舍利鮨(Sushi Shari)

回味無窮嘅omakase

岀咗糧梗係要食餐好喇！今日嚟到位於元朗嘅舍利鮨食廚師發板，果然無令人失望，唔單止食材高質，而佢哋嘅服務同裝修都係頂級。

食omakesa就一定要坐bar 台先有風味，睇住廚師係面前用心咁製作。

先來一碗清甜可口嘅大蜆清湯。
睇住廚師成板北海道海膽拎岀嚟，真係流晒口水，仲好鮮甜。
沖繩野生吞拿風乾熱成17日大拖羅入口即溶，好細嫩嘅肉質。
泥障烏賊和竹炭粉勁爽口。
生燒鰻魚飯好精緻，肥質肥味。
赤陸魚
花竹蝦比平時食嘅蝦壽司更彈牙同有口感。

垃圾arthur

元朗越來越多好嘢食😋😋
今日專誠嚟到依間餐廳試佢既Omakase
餐廳大門裝修精緻 內部環境仲好有氣氛添

天上鰤
食天上鰤最好嘅時期就係7至11月
平時喺其他地方比較少機會食到
佢嘅口感清脆 油脂非常之豐富

北海道根室紫海膽
紫海膽比一般海膽鮮味更濃 入口即溶🤤
吞咗落去之後 口腔仲會保持住嗰陣超濃郁嘅海膽味 令人十分之回味

生燒鰻魚
鰻魚燒到熱辣辣 邊位香脆
肉質亦都十分肥美
如果可以再大嚿啲就好啦🙈

整體來講 餐廳嘅食材用料新鮮
師傅亦都好有心機咁去解釋每一款菜式
用餐體驗相當唔錯

今晚廚師發辦主打係🐟為食材🐠
🦑界左花紋的魷魚壽司😍食得又睇得
而且可以咬斷的~絕對有別一般的魷魚
🍣岩手縣大船渡野生吞拿魚壽司🛳️
🌸第1次試的春子鯛😋微微燒一燒魚皮，味道一試難忘
🌾稻草燒鏗魚🐟有微微的燒過令魚本身油脂迫出~咁魚肉就會更加香

舍利鮨 (元朗) 📍
元朗安寧路38號世宙商場地下6號舖

一早得知元朗開左高級壽司店「舍利鮨」，由前江戶前壽司廚師發辦，食材是從日本🇯🇵漁市場空運直送，質素有保證。努力工作後，老闆話獎勵我地一年努力工作😌

裝潢優雅大方簡約系設計，比人一種好舒服既感覺。師傅用心照顧每邊既客人，吧台設計有助增加食客同師傅交流。

食物新鮮程度令人難以忘懷。（排名不分先後）

生蟹🦀：刺身蟹真係第一次食，起初都不敢試但本著不時不食的心，嚐了一口，何奇鮮甜無比，蟹黃蟹膏鮮美無比，非常濃厚，而蟹肉量十足，富有彈性讓人回味不已。

生燒鰻魚飯：高質，就是要趁熱吃！香脆嘅魚皮，鰻魚肉由分飽滿甘香，淋上日本直送鰻魚燒汁味林醬油味香濃，一啖接一啖，幸好細細碗，唔好咁快餐爆肚😎

大蜆清湯：入門級別，暖暖胃，蜆肉大大粒，就係要食佢原身的鮮甜，蜆含豐富鐵質，補血效用有助維持新陳代謝，整體湯頭不放太多調味料務求可以食到蜆的鮮味。

太刀魚天婦羅配龍蝦汁：太刀魚油脂比例豐富，肉質細嫩柔軟味道和口感最佳，非常適合油炸做天婦羅起嚟甜鹹濃郁回味無窮。沾上龍蝦汁，提鮮!

北海道海膽：日本海膽體積比加拿大海膽要細，但一底的海膽好賞心悅目，顏色偏墨綠，食落口感奶滑而濃郁，入口即溶！

兵庫縣室津蠔🦪：肉顏色偏奶白，肉質爽口，蠔身小巧，海水味唔太重，鹹甜適中，滿滿蠔的鮮甜。

千葉縣地金木鯛：肉質Q嫩，食落比較清淡，刺小肥美，全新鮮紅色，口感豐腴。

日熟成深海池魚：熟成可以將如來纖維分解成天然糖分和谷胺酸鹽，提升魚的鮮味，肉質會變得結實，如果配合紫菜是何等美味。

總結：
食材用料新鮮上乘 不時不食
師傅巧手準備佳餚 匠心也應如此

元朗郊區的城市壽司體驗。寬敞的壽司桌座位讓您可以與廚師交談。友好的工作人員真正照顧您的需求。唯一的缺點是浴室在商場裡，這迫使你離開你的用餐區。如果您在該地區或不介意開車出城一小段路，那麼值得一試。

好靚又乾淨整潔，美味可口，需要一個月前預定

元朗高質 omakase
入咗元朗豪嘆晚市omakase, 呢度環境舒適, 坐得好舒服, 店員嘅服務態度亦好好! 整體食物質素高, 最難忘嘅係其中幾道菜式, 等我介紹一下先~

《生燒鰻魚》
食鰻魚我最怕係啲鰻魚肉質太過腍同埋有碎骨, 但呢個好正, 鰻魚冇碎骨👍🏻! 鰻魚上淋上醬汁, 醬汁杰稠, 甜度剛好又入味。魚肉有彈性, 肉質嫩滑肥美, 有炭燒香氣。

《岩手縣 大船渡 33日熟成野生大拖羅》
脂肪分佈好似雪花般, 富天然魚油脂, 非常甘香, 有入口即溶嘅口感!

《北海道根室紫海膽》
入口即融且甘甜, 味道鮮美。用嚟做壽司都好好食😋! 米飯粒粒分明, 好香米飯味。

《毛蟹》
新鮮毛蟹有著細緻鮮甜嘅蟹肉, 伴上濃郁又美味嘅蟹膏。

《北海道粒貝》
上面有竹炭鹽, 爽口又甜美!

元朗近年逐漸成為omakase兵家必爭之地，由相對實惠既lunch到dinner omakase，豐儉由人。本住要試勻元朗咁多間既精神，又有消費券既加持下，黎舍利鮨美美的食餐好既，都唔過份丫！

晚餐菜單$1600 20品，有前菜、刺身、卷物、壽司、湯及甜品。壽司飯酸度同溫度平衡得宜，魚料亦相當新鮮，較為難忘既有秋季時令：秋刀魚刺身，加左肝醬竟然一啲都唔腥，另外旁邊仲有一款係卷起既秋刀魚，同一種魚帶黎兩種唔同味覺，的確好特別。

石川縣毗鄰日本海，佢既鮑魚當然肥美無比，大過師傅既手掌呢！連同鮑魚肝醬一齊食，帶出本身既鮮甜，好滿足。

剝皮魚處理上要好小心除去厚皮，本身魚肉較為清淡，所以必然要配搭上魚肝，肝醬油脂豐富，味道濃郁，口感綿密。呢種魚多數係高級料理店先會有機會試到呢。

33日熟成既野生大拖羅，產自岩手縣大船渡市，師傅特意拎左原條魚料出黎俾客人欣賞，油份極之豐盈，顏色較深而肉質較結實，同養殖拖羅比較係一種更高層次既享受。

食完拖羅少不了有海膽，北海道根室紫海膽係全晚係另一亮點，睇得出色澤鮮明，味道鮮甜無比，海膽控表示好想叫師傅encore多一件呢！

食到咁有水準既omakase，又要再預訂定下次幾個月後既晚餐了。

Omakase 聽就聽得多，但平時見個價錢咁貴，都唔捨得食。今日係屋企人生日，所以特登帶佢嚟試下Omakase。係Openrice 見到食評同環境好似幾ok咁，所以就book 咗位了。

果然無令我失望，就咁睇門面已經好有日本feel。我哋坐bar枱，可以睇到師傅嘅手藝，真係非常之厲害！

我哋嗌咗鰤魚腩、生蠔、海膽 、鰹魚刺身同中拖羅。

個海膽壽司真係好難忘，勁鮮甜軟滑，我應該可以食到一大板。原來係拍賣級海膽，唔怪之得咁好味，仲一啲腥味都無喎。

屋企人食得好開心，仲話一定會再嚟！

試左午餐 omakase 有3款
試左650$ 有3款刺身
12款壽司
蒸蛋+麵鼓湯+甜品
整體感覺，用餐環境舒服，師傅用心介紹及製作 食物質素中上，但食物擺盤賣相未見特出，但價錢中上，性價比唔算太高，短期內未必會再encore

我睇過好多關於舍利鮨食評，有好多博客大讚舍利鮨質素高，我哋五月中訂位，六月中先訂到星期日午市🙈足足等咗一個月😂😂😂馬上去睇睇試咗咩先！

1~前菜日式蟹肉蒸蛋
一坐底，待應好快就會送上熱辣辣嘅蒸蛋，上層有少許蟹肉配好滑身蒸蛋，不錯的👍🏻

2~刺身「伊左木」
配清新青檸汁，味道鮮甜彈牙😋

3~壽司「真鯛」
真鯛表面加了少許鹽，帶出真鯛嘅鮮味

4~壽司「Kamachi」

5~壽司「Hachi」池魚
有少許調味醬汁😆味道同樣出色

6~壽司「泥漿烏賊🦑」
落了少許薑蓉，烏賊新鮮有咬口👍🏻

7~手卷「太刀魚」
手卷賣相唔算好吸引，但味道帶俾我哋驚喜，太刀魚味道出色😋

8~壽司「深海池魚」
落了少許蔥花調味！

9~壽司「帆立貝」好出色😍上面小黑點是竹炭鹽，下面夾雜柚子皮

10~壽司「梳子魚」用竹長炭燒過，側面係微微炙燒🤩👍🏻

11~壽司「牡丹蝦 」配蛋黃漬，中間夾雜蝦膏😋好想食多一件

12~ 刺身「鰹魚」配蔥花加木魚碎，魚味相對伊佐木較濃，味道同樣出色

13~ 刺身「赤貝」配水雲，水雲是日本白菜，浸過醋，第一次試呢款水雲😍好食又好特別

14~壽司「拖羅」嚟自沖繩縣野生，風乾熟成12日，好肥美啊！

15~壽司「馬糞海膽」
超級鮮甜嘅馬糞海膽，又係好想食多件🙈

16~海鮮麵豉湯
麵豉湯不過不失！

17~甜品「開心果雪糕」
甜品可選咖啡或開心果雪糕，我會建議揀雪糕😋好香濃開心果雪糕，味道好出色👍🏻

舍利鮨整體質素中上水準，師傅每一道菜都會講解刺身嘅產地來源加食法😍享受到美食之餘，更可以長知識🥳🤣

元朗最好的主廚搭配。

👍👍👍 …

今日入元朗探朋友，佢盛讚屋企樓下間日本餐廳嘅Omakase好出色，我當然要晨早book定位試一試係咪真係咁正啦 ！

餐廳嘅裝修簡潔高雅，富有空間感。座位唔多， 全部都係吧枱，方便師傅照顧客人，同客人有更加多機會交流！

食物每一道都好美味，其中我最鍾意嘅係熟成吞拿魚壽司，入口即溶嘅口感真係令人回味無窮！師傅解說因為日本江戶時代冇雪櫃，漁民捕獲魚後會將鮮魚塊放幾日，咁樣魚肉中的酵素可將蛋白質及脂肪分解令味道變得更濃厚，除咗魚味濃左之外，啲筋亦會軟化，食起上嚟更軟滑。呢度嘅師傅唔單止手藝好，而且仲擁有豐富嘅料理知識，食美味食物之餘仲有得長知識，真係意想不到嘅收穫！

同朋友發掘左元朗呢一間隱世omakase門面裝修充滿日本氣派 而dinner set食20品都只係$1600 環境氣氛有情調 咁難忘嘅體驗 有機會一定要再嚟試吓🤣介紹翻幾款特別好食嘅菜式：

北海道粒貝 – 大大粒粒貝連帶子裙 肉質纖細幼嫩 有爽口清甜 旁邊配有小片青檸 表面再加上竹炭鹽 帶有淡淡海水味 超級好食😋

岩手縣大船渡33日熟成野生大拖羅 – 成條魚脂肪最豐富嘅地方一定莫過於大拖羅 滿口天然魚油脂的甘香 直頭入口即溶🙈

剝皮魚+魚肝 – 品質非常新鮮 口感偏扎實 肉質帶甜 配上魚肝豐厚既油脂感 整體感覺又再昇華一節😛

春子鯛 – 肉質感帶黏性 味道甘甜 表面魚嘅紋路都都係一個視覺享受

有朋友住元朗，係我生日約我去元朗，話要帶我去食omakase。我地來到呢間餐廳，我知道呢間餐廳開業唔係好耐，餐廳所選腱既食材每日由日本漁市場空運直送到港，保證食材新鮮。原來餐廳採用全預約制，所有一定要先預約。餐廳整體設計簡約，給人舒適感覺。
海膽（拍賣級海膽）：我好鍾意食海膽，但好怕係香港食，因為怕食到唔好味既。呢度既海膽入 口即溶，而且非常鮮甜。
剝皮魚加魚肝醬：我未食過剝皮魚刺生，估唔到甘好食，加上魚肝醬，味道濃郁又特別。
三文魚子海膽飯：呢個不得了，海膽和飯撈均，再加上鮮甜既三文魚子，一口食落，整個口腔充滿鮮味和甜味。
香箱蟹：有蟹膏、蟹肉和蟹子，蟹味十足，鍾意食蟹又怕麻煩既朋友，好鍾意呢個一口就可以食晒一隻蟹既香箱蟹

*性價比高 環境舒服🍣*

今日黎左元朗食呢間高級壽司店 舍利鮨

門面已經好舒服行日式簡約風 坐到入去更加舒服有一種放鬆嘅感覺

一黎個大蜆清湯望落去好清好似冇乜特別
點知飲落去鹹淡適中 啲蜆味好出好鮮甜
一開波已經俾佢驚喜到

室津蠔用料上乘 一碟有2件🦪
都幾大隻同好新鮮
而且海水味唔會好濃好喊
又夠肥美

唔少得要嗌最鍾意嘅海膽軍艦
海膽甘甜又充滿鮮美 入口即溶
同一般日式餐廳比較真係會高下立見

中拖羅係風乾熟成17日
咁大工序果然係寧舍不同 好嫩滑
而且油脂分布啱啱好 唔會好肥

烏賊加竹炭粉
味道淡淡地有種清香
建議食次飲啖水/茶再品嘗

花竹蝦好驚喜
大隻得黎又夠甘香
好夠新鮮

整體用餐體驗良好 店員師傅都好好禮貌 性價比幾高 可以再戰🙌🏻

正

聖誕節雖然過左，但食好西都唔一定係節日先食得嘅😆
.
📍舍利鮨
.
🥢Omakase ($1680/20品)

成個dinner set包左前菜、刺身、壽司、湯同甜品，樣樣都好新鮮🥰最得到我歡心嘅係新鮮北寄貝、靜岡9日熟成大拖羅壽司、鰤魚壽司、鱈魚白子天婦羅同埋個魚湯呀!!!好鮮甜~おいしい

干瓢卷
好少香港餐廳有供應, 係用胡蘆醃瓜、飯同紫菜整既卷物, 加上秘製既醬油, 調味岩岩好

天婦羅避風塘白子配白粟米
勁罕有既鱈魚精~ 配上避風塘既配料, 炸到外皮好脆, 內裏口感非常嫩, 細滑豐腴. 白粟米生食~ 都係第一次, 比較水份充足同清甜

仙鳯趾生蠔
係日本有「海中牛奶」既美譽, 真係不容錯過~ 呢隻生蠔既體積比較大, 肉身肥厚! 食落口鮮甜濃郁，口感嫩滑!

白粟米飯
白粟米飯 食落口感軟糯 非常香甜 配上蔥花做點綴

石垣貝
肉質細嫩 味道清甜且口感爽脆 完全無腥味

伊佐目
魚肉非常柔軟 肥美甘香 油脂豐富 口感都幾出眾

金目鯛
油份飽滿的鯛魚, 但佢既口感係肥而不腻 食落口有甜香濃郁既味道

海膽
大家最常食既海膽, 質感細膩! 入口即溶 味道甘甜

哈密瓜
哈蜜瓜都整得咁靚 淨係睇都覺得開心~

元朗可算是個廚師發辦（omakase）集中地，雖然同區已經有不少元祖級人馬，但舍利鮨作為後起之秀卻毫不遜色，更於尖沙咀另有一間分店，首次到訪元朗店裝潢簡潔而高雅，店員及師傅亦殷勤有禮。

晚市廚師發辦每位$1680，包括前菜、燒物、壽司、湯及甜品共二十道菜式；值得一提的是午市廚師發辦更只需$480起，已經可以品嘗到茶碗蒸、十二件壽司、湯及甜品，實在物超所值。

二十道菜式未能一一盡錄，天草產處女蠔肥美肉厚，毋須任何調味正能品嘗到最真確的鮮甜味美。

以往只嘗過鱈魚白子刺身或壽司，鱈魚白子天婦羅可算是前所未見，天婦羅炸衣輕薄酥脆而白子細滑綿密猶如慕絲，外脆內軟實在令人驚喜，相信對於平時比較抗拒白子的食客而言都會樂意接受。

生燒鰻魚抹上薄薄一層燒汁鹹甜平衡適中，表面燒得略呈焦脆而肉質保持鮮嫩，絕非坊間一般急凍蒲燒鰻魚所能媲美。

前菜及熱食出色而壽司質素當然都不負所望，車海老晶瑩剔透、爽彈鮮甜。

半天然深海池魚魚味香濃並富油香。

大尾魷質感煙韌而且味道亦比一般魷魚更加鮮美，愈嚼愈香。

充滿喜悅和滿足的20道菜omakase！推薦！

Omakase 系列

今日專登入元朗食舍利鮨，呢間餐廳鼎鼎大名，聽左佢地個名好耐了，果然名副其實！
門口已經比人好高級既感覺，勁似去左日本食高級料理🥰

分享下最吸引我既幾道料理，其中有天婦羅避風塘白粟米，呢道料理坊間比較少見，但卻好啱香港人嘅口味，天婦羅炸物，配上避風塘蒜香味，再加上好甜嘅白粟米，估唔到出嚟嘅效果係咁夾。

然後仲有白粟米飯，配上切到好碎既蔥，香口惹味。之後唔少得壽司類，依度有我最愛嘅海膽，最近不是海膽旺季，但呢度嘅海膽好新鮮，甜嘅程度可以到8-9分，簡直人間美食！亦有多款唔同嘅魚類壽司，例如依左目，金目鯛同埋激肥美嘅醬油漬大拖羅。
食到十分滿足👏

鮮度十足
餐點：5
服務：5
氣氛：5