野川拉麵之深燒食堂
營業時間
| 星期三 | 07:00–01:45 |
| 星期四 | 07:00–01:45 |
| 星期五 | 07:00–01:45 |
| 星期六 | 07:00–01:45 |
| 星期日 | 07:00–01:45 |
| 星期一 | 07:00–01:45 |
| 星期二 | 07:00–01:45 |
服務選項
室外雅座
外帶
內用
無障礙程度
不支持無障礙座位
不支持無障礙停車場
產品/服務
小菜
咖啡
宵夜
烈酒
酒精飲料
啤酒
用餐選擇
早餐
早午餐
午餐
晚餐
餐飲服務
甜點
座位
設施
洗手間
氣氛
氣氛悠閒
我吃了拉麵，味道一般，但工作人員很好。
元朗有一家日本餐廳。 每次經過，都會看到排長龍。 很受歡迎，價格也很親民。 野川拉麵深烤餐廳位於元朗遊新街。 提供種類繁多的菜餚。
揚雞柳綠茶冷麵
雞柳外脆內軟，抹茶涼麵有嚼勁，茶色湯底充滿茶香。
烤大眼雞
火候適中，肉質緊實可口。
燒茄子
色澤鮮亮，蒜香濃郁，烤鮑魚軟滑爽口
鮑魚肉厚、有彈性、唇齒留香。
烤台灣黑胡椒香腸
滿滿的台灣古風味，一口大小方便入口，回味無窮。
烤大頭蝦
一個大個，蝦醬豐滿，蝦肉爽口有嚼勁。
日本靜岡縣綠茶可樂
綠茶和可樂的搭配，味道非常獨特。
放工陪阿媽去元朗買野,買完佢話想食日本菜,記得呢間之前食過又平又多野食,就帶渠嚟試下
天氣熱當然要叫番杯飲品降下溫,是日精選沙冰系芒果味,好大杯仲有埋奶蓋同爆珠,好抵飲
曲奇雪糕紅豆冰-賣相信當吸晴,雪糕系曲奇味,紅豆大大粒夠淋身,又不會過甜,味道剛好
蟹籽沙律-呢碟都幾大兜,大量青瓜絲加上沙律醬,面層鋪滿咗蟹籽,成嗰沙律都好fresh 好開胃
三文魚壽司-肥美嫩滑,每件壽司都好大件好多飯
雞腎串-香口惹味的雞腎,爽脆入味,口感超彈牙
燒韭菜-孜然粉和辣椒粉均勻落在韭菜串燒上,令韭菜食落更香甜,燒得出色
壽喜燒-呢嗰鍋物好足料,有牛肉、雞蛋、豆腐、冬菇、金菇、椰菜、娃娃菜、薯粉等
湯底甜甜地唔會太鹹,牛肉鮮嫩沾滿湯汁,好入味
甜薯香芋丸6粒-芋丸外面炸得香脆,裡麵包住甜薯和香芋,食落口感煙韌
雪糕+芝士蛋糕-甜品系即叫即制,熱辣辣的蛋糕配上曲奇雪糕,一冷一熱,瞬間在口溶化,美味無比
聽人介紹呢間餐廳又多嘢食揀又抵食,一於嚟睇下!
都幾多人等位,而且門口已經寫滿晒有優惠價嘅餐牌,真係好抵🤑!
呢款小食拼盤除咗蝦片🦐,魚手指🐟,仲有我最愛嘅芝麻雞翼🐥,仲有榴槤炸彈同流心芝士波~
芝士燒扇貝比較濃味,但燒焦嘅芝士好香🧀,夾埋扇貝就啱啱好🦪~
我真係好鍾意食燒牛舌👅
最鍾意佢好軟熟,又有好香嘅油份同埋牛味🐮🐮
叫大茄燒真係無錯🍆,條茄子真係好大條!
蜜汁墨魚丸嘅感覺好似去bbq燒丸子咁🍡
佢哋除咗好多燒物,仲有唔少刺身,壽司🍣同手卷選擇,而且都幾抵食~
油甘魚比較重油份,好新鮮無雪味~
有三文魚籽當然要嗌🗣!
三文魚籽比較細粒,但份量都ok~
而且唔會太鹹,好香好香嘅三文魚籽鮮甜味😋
啤酒超大杯好抵飲🍻,佢仲有其他水果味可以揀~
另外仲叫咗個蘋果梳打🍎~
甜甜地,最特別係反轉用酒杯上,打卡一流~
萬聖節臨近🎃,佢哋仲搵咗畫師喺門口幫大家畫手畫面🖍,佢畫嘅公仔超靚超可愛💗!
想畫個爛面裝都ok,我見到有個侍應畫咗,真到嚇咗一嚇😂😂
有禮，服務好，地方清潔，食品整體可口。
剩係食過早餐，選擇多，可額外加碗粉或飽，味道唔錯，一至五可加$1多1杯熱飲或$4多1杯凍飲
服務
內用
餐點類型
早餐
老公今日去元朗見客，於是約佢放工喺元朗食飯行街🍽🛍，老公話今晚想去啲特別啲嘅餐廳食拉麵，上網搵到哩間，見佢環境好似幾有玩味，價錢又實惠，一於試吓。
佢哋食物種類好多，以日式食物為主，花多眼亂，好多嘢都想試😋。見佢主打拉麵，點都要試吓。佢哋嘅炸物同串燒🍢都好似好吸引😍，當然要試埋。
🏆 蒜蓉燒辣燒扇貝 $22
今晚嘅冠軍！勁惹味！蒜蓉勁多🧄！辣味勁正🌶！扇貝雖然唔算大粒，但新鮮有彈性，調味一流！
🥈 濃豬骨湯底·自家制叉燒拉麵 🍜 $72
我本身唔鍾意食拉麵，食咗一啖之後忍唔住要食多幾口😋。湯底豬骨味好濃郁，拉麵煙靭有彈性，正正係我最愛嘅口感！叉燒半肥瘦，好香口！唔怪之得旁邊嗰幾枱（應該係街坊）都叫拉麵食，真係幾掂👍🏽！
🥉 濃芝士薯餅 $22
一咬落去啲芝士爭住湧出嚟，好香濃軟滑，個皮炸得好酥脆，正！
🏅 甜薯香芋丸 $29
我同老公嘅至愛❤️。最鍾意佢煙煙韌韌嘅質感，香芋味好香，甜度適中，好食！
🏅 燒鱈魚乾 $29
質感好似食緊薯片咁，超香脆！以前細個燒嘢食，最鍾意就係燒鱈魚片，宜家比較少見到，見到哩度有，當然要即刻嗌！
🏅 燒雞泡魚乾 $38
好香口，配啤酒一流！雖然今日我哋都無叫酒飲😛，不過都要叫嚟食！魚乾份量都幾多，甜甜哋，好惹味！
🎖 燒韮菜串 $19、鮮活鮑魚 $18、加州卷 $28、鮮帶子壽司 $14
以上幾款都值得一試🍴，不過略嫌帶子比較薄身。😇
今晚真係飽到捧住個肚走，食咗咁多嘢埋單加埋一都只係$356，超抵！好彩我哋早嚟，真係遲少少都無位。今餐真係有驚喜，完全超乎想像🤩！
環境：有室內同室外位置🤭室內係居酒屋風格，室外可以chill 住啤一啤同🚬
特點：
//椒鹽雞軟骨、燒鱈魚乾、流心芝士蝦丸//
三樣都即叫即炸，熱辣辣香口惹味，雞軟骨同鱈魚乾卜卜脆帶咸香，蝦丸咬開可以拉勁長芝士絲，三樣都送酒一流
//壽司（油甘魚、赤貝壽司、鮮帶子壽司、三文魚籽壽司）//
全部都係用分享價50%off order😚超抵食！推薦三文魚籽壽司，享受魚籽粒粒爆開感覺
//牛肉壽喜燒//
牛肉片大塊肥瘦均勻，份量幾多🤤 底層有大量蔬菜同粉絲，甜美嘅湯底令所有配菜越煮越鮮甜
//海鮮雜錦拉麵//
叫咗蕃茄湯底，湯底超濃郁，令拉麵都配菜都入口酸酸甜甜，好開胃
//爐端燒（蜜汁墨魚丸、鮑魚）//
蜜汁墨魚丸：蜜汁甜甜的，大人小朋友都愛
鮑魚：鮮甜彈牙，簡簡單車已經好好食
見好多元朗街坊推介呢間小店，中午時段經過就去試試，工業風嘅裝潢，餐廳都幾闊落🤓中午嘅套餐係幾抵食，不過質素就好平平無奇啦🤔比較深刻嘅係佢地個杯似用得太耐，好多污蹟咁，見到完全唔敢飲😖
🔸炸雞件拉麵 (HK$57)
拉麵就係小店會食到個種嘅質素，炸雞件每件都偏瘦，而且炸得太乾😶
🔸自家製叉燒拉麵 (HK$68)
自家製嘅叉燒肥瘦適中，對得起呢個價錢啦🤟🏻
🔸芝士年糕 (加配價HK$18)
Lunch Set仲可以有優惠加配小食，芝士年糕入面嘅芝士好煙韌，不過外層就唔夠脆，一咬落去就成個都軟身🙈
⚠️飲品就叫左杯熱檸水，不過見到隻杯咁多蹟我都唔敢飲啦💀
野川拉麵の深燒食堂
地址: 元朗又新街40-48號榮豐大廈地下B號舖
====================
$68油甘魚刺身，肥美腍身架刺身魚片
甲羅燒跟燒雪魚片，個甲羅好甘香，就咁食是成啖都係鮮甜。
拉麵是用來賣飽肚子，大碗入面有蛋，筍同木耳絲。
燒牛大大件肉味濃，愛吃牛必點。燒到3成熟架，表層有些焦香。
燒鮑魚好入味，唔會好難咬
蟹籽salad及芝士年糕做小食，才幾十蚊都幾抵食
炸蠔脆卜卜架外層，中心是鮮而軟腍架蠔肉.
叫左杯有雪糕架特飲。
飽到上心口
當成被騙去一次，保證滿意！
٩( ᐛ )و元朗抵食多元化日式料理
朋友話想食拉麵，揀左呢間位於元朗既日式餐廳。Menu選擇好豐富，串燒、炸物、刺身、壽司、烏冬、拉麵都有😎，加埋有酒飲。門口都有位坐，見到有客人帶埋柴犬黎😚。食物order完都幾快上，炸物即叫即炸，但都唔需要等好耐👍🏻。
🔅自家制豬軟骨拉麵加叉燒 ($80+$15)
濃豚骨湯配豬軟骨好港式風味😛。豬軟骨夠入味，唔會太硬/太腍，啱啱好，加配既叉燒肥瘦適中🙌🏻。配料有粟米、木耳、筍、原隻半熟蛋，非常豐富😚。
🔅揚出雞柳拉麵 ($66)
另一碗揀左蕃茄湯🍅，配料同樣豐富🥳。炸雞柳大約有6件，會另上，唔怕浸腍晒。
🔅燒扇貝x2 ($56)
滿滿既蒜蓉😍，少少辣既更惹味，如果有埋粉絲就無敵🤣💕。
🔅燒安格斯牛肉串 ($48)
燒得啱啱好，夠晒嫩😋。
🔅厚燒牛舌串 ($34)
牛舌好正！厚切有咬口唔韌👍🏻。
🔅炸魷魚鬚 ($58)
魷魚鬚份量都算多，啱啱炸起好正！唔算好油，炸得酥脆唔韌🤤。
🔅椒鹽雞軟骨 ($46>FB分享價$28)
雞軟骨半價好抵食！少少椒鹽調味都夠晒，香脆有咬口😳。
🔅脆雞豆腐桶 ($52)
炸豆腐同炸雞配搭幾特別😳，加埋木魚碎，建議點少少汁無咁齋🙌🏻。
🔅日式芝士年糕 ($38> FB分享價$24)
🔅蕃薯天婦羅 ($38)
🔅綠茶雪糕配綠茶紅豆冰 ($48)
💬整體都幾抵食，最緊要食物種類多，仲有酒飲🍻，同朋友聚會一流🥳。
🥢野川拉麵の深燒食堂
📍元朗又新街40-48號榮豐大廈地下B號舖
☎️3705 9833
⏰星期一至日 07:00-01:30
午餐的話其實一般，選擇不多，味道還可以。
服務
內用
餐點類型
午餐
餐點：3
服務：4
氣氛：2
服務員不能控制好自己情緒 食物可以
服務
內用
餐點類型
早餐
下午茶時間，餓餓地係附近搵左間餐廳醫肚，所以叫得比較多野食🤪
🧡照燒雞扒烏冬🍲$69
本身跟餐係拉麵，另加$5要咗烏冬，口感好滑溜，塊雞扒燒得好香😍個邊脆卜卜，醃得幾入味，豬骨湯底加咗麻油特別香
🧡自家制叉燒拉麵🍜$70
自家制叉燒唔算太肥，都幾嫩，配輝同烏冬一樣有全隻溏心蛋、粟米、木耳絲，拉麵爽口彈牙，不錯
🧡粗粒牛角漢堡 🥐$98
呢個係見到隔籬枱叫，所以跟機🤣牛角包烘烤到金黃香脆，夾住嘅漢堡扒好厚肉，用豬肉同牛肉製成，加埋芝士係上面極邪惡😈仲跟薯條、沙律同特飲，食完好飽肚🤣
🧡小食拼盤🍘$98
拼盤都有幾款，我揀咗呢款有脆米流心芝士波、榴槤炸彈、芝麻雞翼、吉列魚手指同即炸蝦片，每樣都有幾件，香脆可口，流心芝士爆晒漿
🧡芝士奶蓋紫薯紅豆冰🫘跟餐
牛角漢堡餐包$38內嘅特飲，紫薯味濃郁奶滑，有淡淡芝士味
🧡綠茶雪糕配綠茶紅豆冰🍵$28
$28嚟講有呢個質素真係好抵，抹茶味都幾重，雪糕超大球，同食甜品冇分別🤤
夜晚呢度仲會供應串燒，可以嗌返杯啤酒，食下小食，有少少行居酒屋嘅路線🍻
野川拉麵の深燒食堂
元朗又新街40-48號榮豐大廈地下B號舖
餐廳設計似韓式燒肉店風格，工業水泥質感裝修，配搭鮮豔鐵圓筒座位及霓虹燈裝飾，仲可以室內外用餐，感覺地道親民。韓式風格設計但配日式食物，主打多款日式料理，有串燒、刺身、拉麵、烏冬等，夠晒多元化。叫野食前仲見到個好抵既優惠，只要留言及分享FB專頁，部份食物就可以低至半價，我同友人都揀左幾款岩食又抵既食物😊
牛肉壽喜燒$98
推薦👍🏻材料好豐富，7-8塊大大片牛肉、豆腐、冬菇、金菇、冬粉、洋蔥、娃娃菜、小棠菜、雞蛋，d餸菜吸晒湯汁既味道😋咸甜適中，味道唔錯而且幾抵食。
四品刺身盛合$178
推薦👍🏻三文魚肥美厚身😋，甜蝦鮮甜，赤貝爽口彈牙，北寄貝爽口，呢個價錢食到咁新鮮既刺身，性價比算高。
芝士燒扇貝$28
爆多芝士，扇貝幾新鮮彈牙，咸咸香香。
蒜蓉辣扇貝$28
推薦👍🏻勁多蒜蓉辣包圍扇貝，一啖食落去，香濃既蒜蓉味同辣味即刻湧出來，配合新鮮爽彈既扇貝😋香辣惹味，對於唔太食得辣既朋友仔來講應該幾辣下🌶️
脆脆鰻魚串$42
推薦👍🏻肥美既鰻魚燒至外皮焦香，肉質厚身爽彈，除左鹽味，仲食到少少花椒味。
厚燒牛舌$34
牛舌用黑椒鹽燒，咸咸地。
燒鮑魚x2 分享價$42
推薦👍🏻鮑魚燒到岩岩好唔會太韌，食落咸香，新鮮彈牙爽口。
穀飼牛仔骨 分享價$42
牛仔骨幾入味，加埋黑椒燒更香口。
藍莓芝士奶蓋500ml 分享價$29
超巨型乳酸芝士奶蓋飲品，足夠二人享用，味道酸酸甜甜，有淡淡既藍莓味，仲有甜甜地既珠珠😋有咬口
日本信州蘋果梳打$35
推薦👍🏻蘋果梳打味道清香，一邊飲一邊自動倒入果汁，口感清爽又唔會太甜，食完熱氣野辣野飲返啖🤤爽呀
Overall食物都算新鮮抵食，味道都ok，客服態度友善，就算好忙都會主動招呼客人，餐廳仲有projector播片，適合三五知己食飯吹水飲返杯😊
了解更多好西@eat_ho_west
茶記格局頹廢日本拉麵，完全浪費金錢同quota。
睇comment話拉麵唔錯個啲味覺應該崩壞左。
餐點：1
服務：3
氣氛：3
在元朗探訪朋友誤了午飯市間，正在尋找填肚的地方時見到這家好有街坊感設有露天座位的日式拉麵，燒物，炸物食店，因過了午膳時段，燒物已停止，只好簡單地選了輕食😃
主食:
自家製叉燒拉麵
叉燒煮得油脂盡除，入口绵滑而不肥膩，肉質仍有咬感😋 ;
自家製豬軟骨拉麵
炆得入味而又仍咬落有堅韌度的豬軟骨，啱口胃 😋;
每碗再加溫泉蛋一隻
軟淋淋的蛋黃😋，
爽口彈牙的拉麵伴豬骨湯頭，十分配合😋
再點了胡麻沙律，青鮮的沙律菜伴濃湯拉麵👏
剌身四款:
三文魚，甜蝦，油甘魚，鮮帶子;
帶子切薄，油甘魚厚切，甜蝦新鮮，三文角滑，各有味道， 意猶未盡再追加油甘魚刺身👏👏
肚皮已滿，只好捨甜品而用熱飲來完结這日式美膳 ;
雪梨蜂蜜
檸檬水
服務
內用
餐點類型
早午餐
餐點：4
服務：4
氣氛：4
野食等好耐
到左之後黎錯野
拉麵勁難食
好味呀~ 🤤🤤
服務
內用
餐點類型
午餐
餐點：3
服務：3
氣氛：3
還可以，沒什麼特別的，但是質量和價值都很好
我唔明點解會有咁多人俾3星以上呢間餐廳。我見Openrice 成 500 幾個「笑笑」，所以我今晚都去左，結果洗左幾百蚊食左堆垃圾落肚！唔好信呢度既好評，太假了。
我同我爸叫左兩個拉麵，兩碗都係濃豬骨湯，但係上菜見到麻油鋪面已經覺得唔對路，食落似公仔麵湯底加左水，零味道。蛋係半熟白烚蛋，又係冇味。
我地都叫左蒜蓉扇貝、蒜蓉金菇，一樣冇味。最過份係蒜蓉金菇上菜又係水煮金菇咁既味，離晒譜！
老實講我地冇當場發火，怕元朗治安唔好俾人搞，我亦見到附近既人飯聚又係食得好慢同冇笑容，點睇都唔似食得開心。
相我都唔想影，因為真係好劣食，冇心情，俾 Openrice 呃左黎食幾舊水搞到我心理好唔平衡。希望大家小心打手，如果你地唔信，都可以試試佢 🙂
服務
內用
餐點類型
晚餐
平均每人消費金額
HK$400-450
千祈唔好比呢間食店個名呃咗，唔好以為佢淨係食拉麵，其實入到去佢仲有好多嘢食俾你選擇，例如串燒，刺身，居酒屋嘅小食佢都一應盡有，真係可以話乜都有得你食😍
六點刺身盛合
一貫日本餐廳風格嘅擺盤，刺身好新鮮，亦都真係唔係博切，塊三文魚刺身都幾厚身，海膽亦都大大件，又夠新鮮，真係每件刺身入口都係啖啖肉
明太子三角脆脆
形狀同咖喱角冇分別，但係佢入邊嘅餡料係用咗明太子同芝士去製造，每一啖都好Creamy，但係外面有好脆口，口感一流
椒鹽雞軟骨
每一粒雞軟骨都沾到椒鹽味，所以每一粒入口都好夠味道，你都亦都係熱辣辣，所以極速一舊接一嚿咁放入口，真係停唔到😂
甲羅燒伴燒鱈魚乾
甲羅燒蟹膏味道勁香，份量亦都好足夠，將呢啲蟹膏蟹肉放上鱈魚乾片一齊放入口真係超級好食，因為鱈魚肝係脆卜卜
蒜香燒茄子
勁爆蒜味，茄子燒得啱啱好，唔會太乾身，入口好Juice，再加埋蒜香味，勁惹味
牛油蒜蓉焗蜆
呢個有得俾你揀辣定唔辣，我哋揀咗辣，嚟到見到勁有驚喜，因為呢個價錢都可以食到咁大隻嘅蜆真係好抵，份量亦都好足夠，再加埋辣辣地，真係好開胃
鹽燒虎頭蝦
最值得強烈推介嘅就係一定要叫呢個，蝦好大隻，味道亦都好清甜，肉質亦都非常彈牙，就連每一隻蝦頭裏面都有好多下膏，頭一次試吓就叫咗四隻，之後想再encore再叫都話賣晒了，所以大家嚟到呢度真係可以盡情叫
燒鮑魚，燒鱈魚，燒墨魚丸
燒得好香口，鮑魚唔會燒到太乾身，啱啱好亦都有夠味道，鱈魚亦都燒得啱啱好，皮脆內軟，不過可能d鹽放晒喺個皮上邊，會有少少鹹，燒墨魚丸亦都好香，墨魚丸好彈牙爽口
真係勁推介一大班朋友嚟呢度慢慢食吓嘢，飲下酒吹吓水，最重要係佢哋食物質素好之餘，價錢亦都好親民🤩
服務
內用
餐點類型
晚餐
平均每人消費金額
HK$450-500
好耐冇食過拉麵，還可以
拉麵好食
肥牛有啲韌，串燒豬腩肉好香口，拉麵正常味道，好似出前一丁湯底拉麵啊豚骨味。
餐點：3
服務：4
氣氛：3
早午晚餐都好食,炸物及飲品好好。雞排包好鬆軟，雞排好入味，洋蔥有點生，總括都係好好味，這間是大杯凍檸茶，奶茶及咖啡都好好。
服務
內用
餐點類型
早餐
平均每人消費金額
HK$50-100
餐點：4
服務：4
氣氛：4
好的
首先最吸引我是飲品系列，好多特色酒和無酒精特飲，很適合不同類型朋友一同聚會。我和同事分別選了：
芒果沙冰草莓醬蘋果酒 $58
一看就傾心，好香芒果和蘋果酒香，濃濃芒果味
PREMIUM生啤 好大杯超凍綿綿泡泡，現在有半價優惠，好抵飲！$46
吉列豚肉拉麵 芝士辣湯底 $80
湯底真的辣但非常惹味，吉列豚肉外脆內軟，很易咬好鬆軟，正！
甲羅燒伴鱈魚干-甲羅燒食得多，但這裡是加了秘製醬汁，所以除左蟹膏味還有像沙律醬酸甜有蟹肉碎，配烤鱈魚干（脆口）惹味！
燒黑豚五花腩 – 完全沒肥膩感，燒出了油份剩下是爽口咬勁！
燒豬頸肉 -又爽又爆汁 配酒一流
椒鹽雞軟骨 $32 香酥軟骨位，好有咬口，椒鹽滋味！
燒扇貝（芝士和蒜蓉）幾大隻燒得不錯，新鮮味道！
燒生蠔 （辣椒蒜蓉）喜歡蒜蓉勁多，生蠔新鮮，微辣惹味！
牛油蒜蓉焗蜆 $68 好大隻蜆，真材實料！
整體食物高質，價錢各方面都好吸引，越夜越多人，店內坐位不夠坐，外面非常熱，最好早些來吃喝霸位！
餐點：5
服務：5
氣氛：5
快、靚、正之選，仲係收得夜的…
餐點：4
服務：4
氣氛：4
早餐好食
餐點：5
服務：4
氣氛：3
元朗呢間叫做野川拉麵之深燒食堂既晚餐真係選擇多多又豐富。
拉麵/烏冬，壽司刺身，鍋物，串燒，真係咩都齊曬。
今晚我同一班朋友就食左以下咁多嘢！
牛肉壽喜燒，成個鍋都好好味，牛肉同其他蔬菜都嗦曬壽喜燒既味道，真係好鍾意食。
大蝦天婦羅，外脆內爽，蝦肉鮮嫩！
燒扇貝，有辣有唔辣任君選擇！
牛油錫紙金菇，我簡左辣味，好惹味，唔會好辣。
肥牛金菇卷串，燒得好靚，多汁juicy
甲羅燒伴燒鱈魚乾，濃濃既蟹膏同蟹肉配埋燒鱈魚乾一齊食，好正。
厚燒牛舌串，好味好有咬口。
三文魚腩 ，三文魚籽壽司，海膽壽司 ，全部都好新鮮。
揚岀雞柳配讚岐手打烏冬（濃豚骨湯底） ，湯底都好多選擇！
服務
內用
餐點類型
晚餐
平均每人消費金額
HK$100-150
餐點：5
服務：5
氣氛：5
🍜元朗•高質深宵食堂🍜
星期日放假又係我出動揾食嘅時候，今次去咗元朗一間呼氣好高嘅日式料理「野川拉麵の深燒食堂」餐廳有Outdoor Area可以帶埋狗狗一齊食飯，一入到舖就會見到好大個iron man🤩而家只要like Facebook就可以低至半價加配啤酒、飲品、小食、壽司、刺身、爐端燒等等👍🏻
四品刺身盛合
三文魚、北寄貝、活赤貝、甜蝦
厚切三文鮮足足1cm厚，超級肥美，活赤貝爽脆鮮甜，甜蝦大大隻，樣樣刺身都非常新鮮，份量十足
帶子刺身
我地追加多份帶子刺身，6切，入口爽甜鮮美厚肉
豬軟骨讚岐手打烏冬
地獄湯底辣辣地夠晒惹味，豬軟骨炆得軟腍入味，配料豐富，有糖心蛋、粟米、木耳，烏冬口感滑溜彈牙，不愧為店家嘅招牌菜👍🏻
芝麻雞翼
即叫即炸，皮脆肉嫩，香脆可口，啱晒送啤酒
爐端燒
鮑魚
新鮮彈牙嘅鮑魚只係$23隻，火侯燒得啱啱好，一啲都唔乾，保留Q彈嘅口感
大頭蝦
推介👍🏻蝦頭嘅蝦膏味道濃郁，蝦肉新鮮爽口，必點，優惠價只係$16隻，呢度嘅爐端燒做得非常出色
牛油蒜蓉焗蜆
我地揀咗辣味，蜆肉粒粒肥大飽滿，鮮味十足，湯底又鮮又辣，連湯我都飲埋😆
泡菜豚肉鍋
大大片嘅豚肉配上酸酸辣辣嘅泡菜湯底，配料十足，有粉條、冬菇、金菇、椰菜、豆腐，上枱時會有個爐熱住，而家天氣涼涼哋食返個熱辣辣嘅鍋最適合不過😋
芥末榨菜腎片
勁大碟🤩厚切腎片加埋脆口嘅榨菜，點上自家制嘅滷水汁加wasabi，味道特別得黎又刺激
蜜瓜雪條特飲
Hoegaarden Rośee
大大杯嘅啤酒只係半價$46去邊度揾👍🏻朋友仔點嘅特飲加入一條哈密瓜雪條，清涼又解渴
📍野川拉麵の深燒食堂 (元朗)
元朗又新街40-48號榮豐大廈地下B號舖
人均消費：$350
食物：⭐️⭐️⭐️⭐️⭐️
環境：⭐️⭐️⭐️⭐️
回頭率：⭐️⭐️⭐️⭐️⭐️
服務
內用
餐點類型
晚餐
平均每人消費金額
HK$350-400
餐點：5
服務：4
氣氛：5
呢間餐廳真係一流！服務態度非常好，食物種類繁多，刺身新鮮鮮甜，燒物都好高質，啲食物全部都好足料，我同朋友都食得好滿足！係一間性價比好高嘅餐廳，我一定會再encore，仲要帶一大班朋友黎！呢度真係食餐飯食宵夜一流的地方！大推！
服務
內用
餐點類型
晚餐
平均每人消費金額
HK$350-400
餐點：5
服務：5
氣氛：5
見啲comments 咁好
所以試吓
吉列豬湯烏冬及照燒雞扒烏冬
兩個一上檯，就係出前一丁綠色包裝豬骨湯嗰浸味😂吃完好口乾口渴，重味精
另叫炸魷魚鬚，有輕微蛋黃味
結論價錢係相宜但唔會再去食
餐點：2
服務：3
氣氛：2
超多食選擇嘅日式食堂，最正係牛肉壽喜燒同刺身🍲🍣 飲品超級大杯，尤其係活乳酸奇異果沙冰芝士奶蓋，用啤酒杯裝，份量超勁🥝🍺
服務
內用
餐點類型
晚餐
平均每人消費金額
HK$350-400
餐點：5
服務：5
氣氛：5
建議的餐點
燒烤鮑魚
想食日本野同串燒，真係可以黎呢間。呢到咩都有咁，好齊款，岩曬一大班朋友，實有野岩食。壽司同刺身選擇都好多，三文魚刺身係厚切，好新鮮。蟹籽沙律上台個陣有少少嚇親，勁大碗! 好足料。
見到隔離台食烏冬好似好正咁，自己都叫埋一份。
揚出雞柳贊岐手打烏冬
有驚喜! 烏冬係好煙韌個款，好掛湯。湯底有幾款，我就簡左豬骨湯底，相對上係比較港式，但係好夾個烏冬，唔覺唔覺飲曬D湯! 炸雞份量有誠意!
串燒部分~~ 雖然呢到有埋串燒，但個場完全唔會好大陣味，通風好好! 燒扇貝簡左辣，個汁好惹味，重蒜! 豬頸肉肥瘦適中!
野飲方面叫左個日本信洲蘋果梳野，本身都係預佢一枝咁上。點知轉左杯，仲加埋碎冰，岩曬打卡，又夠凍。
餐點：5
服務：5
氣氛：5
❣️芝士地獄海鮮拉麵
麵條彈牙有嚼勁，海鮮豐富多樣，口感鮮嫩，湯頭濃郁醇厚，帶著辛辣的刺激感👍👍
❣️粗粒牛角漢堡配薯條/沙律~
餡料牛肉和豚肉為主，口感豐富多汁
❣️三文魚刺生
❣️油甘魚刺生
油脂豐富
❣️甜蝦刺生
肉質鮮嫩彈牙，帶著濃郁的海洋甜味
❣️炸魷魚鬚
外層酥脆，內裡鮮嫩有嚼勁
超好看！！！好吃值得一試👍🏻價格絕對可以接受😛一定要嚐嚐！！
服務
內用
餐點類型
晚餐
平均每人消費金額
HK$150-200
超好味和CP值超高嘅元朗食店！飲品和食物都超吸睛，味道水準超高！
#元朗人氣店
#食極都唔厭
服務
內用
餐點類型
午餐
平均每人消費金額
HK$450-500
餐點：5
服務：5
氣氛：5
建議的餐點
價錢超親民嘅元朗日式居酒屋代表！
今晚係我同老公嘅結婚週年紀念日🎉📆，梗係要食我地最愛嘅日本嘢，上openrice search下元朗區有咩正嘅居酒屋，見到呢間嘢食賣相唔錯，仲要俾我見到有原隻活赤貝刺身食😽，就即刻決定book位啦🤗
講下餐廳環境先，一入到餐廳就見到高過個人嘅iron man 喺度🤩🤩，勁吸精！！成個塲有大量卡位同好寬敞樓底又勁高，可以坐得舒舒服服咁食！
好啦，講下價錢先，我同老公睇完餐牌後，第一句就問：咁抵🧐🤔😅？因爲見到有個facebook share 分享價, 張list選擇包括咗炸物、燒物、壽司、爐端燒、刺身、甜品、啤酒、奶蓋飲品…等等都係全部半價！搞到我忍唔問多次職員，係咪真係有優惠咁抵😂😂？職員再三confirmed後我地即刻叫咗以下優惠價嘅食物：
油甘魚壽司 2件(分享價 $18)🍣：
油甘魚大件色澤透明新鮮，好抵食！
北寄貝壽司 2件(分享價 $16)🍣：
北寄貝師傅玩埋刀法，賣相靚，有誠意, 真係唔似$16/2件！
鮮帶子壽司 2件(分享價 $16)🦪：
鮮帶子夠新鮮，夠鮮甜，略為精致咗D, 但$16/2件已經勁滿足啦！
三文魚籽壽司 2件(分享價 $26）🍣：
呢個真係私心推介，性價比極高，三文魚籽勁爽脆大粒，無死咸，堅好食，下次要叫2份獨食先可以對得住咁平嘅優惠價！
指定乳酸芝士奶蓋500ML🧋(分享價 $29)
跟住我仲叫咗杯指定芝士奶蓋飲品，當晚係士多啤梨味嘅乳酸，一上枱超驚喜，嘩！！勁大杯！！！！嚇親我同老公，仲要係勁多芝士奶蓋，好好飲又夠曬邪惡😂😂, 都係嗰句，好鬼抵！
原隻活赤貝刺身：🐙🫶🏻🫶🏻
另我地當然叫咗兩隻原隻活赤貝刺身🤩🤩, 夠新鮮，同喺日本食一樣，廚師會將赤貝其他部份做壽司，夠誠意，唔馬虎，讚🤗💪🏻🫰
燒蒜蓉聖子：🦪
聖子大大隻，肉質嫩白，新鮮，正😋😋
脆脆鰻魚串：
肉質爽脆，無魚醒味，我鍾意，唔錯🐟🐟
燒黑豚肉五花腩：🐷🍢
呢個好香，肥瘦適中，不過本人略嫌黑豚肉太有o趙口😂😂
燒雞軟骨:🐔🍖
老公居酒屋必叫小食嚟，雞軟骨香炸得香脆又有嚼勁，兩串剛剛好！
厚燒牛舌 ：🐂🍢
有牛味，唔韌，都抵食！
香蒜牛油錫紙娃娃菜：
點都要叫返d 蔬菜，正常發揮🧄🥬🥬
香蒜大茄燒🧄🍆🍆
茄子大大條上枱鋪滿蒜蓉，成碟金黃色賣相好靚，夠味但又唔會咸，熱辣辣好食！
最後兩人埋單只係$700頭，真心抵👍🏻👍🏻💪🏻🫰🤩
總括黎講，整體分數非常高分，性價比極高嘅居酒屋，已成功列入飯堂之一⭐🌟👏🏻👏🏻🥳🥳
服務
內用
餐點類型
晚餐
平均每人消費金額
HK$250-300
餐點：5
服務：5
氣氛：5
建議的餐點
日本信州蘋果梳打 活乳酸奇異果沙冰芝士奶蓋, 椒鹽雞軟骨
之前萬聖節週末尼左呢間食，好有萬聖節氣氛，個個員工有唔同角色打扮，又有得坐戶外，價錢全部都好相宜，所以冇忍手叫咗好多嘢食
燒扇貝：辣椒蒜蓉好惹味，帶子唔會過熟
燒半殼蠔：都係揀咗辣椒蒜蓉，好送酒～蠔嘅size都唔細，咬落Juicy肥厚飽滿
燒牛仔骨：一上枱就聞到好香，牛味都幾濃郁
牛油煮蜆：滿滿牛油浸住，蜆肉冇沙，好香牛油味，另外點埋扇貝嘅蒜蓉尼食都好食
香草羊仔架：肉質軟嫩，容易切開，冇乜羊騷味
燒大頭蝦：夠大隻！搣開個頭就見到勁多蝦膏，燒得好香又唔會過熟，好食～即刻encore左兩隻
鱈魚片甲羅燒：呢個配搭好match，鱈魚片好薄脆，加埋蟹膏鹹鹹地，送酒一流
串燒雞翼同埋炸雞翼兩樣都好食，串燒就皮脆肉嫩，有住淡淡既鹹味。炸嘅就好香口，兩款都值得食
Corona+活乳酸：好大杯好抵飲，益力多嘅味中和左啤酒嘅苦澀味，變得易入口👍🏻
服務
內用
餐點類型
晚餐
平均每人消費金額
HK$250-300
餐點：4
服務：4
氣氛：5
呢間係位於元朗既日式餐廳 ，裝修格局都係新式工業風，佢有分室外室內，食煙既話可以住室外。入面氣氛好適合同朋友飲下酒傾下計。
服務方面店員都幾細心 ，都會主動睇下你需要提供服務。
燒三文魚水撥
分量有3個 ，表面燒得好香脆，啖啖肉，肉質好嫩多汁，油脂都燒到好香，呢個值得一試。
燒扇貝
都幾大隻，接面落左十分多蒜蓉，另到好惹味，熟既程度燒得不錯，不會過熟，亦都幾新鮮，可自行加少少鹽增加味道！
燒油金魚頭
黎到都幾大個，入面肉質十分鮮嫩，保持到肉汁，油金魚十分香，咁大個都好抵食。
脆脆鰻魚串串
呢個鰻魚唔係你想像中平時食個d，佢係新鮮冇加其他醬料，燒得好香口，皮好爽脆，咬落去仲爆哂汁出黎， 好特別。
香蒜大茄燒
燒豬頸串串
呢款都係出乎意料之外，佢係勁厚既豬頸肉，唔係平時個d薄薄地，咬落去爽口爆汁 ，一定再試下。
燒雞軟骨
雞軟骨燒到金黃色，十分香口，質感爽乳，調味適中。
厚燒牛舌
牛舌片片都好厚，上面配有黑椒同鹽，另到味道更野味，食落爽口，油脂感適中，香牛味。
香草羊仔架
唔會好勁蘇味，調味夠，肉質嫩滑，輕易可咬開，有肉汁。
HOEGAARDEN ROSEE 紅桑子
好香紅桑子味，啤酒味輕，岩唔係好飲酒既人，濃度唔高，易入口。
鮮帶子壽司
帶子新鮮,鮮甜。壽司飯既調味適中，唔錯。
大頭蝦
size大隻 ，用鹽烤帶出鮮味，蝦肉新鮮，嫩滑有汁。
穀飼牛仔骨
份量有4件 ，厚度適中，香牛肉味，油脂燒得香，咬落去都唔韌。
牛油蒜蓉焗蜆
份量唔細，蜆肉好滑，好香牛油味，蜆肉冇沙 ，十分乾淨。
鮮活鮑魚
肉質爽口，有鮮味，唔洗調味都夠。
整體食物都好新鮮，環境都闊落，服務亦唔錯，又可以同朋友慢慢傾慢慢食。
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：5
牛角漢堡好好食, 第一次食係牛角包夾住漢堡扒，漢堡扒肉質不錯
食店仲有日式魚生可以食 fusion得嚟又正
今次叫多兩杯啤酒爽歪歪
服務
內用
餐點類型
午餐
平均每人消費金額
HK$150-200
餐點：5
服務：5
氣氛：5
建議的餐點
粗粒牛角漢堡配薯條 沙律
👍🏻特惠餐牌低至半價
👍🏻食物份量大，價錢實惠
👍🏻氣氛極佳
餐點：4
服務：5
氣氛：5
食完肚痛腸胃炎左一星期 員工態度惡劣
服務
內用
餐點類型
晚餐
平均每人消費金額
HK$100-150
餐點：1
服務：1
氣氛：1
飲品選擇超級多，杯杯都好好飲咁，最後我揀左芝士奶蓋朱古力oreo，朋友點左可可脆片阿華田芝士奶蓋，即使係凍朱古力依然好重可可味，夠甜好好飲！主菜自家製叉燒拉麵配芝士辣湯底，辣勁十足，愛不釋口，湯底又辣又惹味，仲有即溶芝士正啊，中意刺激感覺既朋友推介呢個，我就點左自家製豬軟骨讚岐手打烏冬配濃豬骨湯，烏冬十分彈牙煙韌，豬軟骨熬得好入味，牛肉壽喜燒份量十足，有齊曬粗粉絲、生菜、肥牛、鮮冬菇，仲配埋生雞蛋，壽喜燒牛肉同生雞蛋係絕配，至於清酒煮大蜆每隻都好肥美，啖啖鮮甜，完全無沙，火焰三文魚壽司，油脂感一流，係口腔慢慢溶化好正，必點時價一板加拿大海膽$288，包紫菜食每一啖對於我呢啲海膽粉絲嚟講，都係滿滿既幸福感，仲要食咁多嘢，埋單都只係$815，性價比極高😽😽
餐點：5
服務：5
氣氛：5
#christine開飯日記
今日同大家去元朗搵嘢食🤭元朗不嬲都出名多好西架啦。今次就同大家試一間大班人 gathering 好去處🤭
打開個menu，可以話你想食嘅應該都可以搵到，由飽肚嘅拉麵到送酒嘅串燒生蠔都有🤭🤭🤭一大班人去食就唔怕有嘢唔啱胃口啦
🌟即開生蠔
去到點可以唔食生蠔呢🤭我同朋友仔即刻叫左半打先，$28有隻，都幾鮮甜架
🌟鮮帶子壽司、海膽壽司
我地都有試到佢嘅壽司，都做得幾唔錯，食材新鮮得嚟都幾夠款式揀架👍
🌟泰式生蝦
有冇人同我一樣都好中意食生蝦😍最中意佢爽口嘅口感，再點埋泰式辣汁，正丫🥰🥰
🌟牛肉壽喜燒
因為太耐冇食過壽喜燒，我哋見到都即刻叫嚟試吓，佢唔算好大算，share食就最啱啦，佢最底有少少薯粉，吸晒啲壽喜燒汁，不錯不錯
🍴野川拉麵の深燒食堂 (元朗)
📍元朗又新街40-48號榮豐大廈地下B號舖
餐點：4
服務：4
氣氛：3
超多野食選擇～刺身、燒物、炸物、鍋物、拉麵/烏冬應有盡有！重點係價錢合理💖仲要每一樣好好味！！開到凌晨隨時都可以同朋友再黎食🙌🏻宵夜之選
服務
內用
餐點類型
晚餐
平均每人消費金額
HK$300-350
餐點：5
服務：5
氣氛：5
建議的餐點
炸魷魚鬚
仲以為間鋪淨食拉麵，點知佢咩都有，又有刺身又有壽司又有串燒，好似居酒屋咁。
拉麵抵食。串燒真係燒得好，值得去食下！ 2個人隨心所欲咁叫串燒，埋單都係$700有找，食到好飽。
服務
內用
餐點類型
晚餐
餐點：5
服務：5
氣氛：5