Red G

美味的食物和優質的服務

忌廉南瓜湯：食得出嘅南瓜蓉，濃香嘅南瓜味，細嚼之下有粒粒嘅南瓜碎，屬於比較有口感嘅南瓜湯。

水牛芝士蕃茄沙律半意大利黑醋汁：蕃茄新鮮多汁，配上黑醋汁異常開胃。

帶子紫薯意大利飯：飯粒帶有紫薯甜度，紫薯蓉又提升返嘅黏度。帶子大大粒啖啖肉香口彈牙。

酥皮焗羊架：超級推薦，酥皮好鬆脆，酥皮鎖住羊肉嘅肉汁，令羊肉好嫩滑多汁。真心話，食到大家都讚不絕口，超級好味。配菜都相當出色。

香蕉奶昔.：香蕉奶昔裏面有乾嘅香蕉粒，甜度適中，口感順滑。
朱古力咖啡：拉花賣相吸引，香滑且有香濃咖啡味。

><
Red G Coffee & Dining
元朗馬田路38號怡豐花園B座地下5號舖

真心不錯，食物有用心做，咖啡口感好
餐點：4
服務：5
氣氛：4

必食高格調西餐廳

Red G Coffee & Dining (元朗)
元朗馬田路38號怡豐花園B座地下5號舖

可可朱古力$42
奶味好濃郁，有兩層深淺嘅顏色，賣相好靚，自己撈勻嚟飲嘅時候有治癒感。

牛油果奶昔$44
Tiffany色好靚，味道好特別，有淡淡牛油果香同鮮奶味，口感好香滑。

紅菜頭湯及餐包 套餐加$20
紅菜頭真係好有益，煮出來嘅湯係桃紅色，靚到不得了，有些許粒粒口感非常好飲！

白酒煮蜆$88
蜆肉鮮甜，經白酒煮過鮮味完全被引出，簡直鮮到不得了，蜆肉質感好爽口又嫩滑多汁，一口一滿足。

酥皮焗羊架$168
呢道菜真係超讚，酥皮口感極好，非常香脆，裹住嫩滑軟熟又肥美嘅羊架肉，肉汁滲出被酥皮吸收咗，味道極為濃郁，配搭埋個滋味薯仔同特製醬汁，簡直係極致美味！

芝士焗半邊波士頓龍蝦龍蝦汁意大利飯$178
芝士勁香濃，龍蝦厚多肉多膏，滋味無窮，意大利飯繪汁香濃入味，粒粒均勻，香菇爽脆，性價比好高。

轉咗新工之後~
好少落元朗🙈
不過最近聽朋友分享
話新開咗間唔錯嘅平民西餐廳🍽️
想我陪佢試吓~所以就趁今日Happy Friday
就落一落元朗試吓😆
呢間餐廳都幾易搵，就算我咁路痴都好順利去到🤣佢門口嘅設計主要係藍白灰，有少少北歐風嘅感覺~
.
事不宜遲，一齊嚟睇吓我哋食咗啲咩啦：
1️⃣甘荀湯配餐包
有別於平時食西餐常接觸嘅忌廉湯，呢款甘荀湯就相對係一款健康啲嘅~除咗面頭有少少cream用嚟裝飾~基本上個湯都係用甘荀蓉🥕製作而成~不過就唔係就咁得甘荀，應該係事先炒香咗蔬菜，例如西芹、洋蔥🧅等等，之後加埋甘荀嚟煲湯~煲到咁上下再打成蓉~所以飲落有口感之餘，味道都好濃郁👍🏻餐包亦係暖暖哋，搽埋牛油食係一流！
.
2️⃣酥皮焗羊架（$168）
呢個煮法幾創新，以往只係食過Beef Wellington係會用酥皮包住牛柳同埋其他配料嚟焗，呢個酥皮焗羊架又幾好食~羊架肉質好嫩，保留到肉汁，而且酥皮嘅油香🧈同羊肉嘅羶味幾夾，點埋Gravy嚟食味道再上一個檔次
.
3️⃣煙三文魚配黑松露忌廉雜菌意粉（$118）
呢個意粉好抵食，份量比想像中多，好鍾意佢個意粉醬嘅濃稠度，剛剛好可以掛晒落每條意粉度😍而且啲雜菌嘅味道都好出，應該事先有炒一炒香先再加落意粉度，好味👍🏻
.
4️⃣伯爵茶軟心芝士蛋糕（$48）
甜品方面，朋友揀咗呢款 @heijau.patisserie 伯爵茶軟心芝士蛋糕，我都試咗一啖，唔太甜，伯爵茶味☕幾出，而且我幾鍾意佢實在嘅口感，好smooth，中間亦冇加我唔鍾意食嘅海綿蛋糕，係實實在在嘅cheese cake👍🏻
.
5️⃣宇治抹茶鮮奶（$42）
要養生嘅我，盡量都唔飲凍嘢🙈所以就揀咗呢款久丸小山園抹茶粉沖製嘅Matcha Latte，飲落口感幾綿密軟滑，唔太甜，啱晒我飲
.
6️⃣牛油果鮮奶昔（$44）
朋友呢款牛油果🥑奶昔都幾特別，出面比較少會飲到，呢款飲落幾清新，似乎冇額外加太多糖，係健康嘅好選擇👍🏻
.
整體嚟講，呢度環境都幾舒適，餐廳內播放嘅音樂令人放鬆，室內所採用嘅色調偏北歐風格，唔會令人眼花撩亂，係清新脫俗嘅感覺❤️食物整體性價比幾高，屬於平價有heart西餐之選👍🏻最重要係店員好有禮貌好親切😊

味道不錯，推薦軟殼蟹意粉
餐點：4
服務：4
氣氛：4