桂花小幸 b+bc cafe – 台灣牛肉麵及滷肉飯專門店 (元朗店)

《 自成一國元朗國 》

成日聽人講元朗國，本來以為係講笑。到我今日趁好天入去參觀下先發現，元朗自成一國嘅氛圍，真係有種出左國嘅感覺。難得出國又點少得食丫～

🐣 鹽酥雞排滷肉飯 $59
我第一印象 就係ok喎，雞扒都大塊喎，雞皮夠脆，雞肉香味又夠，最重要係炸漿唔會太厚同炸得太粉，認真不錯！而滷肉飯發揮亦都不錯，滷肉有肥有瘦，醬香味十足，只可惜白飯較濕潤令口感有啲扣分，但整體仍屬高質之選！

🐂 麻辣牛肚面(小辣）$52
牛肚碗麵認真不錯係個人嘅最愛。食麵先飲湯，湯頭味道鹹中帶蔬菜嘅清甜，十分好飲。另外牛肚份量極之大方，每一舊都爽口入味，配上餐廳自製麻辣點牛肚真係停唔到口！

🦡 椒鹽花枝丸(3粒) $26
比較少見到花枝丸包脆漿炸，不過咁嘅炸法有令椒鹽味更為突出。花枝丸味道不錯，但略嫌入口口感較為粉同散開，有待改善。

🐮 古早味滷水拼盤 $63
滷水拼盤繼續有好表現喎，滷洗拼盤有牛展，滷蛋，牛肚同滷水雞翼，各式滷水食品都濃厚醬油香。尤其牛展同雞翼，滷得入味亦滷得夠腍，味道幾好。

另外堂食都可以叫佢地嘅手搖飲品架。

🧋芝士奶蓋白桃綠茶 $28
芝士奶蓋味道偏甜但無蓋過白桃味，配清香烏龍茶，岩曬食完為口腔解膩。

🧋芝士奶蓋阿華田 $30
相對黎講阿華田就比較普通，只是即阿華田配奶蓋。不過阿華田沖得夠濃，所以都不過不失。

#元朗美食
#伏遊元朗

📍桂花小幸 (元朗)
元朗青山公路249-251號元朗廣場地下3及5號舖

好味！餐廳好有旅行感覺！

牛腩好吃！

#cassiegoyuenlong
–
香港周圍都出現唔少台灣過江龍，Sell台灣代表食品「台灣牛肉麵」，今次瘦編就試吓位於元朗廣場嘅桂花小幸。😋
–
依間Menu上面有好多選擇，剩係牛肉麵都有分好多種，有各種牛嘅部位同湯底可以揀，最後揀咗紅燒牛三寶麵，可以試齊牛筋、牛肚同牛腩。三樣都香腍入味，配上煙韌麵條，再飲一口辛香又帶肉香的惹味濃湯，好正！🤩
–
鮮茄牛筋腩麵嘅蕃茄湯底酸酸甜甜，好開胃，牛筋腩爽口軟腍。小菜揀咗古早味滷水拼盤同台南手工餡餅，正常水準發揮。最後台灣店當然唔少得台式飲品啦。芝士奶蓋玫瑰茶好好飲，奶蓋部分以芝士味為主，非常適合芝士控，同淡淡嘅玫瑰花茶好夾，一濃一淡，中和翻個味道！🌹
–
味道評分▶️🌕🌕🌕🌕🌗 (4.5)
抵食評分▶️🌕🌕🌕🌕🌑 (4)
回購評分▶️🌕🌕🌕🌕🌗 (4.5)
–
➡️ 桂花小幸 (元朗)
📍 元朗青山公路249-251號元朗廣場地下3及5號舖
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
–

紅燒湯頭那喉
麵條煮得太過太林毫無口感
台灣紅燒牛肉面竟然無酸菜無辣椒油給食客簡直係最大失既失敗之點
肉類味道不錯 環境也不錯
但喺元朗咁既食物品質賣咁既價錢下次唔會幫襯

呢間台灣菜裝修走文青木系風
連野食擺盤都用刻咗鋪頭名嘅木托盤呈上
周圍仲有好多小擺設同乾花🌾
.
🐥鹽酥雞排麵
雞排即叫即炸 外脆裡面juicy
size有一隻手掌咁大
鐘意食肉朋友仔食完應該會滿足
而麵質係我鐘意嘅粗身麵
麵身好掛汁
.
🐂滷水蛋牛腩滷肉飯
牛腩炆得好軟淋
雖然滷水但唔會過鹹
而伴碟蘿蔔都好食
遇正而加蘿蔔當造 入口鮮甜
.
🦑椒鹽花枝丸
🥟煎餃子
花枝丸圓碌碌大大粒 酥脆彈牙
食落裡面真係見到墨魚肉
煎餃個餡幾飽滿 點酸醋好開胃
.
🍵芝士奶蓋桂花烏龍
🍹仙氣草莓茶
桂花烏龍茶味好出，個menus 寫住係餐廳推介的
草莓茶酸酸甜甜粉紅色 啱少女心飲

很急速的工作人員，食物還好，想念台灣可到此一試。
空間有點逼

牛難食，雞有雪味，數量少
cp值低，不推介

台灣美食
平時行過，總會見到桂花小幸大排長龍，難得今日不用等位，當然要去試吓啦！
地方不大，裝修很有台式文青風格！仲放咗各式各樣嘅書籍！
招牌台灣牛肉麵套餐
濃濃的牛骨湯，加上台式粗麵，和夜市吃到的味道一樣，牛肉夠淋夠入味，很快把大大碗麵吃光！
鹽酥雞扒滷肉飯
雞扒炸得香脆，配上半肥瘦的滷肉飯，不會過油，仲有好香嘅五香粉味！
黑糖珍珠鮮奶，珍珠彈牙，份量十足！
基本上晚市時候都會出現排隊人龍，可見呢間食店係有質素！

牛肉滷肉好好味，藥膳湯台灣麵好正

我覺得佢哋都幾衛生，唔算坐得迫，值得加分。用QR code落單，suppose唔會有漏單啦。不過我落米線就嚟咗台灣麵。OK la反正兩樣嘢我都食就冇特別同侍應講要換。晚餐時段都幾多客，又多外賣，所以我都理解忙中有錯。主食價錢大概$60左右，加幾蚊可以搵小食，都唔錯。

台灣嘢點可以唔食鹽酥雞，好啦就試咗鹽酥雞扒麵。我自己覺得個雞扒炸粉多咗少少，略為鹹咗啲，不過就好熱，所以好酥脆。

紅燒牛肉湯，微微辣，尚可，比起台灣飲到嘅湯，老實講，差好遠。但我覺得喺香港一向都係唔知點解係飲唔到台灣嘅水準，所以喺香港嚟講呢個湯唔算差嘅，起碼唔係好肥膩嗰隻，亦都有淡淡嘅紅燒牛肉味。

老公嘅牛三寶麵，三寶有牛肚、牛腩、牛筋，每樣嘢大概3～4件，份量認真OK，味道都幾好。

加咗$4去換成番茄濃湯，呢個湯就真心正，真係濃郁，甜中帶酸。我就唔知台灣其實興唔興番茄濃湯。話時話，佢哋湯底選擇非常之多，總有一款啱你口味嘅。

小食嘅選擇又係極之多，有少少選擇困難，樣樣都想試下。個人推介手拍青瓜同茄子。鹵水豆腐我覺得鹹咗少少，而麻辣雲耳又冇麻冇辣，所以就一般。

跟餐加幾蚊有基本嘅飲品，但亦可以轉特飲，咁冇理由唔飲埋台灣最出名嘅手搖飲品吖。黑糖珍珠／仙草奶，賣相幾靚仔，味道同出面啲台茶都有9成功力，真心唔差。香港食台灣嘢，係唔平，但係間中想念台灣，冇計都要照食。呢間我會俾合格以上，有機會會再食嘅。

去到元朗廣場吃東西，在地下有家台灣菜小店，環境裝修挺有文青氣息的。環境不算很大，但有很多座位用餐，午飯時間去很多人，我們取票等位也等了一陣子。入座後店員會提供QR Code來掃碼下單，大部分可因應喜好選擇🙈。
–
💥鹽酥雞排滷肉飯 HKD$59，這個可加購小食和升級飲品，小食點了手拍小黃瓜和滷水蛋，兩款食物平常也喜歡吃的🙈。飲品點了熱金牌咖啡加珍珠，咖啡味道很濃郁，加入珍珠口感煙韌😆。鹽酥雞份量挺多的，口感酥脆不油膩，做到外脆內嫰的口感🤤。滷肉飯上的滷肉有很多，味道濃郁不咸，喜歡這個拌飯吃。
–
💥現做煎餃子 (4隻) HKD$28 / 台南手工餅(4件) HKD$52，兩款食物做到皮薄餡料多，外皮不易夾散🙈。台南手工餅煎到金黃色的，賣相吸引脹卜卜的感覺。兩款食物口感相似，口感豐富有咬感，餡料帶肉汁不會感到乾。
–
💥紫薯珍珠黑糖冰仙草 HKD$38，這個材料滿滿的甜品，可以跟購買分享來吃😋。紫薯口感粉糯，味道不會太甜。珍珠和椰果口感煙韌，黑糖冰吃不到冰碎挺好，融化後味道清甜🤤，是個清熱解暑的甜品。
–
💥賞味香芋奶茶 HKD$20，另外加了芝士奶蓋、珍珠和咖啡水晶。芝士奶蓋咸咸的很香口，香芋奶茶味道濃郁，甜度不算太甜，加入珍珠和咖啡水晶口感煙韌😎。
–
💥芝士奶蓋鐵觀音 HKD$30，咸咸的芝士奶蓋跟茶飲挺配合的，茶色挺深色所以味道濃郁。鐵觀音味道甘香不苦澀，點微糖味可以的🤤。
–
📍桂花小幸
元朗青山公路249-251號元朗廣場地下3及5號舖

食物味道尚可， 某一兩位職員態度唔好之外， 整體都算合格， 要留意嘅係由入座開始計祇有60分鐘用膳時間

學生價錢吃台灣料理

今日上午到元朗行山，之後到元朗找尋平價美食，看到這間台灣食店門口有很多學生排隊等候，而當時快到2時，想不到這個時間都座無虛席，而我們來到餐廳門口先自助取票，然後大約等了二十分鐘後就有位了。

位置：在元朗廣場地下，美心麵包對面。

環境：難怪這間店那麼吸引學生，因為其裝潢真的很有心思，門口位置有一個專賣台式特飲的吧台，店前後都有玻璃窗，以藍色框架為架構，並有長櫈給予等候人士，室內奇邊是大長木枱，牆身是紅磚牆紙，鑲嵌了不同的風景相架，再入是左右兩邊的卡座，最喜歡是一邊大木櫃，鑲嵌在整個幅牆上，有書可供閱讀，亦擺有不同的小盆栽或擺設，整體氣氛放鬆寫意，很有台灣氣息。

服務：下單是用手機掃QR Code，很環保；上菜速度快，因為人流多，用餐時間不長，但沒有加一服務費。

午市：午市套餐的價錢是我吃過最便宜的，性價比高，真心推介。
鹽酥雞排滷肉飯$59
加配一款小食$8：小黃瓜新鮮爽脆。
雞排被薄薄的炸漿包裹着，外皮炸得金黃酥脆，份量適中，肉質未算嫩滑，但鹹度剛好。
滷肉的肉粒和蘑菇粒都入味，少肥肉，但肉汁不多，不夠撈白飯來吃。

三盛紅燒牛肉麵(中麻辣牛肉湯底+$4)
我和妹妹好喜歡麻辣湯底，因為辣得很惹味，最棒是連牛肉都能掛上湯汁，又麻又辣。三盛分別是腱心牛肉，即是牛𦟌、牛腩和牛丸。牛𦟌份量多，有六七塊，其他款則是各二。牛展最好吃，肉質比牛腩更軟化，牛腩則較大塊，有點嚼口，牛丸都彈牙，我最滿意這個餐。

香芋奶茶(熱)$20
想不到二十元有大杯裝的特飲，真是便宜又好喝。

脆脆阿華田(凍)$28
阿華田上面加忌廉和OREO餅碎，忌廉口感順滑，配餅碎一流。

份量足！款式多！食物的味道正！已多次回頭食

價錢相宜的台灣餐廳

叫左碗半根半腩牛肉麵（養生清燉牛肉湯）

湯底一流👍加埋彈牙台灣麵
成碗湯都飲晒🤤 …

星期日冇計分full場，所以要等位。入坐後用手機QR落單，十分方便。落單後不用5分鐘已經送餐可以用膳。
今日自選了「紅燒半筋半腩牛肉台灣麵」，筋淋、腩香、麵QQ、牛肉湯底濃😍。
朋友自選「鹽酥雞扒台灣麵養生潡牛肉湯底」，雞扒脆香大件，麵亦很QQ，養生湯香濃，最愛那當歸藥材味😋。
今日假日心情，所以追加了「鹵水蛋」（$8）及追加「鹵水豆腐」（$10），鹵水又香又入味。結果忍不住.再加了「椒鹽花枝丸」，熱脆彈牙😁。
餐配飲品選了「夏日水漾鮮果茶」，可選少冰微甜，新鮮水果清甜解喝。朋友配的飲品是「凍黑糖珍珠奶茶」選了少冰半甜，朋友話茶香珍珠Q，帶黑糖香味。飲品會用外賣杯，方便我們帶走慢慢喝。
其實仲可以優惠價格追加，可加配紫菜湯、拍青瓜、貓耳朶等等😘。
注意假日關係，店員會提醒我們夠鐘交枱。
另外，店舖隔離有Tea mikoo counter，可選購外賣台式飲料，非常方便。😋😋

元朗食玩
桂花小幸

地址: 元朗青山公路249-251號元朗廣場地下3及5號舖
電話: 21239497
=====================

入元朗國郊遊一天，天氣熱太陽猛烈，玩了一整天特別餓。

環境幾多綠色同木系色調，舒服到有人仍在樹林中架錯覺

飯

台式飯麵同小食索價大多只是50來元起，小食也只是數十元，叫多幾樣醫肚都唔怕食窮男友

離不開$59 鹽酥雞魯肉飯，炸過架大塊雞扒不油膩，調得入味香酥，基本上只要有魯肉汁我可以食曬成碗飯

$63魯水拼麵有齊雞翼牛展魯蛋，蛋白質十足岩曬今日行左好多路補充一下，湯濃味配上白麵條絕對剛剛好。

加了份餃子一顆顆大隻飽滿，皮是比較厚身似食緊上海鍋貼

抹茶紅豆苦甘中搭粉糯腍身的紅豆粒，重奶香好喝

黑糖珍惜鮮奶，甘甜而養生的黑糖，天氣熱大大力啜入肚涼透心。

你均百來元，再入元朗國要encore
飲料

久違的台灣味
元朗有質素的台灣食店很少，今次到了元朗廣場新開的桂花小幸，非常有驚喜
店員店長服務不錯，落單係自助形式，食物好快到！
點了一杯水果茶，用上大量水果，果味清新，少少甜，十分解渴！
鹽酥雞扒拼滷肉操飯
這個飯十分抵食，大大塊的鹽酥雞扒，非常香脆，再加上入味滷肉，一口接一口，吃過不停！
麻辣貓耳朵，即係雲耳，開胃餐前小食！
鹽酥花枝丸，大大粒花枝丸，入面有好多花枝粒，外皮揸得非常鬆脆，很惹味！
自家製水餃，真材實料，可以自選湯底，牛骨湯係主打，湯頭清甜，飲完都唔會頸渴！
基本上六點後已經開始要排隊，人均消費才幾十元，實在難得！

來到元朗廣場逛逛，發現桂花小幸在這開了新店🙈，總店在將軍澳有點遙遠了😭，開到來元朗當然要去探店一番，看看質素如何吧。店舖環境裝修是文青風格，坐位間有很多空位，所以坐得挻舒適的。

💥蕃茄酥炸排骨米線 HKD$63，蕃茄湯味道濃郁，而且有很多蕃茄肉，所以口感更豐富😍。排骨是分開另上，這樣可以保持酥脆的口感，另有醬汁配著吃味道更惹味😊。

💥紅燒鍵心牛肉麵 HKD$59，這款另有配菜在麵上，而湯底顏色較口深，味道帶點甜味挻香的😚。牛肉肉質煙韌，配著麵吃感覺不錯。

每一款主也可以加購小吃，價錢由HKD$4起。我們分別加了：涼拌貓耳朵/滷水豆腐/滷水蛋/紫菜魚丸湯。這幾款食物味道香濃，而味道不會太咸，用來拌麵/飯吃也不錯。

飲品方面我們點了芝士奶蓋香桃烏龍茶和百香QQ綠茶，兩款飲品味道各具特色，味道也很香濃。自選飲品可因應喜好而調節糖度冰塊😆，所味道不會太甜的。食物質素不錯，價錢一般。

食物和價錢在元朗而言算是中規中矩一間合格的台式食店 總是欠了一點點的台灣樸實風味亦欠了店員和食客交談一两句的台式人情味。

坐得舒服，食物正常。

臺灣文青味道

尋晚去咗元朗廣場入面一間餐廳食台灣菜，店內裝修唔錯，仲有卡位，環境舒適坐得幾舒服🫶🏻
–
紅燒腱心牛肉麵 $65
我哋揀咗台灣麵配紅燒牛肉湯，麵偏粗，口感彈牙又煙靭。湯底偏淡，牛肉都有牛味，肉質鮮嫩唔會鞋🫶🏻🫶🏻
–
蕃茄濃湯水餃（4隻）$28
濃湯嘅蕃茄味十分濃郁，真係有蕃茄係入邊，酸酸甜甜咁真係好開胃，水餃大大隻，食落好滿足～～
–
麻辣紅油水餃（4隻）$28
呢款都真係幾辣下😂，但辣得來又好開胃，同餃子好夾，唔太食得辣嘅人可能就要叫過其他啦🦦
–
麻辣牛肚 $42
呢款真係好辣！！有食開辣嘅人應該會好鍾意佢，牛肚分量十足而且好有咬口💜
–
仙氣火龍果茶 $34
味道酸甜，好refreshing!
–
芝士奶蓋白桃烏龍茶 $30
奶蓋都幾厚，烏龍茶幾好飲，值得一試～
–
紫菜貢丸湯 $15
呢個價錢來講都幾抵飲，個湯偏清淡，有好多紫菜同埋一粒大大粒嘅貢丸係入邊。
–
涼拌黑醋茄子 $12
茄子係辣嘅，有三大舊，作為前菜真係幾唔錯👍🏻
–
上湯浸時菜 $8
我去嗰日嘅時菜係生菜，呢個價錢來講算係中規中矩。