永年車仔麵(香港永年·車仔麵·茶冰廳 Hong Kong Wing Nin)

您愛吃豉油西餐嗎？

豉油西餐是車媽媽小時候最愛的美食，在荃灣長大的我就最愛去莎X美吃扒餐，因為每次吃完也會有啫喱糖同雪糕食還有黑牛飲呢！到出來工作便愛到風味十足的X鳳、X寶石、飛X，還有不少這類型的餐廳我都會去幫襯。

某天沙田友通知我沙田香港永年車仔麵茶冰廳推出了期間限定全新港式慢煮鐵板套餐，那份情意結誘使到我即時約上好友一起去回味。

永年剛推出了低溫慢煮2小時的肉扒的鐵板餐作招徠，在客人點餐後才將肉扒煎香再熱辣辣放於鐵板上檯淋汁，扒餐由細食到大但低溫慢煮的鐵板餐確令我有點期待。

看見那塊熟悉的格仔檯布感覺就已經對了，但環境就比很多老牌餐廳寬敞舒適得多。

點每款港式慢煮鐵板套餐均可有自選沙律或餐湯、主菜及餐飲，車爸爸選了至愛的奶茶他說香滑兼備好喜歡。

我例牌凍檸檬茶走甜茶底味夠香檸檬亦好新鮮Very Good喎！

喜歡吃包包的可以點鐵板套餐之餘加＄18配招牌香脆蒜蓉包一客，包中除了蒜蓉還有芝士味在內，吃下口感香脆不油格外惹味。

前菜可自選沙律或餐湯我們人多當然掃餐牌啦！先有材料十足的牛油果薯仔蝦沙律，香滑牛油果配爽甜大蝦還有粉淋薯仔當然好吃。

然後還有中西合壁破格的雞扒鹹魚凱撒沙律，凱撒沙律吃得多加了鹹魚的真是第一次品嚐，加上香口雞扒件和新鮮羅馬生菜也是好味之選。

怕吃生冷沙律的朋友則可選擇熱辣辣的餐湯，我選了周打蜆肉魚湯以鰹魚湯底加入大量新鮮活蜆、薯仔及忌廉炮製而成，湯頭濃稠得可以味道非常鮮甜內裏還有滿滿的豐富的湯料，勸喻細食的您別喝罷整碗魚湯否則會連主菜也吃不下。

另一款牛尾羅宋湯車爸爸豪氣地加了＄15升級至酥皮牛尾羅宋湯，這＄15建議大家不要吝嗇皆因焗得非常酥脆可口。

聞說牛尾羅宋湯充滿濃郁的牛肉香氣，加上酸酸甜甜的羅宋湯底絕對沒有一絲膩感，喜歡牛肉的朋友萬物錯過喔。

作為牛魔王的車爸爸當然選擇品嚐這個美國安格斯封門柳＄228，打開邊爐的朋友也知道這個部位比較罕有，以這個價錢可以吃得到我覺得挺有驚喜。

醬汁方面有招牌辣椒汁、黑椒汁及洋蔥汁可選車爸爸就點了洋蔥汁，即場傾下熱騰騰的鐵板上滋滋作響然後煙霧迷漫正是吃鐵板餐的精髓所在。

除了牛扒外更配有多款新鮮時令雜菜，我們得到番茄、啡靈菇、白菌、椰菜花、西蘭花及粟米營養均衡，以蒜蓉炒至香氣撲鼻再置於另一塊微暖的鐵板奉客很貼心。

車爸爸點上三成熟的美國安格斯封門柳成品來到確守諾言，吃上一口後的他露出滿足的表情便知這牛扒必定高質好味。

而我則選上西班牙熟成白毛豬扒＄208，兩大件白毛豬扒超巨型我分了一件給車爸爸才能完成呢！

侍應誠意推介永年招牌辣椒汁給我，此汁醬由永年士多自家研發混合多香料炮製而成，味道帶點香辣鮮辛嗜辣的我吃得份外過癮。

至於西班牙熟成白毛豬扒肉質紮實富嚼勁絕非霉淋雪藏豬扒能媲美。

好友點了這兒全港首創的招牌鐵板佛跳牆車仔麵＄198，內裡有不少奢華食材包括有紅燒八頭鮑、鮑汁燜花膠、蜜餞金蠔、蠔皇大花菇、老虎蝦乾及金華火腿等，看材料便知花了多少心機來製作，奢華材料下墊有煎至香脆可口不油膩的幼麵，淋上熬足24小時的秘製鮑汁於鐵板上真的太誘人了吧！

我試了蜜餞金蠔聽聞用上流浮山出品，怪不得吃起來口感柔滑鹹鮮味濃。

若大家意猶未盡還有多款惹味小食、甜品或紅酒的加配優惠，單點每款只需＄38起或以＄68組合成套餐，大家便額外點了砵酒燴牛尾及秘製瑞士雞翼，我試了一隻瑞士雞翼弄得入味亦嫩口吃得過啊~

甜品他們選了黑芝麻西多士伴雲呢拿雪糕，用上我至愛的丹麥多士即時加分，內裡是坊間少有的濃郁黑芝麻醬，配上香滑的雲呢拿雪糕甜魔們必定要點來滿足甜牙齒。

當X鳳現在一份西冷牛扒餐連加一都已經賣到＄200，我覺得這兒無論食物質素、服務、環境CP值也非常之高值得一吃。
服務
內用
餐點類型
晚餐

具有香港🇭🇰特色嘅茶餐廳

未行入餐廳已經感受到「香港味」
餐廳嘅每一個角落
都好似7、80年代香港電影嘅鏡頭咁

今次就同朋友嚟試吓新推出嘅鐵板餐
真係茶餐廳嘅價錢食到色香味俱全嘅西餐

美國極佳級封門柳🥩
低溫慢煮好入味
牛肉質素絕對唔差
湯揀選招牌港式牛尾羅宋湯
濃郁但唔重味精

三文魚扒都係10安士咁大份😍
食落口都又鮮又滑
揀左周打蜆肉魚湯
加$15升級酥皮湯

懷舊蝦多士🍤香脆鬆化
有一種入口即溶嘅感覺
服務
內用
餐點類型
晚餐

終於試到想試好耐嘅茶冰廳!最想試佢哋嘅招牌鐵板佛跳牆車仔麵，果然冇失望，有好大塊花膠，仲有大花菇、原隻鮑魚、蜜餞金蠔、老虎蝦乾同埋金華火腿，鮑魚好彈牙，蜜餞金蠔都好入味!至於麵底嘅「煎麵」都好出色，係脆脆地好爽口，而且唔會太油，推薦!
服務
內用
餐點類型
晚餐

永年出名車仔麵應該大家都知，喺沙田依間冰室我亦食過好幾次，冰室岩岩開既時候，除咗車仔麵，仲有埋雞蛋仔、蛋撻、菠蘿包、滑蛋叉燒飯同好多小食已經覺得好正，店內裝修亦好有懷舊感👍🏻

今次我地試埋佢地嘅晚餐😋估唔到有驚喜喎！我地平日大概6點半去到，唔算勁多人，但已經冇哂卡位😭

Order咗個中式小菜二人套餐（HK$298)☺️有蔥油雞半隻(+HK$30)、靈芝蜜豆露筍鮮百合、蠔油菜心、兩個燉湯、兩個飯、仲有兩杯野飲，再加（HK$16)九菜豬紅，極度滿足！

最喜歡蔥油雞，又滑又多蔥油🥰 ！仲有個燉湯（蘋果雪梨燉豬展雞腳湯）好甜好好飲！另加嘅九菜豬紅都好推介，味道唔鹹，但要注意係偏辣的🥵。

飲品方面，order咗一杯凍奶茶👍🏻茶味濃，唔錯！另一杯係紅石榴柚子烏龍茶，依杯好飲❤️好有柚子味又唔會太甜！之前食車仔麵時試過佢地嘅抹茶紅豆冰，好有抹茶味，都幾特別。

除咗晚餐，都講吓車仔麵啦，沙田分店獨有嘅男神麵（HK$88)同女神麵(HK$88)都好唔錯🤔！男神麵以牛為主，即係有牛柏葉、牛肚、牛腩等等！而女神麵就以養生為主，有花膠、枝竹、冬菇等配料！

個人就比較偏愛永年大碗麵（HK$88)有魷魚、豬紅、豬皮、蘿蔔、豬腸，都係我認為車仔麵必食的配菜🤣😂正！

味道好，夠熱，種類多樣化。

✿ 飯來張口 · 特價外賣小炒 ✿
見到永年車仔麵🍲
晚市做緊單點小炒特價
做緊6折優惠🈹
·
永年既車仔麵就食得多
但小炒真係未試過🥘
叫左4個套餐 · 有小食 ｜ 特飲｜ 白飯
真係舖好枱就可以開飯
明副其實飯來張口😎

♡ 招牌蔥油雞
例牌份量都幾多 · 主要係髀位同雞胸🐥
真係特價都唔欺場
雞有雞味仲要幾滑身💨

♡ 鐵板黑椒牛柳粒
黑椒味好濃 · 夠哂鑊氣🔥
牛柳粒幾有咬感唔會過腍
個醬汁撈飯一流🍚

♡ 滑蛋叉燒
好少見炒蛋叉燒係厚切🤏🏻
炒蛋好厚仲要好滑身

♡ 銀魚香菇蒸肉餅
望落好好札實既蒸肉餅🍲
但食落好鬆軟✨
肥瘦肉控制得幾好👍🏻

小食部分⇢⇢⇢⇢⇢⇢⇢⇢⇢⇢⇢⇢⇢⇢⇢⇢⇢
♡ 南乳豬手
呢個份量根本可以當主菜😆所以為免誤會
忍唔住整條分隔線👻
豬手有5大舊
炆煮到好腍身 · 但又唔會無哂咬感🔅

♡ 南乳雞翼
呢個份量先叫小食🫢
雖然外賣到番屋企無咁脆身
但南乳味幾惹味💥

♡ 牛三寶
有牛柏葉 · 牛肚 · 牛根
超愛佢既牛肚 · 滷得好入味👍🏻

♡ 永年辣牛腩
呢個又係偽小食既份量👻
每次食永年必點既辣牛腩
個辣汁香辣得黎好惹味✨
牛腩唔會煮到過腍
差啲想煮公仔麵撈黎食😆

套餐仲包飲品
檸檬茶王 ｜紅豆冰 ｜樽裝奶茶 ｜樽裝烏龍茶
༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ
小小總結：
呢度係4個set 😎
但我地6個人食都好夠食🍚
加加埋埋轉埋特飲都唔洗$400
真係超抵食❤️
如果唔想等 可以預先落定單
一樣享優惠架✨

份量十足 環境乾淨 價錢合理
服務
內用
餐點類型
晚餐
親子友善程度
小朋友有兒童餐

永年開咗成30幾年，最出名當然係車仔麵啦😋，而沙田呢間就結合車仔麵及冰廳既概念店，主力推介男神麵及女神麵，前者有多款牛內臟，後者則有花膠及豬手，不過我今日係專程嚟買外賣小菜🥡，今日太攰懶得煮，買返屋企慢慢嘆😁

最鍾意佢小菜套裝有飯有埋飲品，仲要超級無敵勁抵食，外賣自取八折，有D六折添💥💥💥

古法麻香豬腸煲 $65
雖然唔係煲上，但豬腸依然好入味好香濃，份量仲好多,真係超抵✨

銀魚香菇蒸肉餅 $53
我最愛食肉餅，又好送飯，配埋銀魚好香口，香菇仲係大大粒架🤩

招牌蔥油雞 $59 例牌
雞肉滑好夠味，連雞胸都唔會嚡👍🏻

招牌豉油雞 $78 例牌
呢個小朋友應該會好鍾意食，甜甜地唔會好咸，雞肉都係好滑，真係唔錯💯

鐵板黑椒牛柳粒 $118
重口味朋友大愛，外賣都咁好食，堂食有鐵板上風味一定更好😍

🥤紅豆冰係不少人回憶及至愛，而抹茶紅豆冰、紅豆奶茶既吸引力更上一層樓。套餐+$9 就有架喇😆樽仔奶茶都係架🌟

地址－香港永年車仔麵茶冰廳
沙田沙田正街18號新城市廣場L1樓113號舖

💋招牌蔥油雞，呢碟雞雖然係例牌份量，但都唔講得笑，都幾多，好難想像半隻有幾大隻，而佢肉質係嫩滑而且厚肉，佢最正係皮與肉之間居然有一層薄薄的啫喱層，好正，配埋佢個蔥油汁，鹹鹹地，甜甜地咁，忍唔住一件又一件將佢放入小口之中。

💋銀魚香菇蒸肉餅，呢個份量又係唔講得笑，好大盒下，食落肉餅肥瘦比例合理，配埋充滿鹹香的銀魚同埋間中食到彈牙的香菇，口感層次豐富，用黎送飯一流！

💋鐵板黑椒牛柳粒，朋友堅持叫呢個，但我初初係有點保留，比放題個種乾到擦膠口感的牛柳粒嚇怕左，人家比左咁多次機會都唔懂珍惜，所以唔太想叫，但佢的堅持，算，叫黎食下，姑且比多次機會佢。好彩今次將固有印象一掃而空，佢牛柳粒口感彈牙而且充滿肉汁，牛味豐富又唔會比黑椒味蓋過，做得好唔錯。

💋滑蛋叉燒，呢盒叉燒用上半肥瘦的叉燒，所以食落彈牙，唔會好嚡，佢D蛋一睇就知質素唔錯，色澤深黃帶橙色，食落都幾滑溜，唔錯。

💋煎釀三寶，呢個三寶同坊間的配搭有點唔同，係苦瓜加青椒同豆卜的組合，幾特別，首先佢苦瓜食落甘甘地，唔算太苦，青椒食落質感脆身，而豆卜就炸到剛好，經過路程回家仲保持到脆身的口感，而佢地共同的食材，魚肉味道唔錯，食落彈牙，而配埋特製的豉油，帶一點甜味，唔錯。

💋南乳雞翼，小時候工人姐姐煮得最多的雞翼就係南乳雞翼，小時候唔知點解，到大個就明白，因為煮法簡單，而且香口好受孩子歡迎。而呢個同小時候的味道相似，雞翼SIZE幾大隻下，佢炸到表面香脆，肉質仲保持唔少的肉汁之餘，南乳味又好入味，好正。

💋牛三寶，裡面有牛肚，牛柏葉同牛筋，佢好慷慨地比左唔少鹵水汁去浸住，所以食落都唔會太乾，佢鹵水汁味道香濃，三寶鹵得好入味，而且口感都彈牙，最重要係冇臭味，食落牛味都幾重下，正。

💋樽仔烏龍茶及凍檸茶，杯凍檸茶茶味香濃，配埋清新的檸檬味，解膩一流，而佢支樽仔烏龍茶好似琥珀咁明亮的茶色，味道溫和味道又如花般的清香，好飲。

人均價格－ hkd 100 (Dinner)
評分－ ❤️❤️❤️❤️❤️ (最高6分）

講起鐵板餐餐包正 就去食咋一咋
新出慢煮鐵板套餐系列 好少選用美國安格斯封門柳 低溫慢煮突出肉質味道
頂級西冷牛扒份量十足 配菜又豐富
晚市5:30pm 起 只需$38 可追加多款滋味小食

好味，抵食
老香港地道的小吃，正！
服務
內用
餐點類型
午餐

係沙田新城市搵餐廳，路過見到門口以綠色做主調嘅港式風格永年，行前一睇先知原來永年已經唔只車仔麵😛晚市仲有好多港式小菜同小食，入面嘅卡位坐得都好舒適呢🙌🏻

🔸佛跳牆金湯麵（優惠價HK$88）
店員推介而家做緊嘅優惠車仔麵，竟然係到食到佛跳牆嘅車仔麵，好高級呀😎店員上菜時會即場倒啲金湯出黎，入面有紅燒八頭鮑，鮑汁炆花膠，金壕，壕皇大花菇，老虎蝦乾，金華火腿以及菜心，提提大家呢個係夜晚先有架😆

🔸鮮菠蘿沙嗲牛肉粉絲煲（HK$118）
港式小菜我就最鍾意食煲仔菜😍呢個嘅沙嗲醬好濃，無論係牛肉定粉絲都吸晒味，甜甜地好好事，配飯好match👍🏻

🔸懷舊蝦多士（套餐加購價HK$20）
呢個蝦多士係用懷舊設計嘅碟裝住，仲係即叫即炸，食落口感好脆卜卜，值得一試😁

🔸蠔油菜心（HK$26）
呢個菜心可以自選要多/少/走壕油，份量都唔少，叫返碟菜就健康啲啦😛

🔸抹茶紅豆冰&紅豆奶茶冰
套餐都可以加錢配特飲，呢兩杯都好唔錯呀🍹奶茶冰就奶茶好濃滑，紅豆都好香甜，竟然有配抹茶都係第一次見，好有新鮮感🤠

車仔麵好好食，湯夠辣夠濃味，餸多選擇又新鮮。

車仔面好食！室內環境舒適！
服務
內用
餐點類型
午餐

🍖｜美國極佳級封門柳｜HKD228
美國安格斯，低溫慢煮，選了5成，肉質嫩滑軟腍。
洋蔥圈墊底避免肉質過熟。

🍖｜西班牙熟成有骨白毛豬扒｜HKD188
份量多，兩大塊，豬扒嚟講唔會乾身，幾juicy。鐵板會將肉同蔬菜分開擺。

🥘｜酥皮周打蜆肉魚湯｜餐加HKD15
足料‼️蜆肉,魚,薯仔份量多，酥皮脆薄。

🥪｜招牌香脆蒜蓉包｜餐加HKD18
聞落相當香，咬落厚厚牛油味，蒜蓉味可再岀。

#蝦多士配薯條 ⭐️⭐️⭐️⭐️⭐️
#煎釀三寶 ⭐️⭐️⭐️⭐️
#叉燒煎蛋飯 ⭐️⭐️⭐️⭐️
#蔥油雞扒撈丁 ⭐️⭐️⭐️⭐️
#菠蘿冰 ⭐️⭐️⭐️⭐️
#紅豆冰 ⭐️⭐️⭐️⭐️
永年呢個名相信大家一啲都唔陌生，今日突然之間想食個港式下午茶，出開沙田咁就梗係去呢間永年冰廳打個靚卡啦
⭕️煎釀三寶嘅魚肉係用真嘅鯪魚肉好香好足料
⭕️蝦多士炸得好脆而且啖啖蝦味仲有入口即溶嘅感覺
⭕️呢間冰廳嘅裝修好有懷舊風味好多打卡位
⭕️食炸嘢當然唔少得配番杯紅豆冰同菠蘿冰爽一爽
⭕️叉燒煎蛋飯好足料好大舊叉燒
⭕️蔥油撈丁一啲都唔乾仲啖啖蔥油味
⭕️價錢平民好抵食
⭕️食物款式多，基本上茶餐廳叫得出嘅都有得食
服務
外帶
餐點類型
午餐

新城市廣場地下一直都係有好多餐廳，今日突然之間好想食扒，就搵到呢間港式扒房！我知道永年嘅車仔麵好出名，但呢一間餐廳以食扒為主題，餐廳裝修有懷舊feel！

鐵板唔錯 幾有風味
服務
內用
餐點類型
晚餐

男神麵，好難食，得麻油味

高檔車仔麵，平均車仔麵套餐為68~128，包飲品。奶茶及凍咖啡好飲，車仔麵平均以下，粗麵有點生，食完好口渴😔，豬腸有D臭。

評價咁好 ，因為佢地有推優惠，如果評價五星就可有廿蚊下次用，優惠券只適用於同一分店，但應該唔會再幫襯🥵。
服務
內用
餐點類型
其他
餐點：3
服務：3
氣氛：3

好耐無食鐵板餐，要叫返個懷舊一番。

有周打蜆肉魚湯同招牌港式牛尾羅宋湯。

升級埋紅豆冰同菠蘿冰👍🏻

美國極佳級封門柳同雜扒餐幾大份，升級美味。
服務
內用
餐點類型
晚餐

二人鐵板餐的食物非常豐富，有主菜，餐湯，小食，餐茶，先揀兩個主菜！竟然有聖誕限定的聖誕燒春雞！

招牌港式牛尾羅宋湯酸酸地好開胃！
周打蜆肉魚湯裏面有好多顯肉，忌廉好滑，好鮮甜！

薯條脆卜卜！
酸忌廉煙肉焗薯出嚟熱辣辣，自己加酸忌廉同埋脆卜卜的煙肉粒，惹味！

美國安格斯封門柳
鐵板餐的配菜都好豐富，有蕃茄、西蘭花、粟米、雞髀菇！
分量十足的封門柳，厚切，肉質又稔又嫩，一咬就開，完全沒有筋！配黑椒汁好惹味！

招牌鐵板佛跳牆車仔麵
這個佛跳牆相當有驚喜，本身由細到大我都好鍾意食脆麵，完全沒想過鐵板上面都可以見到炸麵！還有非常多的餸，有金蠔、厚花膠、鮑魚、厚冬菇、蝦乾，全部都真材實料！香口脆麵加上甜甜地的醬汁，入口不會乾！
服務
內用
餐點類型
晚餐

秘製瑞士雞翼必食👍🏻 甜甜地，而且好新鮮，熱辣辣，骨可以直接甩出黎
餐廳環境帶點懷舊嘅感覺，播嘅歌都係耳熟能詳既廣東歌🎶就連桌巾都帶點懷舊
服務
內用
餐點類型
晚餐

味道唔錯 推介芝麻西多士配雪糕🫶🏻👍🏻 …

餐廳裝修好有香港特色，充滿懷舊感，而且環境舒適，座位十分闊落，私隱度極高

點了安格斯封門柳鐵板餐，牛味濃郁軟淋淋👍
服務
內用
餐點類型
晚餐

永年車仔麵好吃，環境也衛生，服務也好👍👍 …