OPPA COFFEE BAR RESTAURANT 오빠커비바
營業時間
| 星期六 | 11:00–22:00 |
| 星期日 | 11:00–22:00 |
| 星期一 | 11:00–22:00 |
| 星期二 | 11:00–22:00 |
| 星期三 | 11:00–22:00 |
| 星期四 | 11:00–22:00 |
| 星期五 | 11:00–22:00 |
服務選項
店外取貨
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
有機料理
咖啡
酒精飲料
啤酒
用餐選擇
午餐
晚餐
餐飲服務
甜點
設施
附設酒吧
洗手間
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
簽帳金融卡
信用卡
今日黎到尖沙咀行街，就順便黎我好鐘意既韓國街，黎到呢到一定要食呢到既熔岩炒飯，之前上網睇片已經流哂口水，呢到既熔岩炒飯真係一試就愛上。
呢到有6款熔岩炒飯，作為芝士控又鍾意辣既我就叫左呢個OPPA激辣熔岩炒飯，呢個炒飯無論係賣相定味道都好好，又有得睇表演又有得食，望住店員幫我地燒融d芝士，芝士既分量好足，加上同蛋既分量配合得好好，令成個飯好有口感，味道又配合得好好。呢個有d辣，岩哂鍾意食辣既朋友食!
另外我地又叫左一個蜜糖牛油無骨炸雞，呢個炸雞炸得好香脆，最鐘意食無骨炸雞，食落啖啖肉，好好食。味道好特別，第一次食甜既炸雞，蜜糖味好重，又估唔到同蒜香咁夾。而且下面有薯條，又食炸雞又食薯條，真係大滿足。 再加埋呢到韓國汽水，真係無得頂呀！
Chicken was tasty. Didn’t know what to expect with the carbonara option – not a lot of carbonara and chips were included ?♂️ …
尖沙咀有條好出名既韓國街就眾所週知，經同事介紹有間芝士熔岩炒飯好出名，難得放假就專登慕名前往呢間韓國餐廳。
✔️秘製章魚蛋漿熔岩炒飯 (HK$168)
首先用鐵板盛載著泡菜炒飯，再加上蛋漿及大量芝士，店員用火槍將芝士燒溶，造成拉絲芝士，濃郁芝士味在口中狂野的散發！ 章魚粒粒吸管口感煙韌，配上芝士拉絲炒飯，口感豐富有層次。超級邪惡但超級美味，芝士控一定不能錯過！ 溫馨提示，大家記得趁熱食啊，芝士凍咗就無左拉絲既效果。
✔️甜辣無骨炸雞(HK$198)
炸雞有得揀有骨或無骨，炸雞上枱時陣陣熱煙，絕對是新鮮即叫即炸的。炸雞嘅炸粉唔會太厚，咬落去充滿肉汁，啖啖是肉，滿足感爆棚！雖然有甜辣汁在炸雞上，但外皮都無淋哂，依然香脆可口。
溫馨提示，店家會附上一碟醃蘿蔔，酸酸甜甜，可以清下油膩感！
食炸雞當然要配啤酒啦，記得order 支韓國啤酒啤啤佢?
Localized Korean food, quite expensive.
Dish size is big. Delicious.
Super long queue
要排隊的店~炸雞多款味道不錯，海鮮煎餅香脆美味，唯牛肋骨湯只有一,二片牛肉，没有牛肋骨，湯不過不失
韓國街必試熔岩炒飯+炸雞
秘製章魚蛋漿熔岩炒飯 $168
店員於食客面前即場加大量芝士於炒飯之上，再以火槍來回灸燒。待芝士半融、炒飯呈現出飯焦之時，店員會均勻拌好炒飯，營造出熔岩版拉絲效果。炒飯帶有綿軟芝士質感同香氣，濃郁但口感不肥膩，加上彈牙章魚粒更昇華層次感。
蜜糖牛油炸雞(全隻) $208
炸雞蜜糖味道充足，香甜味隨上枱後緩緩飄出。每隻炸雞大小相約，接近半個拳頭大小。味道同日本蜂蜜牛油薯片九成相似，面層伴以少許杏仁片，炸衣脆身但口感依然輕盈，值得一讚。除咗炸雞，底層原來暗藏蜜糖薯條，份量亦相當有誠意，鹹甜交織異常吸引。
韓國蜜桃梳打 $27
梳打中嘅蜜桃香幾清甜，甜度足夠又唔會太過火。幾適合夏天配炸物一齊享用，解膩消暑。
韓國有氣菠蘿汁 $27
菠蘿汁相對上有氣成份較重，味道偏甜，個人而言都覺得幾好飲。
尖沙咀韓國街嘆韓國嘢
呢條韓國街一向都有唔少韓國餐廳，呢間假日都幾多人。餐廳唔算好大，但係都想算坐得OK，餐牌算多嘢食。
揀咗：
▶️泡菜魚糕拉麵
鍾意食韓國嘅魚糕，加上泡菜，酸酸辣辣。仲有紫菜及蛋，配埋拉麵，冬天熱辣辣一個鍋咁，相當暖胃。
▶️三色泡菜餅
泡菜餅煎得好香，有三款口味：有韭菜、泡菜、南瓜味。我覺得夠泡菜最好食！
▶️蜆湯
蜆細細隻，份量都ok~ 湯味幾鮮甜，都係熱辣辣，正呀！
雖然要排一陣隊
但係用餐體驗都好好
野食有韓國地道風味
而且上菜速度都好快
值得推薦嘅一間韓國菜??
因為疫情，好耐都冇去旅行，今日好想去韓國街食飯呀，當去咗韓國旅行啦！? 結果都係揀返哩間OPPA?～ 因為食物真心好食?? 食物選擇眾多，炸雞、炒飯、拉麵、蛋捲、韓式小食，非常齊全，樣樣都好吸引呀！ 我哋叫咗一個熔岩炒飯，一個炸雞，同一個牛骨湯飯～
甜辣炸雞 $208
好大份！有雞翼、雞鎚、雞胸，炸得非常香脆，味道方面唔會太甜或者太辣?? 下面鋪了薯條，沾上甜辣醬更好味??
泡菜蛋漿熔岩炒飯 $158
我每次都會點，好睇又好食? 店員會加蛋漿和芝士粒到炒飯中，然後用火槍將蛋漿燒熟，芝士熔化，再拌均飯，過程好好睇?，飯又好食，必點??
牛骨湯飯 $78
因為lunch set，所以$78，超級抵呀? 賣相吸引，而且好好味呀??? 牛骨湯，好香濃，牛肉又好霖，好好味，我地所有湯都飲曬呀?
聽朋友介唔韓國街有間食炸雞唔錯，星期六行開街順便一試，點知俾個炒飯搶晒鏡
叫左個辣既，好似有泡菜同雞肉(冇記錯嘅話)，然後oppa即席係我地面前加蛋漿、芝士，再用火槍燒。個拉絲真係不得了，食落唔會好膩。蛋加泡菜加芝士點會唔好食。係真係幾辣，啱哂中意食辣既我！
跟住嗌左個蜜糖牛油炸雞，個人比較中意有骨雞，所以嗌左連骨，佢都有個無骨版。食炸雞最緊要係食皮，佢啲雞好多脆皮，極邪惡但好滿足！仲有滿滿蜜糖同牛油香味。
跟住再加多個煎餅，鍾意去呢度細細塊，可以食多幾隻味，啱晒貪心嘅我
依幾日好凍，最想食啲嘢可以暖暖身，就揀咗喺尖沙咀食韓國嘢。Oppa店舖唔大，牆上嘅電視都播着K pop MV，氣氛唔錯。
秘製章魚蛋漿熔岩炒飯
由店員親自倒上蛋漿同芝士，再係咁用火槍噴呀噴，直至啲芝士完全溶哂，再將炒飯同芝士攪拌，跟住就食得啦！炒飯芝士味十足，亦有啲泡菜嘅微辣，天氣凍真係要趁熱食，美中不足係啲章魚比較細粒咗d。
蜜糖牛油炸雞
嚟到韓國餐廳有炸雞當然要嗌啦。依度嘅炸雞下面仲有薯條，正！蜜糖牛油味夠晒濃，炸雞脆卜卜，滿足哂我想食炸雞嘅慾望。
韓式蒸餃子
最初以為淨係五隻搞好少，點知依五隻餃份量十足，肉同菜比例啱啱好，點埋醬汁更加滋味。
近來冇得去旅行，係依度食到韓國嘢非常滿足，整體嚟講，食物水準唔錯，值得再嚟。
這店佈置清爽簡單，也有人氣，故選了它。見鄰桌在吃鐵板炒飯，很吸引，令正減吃米飯以瘦身的我們一餐就吃了一星期的quota！
印像中好像很少吃炸包飯，外層紫菜不會因放了一陣子便軟下。包飯炸得一點也不油膩，件頭頗大及數量也蠻多，慢慢享用時，包飯仍保持脆身，韓式包飯味道稍淡，蘸點一起端上來的醬汁吃，味道剛好，這種吃法也不錯。
而家冇得去旅行，總係掛住不同地方嘅美食，今次輪到韓國菜了！位於尖沙咀嘅金巴利街俗稱韓國街，絕對可以滿足一班韓粉嘅慾望，入面唔單止有好多嘅韓式餐廳，仲有好多賣韓國嘢食嘅舖頭tim! 我哋今次去咗一直人氣高企嘅 《Oppa Coffee Bar Restaurant》， 呢度係堅有Oppa 注場的，見啲嘢食份量都大，所以只係點咗Jumbo 芝士蛋卷同一鍋人蔘雞湯！份芝士蛋卷有我成隻手臂咁長呀！芝士蛋卷偏厚實的，入面滿滿邪惡的芝士！而人蔘雞湯係採用原隻雞、人蔘、紅棗、松子等熬製成的，雞入面有糯米飯，一鍋大概有四碗湯，味道好濃好鮮甜！堅足料的！食完當去了一趟韓國啦！哈哈！
今日想食韓國嘢所以同朋友去到韓國街 間店好似都幾正宗韓國菜咁 店員都係oppa
牛骨湯
適逢天氣轉凍 先選了一個冬季的滋補品 打算暖一暖胃 骨湯味道味鮮甜 幾有牛味夾雜咗少少微辣 感覺幾令人開胃
蟹膏蟹肉紫菜包飯
再嚟就係kimbap 入面有蟹膏 蟹柳 酸青瓜紅蘿蔔蛋絲 蟹膏蟹柳份量好足 味道配合得好好 鍾意蟹膏既人一定要叫!
蜜糖牛油無骨炸雞
每款炸雞都可以揀有骨定冇骨 個人比較懶就揀咗冇骨 味道香甜清新 牛油味不膩 蜂蜜甜甜地好清新 炸皮唔會太厚 雞都好軟熟 炸雞仲配咗好多薯條 兩樣一齊食真係好爽!
另外叫咗2個韓國果汁都幾fresh幾好飲 有果肉
Service was non existent, but food in general was alright. Tight space, but it was alright. Sanitizer and water on every table.
價錢合理,味好,一字講晒,正
My wife and I had this fried chicken with cheese last night , taste okay, price a bit high with the food and environment. However, both of us got bellyache that night and today. My wife almost threw up. I think there is problem on their kitchen hygiene or other problem.
今次黎到呢間由oppa主理嘅韓國餐廳食飯? 未行到餐廳已經見到大排長龍！等咗一陣之後終於入到去啦?
秘製章魚蛋漿熔岩炒飯（$168）
店員先將芝士加入蛋漿裏面，然後用火槍燒溶芝士，令蛋漿慢慢熟透～ 芝士拉絲可以拉到勁長?真係超邪惡?成個過程好似睇緊表演咁? 炒飯同半溶芝士融合，口感偏濕潤，味道都幾香濃！
牛肋骨湯（小 $168）
朋友話飲落有啲似越南河嘅湯底? 湯底都幾濃郁，未飲已經聞到好香?牛肋骨幾入味，仲有啲洋蔥配料，兩個人啱啱好！
三色韓國煎餅（$138）
三款口味包括韭菜、泡菜同南瓜?三款揀嘅話小編最鍾意韭菜嗰款！
足料?韓風味?
間唔中想食韓國嘢，今日喺尖沙咀搵去咗一間叫Oppa嘅韓國餐廳。主要係睇中左佢有土豆豬骨湯，不禁令我想回味返以前冬天成日飲呢個湯果種保暖、野味又開胃既湯既滋味?
嗰日我哋去有少少人龍，所以都等咗一陣，好在早餐食得遲，而且附近有足夠嘅店舖去逛下入座之後，係選擇困難症嘅狀況底下揀咗一個蛋卷、一個細既豬骨湯、一個炸紫菜包飯同埋一個豬手
蛋卷其實幾乎每一檯都有，好IG-able，比起平日其他餐廳嘅高身，更飽和、放料都好足好豐富！不出所料，依個蛋卷咁長咁厚身，我朋友作為蛋迷十分滿意建議嚟咗依個先再決定要唔要再點飯不過留意佢被有好多椰菜鋪滿成條蛋卷既，所以食落唔算漏?
湯係我最期待嘅！熱烘烘嘅放上檯，香噴噴撲鼻?我朋友未曾試過依個湯，其實都有啲怕會唔會接受唔到，因為怕太辣（佢平時只食到辛辣麵或者泡菜嘅程度）不過最終佢係最讚賞呢個湯??香濃個豬骨湯底真係冇得輸！入面有幾舊薯仔、芽菜、菜乾同埋佢嘅靈魂———豬骨豬骨滾得又香又淋已咬開，同個湯既味道完全融為一體!!佢係唔跟飯嘅，所以如果你想好似平時食佢有湯有飯嘅配搭，就可能要另外叫啦…
再嚟就係初嘗試嘅炸紫菜包飯，本身唔係太愛好類似天婦羅嘅炸物，但見佢餐牌上形容為釜山特別嘅菜色（雖然唔清楚係唔係真），所以就立心一試，而且我朋友都鍾意食炸嘢黎到後，我真心覺得呢間餐廳用料大方唔計較！碟碟都咁大份！係平日食開既壽司卷既增大版入面既料都亦好足，係午餐肉既壽司卷
最需時製作既豬手同樣大大碟真係好搶眼!! 唔單止擺碟靚、伴菜夠、食唔同方位既肉裡裡外外都好淋好入味?重點係佢表皮好彈牙有膠質用菜包住食更加合女仔心意??超推介今餐整體都好滿足?值得下次encore??
人蔘雞湯啲雞肉好嫩，骨頭亦都好易咬碎， 應該熬左好耐啦，亦有好多人蔘，非常足料
三色韓國煎餅整成一口，細細塊唔怕食多左，我鍾意南瓜味有少少甜
叫蛋漿熔岩炒飯，就會有Oppa整，佢用火槍控制火喉剛剛好，將芝士加熱同飯粒溶入，整體味覺豐富
Jumbo芝士蛋卷名副其實，上菜時真係嚇一跳，有大量的椰菜
我自己就係一個蛋控，韓式煎蛋卷係必點之選，可以過下蛋癮又大大份
已經唔係第一次嚟呢間韓國餐廳
每次黎都長長人龍?
建議大家訂定位 會比較方便?
–
?蜜糖牛油無骨炸雞（半份-$198 ）
牛油香加埋蜜糖甜 超級惹味?
加上炸雞即叫即炸 雞皮新鮮脆口?
無骨啱晒懶人?加分
底部有一堆薯條墊底 好邪惡
兩個人叫半份一定夠?
–
?魚糕湯（ $180 ）
兩大串魚糕 加埋唔少野?
湯底有烚蛋同韓式年糕
湯底唔會太鹹飲咗唔少?
加上最近開始凍飲碗熱湯好爽皮?
又食又飲超級飽??
–
?韓國甜米水（ $25）
食炸雞配甜米露 感覺冇咁熱氣?
而且甜米露好清甜 比起可樂無咁漲胃?
–
P.s 整體食物份量比較大⚠️
如果成班朋友開心share就試到多d款?
Was coming specifically for the Korean Fried Chicken and was a little underwhelming. Wasn’t bad, wasn’t great. Nice service and people, maybe other food is good.
疫情關係好耐都無得去旅行，為有去韓國街食飯感受下韓國氣氛頂住引先，星期日下午都好多人，排左一陣先有位，好野自然多人幫襯。
之前已經食過兩次，佢哋既職員全部係OPPA，再加上餐廳不段播放韓劇既歌，當自己嚮韓國都無問。
食物選擇眾多，炸雞、炒飯、拉麵、蛋捲、韓式小食，非常齊全，而且好吸引我哋叫咗一個熔岩炒飯，一個炸雞，同一個拉麵。
甜辣炸雞
全份和半份炸雞只差$30，當然叫全份啦，份量真係好大份，見到已經心心眼，差不多全部都係雞翼同雞鎚，外脆內軟，好正，帶點甜又帶點辣，非常可口，下面仲鋪滿了香脆的薯條，食完都半飽。
泡菜蛋漿熔岩炒飯
尼個係必點推介，好睇又好食，幾乎每枱都點，上菜時，店員會加蛋漿和芝士粒到炒飯中，然後用火槍將蛋漿燒熟，芝士熔化，再拌均飯，過程好睇，飯又好食，推薦。
三色芝士拉麵
熱辣辣既鐵鍋裝住芝士拉面，芝士味極濃郁，拌均蛋同芝士食，好好味，連湯都飲埋。
大滿足既一餐，非常推介的韓式食店，一定要再去。
Very economically friendly set lunch~~~
困咗喺香港咁耐，出街食飯除咗為咗醫飽個肚，有時仲係為咗要望梅止渴咁補償下冇得去旅行嘅心? 呢排天氣涼咗啲，真係好掛住去韓國食辣野同埋飲熱湯日子，所以就同朋友去左呢間韓國餐廳食飯，除咗有地道韓國菜，仲有oppa serve你，感受下真係去咗外地嘅感覺！
當時去到門口已經有唔少人排緊隊，大約等咗20分鐘就可以入座。餐廳雖然啲枱都排得密，不過每張枱都幾闊，所以坐低食飯傾偈其實都算舒服。
餐廳主打韓式炸雞同埋熔岩炒飯，今次怕熱氣就冇試到炸雞，但係熔岩炒飯就真係唔可以唔叫喇！我哋點左最Basic嘅泡菜蛋漿熔岩炒飯，熱辣辣嘅炒飯放喺鐵板上面，外圍加上蛋漿，oppa喺上面灑上大量嘅芝士再用火槍燒至半溶，然後將所有嘅材料撈勻，係撈勻嘅過程中已經見到芝士融合喺每一個炒飯上面，一條條嘅芝士拉絲，睇到我流晒口水?
完成咗嘅炒飯質地比較軟身，我個人比較鍾意食少少濕潤又軟身嘅泡菜炒飯，所以就覺得口感啱啱好?? 但如果鍾意食乾身炒飯嘅話可能就會覺得佢啱啱炒起嘅時候太過軟同濕喇。啱啱炒好嘅飯食落口熱辣辣，辣到適中，芝士味都非常濃郁！食到第二碗嘅時候，鐵板底已經燒到有少少飯焦，就可以食到比較乾身而且香脆可口嘅飯焦同埋飯粒，總括嚟講呢個飯係味道同口感方面都幾有層次?
另外，為咗消滯，我哋叫咗一個牛肋骨湯。上菜嘅時候，見到湯嘅顏色非常清澈，入面嘅材料有牛肋骨、洋蔥、韓式粉絲，味道好清但都不失牛味。牛肉即使係煲出嚟亦都非常腍身，配搭洋蔥嘅口感食落都唔錯。
飲品方面我哋叫咗一支香蕉味嘅米酒，兩個人飲份量絕對非常足夠，最驚喜嘅係香蕉味非常濃郁，但係又唔會掩蓋左米酒本身嘅味道，不過我個人就覺得甜咗少少喇。
總括來講，食物份量適中，比較適合2-4人食，味道雖然未至於稱得上韓國嘅地道菜式，但係都已經算唔錯，加上有oppa服務，算係一個可以過吓口人，又感受到旅行氣息嘅餐廳?
今日行尖沙咀，在想晚餐的時候，朋友說想食韓國菜。在尖沙咀想食韓國菜，就只有一個地方，就是在金巴利道的「韓國街」。上網查了一查，發現韓國街有一間餐廳非常出名，如果冇訂座的話就真的要提早過去，既然如此，我們就馬上去這間「OPPA Coffee Bar Restaurant」。
我們大概六點左右去到餐廳門口，見到餐廳入面已經坐了一半，OPPA上前問我們有沒有reservation，我們因為早的關係，沒訂座都可以馬上有位。
來之前已經想好要食些什麼，不用多想，當然要食韓國的招牌菜式。
⧓ 1. 泡菜蛋漿熔岩炒飯
朋友說，幾乎每一張枱都會點這份炒飯。本以為沒有太大特別的，往往就是令人最有驚喜。炒飯當中混上大量韓式泡菜，但重點是其極大量的芝士。值得加分的是，由OPPA 直接用火槍將芝士粒燒成熔岩，再不斷加以攪拌，將炒飯和芝士熔為一體，炒飯因而可以做到「拉絲」的效果。整份泡菜蛋漿熔岩炒飯就充斥住濃濃的芝士香味，如果是熱愛芝士的，這個系列的炒飯絕對不能錯過（這份亦是我的強力推介）。
⧓ 2. 原味炸雞
食韓國餐，我最期待的就是韓國炸雞。今次我們就想試試OPPA 的原味正宗韓式炸雞。在沒有其他的調味料下，原味炸雞更能體驗出餐廳的功力。我們點了一份Half，足夠讓2-3人共享，而且亦會有薯條附上。炸雞炸得非常爽脆，而且一咬下去內裡雞肉不斷噴出陣煙，新鮮炸好的食落會特別順滑。另外，OPPA 還會額外提供甜酸醬和炸雞醬，所以不怕太寡口。
⧓ 3. 韓國泡菜煎餅
我們原本想食「三色韓國煎餅」，不過OPPA 說剛好賣晒，所以我們轉食份量較大的韓國泡菜煎餅。也好，朋友喜歡食泡菜的，所以這份泡菜煎餅一定會使她非常開心。果然，整份煎餅內夾附着超多的泡菜，再添上其特製醬油，熱辣辣非常好味。不過，要提提的是，如果煎餅放得太耐，凍了的話會大大影響其味道，所以建議大家可以先食煎餅，以避免錯過其最佳食用時間。
果然，OPPA 在整條韓國街為最受歡迎的韓國餐廳。我們大概7點多少少食完，已經見到有不少人在門外等侯，想食的話真的要先提早訂位。
?OPPA Coffee Bar Restaurant (尖沙咀)
尖沙咀金巴利街1號F地鋪
—–
長長的一條人龍，將這條狹小的金巴利韓國街擠擁得水洩不通。一番觀察後，發現人龍全部都是衝著這間叫OPPA Coffee Bar的韓國餐廳??。
排完隊之後，懷著興奮的心情，帶領我們入座的雖不是電視上看到的高瘦長腿靚仔Oppa，但確實是一位操著地地道道韓語的男子?。
看著餐廳內個個都叫了充滿芝士的火山熔岩炒飯，?我就一於試下與別不同啲，叫下其他野。
蟹膏蟹肉紫菜包飯 $108
紫菜包飯食得多，蟹膏蟹肉餡料嘅，卻是首次嘗試，整體味道比起平時含有泡菜嘅紫菜包飯清淡少少，韓式得黎帶少少日風。
泡菜魚糕拉麵$89
紫菜、泡菜、年糕、魚糕、洋蔥、蔥花、紅蘿蔔絲及一隻生雞蛋，材料簡簡單單，但又非常豐富，係地地道道嘅韓國味道啊！唯一可以雞蛋裏挑骨頭嘅就係魚糕份量再多啲會更好。
韓式蒸餃子$110
Jumbo size嘅脹卜卜韓式餃子，外皮帶微微煙韌，內裡餡料甚多，濕潤惹味又帶適量豬油香嘅韭菜豬肉粉絲餡，正宗得令人韓國旅行嘅回憶立馬湧上心頭??。
馬鈴薯排骨湯（細-$148）
細Size嘅排骨湯，份量足夠兩人享用。豬骨大件但夠軟爛，加上少少帶咬口嘅軟骨，口感很不錯。再加上“馬鈴薯，大蔥、洋蔥、芽菜、紅蘿蔔絲、菜乾及獨特嘅韓式辣粉”一同熬煮，入口辣而不嗆亦非常暖胃。
Come again? ???? I ordered korean fried chicken with salad and it was good. Was a bit shocked with the coffee ☕ ? …
今日又同朋友聚會 非常想食韓國炸雞 去咗尖沙咀嘅呢間oppa restaurant已經嚟過幾次
餐廳唔大 不過非常多客 有時要等位㖭
蜜糖牛油無骨炸雞 本身想食有骨比較juicy不過已經全部售罄 所以就叫咗無骨炸雞 同樣上面有海量嘅蜜糖同杏仁片食落鹹鹹甜甜 特別得嚟唔會好漏 炸皮超級脆 入面雞肉嫩滑多汁 下面仲有海量嘅炸薯條 分量好大
烤五花腩飯 五花腩一層肥一層瘦口感豐富 烤過嘅豬肉油脂已經迫咗 出嚟食落冇咁油膩冇咁罪疚感 用嚟送飯非常香口 跟餐仲有一隻韓式粉絲餃子 同埋泡菜 十分豐富
韓式卡邦尼炒年糕 年糕份量幾多 咬落煙煙韌韌同時索曬濃厚嘅卡邦尼醬汁 有創意得黎不失傳統感
呢排煲緊韓劇，真係好掛住韓國美食！平時行過呢間韓國菜都大排長龍，決定約埋朋友黎試吓！
到店必叫菜式之一，眼見幾乎每枱都有叫一份～泡菜蛋漿熔岩炒飯！以一個鐵版上菜，上面先鋪上一層蛋漿，炒飯，再放上巨多的mozzarella芝士。好戲在後頭，店員會即場用火熗燒熟周邊嘅蛋同燒熔啲芝士，撈起上黎拉絲十足！散發陣陣濃郁嘅芝士味，半溶嘅芝士加上蛋同泡菜炒飯，味道非常夾得黎又夠晒creamy，記得趁熱食。
鐵板芝士五花肉，五花肉微微醃過，有咸香味，加埋半溶嘅芝士幾惹味，用黎佐酒係唔錯嘅選擇。
Jumbo芝士蛋卷，原來份量真係超巨，蛋上面鋪滿椰菜絲同茄汁，中間全部都係紫菜，紅蘿蔔碎，芝士，如果可以再濃味一點就更好！建議多人食開心share，食完真係好滿足！
另外仲點了兩罐韓國汽水，分別點了桃味及巨峰味，兩種味道都唔會假，幾清新，甜甜地。
因為疫情關係，大家應該很久沒去過旅行和食韓國菜！最近發現了這間好高汁韓國菜，大家一定要試佢哋招牌菜OPPA激辣槳熔岩炒飯。首先唔少得OPPA為你送上熔岩炒飯，飯周圍和表面鋪上滿滿芝士同蛋漿，即場表演燒芝士蛋，火槍燒食物。食既時候會有勁長芝士拉絲，啲芝士多到爆燈，打卡一流！連埋炒飯一齊食簡直係享受，咁講究炒飯你值得擁有。 之後仲有食韓國菜一定唔少得既紫菜包飯！激推蟹膏蟹肉紫菜包飯，一開始以為分量唔多，但足足都有十件，而且料多，蟹膏蟹肉都好新鮮，連埋蘿蔔絲同埋雞蛋絲食都好清新和健康。 最後一定唔可以漏左鐵板芝士五花肉，鐘意創新又好肉者必定要叫呢個！鐵板聽就聽得多啦，但鐵板芝士五花肉就未試過啦，居然有驚喜！食落口唔油膩之餘，芝士同五花肉味道好夾。另外呢間仲有炸雞和其他各種韓國菜，喜歡韓國和韓國菜既朋友一定唔好錯過啊！
“海鮮蛋漿熔岩炒飯”($168)
“蒜香無骨炸雞(半隻)”($198)
“韓式煎餃子”($122)
呢間喺尖沙咀韓國街嘅oppa都開咗好多年
之前喺poly返學間唔中都會嚟食吓?
估唔到咁多年都咁高人氣長期要等位?
即係證明啲食物質素一直都唔錯啦?
嚟到唔可以唔叫呢道最出名嘅熔岩炒飯?
Oppa會即席喺你面前落蛋漿,芝士碎?
再用火槍係咁燒?最後仲幫你撈勻個飯?
我地叫咗嗰款係海鮮蛋漿熔岩炒飯?
啲飯撈勻之後口感黏稠煙韌?
芝士味算幾香仲勁拉絲?但食完都唔覺太溜?
至於海鮮有咩其實唔係好食得出?
建議大家叫返最basic嘅泡菜味就ok?
食韓國菜唔少得嘅仲有炸雞?
見一排冇食所以叫咗半份蒜香無骨炸雞?
無骨炸雞真係好正啖啖肉?
雞肉唔會炸到太乾柴☺配上個蒜香醬幾惹味?
啲雞下面原來仲有一堆薯條?
完全唔怕唔夠飽?
我地仲叫咗份韓式煎餃子?
一碟有8隻,而且每隻仲好巨型?
餃子煎到外皮香脆,啲餡仲幾飽滿?
Grad咗幾年之後再嚟舖頭都冇咩大轉變?
嘢食味道同質素都keep住?
唔怪得可以喺韓國街咁多年都仲生存到啦?
同朋友去韓國街
見到呢間人龍店
一齊去試下
入面有好多新派韓食
我地揀左卡邦尼年糕，炸雞沙律，韓款蒸餃子同三色煎飯
卡邦尼年糕
好煙韌
除左年糕，仲有好多蔬菜料
顏色靚得黎，又健康
炸雞沙律係魔鬼同天使嘅混合體
有蔬菜嘅纖維
又有炸雞嘅香脆可口
炸雞係雞柳黎嘅，啖啖肉，好味道
沙律唔會落好多沙律醬，反而係用麻油拌過
幾特別
蒸餃子都幾大件，仲有成五件
滿滿嘅肉饀，滋味！
三色煎餅
除左傳統嘅泡菜餅外
仲有韮菜餅同南瓜餅
南瓜餅超有驚喜，超甜??
仲有好多野想試㗎
見到人地食個珍寶蛋卷
超大件，真係要多幾個人一齊黎試試！
金巴利街’韓國街’有很多地道韓國人主理的韓式餐廳。 而我最喜歡呢間餐廳原因是呢間蛋漿熔岩炒飯是整條街最出名的。
而食地道韓式餐廳當然必叫一客雞翼
呢間韓式餐廳雞翼味道多選擇外，最重要有懶人之選無骨雞翼
甜酸，醬油，卡邦尼亞 ,蒜香，蜜糖牛油味道 任君選擇
今次揀了不温不火的蜜糖牛油無骨雞
翼，無骨啖啖肉，味道香濃，雖然好邪惡，但雞肉多汁嫩滑，一隻接一隻吃不停口 .
有別於一般韓式店雞翼還有上薯條伴碟
自製章魚蛋漿熔岩炒飯
店員先將炒香的章魚炒飯放在鐵板上，倒入蛋漿和大量芝士，店員再在我們面前用火槍直接燒溶芝士和燒熟雞蛋，我看得震撼緊張，但店員非常冷靜，同 時間，香味開始飄出，材料慢慢拌勻，直至每粒飯粒都有芝士拉絲， 整碟飯真是邪惡到極點呢！ 愈邪惡的東西真是愈美味的。
自從第四重疫情之後已經好耐冇再食過其他國家嘅嘢食
今日放工去到尖沙咀嘅韓國街所以就選擇左一間地道啲嘅韓國餐廳食
入到去量體溫用酒精卒完手之後就可以開始叫嘢食好耐都冇久違咗呢種感覺了
今日就一於食得好少少所以叫咗香辣炸雞
今次選擇左有骨嘅炸雞因為通常炸雞連埋骨先至食得到箇中油脂豐富嘅肉香味而且呢度係新鮮炸一落完order先開始做所以通常每個order都起碼要等15分鐘
但係就非常之值得等待因為新鮮炸起嘅炸雞係完全冇得用言語你形容因為脆嘅外表再加上呢個香香甜甜辣辣嘅醬汁完全令人食指大動一件搭一件而且佢哋嘅底部仲更加有薯條薦底薯條吸收左香蠟嘅菜汁比淨係點茄汁更加勝之而無不及
之後就諗住叫一款韓國嘅地道湯品最後我哋就選擇左一款細嘅牛肋骨湯
因為好想飲返碗湯清一清喉嚨
估唔到呢個牛肋骨湯用嘅材料非常之咁豐富而且每碗湯裏面都有非常之足份量嘅牛肋骨而且牛肋骨已經捕得完完全全Lam話唔會再有眼鏡感覺而且肉味非常之咁濃郁再配合埋胡椒嘅味道令到成碗湯更加昇華完全更加好味而且湯品入邊仲更加有粉絲所以唔會好青掛而且仲有肉食仲有少少粉絲更加令人非常回味
最後就叫咗一個蟹膏紫菜包
雖然呢個價錢唔會好而且構圖係新鮮蟹膏我諗應該都係用上了罐頭裝嘅蟹膏但係蟹膏嘅味道都係非常之咁濃郁而且紫菜包飯入面嘅麻油味道非常之咁濃郁再配合埋紫菜仲有其他蟹柳同青瓜及蛋絲完完全全係一個非常之好食嘅主菜品
好久沒有食過炸雞，韓式炸雞就是久不久就想吃的
於是來到這間在TST都頗出名的OPPA餐廳
8點多到已經排長龍OMG！
幸好體貼的友人們已經一早拿位入座SWEET
蟹膏蟹肉紫菜包飯$ 108
在等炸雞時先來個捲捲飯，蟹膏大大撻在面
卷飯內裡其實都是健康樸素的材料
滿滿的蛋絲+紅蘿蔔+蟹肉，先為一會先的辣食打個底
蒜香無骨炸雞 $ 228
來到了主角〜無骨炸雞食時的確相當方便！
尤其是女仔，約會食都不老尷
味道很有媽味面調味料的影子，蒜味都適中
外皮炸得夠脆，炸衣不算厚，正
泡菜蛋漿熔岩炒飯$ 158
這個上菜相當精彩，店員會先把芝士倒在圍有蛋漿的飯面
之後用火槍加熱整個飯直到芝士熔化和蛋漿熟透，
再高速攪拌 視覺相當有享受！
味道方面也很好，泡菜比想像中辣了一點點
但有芝士和蛋，味道都很香濃
卡邦拿炒粉絲$ 128 之前有食過卡邦拿炒年糕
沒想過原來粉絲都夾到
而且粉絲煙煙韌韌的，很有口感呢
炒年糕$ 138
這道是比較平凡但本人就很喜歡的
這裡的炒年糕味道也是偏辣的，
而且不會太甜 喜歡食年糕可以試試
今日好姊妹生日, 適逄她放假, 當然要即刻約食飯啦. 由於好姊妹想食韓國菜, 位於尖沙咀金巴利道有一條韓國街, 有好多間韓國食店. 所以我上OPENRICE 揀餐廳. 最後選了OPPA Coffee Bar Restaurant位於尖沙咀金巴利街1號F地鋪。餐廳只有一位職員，他是一位韓國Oppa, 只講英文及韓文
秘製章魚蛋槳溶啱炒飯$168
Oppa送上一碟用圓盤戴上一份 平平無奇的章魚炒飯，飯上放滿芝士，盤邊放滿蛋槳。Oppa會用火槍在客人面前表演，將這平平無奇的炒飯變成一碟美味可口的炒飯。將芝士燒溶再撈埋一齊，整碟炒飯好味程度爆燈。雖然好多好多芝士，但唔會有膩的感覺。
蜜糖牛油無骨炸雞半隻 $198
皮脆肉嫩, 炸到金黃色, 色澤美, 賣相已經一流. 還有好多蒜頭鋪滿在金黃色的炸雞上面. 炸粉薄身, 牛油味剛好. 唔會覺得油膩 而且我地選了無骨, 食落啖啖肉, 爽呀!
我地還叫了韓國果汁，梨及提子 $25一罐
餐廳環境唔算大，但捧場客多到座無虛席，就連門外都大排長龍，令我對呢餐都有啲期待☺️
??泡菜蛋漿熔岩炒飯（$158）
呢個炒飯係直接將所有食材搬到去我哋面前即席製作，店員將蛋漿及大量芝士倒係泡菜炒飯上，然後以火槍燒至芝士溶化，所有食材與燒溶咗嘅芝士撈勻後可拉出超誇張嘅拉絲?芝味濃之餘仲辣辣地，非常邪惡吸引，惹味到食唔停口?
??韓國韮菜海鮮煎餅 (大)（$150）
煎餅配料有蔥、魷魚及蝦等，每件都大大件，而且幾厚身，味道不過不失，但如果配料重手返啲會更好！
??牛肋骨湯 (小)（$168）
牛肋骨炆到差唔多骨肉分離，夠腍又入味?湯底清甜仲有好香牛味，份量都唔少，確係唔錯??
整體食物份量偏多，多到要打包返家做宵夜?而且價錢又唔貴，真係好啱一大班人嚟食??
超人氣芝士飯X韓國美食
於尖沙咀中有一條韓國美食街就係人都知，韓式美食店林立到星期六日晚上都要大排長龍。
今次就選擇左芝士飯聞名GE OPPA COFFEE BAR RESTAURANT。
星期6晚上6點多就開始出現人龍，店內亦一早佈置好聖誕裝飾準備迎接聖誕。
火腿蛋漿熔岩炒飯$158
店舖招牌名物，熔岩芝士飯系列可以話係每枱必點。
店員將芝士飯上碟後再加強漿同將大量芝士幼條鋪滿飯面，再用火槍加熱令芝士溶化，最後再將芝士、午餐肉、紫菜、蛋、炒飯攪拌均衡，輕易做到芝士拉絲效果。韓國午餐肉肉粒配上芝士入口超邪惡。
辣泡菜味都好吸引，下一次一定要再試試辣泡菜味!
HONEY BUTTER FRIED CHICKEN Half $178
正宗韓式炸雞是每次指定必點的食物!
蜜糖牛油炸雞下會有薯條墊底。 炸雞亦選了無骨方便入口。
炸雞最怕便是雞肉太乾，但店內選用了比較優質雞肉，咬開後仍有肉汁。
而蜜糖牛油醬汁香濃，配上脆炸雞皮同滑嫩雞肉，正!!
蟹膏蟹肉紫菜包飯$108
蟹膏味帶鹹香，微微帶辣。而份量都不少，整條包飯量亦好多，適合多人Share!
?OPPA?
最近見到韓國街好多人排隊，自己都想食埋一份。呢間平時好多人，難得今日黎到唔洗排隊，當然入左黎！
韮菜海鮮煎餅，超大份量！韮菜都落超多，一客有8件，食落唔會得粉，口感好豐富，滿口都係啖啖韮菜，不過旁邊嘅醬汁略咸左少少。
泡菜蛋漿溶岩炒飯，有專人係你枱上主理。先倒上蛋漿，再加芝士，然後猛火燒溶，整個過程約2-3分鐘。食落真係好邪惡，泡菜同融左嘅芝士真係絕配！難怪個個黎到都必點！
排骨薯仔湯，味道夠哂正宗，排骨大，肉多，入哂味！美中不足係無得跟白飯！
ᎾᏢᏢᎪ為你炒飯喔！
尖沙咀金巴利街係一條韓國街，有韓國小食、超市黎餐廳既街道～呢間”OPPA Coffee Bar Restaurant”係我仲學緊書追韓星既時候曾經同朋友黎食過?嗱嗱嗱….唔以為好耐咁呀?係幾年前既事啦?
今次坐左係透明落地玻璃既位置，可以望下出面既車?店內既裝修簡潔，係以工業風水泥牆同擺設簡約，令人覺得舒服。大約2左右黎到食，keep住都有食客進出~
? 泡菜蛋漿熔岩炒飯 $158
見到ᎾᏢᏢᎪ為很多枱食客親身煮理蛋漿熔岩炒飯，證明好多人都點左?
ᎾᏢᏢᎪ親自在我們面前先把滿滿的芝士放在飯上，好邪惡?然後用火槍燒熔芝士?同整熟蛋漿?，望著芝慢慢地溶掉，也很治療喔?然後把飯和芝士蛋漿炒均勻，芝士可以拉到好長好長呀~每啖飯都含有泡菜～
?烤牛肉飯 $78
呢個係套餐黎配泡菜同韓式餃子，仲會配即磨咖啡☕️，杯咖啡係朋友飲嘅所以無特別影到。牛肉用左麻油味黎醃製，味道比較重好濃味?還配合左椰菜同芝麻粒
?魚糕湯 $180
原本對魚糕冇咩興趣，但係喺韓國食過第一次之後就愛上左?有啲掛住所以都叫黎食覺～
無諗到都係用左大既竹籤串住，有2大串。有唔同款式既魚糕
湯也是魚糕的重點，有隻蛋蛋和蘿蔔係入面。
?韓國柚子蜜$27
想叫下韓國罐裝飲品飲下，不過價錢好似貴左點點?
芝士控?請注意⚠️
.
?泡菜蛋漿熔岩炒飯$168
真．韓國oppa親自過來用火槍燒熟蛋漿同埋燒熔啲芝士，畫面好似火山爆發咁壯觀?
睇吓拉絲可以拉到幾長?
邪惡芝士配上微辣的泡菜炒飯，味道不錯??
.
?三色韓國煎餅$135
一碟滿足三個口味? 有?泡菜煎餅、?蔥煎餅同埋?南瓜煎餅，泡菜經典香辣，蔥清爽，南瓜清甜?
.
?韓國果肉果汁(梨） $25
朋友喝簡單的果汁，說是很天然的水果味?
.
?米酒（蜜桃） $105
很治癒的味道?不太嚐得出酒精味，就是甜甜的米香和芳香蜜桃?
又很大瓶，足夠兩個人喝?
每次想食韓國野都會諗起韓國街，今次就去試左一間幾出名嘅餐廳?真係有韓國人架?oppa~
·
海鮮蛋漿熔岩炒飯($168)
落完單等左幾個字先有得食，oppa會係你張枱直接用火槍燒熔啲芝士，望住佢枝火槍郁得咁快，好驚佢會燒到手指??燒完之後仲會撈埋，海鮮份量唔多，但咁大份可以share食再叫其他小食都得?
尖沙咀人氣韓國餐廳——OPPA Coffee Bar Restaurant，位於金巴利街，地理位置方便、可達度高，經常有好多人排隊等位～ 餐廳以淺色水泥牆為主調，牆上放左一系列韓國酒瓶作為裝飾擺設、同時亦掛左兩部電視放播各種k-pop音樂, 令整個環境充滿韓國氛圍?? 食物種類方面應有盡有，一般受歡迎既韓國菜都可以係餐牌搵到；餐廳貼心設有無骨炸雞，岩晒怕麻煩既朋友，醬油味炸雞惹味開胃，但略嫌醬汁放耐左，會令炸雞保持唔到原來外層香脆既口感。推介泡菜魚糕拉麵，湯底濃郁邪惡，辣度適中，屬正宗韓國泡菜拉麵，令人食上癮? 而炸紫菜包飯，做法特別，有別於一般紫菜韓式壽司卷，餡料充足，飽肚感十足～ 總括而言屬於一間水準中上嘅韓國餐廳?
性價比真係低
一個紫菜包飯卷要差唔多100
蛋卷188 ?
蟹膏蟹肉紫菜包飯 有蟹膏但唔係好食到蟹肉
泡菜芝士紫菜包飯 正正常常無咩特別
芝士蛋卷 份量係多既 要分兩個外賣盒放
茄汁搶晒晒其他味
尖沙咀韓國街既呢間餐廳一直人氣高企?今次終於到我同男朋友去試試OPPA既手勢?
?秘製章魚蛋漿熔岩炒飯 $198
餐廳既招牌菜 食完都覺得係‼️必叫‼️
店員會喺你面前將蛋漿同芝士碎倒入炒飯，再用火槍不斷加熱?等d芝士同蛋漿溶晒，撈勻佢地就食得?
店員仲會拉個超長拉絲出黎，我呆左，未見過咁長既拉絲???
成件事好似表演咁，好有gimmick❤️?
炒飯炒得均勻入味，章魚份量唔少，夠煙韌彈牙！每啖都食到芝士香、炒蛋同章魚?，口感豐富?
?蜜糖牛油炸雞 $228
兩個人其實叫半份都ok?但全份都只係貴$30，所以最後都叫左全份?食到勁飽！
炸雞外皮脆卜卜?雞肉夠嫩，咬落去有肉汁?
蜜糖味較出，食落甜甜地☺️
另外仲配上細細碟醃蘿蔔，酸酸地好開胃，又有解膩作用??
?韓國果肉果汁 (梨) $25
食韓國野一定要配埋韓式飲品?
梨汁幾清甜，易入口，一邊飲仲一邊食到啫喱狀既果肉，幾正??
晚市多人 要排隊一陣
尖沙咀金巴利道應該被冠以為小韓國之稱，原因係有一條小街充斥着真正正宗嘅韓國美食以及商店，零舍別樹一格???
其中經常會見到oppa restaurant 長期大排長龍，除咗韓流依然紋風未減之外,更重要係原來呢一度亦都有招牌菜式，當然店舖入邊嘅OPPA 絕對係招牌嘅一個代表??
卡幫拿無骨炸雞： 咁多款炸雞之中呢一個夠晒fusion，卡邦拿當然就係西式嘅醬汁，除咗有白汁嘅濃郁之外亦都有洋蔥嘅香氣，至於炸雞最欣賞嘅地方就係唔會過分脆，太過追求脆嘅話代表粉落得比較多，再加上太高溫嘅煎炸亦都有少少可能令到雞會乾。呢一款炸雞皮夠薄同時亦都脆中帶嫩，亦都好好保護到成舊雞塊嘅鮮味度，再加入埋卡幫拿醬汁，絕對係更濃郁嘅配搭
章魚蛋漿熔岩炒飯： 絕對絕對係呢一度嘅招牌菜☺️☺️☺️☺️☺️☺️???????。 首先會有鐵板同埋整好嘅炒飯喺面前，然之後加入大量大量嘅蛋汁同埋邪惡芝士，之後就係全場嘅戲肉‼️‼️‼️‼️‼️
用火槍不斷加熱蛋同芝士?‼️?‼️‼️?
然之後再轉啊轉啊轉啊平均燒熱鐵板同埋芝士蛋漿，除咗視覺享受之外，燒緊嘅途中更有陣陣飯香同埋焦香湧入鼻腔入面，少少焦嘅芝士更可以帶嚟拉絲效果。 去到大約八成熟之後就到另一個環節，將圍繞着飯嘅蛋漿同芝士同飯撈勻??????????越撈就會越黏，去到某個時機就可以輕鬆連番一起拉絲。 既賞心悅目同時成為呢間餐廳招牌名菜。即刻嗱嗱臨攞返個手機影低呢一個珍貴時刻。 表演完畢唔知味道如何呢。
當然味道絕對充足，蛋夠鮮夠香，每一啖韓式炒飯已經包圍着均勻嘅芝士，滴水不漏，牢固咁樣癡喺匙羹入面，每一啖都係軟糯嘅味道，色香味俱全果然浪不虛名
作為一間受矚目嘅餐廳除咗有好嘅食材之餘更重要就係要擁有自己嘅特色。 呢間餐廳提供視覺及味蕾嘅雙重效果，真係難怪長期有咁多擁躉支持✅??