厚福公館
營業時間
| 星期一 | 12:00–23:00 |
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–23:00 |
| 星期六 | 12:00–23:00 |
| 星期日 | 12:00–23:00 |
服務選項
內用
用餐選擇
晚餐
餐飲服務
厚福公館 的菜單價錢、相片和推薦菜色
厚福公館餐廳係食多國菜，餐廳環境設計好有心思，所有嘅小食甜品都會用好靚嘅陶瓷碗碟裝??
Lunch tea set menu 包湯， 及飲品， +$18有黑松露餃子
蘑菇湯creamy，有粒粒蘑菇蓉，香噴噴???
香煎北海道帆立貝墨汁意大利飯
意大利飯粒粒分明好煙韌，美味無窮！?
上海小籠包配香蔥上湯陽春麵
小籠包熱辣辣一口咬落去全部都係湯汁，非常香甜?
黑松露餃子入面嘅餡料有香濃嘅黑松露味??
奶茶香滑, 熱檸茶濃郁！
沒您那麼甜
雞蛋仔香脆暖笠笠加上雪糕好美味！
法式焦糖布甸
上面嘅焦糖脆卜卜，配上士多啤梨同藍莓，水果新鮮，布甸甜度適中，係飯後嘅最佳選擇！
餐點：4
服務：5
氣氛：4
呢間餐廳主打多國菜同水晶蟹，試咗佢嘅雞油花雕蛋白蒸水晶蟹伴烏冬底，隻蟹好大隻，有差唔多兩斤，蟹肉鮮甜兼有花雕酒嘅香味，其他菜式賣相同味道都唔錯
餐點：5
服務：5
氣氛：5
今日衝黎尖沙咀既《厚福公館》衝着水晶蟹黎試下?雞油花雕蒸-水晶蟹全身白雪雪，有四種唔同嘅食法，有中式美食泰式等嘅烹調手法，我就揀咗用雞油花雕蒸配烏冬。肉好鮮甜，先食蟹腳之後將蟹蓋裏面既膏和蟹子撈落烏冬食，佢吸曬所有蟹鮮味同花雕味。非常唔錯！
餐點：5
服務：5
氣氛：5
? 食神大媽《尖沙咀｜高質水晶蟹·新開物超所值多國菜餐廳》
.
‼️❤️ 記得 CLICK 我頭像 去首頁 追蹤我 以獲得 最新美食點評 ❤️‼️
.
?️ ???????????? ??????? ?? ??????? ????? ???? @ ? 厚福公館《?食神大媽食水晶蟹》⠀
.
?♀️ 圖片展示美食：
Crystal Snow Crab HKD 888
Beetroot and Pear Salad HKD 68
Escargot & Mashed Potato in Crispy Shell HKD 98
Lobster & Scallops Soup HKD 68
Thai Spicy Grilled Beef Hanger HKD 88
Thai Spicy Grilled Chicken Skewers with Braised Pineapple HKD 88
Mini Pancake & Ice-cream HKD 48
Coconut King Jelly HKD 78
Red Bean Blast HKD 48
Pandan & Coconut Milk HKD 48
.
? 厚福街作為傳統食街係搵食地標，餐廳林立，無返咁上下實力都好難起到長久立足，畢竟有好多老饕都識嚟呢度搵食㗎 ✌️ 最近就開咗一間人氣超級旺嘅FUSION餐廳，名副其實融合多國元素，有齊中西日泰菜，太吸引了吧 ? 窗口望入去，尤其夜晚恍如華燈初上，行Chic & Hip風格，打卡好唔錯㗎！基本上餐牌入邊不論嘢飲定係嘢食都融合多國菜元素，最適合鐘意試新嘢又或者有選擇困難症嘅朋友仔，大媽就當然一定要試吓啦 ?
.
? 餐牌超多選擇，花多眼亂。同店員傾偈嘅過程知道，原來呢間就係大媽經常去九龍城打邊爐幫襯嘅「厚福館」最新開嘅餐廳 ? 「厚福館」出晒名食海鮮，不得了，一定要試吓呢度嘅招牌「水晶蟹」。店員解釋養水晶蟹比一般嘅蟹難好多，每次都要大批空運到港，仲要精準地控制魚缸嘅水溫，所以坊間比較少有供應，畢竟需要技術同資源。而「厚福館」作為老字號，大媽對佢嘅海產非常有信心，當然要起佢嘅新餐廳試吓啦。一共有四種煮法，聽店員推薦，決定試下最經典好味嘅「雞油花雕蛋白蒸水晶蟹」。
.
?️ 一上枱好驚艷，蟹蟹擺設得非常靚，大大隻足足兩斤承載住滿滿嘅蟹膏、蟹籽、同埋蛋白，好和諧。蟹身好似水晶咁雪白，難怪又有另一個名叫做「雪蟹」啦。
一定要趁熱食，入口嘅時候真係超級鮮甜！? 比起一般會食嘅花蟹，佢啲肉質更加鮮甜，蟹膏更加滑溜，難怪有人話雪蟹係世界上最好食嘅蟹之一。啲蟹肉真係好滑嫩，同雞油花雕嘅味道完美融合，酒香撲鼻，真係非常美味。試下將蟹膏撈埋烏冬一齊食，十萬個滿足 ?
.
? 開餐一定要食海鮮先，起味蕾最敏感嘅一刻將鮮味無窮嘅水晶蟹蟹放落肚。之後就當然要食沙律清一清味蕾繼續戰鬥啦 ? 呢度有多款沙律選擇，今次就揀咗有「紅菜頭啤梨沙律」，健康美味又開胃。
.
? 另一款頭盤就揀咗「法式焗田螺脆殼」，呢個真係好特別，因為佢個田螺殼係可以食架 ? 做得好出色，包裹嘅薯仔真係好惹味，調味一流！呢個必點呀！
.
? 接住就叫左「法式帶子龍蝦湯」，等於不停喺度食海鮮，好濃郁，好滿足，好暖胃，同埋可以為跟住嘅菜式作一個鋪墊。
.
? 食完鮮甜無比嘅海鮮，又食完西式美食，係時候轉戰泰式啦！叫左「泰式燒封門柳伴秘製泰汁」，肉質鮮嫩多汁，搭配酸辣的醬汁，口感一流，仲要好大份好足料，好惹味 ?️
.
? 食泰國嘢又點可以唔食串燒啊？！叫咗「泰式沙嗲雞串配燒菠蘿」，啲雞雞全部好嫩滑，仲要好肥美大舊。最正嘅係仲要配埋燒菠蘿，剛剛好可以消除油膩感延長戰鬥力食埋甜品哈哈哈 ?
.
? 其實識到呢度已經好飽好滿足，但係冇理由唔食埋個甜品㗎嘛呢度啲甜品咁吸引。叫左打卡一流靚靚「沒您那麼甜」。其實係雞蛋仔上面有雪糕，非常經典，同埋啲雞蛋仔軟硬剛剛好，滿滿可愛少女心。
.
? 最後，就係食「椰汁椰皇燕」。呢個實在太正啦。必點！原隻椰皇，滿滿嘅果肉，裏面仲要充滿燕窩，好似一兜高級超清甜嘅啫喱一樣，食完嘢，尤其夏天，一定要食。? 真係呢餐一個完美嘅結尾。
.
? 一路享用咁好味嘅美食，當然要配杯超級適合夏天飲嘅「爆趣紅豆椰奶」同「翡翠明珠班蘭椰奶」。兩杯都口感濃郁醇滑，甜度適中唔會確喉，非常消暑，同埋解辣。個杯又可愛，令人心情愉悅。
.
? 呢間餐廳絕對係優質物超所值之選，仲要係位置超方便，餐牌跨國界超多選擇，大份又好味，店員仲要好好禮貌，你哋一向都知大媽好重視服務態度架啦 ? 難怪咁多人會幫襯，絕對唔係坊間好多揸流攤嘅所謂打卡餐廳，真心推薦大家值得去試下呢，讚讚讚 ?
.
服務
內用
餐點類型
晚餐
平均每人消費金額
超過 HK$500
餐點：5
服務：4
氣氛：4
雞油花雕水晶蟹係估唔到地大隻，好似啲Alaska 果種咁既size，初時睇相仲諗住係細。。