麗香園冰室 (金記冰室)

有時煮飯煮到悶悶地，唔知食咩好，我地就會落樓下食晚飯，我地今日去左麗香園冰室食晚飯。

餐牌多元化，有小菜、泡飯、秘製咖喱、焗飯、炒粉、炒飯、沙律、小食、鐵板餐，好多選擇。

好耐冇食鐵板餐啦，我地點了兩個鐵板餐和兩款小食。

鐵板海陸空配薯菜（蒜茸汁）
鐵板可選燒汁、蒜茸汁、黑椒汁
配飯/意粉/薯菜
鐵板海陸空有雞全翼、魚柳和豬扒，魚柳好厚肉，豬扒夠大塊，最緊要夠淋夠入味，雞全翼炸得好香口，另外薯條新鮮熱辣辣炸起。

鐵板美式雜扒配薯菜（黑椒汁）
好豐富，有煙肉、腸仔、牛扒、雞扒、豬扒，扒類都好大塊又厚身，牛扒約7成熟，軟腍不柴口，雞扒入味嫩滑，我幾鍾意佢既黑椒汁，味道好濃郁，食到最後鐵板依然都仲係好熱。

法蘭西多士
西多士炸到金黃香脆，切開裡面軟綿綿、可吃到滿口豐富的花生醬餡，好邪惡。

炸薯條
都幾大份，新鮮熱辣辣炸起

凍荷蘭唂咕
點餐既時候可以簡濃D同淡D ，黎到杯飲品真係好濃

哥喇
竟然以到有得飲，可樂糖的味道

紅豆冰
有成一半紅豆，紅豆煮得夠軟，還不會過份甜。

我和朋友到蓬瀛仙館一遊後，沿著百和路邊行邊賞路邊樹叢花卉與拍攝，不經覺來到華明邨。

華明邨的市場設計較一般屋邨商場特色，平房瓦頂。

找到一間新張的「麗香園冰室」歇腳休息和祭五臟廟。

冰室環境設計大堂成U型，很有私隱空間，還有提供小孩高椅櫈，真的很貼心。

冰室可以使用二維碼點菜，也可以侍應為客人服務下單，侍應們都很有禮貌、表現親切。

海南雞飯~~
雞肉滑捋捋，髀肉、胸肉兼享，還有我喜歡的薑油。
紅蘿蔔、雪耳、無花果、南北杏、木瓜煲冬瓜老火餐湯，完全沒有味精口感，有很濃郁的木瓜、無花果清甜與雪耳滋潤口感。

鐵板西冷牛扒跟薯菜黑椒汁~~
鐵板西冷牛扒淋下黑椒汁，發出吱吱聲響，是美味的樂章。
我喜歡港式牛扒烹調法，95%熟，呈粉嫩色，肉質嫩滑配合黑椒汁的濃香微辣。

熱薑檸檬可樂~~
帶給我喜悅和美味口感，畢竟闊別多年，可以重拾舊日冰室情懷！
薑絲、鮮檬、熱可樂帶給我暖胃、消膩與清新感受！

朋友的蛋白杏仁茶，聽她說很香滑綿密。

夜晚返屋企無家人煮飯，去左附近買外賣。
落街買麗香園冰室外賣。
叫左個咖喱雞扒飯同埋蕃茄蛋牛肉泡飯。
我淨係食左咖哩雞扒飯，另外一個係我爸爸食。
咖哩雞扒飯：$50蚊
蕃茄蛋牛肉泡飯：$42蚊
咖哩雞扒飯味道中下水平，雞扒好大陣雪藏味，咖哩汁落左椰奶，但冇咩椰香，因為咖哩既辣完全蓋過所有味。如果俾我揀，我都係去大快活食算。

整體都唔好！千祈唔好入去食

店員和藹,食物過得去,價位唔高,可試

呢間嘢服務態度,本來已經唔好,
又經常未食完就收碗
依家仲要將 $45 早餐個碗縮細咗好多,
價錢又唔減, 質素退步咗咁多,
應該好快就 拜拜 👋
佢亦都 唔會再嚟 !!

收銀劉小姐死老豆咁西口西面
而且啲野成日出錯，多士飛邊又唔飛
飲品冷熱又調轉，講又死撐話你亂叫
叫茶走佢俾錯仲要串你話煉奶係底

與時並進 高效好味

麗香園冰室

呢間餐廳位於粉嶺華明邨，因為要轉車既關係去到華明邨巴士總站，去到已經天都黑晒，又熱又渴又餓咁，不如坐底食左飯先，順便休息下。

我一開始以為係普通茶餐廳，諗住快快手所以先揀呢間，坐底之後發覺原來唔簡單，裝修幾有舊式茶餐廳既氣氛，但同時亦冇左舊式餐廳果種老氣同油膩感覺，全部卡位坐得舒服，亦非常乾淨，淨係咁我已經好滿意。

之後原來係用QR Code落單，入面有好多選擇，非常方便，唔洗人等你講又要寫咁麻煩。咁我就揀左煎封黄花魚，地道霸王雞，一個家常小菜二人餐，有湯，有白飯，揀多兩個餸有椒鹽豬扒同欖菜肉崧四季豆，最後緊係唔少得兩杯凍檸茶啦。

呢頭落完單，已經上左白飯同湯，好快手。湯飲左兩啖就上左煎封黄花魚同地道霸王雞，估唔到咁快。

煎封黄花魚，皮脆肉軟，估唔到有呢個水準，加埋個豉油真係好出色，食到魚既鮮味。

而霸王雞亦唔差，做到皮爽肉嫩，唔會鞋，個蔥油先最香，淋左喺面頭香噴噴，真係追住食。
之後上埋椒鹽豬扒同欖菜肉崧四季豆，椒鹽豬扒夠鑊氣，夠晒香口，炸到外脆內軟，唔乾身，送飯就一流。

而欖菜肉崧四季豆亦炒得好香，四季豆同肉崧味道好夾，唔會太油，非常美味。

呢問餐廳算有驚喜，幾個簡單小菜有住家飯味道，有機會可以再食過。

地方乾淨，食品美味！

一般茶記水準，沒有任何幻想！

今日遲左收工，返黎煮唔切飯，所以今日同屋企人去麗香園冰室食晚飯。

餐廳環境光潔明亮，以卡位為主，每張枱都會有自助熱水供應，好方便，而且餐廳用QR落單，環保又方便。

家常小菜二人餐，有2碗白飯、2碗老火湯、2杯熱飲品（凍飲加3蚊）
今日老火湯係節瓜蓮子紅蘿蔔，好多湯料，好足料，喝罷不口渴

XO細蝦球炒西蘭花
有6大隻蝦球，蝦球爽口彈牙，冇雪味，而且西蘭花煮得剛好，不會太淋和太硬。

欖菜肉鬆四季豆
份量十足，四季豆依然保持爽脆，送飯一流

另外我地散點了一款小菜
新鮮菠蘿咕嚕肉
餐廳用上新鮮菠蘿，以家好小地方會用上新鮮菠蘿，新鮮菠蘿鮮甜多汁，色澤明艷，酸酸甜甜，豬肉入口香嫩一點不油膩，每啖都係肉，仲要大大舊。

徬鮑魚絲火腿通粉配炒蛋和多士多牛油
徬鮑魚絲火腿通粉夠大碗，另外多士是厚切的。

熱檸檬水、凍杏霜、凍荷蘭唂咕
好欣賞落單時，可以選擇濃D和淡D
我地點了濃D，味道剛剛好，非常適合我飲。

裝修格局好，防疫工作到位。食品份量少的，味道還可以，價錢偏高少少。

雞尾包好好食

📍麗香園 – 粉嶺

華明邨細細個成日去朋友屋企玩😆人大左反而少去啦！今日嚟哩度再次探望老朋友👯🏻‍♀️樓下商場已經同以前好唔同啦！朋友約左喺麗香園Dinner😋細細詳談舊日的足跡！
門口都幾大容易搵到🕵🏻‍♂️🕵🏻‍♀️側邊有新鮮出爐麵包同蛋撻！可惜我哋太夜已經收咗檔啦😔如果有得賣都想買個麵包返去做聽日早餐🤪
卡位坐低都幾闊落舒適👍🏻有位置放野之餘張枱都幾大🤣

鐵板西冷牛扒 配薯菜 $100
附送嘅羅宋湯都好大碗又多料！西芹、洋蔥、椰菜份量好多！係一個豐富嘅羅宋湯😋
西冷牛扒好大塊👍🏻淋上黑椒汁之後 鐵板發出嘅“嗞嗞”充滿童年回憶嘅味道😌牛扒厚身幾有肉地！係茶記特色嘅牛扒！容易鋸開而且冇筋～茶記貨色嚟講都算大件夾抵食👍🏻

冰鎮芥蘭配日式芥辣 跟餐加配 $16
哩個菜我第一次食😋估唔到芥蘭同wasabi個combo都唔錯👍🏻幾match嘅味道有化學反應！連平時唔鐘意食芥蘭嘅朋友 反而接受到點咗washabi之後嘅味道🤣特別得嚟兩者又幾夾！芥蘭有冰墊底🧊冰鎮保持芥蘭新鮮😂不過打卡影相睇落又幾靚🌟

欖菜肉鬆四季豆 $65
原本叫哩個係想熱辣辣撈飯食😋但係嚟到唔夠熱有啲啲失望😔味道方面係唔錯嘅！四季豆冇渣而且欖菜都夠多👍🏻如果熱辣辣上嘅話可以更惹味！味道嚟講唔錯 可以下次再比多次機會佢！

新鮮菠蘿咕嚕肉 $65
平時食茶記嘅菠蘿咕嚕肉都會用罐頭菠蘿🍍今次哩個咕嚕肉特別在真係用新鮮菠蘿😍大大舊去釘乾淨啖啖香甜菠蘿肉！作為菠蘿控嘅我好滿意👍🏻朋友們就鐘意咕嚕肉😋炸得香脆冇骨！咕嚕醬味配菠蘿 酸酸甜甜好開胃🤤

例湯、白飯、飲品 跟餐加配$15
特別講一下個例湯！好料而且冇乜味精😋飲完唔口乾而且湯料十足！雪耳、蘿蔔、木瓜飲到尾都仲有得食😋而且份量都幾大碗！

麗香園CP值高👍🏻都算幾抵食！份量都幾大大碟😆難怪朋友話哩度係佢既日常飯堂啦🤣

舒適的地方，離家很近

與友飯聚，感覺唔錯！

坐位有些迫；餐飲美味，價格合理👍🏻
服務
內用
餐點類型
晚餐
餐點：5
服務：5
氣氛：5

食完肚痛咗兩日

不錯，常去的，😊😊
服務
內用
餐點類型
早餐
餐點：4
服務：4
氣氛：4
建議的餐點
海南雞反

D位好窄
早晨選擇少
餐點：3
服務：3
氣氛：3

華明邨服務 態度 好
餐點：3
服務：3
氣氛：3

食物質素已不如前，焗豬排飯，件豬排肥嘅部分起碼有一半，冇乜肉食。
餐點：3
服務：4
氣氛：4

試咗最普通 沙牛米+太陽蛋+多士😃
服務
內用
餐點類型
其他
平均每人消費金額
HK$1-50
餐點：3
服務：4
氣氛：4
建議的餐點
香滑炒蛋 牛油多士

食物一般供應,中,西菜,冇特別.
服務
內用
平均每人消費金額
HK$50-100
餐點：3
服務：3
氣氛：3