Gin teppanyaki and sake

高品質的鐵板燒，雖然價格不便宜。最好嘗試午餐套餐。外面有很多停車位。

自從有朋友搬左入元朗之後，我對元朗已改觀不少，無論購物、生活又或者食好野，呢邊真係越來越精彩，今次朋友帶我試左間新開無幾耐嘅鐵板燒，令我一試難忘[色]
簡樸踏實的門面，沒有多餘做作，第一個印象就是不賣弄花巧，實而不華，就是専心提供鐵板燒，而坐位不多（大概十多個左右），眼見有客人walk-in亦因預約位置約滿而向隅😅
鐵板燒的食法其實也不需多講，個人特別喜歡能夠看著廚師在自己面前烹調一頓美食，很多時還會產生互動的效果，氣氛感覺截然不同，食材亦會因應客人喜好而作出合適的調節，所以絕對不會有千篇一律的感覺🤗
服務員為我們安排好坐位之後，先送上前菜沙律🥗，除了新鮮美味之外，亦是健康的食法，讓味蕾熱一熱身，為美味的佳餚作好準備😬
第一道菜是在我們面前做的蒸蛋，蒸蛋大家都吃得多，但是在鐵板上做的恐怕我也是第一次，廚師細心地控制着火喉，看着水珠在鐵板上滾動再化成水蒸氣，再用蓋蓋上，時間控制得非常好，之後再細心為我們添上大大粒魚子和黑松露，遠遠已經香氣四溢，將平凡顯得超凡，讚👍🏻
再來的北寄貝，巧妙地配上紫菜湯，先品嚐北寄貝的鮮味，再喝上盡是吸收了精華的一口紫菜湯，鮮甜的程度絕對是你難以想像，正！
到大大粒的北海道帶子出場，細心地為客人切開合適的大小，再加小許黑炭鹽，把整顆帶子的層次感提升不少，入口鮮、甜、香，口感一流😋
金鯛魚🐟皮香肉厚是眾所周知，今次用來做鐵板燒，將魚皮魚鱗部份煎得香脆可口，而厚厚魚肉部分又能保持肉嫰鮮甜，是這裏的招牌菜式之一，不可不試👍🏻
再來紐西蘭活鮑魚，可以用「生猛」來形容，可能受熱的關係，鮑魚轉啊轉的舞動著，全部海產都是飛機✈️運到，確保新鮮，貨真價實，每片鮑魚經過蒸、炒過程再送到面前，熱辣辣，香噴噴，配上綠茶🍵冷麵，加上特別炮製的鮑魚汁，真的令人吃上癮[色]
輪到龍蝦🦞大哥出場，生猛扎扎跳的龍蝦在廚師👨🏻‍🍳精湛的刀工下，不消一會便已經把厚厚的蝦肉部份處理好，而蝦頭蝦膏亦烹調為香濃的醬汁，再燴在蝦肉上面，入口爽而彈牙，香且味鮮，無得彈👍🏻
火炙海膽蠔，輕輕煎封蠔的表面，保存著鮮嫰的蠔身，再在上面加上厚厚的海膽用明火燒香，這個做法是正宗的火炙法，層次感和口感更分明，好考功夫[色]
朋友不吃牛的關係，所以特別為我們準備了匈牙利🇭🇺鬈毛豬，飼養期間不吃雜的關係，所以無需全熟，大致八、九成熟便可，而且油脂分佈平均，肉香而不膩，香氣在口內久久不散，另類的享受🤗
到了我最喜歡的鐵板炒飯，整個過程精彩絕倫，由打蛋開始到每粒米飯在鐵板面跳動，都令我看得陶醉，配埋濃湯進食，一口湯一口飯，滿足極了，難怪越來越多食客喜歡享受鐵板燒！😋😋😋
最後嘆埋蜜瓜味和焦糖咖啡味的大福，真是Perfect 到了一個極點👍🏻
佩服餐廳整個食材的流程設計，一環扣一環，無論食材、氣氛、環境、服務，都是極高水平，而埋單人均消費也只是1100左右，享受足足兩小時以上，絕對是物超所值，超級無敵推薦👆🏻👆🏻👆🏻

與 Lok 廚師一起度過了愉快的用餐經歷，他可能是那裡最年輕的廚師，但表現出熱情，真誠而真誠。

我們吃了 omakase 晚餐套餐，我們發現它物有所值，最重要的是美味！

很享受美食和聊天，所以沒有為所有菜餚拍照。

好的

真心想煮好嘢食的廚師

頭等艙

Lunch Omakase 性格比很高

元朗有幾間出名嘅 Omakase，不過都係食壽司。個人認為魚係應該燒過先好食，刺身的話，只會食海膽同三文魚子。今次同朋友黎試下呢間，相比之下唔算好出名，起碼無上過咩大傳媒訪問，但係 OpenRice 差不多一致正評嘅鉄板焼きおまかせ。

首先 book 枱要俾 HK$500 留位費，去到餐廳佢會現金俾返你。我哋預早兩個星期 book 咗星期六，店員建議 Omakase 由12點開始，估唔到一食就食到3.30pm都未走，真係好抵！

成個 Teppanyaki 樣樣都好好味。數過總共有17道料理，由於 Omakase 係無餐牌，只係憑記憶列返出來。廚師板前有一邊煮一邊講解，但掛住拍片影相同趁熱食，都無用文字記低細節，所以只可以粗略作返個名留念：

1. 日式沙律 (係精緻好味嘅)
2. 黑松露BB菇蒸蛋 (係鮮甜香滑嘅)
3. 季節燒一夜干+小口白粥
(煎魚嘅鮮甜味道，香香脆脆，時間拿捏得恰到好處。廚師話要一口魚一口粥咁食，但我忍唔住食咗食晒條魚先！)

4. 海藻三文魚子帶子
(呢個見到都好吸引，紫色花係食得，有啲香草味，三文魚子我至愛，配海藻湯，加帶子，一小口又係鮮甜嘅味道)

5. 鮮活北寄貝鐵板燒
(又係一淡食晒，個汁又帶出鮮味)

6. 嫩蒸BB生蠔
(蒸到啱啱熟，既有生蠔嘅嫩滑口感，又唔會一陣生嘅海水味)

7. 連鱗炸金鯛
(魚鱗嗰邊炸到超級香脆，肉嗰邊又保持嫩滑，成舊都鮮甜美味)

8. 南非鮑魚鐵板燒配鮑魚肝濃醬
(鮑魚有口感有鮮味，最正係個鮑魚肝製嘅汁，廚師話鮑魚肝要另外買啲大嘅肝，專係用來整個汁，綠色傑撻撻，超級濃味。好想將個汁私有化，用來點其他嘢，或者餸飯就正！)

9. 禾稈草煙燻吞拿魚腦天 (絕頂好味)
呢個係我一生人食過最好味嘅一口魚肉，魚油香滑，入口即溶，原來呢個就係大名鼎鼎嘅腦天 (腦天即吞拿魚頭頂的肉，一條吞拿魚只得兩片，口感軟滑，筋少而脂肪多，魚味極濃，用作刺身或壽司皆宜。) 睇片都會領略到嗰種火燒魚油嘅質感，呢一淡認真係回味無窮！

10. 蝦膏蝦汁炒越南大虎蝦
(廚師最拿手嘅，用返蝦膏來做個汁，炒返啲蝦肉，無比細緻，仲 fine 過西餐 fine dining，仲要喺你面前表演，所以呢個價錢真係好值！)

11. 煎鵝肝多士
(係預期中嘅煎鵝肝味道，咁平時都有成日食鵝肝，係好香好好味嘅！)

12. 美國牛肉粒鐵板燒
(廚師問我哋5成熟得唔得，我哋梗係最聽話架啦！但佢煎完出來應該超過5成熟，我幾鍾意，不過朋友話生少少好啲。各人口味唔同啦！)

13. 龍蝦頭鮮甜麵豉湯
(以為係一般嘅麵豉湯，但飲落特別鮮甜，廚師話加咗龍蝦入去，果然樣樣都係好味過平時！)

14. 日本高菜蛋黃沙律醬炒飯
(呢個飯好精彩，加好多料，好有心機炒到粒粒晶瑩，女士們怕太飽，佢會俾到份量不多，淺嘗美味。高菜同蛋黃沙律醬酸酸地，又唔會太漏，其實幾好味，所以個個都忍唔住食晒自己嗰碗！)

15. 櫻花蝦炒菜 (呢個就真係無乜特別，正常嘢)

16. 焦糖牛油多士
(見到有幾特別，廚師話呢個要當係甜品咁食。其實牛油沙糖多士係我哋以前英國 boarding school 嘅美食，估唔到咁多年後嘅 omakase 會見返 ^^，我梗係知好食啦！不過佢煎到咁香脆，再切條狀，砌靚上碟，仲更加好味，所以雖然邪惡但又係個個都食晒無剩！)

17. 開心果雪糕 (呢個綠色雪糕係幾香滑嘅)

咁精緻高質嘅食材真係物超所值，Highly Recommend！
服務
內用
餐點類型
午餐
平均每人消費金額
超過 HK$500