八番麵工房 Deluxe (HACHIBAN Menkoubou Deluxe)
營業時間
| 星期四 | 08:00–22:00 |
| 星期五 | 08:00–22:00 |
| 星期六 | 08:00–22:00 |
| 星期日 | 08:00–22:00 |
| 星期一 | 08:00–22:00 |
| 星期二 | 08:00–22:00 |
| 星期三 | 08:00–22:00 |
服務選項
外帶
內用
無障礙程度
不支持無障礙停車場
用餐選擇
午餐
晚餐
餐飲服務
設施
適合兒童
難食到嘔….俾一星都嫌多
叫沾麵，黎到係一pat凍左、黐實晒既麵…
最慘係個沾麵汁稀到好似水咁，根本係「拉麵分湯上」
唔該炒左個廚師，勁難食
服務
內用
餐點類型
晚餐
今晚路過想食餐日本拉麵，講真唔可以同尖沙咀銅鑼灣相比，但喺上水嚟講都算喺咁，服務員唔識自動波，不過叫佢哋，都會好快處理。
服務
內用
餐點類型
晚餐
2023/2/3 Deluxe 叉燒拉麵，$90 連加一
叉燒有五塊薄薄的，一夾即散，味道一般，厚多少少好味D。
拉麵軟硬適中
湯底，好味，唔算濃，「感覺」味精多左D
服務: 自助下單，服務員禮貌ok丶友善
環境: 舒適
服務
內用
餐點類型
晚餐
餐點：3
服務：4
氣氛：4
糖心蛋是酸的 湯同麵好似淡味版豬骨湯公仔麵 所謂野菜就係同拉麵一啲都唔夾嘅椰菜 然後一碗要70幾仲要加一
吃了才後悔
服務
內用
餐點類型
午餐
平均每人消費金額
HK$50-100
餐點：2
服務：2
氣氛：2
來吃一頓晚飯，點了一份兩人套餐。食物品質很一般，沒什麼特別的。吃一頓快餐還可以，但很難找到再次訪問的理由。
服務
內用
餐點類型
晚餐
平均每人消費金額
HK$100-150
餐點：3
服務：3
氣氛：3
我家姐鐘意食拉麵，我鐘意食丼飯
咁就叫左呢個
二人套餐$268
前菜（2客）＋主食（2客）＋小食（2客）＋飲品（2杯）
前菜
中華沙律&麵豉湯
主食
1.豚雞鹽味雞肉野菜拉麵
雞肉大片(肉唔鞋)亦好多野菜，湯底清，拉麵彈牙。
2.汁燒牛肉月見丼飯
牛肉有燒汁好正，牛肉亦都厚身，飯粒沾滿燒汁，再加上我鐘意嘅葱粒，令成個丼飯香好多。
小食
3)餃子5隻
細細隻餃子，煎到香香的，唔油膩，一口一隻好食。
4)芝麻雞翼5隻
炸芝麻雞翼，雞翼大小適中，有芝麻嘅雞翼，係好香口。
5)飲品
熱日式檸檬茶
日式檸檬茶，味道唔太酸，唔加糖都可以飲到。
什果賓治
入面係有菠蘿同椰果，再加入梳打水，帶甜嘅賓治。
重有咖啡可以叫黎飲呀⋯⋯
喺上水廣塲5樓依家有咁多好嘅食店大多都食過兼滿意，唯獨呢間八番我一直刻意回避唔試，除咗睇過呢度唔太正面嘅評價外，唔多唔少係同當年新城市廣場一田入面從新開張嘅八番留有好印象有關。今時今日有咁多好嘅拉麵舖，依家食八番會唔會係同自己過唔去呢？既然嚟到，咪試吓囉。
呢度地方大同闊落，可以坐到四十人左右，又係半開放式，個vibe理應唔錯，但晚餐緊忙時段都只係坐咗十個人都唔夠，基本上喺我心裡已經響起警號。除咗各式豬骨湯底嘅湯拉麵外，亦有沾麵，各式便當同小食。見到個勢唔多對路，唯有嗌啲大路嘅食物睇吓一般嘅水準係點：
餃子 – 外皮煎得幾靚，咬落脆卜卜，但入面嘅餡好少，味道亦唔太突出，俾人嘅感覺係好奀好小家，相當之唔值。☹️
極黑叉燒野菜拉麵 – 個豬骨湯底望落好似好濃郁，食落口係好薄，好淡，油膩同冇乜黑蒜嘅香或味；啲拉麵煮過龍，一挟起食時已經係軟咗一大半，接近即食麵嘅水平；溏心蛋有唔正常嘅鹹味，好似食緊鹹蛋咁😵💫；兩片叉燒簿身又冇適當嘅肥位，感覺係好乾好單調；較可取嘅係有唔少生椰菜，但成碗麵係out of balance，有幾多野菜都救唔番。😫
總括嚟講，呢度食品水準同烹調技巧麻麻，價錢唔平，性價比低。單係石湖墟一嗚嗰碗豬骨湯拉麵已經好過呢度好多，更何況係麵家山下？食完呢度，終於可以同八番呢個品牌脱鈎，從此再冇下次。
服務
內用
餐點類型
晚餐
平均每人消費金額
HK$100-150
餐點：1
服務：3
氣氛：3
📍八番麵工房 Deluxe
上水廣場近期開左好多新餐廳，見到呢間拉麵店好多人排隊，行近一望，原來有個好抵食既二人套餐👭食到好飽都唔使$300，即刻入去試試佢！
✨前菜（兩客）✨
🥢海帶芽
作為前菜黎講幾開胃，味道鹹鹹地，口感十分爽脆，帶有淡淡既芝麻香！
🥢泡菜
味道酸酸甜甜有少少辣🌶️食落清脆爽口！
✨主食（兩客）✨
🍜麻辣牛肉拉麵
無辣不歡嘅我叫左碗麻辣拉麵，連辣到都有得揀，今次就試左中辣🌶️望到碗拉麵通紅色已經垂涎三尺🤤牛肉係用肥牛，吸收曬湯底嘅汁，好入味！肥牛冇乜特別，同其他餐廳食既差唔多，但份量方面幾值得讚👍🏻足足有成6-7塊肥牛，算比得幾多～而配料有芽菜同木耳絲，有爽口既口感～麵亦都好掛汁，唔錯！
🐷汁燒豚肉丼飯
豚肉鋪滿晒成個丼飯面，豚肉亦都幾厚身🤩唔會薄到成塊紙咁😝燒汁味幾濃郁，令到塊豚肉好入味！味道甜甜地，好開胃😗但略嫌有少少韌🫣配料方面有多蔥、肉粒同半個糖心蛋🥚味道偏咸，配飯食一齊食一流～另外飯粒沾滿曬燒汁，好味😋
✨小食（兩客）✨
🐥芝麻雞翼（5隻）
雞翼炸得好酥脆，外皮炸到金黃色，咬開嘅時候仲有肉汁流出黎😌加少量芝麻，灑係雞翼表面，用芝麻點綴之後口感更加香脆，提升雞翼既香氣同口感！
🐣炸雞球（5件）
同樣都係即叫即炸！新鮮熱辣咁上枱，食嗰陣真係要小心啲🤭咬開見到一絲絲嘅雞肉，亦帶有肉汁，好juicy🤤肉質嫩滑，食到停唔到口！
✨飲品（兩杯）✨
飲品方面，可以任選無酒精飲品兩杯～分別同朋友叫左凍日式檸檬茶同凍咖啡☕️用黎消暑解膩，味道方面就正正常常😗
⭐️好味指數：7/10
📍八番麵工房 Deluxe (上水)
上水龍琛路39號上水廣場5樓511號舖
#上水 #上水廣場 #八番麵工房 #拉麵 #ramen #ラーメン #丼飯 #串麵 #炸物
服務
內用
餐點類型
晚餐
平均每人消費金額
HK$100-150
餐點：5
服務：5
氣氛：4
🌟餐廳：八番麵工房
📍地址：上水龍琛路39號上水廣場5樓511號舖
💰價位：～$50 – $100
⏰營業時間：星期一至日 11:00 – 22:00
📱電話：3996 9719
趁今日放假就同媽媽去上水探朋友~黎到上水廣場呢度，進駐左多間新開既餐廳，我地就揀左呢間「八番麵工房」，來自日本既過江龍拉麵店，近年以健康野菜拉麵打入香港市場！今次我地就揀左2人套餐，即刻試下先！
———————————————————
🌟二人套餐🌟
🔹 前菜(海帶芽 及 泡菜)
– 套餐包括2款前菜，我地就叫左海帶芽 及 泡菜~我就最鍾意呢款海帶芽，咬落爽脆而且咸咸香香咁，令人食過不停~
🔹 豚雞鹽味叉燒野菜拉麵
– 第一款主食，我就揀左呢款豚雞鹽味叉燒野菜拉麵~
先講個湯底，以豚骨及雞肉熬制，加入鹽味吊出鮮甜味，湯底夠濃郁，再加上大量蔬菜，夠哂健康~而拉麵選用日本麵粉，製成q彈麵條，入口寧舍爽彈，搭配糖心蛋及自家制日式叉燒片，成個組合好出色~
🔹 芝士燒牛肉丼飯
– 媽媽想食日式丼飯，呢款芝士燒牛肉丼飯就岩哂佢~
上層鋪滿厚厚既拉絲芝士，夠哂邪惡。燒牛肉大大片，入口夠juicy ，牛味香濃，搭配甜甜地既日式燒汁同埋蛋漿流心既糖心蛋，送飯一流~
🔹 餃子
– 日式餃子煎至外層香脆可口，肉餡豐富又多汁，配拉麵好夾~
🔹 燒雞腿肉
– 除左拉麵，呢度既串燒亦係餐廳主打之一~
呢款燒雞腿肉肉質嫩滑緊緻，外層既醬汁惹味香濃，值得一試~
🔹 凍日式檸檬茶 及 熱綠茶
– 套餐仲包兩杯飲品，飽飽既我就歎返杯熱辣辣既日式綠茶，幫忙消化又解膩~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳除左主打健康野菜拉麵之外，更提供丼飯，串燒及小食，選擇款式眾多，總有一款岩你心水~而且二人套餐性價比高，前菜、主食、小食及飲品都有齊，都幾抵食！