永年車仔麵(香港永年·車仔麵·茶冰廳 Hong Kong Wing Nin)
營業時間
| 星期三 | 08:00–22:00 |
| 星期四 | 08:00–22:00 |
| 星期五 | 08:00–22:00 |
| 星期六 | 08:00–22:00 |
| 星期日 | 08:00–22:00 |
| 星期一 | 08:00–22:00 |
| 星期二 | 08:00–22:00 |
服務選項
外送
外帶
內用
無障礙程度
無障礙入口
產品/服務
咖啡
用餐選擇
早餐
早午餐
午餐
晚餐
餐飲服務
甜點
設施
適合兒童
氣氛
氣氛悠閒
好有懷舊感，食物都不錯
懷舊鐵板餐價錢親民又抵食
座位舒服，湯偏甜，豬紅偏甜。
好味 有優惠
服務
內用
餐點類型
晚餐
鐵板佛跳牆車仔麵, 牛油果薯仔蝦沙律, 砵酒牛尾$246
估唔到有啲咁嘅野，配菜非常之多，粟米，菇，蕃茄，乜都有，份量夠。牛尾夠淋，好入味。
仲有隻鮑魚 好入味，啲麵又夠脆夠乾， 感覺好懷舊☺️
即使個牛油果蝦沙律都好有心嘅，大大份，啲牛油果仲要好靚好滑。
埋單408蚊，人均消費200蚊，食到好飽，而且佢個環境好寬敞，喺新城市廣場。我覺得 好方便👍🏻
服務
內用
餐點類型
晚餐
推薦雜扒
服務
內用
餐點類型
晚餐
香港永年大碗車仔麵好好味
依家永年除咗有車仔麵食之外，仲好似茶餐廳咁樣，有得叫d小食同客飯，今次同朋友收咗工之後，喺新城市廣場行咗一陣，突然想食車仔麵，所以就嚟咗呢度試吓
今次我哋叫咗碗男神車仔麵，黑椒鐵板牛柳粒客飯，蝦多士同南乳雞翼，咖喱牛腩，最後叫咗個腐乳通菜，加多兩杯嘢飲添
男神車仔麵，當中裏面有牛柏葉，牛肚，豬腸，牛丸，牛腩，蘿蔔，我哋仲揀咗粗麵配蕃茄麻辣湯，另外我哋仲叫咗糖心蛋同酸齋，兩個人一齊share食，可以叫多啲餸試吓😜，鍾意食牛嘅朋友都可以叫依碗麵試吓，另外佢個湯底都冇特別，蕃茄+麻辣，食食吓都好辣
黑椒鐵板牛柳粒客飯，份量都好多，好多牛柳粒，牛柳都好有口感，小編另外都有叫到咖喱牛腩，啲咖喱汁仲可以送飯🤣，來個雙牛飯，啲牛腩都炆得好淋😎，咖喱都好入味
蝦多士同南乳雞翼，小編就覺得蝦多士整得不錯，唔會太油膩，而且多士好脆身，仲有沙律醬俾你點下，另外南乳雞翼，都有陣陣嘅南乳味，而且仲用啲好懷舊嘅碟裝住，幾特別😙
最後，我哋叫咗個紅豆奶茶，同樽仔烏龍茶，紅豆奶茶，粒粒紅豆分明，而且都好多紅豆，同奶茶簡直係Perfect match，食得飽嘅朋友，都可以叫過烏龍茶，可以解下啲油膩
湯底偏甜，麻麻地，同元朗冇得比，又貴。
服務
內用
餐點類型
晚餐
今日去咗沙田新城市行街，但係喺商場就好想食下啲香港風味嘅嘢食！就同朋友揀咗呢間香港永年餐廳，一睇就知道好有香港嘅特色，茶餐廳出面仲有一個雞蛋仔嘅座位，好啱小朋友打卡！
厚切叉燒滑蛋飯
叉燒唔屬於係好多肥肉個種，但係配合滑蛋係好夾！食完唔會覺得好油膩，而且都係啖啖肉！
永年車仔麵B餐
呢個套餐呢會配埋紅油萵筍同埋煎釀三寶，雖然車仔麵見到$109會覺得價錢唔算平，但係啲配菜都吸引就好想試下！
車仔麵我揀咗配辣汁，同埋最簡單嘅冬菇蘿蔔豬腸芝士腸，可能真係太耐冇食真係覺得好有風味！湯底都唔錯！
總括嚟講呢呢間餐廳其實坐落個環境好舒服，地方夠闊落，雖然同以前茶餐廳嘅嗰種風味唔同，但係如果想食得舒舒服服都係唔錯嘅選擇
服務
內用
餐點類型
午餐
環境服務不錯 食物好大份
一到lunchtime又到要諗食咩野既時候，同事話好耐冇食車仔麵，但一到lunchtime又會好多人等位，一於買返公司慢慢食啦~
🌟厚切叉燒滑蛋飯
好耐冇食叉燒滑蛋飯，原來永年除左車仔麵出名之外，叉燒滑蛋飯都好出色，滑蛋覆蓋飯面， 厚切叉燒肥瘦適中，加埋豉油撈飯真係好好食😋😋😋😋
🌟樽仔奶茶
飲品一定要試下佢地既樽仔奶茶，同茶餐廳飲到既絲襪奶茶一樣咁好飲，仲要冇冰唔怕溝淡左，茶底唔澀，甜度亦適中，必試🥳🥳
🌟四餸車仔麵配小食及涼拌
同事就揀左四餸車仔麵，佢唔食得辣但又想試下佢地好出名既辣汁，最後揀左清湯配辣汁，配料就揀左芝士腸、魚腐、蟹籽丸同墨魚丸，芝士腸一咬開就見到芝士爆哂汁咁好正，墨魚丸同蟹籽丸都好彈牙，正😎😎
🌟小食: 香脆南乳雞翼 2隻
小食就叫左南乳雞翼，新鮮炸起熱辣辣，食落有淡淡既南乳香味，雞肉嫩滑多汁👍🏻😉😉
🌟涼拌: 紅油日本小黃瓜
涼拌小食就揀左紅油日本小黃瓜，青瓜粒好爽脆，配埋辣汁惹味又開胃🌶👍🏻
🌟凍檸檬茶王
呢個時候食左咁多野飲返杯冰凍既檸檬茶就最正啦，茶底清新，消暑一流
🌟南乳豬手
補充骨膠原既南乳豬手就最啱我啦，豬手煮到好腍好入味，啖啖肉好好食🥰🥰🥰
🌟蛋撻
等緊外賣個陣見到啱啱出爐既蛋撻即刻叫返個食先，剛剛出爐的蛋撻熱辣辣仲要係我最愛既曲奇皮，下午茶食就最正☺️☺️☺️
服務
外帶
餐點類型
午餐
永年小菜火速售罄🔥🥢
.
新城市廣場選擇繁多，但講到最受歡迎嘅莫過於「香港永年車仔麵茶冰廳」。之前喺尖沙咀食過佢嘅車仔麵，但係唔知原來佢都有小菜賣，可能得沙田店獨有🤔。餐廳人氣極高，落單都派哂隊，而且更發現唔少菜式都售罄🔥，不過冇計啦，而家貨源都好緊張，明白嘅。
.
外賣自取有八折優惠🥡，而有部份菜式價錢更低至六折，$60以內就有交易，包小菜、白飯同飲品，佢分分鐘仲平過街邊啲茶記。題外話，收銀男店員超級無敵好人，即使訂單接唔停，但仍耐心介紹菜式，仲教你點樣嗌先最抵👍，佢嘅服務絕對值得高度表揚。
.
由於訂單多，製作需時，要耐心等候。不過外賣包裝妥當，拎到返屋企都好完整呢！全部食物大大碟，明明係嗌四人份量，但四條友都食唔晒😳。
.
招牌豉油雞($138/半隻)，餐廳有唔少雞嘅菜式🐔，而我揀嘅豉油雞好正，再配埋蔥油，夠晒入味，但又唔會過鹹。雞皮富有彈性，而雞肉厚身嫩滑，整體來講好出色，可媲美高級酒樓出品。
.
鐵板黑椒牛柳粒($148)，🥩牛柳粒肉味濃郁，生熟度應該介乎七成，所以肉質唔韌，但略嫌肥膏位較多。黑椒汁惹味唔搶口，另外仲搭伴燈籠椒同洋蔥，配飯食一流。
.
叉燒炒蛋(六折後$53)，🍳炒蛋造型好靚啊，味道亦同樣令人滿意。炒蛋炒得好滑，濕度恰到好處，當中嘅叉燒大大嚿，夾雜喺蛋入面都食得出好軟稔，一啲都唔馬虎。
.
銀魚香菇蒸肉餅(六折後$53)，肉餅即叫即蒸，所以要等比較耐。肉餅令人又愛又恨，老實講佢浸鹹魚味好勁🐟，未必個個鍾意，但食落又冇乜嘢喎。肉餅口感富嚼勁，肉汁滿滿。
.
香脆南乳雞翼($28)，🍗雞翼一客有三隻，每隻都非常酥脆，並且滲透出啖啖南乳香，特別得來又好夾。
.
飲品方面，我哋全部轉晒特飲(+$9)，其中兩款係樽仔奶茶同樽仔烏龍茶，兩者屬正常發揮。冷泡烏龍茶甘香，無糖無添加🍵；奶茶就係港式口味，茶底唔澀，甜度亦適中。
.
同時，我哋仲叫咗兩款非原味嘅紅豆冰，價錢一樣就梗係試吓新嘢😝，分別係抹茶紅豆冰同紅豆奶茶冰。雖然味道唔算好驚艷，但最起碼佢哋好夾，而且紅豆份量激多，一啲都唔孤寒。
.
總括嚟講，永年嘅小菜水準不俗🥢，就算屋企會煮飯，嚟加碟餸都好吖。呢餐我冇乜好挑剔，只係比較可惜嘅係冇機會試到佢嘅迷你盆菜，希望疫情快啲過去，社會回復正常，咁大家就可以開開心心出街堂食啦🙏🏻。
食物同服務質素都幾好！雖然係開喺商場入面但係價錢reasonable, 分分鐘平過某啲地道茶餐廳添！
服務
內用
餐點類型
晚餐
喺沙田想食車仔麵？
食永年啦
永年最岀名嘅係佢個秘制辣汁
食唔到太辣？ 放心
有由BB辣到特辣 多個level
總有一個啱你
最令我覺得一讚嘅係如果你覺得唔夠辣時
隨時向店員「加辣」
店員會加到你滿意為止😋😋😋
今次揀咗車仔麵餐
A餐車仔麵 $88
4款配料+麵食+蔬菜🥬類+飲品
當中每款配料都好多件 食極都有
份量大大碗
腐乳通菜都係頗多
加凍飲🥤另加$4 仲絕對食得飽飽
B餐車仔麵 $98
亦都係4款配料+麵食+煎釀三寶+紅油萵筍/紅油青瓜+飲品
除咗麵食之外
食到港式煎釀三寶真係滿足
三寶都炸得脆脆又香口
另外揀咗紅油萵筍
原來係涼盤 辣汁好入味
格外開胃
下午茶時段仲有多款港式特色食品
特厚三文治餐 $48 包熱飲
麵包香脆 午餐肉厚切 食落啖啖肉
加上煮得啱啱好嘅滑蛋
好有口感 質素有保證😋😋😋
🤗不錯吃 很喜歡這裡的車仔麵 來了三次
也很喜歡韭菜 很嫩 …
很久才等到侍應生經過，希望食物和餐具衞生
服務
內用
餐點類型
午餐
非常好味！值得一試！推薦大家試下！
去到就叫咗個鐵板餐封門柳，配送牛尾羅宋湯➕蒜蓉包🍞，醬汁係永年招牌辣汁，但係味道有啲似黑椒汁➕XO醬，肉質尚可。而車仔麵🫕份量好足料大份，叫咗個麻辣湯底，湯底有少少甜味，但係小編嘅朋友仔係個食得辣嘅人，叫咗小辣都已經有啲接受唔到，所以唔食得辣嘅人要留意啦❕
–
美國極佳級封門柳（$288）
永年車仔四送麵（$99）
🌟 加一服務費
去沙田站行街食嘢，平日下午都幾多人，餐廳食物種類都幾多，最後我哋揀咗；鐵板牛扒、豬三寶、抹茶紅豆冰、腐乳通菜。
埋單二人$252，喺沙田新城市廣場用二百零蚊食到咁高質嘅食物，真係性價比高！值得再去的餐廳！
久違嘅童年回憶 永年嘅鐵板餐
好有誠意嘅牛肉質
封門柳好有牛香又有肉汁 5成熟剛剛好
鐵板扒好香 正
車仔麵好好味，蘿蔔豬紅超正
非常好食！d餸好入味！正！
可以encore既高級茶餐廳
二人小菜套餐($298)好抵，有2個飯，2個湯，2個餸同一個菜。食落去覺得好高質，每樣野都好好味。今次試左豉油雞，銀魚肉餅同埋黑椒牛柳粒。推介豉油雞同埋銀魚肉餅。
豉油雞肉嫩雞皮滑，仲有少少脆皮，可能外賣係個盒濕濕地已經無咁脆，不過都好好味呀！銀魚肉餅都配搭得幾好，肉餅幾嫩滑，加上小魚有少少咬口。另外通菜好好味，係出乎意料咁好味。加上特別腐乳醬，完全係提升個味道！
蘋果雪梨燉豬腱雞腳湯都好好飲，入面有d煲湯豬肉好軟腍，湯味濃郁。係用心製作呀！
外賣都已經咁好食，堂食一定更加高質。值得encore呀！
非常好食，夠懷舊超級好食
車仔麵湯夠辣夠濃味餸又多選擇有新鮮啲麵好好食。
沙田高質車仔麵同中式小菜
永年大碗麵 $98
入面有成十個餸！有豬腸，魚旦，蘿蔔，豬紅，豬皮，雞翼，雞翼尖，魷魚，紅腸，菜！勁大兜性價比非常高！配咗米線同永年辣汁，啲餸浸晒係湯到非常入味，一咬唇舌即加感受到發麻嘅辣勁，真係愈食愈惹味～
中式小菜套餐 招牌豉油雞（例）$98.0
除咗車仔麵出名，中菜都好掂～
雞肉非常嫩滑，雞味都好濃郁好香，豉油味唔會太鹹個人覺得如果蔥油可以再多啲就更好，例牌其實都幾大份兩個人食都OK
香港永年車仔麵茶冰廳 (沙田)
沙田沙田正街18號新城市廣場L1樓113號舖
好食正.咖啡香
味道正！有香港特色
❥ 美國安格斯封門柳 (~10 oz）$228
點左5成熟，真係預得岩岩好，加埋鐵板既熱力都唔會overcook👏🤪
肉質好粉嫩，咬落口超淋，好有牛味🐮
慢煮既關係，有鎖住肉汁，咬落口唔會乾爭爭🤣
配菜都好豐富，有蕃茄、粟米、西蘭花同蘑菇！好夠飽😆！！
❥ 招牌港式牛尾羅宋湯
每個套餐可以揀一款湯🥣或者沙律🥗
呢個餐我地揀左羅宋湯，味道濃郁又足料！酸酸甜甜勁開胃💕
❥ 西班牙熟成白毛豬扒 $197
有兩大塊豬扒，份量多👏
肉質都好有驚喜！厚而嫩，唔會乾柴👏
配埋洋蔥汁，經典又好味😋
❥ 牛油果薯仔蝦沙律
叫左呢款跟餐沙律，感覺好有誠意💯
蝦有3隻，好鮮甜彈牙😍
牛油果同薯仔份量都幾多，另外仲有埋沙律菜，好清新🥑🥰
炒滑蛋老到似蛋皮
奶茶唔濃唔滑唔夠茶味
沙嗲牛麵啲牛肉奀，啲面煮唔透 （已經加咗$5轉出前一丁）
咁樣質素嘅早餐加埋一要$63 簡直係垃圾
很久之前食過一間大家都認識嘅車仔麵，我覺得唔錯，成日都想再食，有朋友話再去食，我就當然贊成，點知竟然佢話唔係食車仔麵，反而係鋸扒。
去永年鋸扒實在係一個想像唔到嘅情況，雖然我知道呢間永年之前都有試過有小菜，但係鋸扒？唔係呀，我再追問多次佢有冇講錯，然後佢俾咗個post我睇，就係香港牛扒關注組出咗個關於永年嘅post。
好彩我冇同佢賭，如果唔係實輸咗個扒餐。
星期日晚，成班唔煮飯就一齊去食。
完全估唔到餐廳連裝飾都唔同咗，鋪咗塊綠白色嘅野餐枱布，好鬼似飛鷹餐廳又或者金鳳大餐廳嗰啲豉油扒餐嘅感覺。
睇吓餐牌，有好多唔同嘅扒餐都有推出，最正嘅當然係封門柳同西冷扒，我見雜扒都非常吸引，於是就叫哂呢三個。
先上封門柳，呢個真係好靚，切出嚟之後見到入面呈粉紅色，加上最傳統嘅黑椒汁，好不錯，最重要嘅係佢會有一碟菜俾你，非常健康。
最好嘅佢仲會有唔同嘅湯或者沙律你可以加，我飲羅宋湯朋友飲咗周打魚蜆湯，真係超有誠意好好飲，特別係周打魚蜆湯，夠濃又足料。
由於我哋多人，可以加其他小食，分別加咗蝦多士，蝦多士有六件，多到不得之了，然之後又有雞翼，仲有薯條，仲有牛尾，老公好鍾意食嘅蒜蓉意粉，叫一個餐，真係飽到傻。
另外朋友點嘅雜扒都唔錯，豬同雞扒都比較講究，唔係求其嘅野。
當然最好嘅就係西冷扒，我始終覺得傳統牛扒都係食西冷，點五成熟，個口感啱啱好。
最搞笑嘅係，我哋見鐵板餐有一個叫做鐵板佛跳牆車仔麵，朋友點嚟試吓，出奇地甜甜地又幾好食，特別最正係個佛跳牆真係有好多鮑魚，超大塊嘅花膠、冬菇、蠔豉等等，我真心覺得不錯。
老實講，價錢真係唔算好平，不過沙田新城市廣場其實每一間餐廳都消費好高，但係以呢個價錢我覺得有一餐非常豐富嘅扒餐係絕對唔錯嘅選擇，如果想拍拖嘅嚟食扒，不二之選。
服務
內用
餐點類型
晚餐
裝橫光亮，有香港舊時特色。音樂好聽
服務
內用
餐點類型
晚餐
夠哂味，尢其係非菜花，正
【食好西】高質懷舊嘅港式鐵板燒🥩
Happy Friday 當然要同親愛嘅妹妹一齊去食好西啦😋！好耐無食港式鐵板燒啦，所以我要同細妹👯♀️一齊食港式嘅鐵板燒，為咗放便返屋企，所以我哋選擇餐廳嘅範圍係沙田😋
喺沙田市中心就有一間可以食到鐵板燒嘅餐廳就係「永年車仔麵茶冰廳」☕️🫖，店外的風格係傳統冰室與現代風格設計，令人置身於潮流冰室之中😊
最近，佢哋出咗個慢煮鐵板套餐系列，啱晒又想食車仔麵又想食鐵板燒嘅人，我哋每人各自叫咗一份套餐同小食，大家都食到飽飽❤️都幾高質㗎，味道唔差🤤每人買單都只係$300內👍🏻
慢煮鐵板套餐🤗🤗
⭐️周打蜆肉魚湯（酥皮湯）💰+$15
濃稠的周打蜆肉魚湯充滿牛奶忌廉與蜆湯的香味，口感細膩得來帶有鮮味😌食落去仲有蜆、洋蔥及煙肉粒，再加上酥皮，係會食上癮🤪
⭐️牛油果薯仔蝦沙律💰+$0
有三隻大蝦再加上牛油果，再配上自家製嘅薯仔沙律同生菜，輕盈又健康😋而且賣相好高級🥗
⭐️永年雜扒 💰$208
佢哋嘅雜扒分別有美國頂級西冷，西班牙熟成有骨白毛豬扒及日本名古屋雞机😋再配上佢哋嘅蒜蓉汁，正🤪旁邊有炒雜菜同菇，而炒雜菜係有調味，增加左對鐵板燒上蔬菜嘅好感度😂
⭐️美國安格斯封門柳 💰$228
封門柳係牛橫隔膜肌肉🥩，最大特色係油花雖然較少，但肉味香濃，肉質軟腍，岩哂我食😋今次叫左五成熟，佢哋好貼心👍🏻會喺塊肉下面墊住生嘅洋蔥，大大降低咗鐵板嘅熱力傳俾塊牛，佢哋嘅封門柳食落去唔會好靭，仲好淋😋😋好食🤤
⭐️紅豆冰💰+$9
⭐️紅豆奶茶冰💰+$9
第一次新嘗試港式奶茶配紅豆，佢哋嘅紅豆冰都係偏向少甜為主，如果想要甜啲嘅話可以叫店員攞啲糖水過嚟🤤
⭐️任選兩款小食 💰$68
⭐️懷舊蝦多士（6件）
蝦多士炸得金黃酥脆，而且蝦肉十分彈牙，食落去酥脆香軟，再按個人喜愛點上沙律醬一齊食😋😋
⭐️黑芝麻西多士伴雲呢嗱雪糕
第一次西多士配雪糕食，香濃嘅芝麻味餡嘅西多士，再加上雲呢拿雪糕，原來係都幾夾架🤤我同細妹唔夠5分鐘就已經食晒啦😋好食👍🏻👍🏻
🏪店名：香港永年車仔麵茶冰廳
📍地址：沙田沙田正街18號新城市廣場L1樓113號舖
服務
內用
餐點類型
晚餐
今日同囡囡一齊去永年食嘢！囡囡揀咗兒童餐，餐盤係可愛嘅飛機造型！呢個餐有茄汁腸仔意粉、炸粗薯條、雪呢嗱雪糕杯，全部都係小朋友至愛，味道唔錯！
我點咗個E餐，有女神麵、南乳雞翼、 紅油日本小黃瓜。女神麵好足料，咁嘅價錢有咁大塊又厚嘅花膠有啲意外，好彈牙！仲有幾隻大花菇，同埋好少可會有酸齋呢樣配料選擇。蘿蔔無渣，我仲加錢加配「溫泉蛋」，蛋黃入口即化，好味😋！
南乳雞翼幾惹味，不過紅油日本小黃瓜反而搶咗鏡，醃得好惹味，少少辣，好爽口。
雞扒好食👍🏻,鴛鴦好飲,叉燒蛋飯一絕！
服務
內用
餐點類型
午餐
永年車仔麵有點令我喜出望外😝 估唔到俾到呢嗰質素我，永年清湯配辣汁係令成件事昇華咗🤤 嗰湯底真係正😝 外賣會幫你分湯，唔驚啲麵淋哂😝 我配流心蛋 蘿蔔 豬紅 牛筋，4樣都好高質，尤其係豬紅🤤仲有就係麵包類，我好中意佢嗰曲奇皮蛋撻😝 撻皮夠實，唔會一拎就好易散‼️ …
今晚阿媽唔想煮飯就食外賣啦
行左一圈見到呢間最多人買 一於試試佢
佢有好多款小菜都做晚市優惠 外賣6折同8折
計落都好抵食 連飯連飲品都唔洗60蚊
驚唔夠飽就叫多幾款小食 諗住小食都係細細份
點知攞外賣時嚇死我 勁重勁大份超足料
叉燒炒蛋
蛋勁黃勁香又滑溜 叉燒有少少燶邊好香口
招牌蔥油雞
估唔到59蚊嘅例牌都咁大份
雞髀同雞胸位都滑 蔥油除左普通蔥仲有乾蔥
好香好好食 不愧係招牌
銀魚香菇蒸肉餅
平時屋企好少用銀魚蒸肉餅 原來好咸香好好食
梅菜蒸茄子
第一次食呢個配搭 清得嚟又幾啱送飯
韮菜豬紅 好入味 少少辣
永年三寶（豬皮 蘿蔔 陳皮魚旦）
豬皮勁索汁 咖哩味好香又唔太辣
蘿蔔又甜又冇渣 好正
煎釀三寶
釀魚肉好大舊又彈牙 唔錯
永年辣牛腩
真係估佢唔到 勁大份 完全係一個餸嘅份量
牛肉一啲都唔韌 辣汁好惹味愈食愈辣
即刻飲番啖樽仔奶茶中和番 茶味濃得嚟又幼滑 好出色
見佢麵包特價10蚊有3個 超抵
買定聽朝做早餐
晚市外賣，經過沙田新城市的永年，有幾款套餐以震撼價6折，有飯主菜飲品，主菜份量仲要唔野少，其他外賣也有八折👍🏽就食呢間，返到來見全部夠晒大件，真係抵食🤩
鐵板牛柳粒🐮- 一打開好香牛味撲鼻，外賣都好有鐵板氣味，每件肥瘦適中唔靱，配上大量洋葱伴炒，加上汁掛在牛肉上，非常香口惹味～
豉油雞半隻🐥-例牌都好大份，一望就知外皮索晒豉油汁黑漆漆，好入味，皮薄油香，肉質嫩滑，仲有雞肶添🤩
叉燒炒蛋🍳-份量十足，叉燒厚切都好腍又juicy，蛋味香濃夠滑有蛋汁。
小食豬手🐷-每份四大舊，炆得夠腍兼入味，還伴上幾棵菜心。
喺永年通常食車仔麵😉今晚試咗佢哋個慢煮鐵板雜扒套餐☺️好好味👍🏻👍🏻值得推介🥳🥳🥳
服務
內用
餐點類型
晚餐
今日同bf專登入沙田食之前去其他分店都賣晒嘅Lady M新蛋糕🙈🙈順便喺沙田搵埋食🤤🤤🤤
—————————
𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘
🍽 𝗧𝗮𝘀𝘁𝗲 :
▐ 佛跳牆金湯麵 $138▐
湯底揀左永年清湯加麻辣汁（少辣），湯底好甜🤤🤤加左微微辣嘅麻辣汁都冇影響鮮甜🤤🤤反而更提味開胃🤤🤤配料亦都豪華足料，鮑魚、花膠、花菇、金蠔都好入味，好好味🤤🤤
▐ 女神麵 $88+$3（轉番茄湯）▐
揀左番茄湯底加永年辣汁，bb辣辣過麻辣少辣，但酸酸辣辣好易食晒成碗🤤🤤配料有養顏嘅花膠😋一樣好入味，酸齋、紫菜同蘿蔔都係我車仔麵鍾意點剔嘅餸，果然係女神麵🤣🤣🤣🤣枝竹球好特別，索晒湯汁更美味🤤🤤成碗都好啱女仔～～
▐ 牛三寶 $38▐
有牛筋、牛肚同牛柏葉，三樣都係我最愛，炆得淋滑入味，個腩汁湯底非常香濃。
▐ 腐乳通菜 $26▐
菜大碟新鮮，腐乳汁好味😋
▐ 南乳雞翼3隻 $28▐
南乳雞翼係我嘅童年回憶😋😋以前媽咪整我就會清晒碟😋😋雞翼炸到香脆，咸香十足🤤🤤超正！
▐ 紅油日本小黃瓜 $28▐
日本青瓜又嫩又爽，個紅油汁加左蒜蓉，酸酸地少少辣，又係一碟開胃前菜😋😋
▐ 抹茶紅豆冰 跟餐加$9▐
超鍾意呢杯特飲，抹茶味突出，加埋甜甜嘅紅豆，話咁快飲晒成杯🤤🤤
▐ 熱柚子蜜 跟餐加$9▐
味道正常，都幾大杯👍
🌐𝗔𝘁𝗺𝗼𝘀𝗽𝗵𝗲𝗿𝗲 : 裝修少少復古，座位多而大，環境乾淨。
🤵♂️ 𝗦𝗲𝗿𝘃𝗶𝗰𝗲 :上菜速度快，店員有禮貌而且快手。
💰 𝗩𝗮𝗹𝘂𝗲 : 特色麵食好足料，都有唔少特色又重本嘅配料，永年湯底好清甜，配埋麻辣汁，少少辣令湯底味道更突出🤤🤤小食都好好味🤤🤤下次會試佢地嘅小菜🤤🤤
𝐓𝐨𝐭𝐚𝐥:
$404（連加一服務費）
腐乳通菜好食❤️
湯都好清甜
我地叫咗中式小菜二人套餐！勁豐富！有招牌豉油雞😍份量勁多而且好滑！咸甜咸甜好惹味！必嗌！另外叫咗蒜子火腩大鱔煲！有4 5大嚿鱔👍🏻湯叫咗蘋果雪梨燉豬展好鮮甜！應該是冇加味精的 飲品叫咗樽仔奶茶☕️茶底好香而且唔會好甜！另外抹茶紅豆冰個抹茶蓋過咗紅豆味 原味紅豆冰可能更好 …
今日嚟食早餐，腸粉糯米雞已經賣晒，唯有食豬腸麵同歐陸全餐；多士轉咗蛋達，樣樣都好味，份量足夠，無伏。。。凍奶茶夠滑👍🏻 …
耐無食就好掛住， 真正香港美食
服務
內用
餐點類型
午餐
環境優美，及食物美味，適合一家大細前來進餐以及休息。車仔面份量充足而且鮮味，食完想再食。
位於沙田新城市廣場嘅香港永年車仔麵茶冰廳
係元朗超過50年歷史嘅永年車仔麵其中一間分店
難得晚市堂食重開
淘小姐我今日就食佢哋嘅晚市套餐
晚市套餐$298
可以喺11款小菜裏面揀選兩款
而我就揀咗荷葉籠仔蒸白鱔同鐵板黑椒牛柳粒
手機自助落單
上菜十分之快
先來兩碗原盅燉湯
今日嘅燉湯係蘋果雪梨燉豬展雞腳湯
味道十分清甜
十分滋補
套餐包一款油菜
我哋就揀咗腐乳通菜
可以揀少腐乳
但師傅出手仍然闊綽😂
鐵板黑椒牛柳粒份量都多
好夠鑊氣
黑椒味道香濃
如果牛柳粒醃嘅時間耐多少少就更好
荷葉籠仔蒸白鱔喺最後上枱
果然係即叫即蒸
白鱔口感爽脆 十分新鮮
豆豉味道恰到好處
而且份量都幾多
套餐仲附送兩碗白飯同飲品
飲品揀咗凍檸檬茶同熱檸茶
有三四片檸檬
好夠味
適逢係「永年感謝折」
我哋可以以五折加購食品
我哋就嗌咗白灼鮮蝦
都幾鮮甜彈牙
點下辣椒豉油就更加惹味
香港永年車仔麵茶冰廳 (沙田)
沙田沙田正街18號新城市廣場L1樓113號舖
鐵板做得相當出色，配菜都毫不馬虎，小食特推蝦多士同芝麻西多士配雪糕！
服務
內用
餐點類型
晚餐
蝦🦐多士配士多啤梨特飲😍😍
服務
內用
餐點類型
午餐