台灣羅東肉焿番(Taiwan Lou Dong Rou Geng Fan)

食物不錯但排隊很長

🐽🍠#芋頭控!!台式鐵板吐司🥪🇹🇼
———————————
🥪肉鬆芋泥吐司 ($40)
首先好多謝我個friend山長水遠係元朗買過黎俾我食☺️🙈
送到過黎都仲熱辣辣 個麵包仲係脆
直情爆曬餡 芋泥同肉鬆份量好多
半半岩岩好 又鹹又甜 好正
不過呢個人認為唔係用上好甜好靚嘅芋頭🙈🙈
除咗黎樣之外其實都好好
食落都係綿綿嘅芋泥 🍠🍠滿滿嘅肉鬆🐽🐽
份量同誠意搭夠🥳🥳
無得去台灣就買黎頂下癮啦🥰🥰
等我下次去元朗試埋佢其他野食先😋
PS 另一款芋泥紫薯吐司個人覺得好麻麻 唔值得試🤯🤥
———————————
羅東肉焿番
@luodongrougengfan
元朗鳳翔路69號建輝大廈地下5號舖

#igfoodtaste台式
#igfoodtaste元朗

不錯的台灣菜，很正宗，很好吃
提供套餐和甜點

一枱十款食物 但容不下外來一口飲品
人良才得食 畜牲乞口吃
這種不專重飲食的事“痛心”

食物質素一般，以質素來講價錢相對貴。

有台灣風格和特色

久違既台灣味道
有一次去元朗行街時經過發現呢間餐廳好多人排隊 餐廳門外堆滿人群 好奇之下睇吓呢間餐廳係食咩 原來係食台灣食物 而佢更加係主打台式嘅肉焿湯 喺香港比較少見嘅台灣菜
本身當日就想一試有幾好食 不過排隊嘅人數太多 等候時間比較耐 所以當日無去食

隔咗幾日 揀喺平日再黎 我哋大約七點左右嚟到餐廳 但門外已經有好多人排隊等候 好彩最後大約等咗半個鐘左右就可以入到餐廳

一坐低 我哋就點左佢嘅招牌套餐 —羅東肉焿湯餐，台灣士林香腸，鹽酥拼盤

羅東肉焿湯餐 $79
套餐裏面有一碗滷肉飯再加一碗肉焿湯，
而且餐廳好貼心會喺牆上張貼如何教品嚐肉焿湯，滷肉飯既滷肉好惹味 而且滷肉汁送飯一流 而肉羹湯係有d似碗仔翅 但係肉羹湯會比較杰身 而且裏面嘅肉丸比較有有咬口 肉羹湯本身已經有放調味料 烏醋，蒜蓉醬等 所以撈埋一齊食已經好好食😋

台灣士林香腸 $33
而一講到台灣又點會少得台灣腸呢~
食落去就係台灣食嘅味道 而且佢配搭自家製嘅蒜蓉醬 令人一口接一口 好快就食晒

夜市鹽酥拼盤 $69
拼盤包括鹽酥一口雞，香芋海鮮餅，甜不辣，四季豆 全部嘅食物都炸得好香口 好好味

芋泥綜合芋圓(二人份量) $70
最後我哋叫咗個甜品 ，芋圓裏面包括三色芋圓,蜜紅豆 白玉珍珠,白色小丸子,海藻水晶 撈埋一齊食 芋圓同小丸子煙韌 海藻水晶彈牙 同紅豆夠甜 呢個甜品味道十分推介

總括而言 餐廳充滿着台灣嘅味道 食物質素高
而且價錢唔貴 性價比極高 係無得飛去旅行情況下 呢間餐廳的確可以止下對台灣既思鄉情

超好吃😋 …

好多屯門牛 住大西北既人都話返工時間塞車出市區，等於飛一轉台灣😂等我山長水遠入元朗，食個好出名既正宗台灣菜先💛平時search openrice 同ig，好多人推介呢間羅東同你妳。入到去發現樽裝奶茶有你妳既招牌，唔知係咪姐妹店呢😜 12點半到，啱啱好唔洗等位最後一張堂食枱。座位唔係好多，唔想等位記得早d到😉Menu入面有款綜合滷味王子麵好吸引，可惜今日停售，唯有下次試啦😢 好豐富既午餐😍放滿成張枱，小食，主食同甜品都有齊

滷三層焢肉套餐 有肥有瘦既滷肉好正😍最鍾意食肥肉層，咬落滿口油香。配埋酸菜，木耳絲，撈均食乾拌麵。糖心蛋麻麻地。套餐包飲品，我地揀左冷泡無糖高山茶。

綜合丸湯有花枝丸同香菇貢丸，丸類彈牙，湯底清清地加少少蔥花。

鹽酥拼盤魯肉飯 想試多幾款小食，單叫又驚食唔曬，呢個拼盤就啱曬我啦😃有鹽酥雞，蝦捲，香芋海鮮餅。鹽酥雞炸得香脆，炸粉唔算厚，食到粒粒雞肉🐥香芋餅咬落粉粉地，淨食味道比較寡，點埋sauce會惹味d😃估唔到滷肉飯咁大碗🤣🤣好多滷肉，夠曬撈飯食，食到最尾唔會得返白飯。

仙草芋圓 黎得食台灣菜，點少得叫芋圓甜品呢😝涼浸浸既仙草加上三色芋圓，蜜紅豆，海藻水晶，夠冰涼又消暑👍

吐司的麵包硬得像紙皮，完全沒空氣感，連一般白麵包也比不上。二芋泥是冰冷的，感覺剛從雪櫃取出，但我用餐時並非繁忙時段。肉鬆是濕的，沒鬆軟感。垃圾

一般。。。 但勁多人排隊

和朋友去了元朗鳳翔路69號建輝大廈地下的羅東肉焿番食飯，這是元朗一間非常出名食台灣料理的餐廳。
好多時經過都看見人龍排隊，尤其是假日時間。
食肆餐廳不大，是一間小店，所以但感覺就非常地道的台式餐廳。
我們點了酥炸甜不辣，乾拌麵餐，羅東肉焿番湯米線，芋泥綜合芋圓。
酥炸甜不辣， 外皮酥脆，內裏煙煙韌韌，配上豆瓣醬作為小食，好好食。
乾拌麵餐，還包了白枝丸與肉丸湯，麵質堅韌有口感，味道不錯。
免費跟高山茶。
羅東肉焿番湯米線，用新竹米粉，一向都好喜歡吃新竹米粉，有點像蚵仔米線 ，內裏有手剁肉丸。
芋泥綜合芋圓，好大份，用料足，足夠三至四個人食。
芋圓煙煙韌韌，內裏還有爆珠，海藻水晶，小丸子等。
中間是芋泥球，好正宗和足料。
作為一餐的完結，非常圓滿。

服務態度同澳牛有得比

件厚多士勁正

我就覺得幾難食呀 麻麻哋囉

遠道以而來，可惜味道不正宗亦不美味

既然屯馬線開通~梗係要周圍搵好西食🤪
今次黎到位於元朗嘅羅東肉焿番💛黃店黎 門口有大大張紙寫住「香港人自救」仲有學生優惠 $20就有滷肉飯+冬瓜茶 完全係良心價

舖頭環境雖小 但坐滿人 仲有好多外賣訂單 睇嚟生意唔錯 不過如果佢開多幾間分店就好了

講吓食物質素先~係好食嘅！不枉我山長水遠入嚟 屯馬線冇令我失望呀🤣揾到好野食
我同男朋友去 叫左2個套餐

第一個係1號羅東肉焿湯餐 $79 。套餐包括細魯肉飯+羅東肉焿湯+古早冬瓜茶/冷泡無糖高山茶。另外可以加錢轉其他嘢飲。首先講滷肉飯 望落好乾身 我以為會好dry 點知食落完全唔會 幾驚喜 佢除咗有滷肉之外仲有唔少豆卜👍🏻幾特別 我諗應該係豆卜朔左啲汁先唔會乾 佢仲有半粒糖心蛋添 唔會咸 流心呀 味道呀 都啱啱好。套餐入面仲有佢哋嘅招牌 羅東肉焿湯 都幾大碗 之前冇飲過 佢嘅質地有啲似鼻涕 但食落唔會有章住咀嘅感覺 味道酸酸地同辣竦地 鍾意食碗仔翅嘅朋友可以試吓 個人覺得幾好食。😋飲品我哋加咗$10轉樽仔奶茶 台灣菜當然係台式風味嘅台式奶茶 但佢偏濃味 仲有少少回甘 好飲！真係好飲！本身麻麻哋台式奶茶 會驚有啲死甜 但佢完全唔會😍 不過唔知點解面頭係貼住「你妳」可能兩間台灣食品有關係哈哈

第二個叫嘅套餐就係5號牛肉湯麵套餐 $70。佢一上菜就飄散住滿滿嘅藥材味 好香😶‍🌫️ 麵條係手工做 烏冬嘅粗幼 但比烏冬厚實 我最鍾意就係食手工麵👍🏻😆配埋湯底一流~ 牛肉方面佢哋比嘅係牛肋 重牛味 滲落藥材嘅湯到仲索到啲汁好正

另外小食方面叫咗一碟梅甘地瓜條 $33 有一大碟 上面仲想滿滿嘅梅甘粉 酸酸甜甜 好好食 番薯條亦都好大條 鍾意食番薯嘅真係唔可以錯過😋❤️ 每次去食台灣菜都必點 呢間亦都冇令我失望

甜品方面叫咗仙草芋圓2號 (三色芋圓、小丸子、海藻水晶) $35。仙草唔會偏硬/偏淋 中規中矩 食落好涼好滑 最驚食涼粉好硬 但佢唔會
仲俾咗唔少芋圓 全部都大大粒 個人覺得芋頭丸最好食！有芋頭味🤣😂好似講緊廢話 不過真係唔係間間做到😢 總之呢碗就係好食啦！

我希望佢會開多幾間分店 咁到時唔使特登入元朗咁遠😢不過好在而家又屯馬線都方便咗好多
所以結論係⋯⋯佢冇阻我特登入元朗食😂😂❤️大家記得要飲佢哋嘅奶茶、羅東肉焿湯、地瓜條、仙草芋圓、手工麵etc..全部都好食

今日禁岩經過元朗，就去左朋友推薦既羅東肉焿番試菜🤣
兩個人叫左下面d嘢食，食完超飽。。。

2號乾拌面餐
套餐裡面包含：
1）乾拌麵
可以簡辣唔辣同加唔加莞茜，有d肉碎加沾滿左醬汁既乾豆腐，味道雖然有d濃，但都幾好食
望落份量唔多，但都食到好飽

2）熱冬瓜茶

3）綜合丸湯（花枝丸，貢丸）
一共有3粒，配上有淡淡葱味既湯，可以沖淡頭先個面既味到，然後再戰甜品🤣

3號綜合丸餐
1）凍冬瓜茶

2）魯肉飯（細）
同乾拌面差唔多，都有乾豆腐同肉碎，同時仲有一個好有魯水味既糖心蛋，配飯食一流

3）綜合丸湯（花枝丸，貢丸）

夜市鹽酥拼盤
裡面有炸豆角，甜不辣，炸芋頭餅同埋鹽酥雞
推薦甜不辣同埋炸芋頭餅，兩個我個人都覺得好好食

仙草芋圓1號（推薦👍）
裡面有紅豆，海藻水晶，涼粉，芋圓
芋圓咬落好有彈性，配上好香甜既紅豆，食完飯之後食真係一流。
店員仲會好貼心刻意講甜品留到最後先上，食完鹹既再食甜既，真係好滿足～

周不時都會幫襯下呢間小店，近排天氣轉涼，肉焿湯有肉又有啖湯暖下胃～加$5仲可以加大滷肉飯，兩個人食都冇問題！

肉焿係用豬肉同魚槳打成既，咬落好紮實，而且仲見到豬肉嘅纖維🤔反而魚就唔係好感覺到。湯嘅質感有少少似傳統嘅港式碗仔翅，但味道因為加咗醋仲有辣椒醬，所以係微微嘅酸辣，都幾上癮㗎！

魯肉飯大大碗一啲都唔孤寒，上面嘅魯肉唔會太咸，仲加入咗好多豆卜絲索汁，仲有半隻蛋添！不過就咁食魯肉飯有少少似汁撈飯，唔係好夠餸🤔 所以叫多個雞卷送下飯，雞卷嘅份量比我哋想像中係大一倍，一份有兩舊。炸到外脆內軟🥰

另外我哋仲叫多咗個蛋餅，最欣賞呢個蛋餅唔會太多汁，幾易入口又保留到外層煎脆嘅口感，咬開有拉絲芝士🥰 蛋餅大大嚿，每人食兩件已經好飽了～

餐廳門口仲貼住告示，話做緊一個$58任食甜品嘅優惠，見到招牌嘅芋泥吐司同埋蛋餅都有得食，好易回本喎🥰 下次試吓先得～

人氣台式肉焿湯 🇹🇼 元朗人就好啦
——————————————————————————
想晌香港食返碗古早味肉焿湯相當有難度
任台式小店開得成巷成市
賣肉焿的地方真的少之有少
想食台灣好滋味? 一齊跟小編入元朗喇
.
《羅東肉焿米粉湯》
濃稠的肉焿湯就像碗仔翅 但湯汁更帶肉香
內含芫荽、蒜蓉醬、秘制辣醬同烏醋
拌勻後帶微微的酸辣 食起來更惹味
更埋台灣的新竹米粉 滋味又飽肚
.
《魯肉飯》
香噴噴的魯肉飯帶濃郁醬香
油份滲透落鬆軟的白飯
配埋那隻滷得完美的糖心蛋 很好下飯
.
《夜市鹽酥拼盤》
炸鹽酥雞、甜不辣、四季豆食得多
鹽酥香芋海鮮餅有驚喜的感覺
食落口感Q彈像魚餅 中間帶芋蓉
咸咸甜甜卻又出奇地夾
.
《台灣牛肉湯麵》
香濃的牛肉湯配上手工麵條 爽滑彈牙
牛肉用上牛腩部位 油脂豐富而且肉質結實
.
《仙草芋圓一號》
三色芋圓煙煙韌韌 配蜜紅豆同QQ的海藻水晶
冰凍的仙草由口腔滑至喉嚨 涼涼的好舒服🧊🥄
.
《冬瓜茶》
夏日炎炎點少得去台灣必喝的冰凍冬瓜茶
甜甜的好滋潤既感覺 消暑解渴
.
羅東肉焿番 (元朗)
📍元朗鳳翔路69號建輝大廈地下5號舖
————————————————————
#元朗 #元朗美食 #元朗好去處 #yuenlong #yuenlongfood #hkfood #hongkongfood #852food #852foodie #852ig #香港好去處 #香港美食 #香港美食指南 #hkfoodie #hkfoodieblogger #hkigfoodie #食左先講 #presslogicholiday #presslogicgirls #新假期 #相機食先 #香港打卡 #打卡熱點 #cafehk #hkcafehopping #hkcafe #hkdessert #hkdessertshop #羅東肉焿番

只試了飯，不好食。 沒有試其他了，但人气高， 或者其他好食吧，但已不想試。
懂宣傳但不懂欣賞

今日放工返屋企經過呢間望落平平無奇但充滿驚喜嘅台式餐廳 @羅東肉焿番 於是乎就入去食左當去左台灣 我同同事叫左一人一款招牌菜式 滷三層焢肉套餐 同埋牛肉湯套餐 再加一份肉鬆芋泥吐司同一碗仙草芋圓

滷三層焢肉套餐包左三粒肉丸 再加一碗激多餸嘅焢肉滷肉飯同一杯古早冬瓜茶

而牛肉湯套餐就係牛肉麵 側間仲有啲酸菜做配菜 酸酸地辣辣地 勁開胃 另外加$10就有一枝樽仔奶茶

肉鬆芋泥吐司整得勁靚 岩哂鐘意食芋泥嘅人打卡 勁足料都只係$42 超抵食

仙草芋圓有爆珠 珍珠 仙草同芋圓 4種唔同口感嘅topping加埋一啖食勁刺激

芋圓好食😋 …

一般

招牌芋泥吐司 真係好食👍
牛肉麵湯底濃郁 牛肉半根半肉好咬口
但小食差少少 …