潮興旺生滾粥(Life Congee)

這裡的早午餐有現成的粥，有很多選擇。米飯面紗很好吃。環境乾淨整潔。
服務
內用
餐點類型
早午餐
平均每人消費金額
HK$1-50
餐點：3
服務：2
氣氛：3
建議的餐點
豉油王炒麵, 豬潤粥 炸兩
特殊餐點
煮粥新鮮。

食過好多粥店,但粥要夠綿,炸兩又好食嘅真係好少。
呢間唔止兩樣都整得好,啲炒粉麵都簡單而好味~
好多時啲炸兩一係個皮唔滑或者太厚,一係就個炸兩腍bb…
真係好少食到炸兩令我覺得好脆又唔係死硬,而個皮都係又薄又軟滑嘅。
所以會成日都好掛住呢個炸兩…

呢度嘅米粉同麵油皇炒麵都係用個鐵板即炒而成。
所以店內成日都有炒嘢嘅香氣同埋鐵板鐵鏟碰撞嘅金屬聲,真係聽到都想叫返碟。
炒米粉雖然無乜料,但夠鑊氣!

呢度嘅粥底好線,基本上咩粥都會好食。
之前食過豬紅粥,豬紅本身有味嘅。
而皮蛋咸瘦肉粥就無乜特別,料都足~

炸雞中翼雖然係好簡單,但真係好香脆,而且雞翼入味。
作為一個討厭食花生嘅人,我覺得佢連伴碟嘅咸脆花生都好好食!
香港地嘅獨立粥店真係唔多,繼上次介紹嘅西關粥店之後,呢間都係會令我想念嘅粥店~
服務
內用
餐點類型
午餐
平均每人消費金額
HK$50-100
餐點：5
服務：5
氣氛：4
建議的餐點
炸鯪魚球

平時食慣係水上人 好耐冇去食 入去坐低叫咗粥 叉燒腸至望到唔係平時嗰啲人 至知換咗舖頭名同人 食品贵咗俩蚊 油炸鬼之類好多粥檔都係$10 佢要$12 生滖粥腸粉炒面之類都係貴咗 腸粉好似冇之前咁好食 粥都可以嘅

性價比高
服務
內用
餐點類型
午餐
平均每人消費金額
HK$1-50
餐點：4
服務：3
氣氛：3

經過呢頭遇到呢間舖，Google過至知原本係叫做“水上人生滾粥”，依家改咗名唔知同後面街嘅水上人魚蛋粉仲有冇關係？就係因為個名同埋啲粉麵好食，所以對呢間改名舖都有啲期望，一塲嚟到就試吓。

呢度地方中廷，可以坐到20至30人左右。排擋式風格，只有接枱冇卡位；賣嘅係港式粥品，腸粉炒麵同小食。就嗌啲基本嘅早點睇吓佢哋得唔得：

炒麵 – 係豉油王炒麵，熱辣辣一碗上。炒出嚟嘅效果細緻，麵條係分得開，唔會炒到一舊舊；味道足，唔會太鹹或太甜，材料亦都夠，見到有切幼嘅魚蛋片幾有意思。呢個(豉油王)炒麵有水準，食得過。🙂😋👍

蝦米腸 – 份量夠，唔少蝦米，亦有足夠嘅豉油同調味，但啲腸粉厚身，同埋好易斷開，令口感同印象打咗折扣，麻麻地。😐

及第粥 – 作為生滾粥佢啲材料份量唔少，有豬膶，豬肚，粉腸，豬肉片同豬肉丸，唯獨係冇豬腰。豬膶係爽嘅，唔係咩黄沙膶，其他材料都係一般貨式，唔差但唔算高質；粥底係最大嘅敗筆，雖然係生滾，但冇綿滑嘅感覺，好似啲白粥咁一粒粒。作為生滾粥，呢碗唔合格。☹️👎

總括嚟講，呢度啲粥唔掂，但個豉油王炒麵就相當突出。作為粥舖，主打唔得實在講唔過去，但就因為個唔錯嘅炒麵，呢度都仲可以有下次，粥就去其他舖頭食啦。
服務
內用
餐點類型
早餐
平均每人消費金額
HK$1-50
餐點：3
服務：3
氣氛：2
建議的餐點
豉油王炒麵