燒皇雞煲火鍋
營業時間
| 星期四 | 17:30–02:30 |
| 星期五 | 17:30–02:30 |
| 星期六 | 17:30–02:30 |
| 星期日 | 17:30–02:30 |
| 星期一 | 17:30–02:30 |
| 星期二 | 17:30–02:30 |
| 星期三 | 17:30–02:30 |
服務選項
外帶
內用
無障礙程度
不支持無障礙座位
不支持無障礙停車場
產品/服務
酒精飲料
啤酒
用餐選擇
晚餐
餐飲服務
設施
洗手間
適合兒童
規劃
接受訂位
你可以從旁邊的垃圾收集中心聞到垃圾的味道！多麼奇妙的經歷啊！
😀😀😀😀😀😀😀😁😀😀😀😀 …
值得一吃
抵食椰子雞煲。串燒
今日同朋友行完山即嚟呢到醫肚，本身朋友住上水都係呢間熟客嚟，話一定要帶我嚟試
餐廳環境簡潔都坐得舒服，牆上都寫上各款必食推介，同埋是日新鮮海鮮
呢到主打必食椰子雞煲，麻辣雞煲同埋勁多款串燒，行完山想食啲滋潤啲清潤一下，今次我就揀咗椰子雞煲試下
鍋內有紅棗，雪耳及鮮椰肉，湯頭係椰子水嚟，店員仲話不含味精，叫我烚完雞件一定要試個湯，果然湯底非常清甜，而雞件都幾黃油，烚10多分鐘可熄火慢慢食，雞件入口嫩滑一啲都唔嚡口
仲叫了美國頂級安格斯肥牛，雪花油脂均勻，嫩腍帶點咬口，食落牛味都濃香
另外仲叫了多款串燒及海鮮，蒜蓉牛油燒生蠔都好大隻又生新鮮，最愛食蒜蓉嘅味道，仲有陣陣牛油香去帶出蠔鮮味
芝士黃金燒元貝更不得了，好大隻啖啖肉，面上仲有好多芝士㗎，入面係濃濃鹹香沙律醬，呢個好好食
燒鰻魚係用上新鰻魚去燒，一客3大條，魚皮燒到香口微脆，入面魚肉鮮甜帶點點爽口
愛肉的要試埋燒M7安格斯牛肉串，灑上調味粉的牛肉更惹味，牛香濃郁，牛舌就爽口有咬口，仲有蒙古羊肉串都好好食，呢到嘅串燒抵食性價心好高
時代海鮮！革命小菜！老婆仔女！就是好好味
早前去上水探朋友，朋友帶我去佢屋企附近的燒皇燒烤專門店食雞煲，在上水港鐵站過去要10分鐘左右，唔熟路的我用地圖帶路都易搵到，招牌以火燒的圖案作底，一睇就知夠晒熱辣辣，不過除左麻辣雞煲之外，仲有椰子雞煲、藥膳雞煲，小朋友都啱食。
牆上多款餐牌介紹，仲有是日海鮮和必食推介可以點選，食物種類繁多，諗左好耐都係參考openrice 食評，好多人都大讚椰子雞煲，一定唔會中伏。雞煲以外仲有多款串燒可以點，我地怕太飽都係食完先再決定。
椰子雞煲果然係必食之選，用上新鮮椰子仲有其他滋補的配料，椰子香味遠遠都聞得到，頭啖湯有清甜的椰子味，加上紅棗和雪耳，好耐無飲咁正的湯啦。食完雞之後，我地仲有新鮮鱔片，娃娃菜和響鈴，清清地好啱口味。
最後個肚仲有位剩，叫埋佢焗蠔試一試，新鮮生蠔加上蒜蓉和辣椒仔，蠔肉肥大肉厚，食一隻真係唔夠喉，唯有下次再食，睇返資料原來依間店仲有另外2間晌荃灣同新蒲崗，下次經開要去試下。
食到最尾煲湯浮曱甴！ 第一次食就出事
員工即刻將曱甴毀屍滅跡 當冇事發生 叫佢幫我地換個煲 開頭唔想換 仲話可能係唔知邊度跳左落去 之後好唔願意話只能換個豬骨畀我地（本來叫椰子雞煲）埋單仲冇折say sorry咩都冇 好似講到我地掟隻曱甴落煲咁 以後唔會再幫襯！
食過性價比最高又好味既椰子雞煲!
最近天氣又落雨變涼少少, 所以就去左打邊爐暖身, 揀左呢間除左火鍋仲有串燒食既餐廳
椰子雞煲-半隻 ($188)
半隻雞睇落份量都好足, 有我最鍾意食既雞髀位, 連雞頭都有埋俾你~ 仲有椰子肉~
湯底很足料! 除左有大量既椰子肉, 仲有雪耳、紅棗、杞子, 聞到已經覺得好香!
煲滾左水, 店員就幫手落隻雞~ 等幾分鐘後店員再幫手熄火同等我地用餘溫焗一焗再食~
雞肉就會保持嫩滑~ 啖啖肉! 落其他火鍋配件之前飲一碗湯先!
嘩, 簡直不得了! 椰子味香甜到一個點! 好似仲甜過呀媽煲果D咁~
仲有D椰子肉係Q彈的, 似係椰青刮出來既肉, 好正!
勁快飲晒成碗, 都唔會覺得口渴, 應該冇落味精! 飲完即刻覺得好滋潤!
叫左D火鍋配料:
美國桶蠔 ($138)
好巨型! 同罐可樂一樣咁大隻Crazy! 漉完唔會覺得縮好多水~
食落都幾新鮮, 爽甜爆漿~肉質肥美, 唔錯!
頂級安格斯肥牛-大(198) 牛魔王必食!
絕對唔洗擔心肥膏會多過肉既問題! 而且一D都唔鞋口, 唔韌~ 食落幾香牛肉味, 高質!
手打芝心蝦丸($58) 都係推介!
口感好爽彈! 仲有食到一舊舊蝦肉~ 包住溶左既芝士~ 正!
*不過食既時候睇熱 因為D芝士會爆出來
特大鮮竹笙($52)
如果你係點左椰子雞煲, 一定要點竹笙!!!!!!
因為佢會吸晒D湯既精華, 味道會愈煲愈甜!!!
我地仲叫左D燒物:
燒冬菇 ($12)
好有驚喜! 燒得一D都唔乾, 口感勁彈牙Juicy! 冇得輸!
芝士牛油焗金菇($40)
D芝士係完全唔會覺得唔夠! 多到爆晒出來~
而且D芝士甜甜地, 唔會覺得咁多係會漏~ 真係超級好食!
芝士黃金燒元貝($50/隻)
成隻元貝俾滿到瀉既芝士包住, 已經元貝本身肥嘟嘟脹卜卜咁~ 好好肉地!
D芝士係同燒金菇既一樣, 成粒連埋D芝士一啖放落口, 好幸福既味道~
蒜茸牛油燒生蠔 ($55/2隻)
因為生蠔細隻左, 所以老細自人送多隻我地!
隻蠔雖然唔大粒, 但一D都唔腥, 蒜香同牛油都好夠~ 其實呢個組合邊得輸啊~
川燒特級茄子($45)
勁大份! D茄子好腍愛蒜重口味人士必like!!
食到尾已經超級無敵飽, 但都忍唔住飲多幾啖椰子雞湯, D顏色已經煲到超級金黃! 我仲食左幾舊雪耳~ 又係吸晒D精華, 甜到一個點!
最神奇既係我飲左好多湯, 都唔會勁頸渴, 所以係真材實料來!
唔洗$200食到咁足料既椰子雞, 邊度搵呀?
因為疲症好耐冇食過雞煲，今日放工就同朋友去左上水一間雞煲到食野，呢到唔係好顯眼，唔搵真係唔知呢到都有雞煲食。
一開始我地就叫左個麻辣小辣雞煲，小辣好岩啲好似我咁想食辣又唔係好食到嘅人，雞煲唔會好辣但又好惹味，身為一個鍾意食芫荽嘅人望到煲野真係好有食慾！雞煲食完之後就會加湯做邊爐，都叫左啲火鍋配料，雖然每份起碼$20但好大兜，都抵食。呢到仲有個特別嘅地方係仲有串燒可以叫，除左一般嘅菜同肉類之外仲有海鮮串燒，樣樣都大大份調味都好夠，好香好惹味，下次都會叫埋啲朋友黎試下。
上水好味串燒+火鍋
真係好耐無入嚟上水，今日嚟探朋友bb，再出外食個晚飯聚正下舊，呢間就正正朋友家附近，種類都集中串燒及雞煲
今日就試試個椰子雞鍋，見到個鍋都好清澈，係用咗椰子水做湯，大大片新鮮椰子肉㗎，入面仲有紅棗雪耳夠哂滋潤清甜
我哋2個人就叫咗半隻雞，件頭都大喔，侍應倒落去慢火15分鐘就食我，估唔到隻雞咁嫩滑，記湯飲埋啲椰子湯，真係好鮮甜好好味
皇帝菜好新鮮，嚟哂啲清甜椰子湯確係另一番風味，越食越想追加菜去浸湯食
蟹子丸同埋魚皮餃雙併好抵食，好平民大眾化價錢
京蔥牛舌好惹味，京蔥經燒過多一入香氣，而牛舌配上醬汁一齊燒好香甜，牛舌爽口，面上仲有七味辣粉再增加層次味道
鵝肝多士都有喔，多士好香脆，而鵝肝都油香微脆
燒菠蘿好多汁又燒到好香，酸酸甜甜打完邊爐食啱哂
雞煲不錯，燒物一流，員工態度好nice
服務
內用
餐點類型
晚餐
上水區，食晚飯會想返頭再去首位
餐點：3
服務：4
氣氛：4
只食串燒，還可以
服務
內用
餐點類型
晚餐
服務態度很差！
餐點：1
服務：1
氣氛：1
兩個人點了小辣雞煲、串燒（牛舌、羊肉、芝士豆腐、雞軟骨）各樣都好味。星期四晚上7點已經滿座，有興趣既朋友最好6點半前入座，或者等到8點半後
餐點：4
服務：4
氣氛：4
食品質量很好，味道正宗，缺點就是地方淺窄
餐點：5
服務：4
氣氛：5
又貴
又差
又少
好多人食👍👍
餐點：3
服務：3
氣氛：3
水準不過不失，可以一試，
街坊價錢，
特別要讃是服務好好。
服務
內用
餐點類型
晚餐
平均每人消費金額
HK$200-250
餐點：3
服務：5
氣氛：3
價錢合理，味道正宗，值得贊是不太咸。
服務
內用
餐點類型
午餐
平均每人消費金額
HK$50-100
餐點：3
服務：4
氣氛：4