Good Times Restaurant and Bar

贵夹吾好食、食材太差

北領地最廣泛的威士忌系列和北領地精選的生啤酒…食物很好，工作人員非常友好…如果您需要一些美食和酒，那就不用再猶豫了…

又大又舒適的餐廳和酒吧。牛排煮得很漂亮，南瓜碎也很好吃，一定會勾起你的食慾。飲品菜單提供多種生啤酒和雞尾酒。

地方寬闊，室內設計頗有特色，食物質素尚算不錯，是朋友樂聚的好地方。

今晚去左聯和墟食飯，朋友介紹左間野食唔錯，環境又舒服既西餐廳比我地。

餐廳都幾大，有一半係酒吧。

PM，係杯mocktails黎，好香桃同芒果味，唔係好甜幾好飲。

Caffe Latte，咖啡好夠濃，有鮮奶稍為中和。

龍蝦湯，湯會先用茶壺裝好，黎到再再斟落個湯碗到，飲落有好濃烈既龍蝦味。

法式洋蔥湯，芝士鋪面，下面有層類似酥皮，浸埋落湯一齊食，成個湯都好好味！

墨西哥脆片，熱辣辣好脆，雖然墨西哥辣椒比較辣，但點埋蕃茄肉醬同忌廉一齊食就無咁辣。

穀飼豬鞍架，比想像中腍，個汁亦校得幾好味，而個南瓜蓉都好香好甜。

意式手打肉丸意粉，肉丸夠味唔淡，意粉夠煙韌，而個蕃茄汁唔酸又夠蕃茄味，意外地好食。

食物有一定的質素，地方也算可以，但湯只有微温，連焗洋葱湯也是「低温」的｡價錢偏高，例如只是M6的和牛，要價港幣418，不計加一，份量還小｡雖然是聯和墟少有的「認真」西餐廳，但頗有改善空間。

好的食物；但價格偏高。

今日又去聯和墟見客，
原本打算去食越南嘢，
行過呢間新開嘅餐廳，
睇到餐廳名就決定入去，
經過幾個月以嚟嘅鬱悶，
實在需要有個Good Time。

入門口就見一個好大嘅水吧、
吧枱、吧凳，原來係酒吧區。

再行入啲，就係一個寬廣嘅用餐區，
一大片嘅玻璃幕牆令室內光猛明亮。

我哋坐响靠牆梳發位，
細看一下餐廳內環境，
裝潢擺設很有個性。

餐牌都有十多頁，慢慢揀，
兩個人叫咗沙律、主菜、
小食、薄餅、意粉。

牛油果蟹肉沙律$128 顏色擺盤都幾靚，蟹肉好多夠足料，
同牛油果又好夾，
沙律帶有檸檬汁，
食落新鮮又開胃

香煎蘇格蘭三文魚配黑松露忌廉汁$138
未進食，眼睛已經飽餐秀色，
三文魚扒煎得夠香啖啖肉，
點黑松露忌廉汁更加好味，
食埋拌碟嘅幼蘆筍同沙律菜，
清新又健康，南瓜蓉都好食

主菜可以用$28配小食，
我哋加咗個大啡菇。烤焗大啡菇$28
厚肉又多汁，好味

蕃茄水牛芝士薄餅$98
最鍾意呢種薄脆餅底，
水牛芝士又係我至愛，
加埋鮮香嘅蕃茄同羅勒，
好味到一片接一片食唔停呀。

帶子鮮蝦墨魚麵配香草忌廉汁$148

海鮮材料均新鮮爽彈，
墨魚麵軟硬適中，
配香草忌廉汁又香又滑，好食。
下次去粉嶺，又多個食飯選擇。

不錯的新飯店，友善的工作人員，午餐套餐的價格也很合理。

美味的食物，友好的員工和氛圍，每天都有不同的葡萄酒或牛肉促銷。

聯和墟囍逸開左，商場多左幾間餐廳，我地今日食good times restaurant and bar，未開門已經有人排隊食，lunch 時間愈黎愈多人，一入門口一邊係酒吧，另一邊係餐廳，仲要有BB 櫈，兒童餐具，好適合一家大細黎。

是日餐湯（$20）
忌廉磨菇湯，用粒粒磨菇打成，綿滑質感、夾雜蘑菇獨特的香氣

香煎蘇格蘭三文魚配黑松露忌廉汁（$138）
香煎蘇格蘭三文魚煎得又脆又香，三文魚5成熟，三文魚煎得剛剛好，魚扒中央呈粉紅色，口感好柔滑，另外配菜南瓜蓉都好甜

烤焗大啡菇（+$28）
大啡菇肉厚，鮮味又多汁

芝士拼盤（$168）
可以四到4款不同口咪芝士，有水牛奶芝士、瑞士芝士、煙燻車打芝士，金文畢芝士

這是不是最好的年代，每個人心中的答案都不一樣。但肯定的是，我看到了人性最美和最醜，而人，是沒可能只擁有美麗的一面。

肯好的是我身邊的一班夥伴都有共同理念，要輕輕鬆鬆暢所欲言的吃一頓晚飯毫無難度。Good Times Restaurant And Bar 開業不久，之前試業晚飯時段好像沒 ready，今天和同事們豪一豪，吃一頓好的，再回到戰場（我是指公司。）黑松露醬芝士焗薯條，是沒可能失手的，熱辣辣的薯條，加上密舖平面的芝士，是很好的「下酒菜」。

朋友的 all day breakfast，不知為甚麼很多人鐘情於「全日都要吃早餐」這概念，大概就是貪其甚麼都有一點，選擇困難症人士最愛。Good Times 的 all day，足料且精美，既貴精也貴多，內容有炒蛋、多士、腸仔、火腿、沙律菜、薯餅、茄汁豆、炒磨菇、牛油果莎莎、還有煙三文魚（如有數漏請指正～）

我偷吃了一點炒磨菇，調味不俗，僻走了磨菇的「草青味」，磨菇依然夠juicy。牛油果莎莎也是清新之選，加了點蕃茄和檸檬汁，是其他店 all day breakfast之中比較少見的配搭。

我點了鱸魚黑松露磨菇意大利飯，想吃鱸魚很久，皮煎得香脆，肉非常鮮嫩，滿滿的Omega 3 魚油，是簡單的烹調配上美味健康的食材。意大利飯也要一讚，煮得外軟內硬，程度剛好，黑松露磨菇汁，亦是適當份量，包住每粒飯粒，不愧為廚師推介。

另加$28可換一款小食，極力推介法式焗薯，小馬鈴薯，上面灑了些鼠尾草，焗至微焦，香氣四溢，雖是小食，製作絕對沒馬虎，看得出餐廳的用心，對食物味道的追求。一客4件，絕對值得一試。

餐廳是酒吧，有吧檯，有bar tender，有球賽播放，和餐廳分開兩邊廳，實在是動靜皆宜。聽說還可以包場，是親友聚會的另一選擇（的確，我已經對中式酒樓感到疲勞。）Mocktail、Cocktail、啤酒或是餐酒等等選擇多，其他飲品也有提供的，因為吃罷還要上班，今天大家不喝酒了。這個世代，一醉亦難解千愁，更不消說千古恨。

今晚入左來粉嶺，朋友揸主意，地點佢話事，估唔到聯和墟呢間餐廳咁正，下次都會再來🤗地方大，又時尚，估計都有三、四千呎起碼，入口係一個偌大的酒吧區，應該負責全場酒水供應，好Relax😍再行入去有另一個空間，好啱大party 聚會或慶祝生日等等，而且有投射大電視，播足球節目，氣氛唔錯👍🏻菜牌選擇頗多，價錢唔貴，不同時段有不同優惠，比起市區平左一大截，抵喎😬首先叫番杯啤酒嘆下先，大約$60-70元左右@pint ，頓時精神為之一振，又開始高談濶論😂帶子鮮蝦墨魚麵配香草忌廉汁$148，份量雖然唔算好多，但係貴精不貴多，忌廉汁好香，帶子、鮮蝦都唔少，帶子鮮甜，鮮蝦爽口，墨魚麵好香，整體來講非常好味😋五成熟嘅美國肉眼扒$298（10安士），成塊面咁大，肉脂比例恰到好處，香酥肉濃，好夠肉味，配菜亦美輪美奐，一路食住牛扒一路嘆番杯啤酒，人生幾何😍😍😍再叫多個蕃茄水牛芝士薄餅$98，大大滿足，初初以為食唔晒，點知越食越好味，傾吓講吓又K.O.左🤪
埋單每人都係三百元左右，而且門口可以望住部車，好啱揸車嘅朋友吖，下次我識得來了😍

有史以來最好的芝士蛋糕

氣氛環境不錯
味道一般

玫瑰金遇上懷舊工業風格。地方大，服務好，有裝修。

我在這裡過得很愉快！食物非常好！

食物質素差，得個喊字。

環境舒適，服務周到，食物中上

非常酷的地方，有一些很棒的桶裝啤酒，老闆非常友好。

氣氛環境舒適，味道一般

環境自在良好，食物味道好，價錢則較高相比同區其他食肆，但會再來。

多種菜色滿足您的喜好

粉嶺型格西餐
今日入咗粉嶺探朋友，難得一場入到去當然要食埋晚飯先走啦，想搵個地方坐低舒舒服服飲嘢食嘢傾吓計，朋友就帶咗我哋去聯和墟Goodtime,裝修新淨坐得舒服😌
一入門口，有過百支酒，生啤都有六七款，夜晚仲可以直播各國足球賽事，最緊要仲可以食埋野！
點了一份炸薯條，加$10有酸忌廉，熱辣辣，餐前小食絕對一流！
忌廉汁藍青口配蒜蓉包，忌廉味香濃，青口隻隻肥美！
十安士美國prime肉眼扒，七成熟剛剛好，肉味香濃，做到有炭烤既效果，鎖住肉汁，配上薯蓉烤蔬菜，份量夠兩個人食！
人均消費200多元，食到有質素的西餐實在難得！

在聯合墟走了一圈，被一間品味餐廳吸引著，樓底高，環境舒適。餐廳門口一部份劃分為酒吧區。餐廳中央還有大屏幕直播球賽，相信愈夜愈熱鬧。

西班牙海鮮飯（二人份量） $288
Spanish seafood paella combo
賣相一流，廚師用上西班牙米，米粒圓身又有咬口，紅花絲令飯上了誘人的金黃色，加上新鮮車厘茄，清新爽口，隱約有一種甜美。材料非常豐富，配上鮮甜大蝦、青口和帶子，水準甚高，值得推薦。

德國腸拼盤（牛、雞、豬） $158
German sausage platter with mash potato
一共有六條香腸，抵食夾大件，有好juicy嘅牛仔腸、脆口嘅法蘭克福腸同香草味濃嘅紐倫堡腸，滿足哂兩人唔同口味。拼盤配上牛油味濃郁嘅薯蓉，軟綿香滑。

美式炸洋蔥圈 $88
Onion rings
落單即炸，熱辣辣出爐，呈金黃色外酥內嫩而不油膩，配上沙律醬，屬開胃小食首選。

Mocktails PM $58
呢杯係無酒精飲品，一入口芒果味濃郁，飲落有淡淡的桃味，配上一片清爽嘅青瓜，為特飲加添新奇感。