花火洋食

這是一個休息和吃飯的好地方。這是一家咖啡館風格的餐廳。用餐時您可以看到高爾夫球場的美景。晚餐套餐價格為$78起。我點的食物味道也很好。

高爾夫球🏒中心餐廳新體驗✨

寶雲酥紐西蘭羊架配燒汁：羊架烤焗得剛剛好，不會太韌，而且多肉汁，有豐富的蒜香味，並配搭帶點蕃茄味的薯蓉和蔬菜🥒，味道不錯。

意式芝士三重奏薄餅🍕：薄餅份量看似很少，但其實也挺飽肚的。薄餅餅底既薄又香脆，🧀芝士味十分香濃👍🏻。

脆炸洋蔥圈🤤：酥脆的外皮包裹著大大的洋蔥圈，超級美味！

玫瑰朱古力🌹☕️：朱古力香滑，散發着淡淡的玫瑰花香味。

玫瑰蘋果花茶🌹🍸🍎：味道清新怡人，並有玫瑰花瓣點綴，口感清涼。

📍 花火洋食 ：屯門龍門路54號屯門高爾夫球中心餐廳

週末好去處

約左朋友打golf, 打完見肚餓，就入左去呢間餐廳食野點同抖下，朋友話有時都幾多人，好彩唔洗點等位，入左去發現都幾清靜，岩曬一路傾計，一路食飯，都有好多人同一家大細來食。

我地叫左個二人set dinner, 其實都好似西餐廳咁，有湯有前菜，有pizza, 意粉, 焗飯同扒，都幾多選擇。

餐湯係椰菜花湯，清清地都幾開胃，唔係一般一係忌廉一係就羅宋湯，呢個幾有新意。

主菜選左意大利巴馬火腿卡邦尼意粉, 意粉硬度適中, 入面亦有唔少菇，啲洋蔥好香，唔會太咸，意粉好怕會太乾食食下無汁，呢個好彩唔會。食得岀好足料，同新鮮整既，上枱仲係熱既，好食！

另外，和風雞肉薄餅, 第一次試有燒汁既pizza, 唔錯, 選左薄底的，配上焦脆的餅邊, 味道鹹香芝士味重, 配搭好豐富，唔會太漏，最岩一路傾計一路食，停唔到，食下食下好快食曬。

啲侍應好friendly, 見佢地又幫人影相，又主動加水同收碟，又會問你啲野好食嗎，怪唔得咁多街坊幫襯。

呢到整體環境幾好，食物唔錯，已經做左我飯堂，下次打波一定再來！

🍴日本西京味噌醬焗豬鞍架
豬鞍架十分厚實，肉質鮮嫩多汁，要上乘的豬鞍，但味噌醬有點過濃，比較重口味，塾底的薯蓉本來就有調味，但加埋味噌醬就更鹹了。

🍴意式瑪格麗塔薄餅
採用了意式薄餅的製法，是薄底型的pizza，配上焦焦的餅邊，香脆，蕃茄仔同芝士量一點也不欺場，十分滿意。

🍴餐湯及飲品
正常水平，餐湯略鹹。

食物美味，環境寬敞（室內室外都有座位）

躲在高球場內的隱世西餐廳

在康民署的高爾夫球場內就藏了一家隱世西餐廳，一直以為餐廳只供打波人士內進 (球場的高門已令人感到卻步)，但其實任何人士都可進內看別人練習，在餐廳內用膳。 當日我就架車，一試這家隱世餐廳，順便打一場波！

星期日的晚上，餐廳未見滿座，但多見是聚會，一家大細進內用膳。環境頗優靜舒適，地方亦寬敞，聚會確是不錯選擇。

。越式春卷 妹子我對炸物存有情意結❤️，炸物除了要夠脆，粉漿不會過多，最重要就是要即煎即炸！普遍即炸的食物外邊是金黃色的，而翻炸的，外邊顏色就會偏深黃。 明顯我吃的春卷是即炸，每咬一口是熱騰騰的，而且白蘿蔔絲配木耳豬肉碎，帶有少少汁，好味！

。南瓜🎃餐湯 未算是很滑，但勝在南瓜味香濃，足本湯！

。焗豬鞍 未食賣相已很吸引我😍。豬鞍不肥膩，沒有多餘油脂肥膏，需焗得熟透但不會過硬，配上鹹鹹地的西景味噌醬，又幾好味的唷！而且份量亦很大，足夠兩個細食的人享用。

。帶子忌廉汁意粉 帶子煎得剛好，忌廉汁亦不膩，重點是意粉煮得有咬口，各樣配合在一起，YUM!

。餐飲 總結， 環境清靜是吸引我的地方，因在這繁忙的生活，總想找一點寧靜。而這裡的食物亦高質有心思，不錯👍🏻

高爾夫球場內餐廳
放工後來到屯門高爾夫球場，發現一間隠世餐廳「花火洋食」。
地點位置有少許偏僻，餐廳有小佈置營造氣氛，如有打卡花牆，而窗外可以看到高爾夫球場草地。餐廳後面更有書架 ，可供客人閱讀。
點了日本西京味噌醬焗豬鞍架$168:
晚市(6:00-8:45pm)可以免費升級至套餐，配是日餐湯及餐飲。
是日餐湯:瓜菜湯，湯味濃郁，飲完曖笠笠，温暖我的心﹗
到主角日本西京味噌醬焗豬鞍架出場，豬鞍架非常厚，大約有2cm，十分足料大份。
豬鞍架以烤爐烤焗，所以能夠把香味鎖在豬鞍內；第一口咬落去的時，肉質偏實，頗為香口，不像街外一般落了鬆肉粉，感覺這件較天然和新鮮。
豬鞍架配以味噌醬，有薯蓉墊底，食法頗特別，配上旁邊的蔬果去吃，頗有驚喜﹗
熱洋甘菊茶:香濃洋甘菊
從後面書架中取出一本書，靜靜地品茶和看書，悠遊自在。
餐廳環境悠閒，少了速食感覺，多了一份慢活感，望住綠油油的草地食飯看書十分之chill~

有誠意的小店，外面就是高球場，環境舒服，食物質素佳！

青山下的混合花火

第二次晚餐來訪的花火洋食，
餐廳處於屯門的哥爾夫球中心內，
記得第一次來訪進餐的奇遇，
是與太太跑步經過此地，
遇然才發現這間日西式的隱世餐廳，
這次要一再回味在這寧靜環境中，
品嗜美味用心的周末西餐😋。

進入食店第一時間聞到香濃咖啡味，
看到咖啡師傅在勤力拉花，
而且店內以Cafe的環境裝飾，
所以咖啡就被我鎖定為餐飲目標。

🍟奇趣薯條(辣味)$38
夏日炎炎這裡冷氣絕對充足，
所以食返D 邪惡野都不過分🤣
作為前菜小食，粗粗的薯條口感不錯!
配上微辣的七味粉加強香口感，
份量比想像較多令人滿意。

🍖西京味噌焗豬鞍架$168
Pork Loin in Saikyo Miso
用上日本的食材配合意式調味製作，
豬鞍架作為主菜非常吸睛飽肚，
配菜精美奉上，配搭美觀。
豬鞍架厚實肉味重口，
慢煮煎香的豬鞍下有吸盡味噌汁的薯蓉，
是一般西餐廳少有的特別烹調食法。

🍝黑松露忌廉汁煙三文魚扁意粉$88
忌廉汁香草較為濃郁的意粉，
黑松露較為輕量，碎塊煙三文魚與意粉二合為一。

☕️餐飲點了拉花泡沫咖啡及熱檸茶，
咖啡令人滿意，餐前到尾剛剛飲完😋，
熱飲較為細杯，店員要添熱水幾次，
如果能盡善盡美，熱飲杯可改為大杯更好👍

👅美味: ⭐️⭐️⭐️⭐️/5
✨環境: ⭐️⭐️⭐️⭐/5
💫回頭: ⭐️⭐️⭐️⭐️/5
💡性價: ⭐️⭐️⭐️⭐️/5
💆‍♂️服務: ⭐️⭐️⭐️⭐️/5

聽人講話呢到好好食 咁住開附近當然要一試啦
不過其他唔係住咁近既人都可以黎架 呢到係政府GOLF場黎 配食晚飯就岩 未黎過既輕鐵 輕鐵車廠站落

呢到裝潢雖然簡單，但都有一種溫馨小店既感覺架。

黎到叫左兩樣野食

第一樣係黑松露三文魚籽意粉

呢到既意粉好creamy 而且黑松露都好多 好大陣既香味 配合埋三文魚籽 好好味

另一樣就係澳洲牛扒喇 佢既牛扒有10OZ 都好厚

我叫左5成熟 CUT開真係煎得岩岩好 食落成塊都好腍 不得不讚廚師手勢

其他配菜燒左都好好食 我覺得都值回票價啦

自從前年我哥教我打高爾夫球後，
間唔中都會約個時間做下運動

今次政府既全民運動日，梗係就預先BOOK左去打啦~~BOOK左4-6PM，打左2個鐘真係手都痛、腳又痛

我哥就建議不如去屯門高爾夫球中心內既餐廳食埋飯先走我先第一次知道原來呢度都有間餐廳架~
個FEEL有D似人地度假村的餐廳咁佈置得幾有假日FEEL，岩曬我地呢D輕鬆起香港玩下、休息下既人

仔細睇下個價目表都幾實惠下最初以為開到咁入，應該迪士尼價吧~~白湯….粟米忌廉湯，茶餐廳既質素，OK既和風鮮蝦菠蘿胡麻沙律老實講只要落左芝麻醬既沙律真係實無死咁咁好食沙律菜無苦、蕃茄仔又不酸，所以個味CONTROL得幾好蝦就得3隻去點綴下，份量都幾大，夠2個人SHARE

我點左薄荷朱古力、我哥就點左檸檬梳打水我呢杯的確有出面CAFE既質素因為朱古力濃味，同埋有碎朱古力起底….薄荷味都好出，好香美國特級肉眼牛扒8安士由於我同我哥剛剛做完運動，大家都唔想食得太飽但又想食好D….咁就叫左個扒SHARE質素同樣的是CAFE質素因為肉眼扒都好厚身、脂肪不多，好JUICY七成熟的口感好鮮嫩，同埋牛肉味重旁邊蔬菜的拌碟都一樣精彩唔會淋身，仲好爽脆

樸實嘅裝修，只有簡單嘅佈置，但乾淨企埋，用餐地方都好闊落㗎，枱與枱有一定距離👌🏻。

日本西京味噌醬焗豬鞍架及香煎紐西蘭羊架配燒汁
有水準，滿意👍🏻

整體來講比我想像中更好、 職員又有禮貌、食物質素又高、環境又實敞、仲可以一邊食野一邉欣賞人們練習😘

【高爾夫球場隱藏版西餐廳⛳️】

🔸日本西京味噌醬焗豬鞍架 $168
豬鞍架份量足料，十分厚實。帶有適量脂肪，無根。肉質爽口又嫩滑，鎖到入面肉汁。上層塗上了西京味噌醬，好香。味道濃郁，重口味朋友應該會鐘意。

🔸和牛漢堡包配薯條 $128
圓木盤上菜，漢堡高度有返咁上下。和牛漢堡扒幾厚，脂肪分佈平均，咬落肉質夠鬆。配上熱辣辣薯條，排列好似層層疊。仲有少少沙律添～
________________________________________________

由於有晚巿優惠(6pm-8:45pm)，凡惠顧任何主菜/。意粉、薄餅，都可免費升級至套餐。配上是日餐湯及餐飲。是日餐湯忌廉湯，不過不失。

餐飲方面：
🔸沖繩黑糖咖啡
黑糖甜度足夠，不用刻意再落糖。

🔸玫瑰鮮奶咖啡
奶泡與咖啡層次分明，攪拌後有淡淡玫瑰香味。

整體黎計，開係高爾夫球場入面，質素算唔錯。雖然裝修唔係華麗派，行簡約風，以乾花為主要點綴。環境乾淨企理，主要係方便到打波人士，唔洗出去都搵到食。食飽飽又可以繼續打波！

日本西京味噌醬焗豬鞍架 豬鞍架好厚切有接近一吋厚 外面煎得金黃色入面仲係juicy 生熟到啱啱好 豬鞍扒配上西京味噌醬 有清新嘅味道 薯蓉竟然番茄味 有心思

記得之前已經去過食一次，戈次話下次會食all day breakfast，不過今次去都係比佢個晚餐menu吸引左哈哈。每次去都覺得成件事好chill，係個大草地入便，啲燈光又好柔和，仲有啲書，好似去左文青cafe咁。

其實細鋪黎講個晚餐menu真係好多野食，有主菜、意粉飯、pizza同埋小食可以簡，仲有一堆野飲。今次就叫左芝士煙肉意式茄醬扁意粉、日本西京味噌醬焗豬鞍架同埋蜜糖雞翼，野飲就簡簡單單叫左杯凍檸茶少甜。唔好睇個芝士煙肉意式茄醬扁意粉既碟好似啲法國餐廳碟咁，但其實佢一啲都唔淺，有好多意粉係入便，正餐黎講份量係正常既。個味就真係典型肉醬意咁，不過啲汁就稀啲，所以唔會話好濟，最緊要係個芝士都唔漏。

仲有個好西利勁既日本西京味噌醬焗豬鞍架，睇落真係好似成隻豬手咁，個味就鹹鹹地，如果配個飯或者意粉就真係完美啦！不過最鐘意係佢個皮係unun地，好有咬口，加埋入便啲肉，個口感真係好正。然後就到蜜糖雞翼啦！超超超超正，又脆又熱，好明顯真係岩岩炸起，加埋個蜜糖真係好好味，又甜又熱氣哈哈，係小朋友最愛！

不過睇番個menu仲有好多野想食，又係要覆卓啦！

屯門有一個高爾夫球場， 環境清靜，與大自然為鄰
在高爾夫球場內的餐廳吃一頓精緻的晚餐，也是十分享受。
餐廳裝修給人一種溫馨舒適的感覺， 讓人想坐在這裏靜靜的享受一杯咖啡。
點了意式馬格麗塔薄餅，薄而香脆的餅底， 配上新鮮蕃茄和芝士，香氣十足 味道也十分不錯 。番茄令人感覺十分清新， 配上邪惡的拉絲芝士， 香而不膩。
另一主菜為意式煎盲鰽魚， 表皮煎得香脆，而魚的肉質仍然保持滑嫩。有水準
最後再加上餐飲， 在舒適的環境中，喝著檸水檸茶聊天，也是不錯的享受。

上星期六晚同朋友出左屯門高爾夫球中心試玩高爾夫球，玩到餓餓地去左裡面間個名叫花火洋食的餐廳食晚餐，店舖唔太起眼，但估唔到野食竟然有驚喜。

入到餐廳坐低左之後，我同朋友睇下餐牌，食物主要是以西餐為主，同店名一致。朋友是“意粉”控，最後點左個日式西餐 – 香煎帶子和風白汁味噌忌廉意粉。意粉的味噌味和紫菜味好夾又唔會好咸，配白汁味道令人回味。

而我就點左美國特級肉眼牛扒，熟度是五成，好有牛味之餘，唔會嚡同韌又有肉汁，好快我就同朋友清左碟。

最後同朋友點左杯咖啡，為整個晚餐劃上完美句號。

今晚約左朋友去屯門高爾夫球場玩左一陣，打完緊係搵間就近嘅餐廳e下個肚。呢間嘢就係高爾夫球場入邊，非常就腳。

是日餐湯
今晚係味道特別椰菜花湯。 口感是一大堆的菜蓉還在湯肉，落料十足，味道有少少似白蘿蔔，帶少少清甜。

蜜糖雞翼
那層厚蜜糖在雞翼表面燒得小小焦脆，是BBQ時最愛的味道，外脆內軟，內還有肉汁。盤上還有很多的蜜糖，如果喜愛甜的，可以再沾多啲蜜糖食，真心好好味。

泰式意大利粉
泰式的表現在便用了冬陰公味加忌廉白汁，味道出奇地夾， 冬陰功嘅酸辣中和了忌廉白汁嘅厚重感， 另到食落十分之清爽， 即使攤凍咗都好好味。 有四隻蝦， 對得起價錢， 屬於彈牙肉質。 意粉軟硬度適中，剛剛好。

日本西京味噌醬焗豬鞍架
豬鞍架大大塊又厚身，性價比高，有咬口，配上鹹鹹地嘅西京味噌醬，非常夾，佢薯蓉都撈滿左西京味噌醬，好野味。

奶茶
偏好茶味重的至愛，茶底很香。建議落半包糖或以下 味道會比較夾

和朋友打完高球，結伴到這間高球場內的餐廳食晚餐。

蕃茄湯
茄味香濃，酸度適中，朋友讚不絕口。

蜜糖雞翼
雞翼大大隻，肉質鬆嫩，而且很滑口。

意大利巴馬火腿卡邦尼意粉
意粉軟硬適中，煮得恰到好處，每一啖都有濃濃的芝士味。

香煎紐西蘭羊架配燒汁
羊架有3件，每件肉質都很嫩滑，羊羶味不重，配上燒汁是完美的配搭。

菠蘿柚子茶
抽子味突出，熱辣辣有助暖胃。

玫瑰蘋果冰茶
有蘋果的清甜味，又有玫瑰的花香味，是水準之作。

下次再來打高球，必定會再光顧。

和媽媽一起度過一個愉快的工作日♥️

隱世高爾夫球場餐廳

自從學打哥爾夫球後，經常入屯門練習，之前試過一兩次喺度食中午飯同下午茶，但係晚餐今次算係第一次。呢度除咗禮拜六日比較多人之外，平日一至五人比較少人坐得鬆動同舒服。

南瓜湯普通水平。

越式春卷炸得唔錯。

和風照燒雞串都有普通居酒屋水準。

紐西蘭一級肉眼扒水準拍得住頂級扒房水平，我要5成熟，真係做到5成，所以肉眼扒好淋好有牛味，又juicy ，口感一流，牛魔王一定喜歡。

意式芝士三重奏薄餅，真係有好多芝士，薄餅亦焗得好好，雖然好多芝士但係唔會覺得 ’漏‘。

再叫咗兩個特飲，青蘋果同蜜桃梳打，賣相真係唔錯，如果水果味重啲會更好。

喺呢度最好打下波食吓野再打波，而泊車係免費嘅無限時，拍幾耐都冇問題。就算特登入嚟食都係唔錯嘅選擇。

早前墊屋翻出封咗塵嘅高爾夫球棒，挑起條筋，今日就去咗新屯門中心對面嘅高爾夫球中心，打咗兩個鐘，雖然輪流打都好攰，太耐無打喇。
打完就去高爾夫中心內嘅餐廳休息吓，食啲嘢。

以前妹子响對面新屯中學完琴，都會過嚟呢度食嘢嘅，太耐無嚟，餐廳都轉咗手，而家改咗名叫花火洋食。洋食，究竟係東洋定西洋呢？
原來係東西洋都有嘅混合菜。

本來想飲杯嘢休息吓就算，但發現6:00後有晚市優惠，叫主菜、意粉或薄餅，就有餐湯同餐飲送，既然價錢又唔係貴，橫掂都要搵地方食晚飯，一於係度食，唔想走來走去啦。

餐湯係甘筍南瓜湯，有好香甘筍味，食到有南瓜蓉，清新好味又健康。:yummy:

和風明太子海鮮薄餅$108，薄餅係香脆嘅薄底嚟，上面蝦肉色嘅係明太子沙律醬，餡料係迷你版青口、蜆肉、魷魚、蝦仁…，仲有紫菜絲同木魚絲，加埋照燒醬，口感豐富，味道咸咸香香又幾好食喎:yummy:

日本西京味噌醬焗豬鞍架$168，又係一款東西洋的混合菜，擺盤同顏色唔錯都幾靚，配菜有椰菜花、刀豆同翠玉瓜，豬鞍架好厚又大件，肉質唔韌又有肉香，估唔到點味噌醬又夾喎，對我呢啲淡口味食客就咸咗啲，同行就覺得啱啱好，讚！

追加咗個小食，吉列芝士魷魚餅$48，魷魚餅外脆內軟又彈牙，食到一粒粒嘅魷魚肉架，芝士流心~正呀，好好味喎。

餐茶揀咗菠蘿蜜桃茶，好香蜜桃味，解渴一流。
同行揀咗焦糖咖啡，離遠都聞到香味，佢話好好飲喎。

見佢有午餐、茶餐同晚餐，日後要多啲嚟做運動，可以順便食埋嘢先走。

發掘到打高爾夫球的地方，
我book了一枝球棍和無限球，
1小時都係HKD60

晚市優惠
惠顧主菜，意大利粉，薄餅都可免費升級至套餐，
有湯及餐飲。

是日餐湯
忌廉粟米濃湯

意式芝士三重奏薄餅
一上枱熱辣辣，邊位好脆，餡料亦充足，
芝味無窮

和風柚子蜜椒燒吞拿魚
食得大廚有一定功夫，調味做得不錯，
連蔬菜都有細心調味，伴碟亦有心思，
無諗過吞拿魚配柚子蜜係咁夾

最後似玫瑰拿鐵和榛子拿鐵做完結

喺屯門哥爾夫球中心隱藏著一間別緻嘅西餐廳，係少有喺政府康體設施附近嘅好味餐廳，唔係咁岩今日黎開打GOLF 都唔知呢度

Happy Friday來到屯門高爾夫球場，這裡除了打GOLF外，還有一間隠世餐廳「花火洋食」。
雖然地點有少許偏僻，不過地方夠晒幽靜，佈置温馨，後面更有書架可供閱讀，窗外更可以看到高爾夫球場草地。
點了日本西京味噌醬焗豬鞍架$178，配是日餐湯及餐飲。
是日餐湯:甘荀湯，湯味濃郁幼滑，飲完夠晒暖胃﹗
而主角日本西京味噌醬焗豬鞍架，豬鞍架非常厚，十分足料大份。
而豬鞍以焗爐烤焗，所以能夠鎖住香味肉汁；一啖咬下去的時，香口JUICY﹗
特別的是配以西京味噌醬，調味剛剛好，不會過咸﹗還有薯蓉墊底，配上旁邊的蔬果，開胃清新﹗
飲品點了凍玫瑰朱古力:上面有玫瑰粒，朱古力味夠香濃﹗
值得一提的是，餐廳侍應夠熱心，會問冷氣會否太冷，是否需要轉換位置等，倍感窩心﹗
在後面書架中取出一本書，靜靜地看書吃晚餐，悠遊自在。