台灣羅東肉焿番(Taiwan Lou Dong Rou Geng Fan)

睇評價去了這間餐廳。正一垃圾！台灣牛肉麵：啲牛肉又鹹,又乾，又鞋。乾撈麵又係得個鹹字，但很大碗，麵還可以。一口酥雞：粉漿又多，雞冇味，又乾。台灣腸得個鹹字。那個紫薯肉鬆三文治，又一樣是垃圾！一定是付錢買好評，不要上當！坐得辛苦，又貴，服務員嗱口嗱面，貼錢買難受！

呢間台灣菜已經食過2-3次，差不多每次去元朗都想去探下佢，不過每次都要等好耐……呢日朋友們都想食，唯有又去等下……好彩30分鐘左右就入得啦。
以下係我地叫嘅野食︰
肉焿湯米粉 ($48)
我地加左芫荽同辣醬。個湯口感同碗仔翅差唔多，不過入面材料少啲，有筍絲同幾塊肉丸，米粉份量都幾多。加左辣醬後都幾惹味，酸酸哋辣辣哋。
鹽酥一口雞魯肉飯 ($56)
碗魯肉飯好大碗，2-3人分享都可以。而且魯肉處理得唔錯，入口好香。飯下面有啲肉汁，可以用黎餸飯，唔會咁單調。
炸粉略嫌厚左少少，不過雞肉炸得恰到好處，好嫩滑。
台灣士林香腸(伴自家製蒜蓉醬) ($33)
！！！友人好中意食呢個小食！特別係個蒜蓉醬，佢地話超香，同香腸一齊食好夾，中和左白腸嘅甜味！而且士林香腸都過香煎再切件，表面好香脆!
酥炸甜不辣 ($33)
我好中意食甜不辣，因為口感好煙韌。呢個甜不辣因為炸過，所以表面會硬少少，不過都好食。
甜品方面叫左仙草芋圓2號 ($35)
雖然睇落唔係好大碗，但好足料！下面唔係冰同水，係成碗仙草，而且每款材料都好多。三色芋圓同小丸子都好煙韌有咬口，仙草係無甜味嘅，剛好可以中和較甜嘅糖水。

羅東肉羹湯～明顯呢個就係招牌菜，湯羹內有五至六件肉，咬落去就起肉絲，香軟程度令人嘆為觀止！湯羹口感有啲似碗仔翅，而因為有芫荽，亦都帶起了另一番風味～

古早味雞卷～用豬腸包裹著雞肉再炸，外層非常香脆，內裏雞肉多汁嫰滑，不用沾醬已經非常夠味。

仙草芋圓1號～芋圓係台灣必食嘅item，呢度做得非常出色！搭配清爽嘅仙草，香甜嘅紅豆同口感特別嘅透明水晶珠，既係甜品，但一啲都唔會滯！

相信大家都知道元朗好多好野食，今晚約咗個住元朗嘅朋友食飯，佢就帶咗我去食台灣野。

因為我地都唔係特別肚餓嘅緣故，我地都係嗌小食同甜品居多。講到小食，去到台式餐廳點可以唔試一試個鹽酥雞呢？一份鹽酥雞份量好多，仲要粒粒都好大粒啖啖肉，十分酥脆又熱辣辣。

加咗梅粉嘅地瓜條一向都係我嘅至愛，酸酸甜甜嘅味道又開胃又易入口！啱啱炸好嘅地瓜條配上酸梅粉真係100分！ 鐘意地瓜嘅朋友仔一定要試下！

綜合丸有齊花枝丸加香菇貢丸，兩款丸都咬落好爽口。不過重點係佢個湯底，濃味但唔係一味鹹，十分開胃。

甜品方面，我地嗌咗個仙草芋圓1號，有齊三色芋圓、蜜紅豆同海藻水晶，第一次食海藻水晶，Q彈嘅口感好新鮮。芋圓好煙韌，加上凍凍地嘅仙草，真係啱哂係咁熱天氣食。

呢間餐廳小食甜品已經咁出色，下次一定要留定肚，再嚟試佢嘅主食！睇嚟要識多幾個住元朗嘅朋友先得啦！

雖然有點新意，但感覺味道一般

今晚同朋友兩個人去左元朗既羅東肉焿番到試下佢既出品，呢間店一直口碑盛傳有好正宗既台灣名產：肉焿可以試下，所以吸引左我地呢兩個鐘情於台灣美食既食客黎試一試。
我地分別叫左兩個唔同既套餐，分別係肉焿+肉燥飯套餐，同埋台灣牛肉麵套餐。
羅東肉焿湯套餐（配上一碗肉焿+一客肉燥飯）
肉焿湯味道濃郁，感覺用左好多材料去做出鮮味，係一般餐廳比較少見既。上台前服務員有提醒肉焿內會加上辣醬以及黑醋。加上後辣度都唔算好辣，但就令到肉焿味道更多有層次。而且肉焿裡面既豬肉相當好味，係一種好爽脆既感覺，比較難形容，總之就相當好味有驚喜。
而肉燥飯都有水準以上，感覺豬肉肉碎都係新鮮豬肉，所以做成肉燥一點都唔會遜色。
羅東牛肉麵套餐（配上牛肋，自家酸菜，手功麵條）湯麵份量十足 ，麵條QQ彈牙而牛肉用上牛肋條，亦都啖啖肉，同埋相當之淋身好好味。
加上自家酸菜同埋湯底，雖然唔係店家主打既招牌菜，但係水準都有返咁上下。
最後我地叫多左小食 ：台灣鮮蝦捲同埋綜合丸湯。鮮蝦捲外層炸得香脆，而蝦肉新鮮彈牙。
綜合丸湯我地就覺得略咸少少，可能台灣羅東對於湯品既製法係有所不同，湯頭唔太岩直接飲用。
套餐分量極足，我地食到最後飲埋杯檸檬蘋果梳打就完成左呢一餐。
總結店長推介既肉焿湯果然名不虛傳，味道好之餘，亦都好少有台灣餐廳會推出呢樣咁特別既食品，絕對值得大家去一試。

近日新聞比較多台灣的消息，令我想起台灣的美食。

所以揀左間係香港比較地道的台灣餐廳。

我地點左：
台式綜合滷味王子麵
王子麵之前當零食食過、當麵食真係第一次，口感軟軟綿綿，好入味～
配料有甜不辣，咸咸甜甜，好香滷水味。
粟米仔- 爽口又帶甜
滷水豬耳-爽口彈牙又入味
米血糕-QQ口感又帶米香
滷水雞翼皮滑肉嫩好入味。

三層控肉套餐
包括：
綜合丸湯- 濃厚既胡椒和蒜香味。
香菇豬肉丸好香菇菇味，又彈牙，豬肉味濃🐽
墨丸同樣彈牙，食到墨魚粒，唔係cheap cheap 麵粉丸👍🏻

自家酸菜- 酸酸辣辣，令人好開胃。
豆卜滷水調味好入味～
木耳絲 – 口感爽滑
魯肉飯用左珍珠米已經攞分，帶點脂肪既魯肉份外香滑，一口落去就浸出香味。
滷肉帶少少油份令口感更滑，飯更香，每口飯也有滷肉香。
流心蛋好滑溜～

樽仔奶茶
好得呀！茶同奶既比例岩岩好，好香茶味，超鐘意❤️

蘋果蜜桃茶
好清新，好香蘋果和桃味，甜甜地，so sweet🥰

夜市鹽酥拼盤
包括：
鹽酥一口雞- 超香脆、好香椒鹽味，和雞肉好配👍🏻
香芋海鮮餅-好驚喜，竟然有我鐘意既芋頭，好香呀🥰
甜不辣-口感脆得黎又煙韌😋
四季豆-第一次食燒四季豆，口感好得意，調味以椒鹽為主，好食呀！

仙草芋圓1號
有三色芋圓
蜜紅豆
海藻水晶-甜甜地，有種獨特香味，超彈牙超爽口，夾著甜甜既涼份，好美味。
紅豆軟綿又甜。
芋圓係香港唔係間間都好食，但依間黎到一定要食，Q軟彈牙又有芋香😘

羅東肉焿～店名都係用呢個食物命名，當然一定要食！店員仲好細心咁，問我哋食唔食芫荽添！個湯羹有啲似碗仔翅嘅質感、而肉塊每塊都有一隻匙羹咁大，認真數過，有六塊咁多！！而且佢一啲都唔韌，亦都有肉該有嘅口感！好特別！必食item!

鹽酥拼盤配乾拌麵～當好想食好多唔同嘅小食嘅時候，就會留意一下會唔會有啲拼盤，可以咩都試到，果然比我搵到呢個啱晒我口味嘅拼盤!當中有鹽酥一口雞、蝦捲、香芋海鮮餅，樣樣都好美食，特別係香芋海鮮餅，坊間絕對食唔到，香芋味濃郁，愛芋之人必點之物！旁邊嘅辣醬非常值得推薦，聽店員講，係店家自製，愛辣如我，大大力比LIKE呀!
乾拌麵~麵條非常有嚼勁，一D都唔會糊，而且拌料非常開胃!

台灣士林香腸～去親台灣都會食，冇得去旅行，只好喺呢度尋覓一下去旅行嘅感覺，但絕對冇令我失望，特別係蒜，係經過調味，配合起嚟，絕對有台灣味！

山草芋圓1號～由於食太飽，所以唔會再食太厚重嘅甜品！點咗有香甜嘅紅豆、水晶同芋圓，底部就係仙草，仙草味非常濃烈，絕對冇偷工減料，呢個組合係比較清爽，甜度剛好！完美！

大棠行完山出返元朗食啲嘢補充下體力，
見到呢度有芋泥多士，
即刻心心眼。

之前去台灣食過覺得好好食，
之後喺香港都有見過不過成日都排晒隊，
今次見唔使排隊又有得堂食，
於是就坐低食。

佢有三款口味嘅多士，
分別係肉鬆芋泥、Oreo紫薯同紫薯芋泥，
我見周圍啲人都係嗌肉鬆於是就試吓肉鬆，
但我想食淨芋泥口味多啲。

呢個配搭都ok嘅，
但我覺得個芋頭味可以再重啲，
份量都算大份。

中了開rice評分星級騙局，慕名而來，點了芋泥多士及魯肉飯，多士沒芋香和味很淡，體積太厚，中心是凍的。
魯肉飯很一般，沒想像中好食，可以話名過其實。
地方小，人多，等候時間長，食物質素一般，還可以有5星，真係是令人費解。

超人氣肉燥飯
所以揀左外賣
好好食 份量大

路過

今天來到元朗探朋友，正想食台灣菜，朋友便帶我來到”羅東肉焿番”，十分期待。

看看餐牌，豐富多樣，我們各點了一些share食。

1號羅東肉焿湯餐 $79
凍古早冬瓜茶(凍)
招牌肉焿湯濃稠度剛好，肉夠大件又入味，肉質爽嫩入味，好好味。
魯肉飯不錯，肥肉不多味道香濃，還有半隻溫泉蛋。

2號乾拌麵餐 $67
凍古早冬瓜茶(凍)
另還點了一份乾拌麵，麵爽口彈牙有口感，醬汁調味好夠味，香濃有特色。
餐配上綜合丸三粒，大粒又彈牙，三款不同口味，好滿足。

仙草芋圓1號 $34
就如地道的台灣芋圓一樣，滿滿的一碗，有三色芋圓、蜜紅豆、海藻水晶等材料，甜度適中，整體不錯。

突然好想食台灣嘢，所以去咗呢間位於元朗嘅小店！平時經過都見到好多人排隊，咁就知道係好嘢啦～😎
介紹下食咗啲咩先～
乾拌麵+綜合丸子湯套餐
個拌面相當惹味！辣辣甜甜嘅，有肉碎同豆腐卜絲。值得一讚嘅係麵質好好，煙煙韌韌，而且都幾粗，可以沾好多醬汁😋
綜合丸子湯
有兩粒墨魚丸，墨魚丸裡面有一粒粒墨魚，好爽口彈牙😍另外仲有粒貢丸，都幾鮮味😋

台式雞卷
呢個真心正！😍雞肉出面有層薄薄嘅皮包住，炸得好脆，但又唔會油膩，雞肉仲好有肉汁😍點埋個辣醬一齊食就更加惹味啦🥰

紫薯芋泥吐司
吐司有牛油香味，烤得香香脆脆嘅～紫薯同芋泥口感幼滑，甜度適中😍唔錯唔錯～

芋泥綜合芋丸（2人份）
食台灣嘢又點少得芋丸呢～呢個芋丸好豐富呀，有三色芋丸、芋泥、、仙草、蜜紅豆、白玉珍珠、白色小丸子同海藻水晶。芋丸口感好好，QQ的～同埋芋頭味都幾重，證明係真材實料；芋泥整得好滑😍略帶奶香，好好味！而且整個甜品食起黎唔會太甜😗飯後食剛剛好😛

冬瓜茶
唔會好似一般嘅冬瓜茶咁死甜，非常解渴☺️
呢間餐廳真心幾高質，而且老闆同店員都好nice，真係有去咗台灣嘅感覺～就算排隊都值啦😎

今天決定二訪早前去過的羅東肉焿番!🎈
–
剛好今天經過元朗，真的是大好的機會呢😚
很喜歡台式小店的溫馨!
小店內一如以往，也是有不同的食物選擇📝
這是由於是午餐時間，不太餓，因此也點了一些小食呢!📌
–
首先點了我最喜愛的梅地瓜條!🍠🍟
地瓜條絕對是我很愛的台式小食! 每次看到也一定要試!💯
而且加上梅粉口味更加正💯💯
地瓜條會熱辣辣的上桌，配上酸酸的梅粉，
開胃又搭，好過癮同開胃😍
會一條一條接著食，真係好正!
喜歡地瓜的朋友一定要試呀!🤩
–
當要也要點一些主食，主食點了乾拌麵餐配檸檬蘋果梳打🍜
乾拌麵其實也配上了湯肉丸，如果怕太趕都可以配搭🥢
乾拌麵配上了醬汁及肉碎，效果也是剛剛好呢!
不會太乾身，食落仲好有味道呢!📌
好惹味，麵條都好厚身所以有滿滿的飽足感。
搭配的湯肉丸口感彈牙，也好好食呢!✅
–
另外，由於我不太肚餓，因此我點了魯肉飯（小）配半隻糖心蛋🥚
份量對我來說也有點多呢!
滿滿的飯和肉，味道好豐富🍚，
是令人回味的台灣味道!
糖心蛋好食，而且不會太熱，好開胃!😍
–
最後，我當然預留了部份quota食我最愛的芋圓😘😘
這次點了仙草芋圓1號（三色芋圓，蜜紅豆，海藻水晶🧡❤️
份量十足! 芋圓十分煙韌，岩晒QQ控
而且仲帶有地瓜少少的甜味，好好食!💯
當然仲有甜甜的紅豆，仙草同海藻水晶
好好的味道又滿足!
QQ控同芋圓控一定要試!‼️‼️
–
好滿足的午餐，同時間滿足晒小食、主食、甜品的需要!😋😋
價錢仲好相宜，
真的好期待再去!😘😍

元朗這家羅東肉焿番， 開店以來一直很有人氣，晚上無論堂食或外賣，仍然有很多捧場客，我也不例外，不能去台灣旅行，也要吃台灣美食！這晚十分肚餓，要盡情的吃。

2號乾拌麵餐$67, 有綜合丸湯和乾拌麵。這裏的乾拌麵配有芫茜和微微辣醬味道，配合滷肉，夠咸夠香，更加惹味，喜歡滷肉的肉碎非常大粒，又很入味。乾拌麵的麵質非常堅韌有彈性，口感極佳，而且份量也不少，喜歡吃麵的話要試試這上佳的口感。

3號綜合丸湯餐$61, 有綜合丸湯和滷肉飯。滷肉飯上面的滷肉醬，像肉餅這麼多，見到都高興了，朋友也吃得十分滿意，而且有半隻糖心蛋，像多了一款餸呢！

綜合丸湯，當然有這裏最出名的花枝丸，還有墨魚丸和貢丸，花枝丸裏面的花枝粒粒很煙韌，丸爽口得不得了；貢丸有麻油香，爽口又有冬菇味，這兩款是我最喜歡的；而胡椒味的湯底，微微鹹味，也喝得很開胃。

套餐包括一杯飲品，可選古早冬瓜茶或冷泡無糖高山茶。我們兩個套餐，就兩款飲品都試試。古早冬瓜茶味道微甜，有冬瓜味，感覺很清熱又滋潤，吃完煎炸食物喝它最適合。冷泡無糖高山茶味道也不錯，很有茶香，雖然無糖，但茶味足夠香，在口腔迴盪，冷泡茶在夏天飲很消暑呢！

見朋友的滷肉飯有半隻糖心蛋而我沒有，為食的我也要點一隻糖心蛋$12, 口感真的不錯，蛋白剛剛熟，蛋黃流心，外面蛋白有鹵水味，微微鹹，又夠香又夠滑。

食肉獸吃肉吃得不夠，再點一份一口鹽酥雞$43, 一口一粒，和朋友邊吃邊談天，吃得夠過癮！鹽酥雞炸粉不厚，但夠酥脆，雞肉有肉汁，新鮮又滑，不會太咸，很好吃呢！真的有台灣風味。

意猶未盡，還想吃甜品，掙扎著吃芋泥吐司還是吃芋圓甜品，最後被雙色的紫薯芋泥吐司$45吸引了。一份吐司有爆餡的份量，絕對可以跟朋友分享，只有微甜味的芋泥和紫薯，口感很幼滑，有芋頭香又有紫薯香，兩者配搭一起吃，非常好味又不會膩！整個吐司又滑又軟綿綿，吃過一定會記住這種幸福的感覺！

吃得非常滿足了！覺得像是去了夜市一樣，可以吃很多款食物，埋單才$228,沒有加一，價錢很經濟，值得一再光顧。

夏日炎炎去食下台灣野

仙草芋圓

有三色芋圓，小丸子，海藻水晶，爆珠，豐富口感冰冰涼涼

肉鬆芋泥吐司

表面烘到香脆，芋泥磨到好滑，夾埋肉鬆既咸香，好味又飽肚

綜合丸湯餐

有配有2粒墨魚丸同1粒貢丸既湯同一碗魯肉飯同杯冬瓜茶，味道都唔錯
。
。
羅東肉焿番
元朗鳳翔路69號建輝大廈地下5號舖
。
。

呢間台式小店喺元朗一條都算偏僻嘅巷仔入面，估唔到都咁多人排隊，但食完之後就明點講啦！

👉🏻肉羹湯米粉（$49）
店家用咗台灣新竹米粉，彈牙唔會好容易斷，索曬湯汁非常入味，肉塊分量好多而且好大舊，啖啖肉好滿足😋

👉🏻香腸肉燥乾拌麵（$49）
肉燥大大粒，撈埋店家秘製醬汁好惹味，麵條被湯汁完全包裹，小編仲落咗少少自製辣醬，辣度唔算太高但好香口👍🏻台灣香腸油脂豐富，肥瘦均勻，點蒜蓉汁真係一流呀！

👉🏻古早味炸雞卷（$46）
炸雞入口一啲都唔會油膩，肉質飽滿多汁，出面層皮好薄，炸到有少少脆，一啖咬落口感好豐富～

👉🏻梅乾地瓜條（$33）
一上枱就被佢分量嚇親，會唔會太抵呀🤣地瓜條都算粗身，外脆內軟，甜度啱啱好，好邪惡又好滿足呀！

👉🏻仙草芋圓1號（$34）
芋圓都算多，煙韌有咬口，唔會太甜，仲食到芋頭粒～其他配料都分量都好足，撈埋仙草食清涼又解渴，作為飯後甜品一流呀😛

👉🏻古早冬瓜茶（$15）
唔會過甜，清熱解毒，好啱夏天飲👍🏻

👉🏻冷泡無糖高山茶（$15）
健康keep fit之選，茶香味好出，濃度啱啱好唔會覺得澀，愛茶人士必嗌😆

聽朋友講呢間羅東肉焿番平、令、正，終於有機會去元朗朝勝😍

是日菜單:
🔸乾拌麵餐+綜合丸湯🔸$67
🔸樽仔奶茶🔸原價$28，套餐+$10
🔸古早冬瓜茶🔸$15
🔸酥炸甜不辣🔸$33
🔸芋見紫薯吐士🔸$45(芋頭控必選！)

2個人叫左3樣野食，其實已經好夠，但埋單只係$180，好抵食😻😻可憎今次食得太飽，下次有機會想再試佢另一個招牌食物仙草芋圓！

套餐包括肉焿、魯肉飯及飯品一杯。加大埋魯肉飯都係$84，就可以試晒招牌菜啦！
魯肉飯超好食，魯肉肥油及肥肉十分香口，令人食慾大爆發。我估飯用左珍珠米，唔會太硬又有飯香，好有誠意。肉碎份量足夠，我地加大左依然夠食。
肉焿，第一次食呢款台灣小食，焿既味道有點似香港碗仔似，黏黏的質感。肉湯清新而不太鹹，重有股豬肉既鮮甜味。寶物沉歸底，肉焿緊係要有肉，類似排骨，鬆軟有肉香，大推！

綜合滷水王子麵套餐$62 跟飲品
配料豐富，有米血糕、雞翼、甜不辣、栗米仔、豬耳、雲耳、魯蛋。
滷水入味，王子麵沾上滷水汁，彈牙好味。
魯蛋生熟岩岩好，豉油味又唔會太搶。

綜合芋圓加手工芋泥。呢間既芋圓好有芋香，唔似其他店舖食面粉冇味。紅豆、仙草加水晶，夠晒臺灣特色。

羅東肉焿湯米粉( 新竹米粉) ($49)

米粉QQ 的， 很有台灣風味， 加了我很喜愛的大量芫茜和一些酸酸甜甜的醋調味， 湯羹給人一個很thick的厚重感覺，有點像在吃碗仔翅， 味道十分不錯 。 唯一美中不足的就是份量不多， 男仔食一碗應該不夠飽！

要填飽肚子，那就要吃店家的另一個招牌菜： 號稱「爆餡芋泥亅的台式鐵板吐司

肉鬆芋泥吐司 ($42)

芋泥是微甜的、 肉鬆是微鹹的， 感覺上有點像將「南轅北轍」、「風牛不相馬亅及的兩種材料放在一起， 但是食起來原來是頗為搭配的。。。 有一點像在吃加了肉鬆的奶醬多！ 就我這個肉鬆控而言 ，鹹味較甜味搶鏡， 這是無庸置疑的。

外賣抗疫餐好抵食😋
好掛住台灣啲野食，呢間個魯肉飯真係最似台灣個個味，配埋甜不辣，好滿足🥳

抗疫外賣便當$68

A款 : 台南鮮蝦卷·花枝丸·香酥甜不辣 配 魯肉飯·半隻溏心蛋

B款：古早味雞卷·鹽酥雞·雞腿 配 魯肉飯·半隻溏心蛋

兩款都好吸引🤩最後叫晒，可以滿足晒所有願望。份量好足料，而且要講一講佢個雞腿，有少少青檸味，幾特別，非常推介

身為一個元朗人，已經留意左依間台式餐廳一段日子，適逢週末放工後終於約到朋友食個late lunch，一於一齊試下新野！
話晒人哋舖頭名都叫做羅東肉焿番，咁肉焿一定係必試啦！我哋叫咗1號餐有埋魯肉飯～另外芋泥吐司都係呢間店嘅招牌菜，所以都叫咗一份分享食，最後再加多一個小食同一個綜合芋圓做甜品🍮😋
芋泥紫薯吐司一上菜真係哇咗一聲😱 芋泥加埋紫薯蓉多到好似就嚟迫爆個吐司，比我哋想像中嘅足料好多！兩個心急一影完相就即刻試食，咬落去果下啲芋泥多到喺兩邊吱出嚟🤣🤣🤣🤣 好澎湃！朋友本身以為澱粉質夾住澱粉質一定會好乾，但因為個芋泥做得好滑好綿，所以其實唔會有乾嘅感覺～仲食得出芋頭嘅香味😋😋 雖然呢個吐司好飽肚，但我覺得係必點嘅item，推！
未食晒個吐司，熱食已經上菜啦～成個餐仲有杯冬瓜茶（或者揀無糖茶都得）滷肉飯係台灣味，個魯肉入邊加咗啲豆卜絲好索汁，撈飯一流！仲有我至愛嘅糖心蛋 ❤️
肉焿湯係另一個我非常推介嘅食品，點菜嘅時候待應都有好細心咁問我哋要唔要走芫荽走辣，但我同朋友都想試原味所以乜都冇走。肉焿湯個質感係台式麵線嗰種湯底，比較杰身嘅，入邊除咗有芫荽同台式辣椒醬，仲有種蒜香同醋香味。不得不提就係嗰舊肉，我同朋友每人食咗三四舊 😲 我哋喺度研究到底佢係一舊豬肉，定係將豬肉打碎左再重新做型🧐 有肉既香味，口感又好紮實，但又唔似係成舊豬肉咁單調🧐 後來睇到餐廳有介紹，原來係用豬肉撈左魚漿做成嘅，第一次食覺得幾啱口味，難怪係招牌菜😋
小食方面我哋貪心地揀咗鹽酥拼盤，可以一次過食到幾款台式小食，鹽酥雞、甜不辣、四季豆同香芋海鮮餅，比較特別嘅係香芋餅，之前冇喺其他地方見過呢 🤪 炸左之後係外面脆 入邊就係粉粉地嘅口感😌😌
其實食到呢度我哋已經好飽啦，但頭先眼闊肚窄叫多咗個甜品😂唯有頂硬上啦，仲要又係澱粉質添😂😂 綜合芋圓上面又係舖頭嘅招牌芋泥，仙草底層配上幾款常見嘅台式配料（紅豆、黑白珍珠、晶凍、小丸子）有煙韌又有爽口嘅口感，大滿足！😚
總括而言，成餐我最欣賞嘅係個肉焿湯，之後覺得芋泥吐司都係必試既，我自己都好想返嚟試埋肉鬆芋泥同Oreo芋泥嘅味道呢～！

綜合芋圓配料問題不大
但幾乎接近無液體
整體就是吃配料
本想吃個糖水但沒糖水😵
吐司很乾很乾
料好像塞很滿 但是假的
內部空空
不值得 不可一不可再。

服務態度好，食品可以