雙辣

【屯門GOGO Mall 抵食川菜 – 雙辣】

話說天氣凍凍地
好想食下川菜暖下胃
見到GOGO Mall 有間新開川菜
由屯門地鐵站E出口，經VCity穿過一田百貨行出路面，再行幾分鐘就到
原來GOGO Mall 是雅都花園的新商場，入去見food court，行到最入就是「雙辣」
.
門面見到好高檔，似是大商場的高級中菜館
裝修好文雅，濃濃的中國風
而且卡座寬闊，好適合一大班朋友、家庭聚會
.
川菜，當然要點酸菜魚
辣度可選擇，我們點了微辣
$138一大盤（不是一碟仔，是一大盤！）
淨是叫個酸菜魚，都好夠2個人食
魚塊帶有海鮮鮮甜，一點也不腥
而且肉厚，加上酸菜食，十分滋味
除了魚外，還有很多酸菜、荳芽、寬麵（好Q彈）及其他菜，十分足量！
.
麻辣香鍋也是必選
香口而且豐富，也是一大盤的
價錢depends on 自選材料，也是$120左右，given 份量多其實好抵食
.
川味麻婆豆腐 $48
豆腐好滑，加上肉碎，伴飯食十分開胃！
.
巴蜀口水雞
$68 的骰嘅口水雞，賣相精緻
雞件也不少，雞肉嫩滑，正宗的巴蜀風味
.
四川擔擔麵
本身怕不飽所以叫了一個麵，但其實淨食餸都十分飽
擔擔麵香濃，麵彈牙有掛湯的效果
$48一碗唔貴
.
豆腐$10枝
.
屯門終於有間正宗、價錢貼地的川菜
加上坐得舒服，服務又好
值得再來

垃圾侍應，態度極差

酸菜魚一般般，

魚肉無咩味，太厚太大件唔夠滑。
開頭個湯唔夠酸係後來啲酸菜愈浸愈出味，會愈黎愈咸同酸。整體食落價錢太貴魚肉百幾蚊黎講份量比較少、同埋味道唔似川菜，似係屋企整既。

啲飯好有問題，佢食落去唔係普通餐廳一般嘅飯，係比較差啲嘅飯,有少少噏味、好散好似放好耐唔新鮮既米咁。但佢十蚊碗又裝得幾大碗。

另外佢個魚有好多菜做配菜，魚肉比較少，食落覺得食緊酸菜煮雜菜😅

主打川菜係屯門幾乎係獨市咁滯，我好鍾意食川菜，等我見到開左仲勁開心，不過始終未試好多菜式，都再會去試下其他野。

如果食酸菜魚我都係會搭車去旺角食老川皇，老川皇既lunch酸菜魚好似係五、六十蚊仲包一碗飯。魚肉分量同呢一間收130幾嘅一樣。問題係佢似係大陸食到既川菜，有煎魚骨做湯底，酸菜份量夠多，有埋泡椒同酸蘿蔔，魚肉都好夠滑。

再提一提灣仔既湘蜀人家，我鐘意佢地lunch既水煮魚，152蚊有魚肉份量多呢一間既一倍，包一盅燉湯，仲包一碗好香寫明咩絲苗米既飯。所以我覺得雙辣真係幾貴下，風味又未夠好可惜。

無寫明有無得大中小辣，我食得辣但見其他食評話水煮既唔夠辣，所以試左酸菜既先。

屯門GOGO Mall新開🔥🌶 好味川菜

有嗜辣朋友帶路, 知道屯門V City兩分鐘路程嘅GOGO Mall大裝修後food court勁靚又多好野食, 佢食過li間”雙辣”川菜嘅lunch就帶左我地黎Dinner🥢.
🌶
水煮羊肉 (HKD128)
川菜點可以唔食水煮🔥, 之前食過間好”開心”嘅連鎖店啲水煮係一大盤入面只有幾塊肉勁sad. Li盤水煮羊肉食極都仲撈到, 肉質好易咬開, 辣度十足, 食食下原來仲有好多寬粉同蒿筍, 完完全全吹收哂水煮嘅精華, 勁想另外嗌多少少寬粉唔好嘥個水煮汁底😋.
🌶
孜然香辣牛肉 (HKD78)
加入孜然粉炒嘅餸, 獨特孜然香令人停唔到口, 廚師以蒜芯, 紅葱頭, 原粒蒜, 薑, 椒炒得非常之惹味, 送飯perfect!
🌶
酸辣土豆絲 (HKD48)
薯仔切絲, 酸辣style, 條條薯仔絲佈滿辣椒粉又爽又好味, 酸同辣嘅味道比例調較得balance. 份量仲要勁大, 3個大人都覺得多.
🌶
四川擔擔麵 (HKD48)
擔擔麵本身足料好味, 湯底濃稠, 麵質又滑, 送辣嘅餸會有啲嘥左, 好彩喺啲餸黎之前已經食哂, 點菜紙細心地有一欄”特別要求”, 下次點不妨試試寫低一個辣字話唔定有驚喜呢.

食物質量好新鮮，酸菜魚酸味配得合當，旦旦麵好繟牙,自選干鍋好好味材料新鮮，服務很友善

今天天氣有點焗熱，焗到胃口麻麻地又懶得煮飯，於是就去雅都商場的一樓美食廣場探索下。
.
入面餐廳真的很多，不過我就揀了坐得最舒服的雙辣，入邊有卡位坐，裝修很有中國庭園風，很適合一家大細來吃。
.
我和媽媽兩個人就叫了兩個餸及一個白飯：烤魚（鱸魚）及京醬燒茄子。
.
烤魚（鱸魚）- 很懷念到國內食烤魚的日子！估不到原來在屯門這裏都有得食而且價錢合理味道十分滋味！鱸魚一整條上，十分新鮮食到有鮮魚的鮮甜，條魚都好大隻啖啖肉。
而且烤魚內有很多不同的材料，包括寬粉、粟米、芽菜、木耳、蒿荀等等，所以我和媽媽叫一個飯兩個人分都好夠。
而且湯底酸得好開胃，本身以為咁大條魚食唔晒，點知越食越好食、越食越開胃，神奇的事情發生了，食得一乾二淨！
.
要食得健康所以就叫了一個蔬菜。這個京醬燒茄子，賣相已經告訴你十分的惹味，不要被他的紅又嚇怕其實他不算很辣。而且燒得很香加上點點肉碎，我和媽媽都不禁食完又食……
.
相信在這美食廣場，坐得最舒服又好食的就是這間雙辣了，如果想食平啲，見到有外賣自取優惠好抵食。 #雙辣

久違黎到屯門一於食下啲非連鎖到爆嘅食肆拉，見放假唔怕就食麻香辣全包嘅川菜。黎到啲川菜館總有種去左古代嘅感覺，餐廳環境好有氣氛，掛滿傳統燈籠。
.
🔷自選干鍋 💰181
(香辣鍋底、小辣、肥腸、鮮魷、秋葵、豆干炸蓮藕片)
自選干鍋岩哂要求高高，鍾意自選配搭嘅人。茜控緊係對個賣相深表滿意，香辣底當然夠香夠辣而唔係得個麻字，小辣對好多人黎講真係岩岩好夠凸。肥腸同鮮魷夠爽夠韌，而豆干同炸蓮藕片就係干鍋常客，非常正宗同食到好夠候。
.
🔷酸菜鮮魚片 💰142
酸茶魚呢個價錢係好親民，魚片夠滑無骨，即刻搵到都係大骨。配菜有芽菜，入到個酸酸辣辣嘅味，相信會有人飲埋個酸菜湯添。
.
🔷涼拌麻辣脆海蜇頭 💰68
海蜇頭份量一啲都唔少，脆脆爽爽又好清涼嘅一道前菜。

味道恰到好處。經濟實惠。

屯門雙辣，樓面唔算好大， 攞位要親自到現場， 食品質素可以， 份量亦唔算太少， 服態度就一般， 路過一試無妨。

Search 左好內，終於找到一間屯門區正宗川菜，係Gogo Mall ,得4間有服務，其他都係自助形式，天氣稍涼，吃點辣的特別有食慾☺️☺️🌶️🌶️

裝修都古色古香，除了卡座還有幾張大枱，一班人gathering不錯，仲有啤酒、紅白酒生碑

酸菜魚係佢哋嘅signature
當然要試啦，揀咗中辣😋
外相討好，魚片好滑好嫩，大量粉皮，超吸味，魚片份量亦多，完全沒有細骨☺️☺️

毛血旺-通紅一片，除了辣椒就是辣椒，加上麻椒，又麻又香，午餐肉、魷魚、大腸、鴨血 、牛肚、牛柏葉、芽菜、萵筍😌😌
滿足曬所有要求，全部都喜歡食，超入味，辣得過隱😋😋

尖椒爆肥腸
肥腸夠晒入味，夠晒軟爛🤩辣椒冇去籽當然比較辣，越食越辣，越辣越過癮，真係停唔到口😌😌

全是一間很正宗嘅川菜館，價錢實惠非常抵食，下次吾揸車可以chill一下😬

一直覺得好好食，但上次係門店食食出曱甴之後唔會再去第二次⋯⋯

店員態度差

餐廳員工十分好人😍
服務
外送
餐點類型
晚餐

今日天氣涼涼地，好想食辣野，去咗雅都商場食呢間雙辣。
水煮牛肉牛肉嫩滑，牛味濃，仲有萵筍又爽脆，薯粉又煙煙韌韌，芽菜又爽，辣度又適中好好味。
乾煸四季豆，用欖菜和肉碎一起炒，炒到好入味，四季豆又爽脆。
鎮江小排骨，排骨酸酸甜甜幾開胃。
椒鹽鮮魷，外層炸到好鬆脆，鮮魷又爽口👍👍👍

不過不失