和菊(Wagiku Teppanyaki)

高檔鐵板燒，店舖面積細，只有8個爐邊位，不過環境舒適，乾淨。食物質素係重點，食材新鮮，煮法有心思，絕對有驚喜。

食物非常好……但我認為價格過高。

日式鐵板燒料理，地方淺窄，食物服務一流，食材新鮮，價錢貴但值得

小店風情是個人喜好。午餐定價特别合理。原本打算吃最平的套餐，但店長介紹的龍蝦套餐有驚喜。活龍蝦是我覺得今天最精緻的一道菜。用餐環境也理想。一千元的二人午餐，物有所值

｛歡迎follow 食評IG: bigbellyhk｝

上次做冬飯中伏地揀咗西餐廳, 今次團年揀番日式嘢😛

座落係雞地唔起眼既角落頭, 和菊有一個沉實到過頭既門口,😯基本上行過都唔會無端端貢入去, 呢份潛實對比舖頭既心思創意, 有住南轅北轍既對比🥰

必須事先聲明, 佢係走高端路線, 我亦建議各位去食前必定要訂枱留位🤭

舖仔有個8個位, 圍住兩個鐵板爐, 另外有間房仔, 問起先知和菊係元朗開咗兩年, 名氣無元朗三大OMAKASE咁響, 但同樣係高端日式料理, 同鐵皇唔一樣, 客座同爐既距離唔太遠, 伸隻手出去已經可以掂到爐面, 一黎已經有溫馨提呼送上熱茶, 然後開著抽風同鐵板爐既轟隆聲為完美西日FUSION馬拉松拉開序幕😎

第一道上台既刺身, 海老 🦐同甘鯛魚🐟裙邊上枱; 店員解釋番甘鯛魚油份較重, 其他舖頭將魚身部份做刺身, 呢啲邊邊位就炸起黎做開胃菜; 魚油香滲出黎混埋WASABI, 仲有鮮嫩蝦肉, 暖身感覺開始🔥

然後端上清酒煮白貝湯, 輕淡既清湯, 加埋紅綠色海藻將溫度慢慢調升, 熱量慢慢傳到全身肌肉, 能量起動中🌡️

爐頭溫度上升, 師傅將一個個銅鍋仔放係爐面加熱, 另一邊箱將啲凡立貝煎香; 解說員話你知, 呢味係和菊既重點菜, 和菊煙燻北海道凡立貝🌼銅做既小鍋方邊傳熱, 入面放滿菊花同黃糖, 係凡立貝煎香後, 師傅小心咁將個貝放咗入銅鍋度燻🤩 燻煮期間, 師傅將岩鹽粉變成雪花灑落係黑色碟面, 再將日本直送既鮮菊放上碟面, 仲有個杯DRY MARTINI (誤! 係菊花啫喱🤔🤔) 堆砌好, 小心咁將隻貝係銅鍋搬番上雪面, 呢幅靚晝將成餐飯提速至上山路段🤗

再黎就係鮑魚🐚講到明你知唔用牛油, 普通鐵板燒係唔係都用牛油貪佢夠香, 但解說員再話你知, 佢地炮製既係南非鮑魚, 因為唔會太薄OVERCOOK, 亦唔駛太厚肯變韌; 師傅用咗昆布做底將鮑魚離左殼後慢慢煮熱, 保住鮮汁; 煮起後配埋海帶煮出黎既醬汁同埋橙色魚子及雙色海苔, 個組合將個人入左4波, 加速度提升🦸‍♀️🦸‍♀️

另一邊, 師傅用布包蓋既鍋去煎魚, 解說後先明白, 原來咁樣係可以單煎一面魚, 同埋做到蒸既效果, 布面吸晒啲倒汗水, 唔會影響油煎; 重點係個甘鯛魚係無去鱗, 煎香既魚皮同鱗係鬆脆到不行, 好似將威化餅鬆開炸脆咁🤯🤯

跟住另一邊海鮮龍蝦, 師傅耐性地將龍蝦每一面印熟佢, 再慢慢起肉離殼煎香; 抽起黎同法國既ANGEL HAIR煎香既麵餅加海膽汁加魚子, 濃烈組合搶晒每一個味蕾😛

再黎有另一道重口味: 鵝肝, 師傅再一次展現耐性, 慢慢將每一面煎香, 再用叉去試探熟成度, 上枱後跟麵包同彩色水果, 薄薄麵包盛載住厚厚鵝肝, 咬入口油份爆出黎, 再一次霸道地搶佔味蕾; 兩道重口味送你上高峰🗻

準備落山前, 以一個平淡日式沙律, 有甜度高既溫室蕃茄, 清爽既水菜, 仲有海苔做既彈牙粉條; 平平淡淡清清口; 小休準備最後直路🏃‍♂️🏃‍♀️

師傅詢問每位客人和牛🐂熟成要求後再開始表演, 將兩塊A4和牛, 一變二, 二變四, 四變八咁; 爐既另一邊亦都整齊燒起左唔同既時蔬; 燒好後和牛同時蔬仲有岩鹽, 鮮WASABI, 海苔同埋蒜片上枱, 唔同既組合我建議大家都試均; 仲有粒磨菇好大驚喜, 個啲汁留番係菇中間👍👍

黎到尾聲, 倒數階段, 先黎個用之前龍蝦殼肉淆出黎既鮮湯, 再加埋蟹羔🦀蟹肉🦀炒飯, 睇住師傅不停兜起啲飯, 印平, 再兜起, 細心將每粒飯都平均受熱, 確保佢哋唔會痴埋一齊 飯湯同埋漬物推送我到望到終點👋👋

黎到終點, 有爽甜既哈蜜瓜🍈同埋杮, 哈蜜瓜有人嫌唔夠甜, 但我覺得啱啱好, 終點都顯示到店家揀食材既用心

餐飯一啲都唔平, 四位數一個人🤑🤑(必須要提番, 我哋係四個人嗌兩個餐, 所以上述既款係兩個餐既) 但係元朗竟然有咁有心思既店舖❤️🧡💛佢係每道菜都有揀過隻碟, 務求堆出最美畫面, 然後每一個小節都希望呈現出最完美既味道同賣相, 呢份心思創意; 我估佢好快可以超越三大OMAKASE 成為元朗高端食肆代表👍👍

去咗食鐵板燒午餐，但bar檯位full booking，所以被安排係日式房間用餐，雖然無得近距離欣賞師傅烹調食物，不過可以靜靜哋咁用餐都唔錯😌

🤩和菊二人午餐（$880/ 2人）

🌟是日前菜：日本白海澡沙律
食材非常新鮮，蘋果、粟米及蕃茄鮮甜又多汁，白海澡口感爽脆但無乜味嘅，所以要沙律醬吊味，整體感覺又Fresh又醒胃😋

🌟季節強肴：鱈魚配蕃茄沙沙
魚皮香脆到成塊薯片咁，鱈魚表面煎至金黃色，外焦內嫩，配同醒胃嘅蕃茄沙沙，又係一道不錯嘅開胃菜😋

🌟和菊煙燻北海道帆立貝
帆立貝輕輕煎過，再放入小鍋中以菊花煙燻後，半熟嘅帆立貝充滿淡淡菊香，再配以食用和菊及海鹽，菊香即時倍增，感覺清香幽雅😍之後再以清涼微甜嘅菊花啫喱清清口腔，真係好清新🤩

🌟伊勢海老配海膽忌廉汁
龍蝦夠新鮮，口感爽口彈牙，海膽忌廉汁香滑濃郁又creamy，再以魚子醬及三文魚子點綴，賣相及味道就更加吸引👍🏻

🌟美國頂級牛肉薄燒伴溫室野菜
牛肉煎得啱啱好，牛味濃而且嫩滑，牛肉內更有炒過嘅蔥蒜，一齊食好有口感👍🏻再配同日本鹽漬昆布及岩鹽，味道更見突出😋配菜係來自九州嘅青椒、南瓜及番薯，所以特別好食👍🏻

🌟白飯魚苗薑米燒飯
炒飯混有白飯魚及薑粒，而且炒得乾身又唔油膩，仲好粒粒分明，食落有口感並帶有少少薑味，呢個炒飯真係推介👍🏻好好食😋

🌟伊勢海老味噌湯
師傅將剩低嘅龍蝦頭，加配本菇及味噌等炮製咗龍蝦味噌湯😋龍蝦味真係超濃，飯後飲返碗湯真係好舒服😌

🌟漬物
漬物係蒜頭同埋牛蒡，但我不嬲唔好漬物，朋友反而食得津津有味😆

🌟甜品
甜品係抹茶紅豆雪糕，雪糕唔太甜，綠茶及奶味都幾重，係幾好食嘅😋

餐廳服務態度好好，食物不論賣相及味道都一流🤩價錢又OK，下次可以試吓晚餐😆

可口的