

招牌港式牛尾羅宋湯👍

女神車仔麵好豪華架😋😋好多料重點碗麵有鮑汁燜花膠正

永年三寶即係咖哩魚蛋、豬友同蘿蔔好味有水
準仲要係陳皮魚蛋超彈牙

搽茶紅豆冰紅豆大大粒好淋好味呀👍👍

美國頂級西冷扒五成熟juicy惹味

黑芝麻西多伴香草雪糕，細細啱啱好
服務
內用
餐點類型
晚餐

下午茶款式多選擇，份量大。

到達沙田新城市香港永年餐廳,好味

味道好好，水準一流，同事呀ling服務很好
餐點類型
午餐

小弟童年家境清貧(而家都係!)想食個鐵板餐真係好難，所以大個仔搵到個錢都會去食個鐵板大餐，記得同老婆大人第一日拍拖就係去食喱樣嘢。

上星期難得收早即刻約老婆大人去撑枱腳，佢係沙田Shopping緊而家東鐵綫香港去沙田好快就到一於我入去搵佢啦！佢一早就話要去香港永年車仔麵茶冰廳食我當然冇問題架。

原來佢想食永年新出嘅港式慢煮鐵板套餐，都好一於回味吓熱戀時候嘅味道，望望餐牌都有唔少鐵板餐揀有多款牛扒、白毛豬扒、雞扒、雜扒仲有三文魚扒，不過最特别嘅係嗰個招牌鐵板佛跳牆車仔麵，每份扒餐都有沙律或者餐湯是但一樣仲有主菜同埋飲品，我梗係要喱道出名嘅樽仔奶茶啦！飲落夠茶味口感又順滑唔會死甜正呀。

為食嘅我哋仲叫咗加配優惠嘅瑞士雞翼，單點＄38但係＄68就可以嘆足兩款所以就整多份甜品最後先嘆，秘製瑞士雞翼色水對版整得入味食得過喎！

我哋決定要一份沙律一份餐湯，揀咗勁抵死嘅雞扒鹹魚凱撒沙律，凱撒沙律入面加咗鹹魚食落又冇乜違和感喎！

餐湯揀咗牛尾羅宋湯加15蚊升級做酥皮牛尾羅宋湯，酥皮焗得好酥香浸落湯道一齊食勁正斗。

牛尾羅宋湯牛氣冲天羅宋湯底有菜嘅香甜飲落一啲都唔漏。

見到有美國安格斯封門柳唔係唔食吓嘛！我揀咗洋蔥汁侍應上枱後即刻倒落熱辣辣嘅鐵板上，香氣撲鼻而嚟口水都開始流喇！

點咗三成熟嘅封門柳嚟到切開一睇師傅真係有料到，粉嫩嘅紅肉外層焦香食落口感軟嫩肉味仲好香濃我就超級滿意。

最正係配咗勁多款嘅新鮮雜菜放喺另一塊鐵板入面，好似有番茄、啡靈菇、白菌、椰菜花、西蘭花仲有粟米，唔係白烚有用蒜蓉炒香過好好味架。

老婆大人就食喱個全港首創嘅招牌鐵板佛跳牆車仔麵，香脆炸幼麵上擺滿紅燒八頭鮑、鮑汁燜花膠、蜜餞金蠔、蠔皇大花菇、老虎蝦乾同埋金華火腿真係太高貴喇！食時先淋個秘製鮑汁上去保持炸麵脆口。

紅燒八頭鮑口感煙韌彈牙，鮑汁燜花膠大大件又淋滑真係女人恩物，蜜餞金蠔係老婆大人最鍾意食嘅佢都讚質素唔錯，蠔皇大花菇夠厚肉、老虎蝦乾越趙越好食加埋咸香嘅金華火腿同埋香脆炸麵簡直係大菜之作。

甜品我哋揀咗黑芝麻西多士伴雲呢拿雪糕，竟然用丹麥多士嚟整入面仲有黑芝麻醬加多球雲呢拿雪糕，減緊肥嘅老婆大人都投降食咗唔少哈哈哈，5舊水食到捧住個大肚腩返歸好滿足啊~
服務
內用
餐點類型
晚餐

香港永年·車仔麵·茶冰廳
今日去咗沙田新開既永年車仔麵茶冰廳，細個入元朗基本上一定會食永年車仔麵，今時今日開到黎沙田新城市廣場，緊係要食下童年回憶，而家既永年已經超級多元化，唔止車仔麵仲有雞蛋仔，菠蘿包，蛋撻，小菜，燉湯。環境又大又舒服。

佛跳牆車仔麵
入邊有八頭鮑魚，花膠，冬菇，大大碗超足料，食番當年永年先有既湯底味，加埋名貴食材，相當吸引。用上既碗亦都特別唔同

牛三寶
食淨餸就知一間餐廳既水準，全部食材煮得啱啱好，牛柏葉同牛肚都煮得好入味。

淨牛腩
保持一貫水準，同細個元朗食陣味一模一樣，估唔到咁多年都保持到水準。

炸雞翼
好食大隻無雪味熱辣辣，香脆可口，小食必叫。

其實餐廳晚餐時間仲有燉湯同埋小菜，下次有機會一定會叫埋，大家都要黎試下呀

大碗麵足料，湯底正，蘿蔔夠入味，另最愛樽仔奶茶！
服務
內用
餐點類型
晚餐

好味又大份 已經仲好多選擇

極之性價比高。味道好好無味精。
服務
內用
餐點類型
晚餐

永年車仔麵應該大多數人都聽過
原來喺沙田新城市仲有間車仔麵茶冰廳
除咗車仔麵仲有茶餐,小菜食
餐廳裝修走懷舊港式風格,幾特別
最近就新推出咗個超抵食嘅佛跳牆金湯麵
配料有八頭鮑,花膠,金蠔,大花菇,蝦乾,金華火腿
超級超級豪華,都只係$88🤑唔叫對唔住自己🤣
最特別係個湯會上枱時由店員倒落碗麵
個湯熱辣辣,味道係勁清甜好好飲🤤
另一個就要咗永年大碗麵,貪佢咩都有唔駛煩🤣
有豬腸,魚蛋,蘿蔔,豬紅,豬皮,雞翼,翼尖,魷魚,紅腸
仲要每款嘅份量都唔少,食完超級飽🤣
小食就叫咗份煎釀三寶
分別係青椒,豆卜,苦瓜
食落香脆,魚肉都釀得算飽滿😋
宜家有啲小菜仲做緊優惠價
我地就叫咗$44嘅潮炸蔥蒜釀大腸(原價$88)
大腸外脆內煙韌,包住蔥一齊食又香啲又冇咁膩
半價都真係幾抵食😝

說到香港永年，大家總會想到是老字號的車仔麵品牌。
位於沙田的「香港永年車仔麵茶冰廳」是全新概念店
同時供應車仔麵及港式特色美食外，
晚市更推出了期間限定的港式慢煮鐵板套餐
加上餐廳特地用上懷舊枱布作裝飾，
不知能不能勾起大家的兒時回憶呢？而且每款港式慢煮鐵板套餐可自選一款沙律或湯、主菜及餐飲，絕對豐富喔！

餐湯二選一有 港式牛尾羅宋湯 和周打蜆肉魚湯。
與朋友都選了羅宋湯，味道濃郁且很足料，
不過就感覺蔬菜沒有很多，所以沒有那種很濃稠的質感，
比較水那樣子。另外+$15可以升級成酥皮湯，焗得滿金黃的。

沙律也是二選一有 牛油果薯仔蝦沙律 和雞扒鹹魚凱撒沙律。
牛油果不會過熟也不會太硬，蝦也頗彈牙！

美國安格斯封門柳 ($228) –
醬汁是待鐵板上桌後才淋在牛肉上，頓時便發出滋滋的聲響，風味十足。一瞬間香氣四溢，我選微甜的洋蔥汁。喜歡吃辣可考慮辛辣惹味的永年招牌辣椒汁。而且五成熟的封門柳肉味十分濃郁，還很滑嫩！配的不是薯菜，而是扒番茄時令雜菜，會有粟米、西蘭花、椰菜花和菇。

想吃更特別的可以點 – 招牌鐵板佛跳牆車仔麵 ($198)
當中有鮑魚、花膠和金蠔等，底下還有香脆的麵！

如果怕不夠飽還可以追加小食和甜品，有單點和任選兩款的價錢。
剛好有想吃的一款小食及一款甜品 (+$68)
懷舊蝦多士 – 一籃有六件﹐顏色有點不討好，
但麵包夠脆香脆和彈牙的蝦。

黑芝麻西多士伴雲尼拿雪糕 –
西多士平時都是夾花生醬，原來配濃郁黑芝麻醬別有一番風味。
再加上半溶的雪糕，讓這頓晚餐加添多一份邪惡感！

套餐飲品可選茶或啡，不過我選的是特飲 樽仔奶茶 (+$9)
很香滑，如果有少甜就好了！
而且樽仔的容量很少，感覺很快就喝完。

Total：$563.2 (已計加一服務費)
平均每位$281.6。大概是地理位置問題？這間餐廳有點難找。
服務
內用
餐點類型
晚餐